Khuanu min pek kan chenna hi han hmangaih zia zang kan lo ni lo e. Kan unau Kristian te hian Pathian hi an ti thinur mai lawm maw tih te pawh a awl rum rum e. Kan hla phuahtu thenkhat te chuan, ‘He lei ninawm hi ral tawh mai se’ ‘He lei lungngaihna’ ‘He lei hrehawmah,’ tih ang chi te hi hmuh tur a tam mai.
Lalram danin kan lo chhuahna khawvel, tui leh leilung hi a tul dan anga hmang thiam a, enkawl let tura din kan ni a, leilung hi kan ram, kan ta, kan nihna kengtu chu a ni. Chunglam boruak zau taka arsite khi leilung nihna nei veka Khuanu dinte an ni a, chung zawng zawng zingah chuan kan awmna khawvel hi tui te, boruak thianghlim te, thlifim te leh lum leh vawt te nen inzawmna neia rem taka thil nungte chen theihna tura Pathian ruat chu a ni.
Chuti ang rama kan lo awm hi kan va han vannei em! Heng zawng zawng siamtu leh leh ruat feltu chu Chung Khuanu chu a ni.
He khawvel hi a chhunga cheng nung tinrengte tan hian siamtu Pathian inpuanna niin, A nihna famkim kawltu, hlutna leh malsawmna tinrenga thuam a ni a; Pathian nihna leh a hmel chu he khawvela thilte hian a inpuangin a inlar a ni. Amah Pathian chu a nung angin khawvel hi nungin a din a, finna Pathian a ni a; khawvelah hian finna famkim a dah a, ei leh in tur chiin a tikhat a, A nihna famkim chu khawvelah hian a dah a ni.
Chung Khuanu, hnam tin zinga inlar thin, leilung malsawmna chu fakin awm sela, a chhunga cheng leilung khawvel nihphung hre thei tura a ruat leh a dah mihringte chu mal a sawmin, a enkawlin, a kaihruai zel a ni.
Ramsa leh nungcha tinrengte pawh anmahni chi awm dan tur ang theuhin a din a, an awrawl leh hram dan tur a ruat vek a, an zain an hluin an mawi em em vek a ni.
Amaherawhchu, Khuanu min pek ram leilung hlutna kan sawi mek lai hian zirtirna thenkhatah chuan khawvel hi Pathian an chhe hnuaia tlu lut angina an zirtir a, heng natna leh thihna thleng hian chu anchhe rah vek chu niin an zirtir thin. A pawi mang e! Khawvel hi Chung Khuanuin vawi khatmah anchhia a la lawh lo tih leh a malsawmna luan tlangna a ni zawk tihah hian an thangharh zo lo.
”Malsawmna ka dawng,” an tih zawng zawng, sum leh pai emaw, buh leh bal emaw te hi khawi lam atanga an dawn nge tih an hre lo a ni ang e. Chung zawng zawngte chu leilung atanga an dawn vek a ni si a. Anchhe hnuaiah hian malsawmna a awm theih loh avangin Lal malsawmna luan tlangna khawvel a ni zawk tih hi hre mawlh rawh se.
Tin, thihna te, natna te pawh hi a tir atanga Lal rorel sa thlap zawk a ni a, mihring hi thi thei loin na thei lo ta ilang chuan, chu aia anche rapthlak chu a awm lo ang. Khawvel hi a hnawkin a va ţawp dawn em! Lal rorel dan thlir thiamin engkimah lawm thu i sawi zawk ang u.
Similar Posts:
- Ram leh, hnam leh sakhua
- Lal Ramah Hnam Hrang Leh Thlah Hrang A Awm Lo Lal Hnam Kan Ni:
- Ka Pian Ka Sei Lenna
- Isua Pathian a ni lo
- Pathian kan nihna
(Y)
May 11th, 2011 at 1:40 am
First
Report this comment
May 11th, 2011 at 1:40 am
kan chenna hi anchhe dawng khawvel a ni. Pathian ram a ni lo va, Pathianin kumhlun tlakah a ruat lo va, sualna tin renga khat a nih avangin a la boral ngei2 dawn zawk a ni…
Report this comment
May 11th, 2011 at 1:40 am
Iau! leh ta tlat mai a, tha thin mange, Hnam Sakhua, in chhiar dawn teh ang, chhiar tlak te a ni meuh em?
