Keini , Mizo/Zomi, Chhinlung mite zawng zawng hian Saphote, Vaihote, etc. hnam fing (tih a dik zawk ang) zawkten hming pathum an neih ve ang hi kan nei naa chu, kan zavai hian anih loh chuan a tam zawk ten kan hmang ve ngai lo va, hriat pawh kan hre lova, hman dan pawh kan hre hek lo. Tin, keini chauh ni lovin khawvel a ram/mi tam zawkte pawh chungtiang tho anni tih google definition/hrilhfiahnaah ka hmu.
Hming pathum tulna tehkhinnan Passport an ziah khah dawn chuan Given Name/Frist Name – Hming Hmasa, Middle Name – Hming Lai leh Last Name – Hming Tawp/Hnam Hming ziahna tur chu a awm a. Mahse a bang bo theih thin hle ani, a chhan chu Hming Hmasa leh Tawp/Hnam Hming chu kan neiin kan hria a, mahse Hming Lai hi kan nei naa chu kan hriat ngai ve loh avang ani. Kei ngei pawh achang chuan ka hming hmasate ka then thin in ka hria, midang ti ve te pawh an awm ka ring.
First Name – Hming Hmasa leh Tawp chu kan sawi angai lovin ka hria, kan piantirh a kan pi leh pute emaw midangtena min phuah sak ani tih leh an Hnam Hming ani tih kan hrechiangin kan ta ani tih kan hrechiang si a. Hming Lai hi hming pathum kan neih leh neih loh hriat nan leh kan chian nan i han chhui zawk teh ang.
Hnam fing zawk te, a bikin Saphote hian an Hming Lai atan enge an hman thin? Tih kan zawha kan zawn bawk chuan, an nute hnam hming an hmang thin ani tih kan hmu chhuak dawn ani. Mahse Vai thenkhatte chuan an pate hming an hmang tih internetah ka hmuh a, Sap thenkhatte pawhin an ching ve bawk ani.
Hming Lai kan lo hriatchianna turin entirnan John F. Kennedy’a hming hi han hmang teh ang. John F. Kennedy chu John Fitzgerald Kennedy tihna a ni, a Pa Joseph P. Kennedy, Sr. Hming Tawp/Hnam Hming chu a Hming Tawp/Hnam Hming ani tih kan hrethiam mai anga. Mahse, kan han chhui thui deuh chuan, a Hming Lai ‘Fitzgerald’ chu a Nu Hnam Hming Tawp ami a lo ni deih ani tih kan hmuchhuak.
Mahse chungchu a hman theih rêng em? A dik bawk em? Tih kan han inzawh chuan, a chhanna chu a awm ani.
Tute pawh hi – mihring piang tawh phawtte chu mipa thlah chauh kan ni lova hmeichhia leh mipa – kan nu leh pate thlah ka ni. Hmeichhia/Nu awm lovin a pian theih em ni? Mipa/Pa awm lovin a pain theih loh ang bawk in Hmeichhia/Nu awm lovin a pian theih loh. Chuvang chuan Duh mah ila, duh lo mah ila, kan pate chauh ni lovin, kan nu leh pate thisen leh chi chu keimahniah hian a awm a, chuvang chuan kan nu leh pa inpawlh kan ni a, an thisen chu kan thisen ani a, an hnam leh chi leh kuangte chu kan hnam leh chi leh kuangte an ni a, an hnam/chi hmingte chu kan hming lai leh tawp a awm tur rêng a lo ni. An unaute pawh kan nite, nute’ite, pate’ate, nupui’ite, papui’ate, pi leh pute an ni lo em ni? Anni chu kan chi leh kuang, kan hnampui annih loh chuan tu nge ni ang a? Chuvang chuan kan nu leh pate hnam chu kan hnam ani tih hnialrual lohvin a chiang ani.
Tin, chungtiang chu anih si chuan pa leh fa Hming Laite hi, an nute hnam khat annih loh chuan, a inang thei ngai dawn lo tihna anih chu. Pa in hnam hrang nupuiah a nei anih chuan, a fa thisenah hnam hrang thisen a dah tihna anih avangin an Hming Laite chu a inang thei ngai dawn lo reng ani. Ani, Hming Lai hi Nu Hnam Hming ani a, Last Name – Hming Tawp(Hnam Hming kan tih mai thrin) hi Pa Hnam Hming a lo ni.
