Hnam pakhat, tawng pakhat, culture pakhat, history pakhat, sakhaw pakhat, ram pakhat , a chak tawk chauh a tam zing a hnam damna lam hawi zawng a Institution lian leh chak tawk, khaw tin leh veng tin a set up changtlung tak awm sa thlap bawk thiltihtheih dan tur zia hi i ngaihtuah ve ngai em?
Khawvel pum chu ka thlir phak lo, mahse kan chhehvel a kan tlangmi puite chuan duh leh it ve eng ang mahse, he Institution ang hi an din ve thei miahlo. A chhan chu hetiang ang a lian leh chak institution din tur chuan a chung a kan han sawi common background panga tal khi neih a ngai a, chung chu nei ve heklo. A hnam ang chuan Judaho khuan an din ve theih hmel bawk. Chu erawh kan sawi phak a ni lo.
Chu pawl ka duh em em chu YMA hi a ni e.
He khawvel power game khel thiam apiang dinchanna ah hian tam(quantity) hi power a ni tih chu kan hre vek a, tam ringawt a tawk lova, awmze nei tak a inhawrkhawm a ngai bawk a, inawpdan huapzo tak a ngai bawk a, chung zawng zawng chu YMA hian zuk nei vek a. Mahse….
Kum 100 chuang liam ta a Vanapa te, Taitesena te ho in an khawtlang, eizawnna leh khawsakphung mil tur a an lo duanchhuah tlawmngaihna chu tunlai hun ah la thaber leh dikber emaw ti a champion pui an la tum tlat mai hi chu a zialo lam tawh chu a ni e.
A bik in awmlai a thihna heti luai luai a kan la buaipui luih luih mai te hi a hun tawh lo. Thatni ah pawh khawtlang huap a kan inpun tawhloh hun ah hian thihna ah hian engatinge khawtlang huap a kan la inhawrkhawm tuau tuau? Hmanlai khua kha chu chhungkaw lianpui pakhat ang tak meuh meuh a nia, khawtlang a thihna reng reng kha chhungkaw pakhat a thlithleng ang thawthang zel a ni hial ta ve ang. An eizawnna pawh lo neih, chawlh lak leh awmni kham pawh thuneihna vawrtawp kha an kut ah a awm bawk. Tunlai ah erawh hei hi kan khawtlang dinhmun a ni tawh lul lo. Thu a sawi sawi ai pawh a ring zawk chu Branch tin leh section tin bungraw neih leh bungraw ngaih pawimawh hi han en ila, chhiatni lam kaihhnawih vek- no, thuthleng, dekchi, kuang, adt,adt.
Enge tunlai a kan mamawh zawk chu ni ta ang le?
Hmanlai kan piputen dam khawchhuah an khelhna a a backbone chu Zawlbuk kha a ni . Zawlbuk chu an school leh college a ni a, an police leh army a ni bawk a, an engkim a engkim a ni ber mai. Chu Zawlbuk pum chhuak te chu kawng engkim a khawtlang innghahnate anni a, an mawhphurna ah khan an hlawhchham lo khawp. Chu zawlbuk chu a tawp a, a ai ah sawrkar in ruahmanna hrang hrang rawn chhawp chhuak mahse, khawtlang bil a zawlbuk mawhphurhna chu YMA ko ah a lo insawn ta a, a mawhphurna chu a la hlen zel I ti em? A hunlai ang zel in a inher rem em? Tul zawk leh ngai pawimawh a dan tawh hnu hian a ai a thazawk in a inher rem em?
Sawi tawh ang in kan chhehvel hnamdangte neihve theih ngaihloh tur heti khawp a pawl lian , thil tithei leh duhawm kan nei ruau a, mahse a thiltihtheihna chu tunlai khawvel mil in kan hmang tangkai tawklo lutuk hi a uihawm ka ti takzet a, vawiin YMA DAY ah hian a lawm zawng ang ngawt nilovin, kan inenlet natur darthlalang ka rawn hung a ni e. Rawtna hrang hrang chu ka nei na a, mahse tuntum ah chuan in hmuhdan leh in rawtna te I thawhkhawm zawk ang u hmiang? A kar ah rawn inzeh ve ka tum zawk ang e.
