Kum 1927 vel khân Darngawn lal Saithuama’n a upa Laithanga leh a khawchhiar Selkhumate chu Tut luiah lên dêngin a kalpui a. An man tam fê hnu, chawfâk hnaih dawn hnaihah Lalpa Saithuama chuan a upa Laithanga hnenah, “Ti teh, keini’n chawhmeh i lo siam teh ang,” a ti a.
Lalpa leh Laithanga chu chawhmeh siam turin lui atang chuan an chhuak a. An lên denna atang hla vaklo, tiaupho hmun rem lai lamah mei an nun a, chawhmeh an siam zui ta nghal a. Pu Selkhuma erawh chuan amahin lên chu a dêng chhunzawm zel a.
Rei vaklo hnuah Pu Selkhuma lên denna bul vâukam atang chuan Sazuk a lo tlân chhuak thut a. Chu veleh Pu Selkhuma chuan a lên chu a dah lawk a, chemtum chauh hûmin a ûm ta nghal a. A han tlân tirh chiah chuan vâukam lamah thâwm ri ráwk a hria a, tlân paha a’n lehhawi chuan Sakei(Sûm ruk rual zet) hi a lo fân chhuak zût zût mai a. Sakei chuan man tumin Sazuk chu a lo ûm hi a ni a. Tichuan, luikam tiaupho zau laiah an pathum chuan chak ber pawh hriat chuang lohvin intlânsiak ropui chu an tan ta a.
An thâwmah tiaupho tawp, bûktea ei lo siam Lalpa leh a upa Laithanga chu lungpui chungah an lo chûang chhuak a. An lamhawia Sazuk, Pu Selkhuma leh Sakei lo tlân an han hmuh chuan mak an tiin an ka hâu mai a. Pu Selkhuma chu an hlauhthâwnpui ta deuh a, an au ta nghal a, “Kha, i hnung a kha Sakeiin a rawn ûm che a nia,” an ti láwm láwm a. Mahse, an kohna chu hre âwm pawhin a lang si lo. Sakei chuan Pu Selkhuma chu a bei zâwk mai ang tih an hlau hle mai a.
Tihngaihna dang awm hek lo, ko tüar tüar chungin an thlîr reng ta ringawt a. Intlansiak ropui beitute’n an bul an rawn thlen chuan rangtakin Sazuk chu vâuah a pêr kâi nawlh a. Pu Selkhuma chu a thiante bulah chuan a châwl a, Sakei erawh chuan Sazuk luhna vâukam lam chu a pan thung a.
Laithanga chuan Pu Selkhuma hnenah, “Kan auh lai che khân engvanga tlân pêng mai lo nge i nih?” a han ti a.
Pu Selkhuma chuan, “Pathianin ka thih a la phal lo anih dawn hi,” thaw húam húam chung chuan a ti mai a.
Lalpa chuan, “Ka rawn hmuh chiah che khân ka lo thlaphâng hman hle a sin,” a lo ti bawk a.
Chutah, “E…e…e…, eng’ah nge in lo thlaphân mai ni? Mipa leh arhluisente chuan thih kan ngam sâr reng alawm. A tûl anih leh kan thihchilh mai ta lawng,” a ti a. A sawi zawh rual vel chiah chuan vâukam atangin Sazuk chu Sakei chuan a rawn thâwng chhuak a. Chu veleh Pu Selkhuma chuan a lo sât nghal a, an pathum chuan Sakei a awm ve tih pawh ngaihtuah tawh lovin Sazuk hliam chu an hual a, an tihlum thei ta a.
An meichhêmna bulah chuan Sazuk chu an mut a. Chaw an fâk thuai thuai a, an chawfâk laiin Sakei chuan a lo vêl reng bawk a. Chaw an fâk zawha sa an chan lai pawh chuan a thâwm a reh chuang lo. A sa tha te an lâk zawh chuan Sakei tân a kham tawk tur an dahsak a; an lên chu la in inlam an pan ta nghal a.
Thûi vaklo an kal hnuin an han hawi lêt a, Sakei chuan an sa dah sak chu a lo ei mùal mùal a. Pu Selkhuma chuan, “Sa khu pe ve ta lo ila, remchâng dang zawngin Bawng emaw a la ang a, khutia sa kan dah khu ani tân leh kan tân malsawmna a ni ngawt alawm!” a han ti a, an nûiho dâr dâr a. Hlawhtling in ti takin an pên sauh sauh a.
