Thil awm tinreng hi tu siam nge? Khawvel hi tu din nge? A chhunga awm thilnung tinreng hi tu siam nge? An nunna hi tu pek nge? Heng zawng zawng chhanna hi pakhat chiah Pathian a ni tih kan hria.
Engkim bul chu Pathian
Khawvel leh a chhunga thil awm mai ni lo, thil awm tinreng dintu chu Pathian a ni a, Amah chu engkim bul, nunna nei zawng zawngte nunna petu leh an nunna chu a ni. Engkim mai hi Pathianah a innghat vek a, Amah atang hian peng bo thei leh pen bona tur a awm lo.
Mihring hi engtia din nge?
Mi tam tak rin dan leh sakhaw tam tak zirtirnaah chuan Pathian chuan mihringte hi khawvel thil awmsa hmanga a siam ni a rinna leh zirtirna a awm a. Amaherawh chu, Pathianin mihring a din dan te, thil awm tinreng a din dante hi mihring hian kan hre phak tak tak miah lo.
Tu hmuh dan leh rin dan awm kan pawm tak mai mai a ni. Chutak chu Pathian ropuina leh a chungnun zia lanna pawh a ni reng a ni. Kan hriat theih tawk chu thil awm tinreng a din ang hian mihringte pawh hi min din ve a ni tih zawng hi a ni. He mi piah lama thil awm sa eng ber emaw hmanga mihringte min din ni a hriatna leh zirtirna hi chu mihringin kan suangtuah phak tawk atanga kan rinna mai mai a ni
Mihring hian a thih hnuah chatuan daih tur thlarau emaw, nunna hran a nei em?
Sakhaw hrang hrang rinna leh zirtir dan tam takah chuan mihring chuan a mihring nunna piah ah thlarau emaw, ama taksa pangngai ang ni lo nunna dang emaw neia rinna leh zirtirna an nei vek mai. Hei tak hi Pathian thu, sakhaw thuthlung pui ber nia zirtirna pawh an nei deuh vek a ni. Chu thlarau emaw, nunna hran emaw chu mihring than ruala thang ve zel nge, puitling sa nge, engti anga awm nge tih lam rinna leh zirtirna erawh chu a in ang lo hle thung. Hei hi sakhaw hrang hrang lo pianna leh sakhaw khat rinnaah pawh kohhran hrang hrang lo pianna pawh hi a ni tel fo bawk niin a lang.
Nimahsela, mihring hian kan pian hma kan hre lo ang bawkin kan thih hnu piah lam thil hi kan hre lo. Hre tura duan kan ni lo a ni ang. Rinna leh suangtuahna atanga zirtirna lo kal vek a ni. A nihna takah chuan heti anga thlarau emaw, nunna chatuan daih tur nei leh thih hnu piah lam ram rinna lo awm hi chu mihringte kan inhmangaihna leh lainatna avanga taksa thih ruala tawp vek mai tur kan in-uina avanga suangtuahna lokal a ni thei ber awm e. Chuta tanga ziritrna lokal chho zelah ni ngeia rinna mihringah a lo awm chho ta mai niin a lang.
Pathianin chhia leh tha hriatna, ngaihtuahna fim tak, kan hma hun pawh ngaihtuah lawk thiamna leh ruahman thiam theihna khawpa ngaihtuahna fing tak min pek avangin kan inhmangaihna leh lainatna thuk tak atanga taksa thih ruala tawp nghal vek mai tura kan in-uina hian kan hriat phak lo thleng thleng hriat duhna min pe thin niin a lang. Nimahsela, taksa dam chhung bak hre tura din kan ni lo a, kan thih hnu piah lam hi chu awm lo ata awma min dintu Pathian kut liau liau a ni.
Mihring khawvela a awm tawh loh hnuin thil a ti thei
Mihring hian a pian hma a hre lo ang bawkin a dam chhung hun piah lam zel pawh a hre thei chuang lo. Amaherawh chu a taksa awm tawh loh hnu pawhin thil a la ti thei. Chu chu Pathianin mihring a dah hlutna em em chu a ni. Mihring chuan a hma hun thui tak, a awm tawh loh pawha a thlahte awm dan tur thleng a thlir lawk thiamna a nei a. Chuvang chuan a damlaia a khawsak dan a zirin a thih hnu pawha a thlah kal zel te vanneihna leh malsawmna te, vanduaina leh anchhia te a la siam thei a, ram leh hnam tan a hlutna a la hung chhuak thei reng a ni. Eng tin maw?
