Muhil thei îk hek lovi, Pu Vanneihtluanga thu leh hlate chu ka kawm ta melh melh zawk a. Mut tichhuaktu mai a nihna vang ni chuang hauh lovin zawi zawiin min awi mu ta siai siai mai a. A mak a maka nasain mang lam khawvelah kan cheng leh ta nih chu!
Mang chhia nge a niha mang tha tih pawh ka chiang ngam lem hlei lova. Pu Henry Vangchhia, Kulikawn valto thina te’na mang duhawm a nih leh nihloh chu an thu keuh tluk atan kan hnutchhiah ve thla rawk bawk a.
Ka farnu nula ve ek ek tawh, darthlalang hmaa Monalisa hial an a tum ta emaw tih tura a in sawngbawl vel chu ka thlir reng a. Rei ngial hnua a zawh ve tak hnu chuan keipawh tei rawlai vel turin ka chhuak ve ta a. A college thiante hian a zing tho hi an rawn phawk palh anga, kan mualpho erh ang tih erawh ka hlau thin viau. Mualpho a hlauh vanga theihpatawpa in bel chhah chu a ni ve ang lawi bawk sia.
Mi hrang hrang ka tawk pheia, Bingtaituki(a.k.a Remputputi te nen pawh kan insul pel tain ka hria. Hmelin puak a ti bik mang si lo a, neihah lah ek ka ngah hle tih loh chu han chhuanpui tham neih loh nen, nula rim ta lo chuan tlang lam bawk ka chuan leh ta a. E khai! Pu Ramhnukthlira ngei mai khan hnap tla pura men puau chungin min lo au lauh lauh a. Rei mangkheng a daikal hnu chuan an ti ti chhunzawm zui leh ta dah a.
“ Mizo(zomi chu tilo mai teh ang, a bak hu tawh tlat, a in an reng kha maw)-te hi Pathian hian min lo va hmangaih tak em! Changkanna hrang hrangin min vur a. Mobile phone, computer, lirthei mawi ber chi, ke pahnih atanga ke 10 nei chi thlengin min pe a. Incheinaah lah thlang sappui ho in thawlh ang apiang kan inthawlh ve thei ta zel a. In leh lo-ah lah Millenium Centre-te, Pu Chhawnthuma Taj Mahal(KV Multipurpose school neitupain an nu thlan a siam khi a nih kan ring ngawt a)-te leh Engineer ho in ropui tak tak te min pe teuh bawk a. Kei chu Zualbonez te leh Chemtatrawta te angin inkhawm tih velah hi chuan harsatna ka nei ta lo, ka hmu chiang ta em a ni a hmangaihna leh malsawmnate hi.
Harsatna leh lungkham lian tak ka neih zawk tak erawh chu hei hi a ni. Mualpho kan hlauh lutuk avangin kan nihna angin tumah kan lang ngam ta lova. Incheinaah ni se puk chawpin Showroom opposite-ah thil kan leia. Lirthei lah ba hlir ba hlir. Handset cheng singkhat man nen SMS pack kan la nei lo zui. Johnpuia te lah RV-ah pehteh in pahin UNO te chu an thupui ber a ni ang daih bawk si. Rawlthar leh tleirawl ho lahin changkannaa ngaiin Pu Tlanghmingthanga Picnic Spot lamah an ti. Chumi atan chuan an nute inrinni sa leina tur zawng zawng vau paha dil chungin an dil chhuak fai lênga. Kan harsat lohna hi kan harsatna a nih tak ber hi.
Mahni nihna anga lan hi mualphona a nil ova, mahna nihlohna anga lan hi mualphona zawk a ni si.â€
Ek ngah ta ngang chu ka ek chhuakin min ti harh hlauh a.
April 16th, 2011 at 5:04 pm
Hehe..chhiar a nuam hle mai. (Y)
April 16th, 2011 at 5:06 pm
(Y)
April 16th, 2011 at 5:14 pm
Mi(sual) ah hian mi mumang hi ka va han chhiar hnem tawh! 😀 Ziak thra e.
April 16th, 2011 at 5:26 pm
Kurt Cobain-a pawn, “I’d rather be hated for who I am, than loved for who I am not” alo tih kha..
April 16th, 2011 at 5:37 pm
Mahni nihna anga lan hi mualphona a nih chang te pawh a awm ve bawk thin. Chhiar a khamawm loh khawp mai.
April 16th, 2011 at 5:51 pm
#5…nia tuaite, Pu ramhnukthlira suk thleng khi chu i sawi loh lam hi a nih hmel. Tunlai Zoram chhiat mekna chhan ber chu mahni nihna baka lan mawi, hausak, ngah kan tum hi a ni ta! sawi thui lo mai ang, kan fiah lutuk hi a buaithlak zawk ;-(
April 16th, 2011 at 6:05 pm
A dik fu mai… (Y)
April 16th, 2011 at 6:12 pm
A tha leh pek hle mai.
April 16th, 2011 at 6:47 pm
“Mizo(zomi chu tilo mai teh ang, a bak hu tawh tlat, a in an reng kha maw)-te”
A in an reng chuan ziak tel lo law law la maw le, a bak hu tlat i tih hnuah a in an reng kha maw i ti leh lawi a…ka rilru a na deuh tlat (U)
“Millenium Centre-te, Pu Chhawnthuma Taj Mahal(KV Multipurpose school neitupain an nu thlan a siam khi a nih kan ring ngawt a)-te leh Engineer ho in ropui tak tak te min pe teuh bawk a.”
