Kan hriat leh chanchinthar hrang hranga kan hmuh angin tunlaiin Driving License lem a tam tih hmuh chhuah a ni a. Heng thil hi eng vanga lo awm nge tih leh a tihkiam dan tur i han sawi dawn teh ang. A chhan bulpui berah chuan kei chuan Sorkar thil tih dan dik tawk loh thin vang leh uluk tawk loh vangah ka puh thla nghal rawk a, mipui lam chu lo dah tha phawt ila, in pawm zawng a ni emaw!
Tun hma khan kan khua(??)ah Driving License ka siamtir ve dawn a, dân ang kha chuan thla thum emaw Learner’s License neih hma kha chuan License pangngai a lo neih theih lo reng reng mai kha a lo ni a. Mahse Professional License ka duh si a, tichuan a khawihtu ber nen eng eng emaw sawi dunin, inhau ti tih, in haw hlei thei chiah si lo chuan pawisa-a insiam remin ka nei thei ta hrâm a, a rang (rapid) chi-a midang lo siam dan leh an pawisa phût thin angte ka lo hriat lâwk vangin ka ti thei ta a ni. Thil awmzia hriat nan thu hma tlem a tichiangtu atan kan zep phawt a ni.
Chuan, heta tanga lang chu, tun thleng pawhin a la ni thei a, a siamtu leh buaipuitute hian ngampa tak leh langsar tak pawhin hetiang hi an lo ti thin a,(tunah enge an an tawh ka hre lo) mipui pawhin kan lo ti thin bawk a. Indem thei kan awm lo, a thawktute erawh an insiam that phawt erawh chuan mipui lamah chuan a fihlim thei tih erawh ka chiang a ni.
Tin, driving License-a an lehkha puan an hman hi a lem deuh em aw, nge a tlânglawn ti zawk teh ang. Mi nazawng ina an hmuh/siam ve theih loh tur lehkhapuan danglam emaw, quality tha an hmang lo hian a lem siam tum tute a hip lo thei lo. A nih loh pawhin a lehkha puanah hian a rawn pâwng (bevel) chhuak turin seal dangdai chhu ta se, certificate thenkhat-a an tih angin. Emaw Hologram (sticker dangdai) bel ta se, a lem chhuak tur a veng thei ngêi ang. Information technology a sang a, mithiam kan tam ta.
Tuna an tih ang hi chuan tunlaiah a lem siam duh tan chuan thil harsa tak a ni lem lo tih a lang. Sorkarin thil tisualtute zawn chhuah a tum rual hian, a insiamthatna turah erawh hma a la ve torah ka ngai. Tin, Seal siamtu te hi Sorkar hian Control deuh se a tha ang, seal lem tih vel a tam e mai. Seal an siam tir dawn hian Office head/department head ten an siam tir ngei a ni tih lantirna/phalna tel lo chuan siam tir phal lo se, thil harsa lutuk a ni lo, chu chuan engemaw chen a veng ang. Tin, a siamtute pawhin a lem an rawn siamtir dawn leh dawn loh an hrechhuak thei ang. Tin, seal lem lo siamtute, Sorkar phalna nei lova siam tute an man chhuah pawhin hrem thin bawk se, nasa takin a veng thei bawk ang.
Ngatinge a lem a rawn chhuah tak vak tih hi ngaihtuah chuan nichina ka sawi ang khan a tak neih nan hian thil harsa leh pawisa eng ilo, ri rêt rêt awm thin vang a ni thei tlat, chu lovah pawisa duh vang hrim hrima thil sual tih pawi ti lo an awm a ni ve thei bawk. Hetiang hi chu khawvel piankem a ni ve reng reng a, mahse kan sawi tak ang hian engemaw chen chu a ven theih a ni. Traffic/police lam pawh in ti tha e, in tih tur a ni na a, mahse midang (deptt.) famkimlohna in hai chhuah sak mai mai a ni thei em? Mawng in hlim sakna angah pawh a ngaih theih angem?
Engpawh nise, insiam that kan ngai a ni, sum duh avangin sorkar lehkha pawimawh lem siam hi sual lian tak a ni tih mipuite pawh kan zirtir a ngai, kan inhrilh hriat a ngai, a thawkte ngei pawh tun chinah chuan fimkhur se, tisual chu hrem mai tur. Tin, Sorkar pawhin a vên theih ang leh uluk zawkin, dik zawkin thil a ti thin tur a ni, a hmawr lama chhawk mai lo hian, a bula kih ngai leh suat ngai chu a suat ngam dawn lawm ni?
