Luseiho hi Sumpui khua atangin AD 1500 velah Seipui khur an lût a, an luh hma hian Khiangteho chu Belmual-ah, Chawngthu ho chu Sanzawl leh Bochung khuaah, Ralteho chu Saihmunah an lo awm tawh a, Seipui khur luh thu hi a hnuaia mi ang hian upate’n thawnthu angin an sawi ngun hle thîn.
Sumpui khuaa awm Mauva chu a lo tlangval tawh a. (Mauva i hriatchian duh chuan ‘Chhakchhuak Chanchin’ en rawh) Tûk khat chu feipui kengin lo a kan a, sanghal-in an bal a lo tlàn a. Sanghal hnu chu a chhui zêl a, Sunthla ramah bu a lo nei a. Sanghal bu chu a chhun a, a hliam ta a. Sa hliam chu a ûm zêl a, Khiangzang khua leh Seipui inkârah khuain a thimhnan ta a.
A hawi vêl a, a piah lawkah chuan mei êng de thliah a hmu a, a pan ta a. Khiangteho thlawhhma thlama riak an lo ni hlawm a, an hnênah chuan a riak ve ta a. A tûk khua a lo vâr a, a’n thlîr vêl a, khaw hmun atan tha a ti hle a. An awmna Run kam chhengchhe tak ai chuan thlawhhma lâk tur tha a tam si a, awm nan a duh ta em em mai a. A hawng a, a unaute a sâwm a, a pa hovin khaw thar sât turin an kal ta a ni.\
Sehpui khur hi khaw hmun nuam, zâwlrai zau tak a ni a, an khaw mawng zâwl chu leilet phai lo atan an hmang tawh nghe nghe. He hmun hi Luseihote’n an luah chinah Mauva pa Seipuia a lal a, Seipui khua an ti ta a ni. Mauva hmuhchhuah a ni a, tlangval a la nih avângin a pa a lal ta zâwk a, Seipui thlen hnuah Mauva hian nupui atan Khiangte nuthlawi a nei a ni an ti. (Source: Zofate thuhla by L.K.Liana)
Luseiho thlahtu hi Luseia ni-a sawi a ni a. Luseia’n Lamlira, Sumhauva, Tochuanga leh Thangpuia te a hring. Lusei hnam chi hrang hrangte chu:-
1. Chawngte – Tuichhung, Lungte, Pamte, Muchhipchhuak.
2. Chhangte – Darchhun, Vawknghak, Kawlchi, Nghakchi, Chawnglu, Lamthang, Tumpha.
3. Chhakchhuak – Hualngo, Hualhang, Hualhnam, Lunkhua.
4. Chuauhang – Lathang, Chungpui, Chawnchhawn, Chawnchirh, Khuanglawi, Vaichuau.
5. Chuaungo – Chumthluk, Darkim, Zawngpam, Hmunpel, Thlenghel, Laller, Auhmun.
6. Hauhnar – Hauthul, Haubul, Tuithang, Senlai.
7. Hrahsel – Selpui, Sawntlung, Sumkhum, Saza.
8. Pachuau – Lianthung, Liannghawr, Cherlal, Chhawnthliak, Chuaulak, Darcho, Varchuau.
9. Tochhawng – Topui, Chhakawm, Tobul, Chemhler.
10. Vanchhawng – Vanlung, Chengler, Kaithum.
11. Zahmuaka thlah – Zadeng, Thangluah, Rokhum, Palian, Rivung, Thangur.
(Source: Mizo Chanchin by Rev. Liangkhaia)
Hnamte, Renthlei, Chawngthu, Khiangte, Khawlhring, Kawilam leh Pautu te hi Seipui khura awm lova hmun dang lo pan hmasa an nih avângin Lusei zîngah an telh lo thîn a, Lusei hnahthlâk an ni ti-a sawi an awm bawk.
Similar Posts:
- Hrahsel chanchin
- Chhakchhuak chanchin
- “PATHIAN” tih Tawngkam Lo Chhuahna
- Luseiho chauh hi em ni Mizo?