Similar Posts:
- Thiantha Lal Isua
- Tunlai thalaite hian tlawmngaihna kan la nei e
- TUNLAI
- Hmangaih hnena thuchah
- Model feng chhing chhing
June 15th, 2011 at 1:14 pm
chhana hi a YMA a ni maw? Kan first khalh mai teh ang.Ka sawi tum tak ka cut ta daih a,a intro chauh ka rawn post ta mai, in ngaihdan, hmuhdan leh rawtna te ka hriat chak avangin ka ngaihdan leh rawtna chu ka up bet ta hrih mai.
Report this comment
June 15th, 2011 at 1:26 pm
Chhiar ang.
Report this comment
June 15th, 2011 at 1:37 pm
Zoho chu post tha hle mai..
I thil rawn ziah hi a chai tham khawp ang.
YMA hi kan ram ‘backbone’ ani deuh mai e. A tangkai zia leh a pawimawhna hrethiam tak tak tur chuan masi hman hnem deuh a lo ngai ani e.
Ka duhthusam ah chuan Mizoram venghim a, Mizo te humhim tur leh kan hnam ‘hmelma’ bei zel turin YMA hi huai takin kal pawp zel mai ila tih hi ani.
Sawizawm zel ah…
Report this comment
June 15th, 2011 at 1:42 pm
YMA hi a tha mahse tun ang reng kan kal chhoh chuan a fuh ang em tih chu ka ngaihtuah fo.
Leadership circle-a inchuhna nasa ta lutuk memberten pawn lam atanga thawm kan lo hre ve thin te, hmun thenkhata voluntary Org.aia Force lam zia a kai thinte hian YMA hmai a timawk deuh em?
YMA member ni lo ngam an thahnem tial tial a nih chuan he Individualism thlipui hian min han nuai na leh deuh ang a- a pawi khawp ang.
Post erawh chu dik ka ti.
Report this comment
June 15th, 2011 at 2:02 pm
YMA day ni hi chuan a lawm nan hnatlang an kan nei tlangpui maw le.. Tanpui ngaite tanpuitu pawl ni bawk a..
Report this comment
June 15th, 2011 at 2:10 pm
Zoho i thuziak tan dan a mawi khawp mai.
I ngaihtuahna hi a adavance thin lutuk hi applicable loang tih erawh ka hlau thin. Chhiatni kanin tawiawm tha em em mai hi keipaw’n tul ka ti vak lem lo khawp mai. Mahse he institution(YMA) hian in nghahna lian tak tak culture, beliefs( religion), human states(feelings leh emotions) ldt a nei tih erawh kan hriat tlat a tul ang. Kum 100 em pawh kan la YMA loa heti zawnga rawtna hi chu a vague mah mah ka ti deuh.
Chhiatnia kan YMA thinna hi kan titawp duh a nih chuan Chhuihthangvala leh Lengi thinlungah hian hliam a awm ka ring. Chu chuan YMA a tih chhiat phah hial ka ring a ni. Miin a ruk tein YMA an bansan sup sup mai lo’ng maw? Tun atanga kum 30 velah chuan a ni lo mai thei.
YMA vul zel ang che!
Report this comment
June 15th, 2011 at 2:17 pm
Mipui an thuhmun fo thei lo. Tin, Mizo mipuite hian mi dik leh thil dik taka ti thinte hi kan ngaithei tak tak thin lovin ka hria. Lrpa sawi ang deuh khian kan ram leh hnam hum him a, kan hnam hmelmate do tak tak theitu chu YMA hi ani a, Sual adona kawngah hmelma huphurhawm tak tak, mi dangte thluak su thiam tak tak pawh a tawng zel ang. Mahse, kei chuan YMA hi a tul hunah chuan Saipui ianga kal muah muah turin ka bei sei. kan pi leh pute Tlawmngaihna an hlamchhiah hun hun chu YMA thlakna tur pawl dang ngaihtuah a tul hun tur ani ang.
