Sâidâwiûma tuivawt dah khal hi boruak thawlênga kan hûn chuan, rei vak lovah a pangah tui a rawn awm tiam tiam thin a, a rei deuh hnu-ah phei chuan luang thei khawpin a rawn awm hial thei. Hei hi eng vang nge kan tih chuan, boruaka tuihu lêng vel, hmuh tham loh kha vur vawt tak khan a hip khawm ta chiam a, tichuan Sâidâwiûm pangah khan a lo fuankhawm ta mai a ni.
Hei hian ramngaw hlutna a hrilhfiah thui khawpin ka hria. Hetiang deuh chiah hian ramngaw pawh hian boruak thianghlim leh vawt, ruahtui thlengin a hip khawm thin a, sik leh sa nuam tak a lo awm ta mai thin a ni. Sik leh sa nuam tak neih kan duh chuan ramngaw neih that/humhalh that a ngai tihna a nih chu!
Boruak thianghlim Oxygen siamtu, boruak vawng dâitu, leimin tur vêngtu, nitin mamawh châk min petu, nungchate inpui (habitat), tui thianghlim supply-tu, damdawi (medicinal plants) kan hmuhna hnâr, sik leh sa hervel tha taka vawngtu an nihnate hi sawinawn fo ngai tawh lo tur khawpa kan hriatsa a ni.
Kumtina ramngaw ti chereu zel chung sia ruahtui malsawmna Pathian hnena dil chiamte hi thil inhmeh lo a ni. Leilung dan (Law of nature) kan tih hi a dik chiah chuan Pathian dan dik tak a ni mah zawk. Khuarel (Nature) chunga zahngaihna kan neih phawt chuan khuarel a fel a, a zaidam a, zah a ngâi ve mai bawk. Chu chu tawngtaina nun sâng tak a ni ka ti ve mai thin.
Khua a khen a, a lum lutuk avang te, a hun lova ruah a sur tlûrh tlûrh avang te, thlipui na tak a thawh chiam avang te, lei a min chiam avanga chhiatna kan tawhte hian chuti ngawta vui thei kan ni lo. A bulthuma chhut chuan a zavai chuan ni vek kher lo mahse, nawmsak leh changkan kan duh luatna avanga kan daibuak khaw loh vang a ni fo va, khuarelin zah a ngai bik lo a ni mai. “A vawtu-in êk a cheh” tih ang deuh a nihna lai a awm.
Zoram, Kristian ram hian eng nge tih tur kan neih le? St. Francis of Assisi te, Martin Luther-ate anga, “Naktukah thi dawn ila, vawiinah thing ka la phun cheu vang,” ti thei kristian tha kan va mamawh em! Kenya Negro nu turu, Wangari Maathai, a hmalakna hnuaia thing maktaduai 40 aia tam phun tawh hian, “Planting a tree is an act of faith,” ti hialin a sawi.
Baptist Kohhran Inkhawmpuilian Brazil-a neih tumin tlangram lo neih leh lo hal chungchangah Baptist World Alliance (BWA) President chuan Rev. Dr. K.Thanzauva hnenah, “Pastor, kawng dangin hmun dangah rawng in bawl a ngai lo ve, haw la, khatiang thil tha lo kha tih tawp vat dan i ngaihtuah theih chuan a tawk,” tiin a lo hrilh. Thuk rem rem tak a ni, ngaihtuah a tithui raih raih khawp mai.
Kum 1854-ah America President Franklin Pierce-a’n Red Indian Lalpa, Chief Sealth (Chief Seattle tia hriat lar zawk) hnenah an ram leisak tuma lehkha a thawn, Chief Seattle-a’n a chhanletnaa a tawngkam pakhat – “Lei hi mihring ta ni lovin mihring zawk hi lei ta a ni a. Thil zawng zawng hi thisen inzawm chhungkhat angin a inzawm tlat a. Mihring hian nunna zâi khat pawh a tah lova, mihring zawk hi nunna zâi khat lo awm ve chu a ni chauh zawk a. Chu thil tah chu a tihbuai leh amah chu a buaichai a ni ve mai” tih thu hian a hmawr kan bâwk teh ang.
