* Tuipuiral Group YMA hnuaia branch YMA 22-a member-te chuan nimin khan hnatlangin Thinghrangkawn atanga Khuangleng lam kawngah km 14 vel vela thui an siamtha a, vawiinah Thinghrangkawn atanga Dungtlang lam kawng an siamtha leh dawn. Hnatlangah hian mi 400 vel an thawk chhuak a ni.
* Lunglei district-a Cherhlun khuaa Lalauva (55) leh a fapa Lalbiakrema (17) te chu nimin chawhma lam khan a lo-ah savawmin a seh a; Cherhlun damdawiinah enkawl niin an damchhuah a beiseiawm ni-a thu dawn a ni.
Thu dawn danin, Lalauva leh a fapa Lalbiakrema te hian an vau bula hna an thawh laiin vau atangin savawm a rawn chhuak a, an pafa chuan a bei nghal a ni. Savawm hian Lalbiakrema a bei bing a, a lu leh a dulah na takin a seh a, Lalauva pawh a ban ding lamah a seh hliam bawk a; savawm hian a kalsan ve leh mai a ni. Lalauva te pafa savawmin a seh tih hi an ri-a mite’n an hriat hnuah midang punin an zâwn chhuak a ni.
* Education Minister Lalsawta chu tunlai hian New Delhi-ah committee pawimawh tak pathuma tel turin a thang mek a; Ministry of Health & Family Welfare-ah Mizoram tan MBBS pek belh turin a ngen.
Lalsawta chuan, RIMS, Imphal-a MBBS seat pathum, OBC reservation pek avanga Mizoramin a chân tâk pe let leh tur te, NEIGRIHMS, Shillong-ah seat thum Mizoramin a mamawh belh thu te, MAMC, New Delhi-a seat pakhat paihsak tawh pe let leh turtein a ngên a; Vardhaman Mahavir Medical College & Hospital, New Delhi-ah leh Rajiv Gandhi Cancer Institute, New Delhi-ahte pawh seat pe turin H&FW Ministry a ngên bawk.
* Kumin January atanga May inkar, thla 5 chhung khan Aizawl district chhunga chhan hrang hrang avanga chênna in chhia 208 a awm a. Chhiatna avanga mihring nunna chân pahnih an awm bawk. He’ng in chhia tanpuina atana Aizawl DC disaster management & rehabilitation branch-in sum a semchhuah chu cheng 16,98,000 a ni a. Thihna tawk chhungte tanpuina atan hian cheng nuai khat ve ve pek a ni.
* Mizoram Board of School Education chuan nimin khan pawl 10 leh pawl 12-a compartmental exam result a tichhuak a, pawl 10-ah exam zawng zawng 256 zinga 52.73% an pass a, pawl 12 Arts subject-ah 59.30% pass-in, science-ah 42.86%, commerce-ah 65% leh, vocational-ah 50% an pass a ni.
* Nizan khan Lalneihpari w/o Vanlalthanga, Chanmari West hnen atangin No. 4 can 15 (8 grams), Saza ki paruk leh Saphai vun pahnih chu CADS-te’n an man. Excise-in No. 4 case an kalpui a, Saza ki leh Saphai vun case chu E&F Wildlife Div. in an kalpui thung.
Lalneihpari pasal Vanlalthanga@VL-a pawh No. 4 case lian tham vangin jail a tang mek bawk. Lalneihpari pawh hi vawi tam tak man a ni tawh a ni.
Thuhnâr: Vanglaini & The Aizawl Post
Similar Posts:
- Khualzin leh savawm (Esopa thawnthu fing)
- Bike 2 rutu man
- Lily Veng atanga hnawhchhuah-in chhuahsan duh lo
- Republic in kang?
- Thalai rual in ZKP an Tlawh a, an hlimtlang hle.
June 4th, 2011 at 10:02 pm
OT
Report this comment
June 4th, 2011 at 10:12 pm
Mizoram sorkar alkatra a tlo loh em a vang in Tuipuiral group YMA te mangang hian hnatlangin kawng an siam ta a ni….