Report this comment
June 15th, 2011 at 3:24 pm
Chhiatnia kan intawiawm dan hi a va hluin a va tha em. Chhunzawm emaw chhawm nun zel a nih loh chuan kan mizo nih hlutna leh nawmna a bo tial tial ang.
YMA hi a inherrem chho zel a. Kan tunlai mamawh mil zel tura a inherremna-ah hian duhthusam a phak lohna te pawh a awm ngei ang.
Report this comment
June 15th, 2011 at 3:37 pm
Ku Zoho i first para leh second para khi ka chhiara , thil i hmu zauin i hre zau hle mai,…… Israel te chakna laimu pawh i hmu pha hial dawn a nih hi maw, tiin ka ngaihtuah phah hial a ni
…..hahahahaha . Post tha khawp mai…like….. 
Report this comment
June 15th, 2011 at 4:18 pm
Kum 100 chuang liam ta a Vanapa te, Taitesena te ho in an khawtlang, eizawnna leh khawsakphung mil tur a an lo duanchhuah tlawmngaihna chu tunlai hun ah la thaber leh dikber emaw ti a champion pui an la tum tlat mai hi chu a zialo lam tawh chu a ni e.
Tlawngaihna hi kei ka ngaihdan chuan changkan san chi ani dawn em ni le ka ti deuh. Kan hnam a hi a upa deuh deuh anga chutih rual chuan Mizo pawn hmasawnna kawng hrang2 in min nuai vel ang. Keini hman tlem te Mizo te hi kan in pumkhat a, kan dinchhuah ve theih na turin kan hun tawn a zir zel in tlawmngaihna te hi seng lut thiam ila a tha leh zual in ka va ring em.
Report this comment
June 15th, 2011 at 5:26 pm
In va titha duhlo ve. hehe. YMA day a YMA lo sel chu a ni lo deuh in ti emaw ni dawn ni.
YMA set up fuh lutuk hi kan hnam hian hei aia tangkai zawk hian hmangthiam ila tih na rilru atanga ka rawn post a ni e. Sel ngawr ngawr na rilru pawh nilovin.
Branch tin leh Section tin hian YMA ang a hmalakna ah hian chhiatni hi top priority an pe vek mai hian ka hria a, hei ai daih a hnam issue lian zawk khawih tur hian YMA hian theihna a nei a, chu chu haichhuah leh hnam tangkai lohvin a la awm zawk a ni. Kan sawi tlang law law tawh mai dawn em ni?
Report this comment
June 15th, 2011 at 5:33 pm
YMA Kal zel rawh, i kawng en fimkhur la, inchhuih palh chang awm mah se tluk phah nan hmang lovang che…mizo te min huapzo ber tu i ni e. Post tha tak ani e.
Report this comment
June 15th, 2011 at 6:13 pm
Ka it ruk em em chu kan theh tawh ang e. YMA hi hmanlai zawlbuk kentel pakhat ang khan inher leh tawh se, pro-militia zawng in sawrkar nen inep zawng lovin han inher mai se(h). Kan hnam chu kan chhehvel a hnamdangte chuan khitah,khitah min en nghal mai ang. Central sawrkar in a min hlauh dan tur chu sawi in a siak lovang.
Mizo thalai zelthel leh nun loose lutuk, ruihlo leh sualna chi dang dang a a tangte hi an chhuak nghal ur ur bawk ang. Indian army a officer post ah Mizo thalaite an ther fer fur bawk ang.
Duhthusam ram a ni lo a nia, US,UK leh Israel a compulsory military service ang deuh khuan mizo thalaite hi hrual theih kanni, hman a zawlbuk in a thitheih kha tunah YMA in a tithei, a set up a awm vek tawh lehnghal. Pu Laldenga te khan 1960’s khan hei hi lo hmufuh sela chuan Mizo history hi a dang daih hial thei in ka zuk ring a sin.
Report this comment
June 15th, 2011 at 7:32 pm
zoho, i thuziak ka chhiar a, ka chhiar nawn leh ngat. Kan hmangaih a inang anih hi mawle. Kan hmangaih intawm lah a thalam a ni hlauh, ka van lawm em.