Similar Posts:
- Lawngtlai DTO leh a behbawm
- Tu zawk nge kohhranin a phuar dawn?
- Ram hmangaihtu te khawsak dan
- Gas bur buk tlinglo tam lutuk hi
- Motor Registration tih that ngai
April 22nd, 2011 at 3:10 pm
Dan ang thlapin ti sela, siamchawp theih anilo mai tur.
Aw Zoram thola ding ta che
Report this comment
April 22nd, 2011 at 3:18 pm
Comment pakhatna khi ka ring nghal mai e.
Report this comment
April 22nd, 2011 at 3:22 pm
Thil diklo ti duh leh lo thurualpui duh kan awm zel hi a buaithlak lai chu a ni. Kristian lem (der), Ration Card lem, pawisa lem, Certificate lem,…. kan ram zawng a lem a tam lutuk. A mi chengte hian kan zirlo te pawh a ni mahna..
Report this comment
April 22nd, 2011 at 3:28 pm
1980’s kan license lak ve te kha chuan Learner kan ni tih hriat nan L lianpui motor ah kan tar va thin. Driving test pawh Chaltlang chho ah min neih pui a, a chho ulh laiah min din tir te te a, “Kal rawh le,” min ti mai. Traffic rules te kha eng eng emaw chu min zawt ve…khatiang pawh kha tun hnu hian an ti ta meuhlo nge mawni mi sawi ka hre ta ngailo reng reng. License tak2 la tur pawhin, test nei lovin an la ta vel mai mai thin niawm tak a ni!!
Kan kal penna tur lam signal na tur, “Min lehpel rawh,” tih nan signal light kan la hman chhung chuan license tak2 nei te pawh traffic ti jam zualtu zel kan nih hrih ka ring. Traffic rules hi chiang takin hria ila, chu2 hmang bawk ila, traffic jam pawh hi nasa takin a kiang ngei ang le.
Dan bawhchhia te hi hremna na (extreme) sela, kengkawh bawk se, dan bawhchhe ngam an vang thuai mai tur a!
Report this comment
April 22nd, 2011 at 3:31 pm
Traffic rules mai ani nang, traffic manners hriat a pawimawh, ziak loh dan (unwritten rules) hi a awm ve ania.
Report this comment
April 22nd, 2011 at 3:37 pm
DTO office rau rau pawh hi an dan hriat te hi a hrang nuaih mai lehnghal a. Lunglei DTO lamin Scooty khalh turin Motor Cycle without gear licence neih kher a ngai an ti a, Traffic Police pawhin hetiang neilo an man fo a. Aizawl DTO office lam chuan ‘lunglei chuan dan an hrechianglo anih chu, Motor cycle with gear licence neih chuan without gear(Scooty) chu khalh theih ani’ an ti hmak mai bawk si. Buaithlak deuh ani.
Chuvangin, Pu HVa sawi Driver ten traffic rules an hriatloh chungchang pawh hi dem vak chi pawh an ni lo; an licence lakna DTO office ten an hrilh dan a inanglo ani maithei asin.
Report this comment
April 22nd, 2011 at 3:47 pm
Nikum khan Lunglei DTO Office chuan Lungleia motor awm (zin zawk nilo)District danga registered te kha (MZ 02 nilo te) Lungleiah register that tur ani tiin lehkha an chhuah a. MV Act an tanchhan ber clause kha kan chhiar ngial a, Motor neituin a registerna hmun nilo a rei deuh tak motor kha a dah/kawl dawn anih chuan ava awmna hmuna DTO hnenah a in report tur ani tih ang vel kha alo ni daih si a, mak thei deuh ania.
Report this comment
April 22nd, 2011 at 3:55 pm
awmawmpuia #7 an mahni danah pawh dan kengkawh tu tur te an chianglo a ni maw a hahthlak hlawm mange.
Report this comment
April 22nd, 2011 at 4:11 pm
Ka tleirawl lai khan License lem ang chi deuh hi hman ah ka hmang ve thin. Ka siam poh a ni lo, MVI office a tang a min pek
Lehkha engte(yellow) ah hian Ka License siam that mek ang in min ziah sak a, chu chu kum 2 vel ka hmang.
Misual ka lo ni.
