Slipper khing: A nupui khawsak rel mek hnenah chuan ‘khawnge ka silipar khing kha’ a ti a, An nu chuan ‘ka hre nang, khawnge i dah a’ tiin a chhang a. A zawng a zawnga a hmu thei ta mai si lo va, a thinrim tan tawh hle a. An nu vek chuan ‘khum mawng lam kha han en teh, a lo awm reng ang e’ a ti leh a, chuta a pasal chhan dan chu a ngaihnobei tawh chiah lo. ‘Ka en vek tawh, a hnawk em em mai leh nghal inchhung tih fai hi i peih lo leh lutuk a’ ti ta phiar mai a.
‘Ka peih lo a ni hlei nem ka hman lo a nih hi – a nih rawng lo bawl la ka’n tifai ang chu’ tia an nu’n a chhanna chu rum taka melh chungin ‘tun chauh ka ti em ni, a tir atang khan i tih fai tak hliau hliau pawh ka hre lo ve’ a ti leh a. An nu chu a alh ve deuh phat a, ‘nang tluka che tladah hi an awm dawn a mi, engkim hi i dah tawp zel a engmah hi i ti peih bik lo ’ ti ve ta rap mai. An pa a diau lo, ‘e e e, nang kha nileng hian i awm tawp a, i ei leh tawk a ni lo’m ni, zak teh, ngawi la min chhang zel zel zel suh’ a ti a, a meng rum hle tawh mai.
An nu chu a la ngawi duh mai lo ‘nang kha zak zawk rawh, mipa ancheh lutuk, hmeichhe rilru ang chauh ka pate inah ka phei san daih mai tur che a nia’ ti ve leh ta a. An pa ngaihdan a ni ta pek lo ‘ I duh leh haw daih la ti nia, ka pawisa hauh hlei nem’ lo ti ve thung bawk. An nu chu a tawng laklawh tawh si ‘hmm, ka haw ang, ka haw khawp ang he inah hian ka awm peih reng reng hlei nem; koh pawh min rawn ko suh, ka kal dawn’ a ti a, a insiam sawk sawk a a chhuak ta nal nal a.
Inthen chhan- Slipper khing hmuh loh.
Moral: Thinrim hi thunun vat loh chuan nupa inthen chhan hi ho te a ni.
Nu-i pawnah ka kal dawn: An nu chu a ang hlak hlak a, ‘lenna tur sawi lo hian i bo daih zel a, nichiiinah khan nangmah hmu turin an lo kal an nghak reng che a i lo haw thei si lova an kal ta nih kha i ti ang lo thei leh lutuk’ tih pahin bai so liam tur chu chil per chuaiin a chhem a. An pa’n, ‘an hawna a rei tawh em’ tia a zawhna chu chhang mai lo chuan a chawhmeh thenfai lai chu a’n sam kual vel a.
Chutah an pa vek chuan ‘tute nge ni reng reng’ a’n tih chuan rang fahran hian ‘kan ram lei duhtute kha, sawtah mi dang ta an lo va en leh phawt dawn nih kha; lo awm ve mai la chuan kan ti fel nghal vek tur, i kalna lah hriat a ni bawk si lo chhung khat pa ber hi i leng den den reng mai inahte hian tawm ve rawh’ ti ta hlap hlap mai a.
‘Nu-i lungngai ma ta che an lo let leh em em ang, an lo let loh paw’n kan la hralh khawp ang –a reng rengah ka leng vak hlei nem thenawmte inah ka va chuangkai mai mai a lawm’ ti a an pa’n a sawi pawh chu hre lo ang maiin a hawi nghawng nghawng a. Lungawi lo ki tak hian ‘chuankai chuankai a tul bik lo, tu pa mah an leng an leng bik lo, a nih loh pawn thil tula koh mai turin i kalna tur sawi ziah rawh’tih pahin thlangra chu an khawngfai kurh a.
An pa a thangharh ta, ‘hmm, ka hrethiam e, nu-i pindanah ka’n kal lawk ang aw’ tih pahin Bed Room lam chu a pan a; rawn chhuah leh pahin ‘nu-i, helamah ka phei dawn nia aw’ a’n ti leh a. Pawna thil lo ri hruk chu va en tuma thawh pah chuan an pa chuan ‘nu-i pawnah ka va kal lawk ang e aw’ tih pahin a va melh ruau a; chutah an pa insum zo lo chu a nui huk a, an nu pawh chu a kiai suk bawk a.
Chutih lai tak chuan an thenawm nu a lo lut a, an hmel a’n hmuh chuan ‘enge thil awmzia, in nuih tak put put mai’ a ti a, chutah insum hleithei lo chuan an nui fai ta vek a. An nu chuan ‘ awi, kan pa bulah hi zawngin a thinrim ve tak tak theih loh ve’ a ti a, a che ta suah suah a.
