(A sir lehlam chauh ka thlir a, a lehlam atanga rawn thlir tu tan chuan hnial kalhna tur a tam ngawt ang. Dik chiah chuan mei zuk loh hi kan duh ve tho a. A harsa a ni. Chuvang chuan a zu mekte inhampuar ve na tawi te hi sawi ve teh ang.)
Tunlai chu mei zuk do na lam hriat tur a va tam tehlul em! A zu mite tan chuan dinhmun a chep tulh tulh a; mei zuk hi a inthlahrunawm ngawih ngawih ta. Mei ka lo zu ta kher kher hi chu…awlsam taka sim mai theih a ni silo va. Sum leh pai senso a tam duh khawp asin. A zu ve lo mite hi kan awt a, a nghei theite hi an insumtheihna a fakawm kan ti. Mei zuk avanga dan bawhchhiat theihnate hi kan tan chuan dan sakei a ni ta ringawt mai.
A aia thalo leh kan chhiatpui zawkte kalkanin mei zuk kan do chum chum a. A va ropui tak em! Mahse, mei zial tlawn khatin 15sec. velin nunna a pawt tawi tia kan zir thinte hi chu ka awihlo reng reng. An finfiah tawh em ni?
Hmanah khan meizial ka zu ru thin a, tunah chuan ka zu ru tawh lo; tupawh ka zuk khum ngam vek tawh. Lovah han feh ila, chhun chaw fak khamah thlam namthlakah zothlifim dawn pahin zozial han hip vang vang ila, a zu ve lo te hi kan awt bik reng reng lo.
Kuhva leh meizial hi a va’n inchawbe tak em aw! Eitur dang hi kan mamawh bik lo khawp mai. Mei zuk do ho hi thingtlangah kuthnathawkin, a sur a sa hnuaiah hlo han thlo ve se. Mei zuk hi an la do zel a nge’m?
Furah ruah tla cherh cherh hnuaiah pawh thomitchhaih leh thosi tih ang reng velte hi chu meizial zu mekte bulah chuan an awm duh lo va, a zu ve lo te hi an zarbuai chhen thin.
Mei zuk hlauhawmzia hlir an sawi a, a zu mite chu dan bawhchhia kan ni thei a; mei zuk phal lohna hmunte an siam a, chu ta zu te chu pawisa an chawi tir thin. Mei zuk hlauhawmzia inziahna chu chhiar tur a tam em em a. Eng ang paw’n hlauhawm mah se, kan zu lo thei silo. Mei zuk ai mah hian a thatlohzia an ziahna te hi chhiar ka hlau tawh zawk a, mei zuk aiin media lam atanga a hlauhawmzia an tarlan hmuh/hriat hi ka hlau zawk bawk.
April 25th, 2011 at 6:08 am
mei zu mi chuan a duh chuan zu mai se.. Mahse, zuk na hmun leh hun hria se.. Ni mai lom ni..
April 25th, 2011 at 6:15 am
A duh chuan zu ula a duh lo kiangah erawh ti khulo hram ang che u.
Kuhva leh meizial tui ka tih theih zia kha aw, zu (liquor) ka nghei pawhin meizial chu damchhung zuk tumin ka rilruah ngaihtuahna ka nei thin. Kuhva hi ni khatah Rs.40 man bawr vel ei thin kha 1995 chho vel atang khan ka ei ta hrih lova, meizial pawh kum 3 ka zu talo. Chhuanlam kamchhia etc chu in enkawl uluk chuan alo awm lem love hairehai.
Chini tel lova thingpui in ang te hi harsa ka tih ala ni, ka ngawlvei chhun ni ta berin ka hria. Chini ngawl ka vei hairehai 🙂
April 25th, 2011 at 6:18 am
@HV ka hriat sual loh chuan..chini hlauhawm zia i ron ziak a maw tia.. Lol.. I lo mamoh ber a nih kha..
April 25th, 2011 at 6:29 am
Ka la zu a, sawimawi emaw mahni inthiam emaw ka tum hranlo. Ka ngheitheilo tih te hi chu ka awih chiah lo, awlsam erawh a nilo. kan zukloh avangin taksa-ah min thing ut ut leh min tur ut ut a awm lem lo, awm emaw kan tihna zawk hian min tur ut ut. A ngawl kan veina hi physical ni lovin mental lamah zawk niin ka hria. Mak ve deuh chu kum 6 hnuah ka zu leh a a tuina ka lo la theihnghilh miah lo. ;-(
April 25th, 2011 at 6:29 am
chiap_chiap, # 3 mamawh loh hi ka ei in ka in leh thin. Chini pawh ka (mouth) in a chak tel tawh tlat a nih vang mai2 a ni e. Tumah Chini ngawlvei kan inti duh chuang hauh lovang chu.
