[Source: I ni min pek hi – Rev. Zairema [L]
Misual.com archive ka hai a, ka hmuh mai loh avangin ka post teh ang ka ti a, a thui in ti leh ngawt ang. Khai le…
“Indopui(WWII) a lo reh ta a, sumdawngho pawh Pawih ramah te an han sumdawng a, Indopui chhungin Pawih ram chu an lo chau hle a, Kohhran lamah pawh an baihvai em em. Chanchin Tha hril tura han kal Champhai mi pakhat Robuanga rilru a khawih hle a, Bible an nei lova, hla bu an nei lo, lehkhabu dang pawh an nei lo. Bible pek a tum ta a. Aizawlah a lo kal a, a zo tawk awm pawisain Bookroom atangin a lei a, a han sem a.
Pawisa a neih loh hnu chuan Pu Lloyd-a hnenah bat a rawn dil a, hmelhriat vakloh a ni a, phur khat chu a hawn leh a, Champhai Kohhran an tanga, an sikul headmaster Pu Vanlallawma ten tan an chhuah a, tam fe chu an lei thei a. Robuanga hian kein a thiar thin. Lehkhabu an mamawhzia Mizoramin an hriatin kan lehkhabu kan neih ang ang kan pe khawm a, Mahse engtin nge Champhai kan thlen chhoh theih ang tih kan buaipui hle a, hlawhfa ruaiin bawng puak phurte pawh hmang ila, an hlawh tur kan nei si lo.
Robuanga thil tih chu YMA tanna tur a ni dawn lawmni kan ti a. Mitthi zawn angin khaw tin inhlan chhawng ila, a kal man sen ngai lovin eng emaw zat tal chu Champhai thawn thlen theih kan inbeisei a. A hmingah ‘CHANCHINTHA DAK’ kan vuah ta a.
Khawthlang lam atangin thil pek eng emaw zat a lo thleng a, Aizawlah kan lo ching fel a. Lehkhabu hman tlak chu kan dah tha a, hman theih loh zual chu paih ruk angai, puante an rawn thawn a, Sai khup pakhat pawh an rawn khung tel, Sai khup hi berhbu ang lian deuh, litre khat vel dawng a ni. Bawm hnih kan siam a, Mission Veng Biak Inah tawngtaiin kan thlah a. Zemabawk kan han thlen a, Biak Inah min lo hmuak a, tawngtaiin kan inthlah a, kan haw leh ta a.
Mizoramah thu a thang chak hle a, kan thil tih kha chung lama mi lawm zawng tak a ni ang chu, khawkhat maha bahlah lovin Champhai a thleng ta mai a. Thil pek a lo thleng tam deuhva, bawm ruk ang vel a thlen khawm hnuah kan zawn chhuak leh thin a. Pakhat chu chhim lam kawt chhuah lamah a chhuak a, Vanlaiphai lamte tlawhin Champhai a thleng a.
A thleng chho tam hle tawh a, Mizoram chuan kan lawm dan a puithu tial tial a. Israel-ten Pathian bawm an zawn kha kan chan a, damlote pawhin deka dam an inbeisei a, dam an awm bawk a. An sawi hrang hle bawk, lo tinawmnah deuh thi an awm thu te an sawi ta nual a, khawih thiang lo ang dawn dawna ngaite pawh an lo awm ta a, Synod chuan a titawp ta ringawt.
He Chanchin Tha dak hian Mizoram Kohhran rilru a tithar hle a, dawngtu nih aiin petu nih a manhla dan pawh kan zir tan a. A lo dawngtute lahin malsawmna an dawng hle, hlimna a lut chho tel zel a. Robuanga pui turin Pawih ramah nula tlangval kal an awm nual a, an thlenna apiangah Kohhran lo awm tawh sa te chu an hlim a, ringlo khuate pawhin an ring ve ta a. Lawmna chang pawh an hre hle, zirtirh bua naupang zirlai, ‘A pi a zi’ tih an chhiar pawhin an tap zel an ti.
Heng hi Hualngo bial, Mizo tawng hria an ni ber. Hualngoho hian missionary neitu zawkah an inngai a ni. Kristian lo awm sa te hi Baptist Kohhran an ni a, Mizoram hlimna kha an lo ngai thiam lova, Kohhran hlim chu an enkawl zui tha duh lo. Mizoramah pawh Baptist chuan hlimna dai an theu a, mahse an theu seng lova, a lut ve ta tho…….!”
N.B : A thui ka hlau viau a, ka rek bung ta mai. He lehkhabu hi la chhiar lo tan chuan chhiar ngei ngei chi a ni e.
Similar Posts:
- Nuih hi
- In tha a chengte mihlim ber an ni kher lo!
- Project reference mamawh
- Krismass bawng ser ru
- Kawrte-ah pawngsual rapthlak!
