He thu lo chhiar tu zawng zawngte kan pi leh pute biak Khawzîng Pathian hmingin duhsakna chibai ka bùk a che u. Kan thupui thlan, ‘Sakhaw serh leh sángin nun a kaihhruai theih dân,’ tih hi ka sawi ngaihnawm thiam lo ang tih erawh ka hlau hlé a ni.
Engpawh ni sela, hre famkim tàwk lo hle mah ila, kan hriat ang chhun pawh kan sawi vek sêng lo ang a, kan thupuiin min kawhhmuh a tum lam kan hriat fiah theihna tûr tàwk erawh chu kan ngaihtuah dâwn a ni. ‘Sakhaw serh leh sáng,’ han tih hian a huap zau hle mai a, eng sakhua pawh ni sela, serh leh sáng nei lo chu an awm kher âwm lo e. Hinduism te, Sikhism te, Zoarastrianism te, te, Judaism te, Christianity te, Islam te leh Mizo sakhua ngei te pawhin serh leh sáng chu an nei vek a ni.
Khîng kan han sawi tàkte zîngah khian Kristianna leh ‘Mohammedant,’ an tih mai, Mohammed-a zuitùte sakhua(Islam) khi hnam sakhua a ni lo a, a dang zawngte erawh khi chu hnam sakhua, an hnam tâna Pathianin a pèk a ni vek tih theih a ni. Hèng sakhaw pahnihteah hian ‘Sakhaw kal sual,’ tia sawi theih tûr chî hi a awm duh hle a, hé mi chungchâng hi tlêm kan hrût hmasa dâwn a ni.
Sakhaw serh leh sáng hian a tha lam a chhe lamin nun hi a kaihruai nasa thei èm èm a ni. Judaism hi kum B.C. 2000 vèlah khân a lo intan a, Kaldai rama Ur khuaah chuan milem be thîn Tera chuan fapa a nei a, a hming chu Abrahama a ni a, he tih hun lai vèla lo piang hi a ni. A lo len deuh hnù chuan a pa milim siam chawp biak chu a duh ve lo a, hreipuiin a chèk chhe vek a, ani chuan engkim siamtù Pathian Jehova chu a bia a ni. Hei hi Juda hnamho sakhua Judaism intanna a lo ni tà a ni.
Tichuan hé sakhaw dân bù hian milem biak te, mahni mihringpui Pathian anga biak te a khap tlat a, serh leh sáng zawm tûra pui pawh a ngah hlé a ni. Nimahsela hé sakhua atanga pêng chhuak Kristianna, ‘Christianity,’ an lo tih thin chu Judaism sakhaw serh leh sáng thenkhat bâna a then la pawm chungin kum 30 A.D. hnu lamah khân a lo ding tà a, Judaism sakhuain milem biak leh Pathian anpui siama biak emaw, mahni mihringpui ngei Pathian anga biak emaw an duh loh laiin, a duh lotùte zînga mi, mihring Isua ngei chu Kristiante chuan Pathianah an be tà.
Kum 70 A.D. hma lam deuhah phei chuan an sakhaw serh leh sáng thilah inhnialna te a chhuak a, an buai an buai mai a ni. Hun a lo kal zél a, an sakhaw serh leh sángin tih tûr leh tih loh tûr a phùt avânga an kalkawng zawh zélah chuan indona râlthuam hial an lo chelek tà a ni. Kum zabi 20-na tâwp lamah phei chuan hé sakhaw pawmtù thenkhatte chu indona râlthuam nêna infamin United State ramhnuai pùk pakhatah an awm a, an state sawrkâr sipaite chuan man tum mah sela, râlthuam an neih ve si avângin an man thei bîk lo a, an chàkkhai làkna an dangchat a, an tâm chhuah tà a.
Tichuan, an chàkkhai làkna a pin tàk avâng chuan an awmna pùk chhûngah chuan an inhál hlum ta ringawt mai a ni. Heti ang chî deuh bawk hi Africa khawmuala Ethiopia ramah a thleng tawh bawk a ni. Tún thleng hian Lebanon ramah chuan râlthuam nêna inbeih peih sà rengin Kristianho chu an la awm a ni. Tichuan, Kristiante sakhaw serh leh sáng dân chuan an nun a kaihhruaina avângin sakhaw dangte nêna inngeih loh phahna a thlen a, India ram ngeiah pawh buaina a chhuak ta fo a nih hi
Judaism sakhua atanga lo pêng chhuak ve bawk Islam sakhaw zuitù Mohammedant-ho hi an sakhaw hruaitù Mohammed-a chu kum 540 A.D.-ah khân Mecca khuaah a lo piang a, a sakhaw thu hril avângin a pianna khuate nên an inmil ta lo a, an khaw thenawm Medina-ah a kal chhuak tà a. Medina-ah chuan sipai a din a, a zirtîrna duh lotùte chu panin a sipaite nên chuan Mecca chu an va rûn tà a ni. Chuta tang chuan indona hriamhrei chuh zélin Jerusalem khaw inchuhnaah te chuan Kristiante nên râlthuam chelekin an indo ta thîn a ni.
Tún thleng hian khawvèl hmun hrang hrangah buaina chawk chhuaktùah an la tang reng a. An sakhaw serh leh sáng zawm dik duhna chuan khawvèl pawh a tirâlti ta a nih hi. Kristiante ang bawkin Muslim dân leh thurin(serh leh sáng)-ah chuan, ‘Heti zâwng hi a ni zàwk,’ tia inhnialna lo chhuakin a kal firfiak pâwlte an lo chhuak a, chùngte avâng chuan khawvèl pawh a râlmuang ta lo réng a ni.