Kohhran hruaitu te ngat phei chu hairehai. “Heroin leh Cocaine nen a ngawlvei theih dan a inang,” an ti ta mauh mai si a, chhut chian chuan ngaihtuah a ti thui khawp mai. Mizo te chu drugs anga an sawi uar hma chuan ngaihsam takin engahmah kan ngai leh chuang lovang. 😀
April 25th, 2011 at 6:31 am
Mei chu ka zu ngai miah lo na a, thil addict tlat hi chuan in hrethiam hlawm teh ang u!!. Thatloh zia te chu kan hre ve reng!! Kei pawh HV ang deuh hian thingpui ka in hi chuan thlum tawk lo chuan ka duh lo!!. Nikhatah no 3-5 ka la in zui!!
April 25th, 2011 at 6:39 am
@ HV .. Sshhh.. Khatiang sawi suh.. Heroin leh cocaine te i ti sia a ruih theih tak in tiin engtintin emaw anlo ti kual leh a nge.. Ajinomoto, beeter sleeper,toothpaste! …
Ka OT mah mah post tupa ka hlau deuh.. Hna kan thok ve toh nge..
April 25th, 2011 at 6:44 am
#7 hahahhaa ruih chi chauh hi ngawlvei theih ani hleinem hairehai 😉 Sex te, len chhuah te, Pathian thu te, lehkha chhiar te etc etc ngawlvei theih hlir a ni ber ang chu mawle.
Engkim mai hi a lutuk chin chu mihring thatna lam ai mahin that lohna lama min hruai thei an ni fur mai. :-S
April 25th, 2011 at 6:45 am
Tunlai te hi ka heh khawp mai. 1996 kha ka zuk ruk tanna a nia vawiin ni thlengin ka chhungte hmuhlohin ka la zu ru…..hehe…ka zu tam ngailoa mahse ka thlah tak tak chuanglo, ka duh hun hunah ka nghei thei tih rilru ka pu renga mahse nghei ka tum chuang miahlo. Ka zuk hnuah zu miahloa kumtluana awm chu ka nei veleh tlat lawi si (1998 & 2005 ah ka zu lo). Mahse tunlai chu heh ve tak ka ni, ka awmna hmun a zira ka zuk loh leh theih chu ka la ring fan. Mi thunun nge kan in thunun tawn pawh ka hrelo…haha 😀
Kuhva erawh ka ei khat khawp mai, ka eilohna chhan ber chu, nuih duhmi ka ni a ha sen hi ka inhmehlo bik tlat (ka ei in miin min sawi duh bik). Tin, inkhelh laiin ka ei bangnawi ka kaa la chambang ka lem naah thi lek lek in ka hak tawh bawk.
April 25th, 2011 at 7:29 am
Ka duhdan chuan ZU ai hian meizial hi do ila ka lo ti ve thin a! Chhanchu mei zu bula awm chuan zu ve lo tan hrehawm em alawm.Zu in bulah chuan a hrehawm na a awm si lo va
April 25th, 2011 at 7:34 am
kei chuan nghei harsa ka ti tawp..thingtlang a han awm a,Pathianni tukah kan ei khat leh ei chak em em DAL ngat han hmeh a,chaw eikham a kuhva hring leh zozial(trawn te carlo) nen ngei mai a han chhut zui kha alo van nuam thin tak!!
April 25th, 2011 at 7:45 am
“Meikhu ur loh a hrisel ngai lo,” an tia mi kha???
April 25th, 2011 at 8:04 am
kuhva han ei a mei han zuk vang vang hi chu a tui a ni , sim a har khawp mai . a that loh zia hi chu kan hre kur ngiai nguai .a ngaithei thlawt lo bul ah hi chuan ka in sum mai a. An bul ah ka awm rei peih bik lem hlei lo a . 😛
April 25th, 2011 at 8:09 am
Ka naupan lai chuan ka zu ru ve thin, tlangsam/pholeng hnah ro zialin bukte ah kan zu ru fo bawk. Mei hi ka zu lova a zute ka sawisel ngai lem lo. A chang chuan rimtui tih chang riau ka nei thin.
Thingtlang hlo thloa hna thawk tan chuan tih makmawh a ni mai lo maw. Vaihmite leh thosi hnawh bo nan a tha khawp mai.
Meizial zuk loh chuan nawalh/lighter kan lo pai lo nge nge a, eng emaw thuta thil han hal mai ngaih chang hian a buaithlak duh fu.