A thupui (title) atana ka rawn hman chu ka tlan san lek lek mai ka ti.
Similar Posts:
- LPS Comedian Search 2011?
- Thianghlim Thianghlim
- Mizoram Boruak Thli Fim Ka Ngai Thin
- Ka nuam ve e..
- Hnapkhir hi eng rawng nge???
April 9th, 2011 at 2:01 pm
Ka hre ve thiam chiah 1ova; mahse, humha1h na 1ama ṭhahnemngai leh zua1a ṭan kan 1ak chu a ṭu1 khawp mai.
Report this comment
April 9th, 2011 at 2:01 pm
Ka zak miah laa..
chhan sakhmel!
Report this comment
April 9th, 2011 at 2:06 pm
Chhana keyboard ah hian L a bo chiang mai, a tlawm thoa lei ve mai teh 1 hlir hman ai chuan
Report this comment
April 9th, 2011 at 2:11 pm
Vur khalin a hip khawm nge, a lo condense-tir zawk le? Analogy i pe thiam hle mai! Ramngaw awm lohnaah khawsa chiah ila, ‘laiking bel rawh’ hmuh reng kan ning khawp ang! A nghawng chu namai lo tak a ni bawk ang.
Report this comment
April 9th, 2011 at 2:14 pm
Thing ro takngial pawh nungchate tawmbuk a la ni cheu. A hring phei chu …
“thing bul tinah hreipui …” tia Mizo Bible-a lehlin kan neih hi KJV lamah chuan ‘root’ a hmang a, ‘thing zung tinah hreipui …’ tia lehlin a inhmeh zawk lo’ng maw le?
Report this comment
April 9th, 2011 at 2:16 pm
A va pawimawh tak emmmmm????misualte u…korean ho pawhin an humhalh thra khawp mai..
Report this comment
April 9th, 2011 at 2:16 pm
“Pastor, kawng dangin hmun dangah rawng in bawl a ngai lo ve, haw la, khatiang thil tha lo kha tih tawp vat dan i ngaihtuah theih chuan a tawk,”
He thu hi eng rilru pu in nge thuk i tih dan chu?
Report this comment
April 9th, 2011 at 2:34 pm
Chief Seattle-a lo thai lang e…
He Red Indian lalpa hi thing leh mau,nungcha humhalh lamah chuan a chhuanawm ka ti ve khawp mai. Kan tet laiin a lehkhathawn hi kan chhiar thin a mahse higher ah kan zirlaibu ah alo awm leh keuh bawk a. Mi hi a hneh em….lo la chhuah la a tha ang.
Biodiversity lam hre miahlo mithiam a awm thei tak tak dawn loin ka hre tlat bawk he khawvel ramzau mum tit tet ah hian…
Good Post
Report this comment
April 9th, 2011 at 2:54 pm
A ngaihnawm khawp mai. Kan ramngaw te hi an hlu a, keinin kan humhalh loh chuan tuman min rawn humhalh sak dawn lo ani tih hi kan hriat reng a tul khawp mai.
Report this comment
April 9th, 2011 at 3:10 pm
Adobe acrobat distiller hi ka va mamawh ve,,,Aryan te angin kan hausa ve si lova, leina tur nei ve si lo a. min lo pui teh uuuu
Report this comment
April 9th, 2011 at 3:35 pm
chemtatrawta, yahoo/google/bing ah zawng tawp rawh
Report this comment
April 9th, 2011 at 3:36 pm
ka zawng ve raps…an dah duh thrak hlawm lo aa..ka google ve nasa lutuk
Report this comment
April 9th, 2011 at 3:37 pm
filestube ah te i en em?
