Luka 22:19, “Hei hi ka taksa, in aia pek tura chu a ni, mi hriat reng nan hei hi ti țhin rawh u”
…Kohhran-te Hian Kan Tisual Elo?
Phaia lehkhazir, English service-a inkhawm thin pakhat hian, tifuh inti takin, “Lalpa zanriah theh chungchangah hian Kohhran-te hian kan tisual lian khawp mai…” tiin, ka hriat theih ngei tur hian a sawi chhen mai a! Ka ngaih tha lo chuan Restaurant-ah “Coffee tui tawk ka khilai ang che…” tiin ka luhpui a, ka zawt ta chawt mai a. Thil awmzia a han sawi chuan ngaihtuah ti thui tak Bible chang, Kohhran serh leh sang nen-a inzawm pawimawh tak mai thu-ah a rilru a lo buai viau a, Kohhran-te chu ti dik lo min ti a, min lo dem viau chu lo niin…
…English Bible-ah, “Ti Ţhin Rawh U Tih A Awm Lo”?
He tlangval lehkhathiam hian, eng Pathian thu zirtirna nge a lo dawnsawn sual chu a sawi duh lova. Amaherawhchu, a complaint ber chu, Mizo Bible-a Luka 22:19 thu, “…mi hriat reng nan hei hi ti țhin rawh u” tih laia “ti țhin” tih tawngkam tak hi English Bible-ah a awm lo. Mizo Bible letlingtuten an belh-chawp leh an tih danglam a ni, tiin ngaihdan a lo siam chu niin! English Bible hi kan han en chuan, “Do this in remembrance of me” tih chauh a lo in-ziak kher kher bawk nen…”ti țhin” tih chu dik lova ngaih a awl hle dawnin a lang ta a ni.
…Bible Bu/Chang Dangah Pawh En Ve Bawk La?
Bible hi Pathian thawkkhum, nunna thu a nih avangin chiang fek fawka hriat-fiah leh hrilh-fiah a har a. A chang chuan tawng danga a fiah zawk chang a awm a, a chang chuan mahni tawng ngeia a fiah zawk chang a awm bawk. A chang chuan a kawppui, Bible bu/bung danga kan en chuan a lo fiah em em bawk.
Helai thu-ah pawh hian, Luke 22:19 chauh en chuan a buai theih viau mai thei. Mahse, hemi thu vek hi Paulan 1Cor.11:24-25-ah chiang takin a tarlang a. Bible scholar-te chuan, a tawngkam hi en-in, Paula hian Lalpa zanriah chungchang hi Lal Isua hnen atang ngeiin (engin a chhuntluk lai khan) a dawng niin an ngai. Zawlnei Isaia chuan Pathian thu-in kawppui a nei vek a, kim lo a awm loh thu a lo sawi tawh bawk a ni (Isaia 34:16-17).
…A Ţawngbul Lamah “Ti Ţhin Rawh U” Tih A Ni Reng Alawm Le!
Sawi tak ang khian, Luka 22:19 ah chuan, “ti țhin” tih tawngkam chiah hi English Bible-ah awm lo angin a lang na a, Bible bu/chang dangah, 1Cor.11:24-25 ah chuan chiang takin “ti țhin” (this do ye, as often as ye drink it) tiin English Bible pawhin a ziak tho a ni.
Mizo țawnga “ti țhin” (Lk.22:19, 1Cor.11:24-25) tih hi Grk. poieite, a ni a. Grk. Poieite (do this/as often as/ti țhin) hi a grammatically chuan, “present imperative active” a ni a, “a prolonged form of an obsolete primary; to make or do in a very wide application (more or less)” tiin an hrilhfiah a ni . Hei hian “a khat tawka tih-nawn fo” a kawk.
Mizo tawng hian Greek tawng chiah chiah hi a lo la-chhawng zawk a, English hi duhthu a lo sam lo lek lek zawk chu lo niin! Chuvangin, Lalpa zanriah sacrament chungchanga tawngkam pawimawh tak, “Mi hriat reng nan hei hi ti țhin rawh u” tih hi Mizo Bible-ah hian dik takin an lo letling a, hlauhthawn tur reng reng a lo awm lo. Hetiang hian ngaihtuahna min pe hial, Mizo Bible letlingtute kha thangthar-te aiin an zir sang lo zawk na a, an lo va fingin, an lo va fakawm em ka ti ta a ni!
Similar Posts:
- Mizo Go Bible
- Bible hi aw….
- Do you have The Bible with you?
- Sam 37:5 leh 6 hi lehlin dik lo a ni thei em?
- Nitin Bible chang Mizo tawng in
March 6th, 2012 at 2:07 pm
Excellent post.
