Pathian thilsiam mawizia leh hlutzia hmu chiangtu Damhauhva chuan “Zun phur thing tin pâr leh khawtlâng lii liai hi” tiin khaw dai vêl a thing buk liîh leih, sam fai atân bâka pawh kan suangtuah phâk loh hlutzia pho lang a, mittui sur zung zung khawpa lung tilêngtu a nih theih dan suangtuah a, hla thu mawi taka phuah chhuaktu dangdaina leh ropuina tlêm hi han târ chhuak leh ila.
A hla tlar hlâwm hnihnaah ‘Pi pu sûlhnu hnam tin lunglai kuaitu’ tiin an tan a, a huap zau a ni. Mihring zawng zawng hian hun kal tawh ngaihna lunglênna hi kan nei vek âwm e. ‘Lung tilêngtu’ ti lova, ‘lunglai kuaitu’ tih hla thu, mi hman ngaih loh a chher chhuak hi bih chian dawl lai tak pakhat a ni.
Video: Mizo Hlakungpui Mual Silver Jubilee Lawmna 2ndDay
MI-na hman pawh a awm lo, thla lá-in kan phe suau suau mai.
ThaiBoih leh Tawia 1st Day chauh rawn hmangte kan hlêpna ni Ropui chu.. 
Hla tlar bul leh a lai hawla ‘lung tilêngtu’ tih dahin hla thu mawi takin a hman theih. Hla tlar tawpa a awm chuan tawngkam pangai mai a ni thung. Hla tlar tawpah ‘lunglai kuaitu’ tih a han hmang ta daih hian chu thil rem lo chu remah a siam a, Damhauhva hla thu rilzia a belh chhah a. A’n hawi maia a thil hmuh tin rêngte chu hla thu hnâr a ni zêl a.
Ṭiau chhûm pawh a ṭiau chhûm nihna sawifiah siin ‘ṭiaupui chhûm’ tiin hla thu thar (hla thua hman ngai loh ti zawk ang) a rawn rem chhuak leh tlat. ‘Thlêkna’ hi thumal pangai hman lar tak a ni bawk (e.g.: Ka thlêkna lamah lo thle suh) . Mahse hla thu-ah seng lûtin ‘Dâwntuai thlêkna’ a’n ti leh daih a, hei hian zir chian a tidâwl zual. Keini ang duang tân chuan ‘Dâwntuai lênna khaw chul ram’ tise a hla thù hliah hliah tawh vei nên. Nula tlangvál te lênna khaw hmun hlui mai pawh lunglên thlâk taka a phuah chhuak thei hian ‘Hla Kungpui Nopui’ a dawm tir rèng a ni.
A hla thu hlawm hnung lamah hian a lunglên kûrpui turte dap khawmin sava hram thiam leh therengte pawh chu lunglêng ve ngei turin a suangtuah a, heta lunglêng a sawi nân hian hla thu ṭawngkam dang a hmang leh tlat: ‘Thinlai chhâwl ang uai ve ang maw?’ tiin. Tunlai ṭhangthar phuah zawng nise, ‘An lung a lêng ve ang em?’ an ti leh tlawng mai thei. Chutah Vanram thlen hma chu a lunglênna chu a reh mai loh tur tarlangin khawhar chhungte chu lunglên puiah a’n sâwm kual leh a: ‘Awmhar tinkim dâwna rûmte zawng chu – Zâwt vêl ila engtin min chhâng ang maw?’ tiin.
“Awmhar tinkim dâwna’ tih hian khawhar chhûngte dih hmun a phawr chhuak tha hle. Mitthi ngaite hian engkim hi an ngaihtuah/suangtuah kual emaw tih turin ‘la dam se chuan’ tihte hian an suangtuahna khawvel a luah khat zova.
