Mizote hian sakhaw mumal tak neiin Pathian pawh lam dân chi hrang hrang an nei a, an sawi dan thinte chu; Khuanu, Pathian, Khuavang, Patuan, Lasi etc. Heng lo pawh hi Pathian sawina hming a la awm nual mai. Hengte hi mihring mita hmuh theih si loh, ramhnuaia cheng; kham te, lungpui lian pui pui te, thingbuk lian pui pui te, ngaw dur pui pui te hi humhalhtu nei, va tihlungawi lohva min ti na thei awmin an ring thin a. chungte avang chuan damlohna chi hrang hrang an neihte hian chung ramhnuaia thuneitu nia an hriat chu an lo ti lungawi lo a ni ang tihte ringin Pathian ni lo, thuneitu dang awm ve thei nia an hriatte chu tlawn leh tih lungawi nan rante talhin an inthawi thin a ni. Chung hunlai chuan Mizote hian thu an awihin, ziak loh dan, thiang leh thiang lo an tihte hi an zawma an bawhchhe ngai lo a ni. Sakhaw hunserh laia mikhual biak loh tur tih te, pûm tlawh loh tur tihte an awih em em thin a, chung hun lai chuan Puithiam hrang hrang nei mah se, sakhuana avanga intih thiam loh emaw a awm ve ngai lo. Puithiamte’n an hna tur leh an tih tur chin an ti mai a, mipui lam pawhin Puithiamin ti tura an tih chu thuawih takin an ti mai thin a ni.
Pathian hmingte hi an lam ve vak vak ngai lova, zahna lantirna a ni berin a lang. ‘Khuanu’ tih te, ‘Khuavang’ tih te, ‘Khua’ tih te hi an tawngka lamah chuan an hmang tam zawk. Ramhnuaia an kal a chaw an ei dawnte hian an chaw eitur atang chuan Pathian chanpual an pe thin a, chaw an ei hmain chaw leh chawhmeh tlemte an dah hrang a, ‘Khua Tlai’ an ti a, chumi awmzia chu “Pathianin chanvo lo nei hmasa rawh se’ an tihna a ni. Chumi hnuah chuan an ei ve chauh thin. Nungchate pawh an tiduhdah ngai lova, thlawhhma an neih pawhin, “Kumin chu zuva in zah a ngai ang a, buh leh bal pawh kan thar tha viauin ka ring” an ti thin. A siamtu pathian leh a siam thilnung tinrengte hi an zah em em thin a ni.
Chutianga Sakhuana an hman lai chuan tuipui ral atanga zirtirna dang a lo lut ta a. chu zirtirna chuan hun rei lote chhungin hnam nun chu a chim pil zo ta a.hnam hausa leh fing hmasa an ni a, lehkhate min zirtirin ziak leh chhiar min zirtir a. Anmahni kan ngaihsan theihna tur hlirin min zirtir a. Kan sakhuana leh kan thil tih zawng zawng chu thil tling lo leh hnawmhneah min dah sak a, Pathian nei lo ang maiin min siam a. Pathian ni lo thlarau sual ho, min ti na thei te kan tlawn a, dam kan duh avanga kan inthawina chu kan Pathian biakah min puh sak a. Kan ral beih a kan mihuaisenten an ral thah lu te an tan \hin chu hnam huaisen kan nihna leh kan hmelmate kan hnehna lantirna a ni a. Chu chu a chhe thei ang berin ‘Mi lu la hnam’ tiin min vuah sak a. Anmahni erawh chu, “Mingo an fing ber a, an huai ber” tiin kan zirlaibu te min siam sak a. Hnam lungrual tak kan nihna chu min tih changkan rualin Kristiannaah min hruai lut a, sakhaw mumal nei lo leh thingbul, lungbul mai mai biaah min puh ta a. Chu chu kan nihna emaw kan ti zui ta bawk a, chu chuan Mizoram leh Mizo Hnam chu a hneh fai ta vek a ni.
