Khawnge tun tum chu mawl deuh in thil kan rawt mai mai teh ang. Hman deuh khat NE India tan separate time zone kha an rawn post in ka hria a, manlo leh tul tilo deuh deuh an awm khan ka hria(Chanchinbu a ka chhiar zawk emaw ni?). Kei a tha ti pawl ah ka tang a, kum tam deuh liam ta ah pawh a thuphung chuan kan mamawh thu te pawh thian ho titi na ah chuan kan lo sawi ve fo thin. Chuan kan CM pawh in Central ah a sawi tawh a, mahse a hlawhtling dawn hmel lemloh(aniang?), sawi zui a ni tawh lem lo.
IST kan hman avanga NE states kan hnufual bik nachhan leh India rama hnam fing hmasa(Post 19th Century atangin) Bengali leh Industries lian zawng zawng Western India lam a an insawn/inbun zawk tak thu te, India khawthlang lam in India khawchhak lam min tlansan thui tak zia te a chhan hrang hrang a awm na meuh mai, chung zing a pakhat chu kan time zone fuhlo hi a ni tlat a ni.
Separate Time Zone chu kan sualchhuak thei ta lo anih pawn, separate working hour hi hmang ta i la, a thatna tam tak a awm ( a theih leh theihloh lam chu ka hrelo, state thuneihna a nih leh nihloh pawh ka hrelo, administration lam leh Pol.Science mi ten in hriat ka ring) Zing ni chhuah hun kan thlak thei lo, mahse hnathawh tan hun(working hour) hi 9:00(9:30) a.m. ni lo vin, 7:00(7:30) a.m. ah thlak ta ila. Ban hun hi 4:30(5:00) p.m. nilovin 2:30(3:00) p.m. ni ta thung se. (Separate Time Zone thiltum chu hei tho hi a nia, western India sana aia darkar 2 vel a herh hma). A thatna hrang hrang awmthei te:
1. Office zawng zawng leh zirna in zawng zawng in hei hi hmang ta ila, thawh hlawt a chetchhuah nghal a ngai dawn ta a ni. Zing kar a darkar 2/3 hun kan paih thin hi kan kan paih dawn ta lo a ni. Zingkar ah hian a nawlpui chuan eng thiltha mah kan ti tak tak lo, 9:30 hi kan nghak thuap mai a ni. India khawthlang lam ah chuan helai zingkar hun hi an paih ve manglo, thawh veleh , inbual a eitur eizawh a insiam nghal chuan 9:30 hi a ni nghal titih der mai. (Hei hi Mizoram a kan 7:30-8:00 ang vel a zingkar kha a ni)
2. Thawh tlai a theih dawn ta lo bawk a, chu chuan zan lam a tullo a kan meng rei lutuk hi a control nghal bawk dawn a ni.
3. Mitin hian mimal nun, then leh rual, obligations kan nei theuh va, NE India ah chuan kan time zone fuhloh vang in kan daytime hun tha zawng zawng(9-5) kan hnathawhna working hour in min hui fai sak vek a, a tak tak ah chuan kan zawm thei si lo va, chawlh lak, chawhnu chhuah hma, adt hi a ngaih phah ta fo reng a, chu chu kan rinphak bak in kan tuar mek a ni.
A bik in chhiatni/thatni leh bazar duh vang in kan working hour chawhnu lam hi kan pawtchhe nasa lutuk, nikhat a file process zawh theih, zir zawh tur chin, adt hi kan pending thep thuap a, a dawrtute tan an dawrturte chawhnu chhuah leh haw hma vang a nikhat paihthlawn tawp hi a belhkhawm leh a ngawng kal zel chu sum leh hun zawng pawn tam tak a ni.
4. Tlem in han insiksawi deuh ila, chhiatni/thatni a kan hunbi ruat hi tunlai chuan 1:00-2:00 p.m hi a ni tlangpui tawh a, chumi nang hman tur chuan mathei lovin, chawhnu pum hi kan pawtchhe vek thin, chu ai chuan 3:00 pm hi uarthar ila, mitthi vuina leh inneihna leh programme reng reng hian kan working hour hi a eihek tawhlo mai dawn a ni. (A bik in, Minister, Officer chhuak reng mai, an signature tellova file kal theilo ho ka sawichhan deuh, a…dealing clerk te hlei hlei pawh an pawimawh leh si)
5. India ram a school tha kan hriat ve chhun te pawh an school hour hi a hma em em a, an bang hma a, chawhnu hun tha chu activities dang dang atan an hmang tangkai leh hlauh thung a ni. Mizoram a kan zirna kalphung ah chuan academy ngawr ngawr hian kan huntha(9-4) hi a eizo vek mai a, activities dang kan ngaihpawimawh loh luattuk hi kan tuar nasa em em a ni. Sports, music, adt tuimi te pawn an academy pawtchhe miah lovin, an tui zawng ah hun tam zawk an nei thei dawn a ni.(Tuna kan time set dan ah hi chuan academy pawtchhe lovin activities dang a hun tam zawk pek a theiloh tlat ni).
