Mizo naupang tennis khel thiam Basil L Khuma chu Bradenton, Florida-a awm Nick Bolletieri Academy-a tennis zir chhunzawm tura thlan a ni. He tennis academy-a in zir tur hian mi nazawng tan a kal theih loh a, tennis-a hmabak eng tak nei bik infiammite tan lo chuan a kal theih loh. Hei bakah hian he hmuna zir tur hian sum tam tak sen a ngaih avangin hmun chan pawh a harsa hle.
Basil sponsor tu IMG Reliance –
Mizo naupang Basil-a hian talent a neih that zia chu IMG Reliance hotute’n an hmu a, Florida-a awm Nick Bolletieri Academy-ah hian zir tlak a nih ngei beiseiin trial nei turin an thawn thla. Tun thla tir lam khan Basil-a leh Indian naupang dangte chu he hmunah hian trial neiin an kal a, Nick Bolletieri Academy chuan Basil-a talent an hmuh hian zirtir chhunzawm zel tlakah an ngai a, IMG Reliance hnenah hian sponsor tlak a ni tih hrilhin IMG Reliance hian a zirna senso zawng zawng an tum dawn a ni. He hmuna zir tur hian tennis thiam chauh an ngai pawimawh lo a, court pawn lama an nungchang thlengin an endik vek a, Basil-a hi kawng tinrengah a tling a ni.
source http://vanglaini.org/ ah chhiarzawm theih
