Source: Zozamtimes
Serchhip District, Bungtlang khuaa Presbyterian English Medium School-a pawl khat zirlai pakhat chu an zirlai a by heart ve theih loh avangin an zirtirtu-in a hrem a, tun thlengin he zirlai hian school a la kal chhunzawm loh phah nia thu dawn a ni.
He school-a pawl khat zirlai, mipa naupang kum 5 leh thla 8 mi chu March ni 22, 2011 khan a thiante anga a zirlai a thiam chian ve loh avangin an miss chuan a thut hnufual (stay back) tir a. An class room hnuaiah amah chauhin kawng a khar hnan hnuah in chung (office) lamah a awmsan a.
He school chawkidar in tlaia kawngka a khar dawnah thlabar leh hlauthawng taka naupang lo awm chu a hmuhin in chung lamah a chhoh tir a. Naupang hi a haw tlai avangin a nu-in school-ah a lam a, a fapa chunga thil thleng a hriat chuan insum zo lovin school atanga an zirtirtu nu haw chu a beng ta nia thu dawn a ni.
A nu chet danah hian School thuneitute an lungawi loh em avangin naupang chhungte hian he school principal hnenah hian ngaihdam an dil nghal a. An miss hnenah pawh kalin ngaihdam dil nan Rs 500 pek an tum a. An miss hian a ngaihdam theih thu leh pawisa pawh a ngaih loh thu a lo hrilh a. Hemi hnu hian he school a Managing Board thukhawm chuan zirtirtute lungawi lohna chu thlawp zel nise an duh thu tualchhung chanchinbuah an tichhuak a. He tianga thuchhuah an siam tak avang hian ngaihdam an dilna chu an pawm thei lo nia an ngaih tak thu he naupang pa R. Lalsiama chuan a sawi.
Similar Posts:
- Pawl hniam lam zirlai fail tir thin hi
- Sir Head with Youth Icon
- Thlan pawh kha a ruak alawm
- Sex Video vangin school pakhat lungawi lo
- Sawleng Primary School III ah Pawl 4 zirlai ten Lal Isua an hmu
April 19th, 2011 at 11:01 pm
ka chhiar toh a, newspaper ah. Comment #40 Hiho khi….ka nuih nasa lutuk top..
Report this comment
April 19th, 2011 at 11:06 pm
Nu khian a fapa khi field mahse pawi a tihloh duhhmel ka ti. A thiam theihloh ang angin enliam mai mai se a nih chuh a.
Report this comment
April 19th, 2011 at 11:09 pm
Thu pawi neite an inngaidam tul lo-lo tih ve ringawt hi a finthlak ber em aw! An inngaihdam theih phawt ahnu. Dan ang thlap hi chu kan tlin lo tlang khawp. Kolkata mi nen a case chu a inang thuak a, mahse khua kan inlen hleih em mai. Case hian thubuai pakhat chauh a nghawng lo vantlang a nghawnga chuvangin inngaihdam hi a tha ka ti fan.
A ham strict ber ber leh a do
ki sanga au vak vakte hi-a titu zirtirtu hi kan farnu ni se, kan tan hlawm khawp ang chu. Han inngaidam se rah tha a chhuak zawk ang.
Report this comment
April 19th, 2011 at 11:11 pm
A chhungten sikul an kal hma tir lutuka a zolo deuh anih ka ring,kum nga a pawl khat zir chu,an zolo dawna hriat hi chuan chhungte pawhin beih nawn tir hreh loh atha,pass ve naw naw a pawlsan tir chak ngawt ai chuan tlin taka an pass a pawl an sawn hi a tha zawk.An zirtirtu te pawh hian hetia hrem ringawt lo hian naupang progress dan a chhungte hrilh hre thei zawk se,best remedy tur sawi ho se,that viau ka ring.
Report this comment
April 19th, 2011 at 11:14 pm
Fate lo hrem tu emaw chu beng ve zel toh ila a that khi.A bengtu in tran hlom em mai.
Report this comment
April 19th, 2011 at 11:29 pm
#54 ka rin dan chiah. Kum 5 a pawl 1 zir chu kal hma hret a ni. Kg-1 tur poh kum 4 tih a ni sia.
He mi ni a naupang in a Byheart theih lo hi a ho em a lawm. a zawhna chu
Q: India gate hi khawi ram ah nge a awm?
A nu ti thinrim tu chu an homework har lutuk vang a nia,
an H/w chu
Q: Pakhat leh pakhat belh hi TU TE NGE?