6. Hei hi a theih hlauh chuan, Mizo society ang, religious and social obligations tam lutukna ang ah phei hi chuan kan time corruption nuaibo na thatak a ni dawn sa.
Han sawi ve teh u, kan mentality tih lam kha chu thuhran ni se, a theihloh pawn a that hmel in ti ve em?
April 20th, 2011 at 1:37 pm
Chhiar leh ang
April 20th, 2011 at 1:42 pm
A thra riau tak ka ti. Kan zingkar hunawl ngah ltk hi chu.. Zing dar 4 vela tho thin ho tan phei hi chuan kan zingkar hi a rei thei teh deng2 mai ania..
April 20th, 2011 at 1:48 pm
mawl deuha i rawt hi a mawl love… (H)
April 20th, 2011 at 1:48 pm
Chemtats@2″ I tho hma ve tak2 em mawn ni le aw… 😉
April 20th, 2011 at 1:50 pm
I rawtna hi Central ah kan thlen tha leh dawn mi, pawm tawh hrim hrim… :-S
April 20th, 2011 at 2:00 pm
I point No 3 thleng kan chhiar hian ka pawm lemlo khawp a, mahse Point No 4 ka chhiar zawh hian min hmin der mai a. Ka support e.
April 20th, 2011 at 2:02 pm
sawi ho awmzia awm lo, hmanni i post ah pawh mi i chhang let tha duh lo em mai. Ngaihdan ka nei teuh, ka sawi peih lo.
April 20th, 2011 at 2:04 pm
Tha khawp ang chu. a that zawk na a tam riau. .inkhawm te pawh a tan hma theih deuh ang a.Zan hun awl a tam sawt ang .post tu pa sawi ang khian sorkar hnathawk tan hlei hlei a tha dawn.kan zingkar hun chuang ai chuan chawhnu hun awl kan hmang tangkai theuh thei ang mipui ten a hlawk na kan tel bawk ang .
April 20th, 2011 at 2:09 pm
zoho-a post chu tha ka’n tih ve tlat chu a. 😀
A darkar bi hian thawk ila kan efficient zawk ka ring ve mai mai bawk.
April 20th, 2011 at 2:12 pm
kilung, oih vak nange aa..keipoh, fonz sawi ang chiah khii… 🙂
Thu pangai tak i ngaihtuah chhuak thiam tawh a, zoho chu…lawmpuiawm hle mai…a khampheizawnga piang tih takah..
April 20th, 2011 at 2:14 pm
#10: (Y) 😛
April 20th, 2011 at 2:14 pm
Ka thlawp khawp mai, pa taima leh awm-awl vaklo chi thenkhat chuan tlangval nileng hna hi zingkarah an thawk zo titih thei tlat..ka hre nual mai..
April 20th, 2011 at 2:19 pm
Atom c, chu..thenawm pate min hrechiang thei leh lutuk aa.. 😉
April 20th, 2011 at 2:23 pm
A tha ka va han ti em aw!!! seperate time zone kha ka lo tuipui chiam tawh a,rawtna a tlang hleithei si lo a,a thlaknan a tha hle mai.A nihna takah chuan seperate time zone hman ang tho a ni dawn a,khulamin an duhlohna chhan nia ka lo ngaihruat ve pakhat chu office thil hmanhmawh thlak deuh mai 4:30pm velah rawn fax in fax bawk a chhan nghal ngai tur ni ta se,keini 2:30/3:00pm velah office lo bang tawh si ila….tih vel te hi a nih duh hmel ka ti mai mai a…
April 20th, 2011 at 2:30 pm
Kan awmna ramah hian sorkar office then khat heng- damdawiin, dakin, revenue, bank-te pawh a niang chu etc. zing dar 08:00-12:30 an thawka, tlai lamah 15:00-18:30 an thawk bawk a, office zawng zawng khi an working hour a inang vek lo, tlema tan tlai leh hma deuh te pawh an awm. Keini ang mi naran thilsiamna hmuna thawk tan pawh chawlh lak ngai lovin hna thawh banah office kan dawr vek hman, zing dar 07:00-16:00 hi mi tam zawkte hnathawh working hour a ni.
