Hlemhletna chung chang hi an sawi in an ziak tam ta hle. Mipui pawh in kan ngai thla in kan chhiar hnem tawh na ngiang mai. Hlemhletna hi mipui mimir ah pawh a awm thei tho na in, sorkar sum hmang thei tur a thuneihna nei ho ah hian a zual kai bik in a lang. Sorkar sum kan han tih teh chawk hi mipuite sum, an thawh chhuah atang a chhiah an pek tling khawm a ni tih chu kan hre chiang tawh hlawm awm e.
Zawng hri an um bo a, sikserh leh phar natna pawh tih rem a beisei awm viau mai. Heng hri tha lo te hi chu mihring te hian kan duh lo vek avang in inlungrual in kan do za thei a. Nimahsela, dik lo tak a sum neih a chumi zara intihnawmsak duh erawh chu he khawvel awm chhung hi chuan an awm ve reng hmel si a, chuvang chuan corruption kan tih hi kan zing atang hian zawng hri te ang chuan kan hnawt bo daih thei ve lo vang.
Hemi a vang hian beidawng in kan thlir liam mai mai tur chu a ni lo. Loneitu lo ah pawh buh te, thlai te, hlo pui leh hlo te an to za a. Hlo zawng zawng thlawh rem vek sen a ni bik lo. A nihna tak ah phei chuan, vawiin a tuthlawh a a thlawh fai na hmun ngei ah khan rei lo te ah hlo dang an lo to leh mai thin. Hlo thenkhat phei chu an rit hlum emaw tih tawh hnu pawh ruah an lo sur seng seng a, an lo nung leh mai thin a ni. Nimahsela, loneitupa chuan beidawng lovin a bei hram hram a, kumkhat ah tum thum ngawt mai a lo an thlawh chhuah hnu chuan a thlai te chu an lo rah a, buh te pawh lo vui in, a nupui fanau te tan hnianghnar a eitur a lo a chuan a rawn chhuah thin a ni.
Chutiang deuh chuan corruption hlo hi tha thlah lo a kan thlawh zel chuan, engtik hunah emaw chuan he Zoram hian a fate tan puar leh fanna na a la thlen ngei ang. Hnuhpui thlawh lai chuan hnim lian pui pui an lo awm a, hling ten min chhun a, chung hnim zar hnuai a lo khawsa ve sisen leh fanghmir ten min seh thin. Chutiang bawk in hlemhletna a intimilian ho te at thlu tur leh pho ro tak tak tur chuan, an mi beih let na leh an zar lo zo ve thin tu sisen leh fanghmir lian ho seh pawh huam ve a ngai.
Mizoram ah hian eiruk do pawl tha tak PRISM leh SOSA an awm hlauh a, an ni hma lak na avang hian eiruk duh ho an ralti deuh sawt ni in a lang. RTI Act in kawng ro a su hle a, Lok Pal Bill tha tak an passed theih phei chuan mi pamham te an chep leh zual ang. Mitin hian hlep ruk duh lohna thinlung pu thei vek ila duhthusam chu a ni ngei alawm. Amaherawhchu, chutiang thinlung chu he lei anchhedawng ah hian mi tin in an put dawn si loh a vang in, a tisual duh ho ten rem chang an hmuh loh na tur a ral vengtu tha an awm a ngai a, an phu tawk hremna pe zel thin roreltu an awm a ngai bawk. Nang leh kei hian kut kuangkuah leh bawp khawkherh a lo uipui tui lian thlir mai mai lo vin, awm hmun atang mai pawh in tha kan thawh ve thei a ni. Engtinmaw? Rawtna te:-
1. Kan chan ai eiru a inchhekarbawm ho hi ngaisang lo satliah mai lovin, kan ngaihsan loh na lanchhuahtir ila. Duhthusam ah phei chuan, eirupa thusawi dawn veleh inkhawmna atang pawh in an chan ai a ei zawhsak ho te chu chhuak dum dum mai ila. Pawl tan a sum a thawh, a eiruk atang a chhut chuan tlem tham tak nisi te hi NGO pawh hian hnar thin tawh se la. Tun dinhmun ah chuan vengchhung chanchinbu hmang te in kan la inchawimawi emaw ni!
2. RTI hmang a finfiahna la khawmin, media ah te puang zar chhunzawm zel ila. (tunah pawh mi thenkhat chuan heti zawng hian hma an la mek reng a ) Thuneituten an chhui zuiin hremna an chelek em tih thlithlai reng ni se. Chutiang an tih loh chuan Vote thlak hunah action la mai zel ila.
3. A thei chuan thil tha lo an chin mek chu an lo sim theih nan counseling te pawh neih pui se. (A harsa viau chuan ka ring)
4. Helmhletna do tura a tak tak a penchhuak te hi tawiawm zel bawk ila.
:-D
April 21st, 2011 at 2:01 pm
nawr 1awm ang aw
corruption awmna ram chu ram hnufual thanglai mek an ni tlangpui a, developed state kan nih ve hunah chuan engtak ang ang maw? huihamm hahthlak thin mang e. 
buiatthlak eeeeee
Report this comment
April 21st, 2011 at 2:02 pm
voi 2 ka refresh pon ‘No comments’ la ni tho mawle
Report this comment
April 21st, 2011 at 2:10 pm
rose10 – i hi first tir ve ziah ka van chak tak a lawm thei e mai
Report this comment
April 21st, 2011 at 2:15 pm
Ziak ttha hle mai,,
Report this comment
April 21st, 2011 at 2:16 pm
ruihhlo ngaite gospel camping an buatsaih thin ang hian eiru gospel camping buatsaih ve thin se a bo deuh duak mai ang
Report this comment
April 21st, 2011 at 2:18 pm
badboy chu a thlit kerh2 lam nawrtawm nilo bok a, rawn lor hma hle mai..