Concordance leh Grik/Heb dictionary enthiam nazawng, Mizo tawng Bible “lehlin hi a dik lo”, ti ve ngawt thin te tan a tangkai ang.
March 6th, 2012 at 2:12 pm
Post tha tak a ni e… (Y)
March 6th, 2012 at 2:19 pm
A va tha em! Post tha tak a nih hi. (Y)
March 6th, 2012 at 2:21 pm
Mizo tawng thiam map lo pawn Sacrament an sem zing tho mai. Kohhran thenkhatah phei chuan Pathianni tin an sem. Mizo tawng lehlin sual vang anih hmel loh.
March 6th, 2012 at 2:24 pm
Post tupa, siaha lam atangin i rawn update m….ne hmun dangah i awm leh rih…. a chhan chu siaha lam internet connectivity kha a tha deuh tawh em tih ka hre chak mai mai deuh a….
March 6th, 2012 at 2:25 pm
A tha hle mai. A reng reng thuah, mi anmahni awmlai renga aoahni hriatrengna tih a ngai dawn em ni. Kan bible letlingtute ho hi thiam deuh an nia sin. Saphovin Jesus an tihte kha Zisas ti lovin a lam dan dik tak zawk Isua an lo ti daih mai te hi an lo hmu thui ka ti.
March 6th, 2012 at 2:29 pm
He2..abuai na chu aho ang reng. Bengvarthlak e…
March 6th, 2012 at 2:30 pm
Amen..!
March 6th, 2012 at 2:30 pm
Mak ka tih zawk chu Isua khan chhang a phel a, wine a thli niawm in an ziak a. Anni (Middle-east) mi te khu tun thlengin chhang (bread) wheat atanga siam ei mi anni a. Chu vanga chhang sem ani. Keini rice ei mi ten wheat ei mi ang maia chhang kan han sem ve ringawt hi a kawh ani ber dawn pawn ka ring lo. Far east ah phei chuan noodles ani an chaw (staple) ber. Wine te phei chu chaw eina hmuna chhawp chu kan tam lo. Wine ai chuan satui, antui emaw fruit juice te kan in duh zawk hmel. Wine lem sem phei chu a nuihzat thlak phian.
March 6th, 2012 at 2:38 pm
Bible lehlin sawi takah chuan engatinge James hi Jakob tia an dah tlat mai niang le? Jacob hi hming hran daih a ni bawk sia te ka lo ti ve a
March 6th, 2012 at 2:42 pm
#6@PKfanai,
I sawi dik lutuk PK. Keipawh Zotawng Bible letlingtute hi thiam ka ti thlawt. Dik tak chuan Mizo Bible lehlin dik lo ni a sawi thin te hi, English thiam leh English Bible bih thin, tawngbul lam erawh zir/thiam lem lo, concordance hmanga original word meaning erawh enthiam ve si an ni tlangpui.
Bible interpret tur emaw letling tur emaw chuan dictionary enthiam ngawt chu a tawk lo maithei. Class I Hindi text book hi Hindi-English/Mizo dictionary hmang chuan kan letling fuh hauhin a rinawm loh a ni 😛
March 6th, 2012 at 2:42 pm
@ Jacka Pi… Nia ti raw.. Hmanni kan inkhawmnaa, Bena sawi tum, a sawi theihnghilh si i rawn sawi chhuak.. :-O
Sawisel suh u, sawisela in awm loh nan tih kha ka zawm hrih mai. Bible lehlin chungchang kher chu sawisel thei ka ni leu… 🙂
March 6th, 2012 at 2:43 pm
A tha hle mai. Chu tlangval pawh chu mi thilchikmi tak a nih chu a. Tunah chuan a lo var pawh tawh ngei ka beisei e. (I)
March 6th, 2012 at 2:47 pm
ava tha e he post chu (Y)
March 6th, 2012 at 2:48 pm
Bengvarthlak hle mai… (Y) …
March 6th, 2012 at 2:50 pm
@ Jacka pi, a greek tawng bawk a niang. Iakòbos a nia. Hebrew chuan Ya-qöb a nia.
March 6th, 2012 at 2:56 pm
#10 (Jacka Pi) James tih hi Bible atanga lak anih pawh ka ring lo. Jakoba kan tih hi a awm hmel zawk. A chhan chu Wikipedia ah pawh James aan tih mai hi Hebrai tawnga יעקב (Ya’akov) zawk ani. Yakov tih chu James tih ai chuan Jakob(a) tih nen a inzul hret lo maw?
March 6th, 2012 at 3:01 pm
Pu chawnghilha awm loh hlanin ka lo dak ve zuah zuah a, anin kimchang tawkin rawn thual rawh se. Donald pawh hi mi namen a nilo a nia.