Thla hmasa lawk khan kan ram sana an herh hmaa darkar khatin. Chumi avang chuan sorkarin sum tam tak a hlep dawn niin chanchinbuah an rawn chhuah a, a figure ka hre mai tawh lo, vaibelchhe bi pawh a ni mai thei.
Sana herh hma leh sorkar sum hlep inkungkaihna hi mi naran tana hriatthiam theih turin min han hrilhfiah teh u a..
I rawtna khi a tha hmel khawp mai.
April 20th, 2011 at 2:48 pm
Zingkara eirawngbawltu ka nupuiin chhiar ve sela a pawmlo teh ang chu aw.. 🙂
April 20th, 2011 at 2:57 pm
Ka thlawp zawng tak a ni.. A bikin Aizawl office tam zawk hi chu chawhnu dar 2 hnulamah dawr tur an awm tawh manglo… A hua hua chuan haw rawh se… Thingtlangah pawh he ze thalo tak hi a lengtan… Post tupa i rawtna hi full support ka pe e..
April 20th, 2011 at 2:58 pm
That hmel hlein ka hria! Tih chhin ka va chak em! Ka thlawp zawng tak a ni! (Y)
April 20th, 2011 at 3:03 pm
#15 hi chu, mazualtea chhan chi anih khii… 😀
April 20th, 2011 at 3:14 pm
that hmel khawp mai, hetraww tihah mi…..zoram puma aplly chi a nih hi le (Y) zingkar committee leh eng ilo ti buaichuar lo hian tlai lamah ti ila i tihna pakhat deih bawk a ni maw? nia, chhun dar 1 leh chawhma dar 11:00am bawr vela function tan hian hun a pawt buai duh khawp mai. rawtna tha lutuk a nih hi
April 20th, 2011 at 3:34 pm
Post hmasa lamah ka comment ve chiam tawh, ka comment belh vak lo mai ang.
Taima tak leh rim takin thawk tlang ila, hunbi hian min phuar vak lo se…kan ti leh hram teh ang.
Vairam-ah pawh hian naupang sikul kal hi zing dar 7:30 Am ah an tan thin a, thlasikah pawh an sawn duh chuang reng reng lo nia! Thlasik lai chuan naupang an khawngaih thlak thei khawp mai, khaw var hma in an thawh a ngai a, leilung lanah an sikul thin. A vawh mai bakah chhum a tam a, accident tawk pawh an awm fo. Mahse an thlak duh reng reng chuang lo!!!!
April 20th, 2011 at 3:37 pm
Thlasik laia zing 7:30 chu hrehawm tak ani..an ti.
April 20th, 2011 at 3:51 pm
Fonz..a hreawm vaklo, ngaia neih chuan..
April 20th, 2011 at 3:53 pm
23, keini chu hrehawm kan ti thei raps, zingah inbual a ngai thin bawk sia 😀
April 20th, 2011 at 3:55 pm
I han sawi takah chuan a that hmel phian mai
April 20th, 2011 at 4:25 pm
Tha lutuk ringawt mai. Hmanah keipawh 7:30 am-1:00 pm ni ta in ka hria, zirtirtu hna ka thawk ve tawh a, a tirah chuan in adjust har lutuk a. mahse a hnuah chuan a nawm zia mai chu. mizoramah pawh hian hmang thei ve ni ila chuan a tha ka ring khawp mai.. Good Post… (Y)
April 20th, 2011 at 4:34 pm
A tha riau-in ka ring. Hun vawn dik hrim hrim pawh hi Mizoramah kan zir nasat a la ngai khawp mai (Vairamah pawh hun vawn dik chu a ngai tho nain anni chu ka sawisak peih lo).
April 20th, 2011 at 5:39 pm
(Y) (Y) (Y) Ka support miah miah lutuk. Point 1 atanga 6-na thleng khian ka “Amen” vek e.
April 20th, 2011 at 7:01 pm
He thil hi ram leh hnam dinchhuahna tham thupui pawimawh niin ka hria.
Central sawrkr nen a inkungkaih, office hours in ang tlang ten an tih theih loh pawhin Education/school hours erawh hi chu State sawrkar tih theih chi a ni a, tih ngei ngei chi a ni. Point # 5 khi ka support full thak.
School leh office hours in ang lo se, traffic Jam pawh a zia awm ngei ang.
April 20th, 2011 at 7:24 pm
rawtna thra tak a nih hi.. chuan 21# khi.. Ka fate hi central school leh pvt ah kan lo luh tir ve thrin a.. An luh tohna zong2 ah chuan thlasik ah hian an tran hun hi 30mins velin an ti tlai ziah..
