1. Kan Zotlang ram nuam, boruak thiang lênna,’ tia zai tuah thiamte’n i sakhming an chawi.
2. Khuanu siamsa i kîmtlang mawi leh lêntu hring nghial tlang tin bâwmtu.
3. Lawm lungrualte ram tuan, thadang nuih za na.
4. Vangkhaw tinte tlang chang ngurpui rorel chuan, a awitlei thin chhungtin naufa leng zawngte.
5. An chawi nung reng tlawmngaih, huaisen, thian chhan thih ngam; Zo nun thuthlungpui.
6. A mawi chuang e, Zo nun mawi vul zël rawh se.
7. An zah thiam ngei aia upa, dan leh hrai te. An thu chu thu, an hla chu hla a nih thin kha.
8. Sawisel bo erawh ni bîk mah suh se, uire, rukrûk, tualthahna te hriat tur a vâng, a awm chhun zah khua a sei.
9. Ning zu erawh dawn thin mah se, rui buai, chapo awm ve ngai lo, a hun leh hmun an thliar thiam thin.
10. Rui paia lêng an hmuh pawhin tlâwmngai nopui dawm an ni châwk.
11. Naupang tirh hnial an awm ngai lo, thatchhiat kutdawh a awm ngai lo.
Similar Posts:
- Misualdotcom
- Ka ning…!!
- He ram, He Hnam hi…
- Mi chi 4 te, tu ber nge i nih ve?
- Kan ti ta sa sa ‘Korean flu – IV’
June 18th, 2011 at 5:31 am
9 khi ka awi chiah lo.
A tha e
June 18th, 2011 at 5:42 am
I sawi ang zawng zawng hi tuna kan Zoram hi nise, a nuam awm vei
June 18th, 2011 at 5:45 am
11. Naupang tirh hnial an awm ngai lo, thatchhiat kutdawh a awm ngai lo. Tunlai naupangte chu hlawh nei lo chuan an tirh hleihtheih loh. (N)
11 online now…mahse a reh
June 18th, 2011 at 5:48 am
Zonunmawi tia kan chhuan em em hi a ral riai riai mek si a.
June 18th, 2011 at 5:50 am
Hmanni lawka thenawmte chawhmeh in thar tem thin kha, tunah erawh min leisak ve rawh tiin kan inngen tawh si
June 18th, 2011 at 5:52 am
Zirsangzela’n ‘Zonun, aw nunmawi, tap tapin ka au ding zo silo’ a tih kha kan thunawn a ni zel dawn nih hi.
June 18th, 2011 at 5:55 am
Sem sem dam dam, ei bil thi thi ti thin hnam kha tunah erawh sem sem thi thi, ei bil dam dam kan ti mek a ang ta!
June 18th, 2011 at 6:00 am
A khawharthlak e, (C) in ve phawt ang.
June 18th, 2011 at 6:04 am
Rilru a na thin zawng a nih hi kan tunlai nun leh hmanlai pi pute nun han khaikhin hian
June 18th, 2011 at 6:42 am
Tun hunah chuan a dik ta meuh hlawm lovin ka hria…
June 18th, 2011 at 6:56 am
‘Tip’ beisei lova thil tih a awm tawh ngai lo. Hnam Sakhua leh a ram nuam hring mawi leh nungchate an chuai zo ta!
June 18th, 2011 at 6:57 am
ti hian nangmah hian i phun melh2 a, engtin pawh ti che mahse barah i khawn lem hlei lova, pa tha tak i nih ka’n ring ringawt a..
June 18th, 2011 at 7:14 am
Kan pipute kha an inthununna a lang chiang awm e. Kan pipute’n zu an hman dan ang kha chuan hmang reng ila chuan tun ang em em hi chuan kan buai ka ring lo. Kan sap missionary te khan zu kha an khap a, mahse an mahni pawn an kawl reng an tia lawm.
June 18th, 2011 at 7:44 am
Advertisement a nih duh hmel roh e !
A kawr/pil chin chiah a lang a nih hi mawle.
KHAWNGE A TAK ?
June 18th, 2011 at 7:47 am
Tun tum chu chhiar a hahdam e. Tunlai globalization hian kan Zo nun mawi hi a khawih chhe leh zual ang em le??
June 18th, 2011 at 8:06 am
Sisen khi a khawhar rei deuh anih khi le…. post zia awm pawl tak ani… (E)
June 18th, 2011 at 8:09 am
pu sakhua, ka hre lo che, mahse hei chauh hi min chhang teh. vawin khawmpui naah ka hmu thei che a ngem?
