Sunday School-a Senior Department ka nih vel khan nitain ka hria, Good Friday leh Easter Sunday kan hman laiin ka rilruah a rawn awm tlat pek a, ka ngaihtuah nauh nauva, tun thlengin Good Friday leh Easter Sunday vuakvetah hian ka hrechhuak thin. Chu chu hei hi a ni,”Lal Isua kha hremhmunah a kal” tih hi.
Lal Isua kha Kalvari tlangah Kross ah a thi a, thlana an phum hnuin nithum niah a tho leh tih Matthaia, Marka, Luka leh Johana ziakah kan hmu a nih kha. Ni thum leh zan thum a thih lai khan Lal Isua kha a zirtirte zingah a inlar kan hre lo, a chanchin sawi tur a awm lemlova, Bible -ah hmun li velah chauh a inziak a, hetiangin ,
“Mitthi khuaa hnutchhiah nilovin, a ruang pawh a tawih loh tur thu a sawi hi , Krista thawhleh tur thu a sawi a lo ni”. Tirhkohte 2:31
“Krista pawh kan sualte avangin vawi khat a thi a, Pathian hnena hruai theina tur che uin, mi dik tak chu mi dik lote tan a thi a ni. Tisa tihhlum a ni a, thlarauvah erawh chuan tihnunin a awm. A ni chuan tan ina awm thlaraute hnenah thu a zuk hril a. Chungte chu Nova lawng tuk chhunga Pathianin dawhthei taka a nghah laiam awih duhlote thlarau kha an ni” 1Petera 3:18-20.
Bible chang pahnih ka rawn tarlan atang khian Lal Isua kha mitthi khuaah a zu kal ngei ani tih a lang thei a, chu mittthi khua chu hremhmun hi a ni thei angem ? Ka rindan chuan Lal Isua kha hremhmunah a kal ka ring tlat a ni, ka rinna chhan hrang hrangte chu :
MIHRING CHAN TUR CHU HREMHMUN A NI
Kan bawhchhiatna avanga mihringin kan chan tur chu thihna a ni. He thihna hi kan lei taksa thihna piahlama leilawta tlarau thihna a ni. Chu chu a awlsam zawngin hremhmun kan ti mai thin a, mi thenkhat chuan hremhmun leh meidil hi an sawi hrang thin a, chulai chu ngaituah em em lo ila, kan chantur chu hremhmun a ni tihah hian duhtawk ila. Kross lera rawn thihna chauh kha niin ka hre ta tlat lo mai, kan tawrh ai a tawrh dawn tak tak chuan kan tawrh tur tak tak chu hremhmun chatuan meipui a ni. Kross lera thihna kha chu hremhmun kalkawng chauh niin ka hria.
MIHUAISEN LAL ISUA GETSEMANI HUANAH THIH HLAUVIN
Lal Isua kha mihring famkim a nih avangin keini angin thih te chu a hlau ve thovang, mahse mihuaisen chuan thih pawh hi engah mah an ngailo. Indona chi hrang hrang chanchin kan hre tawh thin, mi huaisen tak tak, mahni ram leh hnam chhan nan hlau miah lova an nunna an hlan thin chanchin kan hre thin. Sawisak leh Korss lera thihna ka sawi nepna lam nilovin… Vuak leh khenbeh a tawrh dawn avang khan a lungngai ve thovang, mahse kha ti em em a hlau leh thlan thisen ang hiala far khawp kha chu kha kross thihna chauh kha a mission a ni lovanga tih rin theih.
Getsemani huanah khan”Kapa he no hian min pel lul rawh se”, tiin a tawngtai thlawt a nih kha. Juda tlangval huaisen khan kha Kross ler thihna kha chu a hlauh em em ka ring lo ve tlat, hemi phena thil inthup awm thei chu hei hi a ni, Lal Isua kha lei leh van siamtu, vanram leh hremhmun siamtu a ni a, hremhmun hlauhawm tur pawh a hre dawn chiang a ni, chuta kal chu a hrehthlawt a ni tih hi.
