Ka hmangaih em em che asin

May 21st, 2011 3:30 pm by zoho

Vawikhat chu hmelhriatloh nen kawng ah kan insu palh a,

‘Awh khaih, min ngaidam rawh, ka tihpalh’ ka ti a.

A ni pawh chuan ‘Keima thiamloh zawk alawm’ a ti a.

Hmel hlim tak in kan inthen leh ta.

In ah ka haw a, choka ah eitur ka siam lai chuan

Ka fapa kum nga mi chu ka hnung ah alo ding reng a.

Ka hmulo chuan ka su thlu palh ta a,

‘I ninawm, kalsawn rawh, lo awm hnai suh, ka buai buai nen’ ka ti ta hrep a.

Ngawi reng in a kalkiang ta a, a rilru a nat hmel khawp mai.

Chu zan chu ka muhil thei ta reng reng lo mai.

Aw zawite hian ka thinlung ah thu a rawn sawi ta a-

‘Hmelhriatloh ah chuan thatna leh hmangaihna I lantir a,

I hmangaihte lak ah chuan I thinrimna I hrithla si.

Choka a bawlhlawh bawm kha va hai la,

Pangpar I hmu ang,

I tan a a rawn hawn a nih kha,

A paih lai a a biang a beidawnna mittui luang kha I hmuh a hlau asin’ tiin.

Tunah chuan keima biang ah zawk mittui a luang ta thung,

Ka fapa khum bulah chuan ka thingthi a,

‘Bawihte, tho teh, heng pangparte hi ka ta tur em ni?’

Mutchhuak tak in a lo meng a,

‘Kan school huan a mi an nih kha,

A sen kha mawi I ti thin lutuk si a’ a ti ta ani.

‘Min ngaidam thei ang em? Ka vin che kha ka thiamloh der a ni,

Ka hmangaih em em che asin’ ka ti ta a.

(Kan fate ai hian kan hna leh sum, khawtlang, kohhran, inkhawm, pawl leh nuam kan tih dang te hi kan dah pawimawh ang e. Kan fate rilru kan tina fo a, hun kan pe tlem em em a, a pawi hnu ah kan inchhir leh si, a tlai hma hian kan fate leh fa kan la neih tur te theuh hi kan VIP te anni tih hi I hre nawn leh theuh ang u)

57 Responses to “Ka hmangaih em em che asin”

Showing 48 of 57 comments — the rest were not captured when this site was archived.

1
Mr.Chhurbura Says:
May 21st, 2011 at 3:35 pm
ka 1st khat ta hle mai.I sawi dik khawp mai,hmangaihte hi duat a tha nia. 🙂
2
sisen Says:
May 21st, 2011 at 3:37 pm
Luangliam nasa hle mai a (Y)
3
Benny Says:
May 21st, 2011 at 3:38 pm
A va han tha tehlul em. Tawifel si, huapzau bawk si. Thu pawimawh leh hlu tak a ni.
4
roseparvul Says:
May 21st, 2011 at 3:39 pm
awii ka first dawn emaw ka tia XD
5
Ignatia (33-115 AD) Says:
May 21st, 2011 at 3:41 pm
I philosophy hi Biblical lampang hlir emaw ka lo ti a, Philosophy of life lamah pawh i lo turu dawn hi le. A awmzia hle mai. I lo online hunah comment leh ang ka hman chuan. 🙂
6
Formerly Known as Fonz. Says:
May 21st, 2011 at 3:43 pm
tunah tak hian post schedule a awm lo
7
Mr.Chhurbura Says:
May 21st, 2011 at 3:44 pm
@Rose 10 parvuli,ka position hi ka kian mai dawn che emawni aw!!!! 😀
8
Phivawk Says:
May 21st, 2011 at 3:51 pm
Ka’n inpuang lawks…Nizanah ka fate (naupang tete 2)thilhote vangin phone hmangin ka han vin deuh hrep mai a,mut pawh ka mu tha thei lo. Zingah ka han be leh a, ka fanu kum 5 mi zawk phei chuan min lo be tha ngam lo…Ka khawngaih lutuk a aawwww.!! Post-tupa, i thu rawn post hi ka tan liau liau niin ka hria, insiamthat phah nan ka lo hmang ngei ang.
9
saint sammoo Says:
May 21st, 2011 at 3:59 pm
tha ve viau e
10
alchemist Says:
May 21st, 2011 at 4:04 pm
A tha hle mai… Hetiang tur hi a ni reng asin. Mizoram chuan pa tha tak pakhat a neih belh anih khi!!! (Y)
11
H.Vangchhia Says:
May 21st, 2011 at 4:06 pm
Fate han khak deuh fawk hi chu keimah hian a hnuah hreawm ka ti leh thin. An thlamuanna tur ber, an inghahna ka ni ve si a, nep tak leh vin khur khur a ka awm kha ka zak.

