Exam a hnaih avangin kan sitting room tukverh kianga thu chungin lehkha ka chhiar lauh lauh a. ‘Kutchu : Where are my glasses?’ ka tih lauh lauh lai chuan motor tlan thawm ka han hre ta a. Thutthlengseia thu ka nu, kawrlum thiat mawlh mawlh chu ka han melh a, a kawrlum thiah ringawt a buaipui avang chuan motor tlan thawm chu a hre ve lo niin ka hria a. Dimte hian tukverh puanzar chu ka han keu a, darthlalang phen atang chuan rem leh rem lo hian pawnlam ka han bih a.
Kan kawmthlang kawngpuiah tak mai chuan Tractor hi a lo ding a. A zat hian ka za chuaiin ka hria. Ka rilruah Kutchu lam reng reng a lang tawh lova. Tractor kiangah chuan ka thiante chu an ding khawm laih a. Ka lehkhabu khuh thawk pah chuan “Nu, tractor ka en dawn!” ka han ti a. Ka nu chuan, a kawrlum thiah lai chu chawlhsanin a malchungah a han dah te te a, chutah, “Naktukah exam in neih kha, lehkha kha zir hle hle rawh. Ka zawt dawn che nia,” min han ti a. “Ka zuk en zawk ringawt dawn alawm”, ti-a ka dil ngial hnu-ah pawh a phal miau loh avangin ka lehkhabu chu ka han keu hawng leh a.
Mahse, ka rilruah Kutchu a lang lo; tractor chiah a lang. Ka nu’n a kawrlum thiah lai a chhunzawm leh hnu chuan tukverh ppuanzar chu ka han keu hawng leh dek dek a. Ka thiante chuan an lo la bawr laih laih a. A then chuan a kepui te chu an chul vel a, a then lah a hnuaiah an lut tlang vel a! Chu mai a la ni lo, Siama phei chuan a khalhtupa thutna-a thu chungin a khalhna a tuaivir vel a. Ka chhuak chak lutuk chu awmngaihna pawh ka hre mang lo. Chutia ka en reng lai chuan a khalhtupa a rawn kal a, ka thianteho pawh an darh hak a. A then chu ‘a inher dawn a nia, a inher dawn a nia’ tiin an te chul a. Ka insum zo ta ngang lova, ‘Nu, choka-ah ka kal lawk dawn’ tih pahin ka chhuak a. Sitting room kawngkhar ka khar rual chuan a tlanin ka tlan nghal a.
Kawmthlang kawngpui ka thlen chuan a lo inher zo tep tawh a. Ka thiante zinga ding chung chuan tractor han inher vel lai chu ka thlir a. Khatih lai ngat kha chuan, Tractor han inher vel, a lu leh a tak inhawisan hu hu chunga a han che vel tluka hmuhnawm kha a tam lo. A inher zo chu, a tlan tan ta a. Kan um nghal hak a. A rem chang changah kan uai a. Pu Rawna te kawmchhak kawngpuia a tlan lai te chuan kan uai phei nawl nawl a.
Nuam tak a ni ringawt nuam tak! Chutah le, tractor chu a han ding ta thut mai a. Inrin lawkna hman awm hek lo,kan uai then nawlh a. Ka sir chiaha bet Rama chu Tractor hnung bangah a intauh chawrh a. A din rual rual chuan kan vawn kan thlah a, kan tlanchhia a. Tractor khalhtupa hakuh zet mai chuan min au zui tuarh tuarh a.
Kan la duh tawk chuang ta lo cheu. Siama te In lam atanga tlan khalh tumin step-ah kan tlanthla hlawk hlawk a, inpal thlu nawk nawk pawl pawh an awm. Siama te kawmthlang a rawn thlen chuan kan um leh a, kawng chhuk a nih avangin a tlanchak phian a, bet hman lo an awm ta nual mai. Kei erawh, ka hman ngang mai. Motor hnunga beh te lek lek hi chu arpui no hruai lai pet pawp ang vela ka hnehsawh a ni. Kan khua a chhuahsan dawn thlengin ka bet thla a..nuam tak a ni ringawt nuam tak!
April 7th, 2011 at 11:05 pm
Ka lo bih dek dek chhiar hmain…
Report this comment
April 7th, 2011 at 11:27 pm
Report this comment
April 7th, 2011 at 11:30 pm
Fimkhur! In in chil tir palh ange..
Report this comment
April 7th, 2011 at 11:32 pm
Khonge ka post 2 na kha? A bo daih!.. Mak ngei mai..
a tur tu nat/chak vang nge luhlul vang.. Luhlul ve hle mai.. Nia naupan lai hun hi a lo nuam ber mai ..
Report this comment
April 8th, 2011 at 12:19 am
Report this comment
April 8th, 2011 at 12:21 am
Motor hnung a beb ruk hi chi loh top, dul pilh tuarh in min hnuk toh a, ka sim chiang rap, mahce, nuam ve thin khop mai.
