Zo sakhua chu hnam dintu a ni.
Pathian nena kan inzawmna chu nunna min pek hmangin a lo ni ta a. Nunna min pekna hnam chu Mizo(Mizo tia kan inkoh vangin) a ni a, chu nunna min pek hnamte chenna hmun chu Zofate ram, Zoram a nih avangin Zofate ni a, kan hnam zia leh nihphung chu kan sakhuana chu a lo ni ta a ni.
Chuvangin Zo sakhua leh Pathian duh loh thil chu Zo ram leh hnam duh loh thil, Zo ram leh hnam tana tuarna chu Pathian tana tuarna, Zo ram chu Pathian ram, Zo ram chhung hmun tinrengte chu Pathian hmun thianghlim a ni.
Zo sakhuaah chuan sakhua a dik chuan a chhunga cheng, a vuantute nun a dik a, sakhua a dik loh chuan a chhunga cheng, a vuantute nun a dik thei lo a ni.. Chuvangin kan sakhua, Zo sakhua chuan kan hnam hi a siam a, a din a lo ni. Mahse, Pathian atanga nun kan neihnaah erawh chuan thilsiam zawng zawngte hi pumkhat kan nihna a ding reng thung.
Chuvangin khawvela kan lo pian chhuah hian sakhua kan nei nghal a, Pathian kan nei nghal, Pathian thuin kan awm nghal a ni. Sakhua leh Pathian thu chu zawn chhuah chawp emaw, pek chawp emaw kan ngai lo. Sakhua chu zawn ngai emaw, mi min rawn pek chawp ngai emaw a kan hriatna hi chu kan nihna dik tak, Pathian min din dan ka la hriatfiah loh vang mai a ni. Siamtu Pathian tan Amite, a thilsiamte hi zawn chhuah chawp a ngai ngai lo. Amah Pathianah chuan kan awm vek zawk avangin.
Zo Sakhua chu mahni a awm sa Pathian thu nihchhuahpui a ni.
Zo sakhua chu pawn lam atanga thil tha lak luh leh pawn lam atanga Pathian biak dan leh rin dan lak luh leh zir chhuah atanga Pathian thu dawn leh neih a ni lo a, Pathianin a pek mirhing nun chhungril ze tha leh Amah Pathian nihna ze tha mihringa awm sa hman chhuahna leh nun chhuahpuina a ni zawk a ni. Zo sakhuaah chuan mihring nun siam tha tur leh hnam khalh ngil tura Pathian thupek zawm turte chu thurochhiah te, thiang leh thiang lo te hmanga puan chhuah a ni a.
Chung thupekte chu a petu chuan tawngkamin a hrilh ngai lo a, meialh hmang pawn a hriattir ngai lo, khawi lai hmun emawa thut lai emaw pawhin a pe lo a, thinlungah a rawn hriattir phut ngai hek lo. Khawsakna kawng tinreng atanga tawnhriat(experience) turin chhia leh tha hriatna leh finna thiang tak hmangin kawng dik leh tha leh a thupek leh rorelna thu te chu a hrilh thin a ni. Chung thilte chu serh leh sang leh puithuna hmangin a vawnhim tir tlat a, a kaihruai a, a hun takah, a tul dan angin, mi dang dawmkan nan a hman chhuahtir thin a ni.
Zo sakhua chu damlai hun atan a ni.
Sakhaw dang zirtirnaah chuan a tlangpuiin an sakhuana te, an sakhaw tana an beihna leh an thawhna zawng zawngte chu an thih hnu piah lam thil atan a ni thin a, an sakhaw duh loh thil an tih pawhin an damlai ni lovin an thih hnua an tuar turah an ngai thin. Zo sakhuaah erawh chuan chuatiang a ni ve lo. Sakhuana leh sakhaw tana beihnate chu damlai atan, ram tan, hnam tan, khawtlang tan, thlah te tan, midangte chawlh nan a ni. Sakhaw duh loh zawng tih pawhin an tuar hun chu mahni damlai leh thlahteah zel an tuar thin a ni.
Zo sakhuaah chuan sakhua chu damlai nun khalh ngiltu leh hlimna thlentu emaw, damlai hremhmun leh nun tichhetu emaw, thlahte malsawmna leh hmuingilna thlentu emaw, thlahte anchhia leh tuarna thlentu emaw a ni.
