Zonunmawi virus Zu – MLTP Act-in delete rawh

June 11th, 2011 10:30 am by chhana

source: vanglaini

Zu telnaah chuan Zonunmawi a lang chhuak thei lova, Zonunmawi lo a lang ṭhin. Kan naupan laiin khawtlang ruaiṭhehnaah buaina a chhuak a, zu vang a ni. Zu in khawtlai, zu rui hovin fatu hah em emte sa bel thukru-ah an puh rawk mai a, pachang thinin a tuar ta lova, an sa chawhna nen an um ta a, zonunmawi a lang lo; a chhan chu zu vang a ni.

Zu khap bur hnu hi chuan hmanlaia ruaiṭhehnaa buaina siam ṭhinte khan zu an in ta lova, buaina a awm ngai tawh lo. A chhan chu Zonunmawi virus ‘zu’ kha anti-virus ‘MLTP Act’ a an deleted tak vang a ni.

Zu hi a mak em a ni:

1. A nih leh i fanu pasal atan zu in mi nge i thlan thin zu in lo mi. Ani hi chu zu a heh a, ka makpa tur a nia, ka lawm tak tak a ni, i ti ngai em – ti ngai lo.

2. He nula hi zu a heh khawp a, mo atan ka duh tak tak a nia,’ i ti ngai em – ti ngai lo.

3. I fate hnenah zu in mi chauh kawm thin tur, i ti ngai em – ti ngai lo.

4. YMA hruaitu kan thlan dawn hian, X-a hian zu hi a duh hliam hliam khawp a i thlang ang u, kan ti ngai em – ti ngai lo.

5. He naupang te chu zu rim a nam ther ther mai, a va fel reuh e, kan ti ngai em – ti ngai lo.

6. A nih leh hna dilnaah zu heh tak mai ka ni a, kan ti ngai em – ti ngai lo.

7. A nih leh thenawm atan chuan zu heh mi an tha kan ti ngai em – ti ngai lo.

8. Saw school saw chu an zirtirtute’n zu an heh a, luhna chi a ni, kan ti ngai em – ti ngai lo.

9. Zu in nasa ho hian sim ngei tumin nasa takin an bei reng a, an fate hnenah fate u, zu hi in rawh u, in ngei ngei rawh u, an ti ngai em – ti ngai lo.

10. I zin dawnin driver zu in mi khalhah ka chuang duh i ti ngai em – ti ngai lo.

11. A ni hi kan fapa a ni a, zu hi a rui reng mai a, zu khap bur hi a duh lo reng reng; a fel tak tak a nia, kan ti ngai em – ti ngai lo.

Ti ngai si lo, ngatinge zu khapna hi hlih kan duh tak em em mai le? MLTP Act awm hma khan zu avangin khawtlang leh ram kan buai nuaih nuaih a, Zonunmawi tlawmngaihna avangin YMA, VDP, VC etc te khan zu an dova. Kan nun chhe lutuk tur leh buai lutuk tur kha an veng hram hram kha a ni a. Tunah pawh hian an la veng reng a, MLTP Act hian kan khawtlang hruaitute phurrit lutuk tur a chhawk ta a, MLTP Act hi kan hnam dinchhuahna rahbi pawimawh tak a ni si a, engatinge hlih kan duh tak mai le? Tumahin an fak loh zu hi tih zalen kan duh anga lang tlat mai hi zonunmawi lan chhuah tirna kawng atan chuan a va pawi tak em. Zonunmawi virus chu zu hi a ni, antivirus ṭha ber MLTP Act-in delete rawh.

Zu khap ve lo ram aṭanga lo kal milian hote’n zu in tur an nei lo ṭhin a, ti an awm ṭhin hi chu, meizial leh kuhva hring awm lohna rama i kalin i zu lova, kuhva i ei lo ve mai a, i beisei lo bawk. Mizoram chu zu khap burna ram a ni a, zu a awm lo a tih ve theih mai lo’m ni?

America pawhin an khap hlawhtling thei lo, chumi ram pawhin hmanah an hlip daih tawh etc. tiin mi hre zauten an sawi ṭhin. Mizoram hi chu America a ni lova, mingoho ram pawh a ni hek lo; Mizoram a ni tlat. Khawvel hmun dangah zu an lo khap lova, a khapna dan an lo hlip daih tawh a nih pawhin, Mizoram hi chu khawvela zu khap burna ram awm chhun ni reng thei turin zu hi i khap bur reng zawk ang u.

– H.Lalrindika

123 Responses to “Zonunmawi virus Zu – MLTP Act-in delete rawh”

1
Lutawi Says:
June 11th, 2011 at 10:37 am
mi mawl pa post ani vel.. 😛
2
Pakak Says:
June 11th, 2011 at 10:40 am
chhiar phawt ang!
3
H.Vangchhia Says:
June 11th, 2011 at 10:41 am
Zu ngaqwlvei, hetiang zu buaipui ho hi ka hne. Zu in hmang ai pawhin a ngawl an vei nasa zawk.

Ka lawm e, ka kal (N)
4
CFL Says:
June 11th, 2011 at 10:42 am
He article hi full support ka pe e.
MLTP Act hi ka support bur; mahse tuna ken kawh ang ni lovin, strict tak leh a nihna tur ang taka kalpui ni tawh se chu 100% support lehzual.
5
keimah Says:
June 11th, 2011 at 10:51 am
MLTP Act hnawksa/hlawhtling lo tia iak iak ho hi chu zu in mi an ni tlangpui! (B)
6
chhana Says:
June 11th, 2011 at 10:51 am
First comment khi(Y)
7
chhana Says:
June 11th, 2011 at 10:52 am
5
keimah, i ti dik lutuk tlat.
8
keimah Says:
June 11th, 2011 at 10:52 am
#5 MLTP Act hnawksak* tih tur zawk. A edit theih leuh!
9
Pakak Says:
June 11th, 2011 at 11:00 am
zu chungchang ah hi chuan sawi vak tur pawh ka nei lo, an/in tih dan dan ni mai, a chhan chu kei mah ah nghawng nei ve hek lo le….
10
Pakak Says:
June 11th, 2011 at 11:05 am
post tha tak chu a ni hrim hrim, khap duh lam tan chuan…
11
KingJulien Says:
June 11th, 2011 at 11:09 am
he antivirus hi kn uninstall dn anih cuan.virus kn kai nasa viau ang.update ila tha jok lo mo.exceptions siambelh lo hian…
12
ngaihdan tha a Says:
June 11th, 2011 at 11:12 am
He post chu mi fing leh lehkhthim sang ho pwn kn han ngaihtuahta. Post tha tak ani.
13
Mr Vaipa@ Says:
June 11th, 2011 at 11:23 am
Thakhop mai…zukhap hlip duh te tan kan chiang tawh em ang chu…!
14
keimah Says:
June 11th, 2011 at 11:41 am
MLTP Act hlih duh lam an lo thlen hmain han tuihnih ve leh zawks:

‘MLTP Act a hlawhtling lo’ tih tanfung hi ka han chhang leh lawk. “Hlawhtling” kan tehna a zir niin ka hria. MLTP Act hlawhtlinna awmzia nia ka hriat chu:

1. MLTP Act hlawhtlinzia tehna hi zu FAR KHAT MAH AWM LO lam a ni lo va, Zu in tur a tlem hrim hrim leh miin zu ngampa taka a ruih ngam lohna hi a ni zawk.

2. Zu ngawl vel emaw duh hrim hrimte tana he dan hi a hnawksak viau laiin, A LA IN VE NGAI LOTEN AN INA ZU NGAWL AN VEINA TUR ‘CHANCE’ a ti tlem em em a ni!

3. Khawlai dunga zurui thawm hriat tur awm lo leh Chawlhni tlai vela insual bung bung hmuh tur awm lo va thlamuang taka mipui mimir kan han leng chhuak siau siau thei ta te hi MLTP Act hlawhtlinna, suma lei phak loh thil hlu a ni.