A hla thu khârna fel tak siamin, ‘Hnu tiang hma tiang ka dâwn chângin, Dar tui ang ka luang ral tur hi, lung a awi lo ve.’ a han tih phei hi chuan – hun kal tawh leh hun lo la thleng zêl tur a’n mitthla lâwkin, ‘Pathianin mihring nunna hlu tak a pêk chu ṭawih ral mai atân chuan a uihawmin a hlu êm mai’ tiin a lung tilêng zualtu a la ni zui. Hetah hian Zo hnahthlâk dang (Hmar) tawng chu la lûtin, ‘hnu tiang(hnung lam), hma tiang(hma lam)’ tiin a hla thu tihhausak nân a hmang nghe nghe. ‘Dar ang’ tih hi thil ngaihhlut sawi nân hla thuah hman a ni thin. Damhauhva hian a thil ngaihhlut (a nunna) boral leh mai tur sawi nân ‘Dar tui ang’ a hmang thung hian ‘bih chian’ a tidâwl zual.
Zun phur thing tin par - Damhauhva
Zun phur thing tin pâr leh khawtlâng lii liai hi,
Han hawi vêl ila tah zai min rêltir e;
Ka dâwnin suihlung a lêng e,
Khuarei ka ngai ngam lo ve.
Tlang tin awi lelte a kiu ve,
Zun ngai riang tê ka tahna mual ri-hmîm tlang lii liai.
Pi pu sulhnu hnam tin lunglai kuaitu,
|iau pui chhum leh khawtlang romei zam kâra’n;
Dawntuai thlêkna khaw chul ram leh dawn lung nauvang an nuihna:
Ka hawi ngam lo lung a lêng e,
Ka ngai e hlim lai ni –
Kâwlah liam ka phal love.
Zawtin hrilh theih chang se, chung leng huiva –
Berhva hram thiam thing tin zâr awi leltê nên;
Thinlai chhâwl ang uai ve ang maw..
Hril za ila lunglên hi…
Kei zawng nau ang tlei ka rêl lo,
Tapin khua-vêlah ka rûm Zion thlen hma loh chuan;
Awmhar tinkim dâwna rûm te zawng chu –
Zâwt vêl ilangin engtin min chhâng ang maw..
Kei zawng fam zûn ngaih leh khawtlang lunglên ka phur zo lo ve.
Hnu tiang hma tiang ka dâwn chângin,
Dartui ang ka luangral tur hi lung a awi lo ve.
Source: Posted on October 10, 2010
Similar Posts:
- Hla Kungpuite Bih Chianna
- Mizo Poetry
- Lal Pian hun pangpâr a vul leh ta!
- Ka Vawih
- Mittui nên hringnun
April 14th, 2011 at 11:06 pm
E…
Report this comment
April 14th, 2011 at 11:07 pm
haha E han tih deuh tawp…..
Report this comment
April 14th, 2011 at 11:15 pm
“haha E han tih deuh tawp…..” han tih deuh top
Report this comment
April 14th, 2011 at 11:26 pm
engmah ka phur lo.
Report this comment
April 14th, 2011 at 11:29 pm
Kan haw hnu khan inti nuam tawlh tawlh mai ani maw..?
Report this comment
April 14th, 2011 at 11:29 pm
‘Lunglai kuaitu’ mawi khawp mai-’A saw raltiang tlangah, Kraws hlun tak chu a awm’ tih hlaah pawh khan a awm tak a sin. a mi deh a dang bik chuan a hriat.
Report this comment
April 14th, 2011 at 11:30 pm
zun hi phurh loh tur, a rit duh ee mai
Report this comment
April 14th, 2011 at 11:31 pm
eng zun nge ka phurh le….