Report this comment
April 8th, 2011 at 12:35 am
haha thupui fun deuh tur emaw tih naklaiin…
Report this comment
April 8th, 2011 at 12:56 am
chiap_chiap hnuaia ka comment a bo daih, angai thoin ka comment leh ang
“kutchu” chu i ziak thiam hle mai
Report this comment
April 8th, 2011 at 1:18 am
Whoop! ‘comment’ tiin ka type reng sia ‘post’ tiin a lang daih! Ka keyboard hi a chhe ee .. Lol..
Hets. Pu HV naktuk zanah u Sangi ( hotel bellevue) te nen kan in hmu mai thei a niia.. ‘in nau kha a fel dan a sual’ ka ti mai thei. J/k
Report this comment
April 8th, 2011 at 1:21 am
chiap_chiap Kulikawn Nu Zami a thih thu lo hrilh ta che, darkar 3 liamta vel khan a chatthla. Chibai min lo buk sak dawn nia.
Report this comment
April 8th, 2011 at 1:26 am
swaraj mazda tlanlai a beh ka tum ngawt a min phih zek…ka haw nal nal.. : )
Report this comment
April 8th, 2011 at 1:31 am
Ok.. Naktuk zan hian mz house ah chaw eikhom awm don a.. An ron kal ve chuan lo hrilh tuk ang…
Report this comment
April 8th, 2011 at 1:41 am
chiap_chiap, Ahakali?… ok Dhanyabad
Report this comment
April 8th, 2011 at 1:48 am
Kutchu ngaihawm ve hranpa khawp mai byheart tum in .Kutchu where are my glases uluk takin kan han ti thin te kha.
Tractor Bairabi rd kal awm chhun anih lai te kha a la rei loh nen .
Report this comment
April 8th, 2011 at 1:56 am
Bairabi hian ka lung zuk len thin tlat pek a!
Report this comment
April 8th, 2011 at 8:20 am
Keipoh motor tlanlaia uai/beh tih vel i chu ka thiam ve thei lutuk mahse thingkung lawn hi ka thiamtheilo re2 tetlai khan. Tractor hi chu a tlanchak vaklo bawka ka hman/peih hun2ah ka uai/bet thei. F1 car te hi a takah hmu ila rawn tlan sela uai/beh tumin han um chhin ka chak reuh khawp mai.!!
Report this comment
April 8th, 2011 at 8:55 am
Kan khua velah chuan eng motor mah an tlanchak tak tak lo..i bet hman mai ang @ Zrma_C
Report this comment
April 8th, 2011 at 8:56 am
Tractor hi a lawmawm ve khawp mai. Bilkhawthlir kan awm lai khan a thawm kan hre ngun a, Aizawl kan rawn chhuah chhoh khan, tumkhat chu, zanah mut thep tawp laiin, kan fapa upa ber hi room lehlam a a pu hnar ri chuan a tiharh ni tur a ni, thutchhuah phut pah hian ‘chu tactor’ an ti phut mai a. Nuih a za duh ang reng.
Report this comment
April 8th, 2011 at 9:12 am
Tractor han sawi takah chuan kan naupan lai kha chuan kan lawm ve thei khawp mai. Tin tractor hi motor ah chuan a seat chan a har khawp mai an ti passenger hoin
Report this comment
April 8th, 2011 at 9:15 am
Shillonga college kan kal lai khan tum khat chu ka cousin fapa hian Tractor lem min rawn chah a..leitur ka hmu zo lova. Aizawl-ah ka zawng leh a, ka hmu zo leh chuang lova..Digger lem ka leisak ta ringawt a. A lem hi a vang ang reng khawp mai
Report this comment
April 8th, 2011 at 9:29 am
Tractor lem lei tur hmuh zohloh chuan tuk sak tawp mai tur alawm
Report this comment
April 8th, 2011 at 10:32 am
Khawnvartui phur truck-a ka beh tumin tum aiin a tlanchak leh si a, ka zuang thlakna lamah kawngpuiah ka chal ka tauh pawng awl tawh.ka thi dang vel…cl-3 kan nih lai.
Report this comment
April 8th, 2011 at 12:32 pm
pan lai nun ngaihawm duh hle mai a.naupan lai chuan police motor a beh hi kan ngam ngai thak lo ve tlat
Report this comment
April 8th, 2011 at 6:24 pm
motor a zawngah Ambassador kar a beh ruk nuam ber… a bumperah kan thru su zep2 thrin…. sipai one tonner leh Shaktiman -ah te poh kan bet ru thrin…
tractor-ah cuan Pu Lathu-a tractor leipaihah kan cuang thrin..
Report this comment
April 9th, 2011 at 3:03 am
kan naupan laiin chite luiah tuicheng turin kan kal thina, haw lampangah armed veng kawng chho vela motor a rawn tlan chhoh chuan a bet ve hmanlo chu kan hah duh bik khawp mai, tui chen chauh tawh lamah phei chuan.. Motor beh hrim hrim ah chuan Indica hi a har pawl ani in ka hria..
Report this comment