4. ZU in thiam inzirtir ai chuan ZU IN LOH inzirtir hi mimal, chhungkua leh ram tan a hlu zawk daih! I fate zu in thiam tura zirtir nge i duh zu in lo turin?
15
swiftymcvay Says:
June 11th, 2011 at 11:43 am
lem khawlh khawlh paha kan chhiar chu le
16
Pakak Says:
June 11th, 2011 at 11:46 am
@14 MLTP Act hlih duh lam an lo thlen hmain han tuihnih ve leh zawks: (Y)
17
henrybkt Says:
June 11th, 2011 at 11:59 am
mltp act hlih an duhna chhan chu ram aia an mahni an inhmangaih zawk vang a ni,awlsam takin zu la lut thei mahse,ual au taka zu ruih an ngamlo a,a bikin mja a tel ho hian,thil hi an ti ve thei si a,an chanchinbu phek hma an luah tir vek a,he khawvelah hian a khap ngai chi leh development chu 100percent athleng ngailo tih chu mja te hian an hrechiang zawk ang,sawrkar hian a hlip ani chuan hnunglam atangin mja te hian an nuih ngei ngei ang ti k chiang,mltp hlih i duh anih chuan nangma tanghma chiah i ngaiah ngai rawh
18
blackmagicwoman Says:
June 11th, 2011 at 12:21 pm
He mi hi zu a heh over a, ka kawm chak zawng tak a ni, ka ti ngai em? – Aih, ka ti ngai lo!!!!

Mahni theuh hi inveng/control thei ila chuan khap kual vel ngailo mai tur hi nia…kan thei hlawm si lo. Khap reng lah hi diklohna chen awm bawk si….buaithlak!
19
Alanism theory Says:
June 11th, 2011 at 12:24 pm
Zu hi ka delete zel dawn,bawnghnute hi a tha zawk.Aw,MLTP act,kal zel la,mi tam tak te venghimtu ni zel rawh.I
sulhnu hi chhinchhiah tlak a ni e.Kan ram tan pen zel la,dodalna karah pawh saipui kal muah muah ang che.Happy journey! Good luck! All the best!
20
blackmagicwoman Says:
June 11th, 2011 at 12:25 pm
Pu Keimah comment #14…million thumbs up!!
21
henrybkt Says:
June 11th, 2011 at 12:26 pm
lehlawks (Y) hlih duh ho chu (N)
22
chhana Says:
June 11th, 2011 at 12:33 pm
Hmanni lawka pain a makpa zahthlak taka a thah kha zu vang a nia; khami hma leh deuhva; thiandun inthatte pawh kha zu ruih vang bawk a ni.
Zu hi ka haw hran lo. Kan ruih thiam loh em avang hian khap hi ka duh mai zawk a ni e.
Chuan, zu in avanga fel ta sawt kan hria em?
23
zualbonez Says:
June 11th, 2011 at 12:39 pm
ve neuh neuh a
24
Sony Says:
June 11th, 2011 at 12:45 pm
Zu hi sawi sawi chi ani lo, in chi ani.
25
vakul Says:
June 11th, 2011 at 12:51 pm
Post tha tak a va ni em ve aw!! He Act thlawp tlat tam tak an awm laiin duh lo thenkhat khek ring vel lutuk leh kut hlei bawk si hi a khamawm a ni. Ram dang chuan duh leh lo khap lo se keini hnam tan hi chuan a la tha tawk. Hnam puitling tak tak nena khaikhin fo chi pawh kan ni lo.
26
CFL Says:
June 11th, 2011 at 12:55 pm
.
27
zualbonez Says:
June 11th, 2011 at 1:01 pm
experience la neilo/la tem ve lo te hi chu lo ngawi mai mai sela… :-[
28
vakul Says:
June 11th, 2011 at 1:05 pm
#28Experience nei ho hian an tibuai tlat a lawm. Mi dang tan hnawksak lo se tunge ngaimawh ang ni?
29
zualbonez Says:
June 11th, 2011 at 1:12 pm
Nia..zu in khap rual khan a aia hrisel lo zawk meizial/sahdah/vawksa in lo khap tel dawn ania… (B)
30
Sony Says:
June 11th, 2011 at 1:15 pm
Aizawl ah hian zu in zawng zawng hi tantir ta sela:

(a) Thlanlai tur an tlem ang;
(b) Office ah dawr tur an vang ang;
(c) Biakin (Pres leh Baptist) a ruak huai ang;
(d) Kohhran Upa an vang pharh ang;
(e) Officer pasal tur awm chhun an inchuh luai luai ang;
(f) Bus a chuang an tlem viau ang
(g) Taxi an hlawk lovang
(h) Excise ho an rethei sawt ang.
31
vakul Says:
June 11th, 2011 at 1:19 pm
#29Thil tha lo pakhat sawi hian a dang tha lo kha kan fak tihna a ni ngai lo. Kan subject chu zu a nia. Thil tha lo sawi hian ‘aiin’ tih hman pawh hi a dik ngai lo tha lo ve ve khaikhin a tul ka ti lo. tha lo kha tha lo mai se la. Kan thu a pawtawk mah mah e. Hmanah pawh nang nen hian kan sawi tawh kha Zb.
32
MaD Says:
June 11th, 2011 at 1:21 pm
In zo vek zawk ila lolz
33
zualbonez Says:
June 11th, 2011 at 1:23 pm
ka inhnial peih tawhlo hetiang lamah hi chuan…chhiar ve mai mai atan MIT paper pakhat-on prohibition in USA

http://econ-www.mit.edu/files/6227
34
Chemtatrawta Says:
June 11th, 2011 at 1:24 pm
Mizote hi chu thil hrechiang lo hian rak leh vak vak hi kan ching thin a.. MLTP hi a tawng atang hian tlem in lipse teh ang.

MLTP Act a hlawhtling lo, zu a bo chuang lo ti ho tan liau liau..

Mizoram Liqour Total Prohibition Act ah hian “Prohibition” tih a ni a, “Elimination” tih anih loh avang hian sawrkar hian a khap ringawt a ni.

Thil “Prohibit” leh “Eliminate” hi thangthar lehkhathiam rual hian a awmzia kan hriat hunah leh kan chanchinbumi te hian dictionary an en hunah, MLTP Act hlawhchhamzia kan sawi a, sawrkar kan kawh luai luai hi a bo mahna. Nge, zu paihbo tur hian, Mizoram Liqour Total Elimination Act kan duh zawk a, enforce turin Dictator kan mamawh dawn..
35
Chemtatrawta Says:
June 11th, 2011 at 1:28 pm
CHAPTER III
PROHIBITION
* Prohibition of manufacture, traffic in, and consumption etc. of liquors:
No person shall
(a)(i) Transport, import, export, or posses liquor
(ii)sell or buy liquor;
(iii) manufacture liquor;
(iv)use or keep for use any material, utensil, implement or apparatus whatsoever for manu- facture of liquor; and
(v)construct any distillery or brewery;
(b) consume liquor except on a prescription of a registered medical practitioner, or on a permit granted under the provisions of this Act or the rules made there under, as the case may be
36
zualbonez Says:
June 11th, 2011 at 1:32 pm
Eng anga post pawh ni ula eng anga pro prohibition hoin comments pawh ni ula…hetiang post re re hian tuna tang chuan comments a dawng vak pawh ka ringlo…. kan anti-prohibiiton team lamin hop anti tlat si a, an peih tawh lo a atthlak anti bawk :-[ (Y)
37
vakul Says:
June 11th, 2011 at 1:46 pm
Zualbonez, zahngai. atthlak tehna hi a inang lo hle dawn mai a. Zu khap duh loho hian khap duhho hi aa/thing min ti tlat tawh reng a lawm.