Thenkhat chuan an hming laiah an nute Hnam Hming telh lovin an pate Hming emaw Hnam Hming emaw an duh duh emaw belhchah mahse achunga hrilfiah ang aia dik a awm lova, chuvang chuan kei ngei pawnin atak leh diktak ka hriat chak leh zawn ka hmu chhuah hnuah chuan ka hmang ve nghal ta ani. Pate hnam chauh kan ziah khan, kan chanve chauh kan ziak tihna a sin. Kan nu leh pa hnam hming kan ziahtel erawh chuan kan pum kan ziak tihna anih mai bakah kan nu leh pa te thlahtu chu chumi chu ani tih a hriat theih ta a.
Keini, Mizo/Zomi, Chhinlung hnamte zawng zawng pawh hi lo fing tawh ila, a tak leh dik zawk te hi zawng leh umin I hmang/nunpui zel ang u. A tak leh dik chuan belhchian a dawl si a, engmah in a ti tlu in a tichhe thei lova, a ti tlu in a tichhe dawn bawk hek lo.
Similar Posts:
- Ka ngaihtuah mai mai a..
- Lamka a ni zawk
- Mizo leh Mizo tawng
- Mizo hming ziak dan hi!
- Thu Chu Tisa Ah
(Y)
May 2nd, 2011 at 11:50 pm
Neilo 1st.
Report this comment
May 2nd, 2011 at 11:54 pm
Ka nei thin, a sei ka ninga court ah ka paih ta mai. Kapu in a pu, Mizo hindi thiam hmasa ber (an tih) hmingchawia sak Lalbuanga tih a ni. Lalbuanga tih pawh hi Lusei thluk anglo takin Lal lai hi thluk hniam ruih a ni. Thuziak a sawi dawn chuan Chhuk chho ang deuha lam tur a ni.
Report this comment
May 2nd, 2011 at 11:59 pm
Hming pakhat ka nei a, ka duhtawk viau mai!
Report this comment
May 3rd, 2011 at 12:05 am
ka pupport e..
Report this comment
May 3rd, 2011 at 12:14 am
Kei chu ka Birth Certificate-ah hming 3 ka nei. Mahse i chhut dan khi chuan hming hi 6 lai ka nei tur ni awm tak ka ni. Ka hming 3 te hi ka pa leh ka pa thiante 2 in min pek te a ni a, tuna ka hming ron intar chhuak hi a 2-naah a inziak a, ka pa hming min pek chu a tawp berah a awm thung. Chuan, ka pa hming ka chhawm tur te, ka nu hming ka chhawm tur te leh ka hnam hming te nen chuan ka hming hi 6 lai a ngai dawn.
‘What’s in a name ???’
‘Tuco Benefico Juan Maria Ramairez’ ai pawh in ka hming chu a la sei daih zawk dawn a nih chu…
Report this comment
May 3rd, 2011 at 12:17 am
Hming-ah hi chuan Mizo hi kan danglam bik. A tlangpuiin ‘LAL’ a tran kan uar. Lal tih hmasa kherlo pawn awmze mawi tak an nei tlang pui, eg. Ramfangzauva, Singthanga, Zakapa, Saizahawla etc.
Report this comment
May 3rd, 2011 at 12:18 am
Zoho Chhakchhuak Ralte ka ni dawn tihna a ni maw? Ka fa chu Matea Chhakchhuak Sailo Ralte emaw ni dawnni?
Report this comment
May 3rd, 2011 at 12:23 am
@shai says : ‘Tuco Benefico Juan Maria Ramairez’ ai pawh in ka hming chu a la sei daih zawk dawn a nih chu… WD
The Good, the Bad and the Ugly kha i hre rei ve hle ni mawms! Subtitles nen hian ka la en ning theilo!
Report this comment
May 3rd, 2011 at 12:28 am
@saitawka, ‘Pahlira Sena Chawngthu’ tih chu nep te maw le…
Kan mu daih teh ang… Naktuk Aizawl…wowwwwwww…
Report this comment
May 3rd, 2011 at 12:31 am
Miten min according duh miah loh laia mi according reng renga khawsak hi ka kham ve hrim hrim. Kan tih dan hi a tha lo, foreign a kal theih loh ti dawn ila an thleng ve zel chu a ni bawk si a. Chu achhapah ‘rebellion against establishment’ cyclone inlentir hi ka duh hran lo.
A hmeichhe lam an la vui loh khawp hi maw, ordain lam a ni an la khel daih ni.
Report this comment
May 3rd, 2011 at 12:43 am
@shailendra Through a name you can tell the world that you are this race/tribe or that race/tribe.
