By Rev. Saikhuma Darlong
KAN BIBLE HI Hebrai leh Greek twang ziak hmasak ber a ni. Pathianin mihring a biakna a nih avangin kan Bible hian hming hrang hrang pasarih a nei a, chungte chu:
1.Pentateuch
2.Massoretic
3.Dead Sea Scrolls
4.Septuagint
5.The Vulgate
6.Targums
7.Codex Bible
Saphote chuan 1000AD khan King Alfred Bible; 1330 Wycliffe Bible; 1456 Gutenberg Bible;1525 William Tyndale Bible; 1539 Myles Coverdale Bible; 1540 Cranmer Bible te an lo nei tawh a. Tichuan, Tyndale leh Coverdale lehlin chu The Great Bible tiin a hming an ko. 1558 Geneva Bible; 1606 Bishops Bible; 1611 The King James Bible; 1885 The English Revised Bible; 1901 American Standard Revised Bible; 1952 The Revised Standard Version (RSV) tih chu the International Council of Religious Education group hovin an chhuah leh a ni.
Tunlai tawng hmangin kum 1954 khan Amplified Bible; 1966 The Good News Bible leh The Jerusalem Bible; 1970 The New American Bible; 1971 The Living Bible leh The New American Standard Bible; 1978 The New International Version ( NIV) Bible te an ni a, a tawp ber chu The Century Bible tiin 1990-ah chhut chhuah a ni. Saphote chuan version 150 vel an nei.
Chanchin tha (Gospel) kan ramah kum 1894-ah a lo thleng a. Lalpa zarah Mizo tawngin Thuthlung Thar bu kum 1916 leh Bible pum kum 1959-ah tihchhuah a ni. Pulpit Bible February 26, 1983; Mizo Bible lehlin thar November 25, 1995; Mizo mitdel Thuthlung Thar bu December 3, 2002; Mizo Naupang Bible kum 2003 chhung khan tihchhuah a ni.
Kan unau Hmar hovin Chanchin Tha ( Gospel) chu kum 1910 khan an lo pawm a. Lalpa tanpuina zarah Thuthlung Thar bu kum 1946 leh Bible pum kum 1968-ah chuan an lo nei ve ta.
Kan unau Darlong hovin Chanchin Tha ( Gospel) chu kum 1919 khan an lo pawm a. Lalpa zarah Thuthlung Thar bu November 24, 1987-ah an nei a. Tichuan, Thuthlung Thar, Sam leh Thufingte bu December 1, 1996-ah khan Darlong hnam tana BSI buatsaih chu Darchawi khuaah Rev. K. Lalzuala, President, Aizawl Auxiliary chuan a tlangzarh.
Kan Bible-ah hian hawrawp ( letters) 35,66,480, thumal (words) 7,83,133 ( OT 6,02,582 + NT 1,80,551); Châng (verses) 31,101 ( OT 23,144 + NT 7,957); bung ( Chapters) 1,189 ( OT 929 + NT 260). Tichuan lehkhabu 66 ( OT 39 + NT 27) a awm a. Bung sei ber chu Sam 119 leh bung tawi ber Sam 117 ( chang hnih chauh a awm). Bung laili ber Sam 118:8 a ni. Isaia bung 37 leh II Lalte bung 19 a inang a ni. Tichuan, Sam14 leh Sam 53 pawh a inang v eve a ni. Bible-ah chang sei ber chu Estheri 8:9 leh chang tawi ber chu I Thess. 5:16 Lawm fo ula, NT ( English) Johan 11: 35 Jesus wept, OT ( Eng) I Chro. 1:1 hi a ni.
Sam 136-ah chuan A ngilneihna chu kumkhuain a awm dawn si a a tih thu hi chang tlar tawpah vawi 26 a awm a ni. Chhiar nuam ber bung chu Tirhkohte 26:1-32 hi a ni. Pathian tih hi Estheri lehkhabuah chuan a awm lo.
Kan Bible-ah hian bengvarna ( knowledge), finna ( wisdom), Pathian rilru ( mind of God), mihring kalphung ( state of men), chhandamna kawng ( way of salvation), mi sualte khuarkhurum ( doom of sinners), ringtute lawman ( happiness of believers) te a awm vek a ni. Heng Bible-a thusawite hi a thianghlim a, a dik a, a tinghet a. Tichuan, eng te, ei tur te, thlamuanna te, hlimna te leh lawmnate hi nangma tan a awm a ni.