Duh leh pro. ho chu rawn dak lut lo se, kan hulhar ting a ni mai lawm. 😀
38
zualbonez Says:
June 11th, 2011 at 1:58 pm
vakul…nia male…kut khing khat khan in kut lo beng ri thuai thuai ula in hlim berin ka hria 😀 😉
39
blackmagicwoman Says:
June 11th, 2011 at 2:07 pm
Heih Vakul and ZB, inhnial suh u! ka fav misual.commers list ah in tel ve ve sia…ka tan a buaithlak! lolzz
40
khirha Says:
June 11th, 2011 at 2:23 pm
Sawi sawi mah ula, in thu a ni leu!
Pu Hawla thu thu asin… zawrh chu a duh lutuk… mahse a ngam leu!!!!
41
chhangteval Says:
June 11th, 2011 at 2:32 pm
Zu i in ngai em – ti ngai lo!!
42
TuaiSialA Says:
June 11th, 2011 at 2:32 pm
Lamtang ka ngah deuh. Comment 14-na khi comment of the year atana thlan mai chi.
43
Ignatia (33-115 AD) Says:
June 11th, 2011 at 2:52 pm
Concept vague lutuk, kan nunphung dik taka applicable lo neih reng hi i sim tawh ang u. That kan tum lutuk hian minti buaizo a nih hi. Zu hi kan khap rem loang. A bo thei bawk lo. Miin a rukin an leia an in a, kohhran leh khawtlangin a khap avangin Thlaraubo an ni zel bawk a. Mi rethei zu zuar kan man a, courtah kan hruaia. Mi lian zuin kan man bawk si lo, an eiruk do chu sawi loh thawhlawm an pek that viau chuan kar loah kohhran upa atan kan thlang nghal mai nia mawle.

Zu hi far khat mah ka in lo. Kan tih theih loh tur tih reng hi a awm zia lo. Hnamdang leh state dang bula lan mawi duh avanga khap mai mai kan ang.

Harsatna kan counter dawn hian hmana kan tihsual kha kan zir tlangpui thin a. Mahse tuna kan counter nan hmana mi kha a applicable lo fo. Khawvel hi a danglam tawh a, a mihringa te ngat phei chu danglam haih haih tawh tak kan ni.

Kohhran pawh hi a insiam rem ve zel a ngai. Renaissance chu sawi loh Industrial Revolutionin a tihbuai hrep hnu kan nih hi. Thil hi tawngpawng huat bur emaw do bur emaw hian kan ti dik lo tlangpui. Zu hi kan do thei lo ang. Rawngbawltu leh Ringtu der insiamna mai mai a ni.

Hetia han sawia tha tak mahse applicable lo hi thliar hran thiam tha a ni. MLTP Act hi thil awmze nei lo a ni. Social evils tamtak hi kan do rem lo ang. A handle dan thiam ang u.
44
H.Vangchhia Says:
June 11th, 2011 at 2:55 pm
#43 (Y)

Zu khap ai chuan a tha chi zawrh law law a, a intu te lakah dan khauh tak siam awmzia a awm zawk reng a ni.
45
Pangpuielhtliaka Says:
June 11th, 2011 at 3:13 pm
MLTP avang hian miin zu a heh phahin a heh phah lem in ka va ring love.
Point thenkhat te khi MLTP act chhan nan kan hmang dawn anih chuan tlem kan chhang ve mai mai:-
Point 1-na: Kan makpa tur chu Zu khap avangin zu a in lova,kan va lawm em kan ti ang em?

2-na: He nula hian zu khap avangin beer tak ngial pawh a khawih ngam lo (zahthlak vangin), moah kan duh kan ti ang em?

3-na: Kan fate thian kawm atan zu a zalen chung pawha zu in lo mi kan duh zawk lo maw?

4-na: Kan YMA, khawtlang hruaitute atan hian kei chu angaihna hria ka duh zawk e. A statistic atanga kan chhut dawn anih phei chuan zu in mi hi an fel zawk em te ka ti mai mai(heh lutuk ka tihna ani lo). Zu in mi ka duh e ka tihna em em pawh a ni lo.

Point 5: A phuahchawp mah mah, khi aia point puitling zawk khi awm se a tha ang.

A dangte te pawh khi MLTP debate a point atan chuan a movers emaw opposers tan pawh tum a thelh tlat.

Heta a rawn ziah ber khi chu zu in mi leh in lo mi khaikhinna mai chauh a ni e. MLTP a that leh that lohna lam chungchang reng ka hmu lo. Chu loah, zu khap avanga mifel niawm tak tak leng siau siau te atang ai hi chuan zu zalenna hmun atang hian mi fel tak tak kan hre zawk lovang maw. Abakah zu hi a pawng a puia dem ngawt zawng a fuh lovang a (a tha em em e phei chu ka ti law).
Inkhuahkhirh avang hian a ni lo maw, Mizoram pawn ah awmngaihna kan hriat thin loh.
Comment no 14 khi chu ka support ve thove.
46
ZerO Says:
June 11th, 2011 at 3:19 pm
comment a tam leh dawn e.. ngaihdan sawi liam liam rawh u lem. (C)
47
Pangpuielhtliaka Says:
June 11th, 2011 at 3:27 pm
Porn surf duh loh avang leh naupang online games atchilh duh loh avanga internet khap ang vel a ni lo maw. Tlem in extreme hret mai thei. (H)
48
PKfanai Says:
June 11th, 2011 at 3:33 pm
Zofate tana tha ber tur apiang ka duh a, Zu khuah khirhna hi han hlip thut ta mai ila, Kan hman thiam hi ka la ring hlawl lova, chuvang mai mai chu a nia, MLTP Act hi ka la thlawp rih ni.Kan that pui zawk dawn tih chiang ngat ila chuan, hlih hi ka pawiti miah lovang.Kan khawlai a ralmuang lo leh anga, Zu ngawlvei thar kan pung leh hluai anga, Zu sehhlum kan tam leh lutuk palh ang tih hi ka hlau thawng em em a ni. Palian leh chak tak tak kum 45 an tlin hmaa zu avanga boral ta, an thih chhanah chuan “Zu sehhlum” chu an tih ngai bik miah loh hi ka hmu in ka hre tam lutuk a, ka hlau thawng a ni.
49
CFL Says:
June 11th, 2011 at 3:35 pm
ZU chu (N) in awm rawh se. (I)
50
kilung Says:
June 11th, 2011 at 3:37 pm
MLTP Act chu han hlip chhin se, Kan Police, Excise te hian khauh tak in Dan an lekkawk reng thei ang em?? Arei tial tial anga, an in thlah dul leh mai ang tih hlauhawm tak ani.

51
jesuslovesme Says:
June 11th, 2011 at 4:06 pm
Zu khap hi khap loh aiin kan thatpui zawk.

THIL ENGKIM TIH KA TAN A THIANG A, ENGKIM TIH KA TAN A THA VEK KHER LO.

Zu leh drugs khap nilo se chuan tuna zu in ho te leh MLTP act hlih tan ho hian:

1.An fate enkawl harsa an ti sawt ang.
2.’In thiam’ an inti si a, khawlaiah ‘a inthiamlo’ an hmu hnem dawn si a, an ipik duh viau ang.
3.Kohhran leh khawtlanga inhmang, in ru ve duh te an hre thei si a, khap a lo nih tak loh chuan khawtlang hruaitute inah ‘i in ho ang u’ tih chu khawi lam tur, a kilah bawk an in dawm kun leh awm si a.

Sony @ 30, I thu sawi hi tam tak ngaihdan ani. A dik fu, a dik tluantling lo. Zu rui hi thlan laihna ah an phur surh, a rui velo te aia chak ber ni awm takin an che, zu rui awm miah lo se, thlan hi laih ani tho ang. Mahse a phur ber ber te na na na chu tih tir mai tur a lawm.

An ‘energy’ te hi chhungkua, khawtlang leh kohhran tan thil dangah hman an tum si lova, an phur ve na leh an tih theih tawk an tih chu lo thawk bawrh bawrh ang hmiang.
52
VLC Says:
June 11th, 2011 at 4:19 pm
Zu khap chungchang a ni leh tlat mai a, ka kal pel dawn lo tun tum chu…… MLTP Act hi hlip ta se, decade khat emaw kum 5 chhung emaw vel chu kan tuar khawp ang. Kum 10 vel a ral meuh chuan kan ziaawm tawh hle ang.