Khua an han thleng a. Anni pathum iptepui puar lah, sa thiin a bual chîai mai ak chunga lal ina an han lût mite’n an hmuh chuan lal inah an lût khâwm tak tak hlawm a. Lalpa chuan a upa Laithanga chu intlânsiak ropui chanchin sawi turin a han ti a. Laithanga chuan kimchang takin Mihring, Zukchal leh Keipui intlânsiak ropui chanchin chu a sawi ta a. A ngâithlatu mipuite chu an haw haw dùr dùr a. Mite’n Pu Selkhuma tlân chak zia an han hriat chuan mak an ti hle mai a. An intlânsiak thu chu khaw pum ti ti leh khualkhûa thleng pawha ti ti ber a ni ta hial a!
Pu Selkhuma hi mi huaisen tak mai, thinphût nei ngai lo a ni a. Mahni inzir finga thil hre zâu tak, ziak leh chhiar thiam, khawtlâng mite râwn ber leh kawng tinrênga khawtlâng tâna thâ leh zung sêng thin mi a ni. Khawchhîar a ni a, mi zah a kâi hle bawk.
(Pu Selkhuma tu leh fate hian he thu hi an hre ve thin ange’m le aw? Kum 2003 khan Pu Pazawna, Muallungthu chuan he thu hi min hrilh a. MUP Tlangau Chanchinbu-ah tihchhuah a ni tawh.)
April 30th, 2011 at 2:35 pm
chhiar ang
Report this comment
April 30th, 2011 at 2:35 pm
intlansiak ka hriatah chuan la pui ber mai a, good post
Report this comment
April 30th, 2011 at 2:40 pm
Report this comment
April 30th, 2011 at 2:40 pm
A hlau ve bawk ni ngei tur a ni. Keipoh khuaiin vawi 1 min um chiah chu..ko sang veh voh takah hian til rap zawt2in ka tlan chho lawm…
Report this comment
April 30th, 2011 at 2:47 pm
An MAN hlawm hle mai, ramchhuah nikhuaa kalpui an nuam hlawm khawp ang. Ramsa zia pawh an hre hle tih ahriat. A ngaihnawm hle mai.
Savawm hian tum hnih min um tawh. Tum khat chu Darlawn piah Serzawl ramah Darlawn mi te nen kan ni. Tumkhat dang leh chu Lungleng kawng VIA Tlangnuam… Ramri lui kamah Hruaia of Klk, (Pu Mâta tupa) in a mawngah a perh vang.
Report this comment
April 30th, 2011 at 2:48 pm
Live a thlir a chak awm hle mai
Report this comment
April 30th, 2011 at 2:49 pm
A ngaihnawm hle mai. Kan naupan lai in sipai ho inthemthiamna hmunah an silaimu laihchhuah hmaih ho kan lai thin a. Tum khat kan kal leh kha sipai pakhat hian a lukhum kengin minrawn vai lauh lauh a. Kan thian pakhat chuan silai a min rawn tin ah a ngai a. Kan han tlanchhe tak tak mai chuh… Awm zawn vela thin lo inkham kal lama a hnuaia kan kun mai na pawh kan zuan khum vek.
Report this comment
April 30th, 2011 at 2:54 pm
ngaihnawm ve….a chawn a sek ang nge a fip viau ang tih te ka ngaihtuah mai2 a…
Report this comment
April 30th, 2011 at 3:01 pm
Serlui kama kan inhlawh thin lai ami, (a hnuai pic a jacket ha khu) “hmanlai pasaltha, kawr kama pakhai thauh2 lai,” inti in, Serlui dunga lungpui chungah chuan a hrenpereng chauha inthuam in silai a pu a a zuangkai vel thauh2 a. Lungpui chung atanga a hnuai an zuangthla leh chiah chu, ani lehlamah phawk taka mengin a tlan a, lehlamah keite chak takin ngaw karah a lim phei bawk a. A zuangthla kha ani keite lo muhil a zuk ti tho, an inhlau ve ve tlanchhia hahahhaa an lim chak dun ziai ziai khawp mai. A te pawh an te lo reng reng, lian taka mengin an in tlansan ve ve hairehai
Tlangnuam Block veng/Patan tlangval keite kaitho tu pic (Jacket uk ha):
https://i56.tinypic.com/142x4w6.jpg
Report this comment
April 30th, 2011 at 3:01 pm
#8 vuaia
Report this comment
April 30th, 2011 at 3:05 pm
Pu HV-a pic ami chu negro te pawh a ang roh e a.
