Lokal vek turin ka sawm a che u.. Kan khaw tlang nuamtak ah Kalo len Pui ang che u…
[click pic for larger size]
Archive for April, 2011
A bik a Inneih Sawmna
Tuesday, April 26th, 2011Pakistan Federal Minister SHAHBAZ BHATTI-A kha
Tuesday, April 26th, 2011
Chanchin thar lamah ka chhiar vekin ka ringa; March 2, 2011 khan Pakistan sawrkara Minister for Religious Minorities, Shahnaz Bhatti-a, Kristiante nêkchêpna hmun ralti leh hrehawm fâl Pakistan-a Kristiante leh mi chanhaite dikna leh chanvo humhalh tuma thi leh thau pawlha beitu chu a chenna in aṭanga Cabinet Meeting-a motor Car a a kal laiin Muslim firfiak Taliban mi leh sa nia inchhalte’n lo lambunin an lo kap chiam mai a, a hnu deuhah Shifa Damdawi In panpui a nih laiin a thi ta a nih kha.
Amah hi Kristian (Roman Catholic) a nih angin Pakistan ramin Muslim sakhaw dintu Mohammed-a leh an sakhaw lehkhabu, Quran sawichhiate lung ina khunga thih thlenga hrem theihna dan ‘Sharia Law’ an neih duh lova sawisel ṭhin tu a ni a. He dan hmanga an man leh thi tura a chungthu relsak, Asia Bibi chunga zahngaihna lantir tura thuneitute hnena ngenna lo thlen tawh ṭhintu a ni bawk. Heng avangte hian Muslim firfiakte’n thahah an lo vau fo tawh nghe nghe a ni.
Website hacking
Tuesday, April 26th, 2011Thupui atan website hacking kan ti ve ngawt a. Kei aia hre zawk in tam viau ka rin rual in hemi chungchang la hrechianglo ten kan hriat chian theih nan ka website a ka post hi ka rawn post ve mai mai ange.
Mizo te kan changkang tawh in hmasawnna kawng hrang hrang in hma kan sawn a. Kawng tam takah sawrkar chakloh vanga hmasawnna aia hnungtawlhna a awm rual in sawrkar in min pek theihloh finna leh thiamna lamah chuan nasa takin hma kan sawn a.
A bik takin internet khawvel ah hian hmasawnna kan ngah mai. Website leh Blog tam tak a awm ve tawh a. Hetih rual hian thiamna a pung zel a. Mizote ngei pawhin hacking lam kan buaipui in tlem lai deuh khan misual ah ngei pawh hian website hack sak thahnem tak an rawn tarlang anih kha. Website mai bakah kan sum dah te thleng pawhin min rawn hack sak tu an la awm ngei ang.
Che hlek a Rihdil ti reng mai…
Tuesday, April 26th, 2011Dik chiah, ninawm… Mahse, tun tum chu a ‘cial em avangin Rihdil kan ti leh hram teh ang.. Rihdil 
misualdotcommer ^-||R@lT€||-^ champhai rawn zin remchan chuh in, VaiVa leh paeia an awm remchan lai a ni bawk a, tin, chu bakah silent reader hi an ther ve fur tho a, Rihdil kama MI rawt thut a ni a. Aizawl leh hmun hran atanga rawn tel thei tur awm rem chang chang sawm anni bawk a. Mahse, Champhai a silent readers lo awmsa thenkhatte bak chu an rawn tel belh ve thei ta lo. Tichuan, April ni 22, chawhma inkhawmbanah, Rihdil chu pan khawm a ni ta a ni.
India Gate nih ve hi!
Tuesday, April 26th, 2011India Gate hi World War I hnua (in 1921) an sak niin, Indian mi 80,000 chuang teh meuh in ram leh hnam tana an nunna an chan avanga he Monument ropui tak hi sak niin, a design tu hi Architect hmingthang tak Edwin Lutyens a nia, 42 meters laia sang a ni, a tir ah tak chuan All India War Memorial tih ania, he Thlan lung ah hian Indian sipai 70,000 chuang indonna avanga thi tate hming ziah a ni tih rawn sawi duah ka tum lo,.. hmanni khan kan va kal ve (leh) a, thlalak tlema zawng kan bel ve teh ang, mega pixel, resolution, lens, nikon, et ce te ra tih vel eng mah phei chu ka hre loa, ka mobile tawng ve tawh tak, hluihlawn hnu hian kan capture ve ang lawp lawpa, professional phei chu ka niloa, min lo hrethiam dawn nia,..hehe
Keini Ve Zawng
Tuesday, April 26th, 2011**Tun tum chu tàwi tein keini ‘ÂK zât hnih’ hnuailamte inngaihtuahna fahrah tak hi ka’n tarlang mai mai teh ang. Chhiar peih loh thleng thlenga ziah tur awm mah se; hei chauh hi ni mai teh se.**
Keini hi chu kan vanduai ve hrim hrim! Naupantet lai ata tawh mi làwm hi kan hlawh ve ngai lo; min en liam mai mai thin. Retheihna khan kan piantirh atangin min hmuak a. Hausakna khan min tlansan dãwr dãwr a. Kan vanneihna tur ve lah kha pheichhamin a nei vek a, pheichham man tur lah kan hmu zo ve si lo.