March 6th, 2012 at 3:05 pm
A enga mah hmain, i post pawh ka chhiar lo, comment awmchhun tawh te pawh ka chhiar lo … ka la rawn tuihnih leh dawn tho bawk a.
Pu Buanga khan ” ‘TI THIN’ tih hi ka dah hrim hrim dawn, Vanah pawh min chhuahchhal mah se, KA LO TI VE A NIH KHA” ka ti tho tho ang,” tiin lehlin hun laia a sawi an sawi chhawn, ka hre tlat!
Greek kalphungah chuan “My remembrance …” tih a hawi zawk a, “Ka hriatrengna” tih a ni, KEININ KAN HRIAT ANG MAI MAI aia chungnung daih zawk a ni.
Post ka chhiar ang a, comment awm tawhsa ka chhiar leh ang a. Ka rawn comment tha leh ngat dawn. Ka interest FULL tawp!
March 6th, 2012 at 3:05 pm
Dr Mahminga Sailo#12, sawisel tih lemah 😀 rin dan chu ka neih deuh sa tho, saptawng lehlin lamah bawk a diklo(?) hmasa a nih ka ring, a chhan chu Saptawng Bible a James, kan Mizo tawng Bible a Jakoba Lehkhathawn hi Lal Isua unau Jakoba a ni e a n ti si a
March 6th, 2012 at 3:08 pm
Jacka Pi : James hi Anglicized a ni mai; Greek text lamah chuan Yah-kov {Yakov} Jakoba a ni tho.
March 6th, 2012 at 3:09 pm
Post tha khawp mai. Pathian hi rin tawp a tha ber mai. Ti thin leh thin lovin ka rinna a tibuai lo khawp a. Keini aia thiam zawkte’n an lehlin a nia, kan rinna tidal leh khawih pha thamin an letling sual dawn loh tih hi han ring phawt mai ila. I mi tawn pawh khi a intihre hle a nih hmel e. Hetiang hi an khirh thlawn mai a ni.
March 6th, 2012 at 3:14 pm
HEI HI KA TAKSA tih metaphor hi Catholic lam chuan TAK TAK sawina emaw an ti thung a, TRANSUBTANTIATION an tih phah a, chhang kha MESSIA TAKSA TAK TAK emaw an tih phah. Symbolical a nih an hre chiang phal ta lo. CONSUBSTANTIATION lam an thlek thei ta lo.
March 6th, 2012 at 3:27 pm
Sawi zel teh u. A ngaihnawm thin mang e!
March 6th, 2012 at 3:30 pm
“Mizo Bible letlingtute kha thangthar-te aiin an zir sang lo zawk na a, an lo va fingin, an lo va fakawm em ka ti ta a ni!”…………Amen.
Tihsual ve zauh zauh (thlarau mutthluk) chang chu a awm ve a niang…mahse a tlangpui thu-in, an Mizo-tawng chhehchhuah tamtak hian a sawi ril-in, hnamdang hian an nei ve phalo in ka hre thin.
Nia, Thlarauvin a pui a niang. (Y)
March 6th, 2012 at 3:36 pm
Jacka Pi… Nang chu ka sawisel lo che a nia aw. I sawi khi chu ka thlawp bon top.. 🙂
Sawisel ka’n tih tak erawh kan thupui zawk khi… 😉
March 6th, 2012 at 3:54 pm
Thu dang daih, SAWISEL SUH U tih hi JUDGE NOT tih a ni … sawisel (criticism/criticize) teh ngawt a ni lo! RORELSAK SUH U tihna a kawk zawk …
March 6th, 2012 at 3:59 pm
A tha hle mai, ka hriat belh leh ta.. (Y) Dr. John chu donald a nick thar a ni dawn emaw ni chu le, a thu kalphung chu,ka ti rilru a, donald-a a rawn first leh nulh roh si a.. 😀
Chuan……kan tlangval-a chuan a hresual ve a ni mai a, lo generalise pawp pawp lo ila, hetiang mite hi chutiang khatiang anni tlangpui lo tih ngawt, mi pakhat hian hriat dik vek rual ni hek lo le, zirtawpni hi a tleng tak tak ngai dawn si lo a. Chutih laiin, kan Mizo Bible lehlin hlui kan tih, Zosap te lehlin nilo, Rev. Zairema te kha chuan Greek septuagint zawk hi an en tawh tih thu ama sawi ngei ka hria. A eng apawh chu nise, he lai thu a an lo lehlin dik zuk hriat fuh avanga Mizo Bible han fak leh hluai pawh chu kan tlangval-a rilru tho a ni chu a…thil diklo pakhat hriat vang a ngaih dikloh vek, thil dik pakhat hriat fuh vanga ngaih dik leh em em vek…..hmm……tih tak tak arpa tuihal ah chuan Mizo Bible ah hian lehlin dik tawklo tih ka ngah ve mai, ka Bible ah chuan ka thaichhe kual nasa mai mawle…point khat lek, Mizo tawng a Bible letlingtuten a bu ang zawng a lehlin hna an inchansem avanga OT leh theuh theuh, NT ah theuh theuh Hebrew/Greek thumal pakhat, mizo tawng a thumal hran an hmang ta nuaih mai hi a pawi ka ti khawp mai.Pawi rau rau ah nephesh leh psykhe an lehlin pawlh nasa lutuk hi a pawi ber awm e.
