Thihna kotlangah pawh..
Chutia ka hmangaih em em chuan thisen cancer a vei tih ka hriat chuan rilru a hah duh ngei mai. Ka nupui chu ni tawh lo mah sela he khawvela a la awm a, khawiah emaw han hmuh te hian rilru hah a zia ve thin kha a ni a. Mahse, reiloteah he a khualzin kawng hi zawh tawpin, a kumkhaw hmun tur a pan tawh anga. A taksa chu mihring damlaite hmuh theih tawhloh turin lak bo a ni tawh ang.
Nikhat chu an ina leng turin ka phone-ah min lo be tlat mai. Hreh chu ka hreh lutuk a, mahse a hlimna tur a nih chuan ka tihlawhtlin tur thil a ni bawk si. Hreh tak chung chuan an awmna veng lam pan chuan ka kal ta a.
Kalkawnga ka kal lai chu kan nunhluite ka ngaihtuah a, kan fanu a pai tih kan hriat tan tirh a kan hlim zia te, zu ka in avanga hrehawm a tawrh te kha ka han ngaihtuah kir a, ka inthiam thei hlawl lo. Ni e, ka thiamloh a ni. Zu chu inlo ila hetiang hian leng tura sawm ka ngailo anga, keiman ka buaipui thung dawn a ni si a. Thihna kotlang atang pawhin ani chuan min theihnghilh si lo! Patling hi ka lo va nep em ve le!!
Do zawhloh natna chu..
Ka thleng chu ka rin aiin a lo na tawh kher mai. Thut pawh a lo thu peih tawhlo a. Khumah muin a bulah a pasal chuan a lo awmpui a. A fate chuan tv an lo en a. A pasal chuan min lo dawngsawng a. A khum bulah chuan min thuttir a, ani erawh a fate sitting room-ah tv a enpui ta daih a.
Tunhnua ka han ngaihtuah leh hian a pasal khan a lo va han hmangaih em em ve aw..tih chang ka ngah mai! Midang angte chu nise leng tur pawhin min sawm ngam lo anga, chumai bakah nunhlui leh duh duh sawidun tur ngat phei chuan a pasal hmasa zawk hi amah nen chauh min kalsan mai lovang. Khatiang ang pasal a nei tih ka hriat khan thla pawh a muang sawt thei nia!
A hmel ka han en chuan hmana ka nupui kha a ni tih chu ka la hria. Mahse, a natna chuan zawi zawiin thlankhur lamah a hnukliam mek tih chu a lang reng mai a. Mahni hmangaih em em khatiang natna tuara hmuh kha chu thil hrehawm tawpkhawk a tling ve chiang khawp mai.
Kan titi a, nunhluite kan sawi a. A changin peih leh peihloin a han nui a, a chang leh a tap a, a mittui a tla a. Khatianga thlankhur pan mek mahni hmangaihte titi pui chu thil nuam chu a ni lo mawle. A thlamuan thu a sawilai khan ka thla a phang a. Lui ral lehlam ram a thlir changa a hlim thu a sawi khan ka lungngai thung. Ni e, ka nupui ni thei tawhlo mah se ka hmangaih tlat a ni.
Chutia rei tawk tak kan titi hnuah chuan haw ka tum a. Nidanga leng thin tura ka intiamhnu chuan ka kalsan ta a. A pasal ka hmuh chuan a pasal chuan lawmthute min hrilh a, a zing thei ang bera leng tur tein min sawm a. A hmangaih takzet a ni tih ka hriat khan ka thla a muang hle thung.
Len leh pawh chu ka tum tawh chuanglo. Mahni hmangaih em em te thihna ruam an zawh lai chu hmuh a hrehawm duh em a ni. Natnain a han hneh a, a taksa mawi tak thin kha vawmbo ang an nih a, an lawmna leh hlimna chu natnain a laksak tak hnua mahni hmangaihte han hmuh leh chu mitthla pawh hrehawm tak a ni tawh.
Ka len hnu reiloteah chuan a boral thu ka hre leh a. Kha thu khan min va deng na em! A chhe ber tawk thei tura ka inpeih vek tawh hnuah pawh a han thlen meuh chuan tawrh a har a ni.
A pasalte khuaah an phum a, a pasalte inpui atangin a ruang a chhuak tih ka hriatte khan ka va han lawm tak em! Tunah chuan kha an phumna thlanmual kha ka tan chuan thlanmual satliah a ni tawh lo. Ka hmangaih em em, engtiklai maha ka theihnghilh tawh ngailoh taksa luan ralna leh miten “tunge a ni?” tih an hriatreng theihnana a thlan awmna a nih tlat avangin ka tan chuan a danglam bik tlat tawh!
Ni e, he kan thawnthu hi a lungchhiat thlak a sin. Inhmangaihtak, nupui pasala inneih chuan a theih anga tam i hmangaihna kha lantir la. Thildang zawng aiin amah kha ngaihtuah ang che. Kan thawnthu ang thawnthu neih hi a hrehawm tih hrereng ang che u…
Similar Posts:
- Nupa nun hlimna tur atana zawm ngai thenkhat te.
