mi(sual).com

A in kungkaih ang tihpawh ka rin ngailoh zan hnih chhung leka  a in laichinna kan hre thei mai hi vannei in tih na tak pawh ka nei e, patliang a pum pa mah ni ila, mahni tum tum a khal ten tawn a  ek tum han hun luau mai hi thil namai a lo nilo tawp mai. Samsona pawh kha han zut ve chin sela zawng a HERO rei bik hauhin ka ring lo, sek leh sek loh hi a lo ni vak lo anih hi…

A Chepakai ah: Hmelah Gurunga ang hle mah ila thinlung a Zopa em em mai, tlanghri leng leh khawsik satliah laka tukhum chhah chawn tlat chi hi ka ni ve reuh a. khami tlaia ka khaw sik pawh kha tawrh dam mai tumin kan haider ve tang tanga, a tlai telh telh a ka luna in zual lam a pan ta deuh deuh mai, khabe kual a na thum a, Phanchang thankin mah ni ila Hapui to tur te a awm leh palh  takin ti chungin darthlalang hma ah  kan in keu then chawt chawt a, a dang to belh natur reng reng awm lo hian a lo in si var phei khat thup tawh mai si a.

Eng tizia nge ni ang aw ti chungin ka khawsik tan ve deuh chu duat tak hian kan mut pui ve ta hlan a. Zan a tlai a, pum puar ul chu a ri ruih ruih a, hmanhmawh deuh mai hian Ek in chu ka thleng phei var a, “thut leh thuai” ka rual a ni ber e “spray” tha khawp mai, hnawh tu dang awm lo tih hriat fahran mai hian a rawn saberek a khuangkaih thla ta huau huau a, zan reh tawha bath room khawk rum rum khawp a “ Zanlai au aw” han chhuah   chiam mai chu inthlahrun na  duh tak a ni.

Chutah, a tui pui a haw zova, kan tho mai tur chu, ek nan  tha kan  sen loh tehlul nen thapui ber ka sang thla ta emaw tih mai tur khawpin kan zawi ta cheng a, zawi tak chung chuan khum chu kan thleng phei ve leh ta hram a. Mahse, mut a tui lo … a tui mawlh lo…a nghet thei ang ber a bawp khawkherh a, ka “ip” em? Tih ngaih tuah reng chung chuan mut chu mut tui har ve duh tak ani. Tet lai a ka awh ngai lemloh Dumka ek tum tha tak tak kawng sir a let reng tekha mit thla ah anlo lang zut zut a, zurui ek tum,  let mai mai thin te  leh Thuithleng nghawr dawt dawt a Patea vawin thin te kha ka  awt ta rum rum mai….

A behbawm: Pa lian dulkiar mum tel tul ni thin kha, pum a dep zova, pumpui ka nei talo emaw tih mai tur hian laihren takngial pawh pai tawih lohvin a rawng ngai ngai hian a chhuak lo chauh ani tawh mai, Ek in ek rim a nam lova dawn fawh ei tam vang  ni maw?Dawnfawh rim tekha a nam kual ta vel mai mai hian ka hria.

Ei tam poh leh a luang tlang ta emaw tih mai tur in min thing zing a, êk chhunah lah ei tur zawng zawng nen kan e tel ta emaw tih tur khawp in a haw a tha thei hle zel a, êk mai mai mah nise ui beh theih miah loh a an “whole sale” chhuah huk huk mai chu uihawm duh ve tak ani. Mawng a lawng zova, tuia theh takngial pawn kan aiah tuarh tuarh lo chauh a ni tamai, tha lah a thum zova, tiang hawl tak ka nâp ta!!! khum a tanga thawh ringawt  pawn kan thaw hlawi hlawi a, in paih ruah hnu phei chuan Kg 80 chuang ni thin kha, bangrel vuan a kal sai dur dur chungin kan hui pap pap ta mai. Hahthlak dan dang tak ani.

