Tunlai chu nula ngaih tur ka nei si loa naupan laiin lung a ti leng deuh tlat. Sawi nghal mai ila, mipa naupang tih takah kan harh thin khawp mai. Ka lung ti leng tu deuh deuh, kan infiamna te leh hriat chhuah fo te chu
(1) Inpuak-sut: naupan zual lai (pawl 3 &4 vel kal lai) chuan Inpuak-sut hi kan hrat em em maia, hmaiah ngei mai intlawh sak kan tum ber thin. Vawikhat chu ka thianpa kan miss fapa min paw tu hi mit duk vek khawpin an tlawha, a nu in a hauh hrep hnu ah a tukah phuba laknan tiin min paw tha leh ngat. Luhlul ve tak chu kan ni, Uniform a bal thei khawp mai
(2) Thawmhnaw in hawnsak: Lui kal a tui chen hi kan hrat em em maia, a cheng rei fal deuh kha chu an thawmhnaw hawnsak daih kha kan ching thin. Vawikhat chu ka thianpa nen hian kan lo cheng rei deuh a kan kekawr hi an lo hawn daih maia, kan thinrim viau a mahse tih ngaihna a awm tawh silo, kawr bantlawn ka lo ha hlauha, ka thianpa in T-shirt banbul a ha thunga.
Kan kawr chu a ban ah ke rawlhin a kawngah kan bawka, thawmhnaw chhe duh khawp mai. Kawr ha lo in veng chhung kan han lut chho mai chu miten min en duhin min nuih tut tut a, zahthlak duh tak a ni. In kan thlenga kan thawmhnaw chu chhungte hnenah kan theihnghilh anga sawiin an lo dah fel then zel.
(3) Nula rim naa in haw san: Vawikhat chu ka thianpa hian a star em em mai, inhmelhriatsa lawkna pawh nei miahlo, sport laia a hmuh hi ka bialnu tiin Sunday chawhnu ah kan thianpa pakhat nen kan rim pui a. A lo inkhawm daih avangin kan lo nghaka, an chhungkua an polite in an milian chhungkua em em mai bawka. Thingpui te min luma kan veng leh hming te min zawta tha takin kan chhanga, kan thianpa chuan an fanu chu inti hre takin an inkawm tawh thu te a han hrilh a, fel min ti ve viau a ni.
Kan rim ber nula chu alo haw ta maw tih ah kan rimpuipa ber mai chuan “Ka va zung lawk ange†tiin min chhuahsan daiha, alo lut leh ta reng reng lo maia! In neitu te chuan an fanu hnenah chuan “Mami i inleng an nih kha, i sikul kal puite annia i hria em?†a ti a, a ni chuan min hre der mai silo kan zak bawk si, a hre bera lah a bo daih bawk si. Kan va zung ve lawk tihpahin kan haw nghal vang vang.
(4) Tukkhuma in hnek/kuk: Mi inrinloh laia tukhum vela in hnek hi pawl 6 zirlai khan kan ching em em a, vawikhat chu ka hawi let lai takin ka thianpa hian min hneka ka hnar ah tak min hneka a thi tha duh hle mai, zirtirtu ten an hriat chhuaha kan infiamna nuam tih ber an khap kha kan hlau leh si, chumi chuan dar a ri tawha a nat leh natloh pawh min ngaihtuah ber lo, tui bucket in an va laa a reh nan ka lu ah an leih vak vak mai a ni. Mi kuk hrat ho kha chuan min bawisawm rang khawp mai….mak ve mai mai tak a ni 🙂
(5) Nu Dawngi kan chhaih kawlh: Zankhat chu kan thian ho in lenna tur kan hriatloh vangin Nu Dawngi te bathlarah zan rei tak Football khelh chungchang sawiin kan titi a. Nu Dawngi muhil theilo chuan “Zan a rei tawh haw tawh rawh u, kan muhil theilo†tiin min rawn hnawt darh a. Amah hi mi hauh a peih avangin kan ngei ve reng reng a, “Va kal leh ila bengchheng va siam vak ang u†tiin kan intiamruala. Rock-Band lem angin kei Lead guitarist, Lalkhawngaiha Singer, Hriatbawnga Drummer, Sena Base Guitarist, Lana leh midangin an duh duh part lo pe turin, rangva chhia kan keng bawk a.
