Thla khat leh a chanve chhûng lek pawhin kan chènna leilung hian hmêlhmang lan dàn chi hrang hrang a chhuah a, dârkâr tin hian thil thar naràn lo tak tak a thlentîr bawk thìn. I chungah leh ka chungah a la thleng mawlh ang … fîmkhur chuh ang aw!
Thlâmte pawh a hil rip rep tawh a, a kiang lawkah di pâr a vul chêk chûk bawk. Kehme pàr hun intiam kan thawnthuah nula leh tlangvâl kan nei —an hriat a lo inkhuangrual si lo! A pawi zo ta! INTIAMNA hriat chian a pawimawh fo.
Mawi hle mah se, an vul lai hun a rei lo. A tùl-zùm lai chuhin naupang kam-hlei zual chuan chewing gum atân kan hmang thìn a. Nu leh pa feh hàwte pawh an fate tân min rawn hawnsak châng a awm. Tùnlai hian la inhawnsak zui ve zèl tak màw?
A hun ngaiah rau rau pawh mual tin leh ruam tin hnaivaia mi pawh an lan dàn a la dang ta cheu va, mihring sùlhnù tharlâm hian rilrù-ngaih a tingam a. Kan chènna leilung hian hmasàwn lam a la pan zèl zawng a ni e! I humhalh ang u, mawhphurtu vekah i indah ang u. DESTROYED IN SECONDS ràpthlàk theihzia hi! Duhthâlin Mizoram hi a chhûnga chèngte azìrin kan la nihlawh zual telh telh thei.
Thing ding-tâwl mai maia lang pawh hi cheimawitu dang naubânten an làn mawitîr belhchhah ve thei tho mai! Hringnun pawh chu tho chu, inchawimawi tawn tlânga mawi thei chauh kan lo ni theuh mai!
He thing hi a riang hle thung. Thlèk chìktu a nei ngai lo va, amaha hrui zâm uai hnawk pawh hmuh tùr a awm lo. Thlèk chian erawh a chovin a dàwl thung a. A tang pahnihte khi a thla zâr pharh a ang thuak a, a nih loh vèk paw’n … a chang inzâr pharh —sava thla zâr pharh emaw i ti thla’ràwk ang e. Ka hmuh hnuhnùn ber tumin, a zar uai thla khi a lo thlìngthlàwn hman leh dèr tawh asin! Chuti maimai tho chu hringfate hi kan ni!
Pâr tin mai hian rawng chi hrang an duhthlan dàn kherin pàrfung an chawi hran lo, Siamtû remruat ang zàwk zèl a lo ni! A sen, a eng, a vâr kher lo pawh —a nawinàwk rawng lehzèlte nèn! Thliah phàk lohva pâr vulte an nihlawh za-lel … wild-flowers don’t care where they grow … an pâr vul ve hrim hrim tho. I pian leh mùrna aiin i hlènchhuah thil a pawimawh zàwk tawh ang. Mahse, hei hi hre reng rawh … pâr mawi nei thei tùr chuan a zung (roots) a pawimawh tel zèl.
Tlai khua a lo ngui ta, thlang lam kâwlkil chu tùrnipui chuan ni dang rawn inherchhuak leh tùr atân leh kan chawlh hahdam nân hun min rawn kian ve leh ta! Tùkchhuak tin hian thawnthu thàrlâm leh lamdang tak tak min thlen fo thìn. Kan damtlâng hlawm em le, mi(sual) duh tak te u?
Similar Posts:
- Tawngkam Mawi – Mizo zia
- Communication tools!!
- Khiangkawi Ipte
- Khawpui ti mawitu thingkung te.
- mi{5ual}.com – Black/Dark Theme duh tan
a tha khawp mai
April 24th, 2011 at 5:35 pm
hmuh a va nuam ve aw….
April 24th, 2011 at 5:36 pm
A nalh hlawm khawp mai (Y)
April 24th, 2011 at 5:38 pm
Thlalak hi disturbing deuhte nih lem loh chuan en alo nuam ber mai, a bikin nature lam hi..
April 24th, 2011 at 5:38 pm
kan naupan deuh lai chuan kan ei thin KEHME hi hehe!!
