Thuhmá: A hmasa berah(tih lëmah tün hnäi, ka hriat theih mai chinah) Chhawnlaihawihi ka rawn chhuah tawh a. A dawtah chhana‘a Sichangneii a rawn tichhuak vè leh tawh bawk a.
Hêng thawnthute hi khawi website dang dang aṭang emaw chuan a chhiar theih hlawm a, mahsé mi(sual).com aṭanga chhiar hi a nawm bîk deuh bâkah tlawhtû kan tam deuhvin a hriat . . . e ka hre leh lo!, rawn chhuah hi a hlâwk vè hrim hrimin ka hria. A bû chhiar peih dêr si lo va a mi(sual) ang záwnga chhiar peih deuh deuh hi kan awm vè nawkin ka ring, min chhun hlawm chúan!
Mizo thawnthü a chhuah zin leh lutuk chuan a ninawm vè mai thei bawk a. Tin keinîho, comment ṭhinho tih loh hian an chhíar tam teh vak em aw? ka ti deuh va(A kèu chu an kéu ngèi, ent. Hnam sakhua!). Keinîho ringawt inbarh tluk tluk ringawt hi chu a ho rïau bawk angreng sia!
Han sawi tâkah chúan kei hi mi(sual).com ho ti berte zínga mi anga insawi sï hian tünhnäiah chuan a hmang hnem berte zínga mî ka nih ka inring a. A hmá chiaha ka sawi tawh ang deuhvin, comment lamah Hnam sakhua ka ang chho ṭan a, post ka peih chho vè êm êm mai bawk. Kan inpútû fuh viau dáwn a nih hi. Kan rindàn a inang tak tak em? Kan rilrû tak tak kan sawi ngäi em tih chu thuhran! 
Ch . . . a ho mai mai e, thawnthü khu chhiar ula in hlâwk zâwk ang!
Sazaltepa leh Bakvawmtepu
Hmänlai hian ramsa zawng zawng hi an inráwn khâwm a, “Kawngpui i siam ang u,” an ti a.
Sakhi te, Sanghal te, Sazuk te, sa zawng zawng an kal a. An zingah chuan sazaltepa hi a tel ve a, mi vir tak a ni a. Kawng chu an sial fai ta hun mai a, “Kan kawng rih fai hi tuma’n tihbawlhhlawh lohvah, a tibawlhhlawh apiang chu eiah,” an ti a.
An kawng rih fàiah chuan sazaltepa chu a va kal a, tlumpui hi kawngah chuan a lo bawk a. Tlumpui chu a thau avangin a mawm deuh hmùar a, ei atán a it a, tihdan tur a ngaihtuah ta a. Kalkawng chu a va tibawlhhlawh a, tlumpui chu a ei ta daih mai a. chumi hnu chuan sa dangte chu an kawngah khan an va kal leh a, ek an hmu ta a. “Sazaltepa, engahnge kalkawng i tihbawlhhlawh ni? Kawng tibawlhhlawh apiang chu eiah kan tih kha, kan ei ngei ngei ang che,” an ti a. Sazaltepa chuan, “Ka tibawlhhlawh awzáwng love, tlumpui anih kha; keiman ka hmu a, ka ei daih tawh nghe nghe asin,” a lo ti a.
Nimahsela an awih lova, ei chu an tum ta a; Sazaltepa chu a theihtawpin a tlan a, an um vak a. Nakinah chuan Bakvawmtepu hi a va hmu a, sazaltepa chuan, “Ka pu, min hum rawh,” tiin a mangan thu chu a hrilh a. Bakvawmtepu chuan, “Ka nau awmah i awm duh ang emaw chu?” a lo ti a. “Duh e,” tiin bäkvawmtepú inah chuan a awm ta a, a nau chu a awmsak ta a.
Bakvawmtepu chu nitin a feh thin a. Ni khat chu sazaltepa chuan ar hi ei atan a it ta hle a, a pu feh hlan chuan a lo ei ta mai a. Tlaiah chuan Bakvawmtepu feh chu a lo hawng a, a lo thlen veleh chuan a hnenah, “Ka pu, vawiina ka nau a tlei thei lova, ar a ngen avangin ka talh ta mai,” a ti a.