May 20th, 2011 at 9:07 am
Report this comment
May 20th, 2011 at 9:14 am
ka 1st hmanloh chu le..
Report this comment
May 20th, 2011 at 9:18 am
Chhiar chiah ang. Zun nei tak a ni, a hun lai khan!
Report this comment
May 20th, 2011 at 9:39 am
Chanchintha dak bawm pakhat chu August 31, 2010 khan Dawrpui Presbyterian biak in-ah urhsun taka lakluh a ni.
Hetah hian thlalak nen en theih in a awm
https://www.dawrpuiveng.com/201.....o-haw.html
Report this comment
May 20th, 2011 at 9:46 am
#4 a ka link pek ah khian a hnuhma, ngaihdan leh dampui te chanchin tlem hmuh tur a awm bawk.
Report this comment
May 20th, 2011 at 10:23 am
Ka 1st em o?
Report this comment
May 20th, 2011 at 10:44 am
Comment dan tur a va vang ve.
Report this comment
May 20th, 2011 at 10:56 am
“Mizoramah pawh Baptist chuan hlimna dai an theu a..”
@Lunglei lam misual.commer ho khan a dik tih min fiah sak theih ka beisei. Engtik atangin nge Serkawnah khian Khuang hnih a lengkhawm zai an sak hun chiah ka hre ta mai lo.
Report this comment
May 20th, 2011 at 11:01 am
Ka hriat thawi nial nual i rawn phawrh chu ka lawm hle mai. Hetiang thil hlui lam in post rfeng2 hi ka print a ka dahtha hmak hmak ania
Report this comment
May 20th, 2011 at 11:01 am
Chanchin Tha Dak hunlai vel hi late 1940’s vel a nih ka ring, ka pa hian kan naupanlai chuan tiin a sawi thin.
“zirtirh bua naupang zirlai, ‘A pi a zi’ tih an chhiar pawhin an tap zel an ti.”
Lehkhabu chi hrang hrang, Pathian thu lo deuh te pawh an thawn tel ve a ni tih a ti lang.
Report this comment
May 20th, 2011 at 11:16 am
#9, @H.V : Kohhran chungchang a involve leh thin a, ka ziak thui duh ta lo a ni. Burma ram (Chin Hills) hi Baptist Kohhran hmun a ni a, Presbyterian Kohhran chuan bu a khuar a tum lo.
Harhna hi nasa taka Baptist Kohhranin an do avangin ringtharte hi an baih vai hle a..”In awmna khuaa Kohhranah tel rawh u” an ti a, an duh tawk mai thin..!
A tawpah chuan tih ngaihna a awm ta lo a niang, Mizoram Synod chuan enkawl a tum ta a.Burma lama Mizo-ho tam tak chu an lawm hle a. Kal turin Rev. Lalthanga an thlang ta a,Presbyterian kohhran pawh a ding ta a, Synod hran pawh an nei a, Kohhran ropui tak an ni tawh.
Kan sawi belh leh teh ang; Rev. Lalthanga hian hekna a tawk a, dan lo anga awm ruah puh a ni a, lunginah te a tang a, Burma sawrkarin an rawn thawn haw a ni. (Mi zawng zawng an lawm kim lo a nih hmel!) A kal chhan ber Kohhran erawh sut nghin rual lohvin a ding nghet.
Report this comment
May 20th, 2011 at 11:21 am
Vangchhia@gmail.com ah min lo paste sak pawp teh a
Ka lawm viau ang
Report this comment
May 20th, 2011 at 11:44 am
Awi-ha, ka lung a va Ti leng ve aw..he post chu..Ka Pa Upa K.Thangliana, Champhai Vengthlang kohhran Dintu zing a mi in thawnthu hrilhin min hrilh thin, Pu Lawma te zingah hian ka Pa hi a tel ve pha a..Pu Robuanga hi kan Inah a lokal reng a..Ramthim leh Ramthar Tuipui an nih vang hian an sawi tui nasa thin..Chanchintha Dak zawn hian Kan Upa ber pawh thalai zingah a kal ve tih min hrilh thin…Ka Pa hi ka ngai a..Ka Nun mangan chang hian ka Nu nen min tawngtai sakna ka hrechhuak fo thin..
Lalpa chu fakin awm rawh se…
Report this comment
May 20th, 2011 at 11:57 am
post tha tak a ni.thangtharte tan chuan ava ngaihnom m.amah eroh cu a toi deuh…lehkhabu hi k chhiar v khop ang
Report this comment
May 20th, 2011 at 12:29 pm
#11@lushai_er: Hetianga ringtu leh ringtu in beihna tak hi alawm ka vei em vanga post pawh ka siam phah ni.