A tawp berah chuan Chung Khuanu chuan mirhinga min din hian hnam niin min din a, hnam hrang hrang zinga hnam khat kan ni ve a ni tih tifiah turin hnam zia leh nihphung bakah chenna ram min pe a. Chung zawng zawng chu hnam sakhua chuan a phuarkhawm a ni. Chuvangin, Mihringa min dintu, hnam min siamtu, chenna ram min petu Chung Khuanu duh dan leh remruatna anga hnam a kal theih nan Zofate hian kan hnam sakhua, kan hnam din tirh atanga min pek tawh, Mizo Sakhua kan vawn leh ngei hi kan tihmakmawh a ni. Chutiang bawkin hnam tinte hian Pathianin a pek an hnam sakhua vawn theuh hi an tihmakmawh a ni. Chu chu hnam damna leh khawvela remna leh munanna a awm theihna tura kawng awm chhun a ni si a.
I hnam sakhua vuan la,
.i ram leh hnam humhim rawh
Similar Posts:
- ZO SAKHAW ZEPUI
- Zo Sakhaw Zepui
- Ti hian ka ngaihtuah thin
- Ram leh, hnam leh sakhua
- Zo Hnam Puanchhuahna Hla
May 17th, 2011 at 8:59 pm
30
TuaiSialA #
Report this comment
May 17th, 2011 at 9:00 pm
Sangha chhum ah hian Anthur rep hi thlak sek ila a tui khawp mai
Report this comment
May 17th, 2011 at 9:04 pm
Fur behlawi chi in nei mial em
Report this comment
May 17th, 2011 at 9:07 pm
Post tupa i tawnng ve ngam ta maw. Hei i ROCHAN AI HRUIZEN chu. Chuan e khuuuuuuuuuuuuuuuuuuutah a uih kan hriat phak lohna tur ah ka tih chu.
Report this comment
May 17th, 2011 at 9:33 pm
@doc_lib, chutiang tur a ni lo. ZO SAKHUA A RILRAL MAI ANGA SIN! Akekekekeke..
Report this comment
May 17th, 2011 at 9:45 pm
Hnam sakhua=>hnam tinin mahni sakhua hran theuh an nei=>sakhua zawng zawngte hi Pathian pakhat panna kawng hrang theuh mai a ni=>Religious Pluralism zirtirna.
Religious Pluralism hi sakhaw inzirtirna ziktluak lo a ni….
Han chhui zui tawh mai teh u, mi(sual)dotcom theologian ho khan.
Kei erawh zawng ka Lalpa Isua lo hi rin dang nei thei ka ni lo.
Report this comment
May 17th, 2011 at 10:10 pm
A reng reng thuah, sakhaw mu mal la nei lo, sakhaw dik zawng lai mek pawh ni ta ila, i sakhaw rawn zawrh hi chuan min lem lem lo ang. A chhan chu tun dam chhung atan chauh a beisei nei, mi a zawng a khawngaih thlak ber nih zawng ka duh lo e.(11 korinth 15:19). Vawiin mizo welfare gen.meeting ah ahnuaia hla ka han ziah(k) chhuah te hi hnuk ulh teuhin ka sa. “Chuvangin aw Pathian, hei hi kan dil ber che. kan ram, kan hnam min hruai an Nang chauh kan thlang a che. Chhung lam leh pawn lam hmelma, indona thleng mah se, hneh zel turin min pui la, Ro min rel sak ang che. Tih leh “Aw zoram nuam suihlung phang lo la, Thang leh thar ten phei lai vawr in, Lalpa chakna hmachhuan in kan bei zel dawn, Hmelma Doral.
Report this comment
May 17th, 2011 at 10:11 pm
Tita 3:10-11 ‘ Rin hran nei mi chu vawi hnih khat zilh hnu chuan zilh duh tawh suh,chutiang mi chu a kal pengin a sual a ni tih in hria e, amah leh amah thiam loh inchantir a ni si a.
Hnamsakhua, inhmuchhuak tur i nih chuan Bible phalchin pel rawkin ka zilh in ka correct tawh che, (hmuhsitna, tielna, huatna leh ninna tello vin), min chhang duh bawk silo, ka kut ka sil e.
Post lam ah chuan i zalen e, publish pawh admin te thu thu.
Report this comment
May 17th, 2011 at 10:44 pm
@Keimah Thingtlangpa : A a nih fapa han nei leh phawt se a mah thlak tu tur, chuan a rochan ai HRUIZEN chu ka pe tak tak ang lolz
Report this comment
May 17th, 2011 at 11:57 pm
Best post ah thlang hmiah mai teh ang.
Report this comment
May 18th, 2011 at 1:54 am
positive deuh in la zok ta ila Bible chhiar tam phah nan hmang theuh ila kan hlawk zok ngei ang hnam sakhua atang hian chuan a post tupa hi tawngtai pui theuh bok ila
Report this comment
November 29th, 2011 at 3:12 pm
Sakhaw tobul-ah i fiah lo deuhin ka hria.
Sakhua lam luhchilh vak lovin, Zo nunze mawi chawi vul tih lam hawi ziak hleuh la…. 
Report this comment