Bakvawmtepu chuan, “A pawi hlei nem, i nauvin a ngen chuan,” a ti mai a. A tukah a zuk feh leh a, a feh hlan chuan Sazaltepa chuan vawk a lo ei leh a. “Ka nauvin a ngen,” ti bawk chuan a lo hrilh leh a, Bakvawmtepu chuan, “A pawi love, i nauvin a ngen zawngin,” a ti zel a. Bakvawmtepu chu a zuk feh leh a, chumi ni chuan Sazaltepa chuan a nau chu a lo ei ta daih mai a, a tlanbo ta daih a.
Tlaiah chuan bäkvawmtepu chu a lo hawng a, sazaltepa chu a lo awm ta hauh lo mai a. Bakvawmtepu chuan a nau a lo ei a ni tih a hriat chuan a thinur nasa mai a, phuba lak mawlh a tum ta a. Sazaltepa pawh khan a chungah Bakvawmtepu a thinur nasa dawn tih a hria a, a theihtawpin a inveng ve bawk a. Sazaltepa chuan lo hi a nei ve a, chutah chuan a feh thin a ni tih Bakvawmtepu chuan a lo hria a, a thlamah chuan a lo chang ta a. Sazaltepa chu a lovah chuan a zuk feh a, ral tang chuan, “Ka thlam khu ka kohva a ei chuan mi an awm lo a nian ang,” a ti a. “Ka thlam ” a han ti vak a. Bakvawmtepu khan a thusawi kha a lo hriat avangin, “Êiaaah“ a ti ta vak a. Sazaltepa chuan mi an awm tih a hria a, a hawng ta daih a.
A tukah chuan a zuk feh leh a, thlam chhak fe atang chuan, “Ka thlam khu ka kohva a èi loh chuan mi an awm a ni ang,” a ti leh ta thung a. “Ka thlam” a han ti leh vak a. Bakvawmtepu chu a ëi duh ta lova. Sazaltepa chuan mi an awm tih a hria a, a hawng leh ta daih mai a.
Bakvawmtepu chuan engtinmah a ti thei lo tih a hriatin a thlam bulah chuan sazu-ah a chang a, kua a hreuh ta a. Sazaltepa chu a zuk feh leh a, thlam bul a thlen chuan mi vir tak ngang kha a nih avangin sazu kua a hmuh chuan a lawm ta hle a. Phur em em hian a lai sauh sauh a, a han zen vei rawk a, chutah bäkvawmtepu khân a kutah a lo seh vak a, a seh hlum ta der mai an ti zuk nia!
Thulâkna: Dr Laltluangliana Khiangte ziah “Mizo Songs and Folktales“
Zawhna: 1. Sazaltepa hi eng chiah ngê?(Kei chu ka hre rîn ràn)
2. Bäkvawmtepú kan tih teh fo hi tùngê(nangmah, misual pâ kha i ni mai em 
?)? A hrïain i han sawi teh ang u. Lengzem chanchinbu-a An ti tihah em maw ni, ang em? tihah em maw ni khán Hanumana, vái pathian pakhat kha a ni thei mai ang em? tih ang záwng deuhva an rawn sawi ka chhíar fuh tawh. misual-ho hian kan hriat loh pawhin i rîs belh vak teh ang u.
3. A tàwpah khian sazaltepâ khian a ko tawh lo tihna em ni? A hma khi chuan a êi(h) leh, “a awm a nih hi” a ti a, a êi(h) loh pawhin, “a awm a nih hi” a ti tho bawk sia? 
May 9th, 2011 at 4:33 pm
Chhiar phawt ang…
Report this comment
May 9th, 2011 at 4:36 pm
Sazaltepa chu Sihal,Bakvawmtepu chu Savawm anih kan ring ringawt a…..
Report this comment
May 9th, 2011 at 4:39 pm
Hriat ve mai2 tan athat hi…
A tangkai na anep deuh,
Report this comment
May 9th, 2011 at 4:39 pm
Sazaltepa zawk hi ZollTian a nih duh hmel…..
Report this comment
May 9th, 2011 at 4:46 pm
Post-tupa chu a post hmain a comment vel. Khitiang khi chu comment lamah tih chi a ni deuhvin ka hria. Admin an strict lo telh telh nge an buai telh telh zawk ni. A tawpah thubelhah emaw dah zawk mai tur a nia. A ho ka ti tlat. Khimi zawng khi ka chhiar a, a thawnthu ka chhiar lo mai ang.
