A nun chim chin hriat chu ruihhlo leh ruk ruk chauh a ni. A lei kuai zawng hlirin a che a, nikhat atân tiin a lungthu kim nân a invit leh a. Chumai duhtawk lovin chawltuining zu a dâwn leh ta.
A lu a hai tan a, a par leh ta chhak e. Zah leh zahpah pawh nei miah lovin khawlaiah a ar mit tet khuan leh ta el el e-“Tunge min cho?” tiin. A artial fin chhawr tangkai dan a dap kual a, a chemkal na a zawng ruai a. Chhimtir ar chuk ang maiin a ha hawlh zawng tak ruihtheihthil leh mi bum tur Chhura thawnthu sawi ang in thil ho mai mai a suangtuah chu a pâwt huam a.
Hum sual a dâi reng a, kawlpui kheng thlawn tumin kelpui nau vei ang maiin a van ruai a. Leh lama awr dum, lehlama awr sen reng rengin a hringnun a hmang mek a ni.
Thawhchhuah nei si lo, hnathawh peih bawk si lovin a khauphar thawven ve êm êm lawi si. A damdawi khawihna leh zu in avangin a kut leh ke chu khuai la haw ang mai an ni a. A kut leh ke lian tak chu hnathawh nân a hmantlak bawk si lo.
Khual thu thangah chuan misual buru ber an ti a. A kut leh ke zawr hnuang tawh chu mau mit put ang maiin a khawsa mai mai a. A lua kel sam a to hun chuan a la inchhir ve chêk ang a, inchhirin bân a chen tawh awm si lo.
Mut mawh hnar mawhah a nei chuang hauh lova, ni tla vânvuaiin saseh kawr ang jeans khup tet ha-in sanghar âr rawh ang maiin, pawr fupin a tei tuang tuang a. Rui lo hai lova a awm lai reng reng a nei thei bawk si lo.
Tunah chuan thing zika zawng dan angin, a thil tihte avângin a chep zo ta. Buaina a chhuah a piangin themtleng tê zawk ang maiin a lo tel ve hman ziah a. A chhungte nên chuan ui leh kel thlun pawlh ang hlauh an ni zo tawh.
Tawngthei sa bawp changin keini ruihhlo ngai leh eiruk ching ho chu zawng fian phel ang tho kan ni a la ti fan fan a.
Zawhte no nei ang maiin veng tin leh kawmkar a fangkual a, a nun hian awmzia a nei pha ta meuh lo a ni.
A nu leh pa, a chhungkhat te’n tlumtea thlir tak meuhvin a thatchhuah leh hun nghakhlel takin an thlir reng fova, hnara hlit phawi ang maia an thawl hun leh an nuih hun nghakin mittui nên hringnun an hmang mek a ni.
September 1st, 2011 at 9:03 am
(Y)…. tawng upa i hmang thiam hle mai!….
Chh1ar ch1ang dawn 1la…
September 1st, 2011 at 9:14 am
analh 2aih 2aih hle mai… (Y) hehehe 😀
September 1st, 2011 at 9:25 am
Ni e, thalai zingah hian laiking fa neih mai mai kan lo tamin kan fate kan sezawl chhuah tawp ta mai hian zachham lak a hun hmang liam thut pawh kan lo tam ta.Ang ve tho em? lol
September 1st, 2011 at 9:30 am
E khai! Hnapkhawn pachang hmu ang mai alawm le kan nih le..
September 1st, 2011 at 9:44 am
Mizo Idiom and phrase i hmangthiam hle mai. MAHSE, i ti bold kher khian a hlutna a tibo a, chhiar a ti hrehawm deuh zawkin ka hria. Talent nei(pianpui thiamna nei) ni lo ten, tum luih thil lutuk a, Poetry an ziak ve te pawh a ang e. Tìh hi ka han thlasik mau puah pui ve phawng ang e.
September 1st, 2011 at 9:45 am
#3 @xaia, nalh khawpmai…. 😛 tawifel..