Report this comment
April 30th, 2011 at 3:07 pm
youtube-ah awm se….a lar ve hat hat khawp ang…:D
Report this comment
April 30th, 2011 at 3:11 pm
Sangpuiipa pawh hi Khawbung pa rawn a inti bawka, ramhnuaia tlanchhiat sawi tur a hre treuh tak aa..
Report this comment
April 30th, 2011 at 3:11 pm
Sap ho chu nise a film an siam leh tawh ngei ngei ang. Khawnge zopa fx kha a awm le. Adobe after effect vel nen khan a siam leh thei mai lawmni?
Report this comment
April 30th, 2011 at 3:12 pm
Sangpuiipa, Hruaia anih kha, Hlimen pafa in silaia kaha min rawn vau pawhin, changel kar atanga tul thut taka tiin laiphira min lo tin ve sak reng tu anih kha
Report this comment
April 30th, 2011 at 3:13 pm
@chemtatrawt, lehkhabu 10 vel a chhuah tham ngawt ziak tur ka nei ang.
Report this comment
April 30th, 2011 at 3:16 pm
@pu hv, a hmel en reng reng khian a rum hmel reng reng. Intihbuai nikhua pawhin i tawktarh thin lo maw?hairehai
Report this comment
April 30th, 2011 at 3:22 pm
#17 hahaha inhmeh angreng hehehe. A taima lutuk, ui puah pawh a zei phian. A kiang ami nen khian hah zu tur an thlawr thin. Hnathawh ban inbual zawh apiangin inhlawh zawng2 ten no 1 diat diat kan in a, kan hlim ve thei khawp mai, tumah an rui ngailo. Khimi lei siam mek thlangah khian zan lamah kaikuang manin hawlrawk kan hawlh thin a, mi 30 vel hmeh tur chu kan man ve mai thin.
Kan bukah hian thla 3 vel kan riak:
https://i51.tinypic.com/oa26qh.jpg
Report this comment
April 30th, 2011 at 3:28 pm
Ngaihnawmin a nuihzatthlak khawp mai, zasuk leh sakei te nena tlan rual thei chu a tlan chak ve tawk hle a nih dawn chu.
HV sawi @9 khi ka nuih a za bawn,hlau meng phar chunga a tlan lai vel tur kha ka mitthla, keimahin ka nuih uarh uarh mai
Report this comment
April 30th, 2011 at 3:30 pm
Kan in chung tual zawl kan thawmhnaw pho hi zawng hian lo laka sehchhiat zeuh zeuh an chinga, mihring an hlau mang siloa, tiang sei tawk tak nen um kan tum mai chu, an hlau lo nasa, min rawn um zawk titih maia, lungphu chu rinaiin a rang duh zek, mizoram chu nise, an awm leh awmloh pawh hre hman lovin, rapchungah am rep daih tawh awm si anga te ka ti vel mai maia
in nuam ule, lum bawka
Report this comment
April 30th, 2011 at 3:58 pm
A va ngaihnawm tehreng em. Hetiang lam post hi ka duh chi. A dang pawh lo beisei teh ang.
Report this comment
April 30th, 2011 at 4:05 pm
Live in ka hmu chak lutuk mai
good Post mrTluanga
Report this comment
April 30th, 2011 at 4:05 pm
Pui rem rem ve aw… Kan pasaltha ho titi kha a ngaihnawm thei a nia. Zanah, tapchhakah an han thu bial laih a, ramhnuai a an thil tawn an han sawi thin te kha, anmahni pawh in ngaihnawm an in ti tawn vek thin in ka ring.
Report this comment
April 30th, 2011 at 4:09 pm
sherry@ i lo ti ve bawk maw? Keipawh ka chhiar laiin ‘a video in awm se aw’ ka lo ti rilru reng a.
Report this comment
April 30th, 2011 at 4:14 pm
Kan sawi bawnra hlawm bawk a, pakhat kan belh leh hram ange:
Virginia state 1st lady (Governor nupui) chuan US military chhungte a support tih lan nan a Sky dive (Sky diving).
(Virginia’s first lady is taking to the sky to support military families.)