April 24th, 2011 at 5:40 pm
Kehme …. lung i va ti leng ve.
April 24th, 2011 at 5:41 pm
@thangsira Pa tap mai rawh lol
April 24th, 2011 at 5:45 pm
I thiam ngêi mai chawnghilh. ‘Art’ ril tak hmangin mihring nun kil khäwr tak tak i rawn fang niin ka lo hmu vè. A zo raih. Mahsé sâp tawng ‘wild-flowers don’t care where they grow’ tih vêl i rawn telh kher khian a dah hniam deuh che.
Sâp tawng hi kan thiam viau paw’n kan sâp kan ni lo tih hi i inhre hräm hräm ang u. Tin nih châk bîk lo khawpin kan indahsang ve thawkhat bawk lovem ni?
April 24th, 2011 at 5:55 pm
E kei chu saptawng lo telh zauh khi a pawina ka hre reng reng lo, a audience a zir a ni ve alawm thuziak te hi chu.
April 24th, 2011 at 6:02 pm
Sap tawng mawi zawk na chin hi om ve tlats….
April 24th, 2011 at 6:03 pm
#8 (Y) pulpit tlangah pawh greek tawng chuan, hebrai tawng chuan an tih keuh zel hi………. thusawi chawtani a tan tha ve a lawm.
April 24th, 2011 at 6:05 pm
I van ron bei ‘romantic’ roh ve male..lungleng hman ni ila, han lung len zawk nan a tha hle mai..i thu ziah leh a seh hmeh vel khi….. (Y) 😀
April 24th, 2011 at 6:06 pm
(Y) (Y)
April 24th, 2011 at 6:10 pm
@chawnghilh, i thu leh hla a va ril tha dap dap ve le! I thlalakte chuan lung a tileng danglam zar mai a!! I thlalak sawifiah paha Sermon ropui tak tak i han zep tel zel thei maite hi keini mi(sual) ho hian a rilzia kan man pha lo zawk ang a, vawk hmaa tuikeplung paih ang chauh a ni mai ang tih ka hlau rum rum e! I post hmuh leh chhiar a nuamin a manhla hle mai! Nang nge nge…(Y) (F)
April 24th, 2011 at 6:10 pm
thlalak no 2 leh 3 hi nalh tawp bawk
April 24th, 2011 at 6:12 pm
A mawi zâwk vàng maia hmang tùr em ni kan nih? 🙂
Ni e, a audience te azir a ni takzet! Audience sâp ngaisang uchuak tak takte tan chuan i rawn tihdàn khi a tha thawkhat! 😛
April 24th, 2011 at 6:15 pm
#15 A mawi zawk vanga hmang tur kan ni tih lam ni lovin, phrase hnih khat lek a lo zeh tel zeuh khan a timawi leh zual e, tih lam a ni. A mawi zawk anih chuan saptawng vek pawhin ziak mahse a pawi emni le?
April 24th, 2011 at 6:19 pm
Wild flowers don’t know where they bloom. ehh 😀
April 24th, 2011 at 6:20 pm
pic chu a nalh hlawm khawp mai a, mihring leh thlai te chu chuai a liam mai tur kan ni si a, kan that lai mawi lai hun a rei lo si……
April 24th, 2011 at 6:20 pm
Audience sâp ngaisang uchuak tak takte tan chuan i rawn tihdàn khi a tha thawkhat!
April 24th, 2011 at 6:22 pm
#15 lol sap ngaihsan uchuak lam pawh a nih loh khi… hahaha ka nuih i ti za..
April 24th, 2011 at 6:24 pm
khawnge amah chawnghilh hi a awm? Engvanga saptawng rawn zep tel nge anih rawn insawifiah se a tha ang.
April 24th, 2011 at 6:26 pm
#20 🙂 . 🙂 🙂
April 24th, 2011 at 6:28 pm
Pic hmanga i thu rawn chhawp chhuah ho hian ngaihtuah a ti thui khawp mai (Y)
Kehme hrelo hi an tam tawh ngawtin ka ring (D)
April 24th, 2011 at 6:30 pm
Thlak hmuhnawmna leh a thu hril in pawlh tawk dan chu ava han tha em. Post hlu tak a ni. (Y)
April 24th, 2011 at 6:30 pm
(Y)
April 24th, 2011 at 6:33 pm
#4 Kehmë hi tui deuh mai asin! A ha´ng râps.