Mihring chuan a damlai hunah rinawmna leh dikna nen, hmuingilna kawng, hnam nunkawng tha a zawh tlat chuan chu chu amah leh a thlah lo kal zel tur te tan vanneihna leh mawlsawmna, hmuingilna kawng a ni. Mi tamtak vanneihna leh malsawm dawnna kawng hi an nu leh pa, an pi leh pute nun kawng dik lo zawhna rah a ni thin. Chuti ang bawkin mi vanduai kan tih tamtak hi an thlahtute nun hman dik loh rah a ni thin bawk.
Chuvangin mihringin a damlai huna a mihring puite leh thilsiam dangte laka nunrawnna leh hnam tana thil tha lo a tih fo chuan amahin a damlaiin tuar anga a lang lo anih pawhin a thlahteah vanduaina leh anchhe dawng an awm ngei ngei thin. A thlah kal zelte malsawmna leh vanneihna kawng palchhiain anchhia a lawh tihna a ni.
Heng kawngte hi a ni mihringin a ngaihtuah a, a nunpui zawk tur chu. A thih hnua a awmdan tur a buaipui hi a tihtur a ni lo, a chanvo a ni lo. A damlai nunkawng a zawh that a, hmuingilna kawng a zawh mai hian a Pathian laka a chanvo a hlen a, mihring nihna famkimin a ding tihna a ni.
Thih hnu piah lam awm rinna hian kan nun a kaihruai tha tak take m?
Khawvel sakhaw hrang hrang zirtirna tam ber hian mihring nihna tawp huna kan thlarau emaw, nunna dang kan neih emaw awm dan tur suangtuahna hmang hian kan damlai nun hi kaihhruai an tum deuh vek a. Nimahsela, hei hian mihring nun hi a kaihruai tha tak tak em tih hi chu ngaihtuah tham tak a ni.
Mihring nunphung pangngai kan tih hian eng vanga thih hreh thin thin nge a nih? Eng vanga midangte nun laksak hreh thin nge a nih? Eng vanga mihring nun tawp mai thin hi ui em em nge a nih? A chhan chu mihring nihna hi siamtu Pathian hian a lo dah hlut em avangin mihring nihna tawp mai tur hi kan in ui a, midangte nunna titawptu nih phei chu rapthlak kan ti thin a lo ni.
Eng vanga tualthah hreh tlat nge kan nih? Eng vanga thil tha lo tih hreh thin nge kan nih? Thih hnu piah lam hremna kan hlauh van gem ni? Ni ta se, mi tamtak chuan midangin an hriat dawn loh chuan a thilsual tih chu an hreh leh lawi si lo. Anih loh leh kan lo hreh loh a nih pawhin eng vanga inthup thin nge kan nih?
A tak takah chuan thil sual tih kan hrehna chhan te, kan thil sual tih kan thup thinna chhan te hi thih hnu piah lama tawrh hlauhna thil a ni lo. Kan damlaia tawrh let kan hlauhna te, kan thlah kal zelte tawrh hlauhna vangte a ni thin. Mahse kan hlauh diktak zawk hi man thiam si loin sakhaw zirtirnate avangin kan nih lohna zawk te hi kan pawm nghet tlat lawi thin a nih hi. Kan nun kaihruaitu tak tak zawk hi pawm loin, zirtirna kan dawn hi kan pawm chawp mai mai zawk thin a lo ni.
Chuvangin i nih dan tak tak kha inbih chiang la, zirtirna i dawn avanga pawm chawp mai ni lo, i nun tak takin a tawn le hi chheh vela thil awm dante ngun takin, zalen takin ngaihtuah la, i mihring nihna tak tak le hi hriat phak tawk Pathianin a pek che chu pawm la, zir chiang la, i hriat phak loh tur thil lakah talbuai tawh suh ang che.
Similar Posts:
- Zo Sakhaw Zepui
- ZO SAKHAW ZEPUI
- Zo Sakhaw Zepui (chhunzawmna)
- Bible Hi …
- Mihringin thlarau a neilo !!
May 20th, 2011 at 6:32 am
Ka chhiar peih ang em aw?????????????????