Report this comment
April 22nd, 2011 at 4:18 pm
Driving License maw ! Professional lo hi chu an pe chhuak mai2 thin anih kha le….kan nei fur alom, khalh thei miah lo te pawhin…hahaha…kei pawh ka nei, mahse driving ka la zir hman lova ka hmang rih lo mai2….India ram..mizoram sorkar te hi chu nuthlawi loose tawh ang mai hi an nia..i belhchian tumna lam lam kha han khoih deuh chhin la..a lo dup dul mai ang…
Report this comment
April 22nd, 2011 at 4:23 pm
Professional Driving License kha ka nei ve ngei a, ka lak lai khan la awlsam lutuk, a bu chi kha ani sia, ka su chhe ta!! License no ka lo chhinchhiah si lo, Serchhip lamah ka han kal a, ka han zawng ngial a kan hmu zo bawk si lo, a tharin min tihtir leh ta a, learner atangin min tihtir zan tawh, chuan test pawh kan nei thlap, a tling lo ho chu nidangah rawn ti leh mai rawh an ti vek, TUNAH CHUAN AN HAM SITRIK TAWH LUTUK, A HMA ANG KHA NI TAWH LO
Report this comment
April 22nd, 2011 at 4:24 pm
Driving License siam nan hia photo paper, injet printer vela print mai ni awm tak hi an hmang a, laminator pangai hmangin an laminate leh mai niin ka hria. (Kei chu eng D.Lic. ka nei lo, Bawng khalh chiah thiam.)
Hei vang hian D.Lic chu scan-in ami nazawng tan pawh photoshop-a siam danglam mai theih niin alang.
Chuvangin Laminate hnmain Electoral ID-a Seal tle nirniar emaw Laminate hnu-ah pawh embossed/engraved seal emawa chhut hnan chu nise. Tuna D.Lic tih hi chu a tlem khawp ang. An siam chhuah dan hi a local deuh hlek a ni.
Injet Printer vela print chhuah an hmang a nih pawhin chhinchhiahna dang an dah tel tur a ni. Scan copy theih loh tur.
Tun ami ang hi chu a tiduh tan chuan a awlai deuh hlek a ni. Tleirawl tan te, tin office-a pawisa seng teuhva va dawr buai peih loh tan chuan ‘Engemaw chen chu ti hian hmang mai mai teh ang’ tih hi kan hnamziaa tel ve a ni deuh roh leh nghâl a………..
Report this comment
April 22nd, 2011 at 4:31 pm
Ka licence pawh hi a lem a lo ni hial lo maw le.
Report this comment
April 22nd, 2011 at 4:32 pm
Smart card in an siam dawn an tia hmalak chhunzawmna engmah chu a awm lemlo a maw ni le ??
Report this comment
April 22nd, 2011 at 4:37 pm
Kei chu a lehkhabute ang kha ka nei a. A phek ang kha ka siam tir duh talo.
Report this comment
April 22nd, 2011 at 4:41 pm
Tuna ka neih hi chu an ‘ham strick’ hnu ami kha ania…laminate thlap…internet a an lak ngat kha ania….sawi miah suh an tia…mahse in sawi sia ka sawi ta mai anih hi….lolzzz
Report this comment
April 22nd, 2011 at 4:46 pm
Road tax pawh kum 5 vel chu ka pe tawhlo. Min thing lemlo bawk a.
Report this comment
April 22nd, 2011 at 4:53 pm
Govt motor an privatise ho document hi mumal miah lo bawk….road tax pawh hi an pe meuh emaw ni le ?
Report this comment
April 22nd, 2011 at 4:58 pm
Tunhma ai chuan an sitrik tawh viau,mahse naupang te te scooty khalh an tam tho.
Govt.vehicle privatise ho kha fumfe tak a register leh pawh awm teuh tho an ti.
Report this comment
April 22nd, 2011 at 5:07 pm
a hma ai chuan an ham sitrik tawh tih kan hria a, hei hian tlem chuan hma kan sawn ve ta tih a entir thei angem hemi lam kawngah hian? mahni ta lehzel a license ngai hi chu a!! TV ah te en na tur license te hi awm ta law law se!! mahni ta lo khalh an awm ang bawkin mahni TV lo en kan ching tho sia..haha
Report this comment
April 22nd, 2011 at 6:57 pm
Kan awmna vairam ang velah hian alem kan siam chawp thin, loh theihloh va lirthei khalh agai thin si a Traffic police in mak anti thei lutuk Mizoram Driving License hi alem bik khop mai avang in siam chawp a awl ani Manipur atang in ka siam tir ta alem leh chhawng mahse ka chawi tam lo Maharastra ah hi chuan Smart Card an hmang veka alem siam mai ahar ang kati tin Mizoram chu mi thenkhat tan chuan License neih a awlsam khop mai.