June 18th, 2011 at 8:12 am
Chhungkua tih post khi comment are closed a inti kulh mai…comment theih loh tur published hi a ho :-[
June 18th, 2011 at 8:26 am
Zaiin ka chawi kan zotlang ramnuam, mihräng sahräng hlau rèng rèng a ram tuan a ngai tawh nem maw. A sur a sa, vangvat thosi kara puak phurh rèng ngai lovin, Sappui kutchhuak motor laitha hmangin tlang leh mual tin kan hrut vel a, Saipui iang rùm vung vungin rit zawng min phurh sak e. Ramhuai hlauh avanga neih thing lung khawnga Huai hnena inthawi a ngai ta nem le. Pitar putar, Nunau tin ten muang ten zan mu an chhing thei ta e. Chanchintha zarah tunlai khawvel thil tha zawng kan hmuin kan chhawr thei ta. Ania sin, A Sakhming leh hmel pawh la hriat ngai loh Hnam Sakhuaa te nen pawh misual.com hmangin duh tin kan hril za e. Aw, Tlang sawi luai pa Hnam sakhua, khawiah tuan rel ve che maw aw?
June 18th, 2011 at 8:29 am
Tha tho mahse, tunlai nen chuan inmil vak tawh lo a ni…@ 😛 sisen chu nuam a van ti ve aw1
June 18th, 2011 at 8:33 am
Ka type thui lutuk a Opera mini a tawp thut chu le! A tawi zawngin… pialral leh raltiang ram hi thlir loin kai i tum ang u. Chu em em pawh a ngailo thenawmte thlirin a tak ramah I cheng ang u.
June 18th, 2011 at 8:40 am
Hnam sakhua i post reng rengah hian i rilru i seng nasa a ni tih a lang,belhchian a dawl thin khawp in ka hria,chutihrualin a ngaihnawm hle thin bawk.Han post zel teh hmeichhe hoin i post an lo sawi sel neuh neuh a nih pawhin engahmah ngai duh suh.
June 18th, 2011 at 8:40 am
Post tupa sawi #13 khi hnam sakhua thu leh hla ka chhiar tawh zawng zawngah ka awih awmchhun a la ni awm e.
June 18th, 2011 at 9:26 am
Hmanlai a let leh duh zawng ban phar ruuu…..
HS ho a tapchhakah puan veng a, mei lum ai a, til tal paw hruih duh ban phar leh ru…
June 18th, 2011 at 9:31 am
Khuangdailova chu, Pä awm fia fia ve. Miin “Isua hi Setana”, “Isua kha Zakaria fa a ni ang”, ti meuh a Pathian an sawi chhiat avanga thin urna thu au chhuah pui tu te, “Hmeichhe ho” han tih tak mai chuh. Thil reng reng hi, ‘a lutuk chin’ hi chu a tha ngai lo a nia aw. Mipa pawh hmu hmeichhia vek chu ‘gay’ amaw an ti palh ang che. Fimkhur deuh teh.
June 18th, 2011 at 9:32 am
bang rawh se
June 18th, 2011 at 9:34 am
Tun tum i post chu sikul naupangho bula sawi chi tak niin ka hria.
Chuan,
He lei hi ngaihdan inanlohna khawvel a ni a, duh zawng leh rin dan pawh a phirsi nasa thin. Amaherawhchu, heng thilah hian thil tha chu a awm vek. Mahse, a hnungtawlh zawnga mite rilru lak tum erawh thil thaah chhiar tel chi a ni lo.
June 18th, 2011 at 10:03 am
Judeans-ho pawh khu, a kir zawnga khawsa Pharisai (P’rushim) an awm kha le, GO BACK tia sawi theihte an ni. Sadukai (Tz’dukim)-ho erawh an advanced bawk a, thil tharah an zuang, an luang rang a GO FORWARD tih an hlawh a. An hun laia Essenes-ho pawh thlalerah an bibo daih a, anmahni chauhvin an inrelbawl a GO AWAY tih an hlawh. Rome-ho phiar reng renga khawsa Zealots-ho (an MNF)-te pawh kha GO AGAINST an ni ve hlawm a.
He post hi hnam sakhua atanga kan dawnah chuan a ruhrel hrim hrim hian vantlang a mil kim ber mai awm e. GO ALONG ber a nih dawn hi!
Kan ram kalphung pawh hi … a zuana zuang a liam tawh a, a luana luangin min chiah mek a … Hezekia anga “a kalin ka kal dêm dêm tawh ang” titu kan mamawh tawh hle mai.
June 18th, 2011 at 10:06 am
Hnam sakhua chuks keuh..meow2..eh. Tak tak a ka zun ah uai fuh la han phawrh fai leng che ka chak khop mai.
June 18th, 2011 at 10:57 am
Hnam Sakhua, hian thu a rawn post ta nual mai.