Report this comment
April 19th, 2011 at 11:39 pm
he thilthleng hian naupang hi engtin chiah nge a effect ang aw???
Report this comment
April 20th, 2011 at 12:08 am
Hremna awmze awmlo a awm a, hremna hlawk tak pawh a awm thei, he naupang hremna hian he naupang ah hian rah thra a chhuah chuan ka
e.
Report this comment
April 20th, 2011 at 12:46 am
Naupang kum 5.8 yrs hi detention chi an la ni lo a, encouragement nen a zirthiam tir zawk tur ani, bye-heart tir te phei chu class-1 ah chuan zirtir dan chhe ber ani (hei hian kan education system chhioat zia a lantir !!). Fa nei ila hetiang hian hrem se courtah hial pawh ka kal duh mai thei!
Report this comment
April 20th, 2011 at 12:51 am
Dan awmlohna ram a thil thleng awm reng thlengah ka ngai mai.
Helamah chuan sept thla hi sikul kum tan hun ani a.A kum dec thla thleng a kum 6 tling hman lo chu sikul an kai theilo.
Kum 6 chin sikul an kai thei.Ahnuailam zawng pre sikulah an kai thin.
Sikulah inhrem a awm ve lo invuak in kalhkhung an tih vaih chuan zirtirtutr kha ban +jail tan naupang an vip.
pu Hawla mirethei vip ang ngawt ani lo.
Zoamah khan ka chhiar tawh post ka chak ka post lo ,Ka post chuan an rawn publish duh loh ka ring deuh a .
A nu poh khi nu paaa tak ani helam chu niseng kut thlak manah jail a tang ve tho bawk ang.
Report this comment
April 20th, 2011 at 1:02 am
Zirtirtu hian zirtir dan a train a ngai nih hi..tin, naupanga nu pawh hi nu thinchhe ve tak anih ka ring..a pasal ka nihloh ka lawm e..
Report this comment
April 20th, 2011 at 1:14 am
Naupang kum 5 mi lek han kalh khum chu a tih chi lo hulhual. Naupang thlabar dan tur chu aw !
Naupang nu pawh khi a kut chu a rang deuh chuan a lang na a kan fate khitiang khian thlabar in an zirtirtu ten lo kalhkhum ve ta se kut thawh ve mai duh kan ni fur lawng mawle.
Report this comment
April 20th, 2011 at 1:34 am
he thil hi kan sawi lian mai mai ni ah ka ngai!thingtlang sikula kal thin hrem tawk lo kan awm ka ring vak lo!he thilah chuan managing Board ho hi an demawm ber nih hi,zirtirtu leh nu leh pa an inngaihdam tawh ber ahnu engvang in nge an ngaihdam ve theih loh le??!!!
Report this comment
April 20th, 2011 at 1:34 am
Fate zirtirtu meuh kut han thlak chu a inzahlohthlak hrim hrim, kutthlak kher lo se a tanawm asin mawle, a inchawk zero vek alawm.
Report this comment
April 20th, 2011 at 2:46 am
“Those who can’t do,
Teach.” te an tih kha maw. Class 1 an nih lai atanga ‘byheart’ tir leh bawk maw?? Future a bright lo thin teh e!!
Report this comment
April 20th, 2011 at 3:31 am
Mahni fate chhan trung leh hauhna lutuk mite chuan fapa/fanu tha tak an neih kha han ringlo phawt mai ila, kan tisual tlem tlangpui ang ka ring. Tin, nula puitling tawhin naupang satliah leh engmah ngaihtuahlo rual a enkawldan khi han ngaihtuah leh ila, chhungpuinu a tan chuan a itawm vaklo maithei bawk . Tichuan, an School Managing Board thu tlukna khi han ngaihtuah leh ta ila, remna leh muanna aiin inphiarna leh inenhranna bak a chhuah hmel vakloh…
A tawi zawngin,, he thila inrawlh chin chu an MAWL vek a , a mawl mawl thlanchhuahte inhmuhkhawmna a ni hawt ,..mawl vang leh ngaihtuah chianloh vangin buaina a chhuak a, mi mawl bawkin kan buaipui leh ni mai awm a ni , tuna a landan chuan.. .Pawlkhat pawh la passed lo atanga buaina intran kha a nia, a awm viau tho mai….. NOI ..