Hnathawhna lamah lo hah deuh phei chuan an infiam te hi a bengchheng hma dawn awn thin mai a, insumtheih leh fate/naupang zia hriatthiam hi alo van ngai tak em vele.

Aw a, hmanlai nun te hi koh kir leh theih se…
12
saint sammoo Says:
May 21st, 2011 at 4:07 pm
fanu hetiang ai nau hret ka nei. Ngaihtuah i ti thui hle
13
Thahminga Says:
May 21st, 2011 at 4:15 pm
He post avanghian Duatsual kan intihhmuh palh a nge aw….
A tul hunah chuan vuak pawh Bible in min phal sak kha …. (Y) Post..
14
loneeagle26016 Says:
May 21st, 2011 at 4:16 pm
POst tupa chu saptawng i thiam hle mai a….he thu hi sap fb user ho rawn post kha ka hmu thin a, tha ka ti thei khawp mai, a ziaktu hi nu fel tak ani… a dik ani…zirtir nei th atak anih hi…. (Y) 🙂
15
roseparvul Says:
May 21st, 2011 at 4:19 pm
van damme pawi lo. hmangaihna kan la na thau thau XD
16
sabretooth Says:
May 21st, 2011 at 4:24 pm
Post tha hle mai
17
eL Says:
May 21st, 2011 at 4:31 pm
a va ropui ve le…fa ka neih ve hun chuan ka hmangaih vangin ka duat ang a, ka hmangaih vang bawkin a tul hunah ka khak ang. Ka thinurna ka in hneh tir lo ang a. Aw…ti thei tak ang i maw??
18
Vitamin_C Says:
May 21st, 2011 at 4:42 pm
(Y)
19
Alanism theory Says:
May 21st, 2011 at 4:48 pm
Ngaihnawmin a ril hle mai,sialton official kha min hriatchhuah tir,ani chuan a nupui fanaute a chan a nih kha.
20
CyberThug Says:
May 21st, 2011 at 4:49 pm
tha khawp mai
21
zoho Says:
May 21st, 2011 at 4:50 pm
@loneeagle26016, fb lam ah an post elaw, ka lo hre hleinem, kum 10 liam ta, fa la neih hma a email a sap thiannu min lo fwd a nia,nizan khan ka haichhuak leh mai mai a, a ziaktu pawh ka lo hre hleinem, min khawih lutuk a, ka rawn vawmbei ve pawp mai mawle(sawilo lang chuan ka phuah emaw an ti ang a, min ngaihsan dawn tehlul nen, lal TSa teho vin, hehe..) 😀
22
sparta Says:
May 21st, 2011 at 4:52 pm
A dik lutuk, in vin vak vak hi thil trul lo tak a ni.
23
zoho Says:
May 21st, 2011 at 4:57 pm
In tilawmawm hlawm lutuk e, misual naupangho chu an vannei dawn hle mai, vuak hi chu last resort, vuak hial an ngaih tawh hi chuan a hunlai in nu leh pa in an tihtur reitak an lo tihtawhloh vang a ni duh chawk.
24
zoho Says:
May 21st, 2011 at 5:06 pm
@Krista, Bible Philosophy a dik chuan a dang zawng zawng hi an inher dik nghal thlup mai alawm.(a tahtawl zel in) 🙂 Miin Bible leh a zirtirna a pawm a, a nun a la dikloh chuan…hmm…something is wrong somewhere within him/her a ni top mai.(not talking a/b utopia & perfection but CHANGE and CONSTANT DEVELOPMENT)
25
Ozima Says:
May 21st, 2011 at 5:20 pm
Khai khai khai……..a thluk abcdaba tih emaw ni ang vel kha ni leh dawn emaw ka tia, ka lo chhiar lawk lova, @zoho ka superb like e (Y) (Y) (Y) (Y) (Y)
26
Thahminga Says:
May 21st, 2011 at 5:37 pm