Hèng túna kan han sawi tàk sakhaw pahnihte hi hnam sakhua an ni lo ve ve a, khawvèla hnam sakhua awmte hian buaina an chawk chhuak khât hle a, sawi tûr ting chuan khawii hmunah emaw chuan an lo chawk chhuak ve mahna le. Keini Zofàte pawh hian kan pi leh pute atang tawh khân sakhua kan nei a, chu chu hnam sakhua bawk a ni. Engtik hun laia lo intan nge tih erawh chu sawi theih a ni ta lo.
Murekeka khuangchawi hma daiha intan tawh a ni tih erawh chu sawi theih a ni ang, a chhan chu kan pipute khàn an thih hnùah an thlarau chu Pialrâlah faihawt ringa nuam taka a awm theihna tûrin an sakhaw kawngkal indawt zéla an hman thinah khân a tâwp berah khuangchawi hian hnù an khár thîn a, ropui lehzual an duh chuan khuang chu an chawi nawn leh zél mai a ni. Chuti anga Murekeka pawhin khuang a lo chawi tawh avângin, ‘Murekeka Khuangchawi,’ tih hi hriat a lo ni tawh a. Zofàte sakhua lam hi i han bih ve leh teh ang.
A hmasa berah chuan kan sawi tawh ang khân kan pi leh pute chuan an thih hnùah an thlarau chu Pialrâlah fai sa ringa nuam taka a awm theihna tûrin an sakhaw kawngkal indawt zéla an hman chhohnaah khân serh leh sáng an ngah èm èm mai a, an ulukin an puithú hle a ni. Sakhua an hmanna réng réng chu puithuna serh leh sángin a khat vek tih theih hial a ni mai âwm e. Chu chuan an inchei dânah te, an ei leh in dânah te, an zâi leh lâm dânah te, an eizawn dânah te leh an khawsak dân engkim maiah, an nun pumpui kha a kaihhruai avângin mahni chauha an khawsak lai te leh vântlâng zînga an khawsak lai pawhin nun fîmkhur tak leh mi dangte tâna hnawk loin nun an hmang a; mi dangte tâna hnawk ahnehin tlâwmngaihna nun mawi leh duhawm tak te, huaisenna te, chhelna te, mi dangte tân, tanpui ngaite tanpui nân te, hawihhâwmna te, dikna te, rinawmna te, taihmàkna te an nun chhuahpui tlat zàwk thîn a ni.
Chuti chuan an sakhaw kawngkal indawt chho ang zéla sakhaw serh leh sángin tih tûr leh tih loh tûra a phùt zawng zawngte zawm kim thlap tûra harsa tak leh hautak èm èm chung pawha taima tak leh tha thlah hauh loa an beih tâng tàngna chuan Pialrâl kai beiseina mai bàkah khaw khata mi langsâr leh zahawm, lal meuh pawhin a zah tham dinhmunah a dintîr a; chuti chauh pawh ni loin anmahni leh an thlah kal zélte thleng pawhin nun mawi leh zahawm nunpuiin siamtù Pathian zahna nun a neihtîr thîn a ni.
A dawtah chuan, Zofàte sakhaw serh leh sángin zawm tûra a phùt ang zéla an zawm hrám hrámna chuan engkim siamtù Pathian hi a awm tak tak a ni tih hriat chiannaah leh, chu siamtù Pathian chu a zahawmna te, malsâwmna pe thîntù a ni tih hriatna atangin, a hnèn atanga malsâwmna dawn leh zél tûr a nihzia hre chunga an chaw ei dâwn apianga an bâr hmaa siamtù Pathian hnèna a malsâwm sà pèk lèt ve thung duhna rilrù nei thei tûr khawpa an nun a kaihhruai dân te hi a ropui ngawt mai.
Tin, vângtlâng zînga an awm lai leh mahni chauha an awm lai pawha siamtù Pathian chu an vèlah a awm ve reng a, a hmu reng a ni tih hriatna avânga siamtù lakah engmah zèp leh puanhnuai a awm theih lohzia hre chunga zah taka ramhnuaia mahni chauha chaw an bâr dâwn pawha an bâr hma ngeia, ‘Khua tlai,’ tia chaw leh chawhmeh tlêm té an theh hmasak ziah dân te leh, khaw thar hmun tûr an ennaa ârpa chhiarkhuan kenga, an khaw thar hmun tûra âr a khuan leh khuan loh atanga chu hmun chu luah theih a nih leh nih loh an chhùt dân te hi chîk taka han ngaihtuah hian, kan pi leh pute’n siamtù Khawzîng Pathian an lo zah thiamzia min hriattîr a, an sakhua chuan anmahni mai ni loin an thlahte thlengin siamtù Pathian zahawmzia a hriattîr a ni.
A dawt lehah chuan, chaw eina hmuna naupang tawng lo tûra an inzirtîrna te leh, chhûngkhat nù leh pà berin thiang leh thiang lo an zirtîr thinna leh anmahni ngei pawhin an nunpui thin avângin îhé loa an tù leh fàte’n an zawm mai thei te, tún lai mi tam tak anga tleirâwl sual pawh nei loa an sakhaw serh leh sángin a kaihhruai thuizia han hriat hian an nun chu a lo ropuiin a lo zahawm tà a ni.
Chu tak chu an thlahte zélin an chhui ve zél a, he tih avâng hian a ni, Mizorama Sàp missionary lo kalte khàn an rama chawlh hmanga an haw laiin an hnathawhna Mission report an pèknaah pawh, “Kan awmna rama hnamte chu hnam kawlhsen tak leh hlauhawm tak, máwl tak, mahse an khawtlâng inrélbâwl dân te leh an nun chu a mawiin an hawihhâwm èm èm a, hnam máwl leh lehkha pawh nei lo ni sîin hnam changkáng tawhte nun ang hi an pu si a, an tawng lah chu a mawi èm èm mai a, khawvèla tawng mawi ber ber a tling hial ang,” an ti thîn a ni âwm e.