PATHIANIN A KALSAN
Lal Isua kha a thih dawn khan ring takin a auva, “Kapa, Ka pa, engah nge mi kalsan?” tiin. Engvang chuan nge Lal Isua kha Pathian khan a kalsan tak kher le ? Lal Isua kha a thih khan vanramah kal dawn chu nise Pathian khan a kalsan kher a ngai dawn a mi ? Lal Isua kha Pathian awmpui tawh lohna hmun Gehena ah a kal dawn avangin Pathianin a kalsan ta a ni !!!
THOLEH ISUA KRISTA
Khawvela a rawn kal dawnin Mari’n a paia, a rawn piang a nih kha, He a lei taksa kha a lo thi ta a, chuta tanga rawn thawh leh kha chu a harsa em em dawn em ni ? Awmlo ata a rawn pian theih chuan a awmsa taksa, thlana mu reng rawn luah leh kha Pathian tan chuan thil harsa a ni em em lo maithei asin. Chutah tak chuan Hremhmunah a zuk kal ngei a ni tih hi ka ring ta a. He taksa thihna, thih khatna hi ka sawi nepna nilovin, thihhnihna, thlarau thihna hi a hneh ngei tur a ni tlat. Chutah chuan a thlarau chu thih hnihnaah chuan thi ve lovin, hremhmun thil tihtheihna pawhin a chelh beh zawh loh khawpa ropui chuan a rawn tho leh ngei a ni tih hi ka ring a ni.
He taksa thihna hi a hneh a, thlarau thihna, mihringin kan tawh ngei ngei tur hi a zuk hneh ta bawk a ni. A thihna kha taksa thihna leh thlarau thihna a ni a, taksa thihna leh thlarau thihna chuan an chelh ding zo lo, a rawn tho leh ta a ni. Hei tak hi a ni a, Lal isua chhandamna hi taksa leh thlarau damna a lo ni ta a ni.
CONCLUSION
Lal Isua hi hremhmunah a kal ngei a ni tih ka rinna hian ka chhandamna a tihbuai phah lova, tin, Korss lera a thihna leh vuak leh sawisak a tawrh kha ka sawinepna a ni lo. Kha Kalvari tlanga a thihna kha hremhmuna kan tawrh ai a tawrhna tura a kalkawng pakhat a ni. Taksaa a thihna leh hremhmun a zuk hnehna kha ropui taka thlawhleh a ngaihna chhan zawk chu a lo ni. Lal Isua hremhmun a kal ka rinna hian nasa takin a hmangaihna min hriatfiah tir a ni.
April 24th, 2011 at 8:23 pm
A thupui chu… Ringawt che chuan….
Chhiar chiah ila..
April 24th, 2011 at 8:24 pm
Purgatory
April 24th, 2011 at 8:25 pm
Fiah taka chhiar angai…
April 24th, 2011 at 8:31 pm
purgatory ni lo ang, hremhmun a niang.
April 24th, 2011 at 8:32 pm
A thawhleh hnu khan a kalna chanchin kha a zirtirte hnenah khan lo sawi sela chuan kan fiah deuh tur ania leh.
April 24th, 2011 at 8:33 pm
i han sawi takah chuan a nih duh hmel viau mai.. Hetianglam hremhmun ah kan thih ai a zuk hneh tih hi ka voi 1 hriatna..
April 24th, 2011 at 8:34 pm
Hetiang theology ril hi chu mihring tan hriat vek a tul lo. Rinna atan a pawimawh lo.
April 24th, 2011 at 8:35 pm
Pathian thu lak dan hi mak tawh hlawm mange …. chhiar ang
April 24th, 2011 at 8:37 pm
a sawi thiam thiam sawi hi ka awih mai zel.. Mak tak2! .. Ka thuawih ve na lam tak a niang.. Hehe
April 24th, 2011 at 8:42 pm
nih leh lalchhungkua in hremhmun a awm lo an ti si a
April 24th, 2011 at 8:44 pm
An ti maithei. Mahse an risk ngam ka ring lo.