March 6th, 2012 at 4:00 pm
Jeremia 8:8 kha lo chhiar ve ula, TIHSUAL hi a awlsam. Lehkhaziaktute (scribes)-ten DOT pakhat ringawt pawh an ziah hmaih leh ziah belh azirin HEBREW-ah phei chuan kawngro su tak a ni… Yod leh Iota pakhat-mah boral tur a nih lohna chhan pakhat pawh PATHIAN HMING leh A FAPA hming hi Yod leh Iota (Hebrew leh Greek) hawrawb pakhat a riral pawhin Bible chu NULL AND VOID a ni dawn tlats!
March 6th, 2012 at 4:17 pm
@23, Pu.Chawnghilh, Catholic pawh hian kan symbolize asin. A TAKSA tak tak emaw kan tilo.
Mahse, a hriatreng nana kan tih thin anih avangin kan ngaihlu a, Puithiam ina a malsawm(blessed) tawh phei chu kan zahin ngaihlu tak kanni.. Amah lantirna leh entirtu ah ka ngai bawk.. Tin, sacrament hi (kan vai chuan kan nilo) kan inzirtir danah, dawn hmain a theih chuan mahni intih thianghlim a confesion kal theih hram nise kanti bawk.
Tin, confession hi, kan va kal a, kan sual kanva puan khan inchhirna tak2 neihloh chuan awmzia a awmlo. Heihi pawl dang hian an hre fiah chiahlo
March 6th, 2012 at 4:18 pm
A tha hle mai. (Y)
Mi,bus ticket pawh nei vek tawh chuang thei vek tawh,kal inpeih at tawh,’Aaa…ka ticket ah hmelhem tlemtè a awm,ka chuang duh lo.’ ti thin ho hi ka ning takzet. Fin/intih fin man tel awrh2 tur hi chu kan tam ang mawle Mizo zingah hian.
March 6th, 2012 at 4:19 pm
In Comment a ngaihnawm hle mai. (Y) Issue dang pawimawh tak tak khi kalsan-in, Jacka Pi buaina, Pu Chawngchilh & PKfanai te sawi khi ka’n belh lawk ang e –
1.Jakoba & James chungchang:
Heb.yaàqobh/jàkub/iakob tih leh Grk.Iacobos/iakobos tih hi a in-ang vek. Greek hian Hebrew “Yaaqobobh” kha “Iacobos” an ti ve mai (Iacobos is Graecized form of Yaaqobh). English-ho hian anmahni lam thiam zawng (English form/Anglicised)-in “James” an ti.
Mizo chuan a dik chiah, “Jakob” kan hmangin ka hria. A letter hmasaber hi a duh-in “J” angin an lam a, a duh-in “I” angin an lam thung.
Jakoba hming hian awmzia leh entir hrang hrang a nei a – (1).Pathian ven him, (from Arabic & Ethiopic root ‘akaba’ keep, guard), (2).Bei (Hos.12:3-4), (3).Rilru chhia pu-a umzui, (4).Luahlan (supplanter, etc), (5).Rilru tha takpu-a umzui, (6).Bum, (7).Hlawhtling, (8).Ke artui chelh/vuan tih hian a chhe zawng sawina a ni, etc.
2.Joshua & Isua chungchang pawh:
OT-a Joshua leh NT-a Isua (Krista) pawh hi kan sawi ang bawk khian, a in-ang vek. Heb.Yehoshuà/Jehoshua/Yeshua (Neh.8:17), tih hi Grk.Yehoshua/Yeshua/Jeshua/Iesous tih a ni leh mai.
-Hebrew=Yehoshua/Jehoshua,
-Greek=Yehoshua/Yeshua/Jeshua/Iesous,
-English=Je-zus/Jesus,
-Syrian.=Yeshuu,
-Mizo=Isua,
-Mara=Zisu, etc.
