Post tur tha deuh ka hre mai si lova, post ve leh tawh ngei ka duh bawk si , mahni inzirna ni pah zelin min lo hrethiam hram a ni ang chu .
Mizo emaw english emaw pawh nise ‘hla’ hi ngaithlak tam hrim hrim chu thuhran, a thu a zir anih rualin a satu-te emaw, a thluk a zirin emaw kan duhdan leh duh zawng pawh a inanglo thluah ngei ang . A tlangpuiin keini Mizo thalaite bikah phei chuan a hla thu leh a phuahtu rilru lam ngaihtuah emaw ai mahin a satu leh a chhehvelah hian kan uai nasa zawk mah niin a lang, hnamdangte pawh anni ve tho mahna, ka hre lem chuang hlei lova.
Engpawhnise, hla tamtak hi chu keimahni nun leh huntawn mil vangte, kan nun hman mek mil ni a kan hriat avangte-in kan duhin nalh kan ti em em a, mifing leh remhria-te piahlamah tawngkam thiamlo, mi mawl berte leh zakzum tawpkhawkte tan pawh a malsawmna, hmaichhana kan sawichhuah ngam hauhloh thil, thinlung tawt up up leh pik kar atanga thawvenna leh ralmuanna tlanga min hruaichhuak theitu, kan duhberte leh mihring mihrinna a kan zah ngawih ngawihte kianga kan rilru chhungril leh ngaihtuahna ril ber ber te hmaih hauhlo leh zam map lova ngen ngawl thei tawp leh lungkuai thei ang bera min puanchhuah sak thintu pakhat chu ‘ hla’ hi a ni ngei ang.
Hei hi Pathianin hlaphuahthiam leh zaithiamte a dahhranna chhan leh midangte anglo taka malsawmna a vur bik chhan pawh a nih ngei a rinawm. Keini’n phuahthiamin nalh takin sa chhuak ve thiamlo mahila an mahni ang thova lungleng ve thei leh lungngai ve theite kan nih hlawm avangin Pathianin an mahni rinchhana kan za vaia intawm theih tur thil a ruahman ta a, tichuan inhuphurhtawnna leh itsiknate awm hauh lovin an zarah kan lunglenna leh lungngaihna tam tak chu kan paih thawl ve thei ta chauh niin a lang .
Tichuan, he hla hi ka nun leh huntawn tawhte nen a inhmehna emaw, keimah nena ngaihbel theih tur thil engemaw inlaichinna a awm pawh ka hre lova, midang riru lakpen duhvang leh mahni intihlanthat/intihengemaw duhna lam a awm pawh ka hre chuang heklo ,mahse ka ngaihthlak ngun poh leh nalh ka ti tulh tulh a, a hunlai chuan sawifiah phak lohvin lung a ti leng ve em em mai thin a ni . A satu thiam leh thiamloh chu thuhran nise , thildang anglo takin kan hun tawn leh nun mil kher lemlo pawh mihring rilru leh ngaihtuahna hi chu ‘ HLA ‘ hian a hneh thei em em tho a ni, tih hi chu a chiang hle a ni .
Hla chu :
Heartbreak station
– Cinderella
Waiting at the station
Tears filling up my eyes
Sometimes the pain you hide
Burns like a fire inside
Look out my window
Sometimes it’s hard to see
The things you want in life
Come and go so easily
She took the last train out of my heart
She took the last train
And now I think I’ll make a brand new start
She took the last train out of my heart
Watching the days go by
Thinking ’bout the plans we made
The days turn into years
Funny how they fade away
Sometimes I think of those days
Sometimes I just hide away
Waiting on that 9:20 train.
[youtube]http://www.youtube.com/watch?v=Uuegke22rdA[/youtube]
Bonus :
Every rose has its thorn – Poison
[youtube]http://www.youtube.com/watch?v=c56vEgA4fjU[/youtube]
Connie Stevens – Sixteen Reasons
[youtube]http://www.youtube.com/watch?v=gnQONZ1XVJM[/youtube]
Comment lama sawibelh tur phei chu ka hre chuang lem lova, a duh tan OT theih, a duhlo tan OT loh theih a ni mai ang chu. Sawi kur nguai leh sawi zau chiam pawh ka thiam chuang lo, a landan ang ang hian ka zo der a, nalh ka tihna leh duhna erawh a nep chuanglo. Remchang a awm a nih chuan a lehpekah Mizo hla thung. 😀
(PS : Video upload ka la ti ngai vak lova, internet chaklo bawk nen, You Tube a awmsa hi duh angin a quality a thalo, tih vak ngaihna ka hre chuang si lova min hrethiam nawn leh mai a ni ang chu )
May 2nd, 2011 at 8:44 pm
Poison hla every rose has its thorn khi hmanah khan kan van duh thei tak, ka la hre ruaih ruaih thei lom lunglen thlak mang e
May 2nd, 2011 at 8:46 pm
I post tha e, kei youtube lampang wala hian ka fak a che.