Malsawmna : Khawvar a hnai a Sarawn veng mithi lumen ho khuang chu bengah a in thum rawn  tluk tuk a, an hlasak ngaihthlak chian ka tum poh leh a te ral raih raih a, a thu chu hre theilo mah ila athluk atangin ka lo zâwm ve ta chawt a. Eng vang tehreng a maw ni tawngtai duhna thinlung min pe ta tlat mai. Rinna lamtluang a pa chhe ve tak, thankin hnu pawh a thui deuh a tawngtai ai chuan  ngaihtuah mang hlei lova “ zanin ah min veng la”  ti liam puat mai chi ka ni ve a.

Mahse, tunah chuan  a kal a dang zo ta  “aw Lalpa chaw leh thil tinreng” tih kha chuan alo fun kim chiah lo hi a lo ni a. Tawngtai ngai vak hlei lo bul tanna mawi hnai pawh hrelo hian “Kaw tha ka duh, kaw tha ka duh Lalpa” kan ti ve chawt mai a…. a chhan na chu ka hmu ikhaw lo mai, ka chhaih kawlh a mawni tih mai tur hian a nasa ta sauh hian ka hria a. Beidawng tak in mahse dam in ring tak chungsi in Thisenchaw khai chung chuan ka mu ve leh ta a.

Ni a liam a, zân a lo vei leh meuh chuan thil a danglam ta thut mai, “wind of change” a thleng, urhsun tak leh puithu taka rei fe ka beih ve hnu chuan, hlawhtlinna ka hmu ve tan ta… dim fe mai hian ka vawih ve ta sa sa mai “Careless whisper” ang vel te hian… … Halleuiah pek hial tak ka nâp a, thawm nei le lu lo mahse ka bengah chuan inneih dar ri tluk a ring a ni. Nuihzathlak a ka ngaih thin, min ti mualpho thei tu, ka ip bo pui mai mai thin leh tul em em pawh a ka ngaih lem loh chu ka lawmna thlen tu a lo nita reng mai… ka vawih theih a vang chuan ka nui ve thei ta.

Tum nei a kan e ve ta hrim hrim pawh kha hlimna ti zual tu a la ni leh zel a!!! Lâwm nachang reng ka hriat ngai loh thil kha ka lawmna thlentu a lo ni ve ta reng mai. Pum puar êl ûl a reh a hahdam  in ka awm ve thei ta, îp ngai tawhlo  pawh “achievement” a tling hrim hrim … Pathian hnathawh ani mai em…?

kan nunphung ah hian pangngai a kan ngaih, lawmthu sawi ngai ni pawh a lang lo thil te hi a tel lo chuan nun tikimlo tu alo ni reng mai!! he taksa (tisa?) ah hian Pathian hian engkim mai hi tangkaina nei vek in a lo rem khawm fir fer a lo ni. Pathian chungah hian lawmthu sawi kan lo va ba nasa tak em!!

He kawthalo hi mihring ngaihah tawp hle nimah se kei a tan chuan ” A hmel mawi min hmuh nawn tir leh tu”  ka ti lo thei lo. Nangpawh lawmthu sawi nawn ve rawh, patling pawh nimahla mahni tum tum a tum khat ek a harsat em hi mawle…:-)

Similar Posts:

• A mal malin chhiar la
• Milem biakna thil te
• Ka hmangaih hrim hrim che
• Engthàwlna ramah engtháwlin…
• Taxi / City bus in HORN min pe ve khanglang a…

Recent Posts:

• Doctor-ten min rawk em?
• Keini chu thingtlang mi kan ni a
• MIND-SET: MIZOTE LEH KAN RILRU SUK-THLEK
• ZoRO Press Release
• Ka lawm e, Mi(sual)-nu!

This entry was posted on Tuesday, May 17th, 2011 at 3:00 pm and is filed under Advice, HAHAHA, Religion. You can follow any responses to this entry through the RSS 2.0 feed. You can skip to the end and leave a response. Pinging is currently not allowed.