Mahse, Septuagint an buatsaih lai khan “in-ang tlanga hriat hran theihna” tur siam tha an ti a. He uniformity ngaih pawimawhna avang hian “OT-a mi chu Joshua” (Hebrew form) an ti bik a, “NT-a mi chu Isua” (Greek form) an ti bik ta a, hriat hran a lo awlsam ta a ni. Chuti ni lo sela chuan, “Thuthlung Hlui (OT)-a Isua kha” tih emaw, “Thuthlung Thar (NT)-a Isua kha” tih duah a ngai dawn a ni. (C)
March 6th, 2012 at 4:22 pm
Dr Rev C. L. Hminga (Ram-Zotlang, Lunglei) saw ka rualpui mah ni suh se, Scouting Movement lama inthurual kan ni a. Ka farnu chiah Lily Buckwell-te nen California-a inlaichin lutuka khawsa-ho an lo ni bawk tho va —1970’s tawhah khan…
Rin dan chu Isua zirtirte pawh khan an inneih ril hleih ang tho kha ni mai se … Bible lehlin dan kawnga Rev. Dr. Zairema nena an inhnial dan chanchin eng engemaw hi chu mi share fo thin, kan inkawm ngeih miau si a —NUIH HEK HEKNA hi chu a tam thei phian!
Thawkkhat lai khan Dr. LTL Khiangte-a hian Zawngin khaw daia a pu Liangkhaia hriatrengna lungphunna chi khatah min sawm tel ve a, ka zui ve ta a.
Phullen khuaah Presbyterian Kohhran punkhawmnaah PAWL KALSUAL chanchin an sawi laklawh a. Thu sawi ve turin min sawm ngawt a. Tawnzau nen chauh thu ka sawi ve ta a. Kei lahpek chuan, “Hei, Tluangtea pu, Rev. Liangkhaia lehlin dik lo zauh zauhvah hian Lalzawna Pawl-te etc., an piang chhuak tlat mai…” ka’n ti zauh va.
Phullen Presbyterian Pastor khan Computer a lo nei ve tho bawk a, Bible zir chiangkuan lehzualna tur PC Study Bible Version 5 kha chu ka’n rawlruk chawpchilh ta ngawt a … a tangkaipuizia mi hrilh nghal a hnial lo khawp mai!
Zotawng tawngkamah chuan an chhep nalh e … tihtak emah chuan, “Lazar lo chhuak rawh,” tih pawh Greek text ang tak tak (literally) ni tur chuan, “Lazar, hetah, pawnah…” tih a ni miau!
March 6th, 2012 at 4:24 pm
Greek grammer hi a tha khawp mai a, vawi khat tiha tih nawn leh tur chi te, vawi khata chamhlen tur chi sawinate an nei hrang a. Entirnan, Thlarau thianghlim baptisma/ hriakthihte hi chan nawn mawlh mawlh lam a ni lo, emaw kan tia kan inkhawihthluktir sek mai a, vawi khat hnua cham tur a ni..grammer zawng chuan sawi kual ve lo mai ang.
Bibleah khan Isua pian lai kha hun bi kim(fullness of time) tiin a sawi a greek philosophy leh tawng hmanga thil sawifiah hun lai a ni a, Roman empire zalen tak hnuaiah inkalpawhna tha tak a awm bawk a, a tam mai…tuna kan sawi mek pawh hi fullness of time in a ken tel greek grammer ropui tak atanga hmuh fiah theih a ni. Hei lo pawh hi grammatical issue a la awm nual mai.
March 6th, 2012 at 4:29 pm
Inva hre hlawm ve. Kan hawi lawl lawl mai.. Pute, a bengvarthlak e
March 6th, 2012 at 4:35 pm
#28 Pu Zoho, “Dr. John chu donald a nick thar a ni dawn emaw ni chu le, a thu kalphung chu,ka ti rilru a” i tih khi, ka buai phah hrep tawh asin!
“The Doctor” tih hming pu (nick)-in misual.com ah hian “keima style ni-awm takin” thil a lo post a, thil tha lo engmah phei chu a post lo. Mahse, Saiha lama Website 1-ah chuan, keimah ni turah ngaiin, min Vawm nasa mai a, min vawm na nang mai a, Ka kulcho der mawle! Engmah lah chu ka sawi ve ngam tawh si lo! 😀
Mahse, khatia tul lova miin min Vawm vak tak avang khan, misual.com hi ka hmelhriat phah a, mi ropui leh kawm tlak tak tak-te ka tawnphah che u a, ka lawm hnuhnawh hle…
Chuvangin, “a tak lang lova, nick ringawt” hi a buaithlak a nih hi…Zawnga tuar ai Ngauvin ka lo Tuar hrep a… 😀
March 6th, 2012 at 4:36 pm
Kan Bible hi chu lo letling fuh lo deuh hret mah se a awm ka ti. Tawng hrang hrang Aramaik, Hebrai, Greek, English etc. … a tam tawh si.