I pianpui hming leh I nu leh pa ‘hnam’ hming zawk… = Hming Pathum.
@zoho I nupui chu Sailo anih chuan I fa chu Matea Sailo (Chhakchhuak he lai a dah tur(Nu hnam hming zawhah aw), mahse a ngawih tur, a ngawih chuan hming pawh a tawi fel, mahse I hman duh chuan hman theih e) Ralte. I man e.
Report this comment
May 3rd, 2011 at 12:52 am
mut hma in leh loks…
ka fapa 3 te hian sap hming an nei vek (orthodox / taliban deuh chuan lo khel teh u…) J in a intan vek a (angrezi), chuan Mizo tawng in a dawt chu ‘Lian’ in an intan vek bawk.Ka family hming hi chu a uniform khawp mai JL vek kan ni. Mahse, kannu ber hi a hming bul a J hi a thup/dahchhuak ngai lo a, chuvang chuan Jane Lal….. ti a puan mai ka duh
Keikapthianga tih, ka pu in a a proposed kha chu lo pu ta ila, a uniform dan tur a chiri deuh ngei angReport this comment
May 3rd, 2011 at 12:53 am
kei ve chu..eL Ralte Hrahsel…ka fapa chu eLJr Chawngthu Hrahsel….:D
Report this comment
May 3rd, 2011 at 12:59 am
#12 Shailendra Keikapthianga a mawi ka ti dangdai riau. Hmingte chu a putu zira mawi hi a lo ni khawp mai.
Ka tawng an huat thu suhah C.Laitanga, Vanhela , etc an han lam tam deuh a, an zahawm phawt chuan mawi ve zel nia. chuvangin tawi tek tawk, unique nek nawk, dangdai dek dawk, ka duh a, min phuah lai khan rawtna ka nei chaurau em mai pawh a,.
Report this comment
May 3rd, 2011 at 12:59 am
Kei chu LALsaitawka Ralte Haizang…
I Post hi belhchian in a thra riau.
Report this comment
May 3rd, 2011 at 1:03 am
@SHauzelSailo, ka pianpui hming chu eng ber nge ni ta ang? Pianpui hming tih ber chu? Ka pa in ka hming a phuah a, chuan, baptisma ka chan hma in ka pa thiante 2, Sap leh Vai in, blessings nan hming min pe ve tho a, chu chu ka Birth certificate-ah a lang ve ve a. Ka hming hmasa chu 3 a ni ta phawt a. Chuan ka nu leh pa hnam hming ka ziah tel dawn chuan a sei don ta tih ka sawina a ni e…
Report this comment
May 3rd, 2011 at 1:07 am
He post hi a tha khop mai han chhui chian chuan– Phai a lehkha zir te hian a trangkai zia kan hre leh zual ang.. Form fill up dawn hian a buaithlak thei khop mai.. Mahse, hming kan neisei duh awm hlom..Mizo tan chuan… kan hming pakhat choh poh hi chhiartham fe te a ni thrin bok sia —
Report this comment
May 3rd, 2011 at 1:39 am
vakul #10 “…foreign a kal theih loh ti dawn ila an thleng ve zel chu a ni bawk si a. ” i tih hi a dik khawp mai foreign chu an thleng ve zel mai. Western Union a pawisa inthawn ang te pawh a theih ve zel mai (hrih a!).
Mizo hming pakhat chauh nei te hian an foreign kal dawn a passport an siam hian an hming awmze neia an phuahsak kha tanbun mai an ching. A awmzia a dang daih a, a phuah chhan tu ten an phuahchhan hlutna pawh a bo daihin ka hria.
Hetiang ah chuan hman deuh atang tawh khan Sailo ho hi an ti tha khawp mai, an hming tawp atan Sailo an dah mai zel.Mizo te hi mipa leh hmeichhe hming intawm ve ngailo kan ni. Chumi avang chuan hmeichhia ten pasal te emaw an pa te emaw hming an hming tawp (last name) a hman ve ngawt a rem lo.
Hnial hrat hrim2 tanlo chuan remchang ber chu mahni hnam hming hman mai hi a ni. “Inang a tam awm em mai,” an la ti talh fo… kan ngaihsan vun var baekngo ho hi inchhung miah silo hming tawp (last name) inang an tam lutuk dot com. “Inthliarna a awm ang,” kan ti maw..han chhut chiang teh u. Kan veng, thenawm emaw te hi an hnam kan hre sa tlangpui/nual mai lo maw?
