Zoram hmasawnna ngaihtuahin mi tam takin kan tha leh zung kan seng a. Thenkhat phei chuan mahni pum puarna lam pawh ngaihtuah hauh lovin, kan phak ang tawk tawkah, kan dai hriat ang ang te “Zoram Tan” tiin mi sel leh i pawh dawn chang lovin kan puahchhuahpui phawng phawng a. Ziaktu tam tak zingah leh thusawi thiam tak tak zingah “ Mizote hi chu thil ti tak tak tur hian kan thatchhe lutuk deuh a ni” tih tawngkam hi a ri leh zauh thin.
Tin, heng tawngkam, “ Uisa ei thluakin a phak lo a ni”, “Mongolian mawngfual tan tihchi a ni lo” tih ang reng te pawh hi tawng tlanglawn takah kan neih a. Tin, thuziaktu tam tak hian awlsam taka a mizo pumpui huapa thutlukna siam hi kan sam hlawm phian bawk a. Hei vang hi a ni ta ve ang, “ Mizoram, Kristian za-a za”, tih tawngkam te pawh hi a lar em em ni. Mi tam tak hian thil nihna dik tak chhut chiang peih mang lo hian tawngkam hi kan cheh hma lu deuh hlek thin niin i hre ve lo maw ?
Hun rei vak lo Hyderabad-a ka awm lai khan thil tam tak ka hmuin ka zir a. Ka thiltawn zinga chhinchhiah tlak tak pakhat han tarlan zawk duh ka neih chu- Mizo Inkhawmnaah ka inkhawm ve a, chuta thuhriltu, kan Mizo Pastor lar tak pakhat chuan, “ Hyderabad nula leh tlangval zingah hian zing dar sariha phone ngam kan awm em ?” tiin chona ang reng a siam a. Ngaihtuahna a hruai thui duh khawp mai. A ni lah taka, Hyderabad chang a ni lova, mizo thalaite chettlatna khawpui lianah hian mizote hi zing hma taka tho peih hi kan vang khawp mai a. Tam tak chu zing dar thum velah kan mu chauh a, thenkhat phei chu zing dar nga vela mu chauh te hi kan ni nawk hlawm mai.
Lehkhazir zankhua avanga mu har hi chu pakhat pawh heng zingah hian kan awm kher lovang. Inkawm hlim ngaina mi kan ni a, hnam dang ang bawkin internet te pawh kan lawm a, cellphone hmanga zan tairek thleng thleng inbiak te, zu in paha zankhua khua-a inkawmhlim te hi kan nuam tih zawng tak a ni a, mut mai hi kan ui thin hlawm a ni ber ang. He thil ka han tarlan duh nachhan chu : Kha Pastor thusawi kha mi tuemawin lo ngaithla ta sela, “ Kha maw, kan thalai zingah zing tho hma peih kan awm hauh lo a sin ! Kan thatchhiatzia mai chu”, an ti ngei ang. Mahse, mizo pumpui huam thei thilah hian ngaihdan hi siam zung zung loh a fel zawk mahin ka hria.
Khawpui liana awm nula leh tlangval zingah hian mifel tak tak, zing thawh pawh hre tak tak, mut hunbi fel tak vawnga an lehkhazirna lamah pawh chhuanawm tak tak an awm thute hi kan theihnghilh thiang lovang. Hyderabad ngei ngei pawh hi tunhnaia Mizo zirlai chhuanawm tak tak, Central service lama inziak tlingte zik chhuahna hmun a ni. Tin, zan mu har thin tak takte zingah pawh an mahni zirlai lama bahlah chuang hauh lo leh ti tha em em an kat nawk thova. An thatchhiat vang chu a ni lo ta phawt mai, tam tak chu.