March 6th, 2012 at 4:37 pm
J hi 14th Century khan English alphabet-ah a la bet hman ngai lo; 16th century-ah chauh a lo bet tel ve hman ta. Chuvangin, JESUS tih hming hi chu a HMANNI LAWK khawp mai! Chu mai bakah, Rev William Williams-a rawn chhuah chhoh khan JISU a rawn hnungpuak thleng a, a hnuah Pu Buanga-ten ISU an rawn phur thleng leh a. Lunglei kiang lawk Sethlunkawn-ah sawn ringtu hmasate an inkhuarna hmunah ISU-A an rawn ti leh chauh va, tlaikhawhnu-ah kan lam char ta pawt a —ISUA kan ti ta chauh!
IESHUA tiin Aramaic taka an lo lam dan thin hi kan Mizo leili chuan a mil ta phian. ‘SHUA tih hrim hrim hi CHHANDAMNA tihna tawngbul lamah chuan a ni a. Mizo-te hian kan lo rintih kalphung hian kan lam ri RISK dik phian, YAHSHUA tih awmze kulmuk tak erawh chu phawk pha chuang zeng si lovin!
March 6th, 2012 at 4:40 pm
#30, symbolise a nih danah transubstantiation leh consubstantiation chu a inang lo khawp mai. catholic rin danah chuan puithiamin mal a sawm tawh chuan chemicalin Isua taksa leh thisen ni lo mahse rinnain Isua taksa leh thisenah a lo chang a ni, hei hi in pawm dan dik tak a ni.
Cons. ah chuan a dang hret, a lo chang ni lovin thlarauin a zawm a, symbol khan a tak tak chu rinnain zawm zawk. Entirna naran a ni chuang bik lo, …
March 6th, 2012 at 4:45 pm
Post pawh ṭha in sawi ṭha hlawm khawp mai. Kei Bible ka chhiar reng reng hian a ṭawngkam dik leh dik loh lam leh a ngaihnawm leh nawmloh lam ai mah hian Engvangnge? tih hi ka Question ṭhin a. Sacrament chungchang ah pawh hian zawhna ka lo zem ve vak tawh a, Lal Isua khan engatinge amah hriatreng nana he thil hi ti tura min tih mai le? Engatinge a thu chah ropui tak tak te kha a tih mai zawk loh le? Tlang chunga a sawi te kha ngaipawimawh zual zawk tura a tih loh le? Engatinge he thil a tak pawh nilo Symbolize na maia lang hi amah hriatnan a tih kher2 le? Chuta chhap ah engatinge ‘Pathian ram alo thlen hma loh chu grape rah tui hi ka in leh dawn tawh lo,’ a tih le?….adt. heti zawng hian Sacrament chungchang hi ka lo khel zawk ṭhin a ni.
A HO zawnga lak chuan puithuna(Superstition) HO tak angin a langa,(intih Science tuina aṭanga thlir phei chua a ho duh hle a ni 😉 ) Lal Isua thinlung leh a tih chhan zuk hriat erawh chuan a lo ril zek a ni. K uanpui thei lo 🙂
March 6th, 2012 at 4:47 pm
Catholic kan tih hian hmanlai Roman catholic leh tunlai catholic rin dan te hi a inang reng em le?
March 6th, 2012 at 5:04 pm
Hebrfai 4:8 Josua chuan anniho chu a chawlhtir tawh si zawngin, chu mi hnuah chuan ni dang thu chu a sawi lo vang.
tih thu pawh hi King James-ah chuan JESUS a hmang ta hial! Ngaihsual thil a awm thei —fimkhur a ngaih phah hial. King James Version-a tihsual palh nuih tiza hlen a tam phahzia pawh hriat chian chuan a HARH KAWK KAWK theih phah hial asin.
March 6th, 2012 at 5:05 pm
Engpawhnise, post tupa, i titha thìn e. Lunch ka eilo na a, ka puarin ka fan e. A dang pawh han ti zel rawh. Pu Zohoa bible chu ka hmu chak hle mai. Tin, ka rilru tak takin Pu Zoho hian bible hi a duhthalin han letling sela, ka chhiar chak hle mai. Keipawh Exodus 25:35 kha chhutsual amaw ka tia, ka thaichhe tawh a lawm.
March 6th, 2012 at 5:08 pm
Lamea25 : I fing fal … TRANSUBSTANTIATION hi lo zir chiang leh teh, Consubstantiation nena a danglamna! A bulthum tak tak atangin aw!