April 25th, 2011 at 8:55 am
Meizial hi chu a la ngaihdam theih a…kuhva hi ei tlem a tha khop mai.Ka chhung fai leh thianghlim tak hmuh tur hi mipa zingah kan tlem em mai. A sehtu ka ang maiin a sen huam mai a. Officer, TV a interview te poh hi an ha a sem thei sia, mawi lo.
Anti-Tobacco Squad hi a that viau rualin, ninawm lamah a kal. In chawi sim tir chi a ni lo meizuk hi.A tha lo tih chu ATS awm hma pohin kan hre ning hlei hlui a lom le.
April 25th, 2011 at 8:57 am
Ka la zu nasa mai….mahse hei kum 1 vel chu ani tawh ang…mizo vaihlo tui zuk ka ching ta a, bazar lamah agent ka nei a, mizo vaihlo tui ka zu veng veng zel mai…nghei palh hlauh erawh chuan a thlakna tur a vang duh ruup mai…GoldFlake double kingsize te hian meizial chak a tireh thei mang miah lo… a to hlur ringot…chuti tak chuan a tha lo hran lo aniang, hei kan thenawma kum upa deuh deuh kum 80 chuglam ho hi mei zial zu lo an awm pawh ka hre lo…hahaha..ka sawimawi chu ni miah lo ania….. 😀 (Y)
April 25th, 2011 at 9:12 am
Meizial zu dam rei tak tak an tam em. Phur chang in ka zu ve thin. Zu ngai miah lo bulah erawh zuk loh theih hram a tha. A rim a che duh em mai.
April 25th, 2011 at 9:22 am
Meizial hi a zu ngai lo tan chuan a rimchhe phian mai. Mei zu thin te’n an hriat reng a ngai a ni. Secondhand smoke hlauhawm dan erawh hi chu ka hre thiam lutuk lo, a khu pangngai aiin hriselna atana a hlauhawm zawk an ti leh zel a! Mei zuk kher poh ni lo thil dang reng reng poh a hun leh hmun thliar nachang hriat hi kan zir deuh deuh chu a ngai a ni e….Social animal kan ni a, mahnia cheng tua duan kan ni lova, midangte nena cheng ho tura khua nu duan kan ni miau a,midang ngaihtuah tel chunga kan khawsak a ngai kumkhua dawn ani …
April 25th, 2011 at 9:42 am
Meizuk chu ka sawisel hran lo (kei paw’n zu miau hek)…mahse a hun leh hmun hriat a tha khawp mai. Thiante ina len nikhua te hian zu chak hle mah ila hawi kual vela Ashtray ka hmuh mai loh chuan an zu ngai lo tih a hriat a, ka zu ngam lo thin. Chutiang deuh chuan a hun leh hmun hi hriat a tha.
Thingpui erawh kei zawng nikhatah no 8 vel tal in thin mawle huhu
April 25th, 2011 at 9:57 am
meizial zuk hi chu nuam ve mai mai ngawt mai, a tirah japanhlo ro te kan han zuru a, hostel ah a rukin kan zu khu luih luih a, nuam ve thei mai mai ngawt mai, tun thleng hian ka pa bulah chuan ka la zu ngam lo, min hre tho naa, nghei theih loh tak tak phei chu a awm loin ka hria, drugs ang te hi a ni lem loa, rilru hi a pawimawh zawkin ka hria, kar khat emaw, thlakhat emaw han ngheia, han zuk leh hian kan heh zawk an ti,..tak tak ni maw? ‘dawn ve teh rotuibut vaihlo zialin, kan in neih hun tur chu, thuampui’ 🙂 hairehai
April 25th, 2011 at 9:59 am
Meizu mi kan chep ta viau hi a tha ka ti khawp mai. mahse meizuk phalloh kan uar viau lai hian smoking zone siam kan uar ve zel a tul ka ti. Chutilo chu dan bawhchhia kan tam ani mai.
April 25th, 2011 at 10:10 am
A zu thin te ho ka dem lem lo, mahse mahni hriselna tichhe thei hi chu tih loh theih a va duhawm em! A tuartu keimahni bawk kan ni tho si.. in zu a nih pawhin midang tana hnawk sak lo in ouhh………….
April 25th, 2011 at 10:26 am
kei cu soi tur vak poh ka hre lo…chhass leh zial hi cu ka bansan thei lo…hairehai (H)
April 25th, 2011 at 10:54 am
Pak khu vang vang chung hian, “Cigarette smoking is a health hazard,” tih ngampa deuhvin kan chhiar fo! A rawn nih tak tak meuhvah chuan, nghei kan tum leh ruai ang a, a sawt tawh chuang si lo vang le!