Report this comment
May 9th, 2011 at 4:47 pm
Sazaltepa chu tlumther pawh hi a lo ni mial mai thei a………
Report this comment
May 9th, 2011 at 4:53 pm
Thuhmahruai ka chhiar a, a duh tawk e…
Report this comment
May 9th, 2011 at 5:00 pm
Thuhma in va uar sawt ve….
Report this comment
May 9th, 2011 at 5:08 pm
mizo thawnthu sexy ber – chemtatrawta
Report this comment
May 9th, 2011 at 5:10 pm
Hahah…Bawihte..ka la khairep dawn che mawle..
Report this comment
May 9th, 2011 at 5:12 pm
haha chemtatrawta chu a rawn lang nghal hlawl mai a
Report this comment
May 9th, 2011 at 5:15 pm
Tlema a ngaihnawm deuh tehi in ron post theilo manle o.hetiang chu awmzia neilo lutuk a
Report this comment
May 9th, 2011 at 5:16 pm
Thuhma hi preface ni lawm ni kha? a nih chuan……………..
. Thulakna tih hi hyperlink a nih loh a, fullformat kan hmang theilo a nih pawh in, tlem a chiang deuh in dah thei ila, nidanga chhiar ah te pawh ka’n la lei ve duh mai thei a sin .
Report this comment
May 9th, 2011 at 5:23 pm
comment 2na khi ka tawmpui mai a ni lo..ka pawmpui a..ka chawipui a..ka kalpui..
Report this comment
May 9th, 2011 at 5:44 pm
Thuhmahruai hi a sei mah mah.. Biakin a thusawitute pawh hi tunlai chu ‘thuhma !’an uar lutuk a, hawsan daih an chakawm duh khawp mai.! Pathian en lova Mahni in hreran a thusawi an ang tlat..Biakin lam a nia ka tih tak ber.
Tiin comment hma in thuhma kan neive duah a nih chu..
Sazeltepa chu ka va hre chak ve, .Tlumpui,ar vawk,bakvawmtepu fa eithei khawp nisi bakvawmtepuin a kutah a seha.. A thi mai si a.
Bakvawmte pu tak kha a len hmel viau mai a, Sazu kua ah lutin Sazeltepa chu a lo chang hlawhtling ta bawk a..
Bakvawmtepu chu te Sazu tiat nih loh pawn Rul emaw niang…A nih loh leh intite vak thei niang.
Thangsira leh Thangzaia, Lasiri leh Lasari ! Thawnthu ah pawh awm kha.. A len hmel viau bawk si..Thangsira leh thangzaia te pahnih aipawh a ritzawk kha ni bawk sia.
Ti ta ţawk nih hi..!!
Report this comment
May 9th, 2011 at 5:51 pm
Hetiang teh nuaih hi tunlai thangthar chuan kan man pha lutuk lo, zawhna ka chhan theih loh avang a, mizo lo ta riau te ka nih dawn phei chuan, ka nih nih ka ni mai ang. Dik tak chuan Bible pawh hi duh aiin a thu a un ka lo ti thin a, chhut thar te a awm atang hi chuan ka man thiam ve tawh khawp mai.Ka hlawk pui lem love.
Report this comment
May 9th, 2011 at 5:55 pm
Bakvawmtepu chu hmuldum chhah tak a neih duh hmel, taksa inti danglam nasa theitak niang..
Sazeltepa ang mihring an awm nual in a lang a nun hian tu tu te emaw nungchang a pholang kan ti thei awm e..
Mizo thawnthu hlui te hian entir chu a nei ve nual a nia..
Report this comment
May 9th, 2011 at 6:09 pm
Mihring angin ngai daih teh ang…
Sazaltepa hi chu pa upa lam…cher khir kher…zu in nasat vanga khur der der…
Bakvawmtepu chu sa tha nel nul..hang lam pang..bawl theih deuh…
Report this comment
May 9th, 2011 at 6:12 pm
@Buangpuia,kan Bible thu hi a un ai chuan a ulh ka lo ti zawk asin! Tawngkam dik lo leh grammar dik lo hi a bak chuk mai a, ka lo chhiar tha ve vak peih hleinem…
Kei pawn Mizo Bible-a tawngkam dik lo ka hai chhuah theih chuan midang kei aia chik zawk phei chuan an hre teuh thei ang chu maw le..