April 24th, 2011 at 8:51 pm
Ni e, hremhmun ah a zuk kal a,satanan a man thlarau te chu a zuk chhanchuak vek alawm,hremhmun inmate ni lovin hremhmun hnehtu a ni tlat…
April 24th, 2011 at 8:51 pm
chiap_chiap Says: a sawi thiam thiam sawi hi ka awih mai zel.. Mak tak2! .. Ka thuawih ve na lam tak a niang.. Hehe
Ka va han
chiangkuang tak em! 
April 24th, 2011 at 8:52 pm
Martin Luther leh Calvin te hoin an zirtirna millo tur chi Bible atangin bu tam tak an paih khan paih hmaih an nei tlat mai. Khami khan chhut uluk mite a tibuai fo reng asin. Zeldin thu a ngaihtuahna mihring/ringtu tamtak a kaltir reng a ni.
Isua khan Bible a la awmah chuan Kross an khenbeh pui pakhat zawk hnenah A rualin khami ni khan paradise ah a awm ve tur a sawi. Hmun dangah paradise (Greek tawnga paradeisos) Isuan a sawi ang chi pakhatmah hmuh tur a awm fiah leh tawh chiah silo. Khatiang te leh meidil leh vanram inkar sawina an lo paih vek mai kha pawi thui deuh a ni reng asin.
April 24th, 2011 at 8:53 pm
Tunhma kha chuan Isua Krista chu sawi loh Pathian thu hmang ringawt a mi in fiamthu an thawh ringawt pawh hian ka lungawi lo viau zel a;mahse tunah chuan ka zia ve ta hle mai,thianpa Zohote nen kan in tawn vang a ni,tin tunah digimalt-a nen…..
Tin,sakhuana a ni emaw engpawh ni rawh sek sek kan dinhmun that zawk zia kan hrilh thei amaherawh chu mi thurin emaw mi nihna emaw va sawisel chunga ram lak tum hi chu a tha ngai lo viau. Kan thiante hi Hindu an ni emaw eng sakhua pawh ni rawh se kan kristianna that zawk zia hi ka hrilh thei, Chutiang nilo a a enga mah hma hma a an sakhuana va beih ngawt ang te hi tha lo ang hian ….. tunah pawh hian Isua kha hremhmuna kal chunga kan rin theih dan tur(nangma rindan)lo post la tha viau ang.
April 24th, 2011 at 8:59 pm
I ngaihdan vak vel chu a tha ve reng reng e. Ka ngaih ve dan ka lo sawi ve ange, hremhmun hi rorelna kan hmachhawn hma chu tumah la kallo turah ka ngai. Setana te pawh an la awm lo a nih hmel tunah kan hnena an la chen danah, nakinah erawh setana tenen kan zavaiin rorel sakin kan awm ang a, chu thiamloh chang apiang te chenna tur atan chuan hremhmun hi buatsaih a nih ka ring.
Lal Isua’n kross ah khan “A kin ta” a tih kha tuarna zawng zawng a famkimta a tihna ah ka ngai, “Ka Pa, ka thlarau i kut ah ka kawl tir e” a tih khan Pathian kut ah a awm tawh in ka ring. Pathian kut chu hremhmun a nih ka ringlo.
hremhmun hi siama a awm pawh ka la ringlo, Rorelna ni(judgement day) ah erawh a awm ka ring. Pathian tan hremhmun buatsaih hi thil nuam anih pawh ka ringlo, mihring tan leh setana tana siam a nih pawh ka ringlo, Rorelna ni a thiamloh chang te chauh tana buatsaih a nih ka ring. Isua kha thiamloh changin a boral loa, a boralna ah khan Pa a lungawia thiam a chang tawha rorelna a hmachhawn hranpa leh in thiamloh changa hremhmun kal leh phawt anih ka ringlo. Hremhmun chu finally a thiamloh changte kalna tur a ni, judgement zawh vek tawh hnuah chatuan pawha an thiam channa hmuh tur awm tawhlo, an chhuak leh thei a nih chuan rorelna hran an tan a awm leh tihna a ni ang(chhuahlehna chhan tur). Mahse Bible a kan hmuh angin Rorelna a tawp chuan engkim rel a ni vek tawh tih kan hria.