Kan Bible hi a bung thentu chu Cardinal Hugo leh chang thentu chu Robert Stephen an ni. Thuthlung Thar-ah lehkhabu laili ber chu II Thessalonika a ni a, bung laili ber chu Rom 13 a ni. Chang laili ber chu Tirhkohte 7:7 leh lehkhabu tawi ber chu II Johana a ni a, chang pawh 13 chauh a awm.
Pathianin kum 2,500 lai Bible ziak turin a inbuatsaihtir a ni. Kum 1,600 chhung an ziak a. Tichuan, kum 1,900 chhungin an ziak zo a ni. Bible ziaktuteah hian mi 40 an tel a, a ziaktute chu doctor te, loneitu te, sangha mantu te, lal te, berampu te, sangha mantu te, putar te, tlangval te, mi hausa te, mi rethei te, lehkhathiam leh thiam lo te an ni. Bible hi khualzin kalkawng map( traveller’s map), vanram kawng kaihruaitu (pilgrim’s staff), pilot te kawng kawhhmuhtu ( pilot’s compass) leh sipaite khandaih ang a ni.
Kan Bible-ah hian mihring pawimawh ber chu Isua Krista hi a ni a( Johana 3:16). Bible hi ngaina ngawih ngawih rawh. He lehkhabuah hian hausakna te, hriselna te leh thlarau tuihal apiangte tan tuihna hmuh theihna a ni. He kan Bible atang hian chatuan nunna nangma tan siamin a awm thei asin.
Isua Krista lo kal leh hunah nunna lallukhum I beisei chuan i Bible chhiar la, thlarau bo tam tak Isua hnenah hruai lut rawh. Pathian ngaiha thaa inentir turin thahnem ngai rawh.( II Tim.2:15). He Bible thu chhiartu leh ngaithlatu, a chhunga thu ziak pawmtu chu an eng a thawl e; a hun chu a hnai tawh si a. ( Thupuan 1:3).
[Source: KRISTIAN THALAI 2005]
Similar Posts:
- Mizo Go Bible
- Bible chhiarchhuahah lungthu ka kim
- UNIVERSE PIAHAH ENGE AWM?
- “Mi Hriat Reng Nan Hei Hi Ti Ţhin Rawh U” Tih A Ni Reng Em?
- Discover Bible Guides in Mizo
(Y)
June 17th, 2011 at 12:38 pm
A tha hle mai.
Report this comment
June 17th, 2011 at 12:38 pm
va mak teh nuaih ve le.. !!!!1111
Report this comment
June 17th, 2011 at 12:39 pm
miin lo khah hman chu le.. vanram luhna tur ni se ka va ti ve..
Report this comment
June 17th, 2011 at 12:51 pm
Misual dot coma ah hian tunlai chu sakhua a va lang ve ti-ruu..
Report this comment
June 17th, 2011 at 12:58 pm
ekhai hei pawh a chhiar tlak leh fu mai
Report this comment
June 17th, 2011 at 1:09 pm
@4… Pathian lo kal a hnai tawh a….
Report this comment
June 17th, 2011 at 1:12 pm
Daniela 2:4 — :28 etc., pawh hi Kaldai tawnga ziak a ni alawm! Hebrai leh Grik mai bakah.
Kum 1989 khan Darchawi khua hi ka zuk kal ve tawh a, ka thian hluite ka zuk hmu a. An Pastor Ngaihtuahsung pawh ka classmate thin a ni. Lalnuna pawh khu ka Degree-a classmate tho. Ngaihtuahsung khan Bible a translate ve bawk a. Eng tak ni zel tawh ang maw?
Post hlu tak a ni. Ka chenna pindanah hian Edition 120 chuang chu ka kawl a, Version engemaw zat lai nen! Ka hlimpui ve zek.
Report this comment
June 17th, 2011 at 1:16 pm
Ringtute zingah kan Hmanraw tha tak leh kan ngainat ngei ngei tur Bible hrechiang lo, Isaia bu chhiar tur pawha Ezekiela atanga phet pur pur chi ho tan he thuziak hi ka hlan e. Bible ngainat i zir thar leh teh ang u. Bible vawi engzat nge i lo chhiar chhuah tawh le?
Report this comment
June 17th, 2011 at 1:18 pm
Tha khawp mai..
Report this comment
June 17th, 2011 at 1:56 pm
a firfiak zualte’n ” chhunhan pakhat te pawh a bo tur a ni lo…” an tih ve fo hi eng nge in ngaih ve dan?