Lungawi chhan- nu-i pawnah ka kal dawn
Moral: Ho te pawh hi hlimna khawp a ni vek.
May 4th, 2011 at 1:42 am
Ngaihnawm reuh e! ka chhiarchhuak dap mai! dik fuu! 😛
May 4th, 2011 at 1:44 am
Haha. A va tha mai mai reuh e.
May 4th, 2011 at 1:44 am
Sawitawka ber kher in min han hma khalh mai mai chu le 😛
May 4th, 2011 at 1:48 am
@Ozima, Ka thiamloh a ni, helam ah ka kawl aw! 🙂
May 4th, 2011 at 1:50 am
Ril ru riau mai a…
Vanneih thilthu a nu-i tih turte kan la nei ve anih ngai chuan hriat reng tlak anih hi.. (Y)
May 4th, 2011 at 1:50 am
I va han ziak thiam em, a tha ka ti hle mai, I ngaihtuahna a thuk bawk si. Ngaihtuahna lovin chungchu a hmuh theih si loh…
May 4th, 2011 at 1:54 am
Barca 1-1 Real
May 4th, 2011 at 1:55 am
@Saitawk mu rawh, kum khat pawh la tlin loh kha, zing thawh hunah a an khum hrep mai tur che sin…. eh 😛
Ka chhiar laia ka rilru a lo lang ber chu FIREPROOF movie kha. van tha tak e aw, saitawk nangpawh en ve rawh. Chhanna nemin thinurna a ti kiang tih hi van dik tak em.
May 4th, 2011 at 1:58 am
@Ozima
“Nu-i, enge ka tih leh ang? phawts dawn nge Phots dawn?” tiin hawihhawm takin han zawt sihmuh pah ila, inhauhna hun a lo leng re re lo nia…. an ti. 😉
May 4th, 2011 at 2:02 am
Ka duh lutuk he post hi…! Muthilh theih loh lai taka hetiang post han chhiar fuh hi a manhla eeee… (Y) Nupui neih hmabâkte tana vawn reng tur chi a ni e
May 4th, 2011 at 2:21 am
Nu-i, Barca 1- 1 real a nih awm chu a…
Nu-i, ka log out mai dawn aw.
May 4th, 2011 at 2:34 am
Ngaihnawm ve, moral ah doctorate degree ka pe tawp che, i la neilo a nih pawhin.. (H) (Y)
May 4th, 2011 at 3:29 am
A ziaktû. I rilru put hmang à wm lek lek i ziak a ni à wm sia. A ‘inglît’ (=english) takin i ‘petty’ à wm reuh hlë mai.
‘Tiang mai mai hi mihring innghahnatlâk a tling lo.
A áia thupuifün deuh i hriat hmá chu lo kimki deuh la . . . han ti ila ka thü a ni bîk chiah sï láw, lo á¹ang deuh rawh, ti mai teh ang!
Khiti chen chen ziak peih sï, ziak zawm tùr leh zawm loh tùr i va han hre lo lulái êm êm vè?
Mimäwl(ent: Atom c teho) là wmzáwng i hre hlë mai
May 4th, 2011 at 3:41 am
a ngaihnawmin a tha kher mai… (Y) ….ka chung a mi ve vak vak chu(h)….akekekeke
May 4th, 2011 at 3:45 am
Chhiar nuam reuh hle mai, a thra e…. #14 I thutak chu ni sia mo…?? teh nuai(h) che chuan….
May 4th, 2011 at 3:47 am
Tih palh— I meant #13
May 4th, 2011 at 3:51 am
#16 😀 (Y)
May 4th, 2011 at 3:52 am
#17 😀 (Y)
May 4th, 2011 at 4:00 am
#18 (B) cheers….hahaha
May 4th, 2011 at 6:52 am
Chhiar ava nuam reuh ve aw…. in hauhte hi tum loh tlat chuan a lo theih khawp mai.
#13 Thil ropui tak ziah tur i hriat chuan ziak ta che.
May 4th, 2011 at 6:55 am
A tha kher mai. A chhunga i thuziakah hian inzirna tur thu tha tak tak ka hmu teuh mai.
May 4th, 2011 at 7:29 am
I ziak tha thei khawp mai. (Y)
Nupa intih hlim hi awlsam tak a ni. Tu pawh inti MAN viau mahse, rilru taka pangchang ru riau kan ni fo awm e, kei chu ka ni. Engemaw ho te emaw kan tih ah hian kawppui te hlimna kan siam sak thei zel a ni. Inrawn tawn fo hi a lo tha khawp mai. Inrawn tawn thin kan nih chuan pakhat thil tihah pakhat zawk lungawi lohna a awm khat hrim2.