A tâwp berah chuan, kan sawi tawh angin an sakhua chuan serh leh sáng, thiang leh thiang lo a ngah kan tih tawh kha, ‘Khaw chhûnga hmeichhia leh nunau tithlabâr zâwnga chèt chîngte chu an chithlah tam hmain tihhlum tûr a ni,’ tih te hi an serh leh sáng zînga an thu inrochun chhâwn zél a ni a. Sa hrâng leh râl hmaa engmah ni mang si lo hi tún lai thleng pawh hian an ngam zâwng vete rîkràp an chîng duh viau a ni. Heti ang mi hi khawtlângah mi tangkai tak nih aiin mi hnawksak an ni duh phian zàwk lehnghàl.
Heti ang kawngah te hian an sakhaw serh leh sáng chuan kan pipute nun kha anmahni leh an tù leh fàte thlengin a tha lamin a kaihruai nasa hle a ni tih a hriat theih a ni. Tin, khuang vawi thum chawi tawh chinte’n an thlawhhma buh tha lai ngei chu mual khat kha, a mual pumin chung lêng savàte leh hnuai lama ramsà leh nungcha dangte ei atân khèkin chu mi muala an buh hmin chu an seng tel ngai lo a, ‘Zuva hrâi,’ an ti a ni. Chuti anga an tih chuan Khuanù hnèn ata malsâwmna tam lehzual dawnna tûr a ni an ti.
Tin, lo hâl tùkah hian thlai chi thlàkin an feh nghàl ngai lo a, an lo hâlah khân savà leh nungcha dang tam tak kâng hlum ngei tûrin an ruat a, chùng kâng hlum tàte sûnna nî atân hmangin nilêngin awm nî an kham thîn a, ‘Kâng râl nî,’ an ti. Ti chuan chu mi lo hâl tùk atanga a tùk thumna nîah chuan ramah âr nên Puithiam hoin an chhuak a, Kâng râl inthàwina an va nei thîn a. Puithiam chuan, “Chivai……, Khawzîng aw, Pathian aw, kan nun chhiat vânga kan tih a ni lo e, kan eizawnna kawngah chung lêng thlakhâwngte leh hnuai lama fuliafàte kan râl palh e.
I hnènah thuphâ kan rawn chawi e,” an ti thîn a ni. Hei hian Khua Pathian thil siamte an zahzia te, a siamtù Pathiuan an zahzia te leh a pawisawi an duh lohzia te a tilang chiang hlé âwm e. Tin, thangchhuahpà nih theihna tûra an sa kah tûrte hi pakhat kah harsa tak leh vâng tak a nih chuan a âiah hauhúk an kàp þhîn a, túl tâwpkháwkah lo chuan hauhúk hi an kàp ngai lo a, tûlna awm loah ramsà leh savà dangte réng réng pawh hi a pâwnga takin an that mai mai ngai lo, sakhaw serh leh sáng hian an nun a kaihruai tha èm èm a, hei hian kan pi leh pute nun lo ropuizia min hriattîr a ni.
Aw le, kan pi leh pute nun mawi tak mai leh hnam máwl anga chhiar ni sî, an nun leh khawsa zia te kha khawvèl hnam dang tam tak hian han hre chiang ngat sela chuan mak tiin an entawn ve hial ang e tih mai tûra mawi a ni e. Thu máwl té té anga lang an inrochun chhoh zélna chuan an tù leh fate a hruai tha a, ‘Kawng chhakah e la, kawng thlangah zung rawh,’ tih mai te pawh hian an thlahte zél chu nun dân tha leh dikah a hruai thîn a, ‘Tuikhur hnârah an e ngai lo e,’ tih te chuan hnam nun chu kawng dikah a kaihruai thîn a ni. Heti ang khawpa nula leh tlangvâl, tleirâwl sual pawh nei ngai lo hiala lo zirtîr thîntùte hi an va lo ropui èm!
Similar Posts:
- Hmeichhia leh chakaiin sakhua an nei lo
- Zo Sakhaw Zepui (chhunzawmna)
- Chungkhuanu (Pathian)
- MIZO SAKHAW BIAK DÂN LEH A TOBUL ~ 2
- Zo Sakhaw Zepui
:-D
June 2nd, 2011 at 6:57 pm
Thihna hneha tho leha tuna vana kan tana hmun siam mek, kan Lalpa Isua Krista hmingin chibai ve thung le. A ni chuan a hmangaih chea; I inlamlet hun nghakin beisei takin a thlir reng che a sin.
June 2nd, 2011 at 7:01 pm
@2nd_____ 😀 😀
Chhiar ang aw….. (thui tha bawk a… 😀 )
June 2nd, 2011 at 7:11 pm
I post ka chhiar chhuak peih lo! Judgement day lo thleng se,kei chu Kristian piangthar dik tak ka ni bok a,tunge hlim a lawm a,tunge tap chu kan la hria ang chu.. I pianthar ve ngei theih nan ka lo tawngtai pui a che.. In lam let vat rawh. I tan hun a tlai palh ang e.. Chuan, i thil post reng2 hi feedback ngaihthlak na chang hria ang che. I true identity ka hre chak khop mai.