Service dang insak ropui deuh deuh i mang tel ve lo hlauh a ni maw 😛
April 16th, 2011 at 6:53 pm
@Akhang….. a in ang reng tih hre lo an awm takin ka ti deuha.. 😉
Ngatingemawni Pu Ramhnukthlira hi, a tam lutuka a sawi vek hman lo niang, kei lah ka mu tlem thin sia….. bakah Pathian malsawmna hi e chhiar sen rualloh a ni :-$
April 16th, 2011 at 6:54 pm
Hla hlui, Darthlalang by Zirsangzela hnamte khan hetiang lam deuh bok hi a soiin ka hria. (8) ziak dik khop mai. A tam zokah cuan mi aia ropui leh langsar nih kn duhna aimahin mi aia hnuaihnung leh hnufual nih kan hlauhna hian nun der in min nuntir thin a, kn phakloh anga lanchhuah kn tum phah thin.
Comment nawi vak k chak nen, 😀 saturday nite hi cu ka busy nite ve aniaaa…hehe 😉
April 16th, 2011 at 7:01 pm
Mizo chauh ni lo, He khawvel ah hian mahni nihna tak tak a lang ngam reng mihring an tam vak don a manle?
Mizo te hi I mumang ang em em khi chuan kan chhe lo a nia. I mumang siam tu khi Bengali a niang, Mizo ten mahni hnam kan in hmuh hniam theih dan tur a plan siam a nih don khi.
April 16th, 2011 at 7:11 pm
@hiho#12….Pu Ramhnukthlira hi zopa ngang a nia, sap leh vai tih vel chu a vei thleng duhin ka ring rih lo. Bakah mahni mita khanchhuk hi hmuh hmasak phawt tur a nia, Lal Isua’n a ti (L)
TIN, KHAWVEL HI CHUTIANG MI TLEMTE TE VANGA LA KAL NGIL CHU A NI E!!!
April 16th, 2011 at 7:33 pm
Isua khi mizo a ni bik poh ka hre lo 😉
April 16th, 2011 at 7:49 pm
Post tha khops.Mahni nihna lan pui ngam loh hi mualpho hlauh vang nge,environment vang nge,dawihzep vang nge,Pathian hlauh loh vang nge,hman lai atanga kan nihphung inchhawm chhoh zel vang nge, kan Pi Evi leh Pu Adama te atanga sual lo awm tawhina a hrinve reng reng…??? Buai thlak ka ngaihtuah peihlo………(Y) (Y)
April 16th, 2011 at 7:51 pm
Kan kawmthlang ten pawisa puk min rawn dil a. An tupa Bday lawmnan ruai siam ve ngei an tum tlat si a. Ka hau ngam chiah silova ka ngaihdan chu ani lo mai mai khawp mai. (N)
April 16th, 2011 at 8:09 pm
@hiho#14…Isua mizo a ni bik emaw ilo ti e law? dah2 mai thin a 😀 😀 😀 😀
April 16th, 2011 at 8:20 pm
@ hrmizo #14 khi chhiar nawn leh keuh teh.
I thil post hi ka lo la thu tak lutuk a ni e, mumang mai mai a nih khi maw.
A tak a thleng dik a nih chuan Mumang ang mai mai ni lo in, a nihna dik tak anga lang in an lo ka ziak tur ah ngai ang.
April 16th, 2011 at 8:29 pm
@hiho#18… khawvela kristiante hian kan darthlalang pawimawh ber leh kan in enfiahna chu Isua Krista hi a ni a, tuma’n a hnam leh chi bil zawngin an sawi ngai lo….. I RILRU A LANG E 😛 😛
Isua’n keimah ang bawkin a hmangaih che ka unau (L) (L) (L)
(Isua mizo a nia mi i lo ti leh a nge aw 😛 😛 😛 )
April 16th, 2011 at 8:50 pm
Mang tlanglawn tha tak a nih ka ring. R.H.Thlira chuan thlir fuh zel teh se.
April 16th, 2011 at 8:53 pm
inkawm su inla insual leh duh ang.hehe
tha khawp mai
April 16th, 2011 at 9:24 pm
Post tupa #14 na khi chhiar teh. mizo a ni tih lam pang ka sawi lo a nia.
April 16th, 2011 at 10:07 pm
“Isua khi mizo a ni bik poh ka hre lo” a nih engtihna nge??
April 17th, 2011 at 12:15 am
Kan ram dinhmun leh mahni inenfiah nan a tha hle mai. Ek, daikal tih vel khi tel lo se chhiar a nuam lehzual ngei ang…thuziak a titenghneng riau!
April 17th, 2011 at 12:26 am
Hlatekhua chu i va buai thin awm ve, i reh riau mai!
April 17th, 2011 at 12:39 am
Benny@25, buai vang ai mahin sawi tur hriat loh vang leh thatchhiat vang a ni zaw mah. Ka chhiar a, ka duh tawk deuh mai thin. Min lo chhinchhiah a, ka lawm e.