‘Sàwi’ ata´n kan hmang thin. 🙂
April 24th, 2011 at 6:34 pm
@10 Dik lutuk… Pastor ho hian an ti nasa ‘A Greek trawng chuan’ ‘Hebrai trawng chuan’ an ti nasa thei lutuk, Kan vengah phei chuan fiamthu thawh nan tak an hmang tawh.
Chaun…. Post tu Chawnghilh sap trawng in hman avangin an dah hniam che a….dahhniamtu #7 poh khian ‘Art’ tih hmang vetho khi dahhniam ve rawh 😀 😀
April 24th, 2011 at 6:34 pm
sap ka ngaisang love..mizo ka nih ka lawm bawk..lung i tileng khawp mai…i sap tawng rawn dah…wild flowers dont care where they grew….a mawi thlawt…mark sang tak ka pe a che….hetianga sawptawng zeh tel zeuh zeuh hi mawi ka ti…chuvangin seltu awm mahse…i chhunzawm zel dawn nia…as you like it..
April 24th, 2011 at 6:36 pm
Abba, talithakumi, eloi eloi lama sabakthani, amen, halleluyah tih te pawh Grik tawng Bible karlaka inzep in sawisel vak ngai em ni? Joi ai Ahom, joi ai ahom desh pawh rawn ti tel ta ila, chhiartu inchiahpiah karah kan khawsa tawh tih lanna universality ah ngai phal ta ila maw le, huang zau lutuk leh zim lutuk hi chu, author thuneihna chìn awm ve sela maw le, Aesopa thawnthua pa fa sabengtung zuar chanchin kan zir chhan kha awmze nei deuhvin hmang ila. In lung a leng ve turah ngaiin i thle hnup mai teh ang u.
April 24th, 2011 at 6:36 pm
#27 🙂 . Ka han ti vêl hlak a ni e. 🙂
April 24th, 2011 at 6:39 pm
ee chawnghilh i lo online lai hian ka lo sawi lawks duh chu, thlalak hi imageshack ah nilo lo upload tawh ta che? tinypic emaw imgur ah awlsam te in a tih theih e. Chuan khi pakhat phei khi chu a en theih loh a, en thei an awm tak mialin ka tia ka delete duh ta lem lo a.
April 24th, 2011 at 6:39 pm
#29 I rawn tawng vè a a ho zo mai dawn! Lo ngawi hräm hräm la maw lè chawnghilh! ‘Art Critic'( 😀 ) -hovin kan lo sawi hi a tâwk viau lo vem ni?
April 24th, 2011 at 6:40 pm
#32 ‘Art critic’ hovin kan ‘discuss’ hi ti la 😉
April 24th, 2011 at 6:42 pm
‘kan kehme tih a inang lo a nih chu’
Post (Y)
April 24th, 2011 at 6:44 pm
Chawnghilh i mawi khawp mai.
Tunlai Israel ram chu sping a intan a thin tin in hnah hring an puin par an khim a khim loh ve pawh in par an chhuang a khawpui chhung hi a par vul chuk vek mai a ni.
Khawpui chhung ah hian thinkung an tam em em vek a thin tin hian par an nei nia.Ka in bul leh a vel an par chuk veks.
April 24th, 2011 at 6:46 pm
#31 ‘aduhi’ chu ‘website’ hming i hre hnem hlë mai. I pualin ‘aduhi.com’ ka lo siamsak dawn che em ni? ( 😀 )
April 24th, 2011 at 6:47 pm
A mawi in a ngaihnawm dap dap hle mai.
April 24th, 2011 at 6:48 pm
lol #36 min lo siamsak ta che, ‘photos’ leh ‘videos’ ‘host’ na tur.
April 24th, 2011 at 6:50 pm
#38 Ka ti vêl mai mai a nih kha! 😛
April 24th, 2011 at 6:52 pm
thlalak (Y) chawnghilh (Y) (Y)
April 24th, 2011 at 7:18 pm
Ka nuih hi a za em em a ni, comment ka chhiar hian.