April 24th, 2011 at 9:04 pm
Isua hremhmun a kal tih rindan hi ka lo chhiar ve fo tawh, dante ( ka chiang ta lo) pawh khan a lo sawi tawh a ni. Isua hremhmun kal lai a ramhuai ho hlau hmel vel tur ka hmu chak
April 24th, 2011 at 9:06 pm
Ni khawp mai, post tupa sawi ang khian rinna min tibuai lo sela.
@H.Vangchhia: rawn sawi pawh khi inhnial duh hrim2 tan chuan a daih rei khawp, Isua khan khami ni khan a hnenah a hruai nge ni a, a hnena a hruai tur thu khami ni khan a hrilh chauh zawk? tih te pawh hi ngaihtuah titam tak a ni.
April 24th, 2011 at 9:07 pm
#14 1st para
April 24th, 2011 at 9:08 pm
Hrehmun atanga tal chhuak leh thei turin eng thlarau mahin (Lucifer te pawhin) Pathian a tihlungawi leh theih ka ring lo, ala theih leh cheu a nih ngai chuan Hremhmun tak tak ala ni lo tihna a ni mai.
Hremhmun chu a kaw tawp a nih ka ring. Ala nih loh chuan a dang a aia hremhmun zawk siam leh a ngai ang.
April 24th, 2011 at 9:12 pm
He subject hi chu, Bible lehkhabu kimchang kan hman leh hun a awm chuan kan hrethiam chauh ang. Chuti lo chuan zeldin thu, Bible a chuang silo ngaihruatna nen hrilhfiah chawp bak a theih loh.
nastycool hian Bible bu kim a nei maithei.
April 24th, 2011 at 9:13 pm
Pathian thu hi ngaihtuah kual thui vak theih a ni ngei a. A enga pawh chu nise a hmangaihna hriatfiah tirtu anih phawt chuan pawmsak mai ila.
Thenkhat pawhin ‘Kros, Pathian thil tih theihlohna’tih zawnga an sawi lar vak tawh kha!! Mahni lam hi inenfiah hmasa thin ila, midang ngaihdanin min tibuai vak suh se..
April 24th, 2011 at 9:13 pm
Hremhmun leh vanram a kal hma hian Pu Pawla kawtchhuah a awm a . Chuchu sap ho in paradise an lo ti ve a. Misual an khenbeh pawh khan khami hmun kha a thlen ve ngei a ngai a. Hremhmunah nge vanram lamah tih kha chu Pu Pawlan vanram lehkhabu atangin a thangchhuah leh chhuahloh te, nula a ngaih leh ngaihloh te a en hnu a rel fel chauh tur a ni a. Chuvang chuan a dinglama misual pawh kha vanram a kai ngei em tih kha a chiang tlat lo.
April 24th, 2011 at 9:16 pm
#22 @paeia
Bible hi keichuan a kimchang ka ti, hei bak hi awm belh mahse tumah hei aia an fiah ka ring chuanglo, chu ti khawp chuan Bible hi ka ring.
Isua kha thi nawn leh mahse a ring duhlo hi chuan an ring chuang lo ang.
April 24th, 2011 at 9:16 pm
A thupui khi a mak hlei nem, Hmasang Kohhran Apostle-te hun atang khan thurinah an lo nei daih tawh. Kohhran(Trinitarian) ho zawng zawng(deuh thawin) an pawm ‘Apostle’s Creed-ah chuan heti hian a inziak
And in Jesus Christ, His only Son, our Lord; who was
conceived by the Holy Ghost, born of the Virgin Mary; suffered
under Pontius Pilate, was crucified, dead and buried;
He descended into hell; the third day He rose again from the
dead; He ascended into heaven, and sitteth on the right hand
of God the Father Almighty; from thence He shall come to
judge the quick and the dead
Mizo tawnga dah chhuahnaah chuan “Mithi khuaa’n a zuk kal a” tih a ni.
April 24th, 2011 at 9:20 pm
Digimalt, “Hremhmun” nilo in “Hrenhmun” a ni zawk ang em?