#51, i pointte khi i rinthu sawi mai mai a nih khi. Kan thalai zu in thiam an tam tawh lutuk abik takin Mizoram pawnah hian. Hmanlai deuh deuh hian kan harsatna hi sutkian kan tum thin a, kan che sual a nih hi.

Kan do avanga ill-effects zawng zawng pawh hi han ngaihtuah ve ula mawle.
53
jesuslovesme Says:
June 11th, 2011 at 4:26 pm
Zu rui hi thlan laihna ah an phur surh, a rui velo te aia chak ber ni awm takin an che, zu rui awm miah lo se, thlan hi laih ani tho ang. Mahse a phur ber ber te na na na chu tih tir mai tur a lawm.

An ‘energy’ te hi chhungkua, khawtlang leh kohhran tan thil dangah hman an tum si lova, an phur ve na leh an tih theih tawk an tih chu lo thawk bawrh bawrh ang hmiang.
54
Alanism theory Says:
June 11th, 2011 at 4:28 pm
Zu khapna dan hlih a nih chuan zurui an pung ang tih hi a chiang sa,zuruihna-ah hian insumtheih lohna a awm a,thil tha lo thlen theihna chance a sang dawn.Hei hi chu unfavourable outcome a ni.
55
VLC Says:
June 11th, 2011 at 4:36 pm
#53, zurui thlan lai ni loin zu in thinin thlan a lai an ti mai zawk a ni. Thlan laihnaah hian ka kal ve fo a, khawtlangin mifel an tih hi an tel tam ngai lo khawp mai. Chu ai chuan a chang changa zu in thin kohhrana inthlahrung ta em em ho hi an tel tam zawk. Inchhungkhur tan pawh tangkaina an ngah ve viau asin, an nu leh pa ten an endawng viau chung pawh hian. :-[ An endawng chhan hi i hria em?
56
Pc-a Says:
June 11th, 2011 at 4:46 pm
Zu rui thlailai ho hian a tawp an thleng meuh pawn ka hre lo. A sirah an pawt mai mai, a tir atanga a tawp thleng lai thin te chu rui lo an ni.
57
mach3 Says:
June 11th, 2011 at 4:50 pm
#55, thlan laih hi thil hrehawmah kei chu ka ngai lo, mi naran tan chuan biak in a darkar 1 thut aichuan a nuam zawk ang. Khawhar lenpui te mithhi lumen te hian a chhunga thut reng chu taimak angai khawp mai kei zu in lem lo tan poh hian. Thlan laih hi taimak leh mak loh teh nan a tlak vak loh.
58
VLC Says:
June 11th, 2011 at 4:51 pm
Alan#54, zurui chu pung dawn chiang e. Duh leh mahni inahte an rui ve tawh anga. Kan hlih tawh berte chuan sual a ni tawh dawn em ni? Miin a abuse a nih chuan sual a ni mai. I coin kha toss tha leh rawh i biased em mai. MLTP Act tarmit kha hlip bawk la. Kan khap vanga ill-effect awm ngaihtuah duh lo hi an tam mange.
59
VLC Says:
June 11th, 2011 at 4:57 pm
#56, in vengah chuan zu in thin misual let der angin in lo ngai aniange…. Kan vengah chuan kan football teama thiam thiam pawh hi a remchan phawt chuan zu nam haks thei an ni reng. Kohhran thiltihnaah chuan an awm duh lem lo bawk.
60
Sony Says:
June 11th, 2011 at 5:02 pm
Prohibition hmingin mihausa leh babu ho zu lakluh, kawl leh in an remti a, mirethei an rapbet a.Hei hi ZONUNMAWI anilo. Phakharna nun bal zawk ani.
61
chhana Says:
June 11th, 2011 at 5:06 pm
Israel ramah hian zu a zalen khawp mai. Mahse, Mizo zingah chuan zu in thiam ka hmulo chu a ni ber e…
Mizoramah thung chuan MLTP act hi hlip ta ila; kum nga vel chu kan thiamlo viau anga; a hnu lamah chuan nasa lehzualin kan buaipui ang. Hemi sawilawk thei tur hian zawlnei nih kher a ngailo.
Zu hi sual a nilo. Mahse, buaina tinreng thlentu a ni e. Zu in duhin nghei tum sela; a duh lovin duhlo zui zel rawh se. Buaina thlentu a ni si a. Ka lawm e.
62
CFL Says:
June 11th, 2011 at 5:08 pm
ZU hi chu (N) tur. (I)
63
VLC Says:
June 11th, 2011 at 5:13 pm
#62, Bawiha hei lo ngaithla daih rawh… 😀 😀 😀

http://www.youtube.com/watch?v=eHNqauupKEk
64
CFL Says:
June 11th, 2011 at 5:20 pm
Setana dawihlo, kan ram hmelma lian chu ZU hi a ni e. (N)
65
CyberThug Says:
June 11th, 2011 at 5:30 pm
Khap zui zel rawh se tih hi ka duhdan ani… Exellent post…
66
Alanism theory Says:
June 11th, 2011 at 5:31 pm
58# zamzo:Ka tarmit hi ka hlip phal rih lo,in a rui te,khawlaia rui te pawh an awm ang.Zu hi abuse a awl em a,sual a ni chu a ni ka ti lo,thil a ni mai.Mltp act ill effect pawh a awm tho va,hlih hian a ill effect tur hi a nasa zawk dawn in ka hre tlat pek a,coin han toss that fo pawh hian a outcome hi unfavourable a chhuak hnem zawk tlat. Ka tarmit hi vuah ve zawk la,kan tang tlang a ni mai.Ngaihdan a in an loh hi chuan inhnial hi a awl bawk si a.I duh si loh chuan ka ngawi mai ang e,ka ngaihdan ka sawhsawn tihna ni lovin.
67
VLC Says:
June 11th, 2011 at 5:33 pm
Cyberthug#65, khap hian a ti buai pha lo che a ni maw? I chah thleng thei reng a ni maw? Nangmah chauh i in ngaihtuah duh hmel. NOI

#66, i nick ang deuh hian i theoretical a nih mai mai chua……
68
CyberThug Says:
June 11th, 2011 at 5:35 pm
@zamzo, ni e. Ka duh chuan ka chah thleng thei reng.. Eng brand pawh nise. Mahse ka ti ngailo
69
lianchhiara Says:
June 11th, 2011 at 6:01 pm
1. A duhin in se, a duh lovin in lo mai rawh se. Zu that lohna inhriatsiak hi ropuina a ni lo.

2. Kan ramah hian, dan dang ang bawkin MLTP Act hian palzut leh rahhrual a hlawh nasa hle. MLTP Act kengkawhtute hian ngam loh an ngah em mai hi a buaithlak lai ber a ni.

3. Hralh zo vek pawh ni se kar khat tla buhfai leina tur khawp pawh an hlep lovang tih hriat rengte man a, tanina tantir an nih laiin, khapna kengkawhtute leh an pute, chumite pu leh te leh an thiante leh an hmelhriatte chuan an pindanah an hung tlar tuarh thung a. An In thar lawmnaah kil khat mai ni lo, kil hnih-thumah an thut bialpui thei reng bawk. An dil sahnaahte pawh a ni hial lo maw? Chu’ngho chu engzat nge man an nih tawh? MLTP Act hnuaia awm an ni lo em ni?

4. Zu kawl reng, in reng tih kan hriatte hnenah pawh zak hauh lovin thawhlawm kan khawn reng a, vawite khat pawh an in kan enfiah ngam lo – thinthi dapin kan awmtir hiai hiai reng! Vairengte Excise check-gate-ah, phone call vawikhat hmangin zu bur engzatnge lo chho thin tih hi chhut tham a ni ang.

5. Kawmkara zurui inhnial chuan MLTP Act an bawhchhia a, Sorkar sak Lodge hrang hranga zurui lam chuan an bawhchhe lo tihna em ni?