Report this comment
April 20th, 2011 at 3:46 am
zirtirtu a ka tang tolo hi chu ka lawm ngei mai.. Naupang enkawl hi a hahthlak si, hrem ngam po an ni tolo, hrem loh lahin an pongporh bok si.. . .
huihaaaa
Report this comment
April 20th, 2011 at 3:56 am
Kei chu ka mu ka harh leh a ka thin ala rim. A bul berah chuan sorkar ka dem. Zirtirtu lak dan hi pvtah pawh strict taka dan an siam angaih zia alang chiang. Sapram chu sawi loh vairamah ringawt pawh train loh zirtirtu pvt schoolah pawh an la ngai mang lo ang. B Ed leh montessory teacher training tawh hlir zirtirtu kan nei tih hi Mizoram school te hian in sawi theih nan hmang se ka ti. Ka nu leh pa hi zirtirtu an nia trained leh train lo zirtirtu in thlauhzia an sawi fo thin.
Report this comment
April 20th, 2011 at 6:42 am
New Montessori School, Electric Venga Nursery ka zirlai khan ka bula thu hian a zun a lo cheh a, keilah pek chuan ka lo nuih a, ani kha a tap a, kan Miss in min hrem nan Dark Room ah min khung ta a, a hrâng thin an tih vang khan kan hlau thei si, sazu tam bawk si, min la chhuak chiah chu ka tlan haw nghal a, promotion exam tep a ni bawk si, a tukah hian ka nu hian min va kalpui a, min kalsan chiah tihin ka zui haw ve nghal, ka beihnawn phah.
N.B : Khami hunlaia ka hlauh ang chiah khan he naupang hian a hlau dawn chiang a, ka lo tawn ve tawh anih vangin zirtirtunu hi ka dem hle
tunah hian School a la kal zawm hrih lo anih pawhin session tharah chuan kal ngei turin ka duhsakna ka hlan nghal e
Report this comment
April 20th, 2011 at 8:11 am
Hemi sikul zirtirtu te leh managing board ho chuan children psychology zir rawh se. Chutah an by heart thei lo a nih chuan, a mal mal in roomah kalhkhum a, an thiam hma detention tur.
Report this comment
April 20th, 2011 at 8:12 am
zirtirtu hian a thiam lo ani .A awm tlai tir chhung zawng khan a thiam ve theih loh chu zirtir in thut pui sela .hetiang buaina hi a thleng top nang .thiam tur a in duh te chuan in zirtir a, puih theih na lai a naupang pui a, zirtir tur a ZIRTIRTU a tan a lak a nia lawm .Hetiang hian ka fa te ti ve ta se ,ka fa thlabar hmel hmu chung leh an miss inthiam loh na hmel nei miah lo hmel hmu chung chuan insum chu a har khawp ang.
Report this comment
April 20th, 2011 at 9:14 am
School zirtirtu te hian – naupangte, result tha nei tura an beisei laiin, an nungchang an develop tel a, an encourage thiam a pawimawh khawp mai. Chung zingah chuan India ram pumhuapa midik, mi taima, mi rinawm ni tur – hrual chhuah te hi tum thei thin ila a tha ngawt ang. Zirtirtu ngaihtuah tawi lutuk te, an dinhmun pawimawhzia hrelo an awm thin hi a pawi khawp mai.
Zirtirtu te hian naupang tha tur pawh, terorrist ah an chhuah daih thei a, ram tana mi ropui takah pawh an chhuah thei tho bawk.
Fate tha tura kan duh a nih chuan, nu leh pa te pawhin fate, zirtirtu te kuta hlan thiam a pawimawh bawk. Zirtirtu te leh naupang nu leh pa te tan ho thiam a tha. Naupang chungchang sawiho fo a tha.
Nu leh pa te’n an zirtir ve thiamloh avangin, fee tamtak chawiin Schoolah an luhtir a, zirtirtu thatchhe deuhin homework anlo pe vak vak thin pawh hi a tha ber lo.
Naupangin an zirlai an thiamtheihna tura tuipui thiam a pawimawh – an thiam theihloh pawhin, an Psychology lam thlirin kawng chi hrang hrang beih/tuipui peih a tha…..
Lo ti ve duah teh ang…
Report this comment
April 20th, 2011 at 9:19 am
Ka mi hriat zawng te vek an ni e..board member ho hy a bulpui an ni zawk e…Puanhnuai theyh mai thil hi an au chhuahpui hluai mai a.in ngaihdam hnu ah chuan an duh leh a lenin va leng zawk ta mai se.chanchinbu vel a chhuah tir vel chu a tul lo khop mai..in tih larna chikhat chu a ni em lo ang chu..