Tin, thingtlang lama khawsa, thingtlang loneimi hi za-a sawmsarih zet zawt kan ni a. Heng mite thawhrimzia te hi kan chhut ngai em ? Zing vartiana thawha, hnathawh kawr inbela, khaw var hlima chaweia, chawfak hma zawng a sur a sa hnuaia hlo thlo thin te hi kan thahnem a sin. Mi taima tak tak leh entawn tlak tak tak hi thingtlang lamah hian an phu suau suau a. Zirlai lam atang ngawta inteha, ‘mizote hi chu kan thatchhe em a ni” tih leh ringawt mai thin hi a fuh ber lovang. Kan thatchhe hran lo khawp mai.
Lo kan han nei a, chhungkaw mamawh thlai chi hrang hrang kan ching a. Kham khawp thar ngei tumin lo vah lai atangin khawsik leh hritlang pawh sawi hleithei lovin hma kan la a. Ram hruaitute lamin, “ Chumi thlai chu ching rawh u” an tih apiang mai chu i he lovin a hlawk beiseiin kan ching a. Mahse, kan ram hruaitute hian min phatsan leh fova, kan thlai thar tlemte pawh hralhna mumal hmu thei lovin kan dah chhe fova. Patung bei a dawng ram ram thin anih hi.
Sawhthing te pawh tlema a man a han san deuh chuan thingtlang lamah kan ching sup sup a, dinhmun siam theih beiseiin hah thikulin, mahni tlin bak bak kan ching a, puk chawp hial te pawhin thenkhat chuan sawhthing hmun zau tak tak kan nei hlawm a. A hralh a lo hun a, kan thenawm state-ah te Rs 70 te anih laiin keini state ve ah chuan Rs 2.50 chauh te a han ni ta mai thin si a. Chutah, kan ram hruaitute leh kan thusawi thiam ten,”Mizote chu kan thatchhe em a lawm, thil kan ti tha tak tak peih lo”, ti tein chhuanlam kan la siam kawi vel ta lai thin a. Kan hre lo let der zawk ni hian ka hria. Kan thatchhe lo asin mizote hi ! Sawhthingte pawh hi mumal tak leh man to zawka hralhna a awm ngei dawn a ni tih kan chian ngam phawt chuan mahni enkawl theih tawk bak baka zau pawh kan vat eng duai duai mai asin.
Tlakchham erawh kan ngah. Zirlaite pawh hi a mizo ang hian kan thatchhia a ni hran lo, kan inzirtir fuh tawk loh avang leh kawng kan inkawhhmuh tawk loh avang hian thenkhat hi thatchhia angin kan lang ta mai thin zawk a ni. Zirlai tam tak ten an duh an hre lova. Heng kan awmna ang, Orissa te pawh hi engvangin nge India ram puma CBSE exam-ah te hian a ti tha ber ber an nih ziah ? A chhan bera lang chu naupangte rilruah lehkhazir pawimawhzia an tuh thiam a. “ Zir rawh zir rawh”, intih ngawng ngawng ngai lovin naupang tam zawk chuan thiam hnem tumin an bei tang tang a. Pawl sarih zirlaite pawn an nih duh an chiang fak mai a. “I zir nasa lutuk a ni, in pawl zat atan hetiang em ema zir nasat a ngai lo”, tih ngai hial khawp naupangte pawh kan nei nawk mai. An taima bik em ni ? Teuh lo mai. Zirtirtu leh nu leh paten an fate kaihhruai dan an thiam zawk vang chauh a ni. Kan fateho rilruah hian lehkhazir pawimawhzia te hi tuh thiam ni ila, zirlai thatchhia hi kan nei hauh lovang. Engvangin maw ? E le, hnam thatchhia kan ni tlat lo a lawm.
Anih leh thingtlanga kuthnathawkmite hnathawh nasatzia kan sawi a, hetihlai hian hnathawk peih mang lo, leng daw daw mai, tute thingpui dawr emawa nileng lenga carrom pena hun khawhral mai maite pawh an kat ve nawk tho. Hei hi kan society inenkawl danah kan fail chhoh tak vang a ni pakhat leh bawk. A hnam anga kan thatchhiat vang ni lovin, hman lai anga khawltlang enkawltu, mahni khawtlang hmangihtu tak tak Lal kan neih tak loh vang a ni.