Report this comment
April 9th, 2011 at 3:54 pm
Home Extended Cut 2009 BDRip H264 AAC-SecretMyth (Kingdom-Release – a rei toh deuh naa he documentary hi doenload ve roh un hmuhnom tak ani
Report this comment
April 9th, 2011 at 4:00 pm
trawt…naktuk zing sunday market va kal la,,,,an lo nei maithei asin i thil duh ang chi bungrawnem te khi chu
Report this comment
April 9th, 2011 at 4:03 pm
Good Post. Ka Amen thlap e. Sawi belh ve tawh lo mai teh ang. Middle School kan kal laia ka Tlaizawng phunah te chuan ka lawn ngam tawh lo hial zawk a ni. Min va tihlim thin tak em!
Report this comment
April 9th, 2011 at 4:06 pm
majualte, sunday market hi chu chhangchhiatthlak thei em mai..
Report this comment
April 9th, 2011 at 4:09 pm
‘Thing leh mau te an va hlu
Boruak thianghlim min pe tu
Kit suh ang u ram ro hlu
Enkawlin i veng zawk ang’…tih naupang hla te kha a va lo tha em!
Report this comment
April 9th, 2011 at 5:06 pm
Forest officer ho eiruk hi a nihna turah hmang ila chuan aw….
Lo vah hi a tibo thei tu chu sorkar, a thlakna an siam loh chuan a ngaihna a awm lo!! NLUP te hian a ti ziaawm turah ngai ila, i tawngtai zawk teh ang u sel luih2 lo hian, tawngtaipui loh chuan Luliana te ho hian an ti khawbaw leh palh ange..
Report this comment
April 9th, 2011 at 5:58 pm
Entirna i pek khi a tha khawp mai. Ramngaw hian tangkaina tam tak a nei a kan vat chereu vak pawh hi uihawm tak a ni. Keini tlangram lo neih bansan hlei thei lo leh thingtlang loneitute tana loneih dan tha zawk kan la inzirtir theih loh lai phei hi chuan Jhumin cultivation atana ramngaw thiah tur kan la nei hi chu kan vanneihna pakhat a ni ve tlat.
Ramngaw hal duai duai hi loneihna atana kan hmang a nih chuan ka la support lo thei lo tun dinhmunah hi chuan. Chutih laiin kan neih phak bak bak thlenga kan fimkhur tawk loh vanga kan hal kang thin erawh hi chu fimkhur a ngai khawp mai.
Report this comment
April 9th, 2011 at 6:21 pm
Mizoram hmuntin a lum tawh khawp mai, zin veivah in kawngpui dung atanga hmuh phakah ngaw hmuhtur a vang khawp mai.
thingtlang a sawkar hnathawk leh awmthei deuh in hlawhfa la a lo zau tak tak an nei hi chu chung ami te sawi nen khi chuan a dang deuh…
Report this comment
April 9th, 2011 at 7:42 pm
Ka lo ngaihtuah ve mai mai chu Forest Deptt a thawk tam si zia leh Ramngaw chereu nasat sia sia bakah hetiang zat Agriculture lama mithiam kan neih a, sum kan sen hnem tawh tehreng nen, Loneih dan tha zawk min la kawhmuh fumfe thei tlat lo lai hi a ni?
Report this comment
April 9th, 2011 at 10:35 pm
Thu tha tak a ni e
Kalo sawi ve fo thin terrace lo neih hi ching chhuak ilang chuan kan ram leh hnam tan chenfakawm tur mawle.
Report this comment
April 10th, 2011 at 1:12 am
A ngaihnawmin chhiar a nuam kher mai.
Tan i la sauh sauh ang u. Ka lawm e.
Report this comment
April 10th, 2011 at 11:17 am
A ngaihnawmin a bengvarthlak hle mai. Sumdawnna riru chauha thing phun lova kan environment siam tha leh tura thing phun hi a hun tawh hle, kan tlai hle tawh a ni.
Post-tupa daily news paper ah he article hi chhuah rawh.
Report this comment