Chhiar tute zingah lo helh a lo ngai thei lo tawk kan awm ta nual, heti zawng hian i ngaihtuah tlang teh ang u.Zonunmawi a rawn tarlan hrang hrang te hi kan tunlai mil turin seng luh tum ta ila, a engemaw mah hma a lo ngaihtheih loh ngawt ai chuan kan hlawk pui ngei ang
June 18th, 2011 at 11:24 am
30.vlchinzah, Hnam Sakhua hian Zonunmawi lam thu tluang tlam tha tak a post hi chuan, Lawm a hlawh thei thin teh a sin. Mahse, goal a nei a, chhuih luh ngei a tum ve tlat a. Hei tunah pawh comment 13 leh 23 khi en ta che u. Tur phul a tum tlat dan hi. A thu hrimah thil tha tam tak awm mahse, tih tak takah chuan, Hman lai kan pi leh pute thu ro lum kha han ngaihtuah teh u:- 1) Hmeichhe finin Tuikhur ral a kai lo, 2)Hmeichhia leh chakaiin sakhua an nei lo, 3) Hmeichhia leh palchhia chu a thlak theih, 4) Haite leh naupang chu ren loh tur, an piang leh zel, 5) Naupang Uite rim nam lo kiang rawh u, adt. A bikin Hmeichhe ho tan ngat phei chuan kir leh duh tur chi hi a ni lo hrim hrim. Zing khua a var tawh chuan thawh ngei ngei tur, Buh hak, Den, thlei, chhum, chaw fun. Doral leh Ramhuai hlau reng reng a nilenga ram lama hnathawh. Zanah Tlangval leng tha taka lo dawn sawn, Val mawl fal deuh zanlai thleng thlengin leng mahse, huat thiang miah lo. Biak chhiat palh chu Tlang saw/chil tuar, pem vang vang na chi. Zanlai pel rawkin tlangvalte leng mahse, zing thawh tlai chi miah loh. Tlangval tan Nula ngaih chu Pawla sai pum pelhna leh uan thlak, Nula tan Thil hming chhiat thlak tawp khawk. Pawngsual an tawh pawhin Tlangval an tan rual chuan, hming chhiatna mai. A tam lu tuk.
Zu chung changah pawh hian, Missionary ten Zu an khap laia Mizo din hmun hre chiang tunge la dam awm? A hre pha Pastor Challianan ‘Pi Pu Nun” a ziahah khan, Zu kan hman thiam loh zia leh, min tih buai zia a ziak chiang khawp mai, “Nupa in hauh leh inthen tir tu, Insual leh tual thahna thlen tu, Khawtlang ti ral muanglo leh ti hrehawm tu, Nun ti tawitu” a lo tih daih tawh kha. In thiamin, chhiatpui lo ni ila, an khap lek lovang.
June 18th, 2011 at 11:40 am
@PK,A chhelai i seng lut ang u ka ti lo, atha leh mawi i deng lut thiam ang u kan ti mai ani.
Hnam sakhua a post ah pawh hian chu ti tho.
June 18th, 2011 at 11:40 am
13@ HT, Pi, Pu te zu in dan khan la in zel ila maw, kanla mawl ngawt ang. Zui in thinte khan Zirna an ngaihsaklo mai nilovin, an fate, Lehkhazir tur pawh tul an ti lo.
Sap Missonry te khan Zu inlo tura mintih chhan hi chhan tha tawk a awm a ni mai. Keini aia fing, A Aw B pawh min siam saktu te khan minhre chiang khawp ang. (E)
June 18th, 2011 at 11:44 am
Hnam sakhua…ti tha e….hahdam dap2 hle mai.
June 18th, 2011 at 11:48 am
Hmanlai kham thatchhiat avanga Kutdawh an awm ngailova, chawkhawn eraw an awm chiang. Hmethai fa, mianglo an hmusit em em bawk.
Zu hmuna chai mai mai ho khan ram ropui minthlenlo chiang leh zual ang.
June 18th, 2011 at 12:04 pm
Kan pi pu te nunah khan fahrah rethei chhumchhia hote kha hmuhsit an ni, kha kha chu a fu lo ka ti..kan Liandova thawnthu te kha..
June 18th, 2011 at 12:19 pm
Hmanlai hun fak chiama tunlai hmuhsit ringawt hi mi puitling lo zia a ni.
#13Hnam Sakhua, ‘missionaryten zu an kawl ru’ i tih khi DAWT a ni. In sakhaw chhunga Kristian sakhaw sawiselna puarpawleng kha rawn chawtak khukpui suh he hmunah hian.
Sual hi chu ram development-in a ken tel hi a tam ve a nia.