Hmanlai Lal kha chu, chhunah te a han lengkual a, tlangval awmawl mai mai a hmuh chuan, “ Tlangval, i nuamsam lovem ni ?”, tiin a han thawikual te te a, chutah a zilhhau thin. Thalai hrisel tha pangngai tan chuan awmawl mai mai theih a ni lova, mi thatchhe tan khawtlangah hmun a awm lo. Tunlaiah hian thatchhe awmawl mai mai tan hian hmun hi kan siam tam ta lutuk a ni lo maw ? Mi thatchhia leh awmawl mai mai hmuhsit nachang te hi hre thar leh ila a duhawm ngawt mai. Hemi kawnga hma la tur hian khawtlang hruaitu tha leh fel, entawntlak neih a pawimawh a, tin, hnam taima leh thawkrim kan nihzia pholang tur hian ram hruaitu tha, eizawnna kawnga min kaihruai thiamtu kan mamawh bawk.
Saphote hi, “ An taima, an thawkrim, hunawl pawh an nei mang lo” te hi kan ti fova, saprama khawsa leh sapram zin ten he thu hi kan sawi uar thin hle. CISB-a ka thawh ve lai khan Canadian leh British mi te, German mite ka thawhpui hlawm a. Zirtirtu an nihna an hrechiang a, Class an lak reng rengin inbuatsaih lawk lo leh Classroom-a titi vawrh mai mai turin an kal ve ngai lo. Zirtirtu thutna tura chair an daha thu chunga lehkhabu chhiar zut zut leh muhil ta mai mai phei chu hmuhtur an awm ngai lo reng reng. Thawhtan atanga Zirtawpni thlengin theihtawp tak meuh chhuahin naupang tan an inhmang zo thak a, zan lamah pawh a tuk leh lama an zirtir tur inenlawkin an buai leh a.
Zirtawpni tlai lamah erawh chuan Goa-a nuam tawl turte-in an zin leh daih thung thin. Hunawl an insiam thiam a, a thawh hunah erawh thawk tak hi an ni ringawt thung. Keini ve hi le, kan inhrechiang hlawm bawk a, kan zirtirtute leh nu leh pate, zirlaite thleng khan kan inenfiah a tul a ni. Hnam thatchhia kan ni lova, tihdan phung dik lo zawma kan kal avang hian thatchhia leh thil titha peih lo angin kan lang a ni chauh zawk. Nu leh paten zirtirtute-ah kan beisei tisang ila, kan fate enkawl chungchangah leh fuih kawngah intlansiak bawk ila, reiloteah hnam taima kan nihzia hi kan finfiah thuai theiin ka ring.
(Note : Article hlui ka han chhawpchhuak mai mai a nia. Inhriatthiamah kan ti a niang chu)
Similar Posts:
- Mizo te hi hnam thatchhia kan ni em?…
- Hnam thatchhia CM-in a tih chhan hi
- Zawhna – Thlirna Tlang hrang hrang atanga chhan tur
- Mizoram Pawn – Ka thil huat te
- Tlai khat chu
May 4th, 2010 at 9:14 am
Kan thatchhe hauh lo a,mahse tei rei kan peih erawh a ngai khawp mai.
Report this comment
May 4th, 2010 at 9:26 am
thatchhe lo e….tunge t a??mai mai..
edit ngai in om m??
Report this comment
May 4th, 2010 at 9:27 am
2: thatchhe lo
Report this comment
May 4th, 2010 at 9:27 am
3: thatchhe lo
3 leh zok si
Report this comment
May 4th, 2010 at 9:41 am
thatchhia pawh an awm ve tho, kei pawn i post khi ka chhiar chhuak peih reng reng hleinem
:lol:
Report this comment
May 4th, 2010 at 9:55 am
@badboy, that-tha rawh. Miin thatchhe hauh lo in an ziak tak tang tang a. Ka chhiar chhuah chhungin in va lo intlar tam hman pet put ve…
Midang rin tur chuang an awm loh hi chuan thatchhiat hi a har deuh.