6. MLTP Act hlih leh hlih loh sawi apianga zu that lohna sawi vak vak hi a ninawm. A tha lo tih leh zu hi awmze neia khuahkhirh a ngai tih hi khawvel pawm a ni.

7. Zonun mawi virus hi zu a ni chiah lo. Mahni inhliahkhuh nana YMA kawra hmangtute, thuneihna leh rorelna mahni kokia chhuan san tuma tlawmngai pawla inhmanghote, Kohhran leh khawtlang hmuha mawi taka lang, ram hmangaih intia pharvar, a tak taka mahni leh chhungte chauh hmangaih, hlawkna um avanga tha taka hna zo thei lo contractor leh sorkar hnathawkte etc., a tam mai, hengho hi zu aiin Zonun mawi tan hian virus hlauhawm a ni zawk.

8. Zonun mawi a parvul tak tak lai kha Mizote nuna zu a zalen hun lai a nih hmel.

9. MLTP Act hi siamthat a ngai lo, a kengkawhtute hi siamthat an ngai zawk. Hlih a nih pawhin Zu khuahkhirhna dan khauh tak a awm ngei tur a ni.

10. Zu hi engahmah ka ti lo. Ka in ngai lo.
70
keimah Says:
June 11th, 2011 at 6:13 pm
Zu in thiam ring ho tana hriat ve mai mai tur chu:

Zu(alcohol) hi ‘drug’ chi khat a ni a, alcohol hi a tirah in thiam mah ila zawi zawiin kan taksain a mamawh a sang zel a, a tira tawng tinuam tawk vel (zu rui lova in thiam) kha rei lo teah chuan eng tihna mah a ni lo va, tawng nuam tawk tur chuan a hma aia tam in a lo tul ta a, hun a kal zel a, in tam tawlh tawlh a tul thin. Hei hi kan taksain ‘tolerance’ a lo insiam vang a ni a, hei tak hi ‘Ngawl’ vei lo in tanna chu a ni.

Rui lovin in thiamin inhre mahse mi tam tak chu ZU bawihah an tang ta nge nge thin a, in thiam intiin RUI kher lo mah se an taksa peng engemaw ber, a bik takin an THIN leh PUMPUI ten an chhiat phah a, in thiam inti takin THIN RO (Cirrhosis) emaw, thin Cancer leh Pumpui pan/cancer te an lo nei thei bawk a ni.

ZU hi in thiam inti hle mah la, ZU khan i in thiam tih kha a hre ve tlat lo. I in tam dana zirin chhiatna a pe tho tho ang che. A tawpah chuan i taksa, rilru leh thlarau thlenga thil pawi a thlen thei zawk fo a ni.

ZU hian heti khawp hian khawvel a chawk buai tih hre reng chung sia heti taka amah duhtu leh tantu an la tam danah hian A NGAWL VEI emaw, A ZUNA UAI emaw hi chu a na tih a hriat e!
71
Lalthoimoia Says:
June 11th, 2011 at 6:16 pm
Post tupa ziah khi a dik a lawm,mahse,MLTP hlih hi Zu in sawimawina lam anilo a,kan future thlirin ZU kan deal dan hian hmasawnna leh puitlinna lam a kawklo a lawm. Heihi ngaihtuah ang u,he khawvelah hian Zu kan khaprem hun hi a thlen ka ring ngailo,khawvel atang hian thilthralo sengbo vek hi Lalpa thiltum pawh niin a lang bawklo,mahse, keimahni zawk erawh chu thilthralo tinreng ata fihlim tur chuan min duh ngei ang.Chuvangin Kristian ramlo zawk pawhin an deal thiam a, issue berah an neih loh chuan, keini pawhin kan neih loh hun hi chu a la thleng ve thei. Kan khap trung trung hian chumi hun chu min thlen har tir mai a ni.Kan nihtur ang leh kan tawntlang tur hi hmachhawn ngam ila.chuta tang chuan hmasawna pawh a awm thin.Thil reng reng hi a thra lam leh chhe lam side a awm vek a,kan hmasawnna tur leh future atana thra tur kha kan thlang ngam mai tur ani.Tuna YMA te nena kan helnuai ang hi chu khawvel thrang zelah a theih dawn chuang loh.No risk no gain.
72
malsta27 Says:
June 11th, 2011 at 6:26 pm
Zu avanga mai2 a Zonunmawi in a tlak chhiat phah chuan a mawi tak2 lo tihna a ni thei a ngem?………….Zonunmawi vaw chhe thei khawp a chak a ngai hi chuan Zu hi an dah sang hle tihna a ni mai…….Kistianna emaw Zonunmawi emaw pawh ni se la, Zu vuak chhiat theih kan nei a nih chuan kan chiang tawk lo tihna a ni thei mai a ngem?????? zawhna lian tak a ni. 😉 😉
73
lianchhiara Says:
June 11th, 2011 at 6:33 pm
A post nena in relate hian response thin zel ila, misual dot com hi a nuam lehzual ang.
74
jesuslovesme Says:
June 11th, 2011 at 6:38 pm
lianchhiara @69 “Hralh zo vek pawh ni se kar khat tla buhfai leina tur khawp pawh an hlep lovang tih hriat rengte man a, tanina tantir an nih laiin, khapna kengkawhtute leh an pute, chumite pu leh te leh an thiante leh an hmelhriatte chuan an pindanah an hung tlar tuarh thung a.”

A dik. Kenkawh that a ngai ani.

Mahse zu tlemte an zuar tih vanga lo in thiam chi ani lo. Cheng 5 ru chuan midangin cheng 100 a ruk avnagin a thiam ani chuang lo. Nasa lehzual zawk a kenkawh a ngai tihna ani mai.

Zu hi a in hmelhriat ka nei ve teuh a, kei pawhin ka lo in ve tawh.

Tumah rui chhelh lova in ka la hre lova, “Zu in hi ka thiam lo thina” ti pakhat mah ka la hre lo bawk.

Mi hausa leh thiltithei a kawl hria kan awm anih chuan mizo pa takin sawi chhuak ang hmiang, an hming te, an nihna te, an veng te. Kan ngam loh chuan a ngam te ina an khap ngam na kha khap anih na hmun tur chu ani mai.
75
Sony Says:
June 11th, 2011 at 6:39 pm
No.70. Zu in chu dam rei lohna ang dawn dawna in in sawi a. Khawvela mihring (average a) dam reina hmun top 84 chu zu khap lohna ram asin. Zu khapna ram zinga chang sang ber (Saudi Arabia) chu N0 85ah daih asin. Top 5: Japan, Hong Kong, Iceland, Switzerland, Auatralia.
“Mizo kan ni kan mawl ani zu in khan thiam love”, tia in tang kawh tlat mai hi Mizo hnam hmuhsitna nasa tak ani lo maw?
http://en.wikipedia.org/wiki/List_of_countries_by_life_expectancy
76
malsta27 Says:
June 11th, 2011 at 6:40 pm
A chang hi chuan Utopia kan beisei te poh hi a ang rum2 thin………………ti ve leh ngot teh ang.
77
NamnilengA Says:
June 11th, 2011 at 6:50 pm
misual.comah chuan Zu hi chu hralh a kal tha thei khawp mai………maw!

Inti Pathianthuawih ho khan Zu-in hi hmusit viau sela……..An khap rem dawn loh zia hi an hre kur chung pawn a tha an la ti hram tho!

Khawvel hi Van rama siam tum pawl hi an awm ve hrim hrim a, Taliban ho nen hian huang khata dah chi.