Pic:
https://i51.tinypic.com/5fnj9u.jpg
Chhiar belh duh tan:
https://www.washingtonpost.com/....._blog.html
Report this comment
April 30th, 2011 at 4:15 pm
Ngaihnawm hle mai.Sapui hi chu Mizo upa te chuan zah a ngai thei an ti thin.
Report this comment
April 30th, 2011 at 4:50 pm
@pu hv, hna thawh zawh inbualfai zawh a no 2 vel lek han tep chap mai chu nuam tak ani tiro. Tlai chaw ei a tui bik e. Zan mut dawn ah han charge leh chiah ila nupui te pawh an lawm duh ania.
Report this comment
April 30th, 2011 at 4:55 pm
Sakei hi 49-65 km (35-40 miles) per hour in a tlan thei a. Usain Bolt kha 44.72 km per hour in 100 metres a tlan thei a, chu chu khawvela tlan chak ber ani. I sawi ang anih chuan Pu Selthuama chu world champion a ni thei hial ang a?
Report this comment
April 30th, 2011 at 5:05 pm
An tlan chak hlawm ngei ang. “Kal chhet chhet, artui hlawh hlawh,” speed nen chuan khaikhin chi a ni lo vang le.
Report this comment
April 30th, 2011 at 5:15 pm
Tawngkam mawi ka tih deuh deuh te:
“tiaupho hmun rem lai lamah mei an nun a” Mei an nun a.
“lehhawi chuan Sakei(Sûm ruk rual zet)” Sum ruk rual/sum ruk tiat a ti miah lo, a dik si.
‘E…e…e…, eng’ah nge in lo thlaphân mai ni? Mipa leh arhluisente chuan thih kan ngam sâr reng alawm. A tûl anih leh kan thihchilh mai ta lawng’
posat tha khawp mai.
Report this comment
April 30th, 2011 at 5:16 pm
Sazuk um a har lo, sakei pawhin min um a ni thei, kan tlan chak thawkhat pawh a ni thei, tlan chak lem lo pawhin! Record namai lo tak chu a ni e, a hmunhma rem tak maw? 100 meter dash-a kan tlan thin laite kha, 11 secs ah ka clocked ve asin! Ten ten
Report this comment
April 30th, 2011 at 5:25 pm
u chawnghilh chu i lo va tlan chak em em! Kei chu bike a intlansiak tihlo ke a tlan hi ka theihloh ve na lam tak ani.
Report this comment
April 30th, 2011 at 6:06 pm
College kan kal lai khan college week a kan thianpa pakhat 100 meters a a record siam chu 8.4 secs… (Stop watch kha an lo hmet sual palh a
)
Report this comment
April 30th, 2011 at 8:10 pm
a scene chu a animal planet ruih mai…a tak a hmuh a chakawm.
Report this comment
April 30th, 2011 at 8:52 pm
Ngaihnawm hle mai.
.
Thil min ti hre chhuak – Hman deuh toh ah a niang, Vai ruang Silchar a mi tur hi Truck hnung ah an phur thla a. Driver te hriat loh in Serkhan bawr vel ah Vai pakhat zin ve duh si chu truck hnung ah a lo lawm ru a. Chu vai chuan kawnpui dai vel ah Vai pakhat Ruang a hmuh chuan a Rap/Hau lutuk kha Driver cabin lam ah lawn phei a tum a, Tukverh a a va dak chu Driver te chuan an ruang phur kha a ron tho leh a maw an tia, an vai chuan an Au chel chul mai an ti.
Report this comment
April 30th, 2011 at 9:07 pm
Ngaihnawm khawp mai…. a video ten awm thei ni se thlir ka va han chak em ve le… a ropui a ni.
Report this comment
April 30th, 2011 at 10:13 pm
The god must be crazy film te pawh min mitthla tir rum rum mai a lawm!
A ngaihnawm khawp mai.
Report this comment
April 30th, 2011 at 10:46 pm
han mitthla velin a nuihzathlak tawp, post tha tak a ni
Report this comment
April 30th, 2011 at 11:54 pm
Pui tak ani. Hmuh ve a chakawm kher mai, hla deuh tak atangin.
Report this comment
May 1st, 2011 at 1:07 am
# 35 khi ka mitthla vel chhin e ka tia, ka nuih huk chu a
Report this comment
May 1st, 2011 at 1:51 pm
Report this comment