June 2nd, 2011 at 7:13 pm
Ka chhiarzo vek peihlo na a,thil ni thei tak tur a ni..I soi ho khi ngaihtuah chet chet in buaina chu rinna 2 i tihte omna ah hi chuan intihbuaina a tam deuh bikina siat i hrethui over Avrahama Aan apa Tera leh anu Amtalai-i te milem zorh a vuak chhiatte i hre vek hi mi enge maw tak chu i nih ngei ka ring..Nice post.. 😀
June 2nd, 2011 at 7:13 pm
ohhhoooo…quiz style in he post chu ‘pass’ mai teh ang :-O
June 2nd, 2011 at 7:21 pm
i va ziak tha ve, ka ngaisang che …i signature ka duh hnamsakhua
June 2nd, 2011 at 7:22 pm
hnam_sakhua bawk… i thil rawn sawi hi a dik ve thei tho thin mai ah.. I post hi ka la chhiar lo.. Ka hman hunah ka lo chhiar ang.. Sakhua lo intan dan hi sawi tam vak hian awmzia a neih ka hre lova.. Religion lo chhuah dan hi politics vang ni deuh in ka ngai a.. Eg. Constantine a pawh khan religion hi a politicise a, a hmangtangkai thei hle a.. Hriat ve mai mai atana ka sawi duh chu… Kerala a Christian inti te khu 1st AD vel atang khan kristian an lo ni daih tawh a ni awm e. St Thomas kha Kerala a ah kal ve ani awm e.. Kerala a orthodox ho khu Mizo Cristian kan nih hma kum 2000 vel ah khan harhna an lo chang daih toh tihna ani. Chuan Goan ho hi a tlangpuiin catholic an ni deuh vek a, achhan chu Portugese lo awptu te convert an nia.. aa.. sawi peih tawh lo.. religion chungchang chu sawitur a tam thei em mai….
June 2nd, 2011 at 7:25 pm
Mi dawihzep thuziah..mahni post pawh vil ngamlo.. Sakhua chuti khati ti ve ziah..hre tak tak si lo thuziah hi ka chhiar kher a tul ka hrelo.. A khawzing pathian(p hi p te ka hmang) bia se.. Keiin Pathian nung ka bia ang! MI DAWIHZEP A NIH HI!
June 2nd, 2011 at 7:30 pm
Thu bengvar thlak tak ani e; kalo dah tha ange..
Kristian tha inti; tawng tlahawlhve tak tak te bauh rawn tawk a tling leh ang cu !! 🙂
June 2nd, 2011 at 7:35 pm
@hnam sakhua: ka rawn haw dawn a in inah kan MI dawn kha aw, i thiangzau hmel bawk a vei lam leh dinglam nen kan MI ang 😀 😀 july thla tirah i address ka rawn zawn chhuah theihna turin min lo e-mail rawh ………….. cial rem rem ang chu aw. 😛
June 2nd, 2011 at 7:35 pm
Khai..chhiar ang aw ni
June 2nd, 2011 at 7:41 pm
Inkhawm na ah hian Sermon an sawi nazawng hi ding takin ka ngaithla zo hleithei thin tlat lo, suangtuahna lamah hian a tawp ah chuan ka lut leh nge nge thin 🙂 Enge maw phobia te pawh a lo ni reng mai thei ni. Hnam sakhua post hi a tuimi tan chuan a ngaihnawm thin ngawt in ka ring, mahse para hnih na thleng hian tih luihna in ka chhiar hram thin a ni e. “E” ti in ka lo comment ange
June 2nd, 2011 at 7:50 pm
Climate leh weather hian culture a siam a, a influence bawk a. Sakhuana hi culture peng khat ani. Tichuan HK sawi angin Islam leh Christianity hi tualto sakhua ni velo ani ta a. Chu vang chuan ani pek ang Mizoram ah hian Kristian sakhua hian min siam that theih miah loh.
June 2nd, 2011 at 7:51 pm
Nimin paiha post sei tawk kha ka chhiar a thlir na tlang dang atang chuan thil ni thei ve awm tak ani. Mahse han chik deuh chuan ziak pawh nilo mi thenkhat rin thu vel mai mai a ain nghat erawh a ho in belh chian erawh ati dawl lo deuh mai pawh a.
June 2nd, 2011 at 8:02 pm
i taimak hi mawle..i ngaihsan awm phian zawk e
June 2nd, 2011 at 8:20 pm
(H) 🙂 😀 (N)
June 2nd, 2011 at 8:28 pm
Thui mai2 ve…,,
June 2nd, 2011 at 8:32 pm
Hnam Sakhua post hi ka la comment ve miah lo in ka hria a. I rawn post tirh atang khan ka lo chhiar ve char char thin a. A ngaihnawm ka tiin chhiar a nuam thin ka ti. Mizo Tawng pawh i thiam. Mahse, tunlaia i post ho te erawh ka chhiar ngai ta lo. A chhan chu, a sei thei eeee…. :-O . Lehkha zir kar laka rawn lut zeuh zeuh tan chuan chhiar na hun a awm lo thin.
June 2nd, 2011 at 8:37 pm
Hnam sakhua that ve na deuh chu a post reng reng hi wiki, google tih vel emaw, saptawng translate emaw tih mai pawh nilo, ama irawm chhuak hian thui deuh a ziak duah zel rilru a seng tih a hriat……. mahse rinna chu thu dang nise (H)
June 2nd, 2011 at 8:41 pm
Kei leh ka chhungte hi chuan Christianity hi kan pawm a, kan la pawm zel bawk ang.