“Nimahsela an awih lova” tih pawh hi “Nimahsela a thusawi chu an awih lova” tiin grammar dik takin a post-tu pawh hian a ti thei tho vang maw le!”Bakvawmtepu chuan a nau a lo ei a ni tih a hriat chuan a thinur nasa mai a” tih lai te pawh hi a dik chiah lo..”Bakvawmtepu chuan” tih ni lovin “Bakvawmtepu chu” tih zawk tur a ni.”Bakvawmtepu chuan…a thinur” tih ni lovin,”Bakvawmtepu chu…a thinur” tih zawk tur a ni. Hemi thu pawh hi midang tana buaina a awm loh zawk nan “Bakvawmtepu chu Sazaltepa-in a nau a lo ei a ni tih a hriat chuan a thinur nasa mai a” tih zawk ni ta se la te ka ti ve mai mai a…
Report this comment
May 9th, 2011 at 6:16 pm
tih ni ta zawk sela..(ka tihna)..:-D
Report this comment
May 9th, 2011 at 6:38 pm
A va han sei eeeeeeeeeeee…Mizo thawnthu tawi “Thawnthu thu hlu hlu, ar ek pachal nam vung vung” tih ngaihtuah zawk mai teh ang
Report this comment
May 9th, 2011 at 6:59 pm
@Terema Chhakchhuak: ‘chuan’ tih khian a tluangtlam zawk lo maw? ‘bakvawmtepu chu…………alo hriat chuan…’ midangin bakvawmtepu an hria a ang lek lek. ‘bakvawmtepu chuan……..alo hriat chuan…….’ hetah chuan bakvawmtepu khian a hria.
Report this comment
May 9th, 2011 at 7:07 pm
Hmanlai hian,…. tih atanga …. an ti zuk nia!
tih loh hi chu chhiartlak zuk awm miah lova mawle,
Report this comment
May 9th, 2011 at 8:06 pm
hei chu ho eee XD mahse tha tho e.
Report this comment
May 9th, 2011 at 8:55 pm
i thawnthu chu .. Ka pi min hrilh tur ni se.. A sawi hma in ka muhil hman hrim2 ang..
Report this comment
May 9th, 2011 at 10:35 pm
@Ozima, ni lo ve a.. He sentence ah hian main clause kengtu chu,”Bakvawmtepu chu..a thinur nasa mai a” tih lai te khi a ni..”a nau a lo ei a ni tih a hriat chuan” tih lai te khi chu subordinate clause a nih avangin “Bakvawmtepu chu.. a thinur nasa mai a” tih hi a dik zawk a ni. Hetiang clause hi kan Mizo Bible-ah pawh an tidik lo nual mai nia! Sentence kengtu tak chu main clause zawk khi a nih avangin “Bakvawmtepu chuan..a thinur nasa mai a” tih khi chu a dikhlel deuh chu a ni. “Thinur” tih khi intransitive verb a ni a, chuvang chuan “chuan” tih hi intransitive verb-ah an hmang ngai lo..eg: “Lala chuan a mu a” tih chu a dik lo, “Lala chu a mu a” tih zawk tur a ni. “Thanga chuan zanah hma takah a mu a” tih ai chuan “Thanga chu zanah hma takah a mu a” tih hi a dik zawk. He sentence-a adverb phrase “zanah hma takah” tih khi a main clause ah khian lo tlazep mah se la “Thanga chu…a mu a” tih zawk tho tho tur a ni..
Report this comment
May 9th, 2011 at 10:42 pm
Terema Chhakchhuak #19 khi a rawn sawiselna point-ah khian a tla fai vek zawk niin ka hre ve tlat. Bible-a tawngkam dik lo leh grammar dik lo bak chuk chu rawn tarlang se ka va ti em!
Report this comment
May 9th, 2011 at 10:54 pm
Estheri bu ah ngawt pawh hian a lettute hian “Khaihlum” hmanna ngei ngei turah “awkhlum” tih hi zu han hmang tlat a, chuan Luka bung 8 thupui ah pawh hian”Isua hmeichhe thuihruaite” an ti bawk a, Isua khan “Hmeichhia” a neih ka hre lem lova, “Thuihrui” chu a nei nual..”Isua thuihrui hmeichhiate” tih zawk tur a ni. Eng bung leh chang nge ka va hre tawh mai lo ve aw,”Dar tangka 1-ah an hralh ngai lo vem ni?(sava nge thuro nge enge ka chiang tawh tlat lo)” tih pawh hi a awm a, thil kan hralh hian cheng 100-in kan hralh thin nge cheng 100-ah kan hralh thin zawk? chuan Thupuan-ah pawh khan “an mit ata mittui a hrufai tawh ang” tih pawh kha a awm bawk a,mittui hi an hrufai thin nge an hru hul thin? chhingmittui a fai zo ta kan ti thin nge chhingmittui a hul zo ta kan ti thin zawk? Hei hi chu a then a zar tak meuh meuh a ni e… Nakinah phur thut leh kan la bihchiang ang chu..