Report this comment
May 20th, 2011 at 6:40 am
A va thui ve,,,,
Report this comment
May 20th, 2011 at 6:59 am
a ropui dap dap hle mai pu hnama nge2,,keini Lal hnam ho hi kan lo ropui ber mai, kristian inti ho hi engmah tak2 an ni lo,,pawh kan ti tur ani lo,,mithi inah chawnglaizawn te in ti mai mai
Report this comment
May 20th, 2011 at 7:02 am
Hnam Sakhua hi aaa……A TI VEEEEE ZIAHH……
Report this comment
May 20th, 2011 at 7:16 am
Nakin lawkah D_aua a rawn first leh mai ang
Report this comment
May 20th, 2011 at 7:20 am
Thih hnu a thlarau nunna i pawmlo ani maw..
Mihringte rindan leh suangtuahna, tawp mai tura kan inngaihngamloh avanga rinthu a phuah ani lo.
Isua Krista ringtu te chu helei taksa hi thi mahse thlarau nunna kan nei dawn asin.
ISUAN A HMANGAIH CHE
(network chianglo v-3 tryna lut m o-.)
Report this comment
May 20th, 2011 at 7:34 am
#5_________
Report this comment
May 20th, 2011 at 7:55 am
P-thianin mihring a din dante, thil-awm tinreng a din dan te hi i lo hre ve leh pek lo a ni maw ? Chuti te chuan Amah biak dan engtin nge i hriat ang le ? Zawhte pawh hi zirbingmite chuan a pianpui finna bak a zirtir(train) hleih theih loh an ti a lawm !
Apocalypto ka en laklawh e mai….ka kal phawt mai ang e !
Report this comment
May 20th, 2011 at 8:01 am
Thlarau chu a petu hnenah a kir leh, chu thlarau chu nunna thaw, a petu thaw ani. Adam’a Pathianin a siam dan kan hre reng ang chu.
I ziak thra thawkhat e, mahse I zawhnate I chhang kim chiang chiah lo emaw dik kim chiah lo ni in ka hria.
Report this comment
May 20th, 2011 at 8:20 am
Hnam sakhua chu hman deuh a pastor ngal roll thiam khan a roll ve che chuan aw!!i thlarau chhuah hma in i in hmu chhuak ve mahna
Report this comment
May 20th, 2011 at 8:38 am
pek a
Report this comment
May 20th, 2011 at 8:54 am
Tan hi chu ila chiang alawm
Report this comment
May 20th, 2011 at 9:09 am
Pathian aanga kal/pen bo theih ni teh lul e… Harold Camping-a pawh radio broadcaster a ni, thu tha tam tak a sawi, naktukah zawlnei der a nih chianzia khawvelin a hre chiang ve dawn!
Report this comment
May 20th, 2011 at 9:34 am
Report this comment
May 20th, 2011 at 9:40 am
Hnam Sakhua pa hi chu ninawm lamah akal tlat.a thu chhuah te reng reng hi luak pawt chhuak lam pang ani deuh vek leh nghal a.hahthlak e mai…..Shock hrep che ila,i pangngai leh zawkin ka ring te lo ti ngawt ila……
Hetianga tan la vak2 lo hian i thu pawmhi i tlang au pui duh tak tak anih chuan Bazarah te,TV ah te sawi ve la ti nia.i ngam leh awm tawp silo.a lang lo lam atang hian ilo phulve em em a…..
I RINNA HI TUMAN KAN TAWMPUI LO CHE ANI TIH HI COMMENT ZOZAI ATANGTE KHAN I HRE LO EM MAW NI??????TU MAH I HNEH CHUANGIN KEI CHUAN KA RINGLO PU RORELLIAN……
Report this comment
May 20th, 2011 at 9:45 am
Fast 5 ka download a.. cam .. kan en chin ange.. en tlak ve ang emo?..
Report this comment
May 20th, 2011 at 9:59 am
Hnamsakhua-a sakhaw thil bawk rawn post leh ta,, in pose ve ziah ..lolz..
Report this comment
May 20th, 2011 at 10:29 am
Thui veeee…topic hran deuh te hi???
Report this comment
May 20th, 2011 at 10:44 am
Ka chhiar chhuak a,Pathian a awm hi chu i ring em em a,mahse a hnena thlen i tum lo niin ka hria.Theistic materialism tiin i zirtirna hi phuah ta ila,a dik thei mai angem?I duh loh leh a dang phuah mai rawh.