Report this comment
May 4th, 2010 at 9:56 am
Kan thatchhe hauh lo a mahse easy money kan lawm ani.
Report this comment
May 4th, 2010 at 10:02 am
Badboy, keipoh ka chhiar chhuak peih der lo mai :lol:
Report this comment
May 4th, 2010 at 10:15 am
Thatchhe ve hrim hrim hi chu kan awm in ka hria!
Report this comment
May 4th, 2010 at 10:25 am
Hnam taima ti a sawi tlak chu kan ni lemlo e.
Report this comment
May 4th, 2010 at 10:46 am
Taima leh thatchhe inkarah hian mi tam zawk chu kan awm awm e.Kei chuan mi Thatma/Taichhia
:lol: ka ti mai dawn e.
Ei hmu tur tawk a hnathawk te hi an tihtur reng ti an ni a,hah fal leh thahnem ngai em em lo pawhin eitur thawh chhuah mai hi a har lutuk lo.zirlai,office kal leh kut hnathawkte pawh nitin darkar 6-8 thawkin vantlang rual an pawl thei.Mi taima tia chhiar chi an ni chuang lo.
Mi taima erawh chuan mipui nawlpui piah lamah ama tan leh zarzo thamin hna a thawk thin.Hlawhtlinna pawh a khum ngei ngei.Pianpui finna leh thiamna hmang tangkai tan phei chuan a vur kum a ni reng thei ang.
Mi thatchhia erawh hnamtin zingah an piang vek a.Heng taksa leh rilru thatchhe hrim hrim ho hian khawtlang leh mipui nawlpui in an en dan an thlithlai ru kiau thin.En hran deuh hlawh ai chuan a mawi tawk tal a hnathawk turin an phut chhuah theih ang.(Ka thlir dan hi a fuh emaw???)
Report this comment
May 4th, 2010 at 10:52 am
Kn thatchhia tih te cu tlang hriat alom. Taima ila khitah kn om toh ag cu. I thu ron ziah khn kn thatchhiat zia cu a tilang ciang kek kok a ni lo’m ni
Report this comment
May 4th, 2010 at 11:02 am
a va thatchhiat theih ngaih ngaih ve ! khua lumg ropui si
Report this comment
May 4th, 2010 at 11:42 am
Kawlawbel kuah ngawih ngawih ka va chak !
Report this comment
May 4th, 2010 at 11:49 am
Hmanni a thingtlang khaw pakhat ka zinnaah an khaw tlangval zin haw ka phur a. Kan titi naah ani chuan kan khuaah hi chuan nula/tlangval tan chhunah inah awm mai mai chu a tihchiloh khawp mai, mi in min hmu se ‘i dam tha nange’ min ti mai a ati. Hnathawh tur kan chatlak deuh anih pawhin chawhmeh zawng talin kan chhuak deuh ngei ngei ati a. Hetiang mi taima khua hi an la awm nual ania, kan tam ta lo mai pawh a.
Report this comment
May 4th, 2010 at 11:53 am
Mingo hi taima se India leh China rama mithiamte pem lut turin an sawm dawn emawni le
An zirna pawh a thain a fakawm, mahse Third World Education System atanga inzir puitling an rama hnathawk an tam hi 
Mizo ai chuan Zangkawltuk ho hi an thatchhe fe zawk, Sawrkar hnathawk darkar 3 Office a thu pei hi an vang :lol:
Report this comment
May 4th, 2010 at 11:56 am
(Reuters)A U.S. citizen of Pakistani origin has been arrested while trying to leave the country in connection with the failed car bombing in New York’s Times Square last weekend, Attorney General Eric Holder announced during a late-night press conference.
Paki ho tak hi chu.