Sawi sawi mah se la ka nghei dawn chuang lo…………
78
lianchhiara Says:
June 11th, 2011 at 6:59 pm
@jesuslovesme, Mizo pa taka sawichhuah ngai lovin, a dan kengkawhtute leh a man theitute hian hetianga kawl thei chinte hi chu an hre hlei hlui ang, a inte pawh an inho hial ang. Tin, an khap ngamna china an khapa i lungawi dawn a nih chuan, Zoram siamthat a, virus delete i duh tak tak lo tihna a ni chiang mai.
79
malsta27 Says:
June 11th, 2011 at 7:21 pm
Mak ka tih deuh mai chu ti daih teh ang OT lutuk lovang chu maw Zu khap leh khap loh chungchang tho ni mahse hehehe………

Hmanlai kan pi leh pu te hunlai khan Zu hi an nei reng a, an kawl reng deuh tho ang tih theih turin kan thawnthu/hla ah te leh thu chham ang chi ho ah te kan hmu a mahse ka hriat ve phak chinah (a tam lo nanga) zurui buai tih ang chi hi zuk awm mang der lova mawle…..Mi thiam te an chhut leh sawi dan in thawnthu/hla/thu chham mi te hian khawtlang nun a ti lang zel tih a sawi a ni thin a……..chumi a nih a a dik a nih ngai chuan kan Pi leeh pu te hi Zu ah an buai ve manglo tihna ang a ni…….chumi letling hlauh chu a nih chuan mi thiam te thusawi hi a diklo tihna a ni dawn a,ngaihtuah thiam chu a har ang reng.

Mahse tunlai thuziak leh hla thenkhat te hi kum za hnu velah chhiar ta ang se Zu ah kan buai hle tih hi chu an hriat theih ngei a rinawm……….

Rindan mai2 chuan khap hi hlip ta ang se a tirah chuan kan buai nuaih maithei (ZAmzo soi ang deuh hian) a inthlifim chho ve zel chuan a rinawm/ a buai nuaih tawh lo maihei bawk……Khap hi hlip ta lo se kumkhaw inhnialna a ni thei maithei 😀 😀
80
VLC Says:
June 11th, 2011 at 7:39 pm
Cyberthug#68, ka hre chiang che tih hi lo hre ve mai mai rawh.

#70Keimah, khawilai atangin nge i lo tawng leh tak chiam mai le. I thusawi hi Mizoram tana a dik ber ang. A dik chhan pawh eng dang vang ni lovin kan khap vang mai ania. Shillong tlangah ringawt pawh hian han chuangkai la mawle. I ngaihdan thing lutuk hi i thlak ve ngei ang. MLTP Act hmang reng chung hian kan in a, kan rui a, kan cancer luai luai anih hi. Mihringah hian dan hi enge a nih tihte pawh Tirhkoh Paula theology atangin han chhui la.
81
zualbonez Says:
June 11th, 2011 at 7:48 pm
total prohibition chu heihi animai:

http://www.youtube.com/watch?v=Q5zavfXRFmw
82
doc_lib Says:
June 11th, 2011 at 7:49 pm
Zu chungchanga in hnial luai luai zel mai hi chu a va han hahthlak mai mai thin tak em. Kristianna kum 100 meuh kan lawm tawh hnu pawha thil ropui lutuk a zu kan ngai hian kan puitlin loh zia a entir. Khawnge a point te te in kan sawi ve nghauh nghauh teh ang.
1.Zu hi thil in chi pakhat ve mai ani. A duhin in a, a duh loin in loh mai tur. Ngaih ropui vak tur a ni lo.

2.Mizo kan nih a vanga zu inthiam lo tura in ngaih tlatna hi Chhura chengkek lo tur theology a ni.

3.Mi in zu a in vangin misual a ni ngawt lo.Zu a ruiha mahni in control/inenkawl thei lova a awm chiah khan misual a ni.Zu a kha a sual a ni lo, a mah a intu mihring, mahni in tawk pawh hre lo kha misual khaihlum tlak a ni.
4.MLTP Act kan hman mek hi a hlawhtling tih leh a hlawhtling lo tih chu a tehna a zir te pawh a ni ang.Sorkar hi huai takin che se, khawlaia zurui leh in dan tawk thiam lo chu na takin hrem se.Zu ruih a vanga insual leh in tibuai reng reng chu kum 1 chhung Jail-ah tan ho zelna siam se, khawng takin kengkawh bawk se, tumah zuruih a vangin an in ti buai luai luai reng lovang.

5.Zu hi kan duh lo tak zet anih chuan mipui pawn kan zir a ngai.Hmana kan rilru thin ‘ Zu rui khin te chu a’ kan tih thin kha sim daih tur. Zurui chu a chapo deuh emaw, buaina siam zawnga a khawsak chuan khin ngei ngei tur. A tul chuan police ah report a, man tir ngei ngei tur.

6.Tuna kan MLTP Act hman hi kan hmang zui zel dawn anih chuan siam that a ngai nasa.Zu chhia a ti pung ting ani mai. Rangvamual leh a chheh vel khuan a ti chiang khawp mai.
7.Tuna kan MLTP Act hmang a zu kan khap hram hram danah hi chuan zu hi kan la ngai ropui a ni tih a chiang.He Act hmang hian lemchanna khawvelah mizo mipui te kan leng. A tuartu chu kan thalai te an ni.Mizo ramah sorkar leh kohhranin thil ropui takah ngaiin, thil in chi pakhat ve mai kha thil ropui ah a chhuah a.Phaiah zu khap lohna hmunah indan tawk an thiam ta thin lo.

8.Zu khap avanga in lo a, zu khap lohna hmuna mual pho leh si ai chuan zu zalenna hmuna buai chuang miah lo mihring ah kan in chhuah a hun.

9.Zu hi khap ta lo ila,a ruih hi khap ta zawk ila, kan hlawkpui zawk ang.zu a zalen a vangin ruih suau suau kan phal dawn tihna ani lo. Zurui awmdan thiam lo te hremna hi tih nat mai tur.Zurui khawlaia mawilo deuha awm chu thuneitute hian huaitakin hrem ngam se, ka lo rui deuh vang a ni pawh ti mah se la, ‘ni e i rui deuh a, i thiam lo ani’ tiin kumkhat lungin tan leh a tan chhun zawng vantlang tana thil tha tih tir (e.g School ah te hruai kual ni se,emaw thalai inkhawmna ah emaw a remchan dan a zirin ‘hei zuruih vangin ka tang a, a zia lo khawp mai, zu hi rawn rui ve duh reng reng suh u’ tiin fuihna thu sawi tir ni se. Kumkhat hnuah chuan zurui khawpin a in tawh lo reng reng ang. Tin zuirui insual chu sawi tawh ang khan kum 1 tan dun tir ni se. An ni pawh vantlang tan an tan chhun zawng thil tha tih luih tir ni bawk se. Hetianga taka khawnga ro kan rel ngam chuan zu hi khap khap a ngai lo ang, a in dan mipuiin an thiam chho mai ang.

10.Tuna kan zirna ah hian kan thawk hah thin bawk a, CME vel kan neih chang hian paper present emaw, scientific session a zawh hi chuan kan professor te hian in hah bawk, zanin chu hlim takin hmang ru an ti mai thin a. Duh tawka in tur company lam hian an rawn sponsored tawh thin bawk nen in lo hi chu an vang khawp.Mahse rui mualpho pakhat mah kan la awm lo.Zir hunah chuan kan professor te hi kan zah khawp a, mahse intihhlim hunah chuan no hnih khat te hi kan dawm ho mai.Engah vak an ngai lem lo. Tumah an rui ngai hek lo.

Zu hi chu khawvel awm chhungin a awm reng dawn. Chuvangin kei chuan zu khap aiin zu ruih khap ka thlang zawk e.
83
TuaiSialA Says:
June 11th, 2011 at 7:52 pm
Zu in leh in lo zawng zawng pawh kha Pangtichawra’n a hmangaih vek che u.
84
zualbonez Says:
June 11th, 2011 at 8:00 pm
zanin zu in numa vek u aw 😀
85
Pc-a Says:
June 11th, 2011 at 8:02 pm
Zu khap ve lo ho rama retheite retheihzia hi. Mihring siam thatnan khawdur a ngai. Varnaw
86
lushai_er Says:
June 11th, 2011 at 8:21 pm
In va sawi peih mai mai e aw……!
87
Benny Says:
June 11th, 2011 at 8:33 pm
MLTP ACT hi hman a nih rau rau chuan, a danin a huam chin ang zelah khauh leh zual zawka sorkar hian kalpui se. Chuti a nih loh a tun ang reng a nih dawn hi chuan sut daih a tha zawk ang.
88
chhana Says:
June 11th, 2011 at 8:40 pm
77
NamnilengA, i comment hi 100% in ka thlawp lo. Kan intih Pathian thuawih vang a ni lova; zu ina, rui buai ho kan nin em vang zawk a ni e. Nam ringawt hi ka ning biklo. Mahse, nam ringawt duhtawk thin heklo mawle.
89
VLC Says:
June 11th, 2011 at 8:42 pm
Benny Benlubuk i buluk mah mah zawk a ni lo maw. Ngawih mai a tha zawk lo maw? (Nizan ka mut dawnah ka nui nasa asin aw, a hlimawm em!)