@zoho, mi sawi hnu a ni emaw, sawi loh ani e maw.. a tha vek.. thu tha hi ch a tha tho tho… I Diary rawn post teh a … Misawi tawh chu tlem nak mai thei.. he he 😛 (Y)
27
zoho Says:
May 21st, 2011 at 5:40 pm
@Osama nau Ozima – ‘Fanau enkawl hlawhtlin dan thuruk point 101’ tih bu ka ziak mai dawn.. 😀 . Min fak a, lei pawh ka rap meuh tawh lo. 😀
1. Inchhung ah parent figure 24hrs a awm reng tur a ni. Hei vang hian kan nu chu a hna atangin ka bantir hmiah. 21st Century nu leh nula ho in enlet rawh u le.
28
zoho Says:
May 21st, 2011 at 5:46 pm
@Thahminga, chi loh reng reng. 😀 . zanin chu ka misual, ka meng rei em em, kan nu a rawn tho leh, min melh tha duhlo tih vel kha a tlar thla dul pek ang ah… i diary ah chuan. 😀
29
loneeagle26016 Says:
May 21st, 2011 at 5:46 pm
#21, Zoho, ..Fb hi account 2 ka siam a, 1 hi hnamdang pual deuh reuh, a chhan chu mizo pui bula saptawnga komen vel hi tul tih lohna ka nei a, touching deuh deuh rawn post an ching ! Khimi i rawn lehlin pawh khi tha ka ti a, mahse fa nei ve rih lo tan chuan han tihzui vak ngaihna awm lo deuh a. Short story touching deuh2, an rawn post thin. Lehlin/translate lam hi ka englo thenna ani vak lo aniang, ka hul ta tlat a, i dek nalh ka ti khop mai…i sawi fiamthu angin nangma irawm chhuak ang mai alom…. (Y)
30
keimah Says:
May 21st, 2011 at 6:05 pm
Tha thlawt e. Fa nei tawh tan chuan lesson ropui tak kan zir leh ta a nie! Post tha khawp mai. (Y)
31
Thahminga Says:
May 21st, 2011 at 6:06 pm
@zoho, kei chu kan nun min ziah sak thin a, ka chhiar ngai meuh lo…. 😀 “Matea ai in min duat deuh…. Mate a thil a hawn… min hawn ve lo zanin chu hre ve viau ang… ” tih vel maimai a ziak in ka van ring e…. 😛 😀 🙂 (Y)
32
jpaite Says:
May 21st, 2011 at 6:13 pm
I phuah a nih loh avangin ka’n hnual deuh ngawt a mahse, i kawmen #23 khian i nep lutuk lo tih chu a tarlang tho ve, zoho.
Ngaihtuahna thui tak min sentirtu post tlemte zinga 1 a ni e.
33
PKfanai Says:
May 21st, 2011 at 6:45 pm
13 Thahminga ka thlawp e. Fate hi thin rim avanga sawisak tur ani lova, an thatna tur atan atul hunah chuan thinur luih angai. Thin thawk thut vanga fate vin leh kut thlak a hnuah an inchhir chawk a, zilh leh thunun an ngaìh hunah an che chhuak thei lo fo thin a, naupang an spoil duh hle. Sermon tawi inspiring tak ani e. Thil pakhat leh chiah, thil tiam(promised) mai mai loh tur. Tiam tawh chu tih hlawhtlin ngei ngei tur.
34
Tluanga Chawngthu Says:
May 21st, 2011 at 7:30 pm
Zìrtîr a nei tha khawp mai. Tlangvâl renga ka putar lohva, tùmbu khâilêng îanga ka khäi hïl loh phawt chuan; nupuite neiin fate pawh ka la nei ve ngêi ang a. Chutih hunah chuan i ‘post’ hi ka hre chhuak thin ang.

Thu dang: Category-ah hian ‘Poetry’ hûangah khung lo ta zawk la. Mizo tawnga i dah tâk ràu ràuah chuan a fuh zawk ange’m âw ka ti deuh; ‘prose’ lam hûangah a mikhual lo zawk tlatin ka hria.