Report this comment
April 22nd, 2011 at 7:03 pm
Delhi ah poh driving licence lem chu Rs.500 in a siam theih reng….a tak nen a danglamna em em kei chuan ka hre lo…thra tops…misual ho khan in mamawh chuan awlzaw ani mai.
Report this comment
April 22nd, 2011 at 7:34 pm
Transport deptt hian tun thla laihawl vel atang khan smart card in siam hman an in beisei a, mahse an tum angin an hmalakna a kal chak lo aniang, an hman ta lo chu ania. An Jt. Director pakhat pawh thla tir khan a buaipui turin Delhi lamah a zuk kal. Engpawh nise smart card an issue har tawh lo turah beisei ila, a lem pawh a tlem zel turah i ngai ang u.
Keipawh nikum tir ah Shillong ah ka DL ka tih bo avangin kum 1 chuang DL nei lovin lirthei ka khalh tawh
smart card an siam hun ah ka la veleh chauh ang
Report this comment
April 22nd, 2011 at 7:37 pm
District Transport Officer hna hi technical deuh mai ani a; MVI te pawh hi course hranpa zirchhuak thlap an ni in ka hria. MCS te DTO atan an han dah ngat thin hi chu a fuhlo ka ti khawp mai. Tin, Gov’t vehicle privatise kha ka tlan ve a, Road tax chu ka pe tha a. mahse motor hlui kha insurance company ho khan an insure duh miah lova kan buai khawp mai a. Traffic Police lam kha an ti tha ka ti khawp mai; kha problem kha an hria a kum 2/3 chhung kha insurance an check duh ta miah lova, insurance company kha an tlawm ta anih kha. Kan insure ve thei ta alawm. Traffic Police
Report this comment
April 22nd, 2011 at 7:46 pm
#4 lane change indicator hi min tlan pel roh tih nan an hmang! Lol.. Va hahthlak dawn ve aww..
Keipoh ka driving license hi mizoram trang a nia.. 2002 khan phone in ka han bia a, min ron siamsak mai.. A lehkhabu ang chi kha a nia , awlsam phian tun thleng ka la hmang ..
Report this comment
April 22nd, 2011 at 7:52 pm
Pu Hv, khalamah khan road tax leh insurance te hi kum khat atan chauh pektheih ani ve em? Mizoramah kumkhat bak a pek theih tlatlo hi a buaithlak ka ti. Online banking te hian pektheih ve tawh se ka va ti em. Tax pe tura nileng deuhthaw intlar ngai hi a thing ka ti.
Report this comment
April 22nd, 2011 at 7:58 pm
chiap_chiap #25 Traffic rules test chu sawi loh, learner pawh ngai lovin test pawh awm lovin state dang atangin i chah thleng thei mai ani maw hairehai avan bawnra vele.
I sawi ang chu ka la nei ve ran asin. Hemi pic a i sawi anglo zawk la tur hian vawi 10+ exam nawn te pawh an awm. Chuti khawp a an fimkhur chung pawh chuan nitin tamtak chesual an la awm fo tho. Scientist te pawh vawi engemaw zat an exam nawn tlat2 mai ania aw
https://i55.tinypic.com/2ih72xh.jpg
Mizoram chu traffic pawh buai nuai awm reng a ni, kawngzim chhuanlam ringawt pawh niin ka hrelo
awmawmpuia Car insurance chu keini chuan thla 6 apiangin kan pe. Insurance hi mi sut emaw engemaw kan tawh a, kan thiamloh anihin a pung hluai thei. Traffic ah min man sela traffic point min pe se, insurance a ti sang thei bawk. Thlatin pawhin a pek theih a mahse a to, kum khat zel pawhin a tih theih tho bawk. Pek tur neuh2 a awm nual mai. Emission test, motor aangin meikhu hlauhawm a chhuak nasa em tih te, registration hi kum 3 emaw apiangin tih that angai bawk a.
Report this comment
April 22nd, 2011 at 8:15 pm
aw a kawm sen vet vet ang chi khi…nia test pal tlanglo in ka nei ta mai
ka vannei a siamin ka la chesual lo na chu..alo thralo khop mai tih ka hrechhuak. Kan lo ät huai a.. Thiam amaw kan in tih lai kha a hlauhawm zual lai tak.. Chuvangin tumah ka thil lo tih ang kha ti ve tur in ka duh sak lo khop mai
Report this comment
April 22nd, 2011 at 10:20 pm
ka neih ve pawh a lo dik hlelh deuh a, learner atang kan tan leh pek chu!