Kan ngaihdan a in ang ta. Kan inkawm thei. 😛 😛
90
ninja Says:
June 11th, 2011 at 8:42 pm
ju ei mi?
91
muantea Says:
June 11th, 2011 at 8:48 pm
Tute emaw mi sawi an hriat atanga tang na ve pang pang tak, midang hmu thing ve ngawt, mahni inhmuchiang thei si lote hian khawvel an tikim ve ngawt mai 🙂
92
Mr Bad Says:
June 11th, 2011 at 8:52 pm
Zu hi…kan do lian tulh tulh a ni ber awm e.
93
VLC Says:
June 11th, 2011 at 8:58 pm
Mahni awmhmun atanga thil thlir ve pang pang. Ngaihtuahna zawng zawng a tih hlawhtlin vek theih emaw tia tang ve em em ringawt, tunlai khawvel mila in her danglam tum miah lo ho hian tunlai Zoram Khawvel hi an pawt muang. Ka mu ange in thu a ho tlat, naktuk zing lama kohhrana tihtur nei ve tan chuan mut a tha ang aw. 😛
94
vakul Says:
June 11th, 2011 at 9:38 pm
Tunlai khawvel mila inher tum zel ho hi an dazat duh. sual chu sual a ni.
95
Turu^lo Says:
June 11th, 2011 at 10:11 pm
Comment ho zawng zawng ka chhiar seng lo. Mahse, he Article hian a ‘buk thelhin a thelh’ duai a ni.

Zonunmawi ‘Virus’ chu Corruption, Hlemhletna, Mahni hmasialna etc a ni zawk.

Tin, tumah in Zu hi tha an ti a ni lo,kan khap burna dan hi a felhlel a ni an ti a ni zawk e.
Tih tak takah chuan, Zu khap a nih hma, kan missionary te’n zu hi suala an puan hma a mizo tlawmngaihna kha ani lawm ni zonunmawi kan tih thin zawk chu???
96
aduhi Says:
June 11th, 2011 at 10:12 pm
ZU topic kan lawm lutuk hi chu a hranpa a category siam hial chi mawle.
97
TuaiSialA Says:
June 11th, 2011 at 10:20 pm
Zamzo chu tunlai khawvel milin i inthlak zel ang a, i thlah leh tuchhuante’n Mizo nih an theihnghilh vat ang. Inthlakna chi leh thlak lohna chi a awm ngai e.

Aduh, category ho saw a inhnaih hlawm ka ti. Hman loh a tam.

Englekhawle.. He post-a inhnial zawng zawngte kha angkhat vekin Pangtichawra‘n a hmangaih vek che u a nia.
98
aduhi Says:
June 11th, 2011 at 10:24 pm
Tuaisial phunchiar lutuk teh suh sunday a hnaih tawh hi. lo inhnaih ve mai mai teh seeee
99
critic Says:
June 11th, 2011 at 10:25 pm
Zu in thiamhi an om deuh ni a hriat chang ka nei eg. Chaweikhawmna angah te mahse hmun dangah chuan an lo thiam lo thin a. A changa inthiam a changa inthiam lo te an lo ni leh a. Inkawm hona a inthiam, lungawihloh hun a in thiam leh lote an nih leh thin. Kei chuan Zu in a vanga harsatna siam ten, “Ka lo rui lutuka min hrethiam rawh u” ti te hi Zu in thiam an intih thin vangin ka hrethiam ngai toh lo. Zu in kan sawi thin rual hian a zuartute hi sumdawng an ni a, sum hmuh nan chuan pawisak an nei lo tihhi ka hre toh. Damdawi leh Spirit engpawh a thawhmhana tur chu eng pawh an telh hnial lo. Zu thlawrna bel a Sazu thi lang luau luau poh ka lo hmu tawh. Fresh lo khawp mai. 🙂
100
vakul Says:
June 11th, 2011 at 10:30 pm
Century ka’n siam ang e.

Zu kan lamna lamah kan hmui pawh a kum tak phut hi le!!
A Hla duh ber pawh ‘Judai ram Bethlehemah’ tih a ni a a chhan pawh zu tih ri a hriat vang a ni.
101
Veepee Says:
June 11th, 2011 at 10:39 pm
Tunlai nun a inher tih vel.. zu khap hi kan tunlai nun a nih hi !!!!!!!!!!!!! het sala !!!!!!!!!! Kan pi leh pu te zonunmawi ah khan zu hi khap a ni em? !!!!!!!!!!!!!!! sla !!!!!!!!!!!!!!!
102
rose10 parvuli Says:
June 11th, 2011 at 10:43 pm
in va tui e
103
malsta27 Says:
June 11th, 2011 at 11:07 pm
Zu ho viau ho hi chuan KTP/TKP/SAY adt adt ah poh drug addict/zu ngawlvei te inkhawm pawh an en hran ruk viau ka ring ve mai2………..Pathian thu nen chuan a inkalh viau ang he thil kher hi chu……….
104
Veepee Says:
June 11th, 2011 at 11:14 pm
Ka comment tawp nan.. zu khap a tha kan ti anih pawhin zu khap in a a nghawng tha lo zawng zawng hi i ngaihtuah tel ang u. Chutichuan a thatna leh a nghawng thalo te buk leh ta ila khap kan la duh cheu anih chuan ram kan hmangaih dan a inang lo tihna ah ka ngai ta deuh mai.
‘Jo ho gaya, vo log to chhor do. Abhi jo baccha hai, vo log ko bacchana hai’ tih kan ti anih pawhin zu khap hian rah tha a chhuah ka ring hlel e.
105
chhana Says:
June 11th, 2011 at 11:30 pm
Zu hi khap zui zel chi a ni e.
106
TuaiSialA Says:
June 11th, 2011 at 11:31 pm
Chawrchhuahna a inang lo em a ni. Zu -ina a tihbuai chhungkua atanga chawrchhuak chu a in loh vëk chuan a rilru-ah zu huatna a intuh ngei ngei.
107
TuaiSialA Says:
June 11th, 2011 at 11:32 pm
Chawrchhuahna a inang lo em a ni. Zu -ina a tihbuai chhungkua atanga chawrchhuak chu a in loh vëk chuan a rilru-ah zu huatna a intuh ngei ngei.

Ka lawm e.