Ni e, YMA hi tunah chuan Mizo te min khaikhawm tu ani ber tawh a. Chumi vang chuan hnam thil anih tawh hi chuan YMA hian thuai zui mai thin sela ka duh a ni. YMA hruaitu te lah sawrkar lama thunei an ni fur hlawm bawk a, anni pawh hi an tangkai thei viauin ka ring.
Mizo te Mizoram tha taka a thanduan zel theih nan YMA hian thianghlim leh Mizo te tana hmasial takin hma la teh se.
Vai ho hian tunge/enge kan nih an hre tak tak duhlo. han thlir teh mah u, direct finance chungchanga an lehkha rawn thawn te hi; Mizoram hi Imphal hnuaiah a awm tawng ngai em ni?
https://i55.tinypic.com/rbcjfc.jpg
Report this comment
June 15th, 2011 at 7:55 pm
YMA hian helho anga rälthuam a chelek hi ka support hauh lo. Amaherawhchu, eng hunah mah kan chelek lovang tihna erawh chu a ni lo. Entirnan:- 1) Mizoram chhunga hnam dang awmte hian U.T. Khelin ralthuam chelek ta sela, zofate min kidnap in min phil fo mai sela. 2) Kan ram zimte sat hekin Central Sawrkar hian tute emaw U.T.Pek tum ta se, State sawrkar hian dang thei si lo se la. 3) Pu Thenphunga hun laia, Silchar hovin Economic blockage an neih ang kha ti leh ta se. Hetiang hi lo thleng ta hlauh se la chuan, loh theih lohvin YMA chu Militia anga a chet chhuah a ngai ang. Naga hovin Manipur an dan chah a, an hren riltam angte kha Silchar ho te hian ti ve leh ta ngat se la chuan, Central YMA huai hawt in, Sub-head quarter, Group leh branch tin ten Valupa ho kaihhruai na in Mizoram chhunga ralthuam awm zawng zawng nen, Bialtu Pastor ten tawngtaia thlah thlapin, “Mi Lu pakhat theuh tal aw” tiin kan infuih tawh ang. Mahse, hetiang em hi chu a thlen ngai lul suh se.
Report this comment
June 15th, 2011 at 8:00 pm
Post ka chhiarchhuak chiah. Sawi belh duh ka nei lo. I comment erawh uluk takin ka lo chhiar zel e.
Report this comment
June 15th, 2011 at 8:27 pm
Post tha khawp mai. Amaherawh chu YMA dan bu kan en chuan YMA flag rawng dum hian lusun te thian anih a entir a. Chuvang chuan khawhar in lama hman atana thutthleng leh eng eng emaw kan nei thin hi a pawina ka hre lemlo. YMA din chhung chuan he thil hi kan kalpui zel hmel bawk.
Report this comment
June 15th, 2011 at 8:36 pm
YMA in a member te suattu ‘Ruih hlo’ lakah, loh theih lohva ‘Indo pui’ a puan a ngai a, kum 2/1 lekah pawh a rah hmuh tur a awm nghal a, thih chhan: O.D. Tih hmuh tur a han vang chho pharh a, engemaw hlek thil thleng avanga kan dem dan luai luai dan han thlir hian, Mizo hnam thilah tharum te han hmang ta se, inti fing tak tak, a hlauh awm laia mahniin tha thawh a, inrawlh duh mang si lo, Human rights, de dei dei.. Ti a mi tlawm ngaite tha lo chhat pawl kan tam leh awm e.
Report this comment
June 15th, 2011 at 8:44 pm
Kan ruihhlo do dan hi kei chu ka duh khawp lo deuh. A zuartu te chauh bei lo hian a ti thin te hi beih tel nise. Demand a awm chhung chuan supply a awm dawn.
Report this comment
June 15th, 2011 at 8:44 pm
#14@HV – Ka rin hriat thei mai alawm, lo inla fit char char la(not physical,but in leadership) kum 10 a liam leh chuan i ram in mission accomplish tur in a kokir maithei che asin. Nangni ho bak bak kan ram leh hnam hian beisei a nei chuang hleinem.
