‘Isua lo kal leh a hnai ta, van chhûm chunga chuangin a lo kal mai dâwn. Mi sualte hlauin an khûr ang…’ tia thusawi lauh lauh, harh riai ruaia ka hriat chu Hmunhmêltha khuaa kan thuhriat upa ber a ni mai awm e…
Kum 1923 thlasik lai a ni a, kan vûr dawh en ka châk avangin ka thangharh hma pawh a ni thei e. Tlai lamah mau phel te, tumbu kâwr te tuikhur ruamah kan keng a, tui kan chhûng a. Khawvâwtin a lo hmet khal a, chu chu vûr tla kan ti mai a ni. Mawngtam khuh chi chi tualkawr kan nei a, a bân ding lam chu hnap hrûk nân kan hmang mai thin a, a khâk khawng tlar thin. Chu chauh chu kan kawr neih a ni a, mau phela vûr chu kan pawm haw a, tumbu kâwra mi chu noah kan dah khâwm a, tapchhakah khûr hlawk hlawk chungin mei lum kan ai a, vûr tlang chu kan khel thin…
…‘Khasi ramah leilet zir turin Bawrhsapin min tîr a, ka lo haw chu bâwng hal khat min pe a, leilet ka siam tan ta a ni’ a ti. Khasi khuan lei hi tlang lian tak takin an chêk khawk a, an let thawk thin, chuvang chuan keini pawhin ‘leilet’ kan ti ta a ni awm e. Leilet neiho chuan bâwngin lei kan ‘rit’ kan ti a, bâwng nei loin bâwngtuthlawhin kan ‘chêk’ kan ti a. Leilet nei ve loho chuan ‘Kan rît, kan chêk’ kan tih hi ‘leilet’ min tihsak ta vek mai zawng a nih hi.
Hêng hun lai hian leiman chêng hnih a ni a, hmeithai chu an awl a. Naupang chhia tak zet la ni mah ila, mipa fa kan ni ve miau sia, keini chu kan awl ve lo. Ka nu hian buhfai a tuak a, dawrawn vûm thar hi chêng khatin Chawnchhimah a han hralh hrâm a, Doctor babu-ten an lo khawngaih lei thin a ni. Phur hnih a ngah chuan leiman pêk tur chu kan nei ve mai……….
Chhiarzawm duh tan https://www.revzairema.com/?p=559
May 31st, 2011 at 12:37 am
Chhiar ila..
Report this comment
May 31st, 2011 at 1:06 am
2nd
(Delete su aw)
Report this comment
May 31st, 2011 at 1:34 am
Hmun dangah lo chhiar tawh mahila ka chhiar leh ta tho e.
Report this comment
May 31st, 2011 at 1:58 am
#3…bulbman chu leee…
Report this comment
May 31st, 2011 at 2:16 am
khasi ho bula bawngtu-thloh sawi chu an nui tawp thei lo
Report this comment
May 31st, 2011 at 5:14 am
Ngaihnawm hle mai
Report this comment
May 31st, 2011 at 8:40 am
Hmunhmeltha hi kan naupan laia ka kal bak kha ka la kal leh ta lo. Kal leh tur a ni.
Report this comment
May 31st, 2011 at 9:42 am
Rev. Zairema[L] site hi intlawh ve ngei ka duhsak che u, a article tha tak tak chhiar tur a awm a…………….an la rawn update zel turah pawh ngai ila. Misual.com-a kan inhnial luih luihna ang te hi Pu Zairema article-ah hian a chepa kaiin a ziak hlawm a, chhiar ngei chi a ni e.
Report this comment
May 31st, 2011 at 9:58 am
Khur hlak hlak a vur tlang khel khi hahaha….ka tet lai a nih ve duh hmel
Mizo ho in rethei te kan chhawmdawl thin tih hi ka awih vek lo.
Report this comment
May 31st, 2011 at 11:01 am
#9, inchhawmdawl tur bik awm loh lai te pawh a awm ve aniang, Pu Zairema[L] pawh hi Zarkawt laili laiah in tha deuh a neih tho hi……
Report this comment
May 31st, 2011 at 12:28 pm
Pu Zairema article chu hralh ava tla vak lo ve ? hmeichhia nge minu chungchang a ziah te hi kei a tha viau hian ka hria a, Mizo High School pian lai, bible thusawi tih te khi chu chhiar hram atan a tha khawp mai.
Report this comment