Report this comment
May 20th, 2011 at 10:47 am
Hnam Sakhua hi nula a ngai tawh angem le, a la ngai lo a nih chuan Pawl-a’n a sairawkherh lian tawk in a lo sai ngei ngei ang hahahahah
Report this comment
May 20th, 2011 at 11:04 am
Ti leh ta nguai mai!
Report this comment
May 20th, 2011 at 11:25 am
I thu post te hi ngun takin ka bèlchiang ve thin a; ngaihdan nghet bür i neih ngam tlatna ka hmuh hian i ngaihsânawm khawp mai. Amaherawhchu, I NGAIHDAN LEH KA NGAIHDAN A INANG LO.
Chuti chunga i thu sûkthlêk dan chhiar theia ka la awm hi ka lawm a. Awmlo ata awma min siamtu Pathian kaihhruaina vang a ni. Engtikni ah emaw chuan nang pawh, kei pawh kan la thi dawn. Thih hnu lam nunna hi awihin awihlo mah la, a awm miau avangin i la hre tho tho dawn a. I khawvel nundan atangin rorelsak i ni bawk ang.
Hnam sakhua, midang sakhaw rinna lam hi sawizui vak tha berin hre ngai lo mah ila, kei leh Pathian inkara inzawmna, ‘vanram leihlawn’ phèt tuma hmala(eg.i thuziak) te erawh hriatchian a tha khawp mai (rinna dik zawk kan ring a ni tih min hriattir turin.)
Report this comment
May 20th, 2011 at 12:41 pm
aw!! . . pu Hnam nang mihring hriat chen hre tu mihring chuan i hre tam ber ang chu . . . .( post chhiar lo in post thupui leh post tu hming en chung in coment mai ang ).
Report this comment
May 20th, 2011 at 1:27 pm
Unaupa, “Engkim bul leh thil zawng zawng siamtu chu Pathian a ni” iti hi a dik khawp mai(khuanu tih i hmang ta lova, hma kan sawn hret e). Mahse mihring lo awm tan danah i chiang ta lo tlat mai le. He taksa hi vaivut atanga siam anih angin vaivutah vek a kir leh dawn a ni. Mihringte hi ramsa, thing leh mau te aia kan danglam leh ropui bik na, pathian min pek Thlarau chatuan mi kan nei tih i pawm thei tlat lo mai hi i khawngaih thlak ka ti. Keini chu kan thih hnu awm dan tur chiang taka hrilh kan ni. Pa Pathian rorelna hmaah kan la ding vek dawn a, Lal isua an rin duh loh avanga an thil tih sual phu tawka hrem hmuna hrem tur tam tak an awm laiin, Lal isua ringtu te chu, a tana kan tih ve chhun tlemte te avangin Lawmman kan dawng dawn tih kan hria. Hetia mi hmuhsit leh cheksawlh i tuar zawng zawgte lawmthu sawi letna dawng lova i taksa boral ruala a han tawp fel tawp tur hi chu ka lainat khawp mai che. +Kan thil tih that avanga malsawmna dawng tur kan ni lova, kan phu loh khawngaih chhandamna Lal Isua tuarna zara kan dawn avangin, kan thih ai thi a, thihna hneha tho leh atana nung zawk tur, thil tha ti atana chhandam kan ni zawk e.
Report this comment
May 20th, 2011 at 1:33 pm
A post tu pa in-”… thih hnua a awmdan tur a buaipui hi a tihtur a ni lo, a chanvo a ni lo. A damlai nunkawng a zawh that a, hmuingilna kawng a zawh mai hian a Pathian laka a chanvo a hlen ….” a ti a. A thuziak hi chik tak a ngaihtuah chuan a mah leh a mah a inkalh tlat tih a hriat theih. Thih hnu awmdan tur buaipui a ngai lo, damlai nun hman that a tawk a ti a. Mahse damlai nun hmang tha tur chuan thih hnu a awm dan tur buaipui a ngai a lawm. Kristian leh Muslim chu sawi loh, Buddhist leh Hindu te pawh hian tha tak a nun kawng an zawh na chhan chu, thih hnu a an awm dan tur an buai pui vang a ni ve tho. An thih hnu ah an thlarau chu thil tha lo tak ah a piang nawn( reincarnate) ang tih an hlauh vang in. Mi sual tak tak an lo pian thar a, nunkawng tha an zawh tak thin na chhan pawh thih hnu awm dan tur an buaipui vang a ni zel.