- Sailo: Lusei nge Paite?
(Y)
June 9th, 2011 at 3:54 pm
Kum 2 liam ta khan Lusei Hnam hrang hrang te hi ka ziak chiam tawh.
https://misual.life/2009/01/21/lusei-hnam-te/
June 9th, 2011 at 3:59 pm
Chawngthu te chu Kuki thlah anni lo maw
June 9th, 2011 at 4:24 pm
a bengvarthlak thin hle mai. Kan thudang alai chuan, tunlai chu ramhuai chanchin chhiar ka chak tlat nia. Ts,nang hi hetiang lampang hi i hre nual lo mw?
June 9th, 2011 at 4:29 pm
A khai aw!!!!
June 9th, 2011 at 4:51 pm
Kan thlahtu te chhuina a a inziak dan chuan
Pautu hi Vangchhe fa. Ahming put chhan pawh hming pangai phuahsak ni mahse, a tawng duh birh berh reuh em avanga Pautu (Mivam tawnga tawng duh tihna) tia koh niin a chawi hlen ta a ni.
June 9th, 2011 at 4:51 pm
Tiang lam chhiar tum awm leh zeuh thin hi tha riau
June 9th, 2011 at 4:56 pm
A va tha teh lul em.. A peng hranga 3na khi ka pute an ni e..
June 9th, 2011 at 5:00 pm
renthlei maw ka tih ka tih maw, ka tihmi kha maw an tih fo hi chuan tlem a tel duh viau an ti.
June 9th, 2011 at 5:28 pm
renthlei hi an sawi dan chuan pawih thlah an ti. a dik em?
June 9th, 2011 at 5:33 pm
@ 9,,,,renthlei ho chuan MAster teachmekungfu min ti phawt se chuan kan thlah anni nge nilo kan la sawi chho zel zawk dawn ania
June 9th, 2011 at 5:38 pm
Ts. Lusei chauh i sawi a, Lutawi ho pawh han vaihma law law la.
June 9th, 2011 at 5:43 pm
rose10 parvuli #9 Renthlei (Lai/Pawi) an tepeng, Lianhluan, Sohnel, Tuikhulh, Chhingthlang, Thawngthawl, Chhanghek, Zachhin leh Thuamdurh.
June 9th, 2011 at 5:53 pm
Renthlei thenkhat ka hriatte hi an huaisen hlawm ang reng a, “Hnam huai sen tak anni” tiin ngaihdan ka han sawh nghet dawn ngawt a. Mahse, duap ve tak tak rilruah an lo lang zut zut a, “A, a hnam anga in generalised ngawt hi alo theih tak tak loh ve” tiin thu tlukna ka siam ta ringawt mai.”An thaibawih duh” an tih ho hnam zingah pawh hian, Thaibawih lo tak tak ka hre leh nual thin.
June 9th, 2011 at 6:14 pm
Renthlei..
June 9th, 2011 at 6:15 pm
“Khiangte Nula ho hi Nupuiah an tha” han ti ngawt dawn ila, Ka nupui ang an lo nih vek loh ka hlau deuh si.(fiamthu)
June 9th, 2011 at 6:35 pm
#15: I ti dik khawp mai. Sawi mai hian a awmzia a phawkchhuak zolo a, experience chi a ni..han ti vel ila.. Khiangte hi an hmeltha, mi khawngaihna pawh an ngah mahse an ngaihsam deuh em aw…
June 9th, 2011 at 6:38 pm
krista…pachuau i ti zawk lo amia?
June 9th, 2011 at 6:42 pm
Het Zuala…. Pachuau chu opposite hlauh ni mai, Kei chu Pachuau hmeichhia an tawng chhuah tawh chuan ngawi hmaks zel …
. Chuau hoin min lim ngei ang le…. 