Report this comment
April 14th, 2011 at 11:39 pm
Hetiang nikhua hian ThaiBoy te ho zui a chakawm ve thin kher mai
Report this comment
April 14th, 2011 at 11:43 pm
Sawmna
Report this comment
April 14th, 2011 at 11:44 pm
Pu Hv; Kalve la chuan i kur ve khawp ang, Khawbung khawtlang thahnem ngaihna hian rilru a hneh khawp asin
Report this comment
April 14th, 2011 at 11:44 pm
Mizo hla phuahtu te poh hi an tih a tam ve chiang.. I zûn phurin ka chau zo, an tia, phurh tur an neih loh leh i zûn leng ngaiin k chau zo an ti leh a
chutiang hla chu a om tiha han soi tur phei cu k hre hauh lo a..wehe
tiaghian video ron post ho hian engemo hi ziak tel thrin reg teh u..video en peih loh pon chhiar tur a om tal
Report this comment
April 14th, 2011 at 11:48 pm
ThaiBoy, 1999 khan eng eng emaw awareness kampein in kan han be awl awl tawh a, khami tum a ka tlawh bak kha Khawbung hi kala kallo. Hetiang Mizo thl pui thamah hian nangni ang ho, muantea te tih vel etc etc hi ka zui ve chak thin khawp mai che u.
Report this comment
April 14th, 2011 at 11:55 pm
@HV… tu te nen nge in kal..??
Report this comment
April 14th, 2011 at 11:56 pm
Zanin chu kan zun phurh dah kan tum a, review meeting kan nei zo chiah.
@13, Pu HV kan lam mup mup lai hian rawn tel ve la ka ti khawp mai. Mahse thla la kual vela buai ve chi i ni hmel tho mai. Pu Shaia pawh a veh uluk thei khawp mai. A thlalak vawmkhawm bakah pawh khan hmuh nawm deuh deuh tur neiin ka hria.
Report this comment
April 15th, 2011 at 12:14 am
Ava tha tak em! Download a ngaitghla tlut tlut mai. Mizo irawm chhuak ngei kan nunphung hrilfiah thei hla hi a tha ka ti thin. Lunglen lama champion inti em em Lalzovate pawh min ti hre chhuak e a. Originality hi alo pawimawh a ni. Min hneh dan a dang thin e.
Thudang: He hla Tuarpuii khan pitar aw in asa chiam tawh a. Ka hriattirh chuan a tullo ka ti ang reng khawp mai. Kala tet deuh lai(pawl 6 zirlai vel) mi dem huai lai ni bawk a,a tulloh zia mi zingah ka sawi ve nual. Mahse a tilar tu atan tha ka ti ta riau. Hetiang lam hi lo post zel teh u…
Good Post
Report this comment
April 15th, 2011 at 12:35 am
@ Krista, a ni ngawt mai. Thil hi formal lutuka a kal chuan a ropuina tilangtu tur a awm lo fo.
Tuarpuiin Pitar aw-a a sak pawh chu naupang thlenga he hla hriathlawhtirtu a ni thei viau ang.
Report this comment
April 15th, 2011 at 12:52 am
A ni tak asin. Kan hranghlui hla phuah thiam te kha an lo ril khawp mai. An hla pawh belhchian a lo dawl nge nge. Tunlai hla phuah thiam ten an la tluk lo ka tikhawp mai.
Report this comment
April 15th, 2011 at 1:03 am
Post thaah hla tha rawn vawmbei ni maw! a tha double thuai thuai hle mai.
Report this comment
April 15th, 2011 at 2:20 am
A lawawm thuai e.
Report this comment
April 15th, 2011 at 4:50 pm
Mapui ka lawm e, ka lo hawi zau lo deuh a ni. Tunah tak chuan ka speed a hniam deuh a ka play thei mai lo.
Pu Damhauha leh Pu Zawnghuala te hi an hla Siampuii Sailo sak kha ka nei thin a. Kan telegu thianpa hian a awmzia hrethiam si lo hian an zai kha mawi a ti ve em em thin a [lol] a cassette tape kha min dil mauh mai a. Ngaihhruih nan ka pe a, a lawm ve khawp mai.
Report this comment
April 15th, 2011 at 10:32 pm
@Akhang, Daduhi zai leh Pu Ngura Sap hla sa pawh hi Naga thian thenkhat chuan an duh khoops!
Report this comment
April 15th, 2011 at 10:34 pm
lesei tawng ek e bal e ti ho hi lusei tawnga hla an sak ho ngaithla peih2 an nia..
ACT FAST
Report this comment
April 16th, 2011 at 7:59 pm
keimah chuavin ka flat ah kan in hnit hlat hlat chu le
Report this comment