Report this comment
May 20th, 2011 at 12:38 pm
#15, @Asteric: I post chu link mi lo pe ve teh ka lo tlawh ve ang. A hrim hrimin Dawrpui Veng in lo ni maw ?
Report this comment
May 20th, 2011 at 1:00 pm
#13, @ainawn : Pu Robuanga chanchin hi hriat avan chakawm em? A dam tawh chu ka ring ngam chiah lo nangin in upa ber chu a la dam lo maw? Rev. Lalthanga hi MNF hunlai pawh khan hekna a tawk an ti a, MNF pawh khan warning an pe te an tih thawm ka hria a. ‘Khual thu thang leh ar pan chuk’ tih ang deuh hian an lo sawi uar deuh nge a dik tak zawk hriat avan chakawm ve maw le.
Report this comment
May 20th, 2011 at 2:44 pm
“Gospel hma lamah a thang zel a … Chhak lamah a kal zel a …?” tih hla kha min hriatchhuahtir e. Ka nu hian a sa ar ar thin a; Chanchin Tha Dak zawn hun laia sak a nih thin thu min hrilh keuh keuh thin.
Kan awmpuipa pawhin 1967 khan kan parcel chhiain Chanchin Tha Dak a siam ve hluai mai a, a buaipui hle a. A thil neih tha tha a khung khawm a. A chhin (lid) atan plane-sheet a hmang a. A ri a bengchheng hret, nghawngkawl nen a phur ri ruk ruk a … chu pa chu Burma lamah a thang ta vang vang a, nupui a han nei a. Tun thleng hian a la tuipui fu a (kawng dang hretin) …a hming chu R. Kapzawna a ni. Aizawl Laipuitlang bulthut, Chanmari – Ramhlun road kawngpui chunglamah sawn an chhungkuain an cheng ve tawh e.
Report this comment
May 20th, 2011 at 2:59 pm
@Pu Lushai_er(#8): Ka’n lo chhang dawn teh ang che. Ka hriat sual loh chuan Serkawnah khan kan sap missionary te an awm ve chhung khan Biak ina khuang hman chungchang hi rel/sawiho a ni ngai lem lo . Min tinsan hnu kum 1982 ah khan khuang hman chungchang chu Kohhran Commitee in a pass ta a. Chuan, July thla ni 6( a dik em aw) khan Asst Secretary Upa VL Ngena’n kohhran mipui hmaah Khuang hman chhan te leh a tulna ni awma langte a sawi a, chuan Pathian ropui nan hman tan a ni e. Tin, a tirah chuan Khuang pakhat chauh hman a ni a, hun a lo kal zel a Khuangte pawh hman tel a ni ve ta a ni.
Report this comment
May 20th, 2011 at 3:43 pm
Chanchin tha dak kha chu a ngaihnawm in a ropui an tia sin aw…kan hmu pha lo deuh na a
Report this comment
May 20th, 2011 at 3:52 pm
@Pu Lushai_er(#8): Ka lo la chhang zo miah lo mai che a, Khuang chungchang ringawt ka lo hmu a lawm le.
Rev Zathanga ziak dan chuan Baptist ho zingah hian Thlarau Thianghlim harhna kha PuBuanga hovin a dil tak meuhin an dil thin. Chuan kum 1913, Favang lamah khan harhna chu an Hostel naupang atanga rawnin tanin kohhran mite hnenah a kangkai ta a ni.
“Mizoramah pawh Baptist chuan hlimna dai an theu a..” ti a Rev Dr Zairema’n a ziak pawh hi a dik khawp mai. Mahse an theu chhan tak ni awma lang chu sawi kai lo ta mai ila(kohhran ang zawnga inhnialna a awm loh nan
). Rev Dr HS Luaia sawi dan chuan kum 1948 khan Serkawnah a awm tan ve a. Chumi hunlai chuan Hlimsang/ Hlimrui kha an duh lo hle. Mahse a hnu rei vak loah a pawng ataka khatia han duh loh ngawt kha amah ber(Pu Luaia) khan dik thei in a hre lo a. Hlimsang leh Hlim rui an tih ang te kha an pawm thiam ve ta a,chuan harhna pawh a thleng ve ta zeuh zeuh a ni awm e. Mahse khaw thenkhat kohhran rinna nghet lutuk lo ah chuan hlimsan lutuk leh hlim ruih nasat avang hian kal sual ta pawh an pun viau thu a sawi tel bawk. 
Hemi hlimsang/hlimrui leh khuang kan zosapte’n anlo da avanga ngaihdan dang tak nei keimahni Baptistah pawh hian an awm. A bikin kan research Scholar (History) lampang te hian a duh lo viau. Mahse a hre deuh te’n an do chhan an sawifiah chuan an Amen ve mai thin a ni awm e.
Report this comment