Kan health minister ve hian engmah a sawi chhuak tak tak lovang
Ruihhlo zuar leh officer eiru reng reng hi chu rehhlum vek ka duh
Chhiat tawk te an lainatawm hle mai
Report this comment
June 4th, 2011 at 10:12 pm
khawnge pakhatna?
Report this comment
June 4th, 2011 at 10:12 pm
savawm seh chu pawi ve oo savawm hi chu amawl lutuka,buaithlk..compertmental exam pass te ka lawmpui em em e,,
Report this comment
June 4th, 2011 at 10:24 pm
Tuipuiral thiltih hi a that rual in, hetianga tih dawn tho te chuan a daih rei tur zawk leh a that rei theihna tur zawk in lung te lakhawm hmasa se phah ta zawk se a zia awm zawk duh hmel ka lo ti mai2. A chhe leh hma awm sia tha a uihawm ka ti, an in pekna a hlut tehlul nen.
Report this comment
June 4th, 2011 at 10:25 pm
Savawm te pawh hi han humhalh that deuh hian an lo huangtau ve zel a… ngeiawm khawp mai.
Report this comment
June 4th, 2011 at 10:26 pm
In duh ve em?
Report this comment
June 4th, 2011 at 10:30 pm
Grammar i uluk lo hle mai. Mizo tawng i duh uluk theih tehlul nen, vawiin chanchin thar huangah ‘nimin’ a tam em mai
fiamthu
I ti tha e.
Report this comment
June 4th, 2011 at 10:45 pm
Pass thar te ka lawmpui e,savawm seh pafa te dam thuai teh se.MBBS seat pawh hi hmu ngei ila a va lawmawm dawn em.!!!
Report this comment
June 4th, 2011 at 10:50 pm
Savawm hi a then hi chuan an ngam siah siah khawp mai a, Badboy, Zualbonez te ho hi chuan…a lu an hmet sawi bawihh a, a thi an dawt kak kak thin..
Tak2a, savawm sehte ka tuarpui hle, forest department atanga compensation claim theih kha a rang thei ang berin claim sela..Ka lainat hle mai..
Report this comment
June 4th, 2011 at 10:50 pm
@chhana: Newspaper-a mi ka type thuai a nih khi. Vawiina chhuak leh vawiina kan hriat thar a nih vangin ‘Vawiin Chanchinthar’ chu a ni ve tlat.
Report this comment
June 4th, 2011 at 11:03 pm
Sorkar hnathawh ai NGO in an thawk tam tial tial Sorkar lahin sum a hmang tial tial. Heti tur ani ngai lo. Sorkar nawr dan kan thiam tur zawk ani.
Report this comment
June 4th, 2011 at 11:12 pm
Kawng siam aw kawng siam, ka va chau em… PWD lamah hlawh ka va dil teh ang.
Report this comment
June 4th, 2011 at 11:30 pm
Ni a sa na bawk a, TG-YMA hnatlang pawh an chau tlang hle.
Hnatlang Thlalâk
Report this comment
June 4th, 2011 at 11:31 pm
Savawm hi an hnar no lai takah hian Zopa chempui hian han hlawi hlawk mai ila, na an ti lutuk hi an sim hmak mai ang an ti
Report this comment
June 4th, 2011 at 11:34 pm
@malsta, #5. Lung chang an hmang lo tih i hre ngawt ami le?
MNF term hmasa khan Khuangleng leh Leithum inkar Tum Lui kam vel pawh kal hleih theih loh vang a chhia anih vangin YMA hian hna tlang in an lo siam tawh a, tun thleng in kal ala tih nawm phah hle.
Report this comment
June 4th, 2011 at 11:37 pm
Thamna i pek phawt a ngaih hmel
Report this comment
June 4th, 2011 at 11:39 pm
@Sony: Sorkar hian zah nachang a hriat chuan zahna tham a niin ka hria.
Report this comment
June 4th, 2011 at 11:44 pm
Chanchinthar Kan hriatbelh leh ta teuh mai a.
Lawmte lawmpuiin, thawkhahte fak chung leh lungngai na tuarte an lainatawm hle mai.