( I thu post hi ka chhiar ta lo mai; i sukthlek ka hriat tawh avangin)
June 2nd, 2011 at 8:44 pm
Chhiar miahlo. Mahni post a vil peihlo em mai. (N)
June 2nd, 2011 at 8:50 pm
Juda sakhaw zui tute nen hian Thuthlung hlui chung changah kan in thu rual hle mai a, nang nen pawh hian in thu rual em emna kan lo nei reng anih hi. Keini pawhin Zonunmawi hi kan chawi sang khawp mai a, Thalai pawlte pawhin “Zonunmawi beih pui” te thlakin “Kum puan” te an siam hial a ni. Hemi kawngah hi chuan, ka support khawp mai che. mahse Vanram thlen theihna “Kawng” erawh chu a ni lo. Kan sakhua leh Pathian fapa Isua Krista min chhandam tura mihringa lo chang erawh hi chu bei fo lo la a tha ang. Mosolman zingah Allah emaw, Mohammed emaw, Koran emaw sawi chhiat chu, “Arte thiha thihna” ani mai. Chutiang zelin sakhaw dang pawh. Tunah pawh, “mihring Isua ngei chu kristiante chuan Pathianah an be ta a” ila ti hram a, a tul lo khawp mai. Kristian kan nihna a lang a, kan dim dawih viau zawk che a lawm le. Tin, Buddhist sakhua pawh hi eng hnam sakhua bik mah ani lo tih kan sawi tel hram a nge.
June 2nd, 2011 at 9:12 pm
I’m a christian by faith and the Baptist Church of Mizoram by denomination. Chuan nang hmam sakhua in ti pa Ramhuai tlawn reng2 khan khawsa leh la, ramhuai bawih ah tang zel ang che.Chuan, eng sakhua pawh lo ni ta la, i sakhua vang in chhandam in i awm lovang.. Post vil ve thin ang che. Fone atang te a i lo online thin a,thu i post vil na tur a balance te i nei lo a ni h chuan i no.sawi la,i online theihna tur khop chu ka lo topup sak ang che..
June 2nd, 2011 at 9:22 pm
A VA SEI LEH VEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEEE 😛 😛 (^) (K) (8) :-$ :-$ (~) (K) (N) :-S (D) (@) (G) (T) (H) 🙂 (*) 😀 😉 ..ZIAH SEI VAK TUR KA HRE VE SI LOVAAA. (I) (8) :-S
June 2nd, 2011 at 9:23 pm
Chhiar ang.
June 2nd, 2011 at 9:25 pm
#23 Chhana pa chu ka va nui nasa ve… 😀 😀
June 2nd, 2011 at 9:25 pm
:-O
June 2nd, 2011 at 9:25 pm
Aw, nang hi a ni a ni maw Ninja ten Hnam sakhua an lo tih chu.Ngaihnawm ka ti phian mai. (Y)
June 2nd, 2011 at 9:37 pm
He tiang zeldin thu bawl hi a awm chawk. Ka hriat chhuah thin chu, ka pu ro ‘Tangkaraw No’ sap leh Suakpuilala te sa ui tanna kha a ni. Kal sual then khat chuan Josefa’n a nau phura no a dah ngei kha a ni e tiin an buaipui chiam toh.
HS, kan hnam leh sakhuaah khan let leh don i la, ziak eng mah kha awm si lo. Nang ang deuh risk huai leh tawngkam thiam deuh tan tlak tlum a awl ngawt ang. He he he..
I kalna zawnah hian in her rem deuhin kal ta zawk la. Mizo te kan chhuahna bul te hi chhui daih zawk la. Kan ram tan i chhenfakawm ngei ang
June 2nd, 2011 at 9:38 pm
Ka chhiar chhuak dap mai,mahse Hnam Sakhuaah chuan thlamuanna a awm lo chiang bal.Chuvangin hun tha i neih lai hian Isua chu pan mai rawh.I finna kha i la dem palh hlauh ang e.Finna hi a petu remtih loh zawnga hman chuan hlauhawm tak a nia aw.
June 2nd, 2011 at 9:39 pm
I thil post hi ka chhiar peih vak ta lo, mahse i taima khawp mai, thil pawh i hre phian. Kei ni chu MO kan lawm bik bik 😀
June 2nd, 2011 at 9:56 pm
U hnam sakhua, post beisei lutuk a.. chhiar ve tum pawn a hahthlak. eden huan atanga zanin thleng ziah lenna khawpin a thui lawm
June 2nd, 2011 at 10:04 pm
rul kap thak in hmu tawh em??
June 2nd, 2011 at 10:05 pm
In Comment a chhiar thla dun dun a, a meng tal leh tup tawh a nia…. (Y)
June 2nd, 2011 at 10:05 pm
Mawlmuka bawk a ni maw. Ngati nge hetiang lam hlir hi a post khang lan le…….mawlmuk a chu, a luh lul lel lol hle mai. Mawlmuk
June 2nd, 2011 at 10:13 pm
POst tupa chu an piai liam mai lawm le….,, khawngaih tlat,
June 2nd, 2011 at 10:13 pm
mr.Duhlova@34: Tak tak pawh va ni suh!! ka nuih chhuak huk chu le. MI hunah hunserh hmangtu tur i nih kha 😀 😀
June 2nd, 2011 at 10:14 pm
Kei chu hnam sakhawpa hi ka ngaisang tep tawh! Ka zinbo hlan pawhin a lo sawi nual a ni awm a, naktukah India ram ka chhuahsan leh mai dawn avangin tlem kan sawi ve ang e…
I thusawi te hi dik tak tak vek an ni tih mai tura tha ni mahse…. “an ti a ni awm e” tih vel hi chuan paragraph hi tawp tawh lo se. Tin, comment thenkhat zawhna hi chhan ni ve thin se ka lo ti ve mai mai thin a. Bum fin rual kan ni tawh lo… a ni… han to chat chat teh khai…. zuitu I hmu teuh mai thei a ni 😀
June 2nd, 2011 at 10:14 pm
Judaism, hinduism, kei ni chu ZOISM/ZO(hming phuah sak mai ang sakhaw hming pawh HS hian la nei si lo) kan ni dawn a ni maw.