September 1st, 2011 at 9:55 am
Hm….. nalh khawp mai….. thu ziak thiam tak i ni e..post tupa (Post tupa tih hi post man kan ti tawh mai dawn maw ni le?????ha ha ha) (Y) (Y) (Y)
September 1st, 2011 at 10:05 am
Tawng-Upa zirnan a tha hle mai.. 😀
I dek nalh ltk (Y) (Y) (C)
September 1st, 2011 at 10:33 am
Thuziak thiam tak i ni e, Post tupa/Post man.. (Y)
# 5.. (Y)
Tlangval pakhat pawh, tawng upa hman a duh ve si.., an lirthei chuanna kha a duh aiin a ding rei ngei ni tur a ni. A ngawi vung vung a, “Par ang i kal tawh ang u hmiang” a ti ve thuai! 😛 😛
September 1st, 2011 at 10:56 am
Lenlai par ang chen in, hringnun tui ang a vui liam e..!! Ti ve thruai…
Tawngkam chu i varak tui thiam hle mai a! Prose ah pawh hian lungkuai deuhva thil sawi nan chuan poetical words te hi hman a ni duh khawp mai. I thuziah hi free verse a ang berin ka hria…tiin han inla ril ve khanglang ila…
Tha khawp mai han ti zel teh (8)
September 1st, 2011 at 11:02 am
ngaihnawm hle mai, ka chung a mi khi ka (Y) e
September 1st, 2011 at 11:10 am
Thuziak (ziah ni lo) tha tak a ni e
September 1st, 2011 at 11:11 am
PKfanai chu tha ti vak lo ni maw? Thu ka thiam vanga ziak ka ni lem love tih erawh ka hre chiang e.
September 1st, 2011 at 11:19 am
😀 😀 😀 …….Nalh ve….. (Y) (Y) . in show off hi an lo ti daih ang che a 😀 😀 😀 😛 😛 😉
September 1st, 2011 at 11:30 am
Thu tha tak tura duan mahse a tawngkam mawinain a hliah then tlat si ka tihsak ang che anga i huat loh ka beisei. I thu erawh a tha thlawt e. Mizotawng thiam i tumna leh i thiam ang i hman mek hi a ropui hle mai. Thu tlemte ziak e ti loin, mi nazawng hman ve thiam loh i hmang hnem hman em mai. Inchawih tawk chiaha i hman thiam hunah chuan tun ai hian ka ngaisang dawn hrim hrim che niin ka inhre deuh tlat mai. fiamthu fiamthu fiamthu…thu tak tlem telin.
September 1st, 2011 at 11:31 am
Post tupa, Phrases hmanthiam hi, mibikte chauhin an thiam a ni a. Hman tur i hre zo zai ka ti. Mibik chu i ni a lawm. Mahse, hmasawn zel nanah tiin, i ti bold chuai khi ka lo ui lutuk a. Chhiar a tihrehawm deuh tlat a. Tin, rem leh rem lova dah luih hrim hrim a ti ang deuhin ka hria a. I thuziak dangah a khat mawi tawkin rem takin han zep thin la, mi special tak ini mai ang. Ka lawm e.
September 1st, 2011 at 1:33 pm
Tawng upa i thiam khawp a lawm. Good post (Y) Mahse ka lo hriat ve dan nena inang lo deuh a awm nual a, kan tarlang ange. I rawn sawifiah theih chuan a lawmawm ngawt ang.
1.’Chhimtir ar chuk ang’ maiin a ha hawlh zawng tak ruihtheihthil leh mi bum tur ‘Chhura thawnthu sawi ang’ in thil ho mai mai a suangtuah chu a pâwt huam a.
Chhimtir ar chuk ang hi te chel chul sawi nan an hmangin ka hria a, ‘Chhura thawnthu sawi ang’ hi mi chanchin tawp thei lo, pakhat sawi chuan adang sawi tel ngai sawina ang atan an teh khin thinin ka hria. Mi bum tur zawn nan chuan i tawngkam hman hi a ulh deuh chuan ka hria. Harsa taka nun sawi nan hian ‘Thingtlukar nun’ te pawh a awm kha maw le, thikthliekbawm nen pawh tehkhin la a awm zawk mah ang.
2. A kut leh ke zawr hnuang tawh chu ‘mau mit put ang’ maiin a khawsa mai mai a.
Mau mit chuan a hmu thei lo. Thil neih chhawr tangkai lo teh khin nan hmang mahse ‘fu ke’ nena tehkhin hi a ulh deuh lo maw? Zawi sawi nan chuan ‘Sakruangah laitha a zam lo’ emaw hmang ta zawk la.
3. keini ruihhlo ngai leh eiruk ching ho chu ‘zawng fian phel ang’ tho kan ni a la ti fan fan a.