Keini tuna mi, Mizo Sakhua zuitute ngei pawh hi kristian sakhaw hnuaiah Kristianna thu hrilin, Mizoram mai pawh ni lo, kan chhehvel state hrang hrangahte kan vak vel thin. Nimahsela Mizo Sakhua min petu Khaunu hian kan sakhaw dik tak chu a tundin leh dawn avangin keini hi a hmahruaitu turin min la chhuak leh ta a ni. Tuna la dam zingah hian kristian sakhuaa la lut miah lova Mizo Sakhaw kaltlang pui hi an awm lova, Tûna kan tu leh fate, naupang tete ho hi Kristian ni lova Mizo sakhua chauh bia te chu an ni mai awm e.
Kan hnam zingah hian Kristian ni lo, Mizo Sakhua bia hi Chin Hills, Myanmar-ah khian la awm ni a sawi a ni a. Chu pawh chu kristian-a siam tuma na taka beih mek niin an sawi bawk. Chuvang chuan Mizoram, Nunna Lalhnamte hian hmasawn chak a har em em a ni. Kan Mithiam leh changkang leh hausa zawng zawngte chu kristian an ni vek a, mi harsa te te leh mi chhumchhiaten bul kan tan a, chak taka tlan hi thil harsa tak a ni. Nimahse kan zam chuang lova, tunah hian nasa takin Pathian hnathawh a lo lang a. Hnam thil ngaihsannate leh hnam zia chawisannate a lo piang a, mithiamho zingah leh theologianho zingah ngei pawh hnam zia ngaih pawimawhna a piang ta zel a, ram pum ngaihtuah chuan 100% Kristian tih thin chu 60% emaw chauh Kristian tih ngam an lo ni ta a ni.
Tunah hian hnam zia lam leh kan incheinate, Kût hman chungchangahte kan lo thangharh zel a, chu an thanharhna chu kristianna-ah seng luh an tum a, a rem kim thei si lo. Nakinah chuan Kristianna a seng lût lo hian, Hnam Sakhuaah din mai tur a nih zia an hriat fiah hunah Mizo Sakhua, Chung Khuanu biaknaah an la lût ve dawn a ni.
Similar Posts:
- Eng sakhua hi nge dik ber?
- Zo Sakhaw Zepui (chhunzawmna)
- Zo Sakhaw Zepui
- Ti hian ka ngaihtuah thin
- Hnam Sakhua: Ka chhiar ve e!
September 7th, 2012 at 8:06 am
Tukchhuah nuam vek u le
Report this comment
September 7th, 2012 at 8:21 am
I rawngbawlna Lalpa’n malsawm suh se.
Report this comment
September 7th, 2012 at 8:22 am
HS post hi chu chhiar lo pawn comment ka park ve hrim hrim thin
Report this comment
September 7th, 2012 at 8:42 am
Yes!! He post hi ka lo nghakhlel tawp
Kawlhawka dan takah vawiin chu he post ah hian tawm kuk teh ang 
Report this comment
September 7th, 2012 at 8:45 am
A ngaihnawm phian mai
Report this comment
September 7th, 2012 at 9:48 am
Awhaw le!
Report this comment
September 7th, 2012 at 10:03 am
Veitet chuan leh!
Report this comment
September 7th, 2012 at 10:41 am
Nuam leh dawn mang e.
Report this comment
September 7th, 2012 at 11:09 am
Kristianna chungchang hi mahni in en chuan han sawi awm chi pawh ka ni lem lova mahse, hnam thil leh kristianna i dah dan a hi chu a fuhlo deuh hlek ni in a lang. Hnam thil han tih hian a va satanic ta riau a ngaihna kan nei tlat mai a hi chu sawi leh sawi hnu kan rilru ah min lo paih sak tawhna hmanrua, khawvel thil leh diklo lutuk anga min lo hmuh tir tawhna nghawng kha a ni ti i la kan tih sual tamvak a rinawm loh. Kei ngei pawh hian sual tura ngaihna ka nei teuh tho mai mahse rational tak a ngaihtuah chuan a ni hauh lo thung. I conclusion pakhat kristianna an kalsan ang tih khi chu tuna kan sawi ang ngaihdan leh rilru kha nangmahah a awm nasa hle tih chu zep ngai lovin i rawn sawi chhuak chiah bawk.