I tan chauh,
TuaiSialA.
108
malsta27 Says:
June 11th, 2011 at 11:44 pm
@ Chana: thilthalo hi tlanchhiatsan chi a ni lova beih zawk tur a ni ngai………..a thiltih theihna zawng2 nen a a inthuam famkima kan hneh a ngai zawk dawn lawm ni nge a chaklo chung pawh kan hneh zo dawn lo zawk?
109
chhana Says:
June 11th, 2011 at 11:48 pm
A dik khawp mai. Ka lo dawih deuh a ni e. Huaisen takin kan bei zel ang chu mawle…tir’aw…
110
critic Says:
June 11th, 2011 at 11:53 pm
Alcohol Content hi a ni……
Zawlaidi an zalen deuhva Alcohol a paitlem vangin In tamah an han tlak leh hlawma, Ruih kher an tum vang a nia, kei zawng Zawlaidi a tang hian Zu hi kan thingpui in hi ka ringlo tawp mai.. kan rilru hi a ni ber mai… Ruih duh, ruih chak, ruih tur zawng hetiang rilru a tang hi chuan MLTP ACT hlih ngamah ka ngailo ve.. School Naupang zawlaidi in a ruih hrat an awm leh teuh tawh hi… Zu inthiam zirtirtu nih ai chuan in lo tura hrilhtu nih a tha ka ti zawk.
111
malsta27 Says:
June 12th, 2011 at 12:04 am
@Critic chu thatchhe philosophy ni maw hahahahaha…………..
112
lrpa Says:
June 12th, 2011 at 12:06 am
Kan Zu ‘khap bur’ ve dan hi a..
Khap loh nen danglamna ka hmu lo e..
Dan siam that maw? Tun a kan dan hi a tha tawk teu teu khawp mai, a hremna pawh a na, a rim nam ringawt hremna pawh a na. Ti hian ‘khap bur’ reng ila, sawrkar chak zia leh dan a lek kawh that zia min ‘remind’ reng tu a ni mai dawn a lawm..
113
Veepee Says:
June 12th, 2011 at 12:19 am
Ka tawp ang ka ti takna a ka tawp leh lo mai teh ang. 96 hma leh 96 hnu lam te kan compare vel a. Pawn lam khawtlang lan dan te kan chhut maw. Khawlaiah insual a awm lo. Mahse ka mi hriat te atangin zu an in loh phah ka hre love. Inchhung a buaina siam ching ho phei chu a zual zamah emawni tih mai tur.
In lo ngaihtuah ve mai mai atan… ka cousin thenkhat te zu hi khap ni lo ta se Proxyvon avang khan an thih ka ring lo, zu ah khan an lungawi tawk viau thin asin, ka chhungte thenkhat te pawh kha tun dinhmunah chuan an thih ka la ring lo (zu quality chhe lutuk an tuar ani ber mai) leh ka chhul khat kual pui ngei te pawh tun ang em em hi chuan zu chhe lutuk avang hian an tawrh ka ring lo.
114
Krista Says:
June 12th, 2011 at 1:02 am
@Veepee: I thusawi hi a dik khawp mai.

Buaithlak ka ti. Han sawi belh vak pawh ka duh tawh lem lo. Mahse hei erawh ka chiang- Zu do chungchang sawihonaah hian ka tel ta nuala, thangthar leh upa deuhte thlir dan a danglam khawp mai. Tun atanga kum 20/30-ah chuan MLTP Act hi kan hlih ka ring khawp mai.

Vawiin hi Pentikos Ni a ni e. He post commenttu zawng zawng Pentikos Ni chibai mawlh mawlh u!
115
critic Says:
June 12th, 2011 at 1:05 am
#111 Tih tlat chuan ni mai e..ha..haa
A tawp nan, Pa ber in zu a duh luat vanga a thla hlawh inchhunga lut tlem takte pawhhi an awm ve nual a nia, heng mite hian an Nupui fanaute an hmangaih loh vang ni lovin a ngawl an vei tawh vanga ti an ni. Hetiang mi hi a nghei tawh leh ti mek ten an sawi ve thin pakhat a ni. Zu in nasa dam leh tam zawkte hian khap hi ka hriat ve chinah an duh deuh vek a ni.
116
CyberThug Says:
June 12th, 2011 at 1:06 am
@113, i cousinte chu khap nilo se chuan zungawl veiin an thi tho ang… Zu khap avanga proxyvon lo tih phah te chu a… I chhulkhat kualpuite pawh chu khap ani chung pawha an tuar anih chuan han zalen phei se chuan an khawlo lehzual ngawt ang. An zuchhe in avanga an tawrh kha an zuheh khawloh lutuk vang ania, MLTP Act chu mawhpuh reng reng suh
117
bangbong Says:
June 12th, 2011 at 1:41 am
MLTP act hlawhtling loh zia han chian kelh kulh hnu poh a la accept thei lo hi chu . zu ngawl vei mahni nun tichhe to hi chu zu in ngai thin lo mahse thil dang vangin a nun a tichhe tho tho ang , ruihtheih thil dang ti lo mahse tv hma ah a thru hner hnur ang a zunthlum Bp sang vangin a nun a tichhe tho ang . Saptawng takin loser(s) khawi hmun ah poh an awm. mirethei ka rawk anih ber hi ka ram rethei toh naklai a
118
Krista Says:
June 12th, 2011 at 2:07 am
Ka chhungte leh thiante’n min lo teh vak vak chang hian ka lung nilo viau zel. Pathian thu leh a kaihnawih atan bak hian min phal ngai meuh lo. A chang phei chuan anmahni hi anlo hreawm em em thin. Mahse lawmna ka nei- min tehna chhan kha ka hmakhua an ngaih vang a ni tlangpui. Min en liam mai mai tute ai chuan an hlu chuange.

MLTP Act chungchang vei em em tute pawh hi an zahawm khawp mai. Eng ang zawng pawhin tang rawh se, a duh emaw duh lo emaw, ngaihdan a sawi ve phawt chuan kohhran, khawtlang leh ram a veia a hmangaih ve a ni.

Vawiin hi Pentikos Ni a ni e. He post commenttu zawng zawng Pentikos Ni chibai mawlh mawlh u!
119
chhana Says:
June 12th, 2011 at 10:42 am
Hmani dawr kan kalna pakhatah chuan thil in chi hi a lo tlep tuar mai a; kan u pakhat chuan, “Hei hi in rawh, zu in lo ho in chi a nih hi,” a ti nia. A va zu ngaihsan thlak tak em!
Mi tam tak bear in ho hian “Hetiangte chu zu a ni hleinem,” an ti thin. Engvanga in nge annih tak ang le?
120
chhana Says:
June 12th, 2011 at 10:43 am
Krista, Pentikos chibai le. Vawiinah hian kan thinlungah Thlarau Thianghlim lo leng rawh se. Amen.
121
pa-para Says:
June 12th, 2011 at 8:47 pm
ZU KAN RUI TLANG A NIH BER HI>>>>>>> Hah hnap a hna han thawh zawh a Whiskey han peg sak hi a va nuam tak eeeem…
122
Veepee Says:
June 12th, 2011 at 10:34 pm
@cyberthug. i ti dik mai thei. Mahse ka cousin ka sawi kha chhunah thlan tla in han a thawk thin, tlai lamah zu a in leh thin. A body health condition kha nang aiin a that zawk ka ring. Proxyvon a tih atang khan a kulcho ta, hnathawk thei dinhmunah a ding ta lo atin ni. Nang chuan zu khap emaw khap lo emaw, proxyvon a tih tho i ring mai thei, mahse kei chuan ka sawi thei lo, zu ah khan a lungawi viau thin. Tin, ka chhulkhat kualpui ka sawi kha chhun lamah office kalin tlai lamah zu a in thin, tun ai hian zu hi lo tha deuh zawk ta se a tawrh lutuk ka ring lo. Kan body mechanism antibody hian lo neutralise thei thin, tin 100% a neitralise lo anih pawh in engemaw chen chu a chhiatpui lovang. Tin, kei pawh hi wildlife researcher ka ni, zing dar 4 atanga dar 5 ah thovin ramhnuaiah ka vak thin, tichuan tlai lam beer emaw a strong emaw in sek ka ching, ka taksa in a chhiat phah leh phah loh chu ka hre lo. Mahse nang ai chuan ka hrisel zawk ka ring. kei chu zu khap lohna hmun a awm ka nih avangin ka hlawh atangin engzat hi nge ka senral ang tih hi ka chhut thin, ka senral tura ka chhut hi zu khapna hmunah chuan a let 4 emaw 5 vel anih ka ring. Sawin tur a tam mai, ka duhtawk phawt teh ang. Mimal anga MLTP kan tan dawn anih chuan ka phet thla zar zar thei. A that lohna hi buk tel ve teh u ka tihna vang mai zawk ania. KA LAWM E
123
chhana Says:
June 13th, 2011 at 2:18 am
He post chu zu duh lo bur leh zu ngawl vei ho inhnialna a nih ber hi a…
Kei chuan ka in lo kumkhua ang.