Kan Ram Tan

May 27th, 2011 11:00 pm by ruatruatapa

Kan ram hian chhan a ngai a, a ‘min chhan ru’ tiin a auva. A chhan turin mi tlemte an pen chhuak a. Midang chuan kan nuih mai mai si. Thudik a awm a, thudik lo a awm bawk. Heng te hian mihring nunah bu khuar tumin tan an khawh reng a, a luhna tur mihringa chu mi rinawm lo anih chuan thudik lo hi a lut thuk zawkah a tang a, mi rinawm nunah chuan thudik a fu thin.

Khawvel hi a mum a, a vir bawk a. Chu chuan vanneih hun te, vanduai hun te a her chhuah pui a. Mihring dam chhungin ngai rengin a awm theih loh. Eng hi nge kan damchhan chu ni ta ang?

Mihring hi ngai reng a awm tur kan ni lova, hmasawn tur kan ni. Kan hmasawn tumnaah chuan thlantui far zawih zawihin hna kan thawk tur a ni a. Chutiang tura Adama leh Evi fa hrin te kan ni. Awlsam taka sum hmuh te hi Pathian remtihna a ni ngai lo. Miin thlantui far zawih zawiha hmasawn tuma a thawh a chunga a neih tur thil, a chanvo tur reng a chang hi a lawmawm a, a chang lo anih erawh chuan a kawng daltu chu tupawh nise a kit thiangah ngaih chi a ni dawn lawm ni?

I rilru a vakvai a, I beidawng a, khawvelah beiseina I nei tawh lova. Mi zawng zawngin an thlir thup che niin I inhria a, tanpuitu tur che han auh mai tur pawh nei tawh lovin I inhre thin em?

Chutiang atanga beiseina neih leh chu thil har tak a ni a. Mahse, bei hram chunga, ‘khawnge vawi khat chauh’ tia han insang phek leh te hnenah hian MALSAWMNA chu a awm thin.

25 Responses to “Kan Ram Tan”

1
muantea Says:
May 27th, 2011 at 11:07 pm
FIRST!!!!!!
Report this comment
2
aduhi Says:
May 27th, 2011 at 11:09 pm
a va han first chiang em!

Moral of the story: Never give up
Report this comment
3
misuala Says:
May 27th, 2011 at 11:10 pm
Tha hle mai
Report this comment
4
saint sammoo Says:
May 27th, 2011 at 11:23 pm
hetiang lam hi han post tam teh u. tha khop mai.
Report this comment
5
Benny Says:
May 27th, 2011 at 11:23 pm
Uhmm, third .!?.
Report this comment
6
muantea Says:
May 27th, 2011 at 11:24 pm
Beiseina pawh nei ngam tawh lote hi mi khawngaihthlak an nih laiin hruaitu tha chuan hun harsa-ah pawh beiseina a la nei fan tur a ni.
Report this comment
7
Benny Says:
May 27th, 2011 at 11:24 pm
Eee, va mak vee
Report this comment
8
Benny Says:
May 27th, 2011 at 11:33 pm
A mak hle mai ka third ve maw tia ka va suddenmuanga ve.
Beidawnna awm takah pawh beiseina meisi de ve ve hmua chhemnung tura bei ngat ngat tura tanla tlat thin mi chu hruaitu tha an ni
Report this comment
9
Rumtea Says:
May 27th, 2011 at 11:33 pm
‘Min chhan rawh’, ti a au rawl chu, chhanchuak turin misual ho chuan ‘heta hi ka awm e, thlaphang reng reng suh’ tiin an lo chhang a.
Report this comment
10
valtolo Says:
May 27th, 2011 at 11:35 pm
Ava’n pawimawh em! “…engkim a beiseia…” tih te pawh a awm kha mawle. Beiseina hi mihring min ti mihringtu a ni
Report this comment
11
Pakak Says:
May 27th, 2011 at 11:44 pm
tha hle mai
Report this comment
12
matea_tmj Says:
May 27th, 2011 at 11:44 pm

Report this comment
13
Krista Says:
May 27th, 2011 at 11:46 pm
I thuziak ka hmu ta e… A tha ka ti hle mai. A ril raih mai a.

Hlawhchham avanga zahna an tawn theih zawng zawng pawh hre vek chunga thil harsa bei tang tang mite hi an ropui ka ti thin ngawt mai….

Good Post.
Report this comment
14
CFL Says:
May 28th, 2011 at 12:00 am
“Beiseina hi miretheite chaw a ni” – Alfred Adler
Report this comment
15
Chalkima Says:
May 28th, 2011 at 12:48 am

Report this comment
16
CyberThug Says:
May 28th, 2011 at 7:25 am
A chhan turin mi tlemte an pen chhuak a, midang chuan kan nuih mai mai si. Ka sawi tum ka sawi chuan Tatrawta leh a hote an rawn pawr leh dawn emai, sawilo mai ang..
Report this comment
17
chawnghilh Says:
May 28th, 2011 at 7:31 am
Kan ram leilung chunglanga thil awmte leh chhungril atanga tui putte hian min chhan chatlak lo, kan chhan let a ngai e.
Report this comment
18
Alanism theory Says:
May 28th, 2011 at 8:17 am
Tuna kan thiltih thin hian beisei dan tur chu engemaw chen a hril a,thil tha lo kan tih chuan thil tha beisei chu a har khawp ang.Mi in an lo tawn tawh hnu a nih chuan beiseina chu rinna-ah a in let(convert) fo thin.Thil tha beisei tur chuan tun a thil tha tih hi a pawimawh a ni tih he post atang hian ka ngaihtuah a,tha ka ti khawp mai.
Report this comment
19
ruatruatapa Says:
May 28th, 2011 at 8:42 am
He ram tana ka tih theih hi a tlem ngawt mai

A chang hi chuan ka pik leh up up thin a, muhil thei lova ka ngaihtuah chang a tam….

In comment-ah ka lawm e…
Report this comment
20
Gerrarda-pa Says:
May 28th, 2011 at 12:38 pm
Post thra dup dup hle mai a. Kan ram kan vei hi a ngai a ni. Mahse, kan ram kalphung mil a kan vei a ngai. A chhung atanga siam emaw lam te hi………….
Report this comment
21
swiftymcvay Says:
May 28th, 2011 at 12:39 pm
a va han tha kher em! Ka beidawn rum2 laiin ka chhiar a, a ropui ka ti hle mai
Report this comment
22
ruatruatapa Says:
May 28th, 2011 at 12:50 pm
@Gerrard-a: A chhung atangin a nia kan vei Mahse, Party Politics atang luhchilh khera vei erawh ka tum rih lo
Report this comment
23
H.Vangchhia Says:
May 28th, 2011 at 12:53 pm
Fuihna tha tak ani e
Report this comment
24
mate ainawn Says:
May 28th, 2011 at 4:02 pm
Awi-ha..muantea First ve nia…Hei vang hi ni maw fb lam ah First i rawn fak vel…

ruatruatapa chu dek tha ngei mai..
Report this comment
25
ruatruatapa Says:
May 28th, 2011 at 7:33 pm
@ Mate ainawn : Pu Muante hi kumina a first ve na ni hialin ka hria a. A lawm em a, kan lawmpui anih kha….

Dalpuithu em ni min chah kha? A uih awm em mai, ka hawn duh dawn em mawni le?
Report this comment