- Kan thawnthu!
- Midum Kawp Chungchang
- Love marriage aiin Arranged marriage kan thatpui zawk ang..!!
- Biahthu ‘D’ in hlan nawn leh ang aw
April 19th, 2011 at 3:03 pm
ngaihnawm thei khawp mai
Report this comment
April 19th, 2011 at 3:24 pm
ka hnuk a ulh tep.i ziak lungrun thiam khawp mai a.
Nia,a pasal chu pasal tha tak zawng a nih chu male,i tluklo tlatin ka hria.ani chuan a nupui pasalhlui chu a nupui duhdan a nih angin a inkawm tir thei che u nia tiro,nang chuan zu i thlang zawk si a.
I thu ziah ho hi chhiar manhla ka va han ti thin tak em! Han ti zel rawh khai
Report this comment
April 19th, 2011 at 3:36 pm
Report this comment
April 19th, 2011 at 3:44 pm
Ngaihnawm lutuk i ziak thiam hle mai, a pawi ber mai chu zu ilo thlang zawk kha… dawntisei
Report this comment
April 19th, 2011 at 4:02 pm
A va han ngaihnawm dep dep ve le… a tha khawp mai.
Nia, Hmangaih tak tak tawh te hi chu inthen na mai mai hian hmangaihna hruihrual a chhu chat zo hauhlo a lo ni awm a(h). Duhthu reng vang a inthen te pawh an in neih leh tho a, in duh ngawih ngawih chunga inthen tephei chu an intheihnghilh thei chuang hauhlo. Hmangaihna ina a khawih sil tawh hi chu a khawih sil tu bawk kha ti dam tu atan chuan a tha e an ti thin. I nupui hlui chuan thihna kawr ruam a zawh lai pawn i thlamuanna a la mamawh a, I hmel hrereng lova thlan khur luh chu a zuam hlawl lo a nih chu. Hmangaihna hi a mak em mai a hriat thiam zawh rual a lo ni love…
Chhingchhip, Mualpui. (Rajasthan) a awm mek kha i ni em le?
Report this comment
April 19th, 2011 at 4:40 pm
Report this comment
April 19th, 2011 at 4:51 pm
Tak tak a mi? A pasal pawmlai chu i fak viau na a, mihring ve tho a ni a, ‘Kan nu hian engatinge a pasal hlui hi a thihna khum a a mut tawh laiin a lam fo mai, engatinge?’ tih zawhna a dam chhung a tuma chhan theih tawhloh tur a pai ta reng mai dawn a nih hi le? Ziak lungrun thiam khawp mai.
Report this comment
April 19th, 2011 at 5:14 pm
A ngaihnawm zawng a thlir chuan a ngaihnawm khawp mai. Mahse nagni ang nupuite ai pawha ruihhlo thlang tlat thin ho hi kei chuan vuak hrep mai che u hi ka chak. Amaherawhchu he i thawnthu Lungchiatthlak tak atang hian pakhat talin hlawkna chang se tih hi ka duhthusam ani e.
Report this comment
April 19th, 2011 at 5:22 pm
#5 Ni lo tlat.
He thawnthu hi a tawngtu an awm a..a tawngtu nen kan titi na atanga ka phuag a ni e.
Report this comment
April 19th, 2011 at 5:23 pm
Report this comment
April 19th, 2011 at 5:25 pm
Report this comment
April 19th, 2011 at 5:27 pm
A va han tha em, i ziakthiam hle mai,rawn ti zel teh khai, hmangaihte lakah chuan kei pawhin ka tih ve ngei ang.
Report this comment
April 19th, 2011 at 5:28 pm
Ekhai, Patling min vel dawn alom le! Thufing inphum a tam hlein ka hria
Report this comment
April 19th, 2011 at 5:37 pm
Rilru a khawih hle mai….a tlai hma a nun uluk hi alo tha a ni e, nunhlui hi kohkir a dinthar leh mai mai theih a ni tawh si lo………
Report this comment
April 19th, 2011 at 5:48 pm
A ngawihnawm tih mai loh chu sawi belh tur ka va van em em ve le! I’m feeling morantic
Report this comment
April 19th, 2011 at 7:19 pm
Nupui fanau te ngaihtuah lek lova mahni nawmna ringawt ngaihtuaha zu in reng mai te, engtinnge ka enkawl ang tih ngaihtuah reng reng lova fa nei ve duah ringawt te hi ka huat ber chi an ni a. A thawnthu ngaihnawm ka tihna aiin he pa ka huatna hian ka rilru a hneh zawk e.
Report this comment
April 19th, 2011 at 8:10 pm
A ngaihnawm khawp mai. KT hi i la naupan ngaihtuahin thuziak i thiam khawp mai, a bîkin fiction lam hi. Tang sauh sauh rawh, ka Lasi Note!
Report this comment
April 19th, 2011 at 8:36 pm
Taj mahal sa ve la..
Report this comment
April 20th, 2011 at 11:15 am
Van ropui tak em….Ngaihnawm hle mai.
Report this comment