Mahni thuduh leh intih thu ngawt hi nupa hlim duh chuan sim a tha viau. Nupa chu an inrawn tawn anga, pa berin thu tlukna nuber lungawi theihna turin a siam thin a pawimawh.
Lungte (pebbles)a invawm hi chin loh tur. Khawvel lungte hi kan hmang zo senglo. Lunga invawm kan chin laklawh tawh chuan kan invawm reng mai a, engemaw hlekah pawh kan invawm zel tawh mai a ni. Nupa nih chuan inhauh loh hram tum atha. In ngur laklawh tawh chuan engemaw hlekah ingurna a thleng fo tawh mai a ni.
May 4th, 2011 at 7:44 am
Moral chu nupuite ‘bawl’thiam…a zirtir tha khawp mai…
Hei pawh hi vanram kawng tho a nih hi……..
‘I ram lo thleng se..’ tih chu a hnuhnung zawk inchhungah ah khian alo thleng ta a nih khi… (Y) (C)
May 4th, 2011 at 8:07 am
Moral ho khi dik lutuk! Nupa tam tak inthen chhan hi thil hote a ni duh khawp mai. Inhau tui laklawh chuan a tira subject bo thakin, tun hma kum 10 zet atanga tanin tun hnu kum 10 vela thil lo la awm thei te chena huamin a inhau theih a sin!
#13, i thluakin a daih loh chuan ngawi ve mai la!! “Mi a pawh an ngawih reng chuan mi finga ngaih an ni” tih thufing a awm!
May 4th, 2011 at 8:26 am
Thinrimna hi mihring siamthatna atana hmanraw pawimawh ber pakhat a ni ve mauh mai a, a hmang thiam lo tan erawh chuan chhiatna thlen tu a ni fo. Thinrim ngai lo chu a famkim lo a ni….in awih em aw ?
May 4th, 2011 at 8:27 am
13
ZoIITian # A ziah chhan deuh che ah i ngai em ni? A tha alawm le.. (Y)
Ziahzawm leh zawm loh lam aiin, a ‘theme’lam khi a pawimawh zawk a lawm le 😀 (Y)
Nupa tamtak inthen chhan hi, a bul intan na chu ho deuh a sin. Misual nupui neitawh te leh nei-thar mek te tan zirtirna…fuihna tha tak a ni…ka hria, kei chuan (C) (G)
May 4th, 2011 at 8:47 am
nupa inthrente khi an han chhui chian chuan a chhan dik tak chu ‘an in tih thiamloh vang’ an ti..(uang)
nia.. Thianrim lai hi chuan inchhan lawk a awl viau a nia.. Post thra e (Y)
May 4th, 2011 at 8:53 am
post tha tak avan ni teh lul emmm…..ka mamawh tak ani e.thanks alot….
May 4th, 2011 at 9:14 am
Fek fekin fuk fuk a hring chawk thin. Smiling nei tam lo hnam Mizo-te hi kan ni a, smiling face nei rengte an nihlawh tam zawk.Fek fekin fuk fuk a hring chawk thin. Smiling nei tam lo hnam Mizo-te hi kan ni a, smiling face nei rengte an nihlawh tam zawk. Nupa inthenna chhan tam ber chu INTIHTHAM LOH VANG an ti, INTI THIAM pawh, nu ber han P T USHA chang a awm ve chawk, mo bungraw chhawm dahkham ting siin.
May 4th, 2011 at 9:14 am
tha khawp mai .nupa nun ah hian zir tur a va tam em .
May 4th, 2011 at 9:23 am
“Khaw’nge ka kekawrte?” tih changa, “Khum mawnga hi,” tia chhanna ngaihnobei a awm chhung chuan, innghirngho sulh sulh an vang tih hi muantea ngaihdan ni ve tak maw?
May 4th, 2011 at 9:25 am
a va han tha kher em! Voi hnih ka chhiar.
#13 khi a mawl triah triah
May 4th, 2011 at 9:28 am
hmeichhe ang zet2 hi ka chek hian an mil thak loh chu le, (H) ,post tupa hian a ngaihtuah chhuak tha ka ti e (Y) ..thingpui ka lumsak ngal e (C) 🙂
May 4th, 2011 at 9:34 am
A hnuhnung zawk khi ka like e…
May 4th, 2011 at 9:50 am
Ee, a va han tha thiai2 ve le! A dik hle bawk a ni.
May 4th, 2011 at 10:14 am
#13 khi a mawl lo reng reng tih ka hre ta. Misual.com-a lo common tawh kan zaa amah kan hriat ngaihdan pir tak sawichhuak duh tawh lo khawpa tlangnel tawh khan hming dangin a sign in mai mai a lawm. A sign in-na hmasaah kha chuan tha takin a comment zela a hnuhnungah negative hlirin.