Ring mangkhengin an kawtah chuan tawng hriatlohin kan han rak tak tak maia, kawngkhar an rawn hawng thuaia kan tlan darh leh nghala. Kan let leh a angai ang bawkin kan ti leha, “ Kan mu theilo JAC kan ko dawn†anti a min um darh leh a.
A vawithumna ah chuan kan tlanchhiatna turah chuan, a fate pa thum (an awmlo amaw kan tih sek deuh deuh te) chuan tiang nen minlo hual reng maia, min man khawm taa, zan dar 1 velah sikul tualah min front roll tir zawhah min utawk sawh tir a chumi zawhah beng min suk tir leh bawk a, kan kut ah vawikhat theuh min vaw bawk a, kan haw darh ta chauh a ni. (ka mitthlaa cham hi video a chhuah ka chak ngei mai….lol)
(6) Mi zu thuhruk pui leh ruk sak leh: Tui khawhthla kan tih mai thin lui reh leh nuam takah hian U Jacoba te hian zu an thlawr thina, keini naupang harh rual tawkvel inbual tura kal ho chu JAC lokal leh kalloh min chan tir thin a, tichuan kan ven rei dan a zirin no 1 min intir ve thin, thlawr hlim chu a lum pup a tlak vat vat tur an ti bawk sia ka in ve hleithei loa thianten ka share an in chuh laih laih thin. A tuitling kan thuhruk pui bawk a, zan lamah thianza hoin mawmbati leh a tuitling thlawrna tur nen tuikhawhthla chu inbual pahin kan pan leha, mi sawm rual dawn kan thawkchhuaka inbual pahin zu tuitling thuhruk chu kan hai leh thin. Chawngkawr a awm duh em em a a khur zen hmasa tu/a thal chhuak tu nih ka hlau thei khawp mai.
(7) Sama pu te theihai kan lo ru thin: Sama chu kan inkhelh pui thin kan thianpa tho kan kawm tam lemloh a ni. UPC Biak in hnung chiah ah hian a pu te hi an awm a, theihai kung an ngah em em a, kawngthlang lam atang seirawkherha perh an chin avangin an veng uluk hle.
Zanah thian ho in UPC inkhawm laia lo ru tur in kan thawk chhuaka, khuang rik uar vanglai takin hmanhmawh takin kan lawn vat vat a, an tukverh hawng eng ruih mahse inkhawm zai tui lai chuan an hre ngailo reng reng. Zai a tawp veleh kan ngawi thap a, an zai tan veleh kan che leh vat vat thin.
Lawh ruk kan hrat em avangin a rah a lo tlem deuh hnu chuan kan in chuh ve deuha, anlo hre ru ve deuh tawh bawk nen, seirawkherh in a kunga kan lawn lai zan thim ah min han phek perh tak tak mai chu duham vanga lawn sang tak tak ho an rawn zuangthla sang thei sia an vanduai bik khawp mai. An huan a awih si a kan in nawr rak chel chul a, kepawh ka pilh nasa a ni.
Ka’n thian thenkhat ten mual min liamsan tawh mahse ala dam chhunte Kohhrana rawngbawltu trangkai tak tak, Bial Zaipawl te, an ni hian ka thinlung an ti hlim em em thin a ni.
Heng bak hi sawi tur ala awm nual, a tul dan angin kan sawi zawm dawnnia. In naupan lai chanchin, in ngaih em em te han thawh khawm ve u la 🙂
April 26th, 2011 at 8:09 pm
first em aw…
April 26th, 2011 at 8:11 pm
@bucko i first i first min hmakhawlh bawk……thawt thawt mai..hehehhe………chhiar ang.
1
bucko Says:
April 26th, 2011 at 8:09 pm
first em aw…
Report this comment
April 26th, 2011 at 8:12 pm
I first chiang ltk@bucko
kan naupan lai chuan….
April 26th, 2011 at 8:15 pm
a va tha ve..
April 26th, 2011 at 8:16 pm
Asteric, khawi khaw chhuak nge i nih? :-S
April 26th, 2011 at 8:17 pm
kan inban deh thin.. heheh!! chuan kan zun nal ah kan tawlh bawk thin.. thirchhe hralh tur zawngin luikawr kanzawh thin… kan lo va thring thin tak em! tunlai naupang vanneih zia hi 😛
April 26th, 2011 at 8:18 pm
Ka first em aw….?? 😉
April 26th, 2011 at 8:20 pm
@H.V keini chu CHHUHLAWH khaw chhuak heheh.. heh eka pu te khua tih tur zawk.. chhuhlawh khua hehehe aka raldan
April 26th, 2011 at 8:21 pm
Ngaihnawm ltk..