Report this comment
May 11th, 2011 at 1:49 am
a ngaihnawm reuh zek chu le…
Ngaihnawm chhiar hian chhiar liam mai mai teh ang…
Report this comment
May 11th, 2011 at 1:54 am
Report this comment
May 11th, 2011 at 1:59 am
Comment ka tum uk a, kan thulh leh zawk teh ang uk…
Report this comment
May 11th, 2011 at 2:13 am
hnamsakhua che leh ta ngaihnawm leh pek ang koment ho chu. lo chang char char teng in koment ho
Report this comment
May 11th, 2011 at 2:15 am
ka rinna a ti changel hmun tlat in ka hria….NOI comment ho a bengvarthlak zawk in ka hria
Report this comment
May 11th, 2011 at 2:20 am
Khai aw, ti zawng hian-
1st Para atang hian ka helh nghal, “Khuanu min pek kan chenna hi han hmangaih zia zang kan lo ni lo e” tih ai hian “Pathian min pek kan chenna hi han hmangaih lo zia zang kan nilo e” tih hi Zosapte min siamsak (I khuanu hian engmah min siamsak lo)A AW B atang thlir hian a dik zawk a rinawm. Hnam Sakhua post a nih vanga sawichhia leh sawihnawm ka ni loa, a ngaihdan leh a thuziak hi ka faksel mai chauh a ni. I khuanu leh Pathian hi chu rawn tehkhin fo thin teh suh, tehkhin tlak a nilo mai nilovin tehkhin ngam chi a nilove. Christian-na kan ramah rawn lut lo selang chuan tunah hian nang leh kei hian, misual.com a awm ani tih pawh hre lo hian Thing bul, Lung bul hmaah kan la kun du du dun ngei a rinawm. Hetiang thudik awmsa mitin hriat, Leilung leh a chhunga thil awm zawng zawngte Pathian (khuanu a tel lo) siam ani tih leh keini ngei pawh hi A kut ngeia siam kan ni tih chu tlang hriat ani,Tin, i thu tawpa, Lal thlirna i thliarpui thiamna hi ka ngaisang ngawt mai che,.. Pathian thlirna chu sawi loh, keini a mihring duh taka a siam te pawh hian A ropuina avang hian A hmel eng pawh hmu thei lo kan nih hi phuahchawp sakhua nilo A hnungzuitu Kristian-te hian kan hriatnawn a tha khawp mai,…
Ka lawm em em e, lawm namenin ka lawm lo love, ka lawm em em a ni,… tih tal kan belh leh hram teh ang!
Report this comment
May 11th, 2011 at 2:31 am
Lal malsawmna luan tlangna khawvel a ni zawk tih hi hre mawlh rawh se.
i thu ziah ah hian i chiangchiah a maw???An chhedawng khawvel a tih a vang mai hian malsawmna awm miah lohna khawvel ah chuan i chhuah mai thei bik lo ang.Kan Bible ah ngei poh he khawvel kan awm chhung pawh a kan dawn tumalsawmna a awm thu min hrilh nual kha maw le.Van malsawmna leh Lei malsawmna erawh a dang ngei ang…
Report this comment
May 11th, 2011 at 3:49 am
Hnam sakhua, i sakhaw hmuhchhuah thar hi Kristian-na lo luh hma kha ni se tha tur a nia le..
I pian a tlai Kei ka (Kristianna) hma si a.. Bak ah a sim sim ah Tin..!
Para 2na a Lalram i sawi hi ka dai ngam lo…Lo kir rawh..Krista isua in a hmangaih che..
Report this comment
May 11th, 2011 at 6:12 am
Nakinah pc atang in ka comment ang
Report this comment
May 11th, 2011 at 6:49 am
Kan ram a Kristianna awm hma kum za tam kha; min kai hruaitu a awm ani tih hi ka ring tlat a, ka ngaihtuah fo thin. Khawvelah Hnam tamtak Mizo hnam let engemaw zat a tam pawh ram bik neilova an vahvaih laiin Mizoram tih tur kan nei bik hi chu kan vannei thlawt asin.
Kan Pi leh Pu te lo hruai thin tu Pathian kha tun a kan Pathian ngei hi anih ka ring tlat ani.
Kei chuan Lalpa’n kan tan ram min pek hi anchhedawng ka tive phal lova, he ram leilungfa ka nihna ah hian ka chiang a; hmangaih a enkawl hi ka bat ani, Kan hnamzia kan thlauthla ta lutuk hi chu hnam a min dintu Pathian hi zahawm kati thin.
Report this comment
May 11th, 2011 at 7:28 am
Aw hmelthatea khuanu leh Pathian hi mihrang ni loin, thuhmun an ni e. Mizote chuan koh dan hrang hrang kan nei a lawm.tin, rin dan thuhmun ni si a thenin kan lei hi anchhedawng in ti a, a thenin ni lo ve deuh chuan in hre bawk si a, a buaithlak teh zawng a ni e. Hmelthatea, kan ramah hian missionary te kha lolut lo mahse, ziak leh chhiar chu kan thiamin kan changkang tho ang. Ram changkangte hi a tir atanga changkang nghal chu an vang viau ang.kan pi leh pute khan engtik lai mahin thingbul lungbul an be ngaio lo.vawi khat leh, kan lei hi duh taka Pathian siam, malsawmna tinrenga a vur a ni.Kan lei anchhedawng a ni ti si engati nge thih te hi in la hreh em em le, anchhedawng lo ramah kal dawn te chuan lawm viau awm.