Secular tih hi religion piah lamah hian thil awm ve hranpa hrim2 a ni a a va satanic ta viau e tihlam nilovin chumi khawvel (secular) chhungah chuan a ni kristianna a a hi a va luhna(apply) zawk tur a chu. I ngaihdan a that teh lul nen, Thil then hran theih loh then hran vak i tum a ang thin deuh a in lawm le
.
Hnam tin hian sakhuana kan la thutak vek a chumi piah lamah secular chin ti teh ang pawh hi kan pi leh pu te hun lai pawh khan awm ngei tur chu a ni mahse chuti nilova a zavai mai a kristianna nen a in mil lo tih rik ngawt a hi chu thil dik lo hul hual a tih theih awm e a.
Report this comment
September 7th, 2012 at 11:15 am
Chhiar ang……
Report this comment
September 7th, 2012 at 11:18 am
I lak vawn lai ber ni a lang chu, Sap thil tih dan a hi va huat a tihvak tur pawh a ni lem lova,sap in an culture mil in kristianna an kalpui a an culture a hi kristian culture emaw tih tlat hi thil awl ve tak tur chu ni reng ani……..kan hnam tihdan a hi a va kristian lohna a awm vak lem love…………..kan ti leh hram teh ang
Report this comment
September 7th, 2012 at 12:11 pm
Bo 2 bo
Report this comment
September 7th, 2012 at 1:51 pm
Hnam zia ngaihsanna leh dah pawimawhna chu kristianna nen a kal kawp mai dawn a ni. Hnam sakhua-ah kan lo lut dawn tihna lam a ni lo.
Hma in sawn chak loh chhan chu in bum theih tawk lek2 an vang tawh em atin ni.
DTR a pawimawh..
Report this comment
September 7th, 2012 at 1:54 pm
#13
Report this comment
September 7th, 2012 at 2:23 pm
Lal Mate hnam sakhua..i post thui latakk..ka chhiar peihlo a, mahse ka komen tho…
Report this comment
September 7th, 2012 at 2:35 pm
#2
Ngaihnawm miah miah hlee mai
Report this comment
September 7th, 2012 at 3:36 pm
13 century child Says:
September 7th, 2012 at 1:51 pm
Hnam zia ngaihsanna leh dah pawimawhna chu kristianna nen a kal kawp mai dawn a ni. Hnam sakhua-ah kan lo lut dawn tihna lam a ni lo.
^^ Kristian-na nen kal rem in rawn tum viau anga mah se a rem tak tak theih dawn loh avangin; Hnam Sakhuaah hian an rawn tawlh lut dawn tho tho he Zo hnam mipuite hi.
Report this comment
September 7th, 2012 at 3:44 pm
Hnam sakhua, i lo inchaltauh ang aw?? I ngam chuan min rawn chhang ang che. Heng zawhna tlem hi..
1. “Modernisation” leh “Globalisation” hian enge a ken tel tih i hre ve em??? Mizote hi “hmanlai” a tang reng kha ni ta ila tuna kan dinhmun hi kan thleng angem???
2. THinbul, Lungbul, Kham adt tihluhngawi loh vanga damlohna thlen thei nia in ngaih hi, ram ngaw tichereu nasa ram ropui khawvelah hian an tam nasa mai si a, heng USA,China, Europe ram thenkhat, India,adt te hian heng kham, ramngaw, dil huai avang hian dam lo an tam awm mange?? Nge Mizo te chauh hi min ti na thei ang???