Report this comment
May 9th, 2011 at 11:06 pm
Terema, a nih leh inawkhlum hi inkhaihlum kan ti dawn em ni? ‘awkhlum’ tih tawngkam hi a dik lo love. Tin, ‘thuihrui’ hi ka lo la hre ngai miah lova, i han sawisel tak zawk khi a dik lohna ka hre miah lo. I han sawisel hlawmte khian i kum zat a lantir hlek hlek em aw! ka ti deuh. Hru fai leh hru hul erawh khi chu ngaihtuah chian a ngai deuh.
Report this comment
May 9th, 2011 at 11:15 pm
he thawnthu in a kawhhmuh tum ni a lang chu -
1.mi nau lo ei daaih a tha lo
2.nau awmtu lak thu hlaah fimkhur a ngai’ tih a ni e
Zawhbelhna:kawng pui hi eng vangin nge an lo siam ve ringawt?PWD te pawhin siam ve mai se
Report this comment
May 9th, 2011 at 11:23 pm
@Pu Muantea, inawkhlum hi chu mahni duhthu ngeia hruizena ring rawlha intihlum te sawi nan hian an hmang thin tih hi ka hriat ve dan chu a ni a, chuan sorkarin mi an hrem hi chuan an “awkhlum” ti lovin an “khaihlum” an ti thinin ka hria.. Ka naupan vang chu a ni mai thei mah se hei hi ka lo chik ve chet chet hian a dikna lai awm ka hre tlat lo..Isaia-ah pawh khan “Kan tan naupang a lo piang a, fapa pekin kan awm ta” tih te pawh a awm tak kha maw le! Naupang hrin chhuah chu nu tan chuan a har khawp ang le! “Kan tan nau a lo piang a, fapa pekin kan awm ta”, tih zawk awm tak a ni..”thuihrui” hi chu Bible-a a inziah dan ngei a ni e(kei pawn “Thuihhruai” chu ka lo ti tawh thin alawm)! Isua zirtir 12 te tih hi nge dik zawk a Isua 12 zirtir te?
Report this comment
May 9th, 2011 at 11:34 pm
Isua 12 zirtir te tih chu a va mak awm ve! ‘Thuihrui’ tih hi ka lo hmu ve mai lova, Ka Bible hmanah chuan Luka 8, Marka 4:10, Johana 18:36-ahte ‘thuihruai’ a ti ngei mai. Tin, a chunga i sawi tawh ho ‘Dar tangka 1-ah an hralh..’ tih tawngkam khi chu hman a ni ngei thin e.
Report this comment
May 9th, 2011 at 11:47 pm
Chuvang chuan Isua khan zirtir a nei a, khang ho kha Isua zirtir sawmlehpahnihte an ti mai thinin ka hria a; mahse Isua sawmlehpahnih zirtirte tih hi chu a dik thei ngang lo a ni! Chutiang chiah chuan “Isua thuihruai hmeichhiate” tih zawk tur a ni ka ngaihdanah chuan. Heti laiah hian Isua hian “hmeichhia” aia “thuihruai” a neihna lai a hrilhfiah zawk avangin. Ka kawm ve phak tawk Upa deuh tawh ka zawh hi chuan “tangka 1-ah hralh” tih hi nge dik zawk a “tangka 1-in” tih hi ka ti-a ka zawh chuan “tangka 1-in” tih hi min chhan dan ka hriat chu a la ni rih e. “ke baite ke-in an kal thei ta” tih te pawh a awm thin tak kha maw le! ke baite hi chu an kal thei sa reng a,hei pawh hi “ke zengte” tih tur ni awm tak a ni.