June 9th, 2011 at 6:43 pm
Lusei ho hian min thlahtu bul bera kan ngaih thin chu Thlahpa a ni. Mithi rawp lamah pawh thlahtu lim an dinah pawh a lian bikin an siam thin.
June 9th, 2011 at 7:03 pm
Sumpui khua hi tunah chuan Tlaisun khua tiin an ko. Kan pipute kha Run lui leh Tiau lui inkarah AD 1400-1700 vel khan an lo khawsa tih a hriat a. Seipui khura an luh kum hi ziaktu thenkhat chuan AD 1450 vel niin an chhut ve thung.
June 9th, 2011 at 7:05 pm
@Pu Muantea: Thlahpa hi Luseia pa a ni e.
June 9th, 2011 at 7:41 pm
Thlahtute chhui hi a tha hle mai. Amaherawhchu tih luat tuk pawh a awm thei awm e ; hnam/chi bil kan chhuina lamah kan inpumkhatna hi kan tichhe palh hlauh ang e.
June 9th, 2011 at 7:44 pm
I inchhiar peih hle mai, a tha lutuk, han ti zel rawh, hetia han google chhuah mai tur a mizo chanchin hmasa awm hi tha deuh a nia. Hmanni pawn ka fapa te home-assignment ah mizo pasalthate hming 10 ziah tur ah kan hre kim theilo pek a, kan google a, a lo awm dul mai a, ka lawm tak tak a ni.
Post hmasa khan Lusei chu Zahmuaka thlahtu, paite sal nen khan i ngaihpawlh deuh in ka hria a, mahse a dik chu hei i hre reng tho alawm. Chuan Zahmuaka thlahte khi original Lusei hnam 10 ka lo hriat ah chuan telh anni ngailo, ka nu chhakchhuak in kan naupan lai a min hrilh dan chuan.
June 9th, 2011 at 7:51 pm
Zoho i pa chhakchhuak a ni zawk lo maw? Engah nge dawtsawi i lo tum a?
NOI
June 9th, 2011 at 8:45 pm
@zoho, Chhakchhuak hi chhuan zel tlak kan nihzia leh mi ropui hmasa kan nih dan ka la rawn post ve thung ang. Luseo hnam 10-te bakah hian hun engemaw chen hnu-ah Zahmuaka thlahte hi sawi tel an ni ve chauh zawk a ni e.
June 9th, 2011 at 10:13 pm
Bengvar thlak thin mange, Luseia thlahtute kha eng hnam nge ni ta ang aw tih te pawh hi han chhut zel ula a hriat chak awm hle mai.
June 9th, 2011 at 10:15 pm
Pachuau-ho chu ngawi mai mai ila kan to lar zawk a nia. Tuman chhui chhui a ngai ve lo.
June 9th, 2011 at 10:18 pm
#27
, a tawpah chuan earlyman ah bawk kan in chhui chhuak dawn tho2.
June 9th, 2011 at 10:40 pm
TS, hetianga thil i chhui i chhui chuan, Darwin-a te ang maiin zawng thlahah min la chhui lut palh a nge aw.
June 9th, 2011 at 10:49 pm
Comment khat bawka Comment tumin kan ziak teuh teh angg… TD a ka luh loh hram ka beisei,,, PAWIH dik tak Tlau ka nia,,, KAPA PU in KAPA ahrilh danin CHAWNGDUMA thalhte kan ni…. heihi kapa min hrilh leh chhawn dan ani,, nih chuan kan pu CHAWNGDUMA kha MIZO pasal tha anih chuan keini athlah te pawh hi MIZO kan ni nge??? Min la ngai tello ve reng??? A thlah atanga chhawng 7 na kani….
(soi tel vel mai2)
June 10th, 2011 at 7:56 am
@Amaria: Hlau mah ta che!
@Nuimoilo: ‘Pawih’ inti suh, ‘Pawi’ inti zawk rawh. Pawi pawh Mizo vek in ni. A then erawh chu hmaaaanah Meitei hnamah in lut niin a inziak thung.