Mi te àwh ang leh duh ang kha keini paw’n kan àwtin kan duh ve tho va; a lèm lèmin chûng thilte chu kan nei ve thei chauh a. Dik chiah chuan kan rilru chu a hausa êm êm a, a taka hmuh tur a awm lo mai zawk a ni.
Rosangliana(ZOROCK) music video thar entheih leh ta……..
Monday, April 25th, 2011“Ram leh Hnam“ he hla hi Ram leh Hnam tana phuah a ni a, a bikin Mizo thalai te tana phuah ani.
Bawng Kaia Sumdawng
Monday, April 25th, 2011Hummer, Winbody, FarStar … kan han nuihzàt thlaràwk a, “Bawng kai Cigarette” kan ti àwl lo va. Winbody a nêm, Hummer a rù hret, FarStar chu a rù hàk mai! Mitthi lumennaah pawh zànlai pelh fê hnuah an la thle dual dual mai zawng a ni a … a tih-chì ngawt asin, a man sènso a lo tlêm hret bawk nèn!
Tichuan, bawng kaih hi a namai lo. Hna hautak tham a tling. Mihring ni khat kal leh bawng ni khat kal hi a intluk zèla a huhova kal a ngai a. Ni sensa hnuaiah leh ruahpui vànàwn hnuaiah pawh kal lai a phèt chuang bàr si lo. Tum ram thlen ngei a ngai si! DEAD or ALIVE!
Nevada State khawi’maw laiah khuan beràm rual tam tham tak an rawn khalh phei a. Vut a khu mup mup mai a. Car rual an tlàn hlei thei lo, an dìn muangchàn a ngaih phah a. “Khaw’nge beràmte hi in hruai dâwn, SLAUGHTER HOUSE-ah em ni?” tia zawhna chu, beràmpu pakhat chuan a beràmte chu lainat takin, “Kan hnung lamah khian tui tha leh hnim hring tha a awm tawh lo va, SLAUGHTER HOUSE-a kalpui kan tum lo. Kan hma lam hla taka khi tui tha leh greener pasture a awm a … kan panpui mèk a ni,” tia a chhànna hi, ngaihtuah zui a nuam veng veng hle.
Ka ngaih ve dan chuan!
Monday, April 25th, 2011 
Tun hnai ah class x leh xii result a chhuak a, thenkhat an lawm em em lai in, thenkhat erawh an lawm lem lo, mitin te hian kan thawh rah leh tuh rah kan seng a a hlawk dan erawh a in ang vek kher chuang lo, chuvang chuan chantawk a lungawi tur chuan thawhrim a ngai a ni tih hi chu sawi sawi pawh a tul tawh kher in ka ringlo, kan ram, Mizoram ah hi chuan!.
Ka han sawi tum tak zawk chu tun kum hnih kum thum chho vel atang khan class x leh xii result chhuah apiang hian hmeichhia in dinhmun sang an luah zel ti ila kan swi sual tampui lovang chu maw, hei hi avang leh a chhan chu a chunga thuhmahruai angreng deuhva ka sawi khian a ti chiang mai turah ka ngai.
Mipa te kan tan a ngai kan ti kumtluan tawh mai dawn in a lang ta ni in ka hria, a pawi kan ti dawn nge a pawi lem love kan ti zawk dawn? A eng a pawh chu ni se, mipa te leh hmeichhia te hi angkhat (mihring)theuh kan ni tih chin chauh hi ka sawi mai a nge.
Ka Hêl Bîk Lo’ng Che
Monday, April 25th, 2011**Tleirawl/Rawlthar lai kutchhuak hian a hun laia kan rilru tam tak a pholang theia ka ngaih vang pawh ni miah lovin, prose lam post tur ka hriat mai loh avang zawkin, a hnuaia poem/poetry hi ka rawn thehchhuak leh tawp mai anih hi. Heti ang lama tûi mi lo tan chuan ninawm lamah pawh a kal ang tih a hlauhawm rum rum hial a. Mahse, mi{sual} nà ná nà han that viau thu awm suh!**
I sakhmel ka tawn hmasak ber ni khan,
Ka chhingmit hian khaw dang a hawi thei lo;
Thinlaiah i zun zam leng chuan min fan,
Nang lo chu tudang ka dâwn thei ta lo.
Ka dâwn lungruk biahthu hlân che ila,
Tleitir hmeltha, engtin min ngâi ang che?
Hmangaihna chauh chhüan tur ka nei si a,
I lung dum thei hian ka in ring lo ve. (more…)
Ka tawn...