Report this comment
May 3rd, 2011 at 1:46 am
@Zephyruss, South Indians (Kerela, Tamil etc ) ho hming khu a nia ka lam huphurh chu. Vanlalrempuii tih te leh a pa, Vanlalnuntluanga Renthlei tih te hi chu lam a kal zaih a nia
Report this comment
May 3rd, 2011 at 1:46 am
Ka chhiar vek a namen lovin min va han ti lawm em em, ‘ka lawm zia engti khawpin sawi mah ila a hrilfiah chuang lo’ tih hian a hrilfiah thei ber zawk ang.
@shailendra Mi pakhat hi a awma, piantirh hming a nei tawh (Kiks), a tleirawllai thrianten Kuks tiin an ko(an phuahsak) a. Tin, a zinnaah Pit tiin an lo phuahsak leh a. An pem a, a pemna khua ten Pawt tiin an lo phuahsak leh a. Vawikhat chu puithiam pakhat a tawng a, an in bia a, puithiam chua malsawmnan ti Pung tiin malsawmnan emaw malsawm chungin emaw a phuahsak ve leh a. Ramdanga lehkha zira a awmnaah Peng ti in an lo phuahsak ve leh a.
Mahse a piantirh hming chu Kiks, a dang la lo emaw hmang lo mahse a phuahtute tan chu chu a hming ani, a piantirh hming chu a ni lo. 
‘Pafa sabengtung zuar tum’ ti thawnthute ka hre chhuah… ahahaha
A lak vek chuan a hming chu Kiks Kuks Pit Pawt Pung Peng’a anih chu.
I pa phuah chu I hming hmasaber ani in ka ring a, anih chuan I piantirh hming anih chu. A dang chu I hmang emaw hmang lo emaw a phuahtute tan I hming ani tho tho.
Chungtianga hming phuah I hmang ve zel dawn anih chuan, khawnge malsawm nan ka lo phuahsak ve ang che. hehe
I hming ber chu I hrethiam tawh mai in ka ring. Mahse I duh duh kha la/hmang la, I duh leh inphuah la, chu chu I thu thu ani, You are a king over you, mahse I piantirh hming tu emawin a phuah sak che chu, I piantirh hming ani.
Kei chuan ka piantirh hming ka paih ngai lovang.
Report this comment
May 3rd, 2011 at 1:50 am
Sapram a mi punkhawmna hmun deuh a, “Faka, Faka” ti a in koh loh loh hi, Sap hoin engtinnge an lo ‘interprete’ ang le
Report this comment
May 3rd, 2011 at 2:01 am
@SHauzelSailo, mah reng reng se… haha (hnial hrat hmel)… ka pa in hming min phuah zawh a a thiante’n bessings nan a an phuah chawpchilh ve a ni a, mahse, ka pa hming min phuah chu ka pianpui hmingah chuan ka hmang mai ang e…
Report this comment
May 3rd, 2011 at 2:03 am
Ka buailohna lai tak a ni a hei chu.Mahse post awmze nei tak a ni. Ka sakhming-‘Krista Roluahpui Khiangte’ tih hi a tawk tiu teu em!
Report this comment
May 3rd, 2011 at 2:09 am
shai… Kan thianpa pawh ahming Jerkin ania… slang chuan a awmzia chu hahahaha an in nuih ngailo. Hming hi chu duh2 an inphuah mai. Tar thleng kan dam anih cuan mak deuh kala inphuah maithei
Report this comment
May 3rd, 2011 at 2:15 am
Ka hming ziak ah khian mipa ka nihna lai tak kan chhut tel loh chu le…
Elementary ka kal lai hian ka classmate chakma pakhat chu-Saingura Sailo Chakma tih hming a nei tlat nia mawle. Mak kan ti em em thin. ‘Saingur’ emaw ‘Sailo’ emaw tiin kan ko mai a min chhawn ve tho zel….
Report this comment
May 3rd, 2011 at 3:38 am
Hming pakhat chauh neiin vairampur-ah pawh lehkha ka zir a nia, hming dang neih belh lo mai teh ang.
Ka chhiar chhuak lo. Spelling dik lo, zawm tur zawm loh etc. a tam deuh hlek a, chhiar a ti har e mai. Huat a la lovin thuziah hrim hrim zir i mamawh ka ti. (sawiselna nilovin fuihna a ni a) eg. Deih nilovin daih.