April 24th, 2011 at 9:23 pm
MIHUAISEN LAL ISUA GETSEMANI HUANAH THIH HLAUVIN tih para khi anih duh hmel khawp mai. Engpawh nise, hei hi chu mihring finna chuan a la chhuichhuak zo rih lo ani ber e
April 24th, 2011 at 9:26 pm
Ngaihdan sawi theuh theuh tuma rinna a khawih buai chuangin ka ringlo.
April 24th, 2011 at 9:27 pm
Apostles’ Creed
1. I believe in God the Father, Almighty, Maker of heaven and earth:
2. And in Jesus Christ, his only begotten Son, our Lord:
3. Who was conceived by the Holy Ghost, born of the Virgin Mary:
4. Suffered under Pontius Pilate; was crucified, dead and buried: He descended into hell:
5. The third day he rose again from the dead:
6. He ascended into heaven, and sits at the right hand of God the Father Almighty:
7. From thence he shall come to judge the quick and the dead:
8. I believe in the Holy Ghost:
9. I believe in the holy catholic church: the communion of saints:
10. The forgiveness of sins:
1l. The resurrection of the body:
12. And the life everlasting. Amen.
April 24th, 2011 at 9:32 pm
Q. Did Jesus go to hell between His death and resurrection?
Answer: There is a great deal of confusion in regards to this question. This concept comes primarily from the Apostles’ Creed, which states, “He descended into hell.” There are also a few Scriptures which, depending on how they are translated, describe Jesus going to “hell.” In studying this issue, it is important to first understand what the Bible teaches about the realm of the dead.
In the Hebrew Scriptures, the word used to describe the realm of the dead is sheol. It simply means the “place of the dead” or the “place of departed souls/spirits.” The New Testament Greek word that is used for hell is “hades,” which also refers to “the place of the dead.” Other Scriptures in the New Testament indicate that sheol/hades is a temporary place, where souls are kept as they await the final resurrection and judgment. Revelation 20:11-15 gives a clear distinction between the two. Hell (the lake of fire) is the permanent and final place of judgment for the lost. Hades is a temporary place. So, no, Jesus did not go to hell because hell is a future realm, only put into effect after the Great White Throne Judgment (Revelation 20:11-15).
https://www.gotquestions.org/di.....-hell.html
April 24th, 2011 at 9:34 pm
Han chhiar takah chuan ni duh hmel khawp mai. Keipoh i rinna khi ka chhiar zawh rual in ka pawm/rin pui nghal hmak a che.
Good Post
Post of the Day ah ka thlang e..
April 24th, 2011 at 9:40 pm
#30 a ka comment na ang hian Hell chu future realm, judgement hnu chiaha awm turah kei ka ngai e
Ka ngaihdan lanna link kan dah leh ange
https://www.gotquestions.org/di.....-hell.html
April 24th, 2011 at 9:53 pm
Doctrinal Theology a nih avangin huai taka sawi a har a. Tin, Bible a ngawih chinah hi chuan huai taka sawi tur pawh a ni lo reng a. Lal Isua tlanna kha khawvel tan a nih chuan ‘From now onwards’ ni lovin mithi tawhte a huam tel a tul dawn a ni, chu chu a mission-ah pawh a tel a ni thei.
Commentary leh Theologian-te pawh hian huai takin ‘Lalthachiangi pa ka chiang e’ an ti bik lo va, ‘a nih a rinawm’ tih hi thu tlukna a ni fo.
Theology sawi reng reng hian kan mimal ‘Intention’ a pawimawh fo. Kher neuh neuh leh sawihnawm kual kan tum vang nge, miten chhut peih min ti se tih hlawh kan duh nge- Pathian ropuina atan tih hi a pawimawh hle. Hnam issue leh Zu issue mai mai ang chu a ni lo hle ang a. Min an rawn sawi veleh luang thli chhem ang hmai a, nghin nghal luai hi a pawi a; principle neih loh phei chuan a sawi thiam thiam lamah thlek a awl.
Rin tur siam belh teuh ai chuan kan hriat sa hi ring vak ila nunna khawp chu a ni ang.