June 2nd, 2011 at 10:28 pm
Taima ve ngawt mai….. 😉
June 2nd, 2011 at 10:32 pm
@Post-tupa, hnam sakhuaa i tuina hi a rei tawh awm hle mai, i ziak treuh thei zel mai a. I ziak awm-ang thei bawk a, a ngaihnawm e. RAWN POST ZEL RAWH ! (Y) (Y) (Y)
June 2nd, 2011 at 10:43 pm
“Zofate serh leh sang” i tih thin! hnam sakhua hian eng hnam sakhua ber nge i sawi thin leh, eng hnam nge i nih? Lusei nge, Paite nge, Hmar nge etc.
Ka zawhna chhan chu Mizo ah hian hnam hrang2 tradition hrang kan awm nawk si a etc.
June 2nd, 2011 at 10:43 pm
Sakhaw dang a bikin Kristiana hi i hlau anih hi i kher nasa thei em mai, engang pawhin kher thin mahla kan biak Pathian nung chuan a bei let zel ang che!!! Serh lah sang nei ve deuh teh. Thil i chhui peih hmel bawk a kan pi pu te pathian chu tunge anih, khawi hmunah nge a awm etc. etc. chhui chhuak vek law law la…
June 2nd, 2011 at 11:18 pm
Ava mak em!!! 100% christian inti zing ah tiang hi ala awm theih ani maw? Mizo hnam sakhua in chatuan nun a pe lo ang che.
June 2nd, 2011 at 11:42 pm
Hnamte i thu post te hi e a ho tial tial. Mahni tawk in dik chu i inti ve awm si, zawhna chhan na chang hre bawk si lo.Chhan dan tur i hre lo zawk nge? Thu phuahchawp ltk hi chu chhan te pawh a har a niang ti raw. Bible kha tha tak khan chhiar thin la i dik lo zia i in hmu mai ang. anih loh chuan…
I pi leh pu te tih ang khian chi i thlah tam hma hian nuai bo i ngai ve palh ang.
June 3rd, 2011 at 12:00 am
In va comment peih mai mai e aw.A bawl tawh che u anih hi. Tuman chhiar lo ula, comment lo bawk ula, a rawn ziak tawh lo tawp ang.
June 3rd, 2011 at 12:36 am
atha ve mai mai lawm….ni e tunah chuan kristian kan ni vek tawh a, kan thlirna atang chuan a thil sawi hi hi thu lawilo mai mai tiin kan khen thlak sak hmiah hmiah thei ngei alawm.Literature huangah chuan engkim a leng e an tih kha…hehe ngaihtuah zui duh chuan..sap missionary te kha lokal lovin buddhist monk te lokal hmasa ta zawk se…???? inhnialna tham chu a awm ve ngei ang…hahha
June 3rd, 2011 at 12:51 am
Mahni hnam sakhua vawn chu i va dahsang ang reng ve. Kan hmuh ve phak Bengali Hindu ho chu an fel ngawt ang a…a teuhlo mai.
Hmanlai Aztec ho kha? Rapthlak tak anni…
Hmanlai Mizo nun, hnam Sakhaw vawn lai kha kha a nuam meuh ang maw,an inngeih dial dial meuh maw, ni lo,indo leh inrun reng reng in an thlabar em em zawk asin. Chhak leh Thlang Indo kha sawifel rawh le, Chhim leh Hmar indo kha sawifel dawn bawk teh, Thlanrawn rawt kha Christianity vang ah han puh dawn teh, Khawnglung run kha Mosolman ho vang a nih theih dan a awm em? Thlang kan tlak nachhan i hria em, Run lui kan kan nachhan i hria em? Selesih 7000 kha an inngeih em vang em ni? Trojan War sawimam rawh le? Spartans warrior ho kha an hnam sakhua ah an chiang asin. Hringnun hi prejudge mind awm miahlo in thlir teh, WAR,POWER,WAR,POWER – Civilisation hmasa ho zawngx2 kha en rawh – an hnam sakhua nei hrang theuh ho kha – Indona avangin an lo piang a, indona avangin an ral leh ta hlawm zawk a ni e,………………
I post chu han chhiar thlak par par chuan zopa sentiment kaitho deuh in i ziak thiam a, a that hmel/nih hmel deuh thlup, mahse a ni hauh silo. Nih hmel deuh,ang deuh, ni hauh si lo hi a term zawng rawh le – DECEPTION, COUNTERFEIT. A source ring rawh le – Master of deception – DIABOLOS
June 3rd, 2011 at 1:01 am
Sakhua hi in ti viau tak na a e, Social Sciences a nih hi i tuina ber chu.
June 3rd, 2011 at 1:23 am
Tha thin khawp mai chhiar hman lok lo a kan tlailam um pong par ve a ni e.
Sakhua lak lawra mi tihdan copy tluan chhuak leh loh hi a tha ber lo e.
Min thu ring bu a mi duh lai lai lak a zawm duh loh lai zawm leh loh hi a dik chiah lo. (Y) (Y) (Y) (Y) (Y) (Y) (Y) (Y)
June 3rd, 2011 at 1:24 am
Hnamsakhua i ti tha hle mai a hmawr i rawn hmu ve det det nin ka hria.
new page
June 3rd, 2011 at 1:59 am
2nd new page
@hmingte_____hnam sakhua vuantute hi an thih hnuah meidil an tla ve dawn lo a nia….kan inpe ve mai dawn mi le? A lo dik hlauh takin kan vannei dawn e mai…..
June 3rd, 2011 at 8:48 am
48&49 Zoho. Tha lutuk. Hnam Sakhua hi ka hnè tan deuh tawh a, Kristianna leh Isua a sawi chhiat apiangin, ka hman rem chang anih chuan, chhang let zel turin commitment ka lo siam tawh a. Min ngui ban lek lek tawh chu a ni. Nang talin tha tak leh dik takin i la rawn chhang peih a, a lawm awm e.