Report this comment
May 11th, 2011 at 7:33 am
#14 la ta deuh deuh che chuan
I bo lutuuuuuuuuuuuuuuuuuuuuk
Report this comment
May 11th, 2011 at 7:37 am
A tirin Rorelliana Mizo hnam a siam a.
Rorelliana chuan Mizo hnam a hmangaih em em a chutichuan a fapa mal neihchhun ‘Lalnunpuia Kawlni’ (Hnam Sakhua)a rawn tir a…..a mah chu tupawh a ring apiang hnam a an chian zel theihna turin, kawng hrang hrang in a rawn bei a… mahse ala hlawhtling vak lo…eng tak rawn ti leh ang maw……????
Lal Isua angin, misualte tan thi ve ngam maw….?
Lal Isua kan tan a thi,thian chhan thih ngam mi huaisen, phut let nei lo, tlawmngaihna nei Isua khan hmangaihna diktak in min hmangaih, amah avangin kei misual hian nunthar ka lo nei ve ta hial… ka lawm em em a ni
Report this comment
May 11th, 2011 at 7:39 am
Ka ziah hmaihtlat mai, zawhna pakhat- Engvangin nge kan lei chu anchhedawng ram a lo nih takna chhan min han hrilh hram teh u.
Report this comment
May 11th, 2011 at 7:54 am
@Hnam sakhua: Lei earth ni lovin nangmah kha an chhedawng i ni e, mahni inchhandam tur in theihna leh tlinna i nei lo, chuvanga chhandamtu mamawh leh chhandam ngai i ni,chutiang in kei pawh. Chhandamtu Isua Krista i rin loh avang khan anchhedawng ila ni reng e. Chiang em?
Report this comment
May 11th, 2011 at 8:06 am
अरे ।
Report this comment
May 11th, 2011 at 8:13 am
Hnam Sakhua chu kawm tlak ve deuh ta rawn comment na chang pawh hre ve ta. A changkang sawt hle mai a haha.
Report this comment
May 11th, 2011 at 8:42 am
Malsawma Lunglei ti a ka’n chhiar luih talh chu le…..
#20… Like..
Report this comment
May 11th, 2011 at 9:13 am
@Hnam sakhua#17, lei anchhedawng a lo nih dan chu Genesis bung 3 thu kha chhiar la i chiang mai ang. Pathian chuan Adama hnenah, “…lei hi nangmah avangin anchhe dawngin a awm ta..” a ti (Gen. 3: 17)
Pathianin a tira a ruahman danah chuan leilung leh a chhunga cheng nungcha leh mihringte pawh hi mal a sawm vek reng a lawm. Lei hi Pathianin engtiklai mahin anchhia a lawh bawk lo. Mihringin Pathian dan bawhchhiaa Setana thu hnuaia an lo tluk luh tak avang zawk khan khawvel leh thil siam dangte pawh hi chhiatna bawihah lutin anchhe dawngin an lo awm ta a ni zawk e. Chu anchhe lak ata min chhanchhuak tur chuan Pathian vekin A Fapa Isua Krista chu a rawn tir a, Setana bawih ata min chhanchhuak a, tisa mai ni lo thlarau lam malsawmna tinrengin mal min sawm ta thung a ni (Ephesi 1:3).
Sawi tur tam tak awm mah se hrethiam turin i thinlung i hawn chuan si loh chuan i hre thiam chuang dawn lo va, duh tawk rih mai ang.
A tawp ber atan chuan i sakhaw rin dan tam tak hi Kristian zirtirna eng atanga i phuah khawm ve tho a ni a, a thilsiama Pathian inpuanna thu te pawh Rom bung khata mi tho kha a ni a. Bible hi sawt sawt siin lehkhabu rawn berah chuan in neih tho niin a lang a, a tha tho ve.
“Khawvel mi chuan Pathian Thlarau lam thilte chu a lawm thin lo, ani ngaih chuan atthlak a ni si a; Thlarauva hriat fiah a nih avangin a hre thei lo reng reng (hrim hrim) bawk a ni”. (1 Kor. 2:14)
Report this comment
May 11th, 2011 at 10:43 am
He site hi mahni kohhran/rinna/thurin in zirtirna tur anilo, Kristian sawi chhe zawng phei chuan i ti tawh lo teh ang u a ninawm. Tin a post tupa pawh, Lalchhungkua i nih pawn ni mai la a tawk i thu post lah hi tiang zawng ringawt hian i ti reng ringawt mai a ninawm, thu pangngai tak rawn post la mifing tak tur i ni, mahse tiang lam hawi zawng hi chu a ninawm tawh e, i duh leh heta ziak lo hian khawlai ah i kohhran rinna chu puang mai ta che.
Report this comment
May 11th, 2011 at 10:48 am
#23 super like. A dik khop mai
Report this comment
May 11th, 2011 at 4:39 pm
a lo comment ve ngei tawh maw?
Report this comment