A mawi hlawm khawp mai a!
April 24th, 2011 at 7:26 pm
Mawihlawm hle mai a, Pic hi te deuh nih hi maw le…..
April 24th, 2011 at 7:35 pm
forget the saptawng….enjoy the beauty
April 24th, 2011 at 8:15 pm
Pic.5 khi ka very very duh bawn tawps.En chian a dawlin rilru a kuai ngaih mai.Han enchian leh zual phei chuan lung a ti leng ngawih ngawih.Eng par par emaw khi chuan ka lung a tileng zolo….Post(Y) (Y)
April 24th, 2011 at 8:16 pm
A ngaihnawmin a chhan atha thei ee…hmuhnawm thei bawk si (Y)
April 24th, 2011 at 8:37 pm
I sawi lunglen thlak roh mange a. Thlalak a te lutuk, ka duh khawp lo hairehai. Zirsangzela Hnamte in Runram hla a phuah te pawh min hriat chhuah tir rum rum e. (Y) 🙂
April 24th, 2011 at 9:49 pm
A mawi hlawm hle mai. A ‘theme’ i han zep tel zel hian ‘photography’ mai bakah ‘art’ a i ril zia a tilang.
Heng thla la tur hian hun leh tha (sum leh pai pawh a tel ngei ang) i sen nual ka ring. ‘Thlalak tha’ 1 neih man pawh hi a lo expensive theih zia, Ku Shaia’n hringlang tlang atanga rihdil a lak atang te khan ka man ve ruau ruau.
Tidaih ila, chawnghilh hi Lunglei chanmari pa, Pa Lalhmaa, S/o Tepuia boral tuma, vui hma deuha Rela te nena lo thleng, camera ak alukhum parh khum kha i ni ta em aw tih hi ka ngaihtuah fo thin
April 24th, 2011 at 10:02 pm
Ka post kan edit mai dawn a, ka mobile tang hian duh angin edit theih hlek loh mai.
Chawnghilh hi pic size chungchang in comment hi kan chhan sak ange. Thlalak thenkhat hi chu ka post hmasa ang deuh khian, a ‘expensive’ thei riau a, chumi hlutna hrethiam miahlovin an lo copy leh ‘inruk’ sak hial thin avanga a size liana upload duhlo anih kan ring ve ngawt. A original size duh chuan request ula, phal taka a pek ngei che u ka ring bawk.
April 24th, 2011 at 10:26 pm
A ril hle mai. Kehme par hun nghaka intiam te khi tutenge kha?
April 25th, 2011 at 12:08 am
A va han tha thin tehlul em!! a mawina chu thuhran nise, a hlu tel thin hi a ni tawrh har ber mai chu. (Y)
April 25th, 2011 at 12:45 am
A mawiin a thlalak inhmeh dan ziain thu i rawn chhep nalh bawk hle mai!
April 25th, 2011 at 7:15 am
Lamlian pakhat sirtuaka thil awmte mai an ni a, kan Zoram dung leh vangah hian thil mawi leh hlu a tam a, information leh publicity lam hian rilru tak takin kan ram hi han tuam peih sela chuan, Zoram hian mite ralkhat atang pawhin a hip lehzual ngei ang.
Lalhmaa thìha inawrh hnawk tak kha ka ni e. Zan khat riakin ka rawn kal kha.
Nia, picture ka dah lian thin a, ka ti te lui ta mai. Imageshack-ah direct link a in-highlight loh vang a ni pakhat. All comments get me enthralled.
April 25th, 2011 at 7:20 am
@chawnghilh..i thil rawn post chu lung a ti leng hle mai.. A pic leh i thu zeh a in mil thlawt e. A dang pawh rawn ti zel teh khai…
April 25th, 2011 at 10:34 am
Thlalak mai nilo thu thatak zirtir nei tha bawksi i rawn pho chhuak chu ava lawmawm em. A lem leh a thu inlaichinna a tha ropui bawk nen. . . Mi(sual) ho tan hian ilo vahan hlu tak em.