June 3rd, 2011 at 12:36 pm
Hnam sakhua, i topic leh i Goal i chiang thin a, i thu ziak atang hian mi fel leh thil hre4 zau tak i ni phawt mai.
Amaherawhchu, i rindan leh sakhaw pawm dan hi vawrh lar i tum luatah i thuziak hi a ‘bias’ thei lutuk erawh hi chuan belhchian a dawl loh phah deuh thin a ni e. Sakhuana reng reng hi HNAM ang te tein a kal lo khawp mai tih pawh mi a nileng lo tan chuan a hriat reng: Hinduism hi tu hnam sakhua nge? Buddhism hi tu hnam sakhua maw? Khawvel han hawi zau deuh la, heng sakhua zawng zawng hian khawvel hnam hrangh hrang a fan kual vek tih i hmu ang.
Kristian sakhua i hriat dan leh i point tichiang tura i thur chhuahte hian Kristian sakhaw hmelhmang an thelh duai a ni tih te hi chu mi pangngai chuan an hai hauh lo. Kristiante hi silai nena che a mite do reng thin kan ni hauh lo. Kan Lal Isua thu awihin- Hmelmate hmangaih leh mahni anga thenawm khawvengte hmangaih thin chu Kristiante chauh an nih ka ring.
SAKHUA hi mihringin Pathian a zawnna hmanrua a ni a, Kristaah erawh chuan Pathianin mihring suala bo hnute min rawn zawng chhuakin chhandamna tluantling min rawn pe zawk a ni e.
(Kan la chhunzawm leh dawn nia)
June 3rd, 2011 at 2:53 pm
‘Mahni luah loh ram puangten a hlutna an hre phak lo,
Kei leh ka chhungte zawngin LALPA rawng chauh kan bawl mek a ni’ …..
Aw, Lalpa ka tan i hlu chuang e, nang lo chu rochan hi ka nei lo,
Siam Salem khawpui thar nuam, Angel seraf-te lenna,
Van Khawpui-ah pawh LALPA nang lo chu tu dang nge ka neih?
He hla hi Hnam Sakhua hian i hriat ngei ka ring a, he hla lo sa ve tawh thintu ngei pawh i nih ka ring… in kal pen san thui tawh deuh mai pawh a…
I thu post thin zong zong-ah hian Kristian Sakhua, sawiselna lam a tel deuh zel a, a awm lo pawh ka ti chuang love, mahni luah loh ram puang ten a hlutna hmu phak hek lo le….
Comment petu tam zawkah pawh hian… Zu hmun pawh nise, Isua chhan nan chuan Chem sen lek ngam thiau tur an awm nual bawk… chungho pawh chuan Kristian Sakhaw hlutna leh thiltihtheihna hi an hmu phak chuang hek lo…
A sawi a sawi ni lovin A LUAHA LUAH RAM A NI E, titute zinga mi kha Hnam Sakhua pawh hi i ni ve tawh thin tho e….. In kalpen san thui ta deuh mai pawh a…
ka zawhna che chu…. A eng aiah reng reng nge, Chhandamna famkim min siam saktu, min rawn zawnna ngai nepa sakhaw (NLCK) hmanga Pathian zawn let intum leh ta hlauh hi, a mak ka ti? Nge ni a, Min zawngtu zawn hmuh phak lohah hian in lo awm reng zawk em ni? tih hi ka zawhna che a ni e.
Tuna i dinna hmun atang kha chuan, Kristian sakhaw hmanga Kristan kan tana min thawhsak tawhna lam hi i hmu thiam phak dawn hauh lo, a chhan chu, i luah ram a nih loh avangin chuvangchuan i ram i lak tumna propaganda hi thlak hlek chu a tul lo maw? ka ti deuh a ni.. A seita duh tawk phawt ang
June 3rd, 2011 at 4:24 pm
Thlanrawk pa a maw ka lo tia khuangchawi kha?
June 3rd, 2011 at 5:31 pm
Hnam sakhua, thil pakhat i hriat hmaih chu: Kristianna engah, kan ramah ramhuaite an tawmima an insaseng hnu boruakah i cheng a, chumi atanga lehthlir chungin kan pi leh pute sakhaw biak dan i zeldin chho ta a. Khawzing Pathian ani emaw, Khuanu a ni emaw, Van Pathian emaw pawh nise kan pi leh pute kha chuan an be ve ngei mai a, amaherawhchu, ramhuai laka thlamuanpui khawp leh rinrawl tak taka neih khawp chuan an ring ngam lem lo niin a lang. An nitin nun kha ramhuai emaw huai dang emaw tih thinur palh hlau reng renga khawsa, ramchhuah leh vahsan lak ilovah pawh inthawi leh chhamphual engemaw neih zet lo chuan an che hleithei lo va. Thinglubul leh leiruangtuam leh zawng lu ro ringawt pawh hlauva an ram neih tur ngei ngei pawh rauh san duh zel mai kha an ni zawk a sin! Chaw an eia “Khua tlai” an tih thinte pawh an biak pathian an zahna lam aiin, khawhring leh huai ilo laka anmahni an him theih nana an hlauhtlawnna a ni zawk!
I thu sawi zawng zawng hi kan ram Kristianna eng atanga thlamuang taka i thlirletna leh zeldin chunga duhthu i samna mai maiah ka ngai. Ramhuai hlauh chu sawi loh, Krista chanchin thain a tihen loh avanga khua leh khua indo reng mai, ral hlau reng renga khawsa thin an nihte kha i theihnghilh ta em ni? Hnam sakhua neitute kha a ni lo maw chem leh silai nena rawlrala inveh inveh thin te, mi lu laa zu nena chai thinte kha an ni lo’m ni?