3. “sakhuana avanga intih thiam loh emaw a awm ve ngai lo. Puithiamte’n an hna tur leh an tih tur chin an ti mai a, mipui lam pawhin Puithiamin ti tura an tih chu thuawih takin an ti mai thin a ni.” — Puithiamte’n vawk leh ar hmanga inthawi tura an tih khan a sa tha tha kha tunge chang ta thin aw??? An tih loh chuan an chunga thleng tur thu dik lo pui pui sawi hmanga insawithaih kha an ti thin em kha????
4.”Pathian hmingte hi an lam ve vak vak ngai lova”– anihna takah chuan hla leh thawnthu velah hian Pathian tih hi hmuh tur a vang khawp mai.
5. “Nungchate pawh an tiduhdah ngai lova,”.– Heng hunlai atanga sakapthei ngaihsanna, ram lama thangchhuah ngaihsanna avang a ni lawm ni kan nungchate an pulh nasat em em a, tunhnua theihtawpa humhalhna avanga hetiang dinhmun thleng thei kan nih. Sai ramchhuah neitute avang hian em ni kan ramah sai hmuh tur a van em em?? Samak te pawh kan ram tanga a bo na chhan hi engvang nge ni ta ang le???
6.”Hnam lungrual tak kan nihna”..— Chhim leh hmar indo, Sailo leh Sailo indo te, a chung lawka “Kan ral beih a kan mihuaisenten an ral thah lu te an tan thin chu hnam huaisen kan nihna leh kan hmelmate kan hnehna lantirna a ni a” i rawn tiha indo thin kan nihzia i sawi te khi Kristian kan nih hnu hian enge a dinhmun le????
7. “ram pum ngaihtuah chuan 100% Kristian tih thin chu 60% emaw chauh Kristian tih ngam an lo ni ta a ni.” Census of India 2001 a record a landan leh i thusawi hi a inmil thlawt lova, i source hi rawn thailang ve rawh le. Mizorama Kristian % 90 a tling lo deuh nachhan hi CHakma Buddist sakhaw vuan leh, HIndu mi 300000 bawr leh Mosolman tlem an awm vang a ni zawk e..
8. Tunlaia hnamzia lama thanharhna hi Mizo chauh emaw i lo ti lehpek a ni awm a. Cultural revolution ang chi hi hnamtin hian an experience a, Kristianna huanga sengluh te i rawn ti tak roh a, religious issue leh social issue kaihkawp in tum vang hian nangni pawh in la bo zel chu anih ber hi.
Report this comment
September 7th, 2012 at 4:54 pm
Tirhkohte 17:23 – kan pipu ten hrelo a an lo biak thin kha tunah hian in lo la hre ve chuanglo anih chu. Bible in duhlo tlat a.. angaihna a awm lo e…..
Report this comment
September 7th, 2012 at 5:15 pm
Va ṭha êm
Report this comment
September 7th, 2012 at 5:21 pm
Khawvel tawp a hnai tawh tih tichiangtu a nih hmel hi.
Report this comment
September 7th, 2012 at 5:42 pm
#17 rinzova, duhthu samah sam luat a awm hleinem ti raw
Kristianna nena a kal duh theih lohna tur kei miSmawl hian ka man thiam tlat pek lo, min lo hrilh rawlhruk phal em?
Report this comment
September 7th, 2012 at 7:10 pm
Hnam leh Sakhua = Hnam Sakhua
Report this comment
September 7th, 2012 at 9:34 pm
1.
Aw! Lalber chuan hnamte tán ruai a peih tâ e,
Kîl tùrin i insiam ang u;
Kan hnam hi kan sakhua,
Kan sakhua chu kan nun
2.
Lo haw r’u! Ka nu, ka pa, ka unaute lo haw r’u…
…
Lalram ruai chu kan kil chungléng savate’n,
Lei nambar piah lamah hian, Lal nambarte kimnaah!
Ka lawm e.
Report this comment
September 7th, 2012 at 9:41 pm
Houdini Vaphai lampang an HS ve tho em? I HS tak tak a va ang ve?
Report this comment
September 7th, 2012 at 9:50 pm
Hnam sakhua post-a ka comment vawikhatnan zawhna ka’n zawt teh ang.