April 26th, 2011 at 8:23 pm
Ka nuih ala za reng. Duh aiin i ziak uar lo anih hi a…. 😀 Panlai hun hi alo nuam ngei mai. Mahse ka father-a hi duh aiin a strict mah mah a rual ka pawl tam lo khawp mai.
Sava ka veh dan chanchin lo thai ve tur a nih hi.
Good post. (Y)
April 26th, 2011 at 8:26 pm
kan naupan lai min ti ngai hle mai.. nakinah ka comment chhunzawm ang 😀
April 26th, 2011 at 8:29 pm
min ti hlim ngei mai,a dang pawh rawn ti leh zel teh 😀
April 26th, 2011 at 8:33 pm
Ka inpuan ve na nakinah la rawn post ka tum ang. I post atang hian ka chak thar tlat. (Y)
April 26th, 2011 at 8:37 pm
Ekhai,zu thuhruk leh theihai lawh thu chuan min tih nuih huk chu le
April 26th, 2011 at 8:39 pm
😀 😀 asterix chu i lo pui ve hle mai. hmeichheho chuan inzunthuisiak an uar tlangpui ang 😀 😀 :-[ :-[
April 26th, 2011 at 8:46 pm
Kan naupan lai chuan Arbawm chhip atang hian kan in zuan thui siak thin, 🙂 Zuan thui chu khawi lam… Chal na tawk a tauh bur,, 😉
April 26th, 2011 at 8:46 pm
Sikul chawlh anih emaw zirtawp lamah hi chuan Lungleng lamah ka chhuk fo thin. Chhungten an remtih loh pawhin tukverh atangin ka iptepui ka thehthla a, ka kal lui mai zel.
Mau tiangkawm kan tuk a, Lal in kawmchar a Thelret hnai kan sawr a, buara hrui nen kan hlawm a, hockey ball ah hmangin Lalin kawt leh a piah mualzawl ah kan inkhel thin. Zan lamah kan inbihruksiak thin. Aizawl lama “I tiam em,” kan tih kha Lungleng ah chuan “I kuk em,” ti a kuk thluk deuh duai hian an lam thin.
Ngaizel hnuai Mauhakah sava veh pahin Thangthleng leh Thangchep kan kam thin, avan lunglen thlak vele. Tunah chuan khing ram te khi mi huan ani ta vek mai, ka van ui tak em, thingkung pawh a awm tawh manglo. Terema te huan mawnga luite kan sah a, Dawntial tlem kan man a, kan lawm ve zia te kha. Chumi hmunah chuan 1964 a inziak, “Kan la ngai dawn mange. Thawma & Dommy 1964” tih ka pa leh pu Thawma (fam) ten lungpui a an ker niawm tak kan hmuh te kha.
Pu James Dokhuma (fam) te in awmna vel te saw ngaw vek ala nia, Thangthleng kan kam thin a. Sawmi hmunah sawn Sakhi thang pawh a awm nawk thin.