April 25th, 2011 at 11:14 am
Mei zu lo theia ka awm hi tholeh Krista zahngaihna a lo ni.
April 25th, 2011 at 11:50 am
Kum 5 vel mei ka nghei ve ta der mai. A rim hi tui ka la ti lutuk.
Ka nghei dan (tu tan emaw a tangkai takin) – Mei zuk hi thinlung takin ka duh tawh lova, ka rilru ka siam fel a, ka chak chung chung pawhin ka zu lovang ka ti tlat a, thiante zuk lai han fawh chhin zuai chak hun a tam mai, ka rilru ka lo siam fel laklawh tawh a, sut leh hnihne ka duh lova,tun thlengin ka la zu leh ta lo a ni. I rilru i siam fel tawh chuan a har lo asin.
April 25th, 2011 at 12:55 pm
in sawi in sawi a, kan zu teh ang! roll chawp chi bak chu zu pha thak lo!
April 25th, 2011 at 2:10 pm
k pa hmaah chuan k zu chuanglo nain k pa’n, “thlakhatah cheng sang man fe chu i halral” min t ziah…..
mahse k la ngeih phah chuanglo…. (H)
April 25th, 2011 at 2:24 pm
Chawlhkar hnih zet ka nghei ta – mei. Keimahah a langchhuak nge chhuak lo ka hre hran lo. Nghei trul tih vanga nghei pawh ka ni chuang lo. “Ka’n nghei chhin” ka tia, ka nghei ve ringawt. “Casual nghei” a ni ber e
April 25th, 2011 at 2:28 pm
Nghei a har ani!
Zuk phallohna hmun a zu te an chawi tir thin hi in simtir tumna lam a nilo, dan bawhchhe hremna a ni.
Meizial do pawl, zu do pawl AIDS do pawl Coruption do pawl etc an awm a, a ai a sual lian a tam emai tih a ngaihnep ngawt chu a tha ber lo mai thei, thil tha tih tum a hmala te hi chu han thlawp zel phawt ila, ATC phei hi chuan a zu mi tan pawn a hnawk vak lo e.
April 25th, 2011 at 2:59 pm
ka nu leh pa.,.ka u ten ram hnathawh avangin an zu a..kei erawh chuan ram hnathawh avang ni kher lovin ka zu..rilru hah chang te a han zuk veng veng hi chu a nuam ve riau asin…tun easter khan ka zing tho chu han zuk leh ka tum a.ka lo nei mai si lo..ka nghei dawn nge nghei dawn lo tia ka inngaihtuah reuh reuh lai chuan dawrte hnai berah bawm khat ka la hmak..nuam mai2.mahse a hun leh hmun thliar thiam a tha..
April 25th, 2011 at 3:46 pm
Office vela mei zu ru an vai peih ang hian corruption hi vai peih ve se, kutte hial inthlak ngam ve se kan zia deuh ngei ang… a zung nena phoro tumte hian..
April 25th, 2011 at 4:23 pm
A khingphel iti daìh si a intlawh khal thiam hle tuman an hnial tak tak theilo che tiro?
April 25th, 2011 at 5:47 pm
Mei zuk pawina: Cancer leh natna dang dang a thlen thei a, sum a hek a, midangte tan hnawksak kan ni thei a, min ti zalen lo va, ngaihtuahna thlengin min tibuai thei.
Nghei a har khawp, mahse a theih! Nghei tum vak vak lovin zu lo mai la, i nghei mai ang!!
April 25th, 2011 at 7:05 pm
Post tu pa chu ‘NO SMOKING phal lohna’ i mamawh a nih maw? :-S
April 25th, 2011 at 8:44 pm
Pi ber ngaihmawh zawng hi chuan ram pumpui a nghawng lo thei si lo a nih hi maw… IAS Officer meuh pawhin mi kut a thlak phah ta bawk si!
April 25th, 2011 at 10:06 pm
Kum 5-6 kalta vel khan zial hi han zuk ve zauh zauh ka ching thin a, mahse thawhah lamah a kal fo mai a, ka pak lui ngam ta reng reng lo. Bula miten an zuk chuan a khu hian ka hnar rawn pan tlat hian ka hre thin a, ka hahchhiau va, ka hnarping hnaptui a, ka ipik up up thin.
chuvang chuan kan in chhungah emaw, ka bulhnaiah emaw hi chuan tumahin min zuk khum lo hram se ka ti ta e.
A hmuam chi ho lah hi tui tih ka nei reng reng lo a, kuhva erawh chu ka ei ve fo mai.
Champhai district bawrhsap pawhin COTPA 2003 hi lekkawh a tum khawp mai, a ngai pawimawh fu in ka hria.