Tin, “Kan school huan a mi an nih kha” ti lovin, “Kan school huan a mi a nih kha.” Mihring tih lohvah chuan ‘an’ ni lovin ‘a’.
35
lianchhiara Says:
May 21st, 2011 at 8:19 pm
Rilru a khawih hle mai. Ka fanu ka vin zawh chiahin ka’n chhiar pek a! a va zia lo mai mai.
36
TuaiSialA Says:
May 21st, 2011 at 8:29 pm
@zoho: Fa ka la nei lo va, nupui phei chu ka la nei lo lehzual. Ngaihzawng hi ka nei zeuh zeuh chauh a ni. Mahse, Phivawk comment, #8-na nen khian min hneh takzet a ni. Tha ka ti lutuk. I lehlin a nih phei chuan i thiam lutuk ringawt. Mi hneh dan a ril khawp mai. Nupui fanau ka neih hunah chuan ka hmangaih vet vet viau ang. Khitiang lampang khi rawn post zel rawh.
37
Jewel Says:
May 21st, 2011 at 8:36 pm
Good post (Y) Comments 23 & 33 ava thra e… 🙂
38
KingJulien Says:
May 21st, 2011 at 8:37 pm
tawifel tak.ril tak.kim tak.omze nei tak.poimoh tak.a tha k t..ka ti…gud post
39
zoho Says:
May 21st, 2011 at 9:48 pm
Comment ngaihnawm hlawm kher mai. Pastor leh Kohhran Upa leh rawngbawltu thenkhat, an fate pawh hruai tha theilo ten kohhran leh mipui an la hruai ngam cheu hi engtik ah nge zah nachang an hriat ang aw ka ti thin. Politician, an fate hruai tha theilo hian engtikawng mah in ram leh hnam an hruai that hi ka ring lo bawk. Zirtirtu, an fate hruai tha theilo hian an zirlai naupangte hi engtin nge an hruai that theih ang aw ka ti thin.

Eng ang pawh in khawvel ah hian hlawhtling mah ila, kan fate enkawl seilen a kan hlawhchham chuan Pathian hian ‘Hlawhchham’ min tih hi ka ring bawk. A bik in fatherhood ah mizo mipate tan lak a ngai tak zet. Nupui neih hun diktak pawh hi 18, 21 tih vel a ni lo, chawm zawh hun leh enkawl puitling tur a kan inhuam hun hun hi nupui neih hun(leh fa neih hun) diktak chu a ni.
40
mr.Duhlova Says:
May 21st, 2011 at 9:53 pm
….a tha hle mai (Y)

…mahse balance deuh chu a ngai ang a (H)
41
TuaiSialA Says:
May 22nd, 2011 at 4:29 am
Ka chunga mi ho chu leh. Del dula.
42
TuaiSialA Says:
May 22nd, 2011 at 4:30 am
Bul tan that chu a chanve zo ang a ni.
43
CyberThug Says:
May 22nd, 2011 at 4:31 am
tuaisiala mai mai chu aw
44
chawnghilh Says:
May 22nd, 2011 at 5:21 am
A chanve zo chuan, a chanve hmabak a la nei. Fa sual leh thatchhe neih hi …
45
zoho Says:
May 22nd, 2011 at 3:49 pm
Heng comment mak deuh deuh hi enge ni? Admin te u, virus, spam? Ka post a nih vang hian ka ngaih a tha lo a nia,ka computer related a ni em? ka computer hi a vulnerable em ni? A hre deuh khan han sawi teh u…
46
lushai_er Says:
May 22nd, 2011 at 4:36 pm
@zoho, i feedback kha check la, IP add. pakhat atanga rawn chhuak vek anih ka ring. A IP kha i trace chuan tunge i hre thei mai ang.
47
zoho Says:
May 22nd, 2011 at 4:38 pm
A mak hle mai, post dang ah awm bawk si lo. :roll:
48
zoho Says:
May 22nd, 2011 at 4:47 pm
@lushai_er – ka thiam lo, feedback check? IP trace? E-mail atanga IP check chu ka thiam a, mahse comment hi chu ka thiam mai lo deuh…?