Aw a, Dam tuikhur kang kan nghah thin lai te, tekawngapa tuikang kan nghah thin lai te kha aw. Phur takin nula te chhipchhuat tur kan chawi sak a, aluminum nopui kha an tin ah kan han dah luh sak ngei bawk a. Ho viau angin lang mahse alo nuam thin mange. Silipar tuiina buak huh tawh bun chunga chho zawnga tui kawh harsat zia kha hairehai 🙂
April 26th, 2011 at 8:47 pm
Asteric chu HV nen inkawmho thin ni ta ula, nuam in ti awm thin mang e… 😛
April 26th, 2011 at 8:50 pm
shai, a tap ngun ngawt ang 😉
April 26th, 2011 at 8:52 pm
Ka nuih vur vur chu le,kan sertawk lo ru te pawh ka hrechhuak rum rum mai nia 😀
April 26th, 2011 at 8:54 pm
HV#19, 😛 In tawrhhlelhawm ang chu aw… 😉
April 26th, 2011 at 8:58 pm
A tawngthei dawn zit zet reuh si, a tah ngun phah ngawt ang hairehai 😛 😉
April 26th, 2011 at 9:05 pm
Kan tet lai chuan ‘mawng suzi kha a lar thei khawp keini chu… Mi inring lo lai an mawngah mawng suzi kan han pe thruai mai kha chu, kap chip chat hian kan ding ol2 xel male… 😉
April 26th, 2011 at 9:11 pm
High School chung lamah chuan nuih tur a awm vaklo ang maw? Chhiar a nuam muah muah hle mai, midang pawhin han ziak zel teh u. Tunlai naupang te chuan Tuihawk chen nawm zia pawh an hre phak tawh tawp nang mawle..!! Kan Veng-a TV nei awmchhun ten en an phal mangloh laia TV en tura chhuat kan in nawh hlawh thin lai te kha aw…(anmahni khan la hre ve tak maw?) (B) (Y)
April 26th, 2011 at 9:12 pm
chemtatrawta #23 Mawngsuzi khi kan hrat thei lutuk. Tumkhat chu ka uar ta lutuk a, Mizo sipai huaisen tak pakhat nau hi Mary Mount sikulah a thutna turah hian ball pen kalo dah a, a thut tlum hmaks. Sikul banah kan insual phah.
“Luchang” ti hlira kan koh thin avang khan alu a chang ta viau emaw ati aniang, a lu a min tauh a tum ta bera, ka tan a that phah. 1978-78 tih vel bawr ani awm e hairehai 😉
April 26th, 2011 at 9:15 pm
@Pu HV, tawlhpahrit pawh in uar ve hrim2, kekawr mawng a hek duhzia te kha…leivung tharlam deuh a awm chuan, leivung tawlh tur hian a khaw naupang hi kan tlan khawm ruih2 thin.. 😉
April 26th, 2011 at 9:18 pm
ka ching ve lo tlat ka naupang deuh bik aniang ka hre ve pha lo tlat lol
April 26th, 2011 at 9:18 pm
a va ngaihnawm em! Mahni in ka khi vur vur mai.
April 26th, 2011 at 9:19 pm
H/S kal lai thil pakhat ve chu…
Homework kan ti lova… class teacher in pawn nisa hnuai apushup min tih tir a, kan hah tawh khawp mai a, thian pakhat chuan ka peih tawh lo a ti a, kut a beng thawk2 a a ding hmiah mai a, kan ti ve theuh mai sia, zirtirtu pawhin tih ngaihna min hre lova min luh tir ve leh tawp…..
online khat deuh bawka first chu le… nuam eeeeee… (H) :-O (O)
April 26th, 2011 at 9:23 pm
chemtatrawta #26 Tawlhpahrit te chu ka beng in pawh a tuar nasat phah khawp mai hahahaha. Tawlh mai kha kan duhtawk ta lova, Changel kan pu thin a, kan pu reng peih bik silo, kapu Balhla kungin a tuar ta thin a, hairehai 😛 #25 khi 1977-78* tih tur ani e.
April 26th, 2011 at 9:25 pm
Naupan lai kan thil chin tha lo tak pakhat chu Mawng Suzi kha a ni awm e…
April 26th, 2011 at 9:27 pm
Pu HV, ser trok ngei mai kha kan han pet a…a va ngaihawm em..kei chu mit rang leh mit huai deuhah goal hi min ven tir chawt zel a, ka khabe ah dak sawk khawpin ser trokin min han pet per mai chu, football rit lutuk pet per ai pawn a na zawkin ka hria… 😉
April 26th, 2011 at 9:28 pm
Lungleng ho kha Sertawk pet chu an thei khawp mai. 😀 Ka mit hi a huailo khawp mai, engemaw phe hlekah ka khap zet zet zel hairehai 😀
Motor acid liah chin lai pawh kan nei thin 😛
April 26th, 2011 at 9:29 pm
Kan pet phel phoka, mi sertrok ru turin a naupang zual kha “Operation Sertrok” tur khan boss te khan min han tir chhuak trak2 a… 😛
April 26th, 2011 at 9:31 pm
A va ngaihnawm mai mai ve aw! Ka chhiar kham lo kher mai.