Report this comment
April 21st, 2011 at 2:23 pm
badbawih zawng a khi suk suk ang a,a phu zuk ang a,a nawr tawm leh thei mai ang
Report this comment
April 21st, 2011 at 2:31 pm
@chemtatrawt: a thlit kerh2 lam nizawk se kan lawr hma zawk tur nia
rose10-i phei chuan a nawr tawm hneh hle mai a
Report this comment
April 21st, 2011 at 2:50 pm
a hrawkah nawr tawm thla vek jel ang chu male.@badboy..
Report this comment
April 21st, 2011 at 3:18 pm
Mizoramah hian eiruk hi chuti maiin a rem dawn lo. 90% hian eiru thei dinhmunah ding lovin eiruk duh lo mah ila, eiruk sum hmanga thil tih tam tak kan appreciate lawi si.
National leh State level age group tournament-ah te Esauva iangin kan upatna kan hralh a, kum kan eiru phawt. Scholarship ah income dik lo baksak a ziakin diklo taka sum lakluh kan inzirtir leh a, inthlan dawn hnaihah candidate te kan bawm buai leh luai luai a, therhhlo eng eng emaw show tir tumin.. blah blah blah….. EIRUKNA DO THEI KAN VA TLEM EM…..
EIRU THEI DINHMUNAH DING VEK ILA, KAN EIRU DUH DEUH VEK MAI LAWNG MAW!!!!…..NOI
keichu ka beidawng titih ta, in eiruk siak luai luai mai hi a nia ka duh tawh hahahaha j/k
Report this comment
April 21st, 2011 at 3:33 pm
@ 10, he pa,
Ei ruk ho hi do i la, ei lang ho erawh do lo mai ang aw?
Report this comment
April 21st, 2011 at 3:37 pm
Ka’n rawt belh ve te’ng: Sawi sawi lo hian mahni che chhuak ila
Report this comment
April 21st, 2011 at 3:39 pm
eirukdan thra nia k ngaih…. development Dept. lam an nih chuan an thil tih a hun takah leh a thra thei ag berin mipuite chhwr theih gey turin zo sela a… chutah a chuag a bang a la wm nih chuan hah manah lo insem vel my2 se………..
Report this comment
April 21st, 2011 at 3:49 pm
Ni ngawt mai……
Report this comment
April 21st, 2011 at 3:49 pm
Kan fate poh (kan nei anih chuan) eiru fate kawm tir loh tur te han ti bok ila tiro? atha khop mai. Thil pakhat chiah apawimawh ber pakhat ka tih thin chu kan rilru hian ngaisanglo tak zet ila dah hniam bakah hmusit ila kati.
Report this comment
April 21st, 2011 at 4:04 pm
I rawtna te hi a tha fu na a a practical lo ve thei tlat mai a. Eg Inkhawmna a an thusawi ngaihthlak duhloh, an thawhlawm pawmloh tihte hi a buaithlakna chu tunge eiru eirulo kha engtinnge kan thliar anga tunge chu hamrik chu ham ang? Tualthat ngei ni a kan hriat pawh courtah thiamloh chantir anih hma chu tualthat tih ngawt kha dan ani tlat silo a.
Kei chuan Mizorama hlemhletna nawrtawmnan hian income tax kan pek ve hi a hun ta khawpin ka hria.
Report this comment
April 21st, 2011 at 9:03 pm
A tha khawp mai. Ka support khawp mai che.
Report this comment
April 21st, 2011 at 10:38 pm
Ziak tha e, thahnemngaihna nen a ziah ani bawk a.
Mahni hlawh bak lakluh hi kan chak theuh a, mihring zia ani. Ram changkang kan tih ho ami te pawh hian an chak a, mahse an ngam lo mai ani!!
Mipui hi eirute endawng zawngin che mah ila a complete solution anih hmel loh a, practical tak tak a hman theih anih hmel loh bawk. A bul berah chuan Sawrkar ani. PRISM te, SOSA te leh mimal thenkhatte hmalakna hi a fakawm em em mahse hemite tihtheih chu eirute pholan ani mai! A bak engmah tih theih a awmlo a, eirua puhte an mualpho deuh a..chu zawng chu ani mai e..
Sawrkar in dan mumal zawk leh khauh zawkte, financial proceedings khauh leh transparent zawkte a siam loh chuan eirukna hi nep telh telh a rinawm loh khawp mai.
Hruaitu thar, eirukna a fihlim hmak leh eirukna haw tak tak kan mamawh ni ber in a lang.
Report this comment
April 22nd, 2011 at 12:53 am
‘A pu luta a pu chhuak leh a’ tih ang deuh khan han sawi thar leh hluai pawh hi ka peih ta bik mang lo.
Mahse Pathian malsawmna kan beisei ve duh si chuan hlemhletna atang hian mahni hi inthiar fihlim keuh mai tur…
Report this comment
April 23rd, 2011 at 2:34 am
Kan value system thlak a ngai. Nu leh pa ten fate hna atan enge kan itpui, engtin nge kan fuih? Makpa/mo atan eng criteria nge kan hman? Kohhran leh khawtlang ah tutenge langsar thin? Tunge kan biakthat, tutenge kan tlawn ruk thin? Eng hna nge kan ngaihsan, engvangin nge kan ngaihsan? PRICELESS awmzia hi kan hriatchhuah hun a kan hnam hi kan la zak dawn.
Rawtna tha tak anni hlawm e.
Report this comment