Report this comment
June 17th, 2011 at 2:00 pm
a ziak anga pawm tawp mai tur. Ti thin ho hi engtia ngaih tur nge ni ang le?
Report this comment
June 17th, 2011 at 2:03 pm
ka’n edit theih loh chu..
Report this comment
June 17th, 2011 at 2:05 pm
Tharaul tuihal kan tam laiah chanchintha thlamuan thlak leh bengvar thlak tak tak chhiar tur in rawn posta awm thin hi a vannei thlak hle ka ti hle.
Report this comment
June 17th, 2011 at 2:16 pm
#11: ‘Tih tak meuhin ka hrilh a che u, lei leh van hi a boral hma loh chuan Dan thua mi chhun han te tak te emaw, thai han te tak emaw, pakhat mah a boral tawp lo vang a zaa a thlen kim hma loh zawng’tiin Mathaia 5:18 ah khan kan hmu.
Tunlai khawvel Liberal lutukna-ah hian Bible hi Pathian thawkkhum a ni a, a chang mal tinte hi a nihna anga pawm bur mai hi tha ka ti ber mai. Mahse Bible pawh hi a ziaktuten a ziakchhawn laiin an tisual ve a ni tih erawh hriat a tul. Chanchin Tha palite atang pawh hian kan hre thei ang chu.
Report this comment
June 17th, 2011 at 2:27 pm
Bengvarthlak hle mai.
Report this comment
June 17th, 2011 at 2:38 pm
Kristian Bible chhiarchhuak lo Vanram kai loh tur tise oooo, ka kai chiang ve ngot ang, kai lo tur inkhawm peih tak tak an tam hmel in ka ring
Report this comment
June 17th, 2011 at 4:14 pm
Bible hi ring ngam tak tak lo ta ila, A pianthar theih ka ring lo. Post tha tak ani e. Facts & figure vel khi NIV based a hria chuan han sawi teh u a, Kan mi te hian Krismas apiangin Bible quiz hi an nei ziah a, vawn that khiau ka duh e. 16. Hmar nanawm, khitiang criteria khì hman tur ni ta se la, Vanram kailo tur zingah ka tel ve mai thei a ni. Bible ah hian la chhiar miah loh lai ka nei mai thei. Thil khirh khan bikah chuan, ka chhiar hmain ka tawngtai hmasa thin a, a hrilh fiahna a lo kal ve mai thin.
Report this comment
June 17th, 2011 at 6:43 pm
#7 : Typo ka nei khanglang a, ka edit dawn a, a theih loh khanglang a. Daniela 2:4 atanga 7:28 atc., thu hi KALDAI tawnga ziak a ni thung. Hriatthiam loh hun chhung a rei tham hle. Septuagint a awm takah khan Oral kawltu Juda-te mit meng a fiah tan ta chauh bawk.
Report this comment
June 17th, 2011 at 9:41 pm
A thu hmasa lama 1-7 a rawn pho chhuah dan khi a debatable ve ngawt mai.
Tha ve reng tho.
Report this comment
June 18th, 2011 at 9:22 am
Krista hi hmangaih ber tur….
Report this comment
June 18th, 2011 at 9:25 am
Bible: guide book tha ber
Hmangaih tu, hlauh ber tur leh hmangaih tur: Pathian
Report this comment
June 18th, 2011 at 11:44 am
Tha hle mai, mahse 1.Pentateuch hi Bible bu pum hi nilovin Mosia lehkhabu pangate chauh hi anni. Juda-te chuan ‘TORAH’ (a tawpa ‘h’ hi an lam ri tel ngailo) anti.
Chuan, chhiar nuam ber han tih ngawt pawh khi a ziaktu a zir mai niah ka ngai.
Hawrawp zat, chuti khati tih pawh khi i version azir a nih dawn bawk avangin chawtak khuka khukpui tlak a nih hmel loh bawk.
Report this comment
June 22nd, 2011 at 12:07 pm
CFL, Post tha ani e. Ka lo save zan e, mumal taka chhiar ah.
Ka comment na tur ka ziak dawn a, a thui lutuk dawn a post puitlingah ka chhuah ta ringawt.
Khawngaihin Hla thu hre chhuak in awm chuan min rawn hrilh teh u a: –
1. Sakhi luite tui chaka thaw huam2 ang mai hian..
2. Krista chuan baptist turing min tir si lo….
Report this comment