Middle School kan kal lai chuan banah Pu Singhnuna tuikhuahah kan cheng thin. Nu thei rap. Chèn hma aiin chèn hnuah kan bal zawk zel. Kha tuikhuah atanga tuihleuh thiam ta an tam ngawt ang. A thiam lo pawlah ka tel. Nikhata cheng hnem thei nih te kha intihtheih nan kan hmang lehnghal. Liluh laia lu-a mi nembeh ching tlat te kha an ngeiawm. Tui nu tawk kha kan lem hman teuh zel.
April 26th, 2011 at 9:37 pm
Lawibual lamah tui cheng turin chhungte phallo chung kan kalru thin. L.Ch.K.A pu Pu T.K-a tuikhuahah khan kan cheng nasa ber.
Tumkhat chu L.R.S.A tui a tla a, kan mangang kher mai. Kan zinga lian ber leh tui thiam ber u Sanglura (Ta-uih ti akoh thin) ani a, a chhar duh lawklo lehnghal. A chhar duh lohna chhan chu, LRS-a tui chhung atanga lo lang chhuak khan, “Ta-uih” tih a tum khan, “TA” a ti hman chiah a, apil leh thin. A pil pah khan “UIH” ti hman lovin, “TA- UP, TA-up” a ti thin a, kha2 a haw em em mai kha ania hairehai 😀
Chutianga kan kal thin lai chuan tumkhat chu ruahthimpui thlipui nen alo thawk pek a. Mangang phelenga ramhnuai kawng atanga kan tlan haw lai chuan kan kiang thingkung (Khiang kung) tekin a rawn deng phel phawk mai a, a nghawrah kan tlu dial. Khami tuma kan chhungten min lo zawnbuai zia kha an khawngaihthlak zawk mange. 😉 😛
April 26th, 2011 at 9:39 pm
A va ngaihnawm mai mai ve aw! Ka chhiar kham lo kher mai.
Middle School kan kal lai chuan banah Pu Singhnuna tuikhuahah kan cheng thin. Nu thei rap. Chèn hma aiin chèn hnuah kan bal zawk zel. Kha tuikhuah atanga tuihleuh thiam ta an tam ngawt ang. A thiam lo pawlah ka tel. Nikhata cheng hnem thei nih te kha intihtheih nan kan hmang lehnghal. Liluh laia lu-a mi nembeh ching tlat te kha an ngeiawm. Tui nu tawk kha kan lem hman teuh zel.
Sertawk ruk experience pawh ka nei tha khawp mai. Lamkhuang ruk experience nen. Lamkhuang ruk hi chu thup a har duh khawp mai. Zanah thianhovin mi kan chhaihkawlh a, kan han inumtir tak tak thin mai kha! A tlanchhe chak lo ber nih nak laiin, kan han la tlu zui a! Khup pilh nen, chhaihkawlhte kut tawrh nen, a buaithlak thuah tam thin khawp mai.
Nikum hmasa hmasa leh krismas lai vel kha a ni awm e. Zanah thiante nen khawlaiah halpuah kan hal vak vak a. Kawngpui à na Pu Vanlalhlua kawngka inhawng sa-ah halpuah kan vawmlut a, inchhungah a ri dup mai! Min han um mai chu, a tlanchak mai mai asin aw.. Mahse, ani erawh chuan min kalsan ta..
Sawi tur ka la ngah ngei mai. 🙂
April 26th, 2011 at 9:53 pm
Leivung chen kha nuam ber mai! Mahse, a hnu tlai thim thet thet a tum bur chunga nu ten tuivawta min bual chunga min nawt khawk tup tup thin kha chu aw! A na a na tih lahin min la nawt uar sauh lehnghal a.
Pa Kawnga Jeep kan chul kan chul laite kha.
Scooter leh bike ke hma tuai vir pawh kan hrat thei lutuk.
April 26th, 2011 at 10:02 pm
Hnim bawh en a nuam kan ti tlang …..
April 26th, 2011 at 10:05 pm
Tlangsam ro leh japan hlo hnah ro han zuk ruk kha ni tuilo chu,meizial bung zawn pawh kha hit tak ani,romantic bung phei kha chu pa rina paih kan chang thin
April 26th, 2011 at 10:29 pm
A ngaihnawm hle mai. Naupan lai min tihrechhuak e a.
April 26th, 2011 at 10:34 pm
ngaihnawm tawp. comments pawh. ziah ve tur nih hi.