#15@PKfanai, direct a YMA in helho ang a ralthuam chelek a ni lo, mizo nu leh pa te hlawchhamna No.1 fate discipline ah hian YMA hi hmanlai zawlbuk ang deuh khan Mizo thalai rual discipline ah hian inrawlh se la, compulsory in training institution hnuai ah inhrual ni ta se. Chutah chuan basic survival skills leh adt, sipai recruit in an dawn ang hi zirtir ta se, Mizo thalai zz hi fit (physical, moral, skill, knowlegde, experience,know how,etc etc…)thuau mai ila, kan hnam kan chhehvel te lak a kan chungnun dan turzia mai chu rinphak bak a ni ang. Kristianna nen a inkalh lo bawk,a tawk a fang a awm alawm.
Report this comment
June 15th, 2011 at 8:49 pm
I rawtna ber pawh i sawichiang si lo. I comment ah lah hian pro militia te in ti kual vel a, sawifiah tak tak mang silovin; ka bo map mai a. I fin anga fing ve turah min ngai a kan ni si lova i tum tak pawh kan man phalo anih hi.
Report this comment
June 15th, 2011 at 8:53 pm
#17@Sangpuiipa – Chhiatni chu kan kalpui zel ang, a nihna tak ah chuan YMA pawh hi awmlo mahse, mizo awmna ah chuan mi an thih in mizo chu kan la kalkhawm tho tho ang(YMA in an take over hi a la tha hlei hlei). Top priority a kan ngai hi a ho deuh, a ai a pawimawh hnam issue lian zawk khawih se tih zawk alawm.
US Navy Seals hovin US Defence chhung a thihna leh insawngbawlna lam buaipui luai luai mai se, an uihawm lutuk dawn e tih nen han tuahrem dawn chhin teh.
Report this comment
June 15th, 2011 at 8:57 pm
@awmawmpui, i chung chiah comment #20 a PK ka chhanna khi han chhiar teh, ka fing bik lo ve, i idea han thawh ve teh.
Report this comment
June 15th, 2011 at 9:02 pm
@zoho, a dik e. A ni khawp mai. Tunlai mil a in her rem hi a tul tawh khawp mai. Amaherawhchu pawl thianghlim a nihna hi thil liantham kan tihna lamah hian kan mangnghilh thin deuh em aw ka ti deuh a.
Report this comment
June 15th, 2011 at 9:03 pm
20 Zoho, Awmawmpuian ka sawi tum min sawi khalh. Thanks. I dreams hi tangrual ila chuan thil theih loh chu a ni lo. Mahse, tunlai khawvel mitin te Education lama kan in elna khawvelah, Nu leh pa ten an fate an tan hlarna hunah hian, a zirtir peih awm mah sela, addicts ho leh luhlul fal deuhte lakah discipline lek kawh a han ngai chiah ang a, YMA chu, “Tlang rèla emaw Tlangsawiluaia” emaw ani mai ang. Phaia kan fate awm tha duh lo pawh kan in discipline sak ngam tawh loh hi a.
Report this comment
June 15th, 2011 at 9:11 pm
#24@Sangpuiipa – pawl THIANGHLIM tih lai tak hi sawi zui a va chakawm ve….enge thianghlim? tuna YMA kaldan hi a thianghlim kan tih chu a ni em? Hnam chhan leh sual do hi a thianglim lo em ni? Duap/tualdawih/laizzez-faire hi ami thianghlim? Na deuh a kal hi a thianghlim tho ang em? Kan kehmeh tih a inanglo thei e.
Report this comment
June 15th, 2011 at 9:12 pm
Van indona lam pang lah kha i chhunzawm duh tawh mang si lova…
Report this comment
June 15th, 2011 at 9:16 pm
PK @ 25, tuna kan kalpui mek, tuilairap, ti deuh, ti chiah silo, a chang a ti, a chang a ti leh lo, a then a ti, a then a ti leh lo ang mai mai ah hi chuan i problem sawite khi an piang lo theilo. Ni ta law law se, a pumpelh awmlo ta se,a dan a dang daih ang.