March 6th, 2012 at 5:10 pm
Zoho thin hi aw.. I ngaihawm gui gui e. Mi hmertel hi i addict tawh a ni.. Ekek. Mizo Bible lehlin fak hluai i tih khi keimah min tih chhan leh pek a ni maw.. Lol. Mob ka hmanga ka sawi buai nuai maithei mahse ka sawi tho dawn.
Ka fak hluai lo nem.. Lehlin DIKLO han tih tawl thin hi ka ngaimawh chu a ni. A chhan chu Grik leh Heb hi english emaw zotawnga emawa lehlin har tak tak a tam em em a, lehlin theih dan hrang hrang a awm tlat a, chung option zawng zawng chu a hman theih bawk silo a, footnote-ah te remchang ang angin an dah fo thin reng a ni. A dik lo ti tawl tawl lo hian heti zawng pawh hian a sawi theih tizawng te hian sawi thin a tha khawp mai. Chutilo chu kan Mizo Bible hi thenkhatin an hnualsuat phah thei tlat alawm.
Entirna kan pe ang e:
Rom 9:5 ah khan, ‘ani chu (Isua) thil zawng2 chunga awm chatuana fak tlak Pathian a ni’ tih a ni a. Isua chu Pathian tiin a sawi bawl mai a. Lehlin tharah chuan ‘Krista ngei pawh chu an chipui a ni; engkim chunga awm Pathian chu chatuana fakin awm rawh se’ tih a ni thunga. Tah hi chuan Isua leh Pathian chu a sawi hrang deuh a, English version hrang2 pawn an lehlin dan a inang bik lo. Hei hi a chhan chu a Grik syntax hian engti zawng pawha lehlin hi a permit tlat a ni. Isua kha Pathian tia lehlin kha a dik a, chuti lo deuh.. Isua chungchang sawi a, Pathian hnen chawimawina pek ang zawnga lehlin pawh kha a dik tho tlat a ni. Ka pawmzawng leh Bible version hman a zira a khawi emaw zawk lehlin diklo tih kha a fuh ta lo a ni.
Hemi verse kher ka rawn thlan chhan chu he Issue chungchanga i pawmdan ka hriat vang a ni a, illustration atan a rem riaua ka hriat vang a ni. 2Pt 1:1 leh Tita 2:13 ahte pawh hian translation issue chu i hmu thiam ang.
cheers..
March 6th, 2012 at 5:24 pm
Roman Catholic te chuan Puithiamin a hlan thianghlima a tawngtai lai khan chhang leh uaiinte kha Krista taksa leh thisenah a lo chang (change into) tak tak a ni an ti. A pawn lam landan, a pianhmang, a rawng, a rim leh a tui dan (taste) te kha chu a la pagngai reng a, nimahsela sakrament changtuin a ei kha chu Krista taksa leh thisen dik tak a ni an ti. Roman Catholic ngaihdan chuan sakrament chhangah khan Krista taksa chu a hringa hranin a lo tel ve a ni tiin an zirtir.
Calvin-a chuan Krista chu thlarauvin a lo tel a, rinnaa lawm taka lo pawmtute hnenah thlarauvin a lo tel thin. Chhang leh uaiin chu Krista taksa leh Krista thisen chhuak entirna leh chhinchhiahna thiltithei (effective symbols) a ni a. Krista chu taksain vanah awm mah sela a ringa sakrament changtute hnenah nunna thuchah a thlen thin a ni a ti. A ni ngaih danah chuan rinna a pawimawh hle.
March 6th, 2012 at 5:24 pm
@44, pu.chawnghilh, awle.. Ka Catholic history leh faith bu ho inah ka dah daih a, one sided loh nan hman hunah both side enlo tum ang
March 6th, 2012 at 5:35 pm
Eucharist chungchangah hi chuan reformer ropui 2 Luther leh Calvin te pawh an inkalh ve rap rap tho kha maw :-p
March 6th, 2012 at 6:00 pm
Post leh comment chu bengtivartu (Y)
March 6th, 2012 at 6:17 pm
A bengvar thlak in a lawmawm hle mai..
“Mizo Bible letlingtute kha thangthar-te aiin an zir sang lo zawk na a, an lo va fingin, an lo va fakawm em ka ti ta a ni!”
Ni e,Pathian thlarau thianghlim tanpuina tih a chiang hle in ka hria,tawng chi 3 ka pianpui tawng ang veka ka thiam zingah Mizo tawng Bible hi a chiangin, an let mawi ka ti ber reng a ni.
Post tha tak a ni e
March 6th, 2012 at 6:54 pm
Zirlo theologian kan va tam lehta ve hairehai
March 6th, 2012 at 6:55 pm
Phek tharah kai ta ila, Isua paw’n “Eloi Eloi lama sabachthani?” a tih kha. (Ka Hebrew hriat ve chhun).