Report this comment
May 3rd, 2011 at 3:55 am
Sapin an nute hming an chhawm ziah tih ka lo hre lem lo a, an chhawm lem loh zia erawh chu ka hria. An duh chuan an chhawm a, an duh loh chuan an chhawm lo mai chauh zawk! Pa hming chu an chhawm. Sap tih dan anih vanga keinin nu te hnam hming middle name a dahte hi chu..ka sawi vel peih lo e..Middle name neih hi a tul lem lo..engmahlo ‘space’ hi a tawk viau tho..
Mizo/Mizo tan sap hming ziah dan entawn hi ropuina a ni lem lo a, changkanna phei chu ani lo leh zual, visa hmuh zung zung theihna pawh ani chuang lo. Engtihna mah ani lo a, a phuahtu rilru awm ang vel hriat nan erawh a tha mahna.!
Adam leh Evi fa pawh kha Evidama..
Report this comment
May 3rd, 2011 at 3:57 am
Kan unau ah kei chiahin sap hming ka neia ka vak zau ber a ka huangtau ber bawk
Report this comment
May 3rd, 2011 at 6:13 am
kei pawh ka hming a khaw lo zo vek……
hmun thum laiah then a la tul zui!!!!!!! hming bulin min la ko zui bawk
Report this comment
May 3rd, 2011 at 7:06 am
Ka piantirh hming hnihte hi ka pute (nu leh pa pate) phuah rawn a ni a. Hebrai hming ka nei hmasa ber a, Mizo hming leh ka pa hnam hming. Ka Mizo hming hi syllable 4 a ni a, hnam dang tan a buaithlak a, a alphabet hmasa ber ka dah a, mahse passport lam authority-in an chhawk tak avangin middle name ka chavai ta. Santali fate Mizorama mite hi an hming bulah ZO tih a ni tlangpui!
Report this comment
May 3rd, 2011 at 8:37 am
Ka nei hauh lo mai.
Report this comment
May 3rd, 2011 at 12:50 pm
Hming pakhat chauh ka nei a,ka la tan bung ngai lo a,ka hnam hming ka dah ngailo bawk a,khawiah mah ka buai phah awm pawh ka la hre lo,khawi ilo ah form fill up ngai eng engah emaw pawh middle name,last name a ngai an tih pawhin Mizoin middle name leh last name kan inphuah ve ngai lo ka ti ve tawp a,an ok ve mai zel
Report this comment
May 3rd, 2011 at 5:12 pm
@fugitive hming neih belh tur tih ka ziak lo, thisena awm kan hriat chhuah loh chu ka rawn ziak ani zawk asin.
Eg. min pek a vangin/min correctionna leh suggestionaah ka lawm e.
@Irpa I sawi chu a dik ang, a hmang ho ka rawn sawi anih chu. Mahse khi ta middle name/hming lai ka ziah khi chu trul kan ti emaw tilo emaw kan thisen’a bet tlat a ni a, paih mah ila a bo chuang lovang, kan paih thei lo tihna anih chu.
Hriatthiam zual nan – Sapho copy/entawn tur ka ti lo, kan thisena awm chu I hre chhuak ang u, ka ti ani zawk mawle. Duh mah ila duh lo mah ila, kan thisen a awm tlat ani.
Report this comment
May 3rd, 2011 at 5:17 pm
ok ok. Tha mai zel e.
Report this comment
May 3rd, 2011 at 10:47 pm
Middle name atan chuan pa(father)te hming an hmang mai ani lawmi?
Example: Lallianalo ni ta se a surname(lastname)chu Chhakchhuak lo ni ta bawk se.
A pa hming chu Thralromawia ni ta bawk se…
A hmingpum(middle name nen chuan) Lalliana Thralromawia Chhakchhuak
ani mai lawmi? Heihi mitam tak hmingziah dan ani,vaiho phei chuan hetiang
hlir hian an ziak in ka hria.
Report this comment
May 4th, 2011 at 6:43 am
Thenkhat chuan hmang e.
Mahse thu dik zawk leh belhchian zawkah chuan Last Name/Hming tawp a Chhakchhuak hman tawh chuan pa hming ani mai – hnam hming. A lai ah pa hming bawk kan ziak tur em ni? Pa hnam hming chuah kan ziah chuan kan chanve chauh kan ziak kan tih tawh kha, khawnge kan chanve, kan thisen chanve chu? Hming Laiah ziah ve ani mai. Tichuan, ka nu leh ka pa thlah ka ni tihna ani mai, han chhui thui deuh chuan ka nu leh pa thlahtute thlah ka ni tihna ani mai.
Report this comment