Report this comment
June 15th, 2011 at 9:19 pm
@zoho, dan bu lam atang ania ka sawi. YMA chu pawl thianghlim ani tih a flag a rawng var hian a entir. A entir ang hi tunlai YMA nih dan a ni em tih chu sawi tham tak a ni.
Report this comment
June 15th, 2011 at 9:22 pm
YMA hi thil tha a va ni tehlul em……Ding reng rawh se
Mahse, he pawl tha tak hi veng thenkhat ah chuan veng chhunga mi tlaktlai lo(ZU ZUAR) ten an manipulate thei tlat erawh hi chu, Kohhran leh Pathian thu awih inti te tan lakna tur a va ni em..
Report this comment
June 15th, 2011 at 9:23 pm
Party Politics te pawh hi inrawlh lo se aw.
Report this comment
June 15th, 2011 at 9:24 pm
@Bawngtlai – Kha lam ah Compulsory Military service kha an la kalpui em? Israel hnam chakna thuruk ang deuh tho hi Mizo te hian kan nei ve khiu khiau a, a hrui chu YMA in a chelh a, a la chechhuak lo hi a uihawm asin.
Van Indona chu ka la rawn ziak dawn…peih hun ah…
Report this comment
June 15th, 2011 at 9:29 pm
Zoho i rawtna hi a zahawmin a tha viau mai a mahse a hman theih tak tak angem le ka ti.. Tuna YMA mek chhungah awm la tuna i rawtna hi i sawichhuah ngam ka ring lo. Vawi khat committee ringawt pawh hi veng thenkhatah phei chuan phurawm loh deuh mai ania.
Ka rin dan chuan Mizoram chhung atangin Mizoram kalsiam hi i suangtuah ngai lo em ni aw ka ti… Nge i awmna in a zir lo, keimahni ang hian ila vairampur reng zawk.
Mahse YMA sang taka i beiseina erawh tha ka ti hle.
Report this comment
June 15th, 2011 at 9:39 pm
Report this comment
June 15th, 2011 at 9:50 pm
Krista, nia tiraw, vawiin YMA Day ah hian YMA ka duhzia hi sawichhuah ve ngei ka duh si a, tuna kan kalpui dan ah hian fak tur ka hre lem silo a, a institution thatzia ka han thailang duh deuh mawle.
Theih chu theih ang, mahse benharh a kan awm hun ah lo chuan tuna kan hruaitute ah hi chuan beisei lo ila.Hreawm tawrh hmasak phawt loh chuan mihringte hi kan harh mawh khawp mai. Chu chu history in a record khiu khiau alawm. Tunah chuan nuam an/kan la ti hrih em mai…….Empire in nuam an tih viau chuan an tluchhe dawn hnai tihna a ni bawk tih pawh history in min zirtir e.
Report this comment
June 15th, 2011 at 9:56 pm
Zoho, i post tha viau mai. Mahse Militia zawnga YMA kal tir i tumdan erawh chu kan society nen a la inrem lovin ka hria. Hmanlai zawlbuk kha mizo nun dik tak inkaihhruaina a nih rual rualin mikawlh leh sakawlh laka inven ngai reng dinhmuna ding an ni a. Chuvangin, police leh army te ang training an mamawh a; an zirtir reng a ni. Khang hunlai society dinhmun khan a mamawh tlat vangah ka ngai. Chutiang bawkin Israel-te khu an hmelma arab ramten an hual khup a. Englai pawhin an inralrin a ngai reng. USA-te pawh chutiang tho hmelmate beihthut thei dinhmuna ding an ni.
Tunlai kan society ah ve thung chuan ral leh sa in min tibuai tawh lova. Kan society min tibuaitu erawh chu drugs, hnam hmangaihna thinlung, leh adt a ni tawh zawk. Chuvangin, YMA hian “Ram leh hnam humhalh”, “Ruihhlo do”, “Khawtlangnun siamthat” kumpuante a nei reng a ni. YMA hi society inher danglam ang zel chuan a inherrem ve zel. Hmanah intin lutchhuaka belnawh, zun in leh ek in endik tih vel pawh a awm tawh loh hi. Hmana khawhar riahpui thin te kha tunah Branch thenkhatin riahpui mamawh leh mamawh lo an zawt hmasa tawh chu a nih hi. I sawi ang militia form ang hi chu Israel te anga kan ralmuan loh hunah a la tul ve mahna..