April 26th, 2011 at 10:41 pm
Aduhin ngaihnawm ati bawka,mut hma in naupanlai chanchin behchhan in hla pariat tal phuah kan tum teh ang 🙂
April 26th, 2011 at 10:41 pm
Ka naupan lai sawi tur ka la nei ve lo, ka naupan hun ka la hmang mek si a
April 26th, 2011 at 10:44 pm
lol #43 comment hi i pe ori thei lutuk.
April 26th, 2011 at 10:47 pm
#44 U Muante..ka pa kan zawt dawn mi? sawi tur tlem azawng a hre maithei sin..:fiamthu:
April 26th, 2011 at 11:01 pm
Ka lo awm loa in comment ava ngaihnawm hlawm em em veeee…. 😀 Kan naupan lai kha tun hnuah ka ngaihtuah kir a keimah leh keimah pawh ka in nuih ka in nuih mai…thei chi hrang hrang lawh ruk hi chu sawi tur ka nei nual mai 🙂
Han thawh zel teh u, in comment na pawh hian ka lung a ti leng 🙂
April 26th, 2011 at 11:02 pm
Ultraviolet..sshhh! Ka inla young ve a nih hi! Keyboard phenah chuan ka sawi huai ve viau asin! Niminah pawh ‘Tarzan bandoloooo’ tih pahin hnim kan bawh eng a, chumi hnuah Pu Duna ek bula Sephung ka hual sa ka lai chhuak a Zothanga Sephung chuan hneh lo tak a ni. Niminah ka ziaklohbu thar thlawhna lem siam nan ka pawtthla veka ka nu’n rapchunga thinghakin min khawng hrep!! Naktukah chuan Nghasih a tui chen pahin Pi Thauvi huana ser kan lo ru dawn
April 26th, 2011 at 11:09 pm
zanlaia mi kawta va zai khi ka duh ber. Thei lo ru lo hi chu kan awm ka ringlo, lawh ruk dan hi tactic hrang hrang hi a awm bawk.
April 26th, 2011 at 11:30 pm
hhhh
April 26th, 2011 at 11:31 pm
kan naupan laiin cycle in kan inzui diah diah a, kan thianpa pakhat chuan serthlum huan pakhat chu ka pu ta ta a tia,ngaihngam takin kan lo ham ham a,a hnuah kan han hriatchian chuan an chhungte chu lo ni rang rang lovin. 😛
April 26th, 2011 at 11:32 pm
I rin ti lunglen thlak teh e.
sawi tur ka ngah ka sawi seng lo.Nau hruai an khap nau awm pah a sikul kai te kha a nuam lo teh a sin.
Tuithak pai, chithak pai,lekhapuan phek a thleng ,vai puithiam chhaih, etc etc etc
April 26th, 2011 at 11:42 pm
TUI THAK kha khawtinah kan lo pai tlang thinin ka hria.
Motor Acid liah kha kan ching viau thin a, Handyman ho khan an lo zunkhum ziah tih ka hre tlai khawhnu. An han zunkhum khan charge pek belhin an hre thin.
April 27th, 2011 at 12:02 am
Pawl khat kan nih laiin kan sikul bul lawkah chuan vang kung lianpui hi a awm a,chawlhlawk laiin a hnai ka n ei thin a,thenkhatin chu chu lo hriain hnap an lo tat a,vang hnai nen a inang tawh sia,keini hre hrang tawhlo chuan kan han ei a,a lo al ta piat mai…. kan chhak rang teh a sin,vang hnai ei kan sim chiang teh a sin. 😀
April 27th, 2011 at 12:07 am
Zantir lam khan ka comment tawh a, a lang ta reng reng lo mai!
“Kei pawh ka nu te’n an phal chuan chi tlem ka rawn thawh ve ang !”
April 27th, 2011 at 2:48 pm
oops..today chu ka awl lutuk a, ka lo comment double vels!
April 27th, 2011 at 2:49 pm
Asteric-a chu i khup ah ser a awm ve nual dawn nih chu! In puak-sut i tih hi ka hre ngai lo reng²….han explain deuh la. In Nu Dawngi fapa 3, sek deuh³ in an front roll tir vel lai che u chu ka hmu chak tawps. In hmel tri ve daak tur mawlh kha 🙂