1. June 7, 2011 CBS News-in a târlan danin, 1993 kum khân, Minneapolis, Minnesota, USA-ah black tlangvâl kum 20 leka upa Laramiun Byrd chu kahhlum a ni a, a kâp hlumtu hi kum 16 mi Oshea Israel a ni. Party-naah an inhnial buai avanga kaphlum a ni. Byrd hi Mary Johnson fa neih chhun a ni a, “Tualthattu pa hi ramsa ang chauh a ni, bâwm chhunga khung tlâk a ni,†tiin Mary thinrim lutuk chuan a phû tâwk hremna pêk a phût thu a auchhuahpui hial a ni.
Kum 25 tâng tura a chungthu rêl zui a ni a. Kum 17 a tân hnuah hmânni lawk khân chhuah a ni. Kum engemawti kal ta atang khân, Minnesotta Stillwater State Prison-a tâng mêk a fapa thattu Oshea chu Mary hian Jail-ah a tlawh thin a, Krista neitu a nih angin a fapa thattu chu ngaihdam theih a duh a ni. Chutianga an inkawm fo hnu chuan, a ngaidam mai ni lovin tualthattu Oshea chu Isua Krista hnênah a hruai ta a.
Jail atanga a chhuah hnuah pawh, Mary chênna building-ah Oshea hi chêng vein an inthenawm zui ta nghê nghê a. Tualthattu Oshea chuan, “Keimah inngaihdam hi harsa ka la ti a ni,†a ti. Tunah hian Krista rawngbawlin Jail-ah te, Biak Inah te Pathian fakna leh Pathian ngaihdamna hla sâin Oshea hi mipui tam tak hmaah a zai thin a, zan lamah College kalin chhûnah Recycling Plant-ah hna a thawk thung. Mary nên hian an inthenawm hnâi mai ni lovin, an inlaichinna pawh a tha hle a ni. Kraws hnehna hi a va ropui em!
2. June 11, 2011 Zirtâwpni BCN News-in a târlan dânin, Brisbane, Australia-ah darkar 1 leh minute 25 zet thi tawh, Dr. Sean Thomas George chu a nupui tawngtaina avângin thihna hnehin a tho leh! He a testimony ropui tak hi 8th Annual International Christian Medical Conference, “Spirituality and Medicine†an tih mai, June 11-12, 2011-a neih zawh tâkah khân amah Dr. George hian doctor rual 220 hmaah a puang chhuak a ni.
He a thil tawn hi kum 3 kal ta, October 24, 2008-a thil thleng a ni a. Vanuatu khuaa a Clinic atanga a haw lam chu, a âwm chhûngah nâ a nei ta tlat mai a, Kambalda khuaa Clinic-ah a tlân lût nghâl a, ECG ti nghâlin a lung a tha lo tih hmuhchhuah a ni a, rei lo têah a lungphu chu a châwl zui ta a ni. Darkar 1 chhûng zet doctor rualin chest compression vawi 4000 zet an ti a, electrical shock vawi 13 an pe bawk a, engmah a ang zui ta chuang lova, darkar 1 hnuah a thi tih puan a ni ta a ni.
A thih hnu minute 10-ah a nupui Sherry (doctor ve tho) chu a rawn thleng a. Doctor a nih angin, Medical Science atang chuan, minute 3 chhûng thluakah thisen supply a awm loh chuan, thluak chu a thi zui mai dawn a, minute 20 a ral hnu phei chuan thluak chu a thi hlen dawn tih a hre chiang hle a ni. A pasal kut chu vuanin, “Lalpa Isu, kum 39 chauh a ni a, kei kum 38 chauh ka ni a, fapa kum 10 mi kan nei bawk a, i hnên atangin thilmak kan mamawh a ni,†tiin Isua hnênah a tawngtai a, a pasal thi tawh hnu chu a lo harh chhuak leh ta a ni.
A testimony a sawinaah Dr. George chuan, “Isua hi min siamtu leh ka nunna vawngtu Pathian a ni tih he ka thil tawn hian min hriat thartir a, he khawvêlah hian khualzin mai kan ni a, chatuan ram kan thlir reng tûr a lo ni,†tiin a sawi a ni.
June 22nd, 2011 at 6:03 pm
Hei 1e! Kan mamawh tak paws a rawn chhuak e. U1uk takin chhiar theuh ang u1e. 🙂
June 22nd, 2011 at 6:07 pm
Post dangah ka chhiar tawh nangin ngaihnawm ve tak chu a ni.