Report this comment
June 15th, 2011 at 9:59 pm
@zoho, tuna kan kalpui dan ah hian fakna tur i hrelo anih chuan mi hawiher zaulo ve tak i ni ang. YMA kalphung hi dik tawklohna chu a awm ngei mai. Chutih rual chuan fakna tur a awm tam asin.
Report this comment
June 15th, 2011 at 10:36 pm
37@Sangpuiipa, ngaidam, ngaidam, ka tawngsual deuh, ka thahnemngaihluat ah min lo ngaihsak hram teh. Nia, thil tha tamtak an tih hmuhkan in ka lo tawng a ni e. Chutih lai erawh in ka inhmangta vaklo,ka hawiher a zaulo tih pawh khi a dik thawkhat tho e.
Tunah hian fa 4 te tak te te ka nei a, kohhran leh khawtlang a ka nihna zz lak ah ka inphelh thawl vek, kan nu leh pa leh rual u zawk te tihsual – fate hloh kha tihsual ve ka tumlo, hetia internet a inlum atanga fate uap chung bak hian ka socialize ngam hrihlo.
Report this comment
June 15th, 2011 at 10:58 pm
@the Biz – YMA militia zawng a kal khi ka sawifiah ziktluak lo deuh a nih khi, YMA in silai i hum ang u ka tihna a ni lo, chu chu India dan kalh tlat a ni. Pro militia training, everready zawk a nia ka sawivul chu, kan sawrkar hnuai a PTC te, Vairengte a Jungle Warfare School te, Kan Assam Rifle te nen a inbiak pawh in engemaw chen chu a kal theih ka ring. Kan slogan tur chu Mizo thalaite India tan a inpekna thukzawk lam hawi in kan propogate thei.
Tin, survival skill hrim hrim hi uar tur in Scout hnuai ah pawh a in affiliate theih, adventure spirit hrim hrim pawh hi kan tlachham tawh lutuk, keini thlangtla tu leh fa te ho hian, adventure club ang pawh in a kal vak theih bawk.
Disaster management, mock drill adt, adt pawh hi Branch aiawh intirh det det na chi a ni lo, branch tin in rescue unit neih vek tur, hrui lian tawk leh rod 20mm zaichak hmawk hmawk theihna tur bakchek liante pawh hi Branch tin in dozen khat tal neih vek tur. Chutiang in first aid rescue pawh unit din sup sup a training uar tur.
Kan ram ah hian chhiatna rapthlak thleng dawn se, eng chhiatna nge ni ang tih zirchiang ila, chumi lak a chhanchhuah dan chu YMA hian training neih a, unit neih vek tur.
Hmelma thu ah chuan sakawlh ke pali nei chu awm tawhlo e, mahse sakawlh ke pahnih nei, thluak hmangthiam in min zim tuau tuah hi i hmulo em ni? Bairabi, Vairengte, Champhai, a chhung atang ngei pawh in le. Min zuam a min zuam zia hi engtik ah nge maw kan hmuhfiah ang le, kan politiciante kihhnawk zozai hi YMA chiah hian a thianfai thei.
Report this comment
June 15th, 2011 at 11:03 pm
I sawifiah tha khawp mai. A tak thlen hun a nghakhlelawm tawh hle mai.
Report this comment
June 15th, 2011 at 11:49 pm
@zoho, thahnemngaihna vang chuan in sawisel bawrh bawrh tur alawm. YMA kalphung hi a dik tawklo tawh ngei a, amaherawhchu thalo pumhlum thak erawh a nilo tih kan hriat a pawimawh.
Report this comment
June 16th, 2011 at 11:57 am
Ngun takin i post leh comment zawng zawng ka chhiar chhuak vek a, a tha ka ti lutuk. Nangni ang hi a lawm YMA hruaitu atana kan mamawh em em chu ni. Amaherawhchu, demna che ka nei, i ngaihdan tha tak mai hi midang tih tir i tum tlat!
Report this comment