Report this comment
May 4th, 2010 at 11:59 am
Taihmak hi chu ava han hahthlak tam em…huihaaaa…
Report this comment
May 4th, 2010 at 12:00 pm
ka nu & pa chuan thatchia deu va mi an om hian, ” a taimakthlak zok” an tia, om mei2 hi an paih ve lo. An dam ani phot chuan khoih tur an zawng reng zel. Mizo bik nilo, hnamdang po taima & thatchia an om ve tho. Kan thatchiatna bul ni ber a ka hriat ve chu naupan lai atrangin goal mumal tak kan nei lo vang te, goal chu hria maseh, a kawng hriat lovang ani – tisa & thlarau a poh. A kawng hi naupanlai atrangin kan hrelo em ani.
Report this comment
May 4th, 2010 at 12:03 pm
Taimakna kawng hi a inanglo thei ve bawk a. Ka lehkha zir ve lai khan thiamthei tak chu ka ni lo, mahse kei aia zir nasa hi chu an awm bik lovang ka ti ve thin. Mahse kuthnathawh lam hi ka zeilo tlat mai a. Thiamloh leh zeiloh lamah hian taimak zu han har viau a.
Report this comment
May 4th, 2010 at 12:04 pm
Thingtlangnu, nuam sam vaklo, innghak tur a hnut chhiah te pawh hian, ‘awm mai mai pahin thingtuah ka han fawm teh ang’ an la ti talh zel a. An ‘fit’ awm zek zek ngei mai ka ti thin.
Report this comment
May 4th, 2010 at 12:11 pm
Ka ngaih ve dan….
Pakhatna ah chuan :-kan taimakna lam a in ang lo mai mai a lawm..
Misual.com a comment kan pek hnem thin dan atang hian…kan taima a ni..nu leh pa/nupui te leh chhungte lah chuan, computer ah i thu nileng thak thak mai…hna te hi thawk ve rawh anlo ti chhen a, …Misual.com ah hian fin na leh zirtur tamtak a tam zia an hre ve si lo, …chhiar kim sen hman loh nak a laiin….
Tlangval pakhat pawh.. tui chawi a peih lo khawp mai a..mahse Carrom (Board) a pen ni leng thak peih…khawi ram emaw chu ni se, Carrom khelh kha a hlawhtlin puiin, mi lar leh hausa alo ni thei ang..mahse Mizoramah chuan a theih ve loh.
Pakhat pawh lehkha zir a peih lo na-in, Football a khel nileng zak peih thung….khawi ram emaw chu nise milar leh millionair-ah a in hlang kai ngei ang…mahse Mizoramah chuan …matric a pass tlat lo va.. SA (section Asst)ah an la ve…
Pakhat leh chu…ration lak aiin, thian te inah guiter a perh ni leng peih nia, (chhungte tan chuan a that chhe hle) Mahse, a tui em avangin Guiter pawh a thiamin a zai thiam hle bawk ..hei pawh hi mi ram chu nise…musician ropui tak leh Car nalh tak a tleng thei tur a ni….mahse a seilena in a zir lova a ni…..
Taima kan tih te hi….tu te hi nge ni ta..? Ram a changkang tial tial a, kan evironment te pawh kum tin in alo danglam ta..tui chawi a taimak pawh duh ila..tuikhur a ram a awm ta lo…thingphurh peih viau mah ila..Gas kan hmang fur tawh si…..
Sorkar hna tha thawk turin, lehkha zir taima viau-in, Ph.D te hial thleng mah ila..hnalak chungchangah.. thuneitu
te an fairloh leh zel bawk si a nih chuan…. englamah hian nge taima ta ila.. tha ang le..?
Proverbs 22: 6,“Train a child in the way he should go, and when he is old he will not turn from it.” tih hi nu leh pa te hian kan study ngun a tha hle-in ka hria…
Mahni line lo-ah hi chuan taimak a har…mahni line ah hi chuan a bu ang zurh a ni fo mai,…
Pahnihna ah:-
1 xaiA -sawi khi a dik khawp mai.Hlawhtling tlak a tih peih a ngai zel chu a nih hi.