Report this comment
April 22nd, 2011 at 10:39 pm
#27 link a ka Indian driving license zawk kalo ak thin kha vairampurah ka tangkai pui thin khawp mai. Tourist hmun tlawh dawnin tourist (foreigner) angin thil man min chawitir an tum thin a, ka phawrh a Rs.250 emawni min chawitir tum naah te khan Rs.8 te ka chawi eg: Elephanta cave, Mumbai
Report this comment
April 22nd, 2011 at 10:50 pm
Red-Green Colour Blindness nei pawn Driving License an nei fur mai!
Report this comment
April 22nd, 2011 at 10:54 pm
Driving test te hi, hetiang deuh te hian ni thei se…
MVI lam khan lo ching ve teh se…
https://i55.tinypic.com/2cpowsw.jpg
Report this comment
April 22nd, 2011 at 11:07 pm
#32
Report this comment
April 22nd, 2011 at 11:31 pm
#32…lolzzz
Report this comment
April 22nd, 2011 at 11:41 pm
State hrang hrang tih dan pawh hi a lo inang lo khawp mai. Mizoramah hian kumtin Road Tax kan pe tlut tlut a, West.Bengal-ah hian a tirah kan pe tla vek a, a sam phian.
Hman ni chu ka Driving License ka ti bo va, police-ah FIR ka thehlut a, Dept.lamin Duplicate min pe leh a, Original kha ka hmu leh roh sia pahnih ka nei der mai le.
Report this comment
April 23rd, 2011 at 12:36 am
Mizoram atanga International Driving Licence min siam sak chu A4 size-ah lianpuiin Photo Paper-ah an print-a, ken kual a buaithlak duh hle. Tumkhat Maryland-ah Police-in ka Driver Licence min dila, ka entir chu a nui tawp.
Report this comment
April 23rd, 2011 at 12:50 am
winning,#36 ka nei ve tawh alawm. Bangkok ah takngial pawh an pawmlo mawle. Tuman siam loh a tha ber, khawiah mah an pawmlo niin ka hria, pawisa heksak mai mai. A hlai em em ringawt. Ram hming hrang hrang kha an han thai rang ve ringawt a, an pawm der silo hahahahaa
Report this comment
April 23rd, 2011 at 2:06 am
[…] reading here: Driving License Lem tih kiam nan | mi(sual).com Share on beboBlog this!Bookmark on DeliciousDigg this postShare on dzoneRecommend on FacebookShare […]
Report this comment
April 23rd, 2011 at 9:24 am
mi thenkhat chuan license hi an scan a, an laminate leh thlap a. a original zawk chu an dahtha daih zel. tihbo palh thu hla ah.(a lem siam awlsam dan tur chu kan hrethiam mai awm e)
Report this comment
April 23rd, 2011 at 9:55 am
Hriat zau nan : Manipur Driving license man
1. A thar siam nan Passport 2 leh Rs 400/- (LMV)
(Siam nan Ni 1 a lut)
2.Smart card Rs 800/-
(Web cam in thla an laksak ang che :-D. Siam na ni 2 vel bak ngai lo)
A lem kan hmang ve ngai lo.
Engtik lai pawn order theih a ni e.
Report this comment
April 23rd, 2011 at 1:02 pm
a bu te ang chi khan siam leh mai ta se la, a lem chu a vang deuh ang. A nih loh pawhin Hologram tal hi bel thei se mi nazawng tan chuan a lem harsa ve leh thei bawk a a rinawm
Report this comment
April 23rd, 2011 at 1:06 pm
Keipawh DL chu a booklet ang chi kha ka nei ve ngei thin. Kan siam tirh lai vel kha khatiang lo chu awm lo. A kawm pink colour ngat lehnghal!
Report this comment
April 23rd, 2011 at 3:32 pm
Delhi ah ka thianpa ta, mizoram ami, DL ka hmanga, min man ngai lo, a chiang vak tawh lo, thlalak a dang viau naa, mahse tribal hmel hi chu an hmu ‘ek’ vek ni ta hmiang te ka ti mai maia, tun thleng ka la hmang,.. lum em mai
teh ang
Report this comment
April 25th, 2011 at 11:22 am
Kan driving licence hi chuan rualawh a ti na khawp mai, lirthei khalh thiam reng reng lo licence nei an awm fur an ti. Lirthei khalh thiam, licence neilo pawh an tam an ti bawk.
Report this comment