Englekhawle, post-tupa i fakawm hrim hrim a, i chhutna hi a awm khawp ka ti; thil thar pawh a ni lem lo e.
April 24th, 2011 at 9:55 pm
Comment dang ka chhiar a..mahse ka sawi ce chak em avangin ka rawn sawi ta pawp mai..a ziaktupa hian a thuziak hi chhiar chiang se…kan rinna nen a inkalh tih a hriat ngei ka ring…hremhmun hrehawmna ber chu kat te..leh thildang ni lovin Pathian awm loh vang a ni..Amah kan Lal Isua ngei a zuk kal chuan keini Trinity, Calvinistic theory leh Nicean thuvawn ringte chu kan chau ve ngawt ang..Amah kan Lal Isua chu Pathian a ni si a.
April 24th, 2011 at 9:58 pm
Engmah ka hrethiam pha ve lo. Engkim ala chiang uarh mai ang nakinah
April 24th, 2011 at 10:05 pm
April 24th, 2011 at 10:09 pm
“Hell” emaw “Heaven” emaw pawh nise, “Place” ni lovin “State (of life)” a nih hi a rinawm zawk mah. Physical World (i.e. within the realm of space and time) piah lam thil daih a nih avang hian.
Catholic-ho chuan HRENHMUN an ti mai, Chu chu “purgatory” an tih nen a in hen vel hi a ni ang.
April 24th, 2011 at 10:49 pm
‘..A ni chuan tan ina awm thlaraute hnenah thu a zuk hril a. Chungte chu Nova lawng tuk chhunga Pathianin dawhthei taka a nghah laia awih duhlote thlarau kha an ni” 1Petera 3:18-20.
Kan tleirawl laiin ka pa khan sermon atan a duh si a, ani saptawng thiam lo khan midang a rawn a, he chang chungchang hi, ka lo ngaithla ve kur a. Engtinnge a sawi tak phei chu ka hre lem lo..
Ka google, wiki vel ngial pawn ka hrethiam thlawt lo e…
Mihring sawi naah ngai hmiah mai teh ang!
April 24th, 2011 at 10:55 pm
comment ka chhiar thla dan dan a.. a ngaihnawm ka ti thlawt..
Pathian thu hi nunpui tur a ni a, sawi ho tur a ni a, inhnial nan pawh a sawt zawng a nih chuan a tha thlawt e. Chhandamna lai tak hi a pawimawh a, he theology hi chuan chhandamna lam a khawih buai loh avangin ngaihngam takin ka rawn post a ni..
Bible kan keu phah a, article dangte pawh kan bih phah ta zel a, a hlawkthlak ka ti khawp mai.
April 24th, 2011 at 11:09 pm
Mitthi khuaah chuan a kal a ni tih The Bible chuan a ti si a, kei chuan hei hi ka ring e.
April 24th, 2011 at 11:16 pm
Vanram tih te hi chu abik Mizo te kan in hnemna mai2 lom..hmanlai khan hnathawh kha a hautak sia vanram ah chuan faisa rin der2 kha an tia kan thlahlel zo vek lom…Christian nilo christian te aia ropui hi an tam emai…Muslim te Hindu ho te poh vanram kailo tur ah kan ngai,anni pon kan ngaih ang thoin an ngai ve a…..Kan rinna mai2 ani heng hi chu han ti vak dawn ila Pathian pawi te kan sawi riau2 ange…….
in zavai in Easter chibai leh vek u…
April 24th, 2011 at 11:20 pm
Mitthi khuaah a kal emaw, kal lo emaw, hremhmun ani zawk emaw pawh nise kei ka ngai thutak lo teih teih lutuk. Ka rina hi ka hria a, aman min hre bawk a, ka lawm tawk em em mai. A chhehvel boruak tuipui vak chi ka ni velo tlat mai
April 24th, 2011 at 11:43 pm
@ cyberthug, its your life! Hmm
April 24th, 2011 at 11:49 pm
Hetiang lam theology kaih hnoih post hi kan in tih hmuh tan em ni dawn aw ! He thil hi Jehovah Witness hoin hremhmun a awmlo tia an tan tlatna chhan kha a nia, hell, seol, gehenna etc kha a chang leh mitthi khua, hremhmun etc tia leh thlak mai mai khan an sawi a.