John F Kennedy apa khan, a fate a zilhna a chuan, khawvel ah hian eng hna pawh,hna sang emaw, hna hniam emaw thawk rawh u a pawi ka ti lo, mahse,’hmunphiat'(sweeper) pawh ni ula, khawvel a phiatfai ber nih in tum tur a ni a ti…chutiang deuh chu kan ngai.
Lal Isua pawhin, “Tupawh lei lehna kut nghat a, hnunglam hawi chu….” a ti kha…ti ting tang,ti tluang leh peih lo te hi…mi puitling lo, taima zik tluak lo, hlawh tling tlak lo te a ni ber…..
Report this comment
May 4th, 2010 at 12:42 pm
thatchhia intih tawp thu chu a awm lovang. Mahse kan inenlet erawh a ngai deuh mai thei.
Tunlaiah chuan Mizo te zingah intodelh thu hi sawi uar a tul khawp mai. nula tlangval zingah a bikin
Report this comment
May 4th, 2010 at 1:13 pm
Ni e, a taima em/ a thatchhia em tih lam ai chuan, a INTODELH em ti ta ila….a zia deuh em aw.
Report this comment
May 4th, 2010 at 1:16 pm
Kan Aizawl khawpui chhung hi han thlir chiang teh u. Nula/tlangval, Korean Serial en avanga Korean em em a inngai, an inchei ang ang a, thuamhnaw inbel ve mai, mahnin thawhchhuah nei silo a, Nu leh Pa thawh chhuah/hlawh avanga inchhek arbawm, No hleng hlung hnathawh nachang pawh hrelo, mut nachang pawh hrelo, zingthawh nachang pawh hrelo, ngaihzawng hre em em an tammmmmmmmmmmm mai. Ka hmu ning tak tak a nia, hengho hi.
Thawk peihlo chuan ei pawh ei suh se.
Report this comment
May 4th, 2010 at 1:36 pm
Hlawhtling tawh awm nuam te, pamham avanga hausa nuam tawl te, pawisak neih loh avanga eiruk hreh lo hausate an tam ta lutuk a, hetiang hi kan it a, thawk vak lem lova pawisa neite kan it hlawm tak avang hian kan thatchhe zo ta ni berin a lang.
Chutih rualin: Thawk duh lo leh thawh tur hre lo, mahni phu tawk thawk hreh tlat pawh kan pung ta zel a nih hi.
Report this comment
May 4th, 2010 at 2:08 pm
Tlangval pakhat po anu in a tir thei ngai lova, luangmual a khuan nula a rim a, tui an chawi a, sawm po a ngailo, a kawt trung2 a, an haw a, an vawkchaw bel suan angai a, sawm po a ngailo, min an ti khalh ang ti hlau fahranin a suan hngal sawk2 mei. Anu tan chuan thatche ltk, a sas tan chuan taima overrr :lol:
@pimpom i totally agree with u
Report this comment
May 4th, 2010 at 2:33 pm
Jewel Mei or Mai?
Report this comment
May 4th, 2010 at 2:39 pm
A lo va han sei tak ve maw le
@mr.Duhlova..unau hmel hai a ni ngat mai…hei zet hi chu. Kan thianpa Jharkhand-a awm emaw ka ti ngawt che a..tukinah ka phone ngawt pek a..haha..ler LUR mai
Nimina kan fiamthu ang deuhvin hei, ho mai mai ka han ziak e..ka thianpa Kawngcrossthiama chanchin chu..
Report this comment
May 4th, 2010 at 3:29 pm
coolsoul09 : Misual.com zet hi chu in hriatfuh a har khawp a nih hi…hmaikawr kan vuah fur mai si a…kan in fiam thelh bhok bhok mai chu a nih hi….
Jharkhand ai chuan helam a nuam zawk…arpui tuilai kha kan hla thupui a nih kha…vanlalduhlova@gmail.com….rawn mail la…i tui zawng tak – reilo te a thawh zawh tur ka nei a nia..i kalman tuak nan.
