Thu 1na: Misualho tluka thu chi hrang hrang khel peih hi an tam lo ngawt ang. (Tunlaiah Ui tak ngial pawhin saruh an khel bawng bawng tawh lèm lo va, tu pa mahin an fate tùana-saruh khel turin an duh hauh bawk si lo). Eng lam thu pawh ni se, an khel mai zel a, khel mai duh tawk lova lo pet fân duai duai pawh an la awm zel a.
Heti anga thu khel peih mite avang hian mi tam takin hlawkna kan lo chhar phah a, chhar phaha inngailote paw’n a chhar chhuakte kaltlangin an chhar tho tho!
Thu 2na: Hlawhtlinna/hlawkna zawngin kan tlân suau suau a, kan duh chu kan hmuh veleh kan lungawi mai lo; a aia tha zawk dang duhin kan tlân leh zel a. Kan neih saah kan lungawi zo lo va, a bak thil kan duh zel; kan ‘El-dorado’ hi engtikah mah kan thleng thei tak takin a rinawm loh, kan thih hma chuan!
Thleng taa inngai an awm chuan an inngaihna chu a fakawm. A nihna takah chuan an kâ in an sawi mai chauh zawk a ni; mahni nihna aia sanga awm an la duh tho, an inthup mai a ni. Mahse, chuti anga inthupa lungawi tum tlatte chu an fakawm; chantawka lungawi an zir vangin.
Thu 3na: Natna chung changah bengvar loh pawh tum ila, maipawl put kher ngai lovin beng hi a var tho tho. Doctor leh tawngtai dam thei kan pan hum hum thin. Natna mak tak tak a lo chhuak chur chur bawk nen.
“Ka pu, hei kum 90 i lo dam tling ta a, i damrei chhan hi engvang nge ni bera i hriat?”
“A…, tunlaia natna in sawi tam takte hi kan hun lai khan an la hmuchhuak ve lo va.”
Thu 4na: An sawi lar em em a, an sawi vul chûk a, pangpar anga par thei chu ni se, thlangra tiat tiatin a par tawh ngei ang heng- corruption, sakhua leh zet-u-zu te hi. Ngaithla duh tan sawitu an awm reng a, chhiar duh tan ziak a awm reng bawk. Amaherawhchu, sawi leh ziah hi a tam tawk ta, thiltihin zui ve tawh zawk se.
June 23rd, 2011 at 8:32 pm
chhiar ila…
June 23rd, 2011 at 8:40 pm
nia a palina khi tunlai chu misual ho hian kan mamawh khawp mai (Y)
June 23rd, 2011 at 8:45 pm
dik alom
June 23rd, 2011 at 8:51 pm
nia, 4-na khi. (Y)
June 23rd, 2011 at 8:53 pm
Fahrah loh tawp khi…
Tha ve pah reng 😀
June 23rd, 2011 at 9:10 pm
ni e, fahrah loh khi!
June 23rd, 2011 at 9:16 pm
OT lawks.. Qatar kan draw hram.. kan tan tehreng nen thinrim thlak khawp mai..
June 23rd, 2011 at 9:47 pm
Engpoh hi han vei hum hum mai ila, a effective hun a awm ve leh thin mai lom. Kan sawiho nuai2 vang khan a rahchhuah hmuh nghal kan tum a ni maithei a, mahse muangchangin kan mindset a inthlak ve tial2 phah kha a tha ni mai..hehe. Naute poh hring chhuak tur chuan vei hmasak phot a ngaih hi.. 🙂
June 23rd, 2011 at 9:50 pm
I ‘thu fahrah’ chuan ‘dawn a tisei’ hrep ka ti…
June 23rd, 2011 at 9:51 pm
A fahrah lo, mahse a abstract ka ti. Inzilh leh infuih hian tam luat leh tawk chin a neih ka ring lo. Ning em em mah ila, i inzilh in i infuih thar in i in sawisel reng ang u.
June 23rd, 2011 at 10:03 pm
Thu fahrah i vei a, i hring a ni maw? He2.. ReMpY hi chetha thei chiang!
June 23rd, 2011 at 11:11 pm
That khawp hi a (Y) hairehai 🙂
June 23rd, 2011 at 11:43 pm
Hetia kan ziak pawh hi thiltih, kan comment pawh hi thiltih tho, kan nunpui leh nunpui loh lam chu ka hrelo, hriat pawh ka tum lo.
A hrim in Isua pawn HRIL rawh u, zirtir rawh u, a ti mai a, chumi piah lam atan eng commission leh thupek mah a pe zui lo, kan han in judge thin leh kan duhtui ta lutuk hi kan kuanglo kan nawr fo zawk thin ni mai hian ka hria.
Paula pawn thu chu HRIL rawh, a hun ah pawh, a hunlo ah pawh, everready a ti mai, sawi hnem a nin hi eng thlarau nge tih pawh kan hai chuang lo. Extreme erawh a awm e, i extreme ti a inpuh nazawng erawh a dik tihna ani chuang lo. Aizawl Traffic ho in extreme speed an tih leh Valentino ten extreme speed an tih an inchen anglo ang deuh hian.
Internet a archiving hi a hlu em em, hard copy aiin kei ka duh fe zawk mai. Internet a i upload tawh chuan a copy hi engang tak a darhzau leh in multiply nasa nge i chhut dik thei tak tak lovang.
Misual.com hi a hlu ka ti khawp mai, ka hlut deuh deuh dawn in ka hria. (Y) Ka lawm em em e. (Van Mr.TSa copycat)
June 24th, 2011 at 2:48 am
Tunlaiah chuan ui chaw tur bik a siam vaitamin tam leh tha an siam chhuak tawh a ui te pawh in sa a raw in an ei duh toh leu.A ruh kawl te chu melh poh an melh duh toh leu.
June 24th, 2011 at 5:35 am
Seemingly pauper, yet princely! (Y)
June 24th, 2011 at 10:01 am
Tha thawkhat e. (Y)
June 24th, 2011 at 10:46 am
Corruption chungchang sawi hi duhtawk mai tur chi ah ka ngailo, kan fihlim hma chuan. Khawngaihin sawi uar sauh sauh ang u.. (Y)
June 24th, 2011 at 10:49 am
Atom #17 khawtlang nunah leh biakin lam thlenga tan loh chuan a reh lovang.