Number 100 hi a lo va pawimawh tehlul em!
Fahrenheit temperature scale leh celcius scale-ah chuan number pawimawh ber a ni. Celcius degree 100-ah tui a so. Kha daih kha ‘ni mai.
Hunbi chhiar nan a pawimawh hle. Kum 100 hi ‘Century’ an ti a, a lawm chi-ah chuan ‘Centenary’ an ti bawk. Mihring kum 100 chin dam thleng tur chuan hrisel tak a nih a ngai. England leh France kum 100 indo kha khawvela ram leh ram indo rei ber anga ngaih a ni.
Greece, India, Israel leh Nepal-ah chuan 100 hi police telephone number bîk a ni. Belgium-ah chuan ambulance leh kângthelh pâwl telephone number a ni a, UK-ah chuan operator telephone number a ni bawk.
USA-ah chuan senator 100 am nei. Khawvel huap sexy leh hmeltha, piannalh leh thil ti thei bîk, hla nalh bîk an thlan hian 100 chin an thlang chhuak tlángpui.
Infiamna lamah pawh a pawimawh hle. American football field hi yard 100 a ni. Cricket-ah chuan run 100 hi Century a ni a, mellung pawimawh bîk a ni. NBA game khata player mal, point score hnem ber chu Philadelphia Warriors team-a mi, Wilt Chamberlain niin March ni 2, 1962 khan point 100 a score. Golf leh Snooker-ah pawh number pawimawh bîk a ni.
100 hi Croatian leh Polish tawng chuan ‘sto’ a ni a, Danish tawng chuan ‘hundrede’ tih a ni a, Dutch chuan ‘honderd’ an ti a, Hungarian tawng chuan ‘száz’ tih a ni bawk a, Latin tawng chuan ‘Centum’ a ni a, Portuguese tawng chuan ‘ciem’ niin Swedish chuan ‘ett’ tih a ni bawk.
100 hi Mizo tawng tihausatu pakhat a ni bawk. Hmingah kan chawi a; entir nan, Zathanga, Zakapa, Zakhuma adt. 100 aia 1000 a tam zâwk tehlul nen, hmingah hian 1000 (sang) hmingchawi aiin 100 (za) hmingchawi an tam zâwk fé a ni.
Tin, hnam hmingah pawh chawilâr hle. Zathang, Zahau, Zadeng te hi ka’n hsiat mai theihte a ni a, 1000/10000 adt. hmingchawi hnam a awm ka hre lo. Thing hmingah pawh ‘Zaman’ tih pawh a awm nghe nghe.
Hlathu lamah pawh ni se chuti tho. Zalêng,
zakhua, lêng za, za lamlian adt te pawh hi hlarua tha tak a ni hlawm.
Thil tih leh pâwl angah te hian a kum 100-na hi lawm a ni thîn. Mizoram-ah pawh hian chanchintha lo luh kum 100-na, kohhran kum 100 tlinna (Centenary)-te pawh kan lawm tawh kha.
He post pawh hi misual.com-a ka post 100-na a ni e.
Similar Posts:
- Zirna lamah United States a tlahniam!
- Twin tower thirin indo lawng siam a ni
- Agarbatti stick
- Film lehlin/ Media – Tawng uluk a ngai.
- Cell phone quiz
April 19th, 2011 at 4:56 pm
Comment pawh a bengvarthlak e. Duhsakna thu min hlantu zawng zawngte in chungah ka va lawm em! Kan admin-te vang liau liaua 100 tling thei a ni e.
Report this comment
April 19th, 2011 at 4:58 pm
Kei pawh misual.com ah ka comment 100 na chiah ani han ti ve ngawt ila. A ni der si lo a.
Report this comment
April 19th, 2011 at 5:11 pm
Ka Post aiin post ka tum ka thrulh leh tak hi 100 a tlin tawh zawk ka ring!
Report this comment
April 19th, 2011 at 6:11 pm
saitawka chu huaisenna mum 100 ei se a zia mai ang..
Report this comment
April 19th, 2011 at 6:59 pm
Ivan 100 em em vele aw hairehai
100.C hi .F chuan 212.F ania aw
Report this comment
April 19th, 2011 at 7:04 pm
TuaiSialA chu bei dangdai ṭha angreng hle mai. Misual-a i post 100 ka chhiarna
Tun aṭanga ni 100+100+100+31 khi a post-tu TuaiSialA Pianchamphaphak a ni e. A chhut peih chuan chhut rawh se. Chumi ni chu 15/03/2012 a ni si a
Report this comment
April 20th, 2011 at 12:59 am
zaaa
Report this comment
April 28th, 2011 at 8:26 pm
Nga riat
Report this comment
April 28th, 2011 at 8:28 pm
nga kua
Report this comment
April 28th, 2011 at 8:33 pm
Sawmruk
Report this comment
April 28th, 2011 at 8:38 pm
sawmruk leh pakhat tih hi ziak zawm tur a ni em le?
Report this comment
April 28th, 2011 at 9:41 pm
[…] khan TuaiSiala khan a century siam lawm nan nge mawni ‘100’ tih kha a rawn post a; khatatang khan ‘keipawh za ka tlin ve hun chuan a hranpain post ka siam […]
Report this comment