Report this comment
May 4th, 2010 at 3:30 pm
@lersia i du jok2 khi ni mei :lol: trong hi chu communication a tan ka hmang ve trok2 ani hi. literature lam hi chu pe thuklo ve raps!
:lol: :lol:
Report this comment
May 4th, 2010 at 5:07 pm
Mizo te hi hnam tai ma tak kan ni.Amaherawhchu kan zingah hian mi thatchhe tak tak chu an awm ve zeuh 2 .
Taiapa te hi han en teh u nitin darkar 15 (15hrs)phur tak in a thawk thei.Mizo ani a, kei chuan taima tawp niin ka hria.
Thawh in awmzia aneihna hmun ah chuan Mizote hi hnam taima rumrut kan ni niin ka lo hre ve mai mai. :lol: :lol: :lol: :lol:
Mizote hi hma thatchia ti tu chu an daw duai ang.
Report this comment
May 4th, 2010 at 5:51 pm
@Jewel: I thlirna leh ka thlirna chu a inang tihna nih chu. Kan thatchhelo titute tanna pawh a hnampum huap a, that chhia a sawi tur chu kan nilo a, a dik tho. Chutyh rualin hnampum huapa taima pawh kan ni chuanglo.
Report this comment
May 4th, 2010 at 5:54 pm
@hmingtea: I sawi ang a taima tak tak hi kei pawhin ka hmu teuh a sin. Mahse, thatchhe tak tak pawh i hmuh hmaih bik ka ringlo. an tam mai.
Report this comment
May 4th, 2010 at 7:26 pm
@mr.Duhlova, engtin nge an tih kha..Zirtirh Bu emawni-ah khan..
“Ka talh dawn e ka arpui tuilai…” a mik a mak ka hre zawm lo. Han ziak zawm thei kan awm em ?
Report this comment
May 5th, 2010 at 12:02 am
Zirtirna kan hmuh that loh chhan chu thatchhiat vang ani thei mai lo maw??Hna te tham pawh thawk tha duh lova pass sang in tih vang a,lehkhathiam hna hmulo tih leh rikngawt te hi thil tihchi tak nilo chuan ka hria…A zahtlak deuh chu ka ti..kan chapo hma lutuk te hi sim a hun viau chuan ka hria.
Report this comment
May 5th, 2010 at 3:00 am
@Cool – i ziak tha hle mai- Mahse Xaia comment 1 hi Mizoram tawn mek ani – Sorkar kan denchhen (depend) vang ani. Mizoram atangin ka lo haw chiah a, thingtlang tam takah thla thum ka cham a, an thupui ber chu sorkar in an tanpui loh na chhan! Mahni a intodelh na ka suggest chu a tha an ti, mahseng mahni in din an tum lo…keimahni thiam lo liau liau ani…
Chuan Kerala ah karhnih lek chamin ka zin a, almost the same landscape and crops+ literacy, mahseng an ni chu an intodelh asin…
PS: Min hnail tum hrim hrim ho kha in lo tam leh dawn si a, ka hnial peih/hman lo che u a,a chhan chu research ka rawn bei a, lo comment lo mai ang che u ka comment pek ah hian.
Report this comment
May 5th, 2010 at 3:15 am
@Aryan
Reuters)A U.S. citizen of Pakistani origin has been arrested while trying to leave the country in connection with the failed car bombing in New York’s Times Square last weekend, Attorney General Eric Holder announced during a late-night press conference.
Paki ho tak hi chu.
He flight ah hian JFK atrangin ka fapa a chuang ve thlawhna chhung kan awm kan thlawk chhuak trep a ti mahse an chhuk tir leh vek 7 hrs delay hnu-ah an take-off ta chauh. US Police ho zei dan hmuh chakawm khoops.
Mizo te hi ram CK ah mahni thawh hlawh ngei darkar bi a thawhna hmunah chuan an lo taima hle tih ka hmu keuh
Report this comment
June 10th, 2017 at 8:46 pm
He thu post hi aw ngaihnawm khawp mai.
Report this comment