Fiamthu chu dahtha ta ila, hriat chian lohna hian min lo ti mawl thei khawp mai. Hre famkim lo hian thil hi kan in ti hre palh thin a a pawi khawp mai. Good Post.
March 6th, 2012 at 7:17 pm
i thil rawn share chu tha ka ti hle mai. zofate hi khawvel hmun hrang hrangah te kan lo awm darh tan ta a, thangtharte inti tunlai leh inti hre zau tak leh mahni tawng/mizo tawng ngei aia english inti hrethiam zawk thenkhat te hian mizo tawng bible lehlin an sawisel te ka lo hre ve zeuh zeuh mai a, chuvang chuan i thil rawn sawi, mizo tawng bible lehlin hian greek tawng a lo hrul/thlawp zawk i tih hi tha ka ti khawp mai, tin bible lettlingtu kan mithiam hmasa te hi an lo fakawmin an lo ropui ka ti khawp mai. good post.
March 6th, 2012 at 7:35 pm
Pawt leh kawment chuan maipawl pum hnih ngawh min puttir chu le
March 6th, 2012 at 7:35 pm
Pawt leh kawment chuan maipawl pum hnih ngawt min puttir chu le
March 6th, 2012 at 7:42 pm
In hre hlawm thang thang bawk a a ngaihnawm hle mai.
Nikum lam a “Aigupta” a, sorkar thil vel a vanga
buaina eng eng emaw awm kha a zia awm tawh ang a?
@lamea25, Thomas Aquainus-a khan Greek philosophy, a bikin, Aristotle-a metaphysics kha, Eucharist a transubstantiation vel hrilhfiah nan a lo hmang nasa ve ang reng khawp a sin. Metaphysic a Accidental leh Substantial change a lo apply vel dante an kha.
Nausen kha puitling a lo nih hnu nen a khaikhinin a danglam em em tawh a, chu chu Accidental Change awmzia chu a ni. Mahse kha nausen ni thin kha puitling a lo nih tak hnu pawh khan a mah, Substance, ngaireng tho kha a la ni!
Aquinas-a khan, Eucharist ah hian pawnlam inthlakna, Accidental change engmah awm lovin, rinna in, Substance thung zawk hi a ni e lo in thlak chu tiin a lo sawi.
Mahse he hrilhfiahna pawh hi Aristotle-a metaphysics ang chi ngaizawng ve vak lo tan chuan engmah a ni chuang lo mai thei.
Tunlai Catholic te’n layman’s term a an dah dan chu, “Ele, Isua khan ‘Hei hi ka taksa, hei hi ka thisen symbol chu a ni e’ ti lovin ‘Hei hi ka taksa, hei hi ka thisen’ a ti miau si a” an ti.
Eucharist-ah chauh lo pawh, heng – Sabbath(Inrinni)/Sunday(Pathiani)/Batisma chungchang ah pawh hian a metaphor chin leh chin lo chu kan awmna kohhran theuh zirtirna zia ang zelin kan rinna kan kal pui thin hi.
March 6th, 2012 at 7:42 pm
Tetea Tochhawng : Isua paw’n “Eloi Eloi lama sabachthani?” a tih kha. (Ka Hebrew hriat ve chhun).
Aramaic a ni palh hlauh !
March 6th, 2012 at 9:28 pm
Rev Dr Zairema ziah(k) “Kan Bible hi” tih kha chhiar theuh ila Bible thu lehlin dan etc chu kan hmu thiam ang.Rev Dr HS Luaia nena lehkha an inthawn lawrkhawm “Thian Lehkhathawn” kha en tel ni bawk se.
March 6th, 2012 at 11:17 pm
A va tha ve, sawifiahna lam hi thil tul tak a ni.
Engtin nge Pu Donald-a hi a first theih le tih hi ka zawhna a ni ta tlat mai. A vang em em a. Ngaih dan a sawi tha duh tawh mang si lo va mahse khi pui a khuang hmasa ber tlat mai. Kan zingah hian tel ve reng rawh se..
Lalpa zanriah hi HRIATRENGNA a nih piah lamah INPAWLHONA, INPUMKHATNA leh TLANNA a keng tal tlat niin ka ring ve.
March 7th, 2012 at 11:32 am
He post chu a tha hle tak mai a. Good post
October 28th, 2012 at 9:47 am
Nimin khan Rev. Tae Kim, All Nations Church, California Lalpa Zanriah theh kan kil a, ka rilru a khawih khawp mai. Sacrament ka kil zawng zawnga ka rilru khawih ber ala ni. Tukin chu ka Post mai ni lovin, “Comment hrang hrang-te” ka chhiar chhuak leh vek a, in comment a ngaihnawm hle mai, a khamawm lo tak zet zet a ni.