May 2nd, 2011 at 8:50 pm
heartbreak station :lile like:
every rose :like:
ka lo thawh vew lawks
http://www.youtube.com/watch?v=KPGvRJHlPVo
May 2nd, 2011 at 9:08 pm
I post tha ah ngai ang. Mahse kei chu hetiang Poison tih vel hi chu ka tuipui pha
meuhlo,kan la nau deuh te pawh aniang nge…..
Ka duh ve te chu hei ka nick te…RATM lampangte ani daih thung.Audioslave te.
May 2nd, 2011 at 9:09 pm
E khai 16 reasons chu ka va’n duh ve le. Mulholland drive movie ah khan an sa a, nalh ka ti lutuk ringawt mawle. I bei tha khawp mai zan muttheihloh man nimaw 😀
May 2nd, 2011 at 9:10 pm
@Zualbonez james Durbin khi chuan a sa thiam thlot ani tiro. a nalh em mai khi hla a sak zet kha chu chuan Uprising a sak kha nalh ka ti em em bok Muse hla kha
May 2nd, 2011 at 9:12 pm
Music lamah hi chuan tuia lungtum thlak ang mai ka ni 🙂
May 2nd, 2011 at 9:14 pm
OC TO BER a metallica lo kal tur hi ka va lawm em.
May 2nd, 2011 at 9:15 pm
Pu muante, tuia meiling thlak kha a la hnaisailo zawk ang aa…;-)
May 2nd, 2011 at 9:28 pm
I ngaihtuahna chu a thuk hle mai, ngaihtuahna I hmang nasa ngei ani tih ka ring. Hmang lovin thu thuk takte a sawi chhuah in a ziah theih si loh va.
Chungtianga ngaihtuahnate chu ani hla lo chhuan na chu.
Kan hun tawn tawh te nen a, etc. inrem lote kan duhna chhan chu kan ngaihtuahna ina a phuahtute hla thu atranga an nun(hun tawn) kan va hriatthiam vangte, a hla thuin a hrilh kan va hriatthiam vangte, a hla thluk kan duh zawng/nalh kan tih zawng anih vangte ani.
May 2nd, 2011 at 9:33 pm
(zawitein) Hla hmasa pahnih khi chuan ka lung chu a tileng ve hle mai. Heartbreak Station ai mahin ‘Once for Rock N Roll’ kha ka duh Cinde. ho sakah chuan, Guiter vai kat kha a nalh tlat.
Hnuhnung ber khi ka hre lo, ka duh loh hi ka hre peih lo thin a, buaithlak.
May 2nd, 2011 at 9:37 pm
poison-every rose has its thorn hi ka duh ve thei lutuk..mahse tunah chuan thil tam tak ka hriat hnuah ka ngaithla tawh ngai lo..ka mimal thil tawnte avangin..post tha post tha
May 2nd, 2011 at 9:49 pm
Hla hi chu a phuah leh sak thiam lah chuan mi bik nih angai hle reng ani.Mahse a ngaihthlak lamah hi chuan bengngawng te kan nih ngawt loh chuan mi bik em em nih a ngai vak pawn ka hrelo……… 😀
May 2nd, 2011 at 9:56 pm
A tha hlawm hle mai.
May 2nd, 2011 at 11:21 pm
cinderella ka duh, an hunlai ho kha an sial hlawm ve chiang ngawt mai, fanai metala chu sawi di phian 🙂 🙂
May 2nd, 2011 at 11:24 pm
Va lunglen thlak ve. Heng hla te hi ka ngaihthlak lohna kum a rei ve leh ta hle mai. Pawisa neih zawng zawng in cassette(CD la awm hma) kan lei zo vek a, thlathar hma kha chu broke tluan pawp zel, music ngaithla tlutx2, balhla ei mai zel. 😛
Music ah hi chuan sawive tur ka neih hi chu a biblical leh ruih pek thin – beat, blood, heart, brain inlaichinna lam te. 😉
May 3rd, 2011 at 12:11 am
Mid 1990 vel a ni ta in ka hria, (vairam) hostel-ah kan ngaithla nasa ve thin khawp mai. Heart Break Station hi ka duh ber kei paw’n !
May 3rd, 2011 at 8:44 am
A thluk hi han nalh viau phawt se,a thu a that viau phei chuan lung a kuai zual duh.