Report this comment
May 9th, 2011 at 11:51 pm
Chuvang chuan Isua khan zirtir a nei a, khang ho kha Isua zirtir sawmlehpahnihte an ti mai thinin ka hria a; mahse Isua sawmlehpahnih zirtirte tih hi chu a dik thei ngang lo a ni! Chutiang chiah chuan “Isua thuihruai hmeichhiate” tih zawk tur a ni ka ngaihdanah chuan. Heti laiah hian Isua hian “hmeichhia” aia “thuihruai” a neihna lai a hrilhfiah zawk avangin. Ka kawm ve phak tawk Upa deuh tawh ka zawh hi chuan “tangka 1-ah hralh” tih hi nge dik zawk a “tangka 1-in” tih hi ka tihah chuan “tangka 1in” tih hi min chhan dan ka hriat chu a la ni rih e. “ke baite ke-in an kal thei ta” tih te pawh a awm thin tak kha maw le! ke baite hi chu an kal thei sa reng a,hei pawh hi “ke zengte” tih tur ni awm tak a ni.
Report this comment
May 10th, 2011 at 12:01 am
#29. Thuihhrui ti hlir a i ziah chu.. ţhuihhruai tih ni a ni e…
Report this comment
May 10th, 2011 at 12:06 am
Ţhuihhruai tih tur a ni e
Report this comment
May 10th, 2011 at 12:06 am
@Terem: I pu JF Laldailova i chhun dawn riau mai. I ti tha e. Sahrang chu Sahrang vekin a thlak dawn a ni maw…
I pu kha hnawksak viau awmin a lang a;mahse Bible lehlin dan kha t criticise vak lo se chuan hun lo kal zelah hian kan buai nuai mai thei a ni…. 
Good argument ka thian….
Report this comment
May 10th, 2011 at 12:18 am
In comment-na neuh neuh khi ka chhiar chhuaka, kei (mimawl) ngaihdan ve mai mai ah chuan ”Bakvawmtepu chuan a nau a lo ei a ni tih a hriat chuan a thinur nasa mai a” tih sentence a, 19, Terema Chhakchhuak in i rawn hnial danah hian, a post tupa ziak hi a dik zawk tlatin ka hria. ‘Bakvawmtepu chu a nau a lo ei a ni tih a hriat chuan a thinur nasa mai a’- tih hi thu awmze nei lo a ni, a grammatically in. ngun takin han chhiar teh u, ‘Bakvawmtepu chu a nau a lo ei a ni tih a hriat chuan a thinur nasa mai a’ a dik lo ani, a dang i ngaihdan erawh ka tawmpui che,Tin, Bible hi an hunawl neih vang mai maia, let an ni lo ania, an thiam viau zawk asin, midang tawng, mizo tawnga an han dahthiam mai te hi an fakawm takzet a ni, mizo tawnga kan la neih ngai miah loh an rawn sengluh hi vanneihna ropui tak a ni zawk,.. i thil chik peihna leh tawng i hmangaihna chu ka ngaisang che, mahse a sipel ai chuan ‘Thlarau nun’ a ni zawk,… chuan pakhat leh, ke bai te hi ke in an kal (sa) thei lo, tiang emaw hmawlh emaw rinchhanin an kal thin zawk, ke zungte a an kal lai hi chu ka la hmu meuh lo ani e,..
Report this comment
May 10th, 2011 at 12:23 am
@ Terema Chhakchhuak, ‘Bakvawmtepu chuan’ tia i ngaihdan i thlak thei lova, ‘an’ telh a ngai lo i tih talh chuan, a dik thei tho, hetiang hian, ”Bakvawmtepu chu, a nau a lo ei a ni tih a hriat chuan a thinur nasa mai a”, ka lawm e, lawm namen in ka lawm lo love,
Report this comment
May 10th, 2011 at 12:25 am
@Krista, ka lawm e..
, kan Zotawng hi kohhran hian a thunun hneh em a lo ni! “I hnenah kan rawn hlan Ache” tih te hi kan tunlai tawngtai hla chhamah hian a ri zing ta malh malh em a ni! “I hnenah kan rawn hlan e” tih hi tawngkam dik zawk a ni tih pawh hriat tawh loh khawpin kan hmang rim zawk tawh a nih ber hi maw..hui ham!!!!
Pu Muantea hi chu a hming ka hriat hmaa a hmel ka hriat tawh a ni a, ka ngaihsan pawl tak chu a la ni reng tho mai ka ti! Ka hriat sual loh chuan National Teacher Award pawh a dawng tawh hialin ka hria..SBHSS-ah tunah hian a thawk mekin ka hria(Principal?)..