Zawngfian i hmuh ve ngei tawh ka ring a, i phel chuan a inang hle tih i hmu ang. Tehkhin thua an hman chuan phir inang (Identical twin) emaw sawi nan emaw, pa leh fa (chip of the old block) inang deuh te pawh zawng fian phel ang hlauh an ti thin a. I thil sawi khi chu ‘huang khata khung’ emaw ti ta mai la a dik zawk em?
4. ‘Zawhte no nei ang’ maiin veng tin leh kawmkar a fangkual a
Zawhte no nei hi a insuan kual nasa thin..(for security reasons). A fangkual i hman dawn chuan vawkpui nen tehkhin ta zawk la a inhmeh zawk ka ring.
5. ‘Tlumtea thlir’ tak meuhvin a thatchhuah leh hun nghakhlel takin an thlir reng fova..
Vanchungnula khan Tlumtea kha a lo len hun nghakhlel deuh khan a lo thlir thin a. Mi sual sim leh hun nghak sawi nan chuan ava inhmeh lo ve!
Lei rem a rah leh hun nghakin te han ti ta la a zia deuh ang em?
September 1st, 2011 at 2:06 pm
Hetiang hian tawite in sawi ang. Tawng upa hman ka tum si avang leh ka thusawi tum a inzul ve a ngaih si avangin, ka hman luih tam tak a awm. A awmzia a bo lutuk lovang, ka sawi tum chu min zawhna atang hian a chiangin ka hria. Mihring chanchin sawi tum laia vawk ka tehkhin daih a ni erawh chuan, a awmzia a bo thui mai mai a ni. Mihring nisi, vawka ka puh thu a awm lo
September 1st, 2011 at 3:01 pm
Post-tupa i ziak thiam, ka hlawkpui e. Comment pawh hlawkpui tham fe a ni.
Ka mobile ah hian capital leh tal lo a lang ve miah lo, UCbrowser ka hman tak vang emaw ni!
September 1st, 2011 at 3:10 pm
Bold leh bold lo ka tihna, sorry2
Ka browser ka thlak a, Opera Mobile ah chuan a dik vek e.
September 1st, 2011 at 3:38 pm
Nia, UCBrowser-ah chuan bold leh bold lo a lang thei ve tlat lo. Mahse, a chak tha a, a zia tho alawm
September 1st, 2011 at 5:43 pm
I ziak tha hle mai a….like
September 1st, 2011 at 8:36 pm
Dar ang i thiam hle mai, akekekek…Tlagval 1 twg upa hman ve phet tum ph khn a bialnu hnenah “ka hmgaihna che hi buh si thliin a len bo ang hi ani” a ti ve tawp…thu tawite a hetiang zat tawng upa i dahkhawm thei hi i fakawm e…
September 1st, 2011 at 9:07 pm
A thlun phelh ang par2 lah zuk ni che a 😉
September 1st, 2011 at 10:59 pm
#17 (Y), ka ngaimawh deuh ho min sawi khalh. 🙂
“Thing zika zawng dan ang” tih pawh khi “Thing zik bula zawng dan ang” tih zawk tur a ni. Thing zik bulah chuan zawng meuh pawh dan chep tawh chuan chet ngaihna an hre tawh lova chu chu tehkhin thu-ah an hmang thin. “Mau mit put” pawh hi mit nei ve si, hmu thei lo sawina atan bak an hmang ngai lo.
Ka sawisel vak tawh lo mai ang; mahse upa tawng i rawlh tam tak khi chu a hmanna tur ni lova i hman avangin i thuziah a bibohin a titoh phah a nih khi maw le. 😛
September 1st, 2011 at 11:14 pm
#25, “thing lu bula zawng dan ang” tiin ka lo hre thin a kei chu
September 2nd, 2011 at 12:18 am
#26, i hre dik lo a nih dawn chu. “Ngawi hem tawng” tih pawh hi “tawng lung lung” sawina atan an hmang thin a, “Ngawi” tak hi chu a pangngaiah chuan an “hem” kan ti ngai lo va, an “dawh” kan ti zawk thin. “Ngar” hi ngawi an dawh hi chuan an hem thung a, mahse “Ngar hem tawng” kan ti ngai chuang lo. “Ngawi hem tawng” a ni tawp mai. Chutiang bawk chuan “thing lu bula zawng dan ang” ti lovin “thing zik bula zawng dan ang” an ti zawk thin.. 😛