I thuziah hi mi dang ziah ni se a tha ka ti ang- i motive ka hre tawh a-i tla na lo. Kristian sakhua(Isua Krista) i rawn sawisel leh a nih phei chuan…A PAWI KHAWP ANG.
Mi dawihzep tak i nih ka ring bawk. Mi hawizau thu keuh dan hmangin han ziak ve tawh teh…thu hi.
June 18th, 2011 at 12:28 pm
#37, Ava mak thuai thuai ve..
Kan thil thlir dan khi amak ang reng thin hlawm mange.
June 18th, 2011 at 12:37 pm
#38 Mak thuai thuai ang chu. post liam ta pahnihah Isua Krista a rawn sawisel chiam a; ka la lawm lo hrim hrim. MIN SAWISELSAK a ni. Post nazawngah ka tawngkam hi a hriam ngai lo, he pa chungah kher hi chuan ka lai a na ve tawh tlat.
Ti hian mizo nunhlui tha tak tak a rawn post ang a, dawtah Isua Sawichhiat nan a rawn hmang leh hlauh mai ang.
Kan pawm kan rin, dim baksak lova min namnulsaktu chungah hian mak loh pawh ka tum chuang lo ve. Debatepui-ah ka sawm tawh a, min chhang duh si lo…nem taka dawr tur chi an awm. Bible a dik lohna zawng tur ringawta chhiara Pathian sawichhiate chungah hian nem zuan ka tum lo ve.
June 18th, 2011 at 12:56 pm
@ He thu post ngau ngau chu a tha ka ti hle mai. (Y)
@ #37 vakul sawi ang deuhvin, midang ziah atan ka it hial zawk mai. Ka Lal Isua Setana-a puhtu hi ka hmuhdan a dang riau tawh. (I)
June 18th, 2011 at 1:14 pm
OT lo ang, puitling tak ni a ka rin, Uipui bauh ruala bauh ve vak vak an awm tlat mai. @Pkfanai, #31, khi misual.com ka tel tawh hnu a comments zawng zawng zinga ka chhan chak ber ala ni awm e. Tiang a anlo tih nachhan leh avang khi sawi fe tham a awm. A bulthum hriat hi pawimawh tak ani ve thin si a!!! Damdawiin atanga chhuah veleh a chhanna post ka tum ang. Hnam Sakhua chu i kal a pangngai ta deuh e, tiang thu tha hi han post zel teh khai. . .
June 18th, 2011 at 1:31 pm
Hetiang thu chu a pawm theih e. Tin Zonunmawi chhawm nung tura in fuih te pawh a tha. Mahse midang pathian in sawi chhiat sak tawh awih loh.
June 18th, 2011 at 2:08 pm
9. Ning zu erawh dawn thin mah se, rui buai, chapo awm ve ngai lo, a hun leh hmun an thliar thiam thin.
He mi chungchang ah hi i hre kim lo hle mai..
June 18th, 2011 at 2:31 pm
Ramhuai in a tilah a pen, Phungin a keuh.. tihte hi i hre ve ngailo a nih chuan ka thiam tho che.
June 18th, 2011 at 3:10 pm
MI DAWIHZEP(Hnam Sakhua) post maw? A sawi tam tak khi hnialna tur ka hmu teuh!
June 18th, 2011 at 4:23 pm
VL Peka 🙂
June 18th, 2011 at 5:59 pm
Hei zet chu a va nalh ve……. (Y) (Y)
Mahse polytheism(David Hume) ang mai a i sakhua i awm pui mai hi chu a uihawm ka va ti em. 😛 (Y)
June 18th, 2011 at 6:18 pm
Kan Zo nun mawi leh Pathian thu hi a inmil teh a sin aw! Post-tupa pawh hian hre chiang ngat se chu Krista Chanchintha leh Zo nun mawi inhmehzia hi i sawi ning thei lo hial ang!
He post hrim hrim hi chu kei pawh tha ka ti khawp mai! (Y)
June 18th, 2011 at 7:15 pm
Chhiar anuam in a manhla hle mai. Hmanlai chang tawh hnu ni mahse hengte hi kan la thlentir leh theih ngei ka la ring tlat.
June 18th, 2011 at 8:13 pm
Hei chu….a zia alawm. Hetiang lam hi uar zawk la, thu leh hla thain min chawm zawk zel ta che. Ka LIKE e.
June 18th, 2011 at 11:48 pm
June 19th, 2011 at 4:00 am
khawnge isua a selna post chu kava hmu ve love..min lo share keuh teh u..kan lo chhui chiang teh ang..
June 19th, 2011 at 4:03 am
https://misual.life/2011/06/.....e-part-ii/
Hei te Daite !