Report this comment
April 20th, 2011 at 9:44 am
Kum 5 hnuai lam naupang kha.. Zirna lam ah thiam vur2 tur poh anilo hrim2.. Sum duh vang ringot a, zirtir hna thawh. specially pawl hniam la zirtir cu thalo deuh asin..
naupang Nu khian beng mai lo in, action dang la zok ta se a fuh ang male.. court case etc.. etc.
Report this comment
April 20th, 2011 at 9:45 am
He zirtirtu nu hian “a thiam lo hul hual”, kan ti bawng te’ng. Naupang kum nga mi class room a tuma awmlohna a awm tir (detention pek) hi a thil awm lo hulhual a ni. Hei hian naupang hi a siam tha lo anga, naupangah sikul kal chak lohna leh duh lohna a siam chiang khawp ang.
Fa nei tawh ho chuan hetiang hi chu in fate chunga thl;eng nita se in palzam mai ka ring hauh lo. Naupang nu hian a tihawm tak a tiin ka hria.
@59:
Report this comment
April 20th, 2011 at 10:37 am
Keichuka uniform hak chhung zawng hian, zirtirtu thra leh strict nia an sawi mi 4-in min enkawl. Chungte chu- Upa H.Rothanga(L), Upa H.Pahlira(L), Rev Fr.Mathew, Hauthuama. Heng mite hian hremna an uar hran lo. A hmasaa mite 2 phei khi chuan vawikhatmah min hrem lo. Mahse, an zirlaite reng reng hi luhlul leh kawhmawhbawl hi kan tlem khawp, tunlai ngaihtuah chuan.
Nu leh pa- Ka pa hi pawl 9 chauh zir ni mahse, lehkhazir turin zing dar 4 ah min thawhpui zat2 a, zing dar 7 hma hian thingpui vawi 2 min pe thei ziah. Hetiang hian nu leh pate hian enkawl ve se chu he naupang hian hrem a pumpelh ngei ang.
Zirtirtu-Kar 2 lek sawrkar high sikul-ah ka thawk ve a. Naupang vuaka hrem vak2 a trulna hi ka hre lo reng2. Anmahni hmakhaw ngai taka class-ah ka zilh chuan tumah thuawih lo an awm ngai lo reng2.
Report this comment
April 20th, 2011 at 1:18 pm
Zirtirtu hian a thiam lo hmasa! Naupang nu hi chuan a fa hlauhlawp leh thlabar a hmuh khan a react ve mai a ni. A nu hi a kut a rang deuh a, mahse ka hriatthiam pui.
Zirtirtuin naupang hrem ngai chu an hrem tur a lawm. Mahse hrem dan tawk leh an thatpuina tur zawng thlir thiam a tul ang. Hetiang kum 5 mi awrh chauh han kalh hnan te chu..Chowkidar hian hmu lo phei se he nu hian a lo theihnghilh hmin der tawh pawh a ni mai thei a sin!
School Managing Board thu chhuak lah hi an puitling lo hul hual! Thil siam tha zawng ni lovin a punlun leh sosang zawnga thil kalpui an chak hmel tlat! An sikul tihlar nan hetiang publicity hi a tha lo tih te hi hre thiam se, inbengdai tlang vek se a tha ber!
Report this comment
April 20th, 2011 at 1:21 pm
Zirtirtunu: thahnem chu ngai ve ngei..mahse naupang rilru no handle dan a hre lo hle.
Naupang nu: Kut a thlak tih mai loh chu a thinrimna hi a awm ve khawp mai.
Naupang: Thil by-heart pup² rual a la nilo. Learning disability a nei em tih examine ngei chi. Tlema discipline ve deuh ngai naupang a nih pawn hetiang lo chi hian ni se.
Managing board: An school tih zahawm an tum dan leh an staff chhan an tum dan hi a diklo.
Report this comment
April 20th, 2011 at 3:26 pm
Stay back tir hi chu a ho e, kei chu Nu ka thiam lo zawk,
Report this comment
April 20th, 2011 at 3:47 pm
naupang kum nga mi stay back tir room atang a chhuahsan leh daih te chu DETENTION ang mai alawm le..kum 5 leh thla 8 tan chuan a Hlauhawm Duh ve ang chu
.an zirtirnu chu a thahnem ngaih dan a tha lo deuh, zirtirtu tha a ni ve tep…
naupang nu chu ka van tan tak em
mahse a ni pawh duh aiin kut a thlak hma a nih hmel hle mai
zirtirtuten naupang hrem nan a kutthlak an chin hi sim se, a bikin English medium ten kut an thlak nasa mah mah,…naupang te tana complain dan a awm em?
Report this comment