A sawi dik em em chu ziah zawm leh zawm loh khi nia, ka men laia post a rawn chhuah comment-ah ka sawifiah ang ka ti a, lo chhuak ta si lo va; ZoIITian-a ngei khan min rawn chilh ta a nih hi lee.
May 4th, 2011 at 10:25 am
mizo tawng ziah dan dik hi kan zir chu a pawimawh khawp mai,ka tan ngei pawh hian.. 🙁
May 4th, 2011 at 10:56 am
(Y)
May 4th, 2011 at 10:58 am
A va han tha reuh e!!!
#13 khi a va han mawl hmell tiah tiah ve…moral a man pha hauh lo a nih khi
May 4th, 2011 at 11:02 am
Leh lawks..vakul,ziak zawm tur leh turlo ah chuan a tisual tlem pawl tak i niin ka hria,khitiang thu tawi hlimawm zirtir nei tha si ziak thiam hi alawm hnam changkang tawh ho pawn an lo ngaihsan thin chu,han ti zel rawh khai.
May 4th, 2011 at 11:14 am
@13 ZoIITian chu a va la chhah tiah tiah em ve le. A , engpwhnise, misual.com phuisui zia tarlangtuah ngai mai ang u.
May 4th, 2011 at 11:14 am
@13 ZoIITian chu a va la chhah tiah tiah em ve le. A , engpwhnise, misual.com phuisui zia tarlangtuah ngai mai ang u. A nick te reng reng hi a, a mizia tur pawh a hriat mai e.
May 4th, 2011 at 11:19 am
#40.Nia. chhiar hrehawm ngawih ngawih phahna chu niin ka hre chiah lo va; ka post tawh hnuah ka hmu ta nual chauh mai mawle. Tin, ka thiam em em lo bawk.
May 4th, 2011 at 12:11 pm
A tha hle mai. A ngaihnawm phian bawk sia! A hranpaa inzirtir leh infuihna thu vak a awm lo va, a thawnthu-ah khian a langchhuak nghal tawp. Ka duh zawng tak a ni. Sawi tum inang rau rauah chhiar nuam leh kal bik chu a awm chiang e.
May 4th, 2011 at 12:29 pm
#13 chu ngahnge maw chutia in tih vak le, Hnam sakhu post a in tawngkam te khi en ve ta che u! A ngaihdan ve mai a nih khi
May 4th, 2011 at 12:38 pm
#45 hmelthate Ni e tiraw. Amah hi i ni hial lo maw 😀
Tak taka kan thupui/ nghawng a zira tawngkam a hiar ang anga chhan hiar ngaite pawh a awm ve thin a nia. :-O
May 4th, 2011 at 1:31 pm
A ngaihnawm kher mai..thutak nguna thil ziah ai chuan khitia chhiar nuam taka ziah khian mi thinlungah thu a sawi ring zawk..good post.
May 4th, 2011 at 1:49 pm
Hetiang lama experience nei tha ho khan han thawhkhawm sap2 ula a tha ang a, keini la tuiatir tan inzirna thatak tur a ni.
Vakul nge2 a ziak thiamin a ngaihnawm e. A tak ngeia a tawn tawh te a ni lovang tih pawh a hriat loh hi ):
May 4th, 2011 at 1:50 pm
Ka comment a lo double chu le, ka net muang lutuk a.
May 4th, 2011 at 1:57 pm
#48 Pu Laldoma, hihi… a tak ngeia ka tawn chu ni se ziak chhuak ngam nguar ang.
Han thawh ve teh hman deuh lawk khan nupui i nei a, expe. tawh fu ang. 😀
May 4th, 2011 at 2:40 pm
Ngaihnawm reuh mai mai e… post leh hunah chuan Nu zawkin remna a siam dan te??lolz
May 4th, 2011 at 3:22 pm
A thra ka ti lutuk…kulte… (Y)
May 4th, 2011 at 4:32 pm
tha reuh ve aw…. (Y)
May 4th, 2011 at 5:13 pm
Ava ngaih nawm e aw..
May 4th, 2011 at 5:33 pm
Dik ka tih zawng tak a ni..NUPA nun ah chuan tlawm zawk nih hi a ngai fo reng ni…Roreltu chuan an ro a rel sakte rawng a bawl tur a ni reng a ni.. 🙂
May 4th, 2011 at 9:00 pm
I thil post chu keini tan chuan tun atanga kum 12 vela experience chi a nih dawn hi a. A tha khawp mai. Thil ho te ni awm-a langin min ti hlim thei hi a ril em em a ni….. 🙂
Good post. (Y) (Y)