April 20th, 2011 at 8:10 pm
Hei ka hman ve leh ta. Zan in chu ka hman hma deuh. Tha inti ve maw,a theilohna dan te a awm em?
Vawiin ka office dawr pawh an lo chhuak leh tawh pek,site ah a kal an tia, hre tawh biklo le. Naktuk first hour ah lo kal rawh an ti, naktuk ka hman tawh bik si lo, buaithlakkkk…
April 20th, 2011 at 8:20 pm
#7@Fonz – hmanni a i zawhna kha darkar 24 pelh fe hnu ah chauh ka hmu a, post thar a tam hman tawh lutuk a, ka chhang ta lo mai che a nih kha, chhiar tur a i keu let leh peih pawh ka lo ring tawh lo a.
Enge sawiho awmzia awmlo i tih nachhan, thiltheihloh a ni i tihna em ni? Nge i titau ? 😀
April 20th, 2011 at 8:24 pm
funny leh chemtatrawta min hmuhdan mai mai chu(h)….. in sual hle mai, misual tak inni. Setana pawl inni tihna. ;-(
April 20th, 2011 at 8:26 pm
A tha ti tute zawng zawng, tunah thingpui tui tak i lo in ang u (C) (C) (C) (C) (C) (C) (C) (C) (C) (C) (C) (C) (C)
April 20th, 2011 at 10:18 pm
Eng pawh niseng time zone hran nei emaw nei lo emaw .Working hrs hi chu tih danglam a ngai ka ti hrim hrim.
Helamah chuan hnathawh hun hi public dawr chi ang leh sikul hi zing dar 8 ah an tan thin.
Hnadang kut hnathawk heng engineer leh skilled ,unskil te hna tan hun hi chu a in ang lem lo zing 5te dar 6 te 7 te an ni tlangpuiDar 8 tan an awm ve zeuh zeuh.
Tin hna atang a chhuah zing tam etc te hi chu chhuah chhung hlawh cut zel dan a hman chi.
Tin officer tel lova tih thei loh awm ang hi a thalo ka ti.
April 20th, 2011 at 10:20 pm
Hetiang a tih ani chuan ka chaw ei dan leh ei te pawh tih dan thlak a chi phian bawk ang.
Ka tho a ka in ti fai hna ka pan dar 10 ah breakfast kan ei chhunah lunch kan dawng thung.
April 20th, 2011 at 10:34 pm
#16 awmawmpuia says
“Zingkara eirawngbawltu ka nupuiin chhiar ve sela a pawmlo teh ang chu aw.. 🙂 ”
@ awmawmpuia – a pawm viau zawk lawng maw? Zingkar a rawngbawlvak a ngailo zawk dawn alawm, chhang leh thingpui tlem a heavy deuh kha a tawk tawh mai dawn alawm. 😀
April 20th, 2011 at 10:35 pm
Thu pangai takin i ngaihtuah thiam ve tawh hi kan lawmpui lutuk che lawm, @zoho.. 😉
Chuan, theology chu khel tawh lo la, rawtna ang chi ah hian insawrbing char2 tawh rawh… 😛
April 20th, 2011 at 11:15 pm
@chemtatrawta, 😀 😀 😀 kan nui leh lawk 😀 😀 😀 kum 20 kalta vel kha min ti hrechhhuak, ka NORMAL VANGLAI 😀 😀 😀 Khawnge LAWNG chu kan tuk leh mual mual phawt zel teh ang, ruah te hi a lo sur tak tak tak in.
Long way to go – ti mai ang aw, i mi lawmpuina ah kha present (G) 🙂
April 20th, 2011 at 11:22 pm
@zoho, Ka hawng nghal.. (P) ..ekhai dslr ngat nih hi.pu shai-a ta ai pawn a ck jok daih lehnghall…
April 20th, 2011 at 11:36 pm
alswel, Seperate Time Zone cc a hman a an inhnialna pakhat chu Singapore ah pawh an Time zone an sawn hma a, a thatzia an hria a, a aia hma a sawn hma lehzual an rawt tih thu ah khan hnialtu thenkhat chuan ‘anni te chu an fing a, an changkang alawm’ zu han ti a.
An fing a, an changkang a, thiltha an tih kan hriat tawh hnu a an tihdan tha chu entawn ve mai chu a finthlak ani tih zu han ngaihtuah chhuak chuang miahlo pek a. Shaaala…. Chhurbura chengkek lo tur min ti hrechhuak. 🙁
April 21st, 2011 at 2:48 am
Hman deuha Mumbai ka kal tumin khua a lo var har ta lutuka; khatatang khan NE hian sana hran kan neih a ngai ka tih phah. (O) hetiang hi i hmang tawh ang u.