Sawi leh sawi hnu: Rul chuk vanga thi te hi thlan sawn chang hian an awmdan alo awm sawn thin an tih ang deuh hian a lungphu chawl a rawn phu tha leh ani thei ang em? Pathian tih ani ngei em chian theih tawh der si lova. An nupa tan erawh eng pawh nise a lawmawm hrim2 mai. Pathianah pawh nasa takin hlimna an hmuh phah ngei a ni awm si a (Y)
June 22nd, 2011 at 6:08 pm
Pathian a awmlo ti tu ho te hi..Pathian a awmloh zia ringawt chhuichhuah an tum a,a awmzia chhuichhuah tum ngai silo in.. han inhnialpui ta ila..chumi khami chu an tia, proof na tak tak phei chu an nei ngai lem hlei lova.. Kei hi chuan a awmlo ti zawnga ka han ngaihtuah te hian a awmzia hlir hi ka hre chhuak thin a..
June 22nd, 2011 at 6:12 pm
A va ropui em. Tawngtaina hi kristiante missile a ni a, hmelma lamah hian kah chhuah reng tur a ni.
June 22nd, 2011 at 6:13 pm
A pakhatna khi ka lawmpui, ka pawmpui.
A pahnihna khi ka lawmpui, mahse, thi tholeh a nih erawh chu ka awih thei lo. Ni kin ni thlir tlat mai ka ni si a.
Elija hun laia Sarepta naupang, Jaira fanu, Nain khaw hmeithai fapa, Lazara leh Isua Krista thawhlehna te chu ka awih.
Thawhlehna rau rauvah pawh Isua thawhleh hmaa tho lehte erawh khi chu SOMATA (tisa)maia tho, thihtheihtawhlohna nei an ni lo.
Tin, Isua thih hun lai vela mithianghlimte an tho ni awma Bible tam takin a ziak ta hi, Grik tawng bul lam bih chianin THINLUNG TIHHARHSAK niin a lang zawk bawk.
Hebrai 11:35 “Hmeichhiaten an mitthite tho leh an hmu a, mi dangte pawh sawisakin an awm a, thawhlehna tha lehzual an chan theihna turin chhanchhuah an duh lo va …” tih ziak kan hmu. Kei pawh hian heng chhanchhuah (delivered) duh lo hote beisei hi ka tawmpui.
June 22nd, 2011 at 6:15 pm
Chak lohna atangin chakna
June 22nd, 2011 at 6:35 pm
Pathian ropui zia hi!
June 22nd, 2011 at 6:48 pm
“PRAISE THE LORD”, OShea Guardian Angel chu Pa hmaah a hmai ava uang dawn ve aw. Ka lawm pui lutuk hlawm e.
June 22nd, 2011 at 6:52 pm
komen chhiar a van nuam! Kei zawng hetiang lamah hi chuan layman poh ka ni pha lo ve…lol
June 22nd, 2011 at 7:18 pm
Ava ropui tak emm.. (Y)
June 22nd, 2011 at 7:31 pm
Kan Pathian hi Pathian Engkimtithei a ni. Hetiang Pathian kan nei hi kan va vannei em!
Pathian thiltih ropui hi kan awih emaw awih lo emaw, a danglam chuang lo…keimahni tan bak.
June 22nd, 2011 at 9:52 pm
Pathian ropui rawh se chhandamna pe tu..
Van te khian Pathian ropui zi a lan tir a, boruak zau tak te…… thihna te, thawhlehna te, harsatna te, lawmna te hian a ropui zia an ti lang vek ani. A siam loh engmah reng a awm lo.!!!
June 23rd, 2011 at 3:13 am
A van ropui tak em? Engkim ah lawmthu sawi tur kan va ni em? Tha lutuk tlat mai, a dang pawh lo post leh teh, ka chhiar kham lo
June 23rd, 2011 at 11:29 am
Pathian hnathawh hi chu a ropui thin ngawt mai…he thil mak ti thintu Pathian hi kan Pathian chu a ni si a aw…Fak leh chawimawi a phu tak zet a ni.
June 25th, 2011 at 2:56 am
10-40 windows bial chhungah hian Isua hminga mitthi kaihthawh a lo awm fo tih ka lehkhabu chhiar atangin ka hmu chhuak. Damlo tihdam, phar tihthianghlim, kebai kaltir, mitdel hnena mitvarna pek, adt. hi Isua hi ‘Messia’ a ni tih chhinchhiahna (Messianic Signs) a ni tlat mai a. Chuvangin, ringlo mite zingah chuan heng chhinchhiahna hi hmuh turin Pathianin a thlentir fo thin a ni. Mi tam takin Isua an rin phah.