Bumin i awm nasa lutuk a, i khawhawi leh i thlirna mit kha a fiah tawk lo niin ka hria. Krista Chanchin tha avanga tunah pawh hmasawnna tinreng rah sengin mi(sual)-dot-com te thleng thlengin i rawn dai dar ve ta a nih zawk kha! Mizo pi leh pute kha tunlai thangtharte hian tluk lohna tam tak kan nei tih chu a dik ang. Mahse chu chuan an sakhaw rin dan leh ramhuai hlauhna nun kha Kristian sakhua aiin a dik tih lam a kawk chuang lo! Hnam leh Sakhua hmehbel i tum luatah i buai mai mai zawk a nih kha.
A tawp berah chuan Lal Isua hi Pa hnen thlenna tura KAWNG awmchhun a ni a, eng anga sei leh thiam pawhin thu rawn ziak leh mah la awmzia a nei chuang lo. Pipute at laia thim thuneihna hnuaia an puithuna leh Setana bawiha an awmna atang khan Pathian hmangaihna chuan MIZO hnam hi min rawn chhanchhuak a, Van khua leh tui nihna leh Pathian fa nihna min rawn pe a, Chatuan nunna leh thlamuanna sawi hleih theih loh chu min pe ta. Chu mai a la ni lo: HE ISUA I SAWICHHIAT NGEIA HI ROREL TURIN A LO KAL LEH THUAI DAWN E! Chutih hunah chuan nanga HNAM SAKHUA khan a chhandam hauh lo vang che. I atzia i hriatchhuah meuh chuan a tlai lutuk tawh si ang!
Fing i intih viau naah Pathian ngaih chuan mi a i chang mek a nih kha. “Kraws thu chu boral mekte tan chuan atna a ni si a; keini chhandam mekte tan erawh chuan Pathian thiltihtheihna a ni zawk e” (1 Korinth 1:18)
June 3rd, 2011 at 6:30 pm
Thian duh tak te u. Thu ka rawn post hian thlemthluk tum che u emaw, hruai pen tum che u emaw a rawn ti ka ni lo a, mahni hnam sakhaw hlut zia te, kan thlahtute kha ram huai bia leh thingbul lungbul bia an nih loh zia te, Engkim siamtu pathian an biak dan te ka rawn tarlang mai a ni. Tin, Eng hnam mah hi a tir atanga fing chu an vang viau mai thei a ni. Kei chuan kan pipu te kha scientist ropui tak an ni ka ti a sin.Mahni ram thlawhkhuma ram dang thil a Pathian biak hi engtik lai mahin thil tha a ni ngai lo ang.
June 3rd, 2011 at 6:46 pm
57
a va tha kher em…zahna chang hre tan chuan a chiang kek kawk viau ve.
keimah #
“KEI HI KAWNG LEH THUTAK LEH NUNNA CHU KA NI, KEIMAH A KAL LO CHU TUMAH PA (Pathian) HNEN AN THLENG NGAI LO” by I tih duhdah Lal Isua.
Comment a chhiar a, a meng tal leh tup a, chil hak vel, a thla a zar a, thlawhbo na tur a zawng ta ruai em aw !!
June 3rd, 2011 at 6:54 pm
#58@Hnam sakhua_Isua hi hnamdang sakhua chibai kan buk a nilo, mawl muk lutuk teh suh. Pathian mihringah lo changin min tlanna hna thawk dawn se khawi amaw hnam ber hmang lo hian pianna tur a neilo, Israel fa te a hmang mai a ni, i mawl lutuka ka hah…
June 3rd, 2011 at 7:07 pm
Hnam sakhua, i comment #58 khi ka
. Kan pipute’n ramhuai te, thing bul te, lung bul te an bia lo tia auchhuahpuitute zinga mi ka ni.
Mahse i post hmasa lamah Kristianna i rawn sawichhe vak a, Mizote ngeirawn i ni ta. Kan hnam sakhua leh Kristianna hi sawi hran theih a ni lo,
June 3rd, 2011 at 7:09 pm
Hnam sakhua, I TIH DUHDAH LEH I SAWI CHHIAT, LAL ISUA I LA TAWK DAWN.
I duh a nih chuan i vawn sakhua chu be mai rawh. Duh zawng sawimawi nan thil dang sawi chhiat hi mimawl leh rilru tha lo pu te tihchi chauh a sin.
June 3rd, 2011 at 7:45 pm
@58_______ LIKE…..100%
June 3rd, 2011 at 9:22 pm
June 5th, 2011 at 4:59 am
Rawn post zel rawh. Hremhmun chungchanga in ngaihdante, thih hnua in awm dan tur nia in rinte pawh hriat ve a chakawm a lawm le…
June 5th, 2011 at 4:24 pm
June 7th, 2011 at 12:17 am
Sakhua serh leh sang a cheng te’n Thutak Krista, chu an hre lo. Lal Isuan ‘Pa in ka hnena a tirh loh chu tumah ka hnenah an lo kal lo’ a ti. Science te, Music te, Art te, thil chi hrang hrang, khawvel leh a chhunga thil awm zawng zawng te hi Lalpa siam ani.
A siamtu leh a pe tu theihnghilh a, a thilsiam ah kan at hian thu ‘dik’( Dik lo si) chi hrang hrang kan phuah chhuak a. Mahse Isuan ‘Ka ram chu he khawvel ami ani lo’ ati. A awmzia chu, khawvel dan anga, mit a hmuh theih leh benga hriat theih (Sakhua te innghahna) thil ani lo, thlarau a chan tur ani.
Chu thlarau, Pa hnen atanga lo chhuak chuan, thinlung tak tak a amah zawng tute hnenah LAL ISUA a hriattir thin.