Asteric in 30# a rawn sawi dan khi ka lo pawm dan deuh chu ania, chhui vak pawhin Biblical Scholar te nih si loh chuan kan bo dawn chauh emaw hi a ni mai a, Hebrew tawngte kan thiam loh bakah christian early writings ho han hmuh mai mai tur a vang bawk nen ! Chuvangin, kan doctrine in a sawi ang khian mitthi khua ah a zu kal a…tih hi ka duh tawk viau mai !
April 24th, 2011 at 11:51 pm
A then pawh kan hre thei lo,he luikam atang hian
April 25th, 2011 at 12:02 am
Kros thu chu boral mek te tan chuan atna a ni lawmni kha? Chhut vak vak loh hi 90% vel chuan a him in ka hria
April 25th, 2011 at 12:11 am
Ringtute chu hriatbelh zel turleh kan thlenchin atanga hmasawn zel tur kan ni.. Pathian thu hi chhui tlak a ni a, kan zir nasat poh leh a ropui zia a rawn lang a ni. A chhandamna kan chan hnu hian chawlh mai tur a ni lo, hriat belh tumin hma kan la ve zel tur a ni…
Muslim pawhin Kohran an hriat chian em hi, keini Pathian nung betute hian kan tluklo thin…
April 25th, 2011 at 6:09 am
Thil thenkhat hi chu kan hriat vek tul lovah Pathianin a dah! Helai thu pawh hi thu har, inhnialna atthlak chawk chhuak thei chi bawk a ni e.
Engpawhnise, Pa Pathian chuan a chhandamna a FAPA hmanga a rawn siam hi chang turin mitthi leh mi nung tute chungah pawh FAIR takin ro a rel ang tih hre phawt mai ila, MAHNI lam hi chiang bawk ila a tawk viauin ka hria.
April 25th, 2011 at 7:18 am
Van ropuina kal sannin he lei anchhedawng ah hian alo kal a, Pathaina ng a awm kha thilthlak hleh theiah a ruat lo a. athil siamah ngei rawn changin amah leh amhah kha rawn intitlawm zawk anih kha. Tihdudah leh Kross ngei a thihna chu a rawn thlang ta ani.
Han ngaihtuah mah teh u, Kan chhenpuite ngei chakma zingah khaun ansual sim theihnan tiin he tihduhdahna leh kross thihna hi kan thlang ngam teuh lo. Pathian meuh mahni thilsiam te zinga han chan mai a, thihna han thlan mai chu le. Mihring ani a mihring ang bawk khan engkim a tuar ani. A thidawn pawh khan mihring ve mai anih vangin ana tuar tur leh thina kha a hreh ani. Ka sawi thiam lo a, inla fiah avak loh chuan Kross thu chu miboral mek te tan chuan atna ani a, chhandamte tan chuan finna tih hi a dik ani mai
April 25th, 2011 at 1:06 pm
@digimalt post tha khawp mai…theology lam hi chu ka tui ve vak lo a mahse ka hriat ve danah leh ka pawm ve danah chuan…
lal Isua hi mitthi khuaah a kal ngei tih hi..akal na chhan hi chu engdang vang ani lo pathian thu soi tur leh thlarau bo chhanchhuak tura kal ani…mitthi khua tih hi hremhmun ani kherah ka ring lo..ka ngaihdan leh ka rin dan ah chuan mitthi tawh phawt hi mitthi khuaah om in khawvel tawp ah rorelna ni an nghak ni deuh ber in ka ring..Isua Krista hi khawvel ah chauh pathian thu sawi lovin Mitthi khuaah pawh a sawi ani tih zok ani..
November 29th, 2012 at 10:28 pm
Nothing is ever clear, precise, concise or easily understood about the Bible because it is not the work of God but of man. Translated by unknown writers through thousands of years from translation to copy of translations to copy……that’s why we have so many versions of the Bible and so many denominations.
Most boring and unclear for me, a sinner.