I hèl lai tleitir lêng tâwnah hian e,
Lûnglai chhîrin bei tidawng mai lo la;
Thlâwk lai veh peih leh thiam tân chuanin e,
Perhthlâk hun a awm ngai an tih fo kha.
Nihawi pâr ianga theihna zawng hmangin,
Huaisen takin bei la, bei nawn zel rawh;
Zahzum leh beidawnna chu rapbetin,
Tunah hian zâm a tûl lo, kalzel rawh.
Dâwn ve teh rûn hmuna lêng tawhte hi,
Zûapa’n a belh lai athâi neih theih nan;
Kumpui linglet chuang mah a hêl an ti,
Zâm lovin hêl zel rawh zûa nih ve nan.
Tlangval renga putar i nih kan hlâu,
Thlah nei lova i fam mai hi kan hlâu.
Zâm A Tûl Lo
April 16th, 2011 9:30 pm by Tluanga Chawngthu13 Responses to “Zâm A Tûl Lo”
Comments are closed
This is an archived copy of mi(sual).com — new comments can no longer be posted.
April 16th, 2011 at 9:31 pm
Ril bik raih raih ve a…
April 16th, 2011 at 9:32 pm
Zâm A Tûl Lo.. Huaisen takin bei la, bei nawn zel rawh (Y)
April 16th, 2011 at 9:49 pm
Yes, min van tiphur em!! (Y)
April 16th, 2011 at 9:50 pm
Tluanga chu i titha thei khawp mai. (Y)
April 16th, 2011 at 9:50 pm
Val lengrei, zam a tullo. Fuihna hlahril tha tak a ni.
April 16th, 2011 at 10:01 pm
A va in rhyme tha thlap thlap ve,a tha khawp mai.
April 16th, 2011 at 10:16 pm
Chawlh zauh pawh nei hauh loin zan 99 han leng ila, a zan 100na ah an kawmthlang kawngpuiah han zai kal raih2 mai ila, an hawi an hawi tawh mai a ni
April 16th, 2011 at 10:20 pm
Ka lawm e.
April 16th, 2011 at 11:00 pm
Hei chu tlangval ho pual liau liau anih hi. Sawi ve tur ka nei lo….
April 16th, 2011 at 11:20 pm
fuihna tha tak a ni…tlangvalho khan han sawi teh u…
April 17th, 2011 at 12:07 am
A bik takin VaiVa tan fuihna thra tak a ni e 😀
April 17th, 2011 at 12:59 am
‘Nihawi par ianga theihna zawng hmangin’ Ka hriat vawi khatna a nia, a dik lo erawh ka ti miah lo. Hlarua hi a siam theih a, a chher theih bawk.
Phuah thiam ve lo mahila han bih chiang mai mai chhin.
A Rhyme Scheme hi abab..cc a ni a; a syllable pawh 10 theuh.
Mahse line thumna tawpa ‘e’ hi a chuangtlai ka ti; a rhyme tikim tur liau liau a dah a ang. Ti hian ni se a mawi ang em?
” I hèl lai tleitir lêngi tâwnah hian,
Lûnglai chhîrin bei tidawng mai lo la;
Sirva Thlâwk lai veh peih leh thiam tân chuan” Rhyme bo chuang si lovin.
Ka thiam bik chuang miah lo a nia.
A nihna taka lak dawn chuan tawngkam kha hla thuah i rawn dah a ni mai a, Sava thlawk lai hi kan veh ngai lo va, kan perh tla ngai chiah lo bawk. Tawngkamah chuan “Sava thlawk lai tu ta mah a ni lo” tih a ni zawk a.
“Tunah hian zâm a tûl lo, kalzel rawh.
Dâwn ve teh rûn hmuna lêng tawhte hi,
Zûapa’n a belh lai athâi neih theih nan;”
Tlar hmasa ber ang khian min bia se hla thuah kan ngai lovang a, ‘Dawn ve teh’ tih dawtah chiah hian comma Punctuation awm se a fuh hmel. ‘Zuapa’n a belh lai’ tih aiin ‘a pawm lai’ ti zawk la a mipa Role deuh ang em?
‘Kumpui linglet chuang’ a mah mah ka ti; ‘chuang’ tih khi thlakna tur awm se, kumpui linglet-tihah hian uarna(Hyperbolism) a awm tawh tho lo maw?
Phuah thiam ve lo mah ila mi phuah sawisel a awl a, a nuam phian bawk . I phuah thiam khawp mai, Rhyme nen thlap phei chuan a har thin hle reng a ni.
April 17th, 2011 at 8:07 am
Hun eng emaw atang khan hetiang lamah hian ka va han hul tak em…
Fuihna hla tha tak chu ava ni em…