1. Pathian tih thumal hi Zosap lo chhuah hnu leh Mizo zinga Kristian an awm tak hnua Bible an lehlin laia Zosapte leh ringtu hmasate phuah niin ka lo hre thin a, kan pi pute khan pathian an lo be thin tih hi engtin nge kan finfiah ang? Mizo historian zingah pi puten pathian an be thin tih ziaktu an awm em?
2. Chungkhuanu, khuanu hi kan pi pute kan engtin nge an biak.Tun hmaa Zirlai Bu, Pi Pu Nun tihah khan an biak dan a inziak lovin ka hria. Ramhuai hnena inthawina chi hrang hrang a inziak thung a. Chungkhuanu emaw, khuanu emaw an biak dan, a hnena an inthawi dan min hrilh thei em?
3. Pi pute rindan kha chuan thangchhuah chu a thih hnuah pialralah a kal ang a, mi dang chu mitthi khuaah an kal dawn ni mai khan ka lo hre thin a. Hnam sakhuaah hian vanram leh hremhmun, bible atang kan hriat in sawi tam hle thung a. ‘Hremhmunah kan tla dawn lo,’ tih hi in thupui pakhat niin a lang a. Hremhmun hi Kristian zirtirna huangchhung ami a ni si a, Kristian kal peng in ni tihna a ni mai lo maw?
Report this comment
September 8th, 2012 at 12:01 am
Admin note : kei chu, pu hnam sakhua pawsah hian fianna leh hriat(zau)na tam tak ka chhar… ((paws rawn vawm lut zel turin ka sawm nghal bawk e.)) thir chhia pawh miin a hlutna a hriat miau chuan eizawnna tlak a ni si a. a paws hi ka kawmen ngai lo naa ka chhiar chhuak tlangpui. then1 hi chuan hnial-kalh enah hian kan en ve hrim² ni te hian ka hre thin…
Report this comment
September 8th, 2012 at 2:27 am
Thangchhuahna tur khawp a ram tha leh ramsa an vang nasa tawh awm si a. Hnamsakhua ho chu Pu Vana’n sairawkherh lianpui in lo perh pawp pawp dawn cheu a ni mai. A na viau ang…
Report this comment
September 8th, 2012 at 9:15 am
22# century child<<
kristianna chu Israel hnam thuthlunga innghat a nih avangin a kalkawp thei lo a ni.
Report this comment
September 8th, 2012 at 2:25 pm
Report this comment
September 8th, 2012 at 8:47 pm
29 #
A kal kawp thei a, kan kal muah muah a nih hi maw…!!
..” A kalkawp theilo..” ti pawl chu, nangni pu-tu chauh in nih hmel….
Report this comment
September 9th, 2012 at 6:55 am
31# ^^
kal kawp rem tir in rawn tum ngial ang a, kal ngaihna hriatloh hun a la awm dawn a, a tawpah chuan He Hnam Sakhuaah hian in la rawn tawlh lut dawn tho tho.
Report this comment
September 9th, 2012 at 10:21 pm
32 #
lawmawm thin mange !!
Keini kalkawp tir tum ngawt chi em ni dawn le…
Lal Isua min hmangaihna ka hmuh chian em avanga…a ruala min kal(kawp) tir ve phalna hi hnawl chi ka ni ve lo…tuman zui duhlo mahse, kei chuan thih thlengin a hniak hnung ka zui dawn…a chiang tawk em aw…!
Lal Isua phatsan a ‘Hnam Sakhua’ a tawlh lut tur khawp in ka FING ve lo…. min lo hrethiam mai teh u….
Report this comment
July 16th, 2014 at 11:12 pm
‘Mizo Sakhua’ i tih chu Kristianna nen hian ain anglo tihna mi? ‘thanharhna’ itih chu ‘enlightenment’ mo?
nihchuan, Kristinna chu kalsan tura i sawi na nge?
Report this comment
July 17th, 2014 at 11:24 am
Yesssss…. Hnam Sakhua
Report this comment