Report this comment
June 4th, 2011 at 11:58 pm
Lalneihpari savawmin a seh a, V.La’n sazaki hnawihin, tupuiral group YMA hnatlang 52.73 percent chu ministerin MBBS seat a zawn sak nghal.(fiamthu,fiamthu,fiamthu)
Report this comment
June 5th, 2011 at 12:06 am
Misual in a vanglaini leh Evening post news lo chhuanlum ve chu a tha nat thlak deuh ve. An collect a, an print a, an circulate hma hian Misual ah hian post hman a tan an va duhawm ve. TSa nilovin a system chhung leh admn a nia kan sel der vel ni, Vanglaini leh Evening post palai te in awm lom ni, print media hnung a tlan reng reng loh tur, this is 2011.
Report this comment
June 5th, 2011 at 12:23 am
@zoho, tuipuiral group yma hi chu news danga chhuah a nih hma in misual ah hian chhuah a ni tawh e.
Report this comment
June 5th, 2011 at 12:42 am
@zoho: A dik alawm. Mahse, https://misual.life hian a hranpain journalist a ruai lova, a thlawna https://misual.life tana journalist nih duh leh hman an awm lem lo a nih ka ring. Journalist-te chu a khalha khalh hman rual kan ni lo ve.
Report this comment
June 5th, 2011 at 1:06 am
Chanchinthar a ni bawk a, lawmna leh lawmlohna tur te, tin lungawiloh deuhna turte pawh a awm nawk mai.
Savawm hi ramsa hnawksak tak an ni. MBBS seat pawh chu han hmuh belh thei ila a tha dawn mange.
A bengvarthlak e.
Report this comment
June 5th, 2011 at 1:17 am
@TS, nia, misual ah hian Vanglaini leh Evenging Post staff an awm ngei kan ring a, an print chhuah hma in rawn post thin se tiin kan cho fiam mai mai mawle, I taihmakna ah ka ngaisang a che, nang hi journalism ah hian kal daih teh a, i line a niin ka hre tlat, uang miahlo in.
freelancer ang pawh in tan rawh, a scope a zau, social prestige pawh a kengtel, politician ten an hlau ropui bawk si(system diklo a nih avangin).
Report this comment
June 5th, 2011 at 1:20 am
Vawiin tuipuiral Group YMA hnatlang chungchang hi https://www.khawbungyma.blogspot.com ah en theih a ni e.
Report this comment
June 5th, 2011 at 1:29 am
@Sangpuiipa, i lo post daih tawh tih ka lo hrelo, tunlai net chhe lutuk hiiii, hei zanin ka online thei hlauh anih hi, i fast khawp e,ti hian print media hi hmakhalh zar zar tur kanni reng asin, netizens ho chuan. Ka va chhiar ang e.
Report this comment
June 5th, 2011 at 1:39 am
Sangpuipa & Ts: Lo hrethiam rawh u. Ani zawng critical appraisal lam hi a tuina lam a nia a ti leh hluai zel. Pre-merital sex survey postah te sawn kan khuate a lo sawi lang leh nghal a, ka hnungkhir dawn em maw ni….
(fiamthu fiamthu, kan tak thei em a)
Report this comment
June 5th, 2011 at 1:45 am
@krista, zoho te thusawi te chu e aw liam vel mai mai ila, eng vakah ngai lemlo ila nimai.
Report this comment
June 5th, 2011 at 1:57 am
hetiang news hi akhat tawk alo tih hi atha kati lutuk tlat, mahse in ti teh ang Tuipuiral hi hre lo an awm thei dawn tlat mai..
Report this comment
June 5th, 2011 at 3:48 am
Chanchinthar tharlam deuh deuh chhiar mai theiha in rawn post zung zung thei hi in fakawm thlawt e. Nidangah pawh kan lo beisei zel ang. Duhsakna ka hlan a che u.
Report this comment
June 5th, 2011 at 5:24 am
A bengvar thlak e
Report this comment
June 5th, 2011 at 3:32 pm
Pa pa1 pawh hi savawm in a seh ngun tawh lutuka… A nick ah ‘Savawm Chewing Gum’ an ti tawp.
Savawm seh te pafa dam thuai turin duhsakna ka hlan e…
Report this comment
January 12th, 2013 at 10:14 am
YMA Dam Reng Rawh Se,YMA hi Zofate ro hlu tak ani.
Report this comment