Report this comment
May 20th, 2011 at 2:47 pm
Mihring hian thui taka hriat dik leh thui taka hriat fuh loh a nei. Mihring rilru-ah hian CHATUAN dah a ni a; mi tin chatuan erawh chu a inchen vek lo a ni thei e —mi fing rilru-ah pawh, mi huih rilru-ah pawh, an phak chin ang zelan “an chatuan” chu dahsakin a awm.
Report this comment
May 20th, 2011 at 3:01 pm
@5___ @ 7_________
Post tha hle mai,….. thil i man thiam zar zar khawp mai.
Mahse chhut hmaih i nei ania. A chanve chu a tha ka tihpui khawp mai che. Mahse a lehlam Thlarau kal zelna lam pang thung khi a chhutna tur a “FORMULA” pawmawm tak awmreng hi ila hmufuh lo a nih khi maw le,….. …. ( Sam chhiarin) — Tawngtai tam leh zual la a aia nasain dil la; a hrilhfiahna i hmu mai ang, mahse i thinlung tui angin ti nem thung ang che, chapona nen chuan P-thian ah hmun a awm lo. 
Report this comment
May 20th, 2011 at 3:03 pm
A tha hle. Hnam Sakhua fan club din teh a.
Report this comment
May 20th, 2011 at 3:19 pm
Ngaihnawm ka ti khawp mai a… kei chu! Tin, thu tha leh dawn tithui thei tak2 thu inphum ru ka hmu nual bawk, rawn tizel rawh khai.
Report this comment
May 20th, 2011 at 3:47 pm
Sap tawng hi dah tawp ang e…If any one of you thinks he is wise by the standards of this age, he should become a “fool” so that he may become wise.
For we know in part and we prophesy in part,
Report this comment
May 20th, 2011 at 3:52 pm
DAWNTISEI:Kan inpawl a ; chi kanin thlah a, mihring a kanlo pian hian thlarau kan thlah pung ve tel zel chu ani phawt ang…. !!!!!
Report this comment
May 20th, 2011 at 5:41 pm
Ngaih tuah zui atan:- “Taksa tihlum a, Thlarau tihlum thei lotute chu hlau suh ula, Gehena-a Thlarau taksa tiboral theitu erawh chu hlau zawk ang che u. (matthaia 10:28) Chutichuan, mite hmaa mi tan apiang, ka pa vana mi hmaah ka tan ve ang, nimahsela, tupawh mite hmaa mi phat apiang, ka pa vana mi hmaah ka phat ve ang.(matthaia 10:32). Miin khawvel hi a pumin nei sela, a nun(soul) chan si sela, a tan engnge sawt ang?…chumi hunah chuan an thil tih ang zelin a rul theuh ang.(matthaia 16:26-27). “Mi a, zaninah hian i Thlarau an laksak dawn che a ni: i thil dehchhuahte kha tu ta nge ni ta ang le? Pu Hnam sakhuaa te ang chi hi pathian pawhin a hman duh zawng anih ka ring tlat. tih tawh lam chu ti tlat mi. i mit tih vara alo awma, thutak chu ilo hmuh chhuah ngei theih nan,Tawngtai naah ka lo hre reng thin ang che.
Report this comment
May 20th, 2011 at 8:38 pm
Comment chiah ka chhiar leh ta pek!
Report this comment
May 20th, 2011 at 9:20 pm
He i thu post chu leh… (mizo)hnam sakhua ah i let leh vek ang u i ti i ti si a, mizo hnam sakhaw rindan leh tihdan i rawn paihthlak leh lawi si chu a, nangmah leh nangmah, i rindan leh mizo hnam sakhua pawh chu an va inkalh leh si ve.
Hindutva in Hinduism an politicised ang, modernist Judaho vin Zionism hmang a Judaism an politicised te nen bawm khat a khung theih anni in ka hria, i rindan hi eng base mah neilo -tualchher philosophy a ni ber e, religion pawh a ni lo tawp mai, ti ila khuanu chu i la vuan leh lawi bawk si.
Thinker chu i ni e, chutah chuan ka
ang che.
Report this comment
May 21st, 2011 at 6:04 am
Chawnglaizawn hi mitthi thlah nana hman a ni ngai a sin. He thu hian Mizo sakhua a kalhna lai reng reng ka hmu lem lo.
Report this comment