Report this comment
May 10th, 2011 at 12:29 am
Liana mipa thiante tih leh Liana thian mipate tihah hian a dik lo zawk a awm em? a noun (collective) kan thluk dan hian a hril hle zawk asin. Tunhma lam deuh khan ‘tangka 10-ah an hralh’ tih ang chi tawngkam hi an hmang thin tih hi kan hriat tel a tha. Kum lama upat hian hriatna keng tel bawk mahse an hre vek e tihna chu a ni hauh lovang. Tunlai beng atanga kan ngaihthlak dan leh a lehlin hunlai benga ngaihthlak dan inang lo tam tak chu a awm ngei tur a ni. Tin, Bible-a inziak dan zawng zawng hi a tawngkam a dik vek e ka ti lo, mahse chhut chiang mang lo leh a hre ber niawm hrima Bible-a tawngkam dik lo tam lutuk leh bak chuk niawma an chhuah thin hian ka lo lunghnur ve deuh thin. Terema sawi thenkhat – hru fai/hru hul (zawm loh tur), naupang/nau, kebai, tihte khi chu ngaihtuah chian chi tak erawh a ni ka ti thung.
Report this comment
May 10th, 2011 at 12:36 am
Kan Bible letlingtute hi chu an fakawm ka ti khawp mai! Mahse an lehlin dik zat loh lai leh zotawng dikhlel deuh ho kan chhawm zela siam that tum miah lova kan ramchang pawm hmiah hmiah ringawt hian kan zotawng mawi tak hi a tlusawp ve thei tih hi hriat tur ka ti ve mai mai a..
Ka ke ka tih-ulh lai khan ka ke ka bai a,ka kal thei tho nia. Kebai kal ta awt awt hi chu ka hmu zing tawh khawp mai! Pu Hrangkunga(tun ka tawng lo haw lo se) pawh kha a ke bai a ke bai khan a tei chhuak zing khawp mai a damlai khan; mahse ke zeng kal hi chu ka la hmu lo..
Khawngkhawbai chung pawn ka kal thiam..hehehe..
Report this comment
May 10th, 2011 at 12:37 am
Terem, i tilawmawm e, mahse National teacher award chu ka la dawng lo deuh. Ka hnathawh lam lamte i han pho lang dawn thuak thuak a
Report this comment
May 10th, 2011 at 12:39 am
Nia, tawngkam dikhlel deuh hi chu siam that a ngai ang. Hei lehlin thar hi a tha viau dawn a, mahse ka la ngaina hlei thei mang tlat lo.
Report this comment
May 10th, 2011 at 12:59 am
Thil mak ve mai mai, Saula fapa an thlauh avanga ke bai ta kha a ke khinghnih in a bai…… engin nge a bai ang le? criple an hman khan a buai lova, mahse ke 2 nih khan a fuh leh tawh si lo, @terema i chhui ril in i chhui uluk hle mai. Mahse tute emaw bible lehlin dan sawisel a, thurawn pawh ni chuang lo, lettu hmasate thiamloh chantir lek lek erawh tha ka ti lo thung.
Report this comment
May 10th, 2011 at 1:06 am
Kan Bible-a zia(suffix) pawh hi an hmanna hi han bih chian hian a awm ang lo deuh thin hian ka hria. Eg: Biakzia, Pianzia etc. Ka hriat dan chuan suffix-a zia kan hman hian a behna kha abstract noun-ah a siam a ni mai lova, a uar tel thin (Emphatical abstract noun ka ti ve tawp mai). Eg: Saw nula hmelthatzia saw! tihah te hian a nula hmelthatna kha a uar tel a ni tih a tilang. “Biakzia” tih te hi chu “biak dan” ti a thlak awm tak a ni! “Mosia Pathianin a biakzia kha” tih ai chuan “Mosia Pathianin a biak dan kha” tih te hi a tawngkam a mawi fe zawk a ni! “Pianzia” tih pawh hi “Pianphung” tiin zotawng thiam pangngai tak chuan ka hriatah an la hmang zat zat zawk zel a; a dik zawk ti-a ka tan ngamna chhan pawh “Pianphunga rualban lo” tih tawngkamte avang hian a ni. “Pianzia-a rualban lo” tih hi chu ka la hre lo a ni e tun thleng hian!
Report this comment
May 10th, 2011 at 1:16 am
Ka chhiar chhuak ve tawp mai. Hairehai.
Report this comment
May 10th, 2011 at 5:50 am
Ka chhiar duh chi.
Report this comment
June 26th, 2012 at 1:23 am
Hi hi hi!
Report this comment