Rawllai ka ‘d’
Mihring kum chhiarnaah chuan alo rei ve ta hle mai kan tleirawl lai hun te kha. Belpui vala val ve ta na na na chuan duhte kanlo tawng ve a. Ni e, khatih hun lai khan ‘hmangaih’ ka tawng ve a ni. Ka ngaihzawng ti satliah lovin ka ‘d’ tiin ka ko hnap thin a, ka tan khuavel a ti parmawi thin! Kan ‘nih’ tan dan pawh ho te a ni. Vengkhat kan ni a, kan in pawh inhlat lote a ni. A u te nen phei chuan naupan lai atanga inkawm thin kan ni a.
Amah hi kei aia a naupan deuh avangin nau enin ka en thin. Mahse…zan khat chu tuikhurah tui kan chawi a (khatih hun lai khan kan khua hian PHE tui connection kanla nei ve lo), keini tleirawl kha chuan tin khat hi kan kawt zo chiah lova, a chanve aia sang deuhte kan kawt a. Kan tui chawi hawlam chu kan thian hovin hmun pakhatah kan chawl a, kan chawlh atanga rei vaklo ah chuan ka thiani te pawh an tuichawi hawlam an rawn thleng ve a.
Lo chawlve tura kan tih chuan anlo chawl ve mai a. Tlema kawngpui atanga piah deuhvah kan thukhawm laih mai a, amah hi a hma pawha kalo mitmei ruk thin leh ka thiante hnenah pawh ka sawi thin avangin nakinah chuan ka thiante chuan ka rilru hria niawm takin ‘chance’ min pe ta a ni. Tichuan chumi zan atang chuan ‘d’ kalo nei ve ta. Hmangaih lehkha kan inthawn dan leh kan inkar a kip akawi chu sawilo mai ila, mahse sawi hmaih phal miahloh chu Inrinni tlai inbual fai zawh ver vawra ka ‘d ‘te inbula han len kha a ni. Ka hmuhturin pawnah a rawn chhuak ngei thin a, ava nuam thin em!
Tuantul vangin Zawlkhawpuiah
Kan khuaah vanneihthlak takin Matric ka pass a, science subject lak ka duh avangin kan khuaa zirzawmna awm ta silo chu Aizawl khawpui lamah kal a ngai ta. Matric ka pass kan lawm ni a ka ‘d’ hlimzia leh Zawlkhawpui ka pan dawn zana a hmel te chu lei leh van ang hlauh a ni. Mahse kan pahnih atan a that zawk tur zia hrilhfiah chungin inngai tak chungin Aizawl ka pan san ta a. Kan khua hi kala chhuahsan ngai vakloh avangin Aizawlah hmelhriat mumal nei talo chu ka lung a leng thin kher mai. Hun erawh a kal liam duak duak a. Mahse mihring hi alo mak a nih hi, thla tam a liam hmain lehkha kan in thawn tlem tial tial a. Thla riat vel naah chuan ka ‘d’ lehkha hmuh tur a awm tawhlo. Chutiang bawkin keipawh Aizawl ka thlen thlak tirha lehkhathawn ziah ka peih ang a ni ta derlo mai. Ka Hmangaihna a chuai ta em ni?
Lam ang kalo let leh ta
Kumkhat dawn kan khuaa haw lova ka awm hnuah chuan nikhat chu hawna hun remchang ka hmu ta hlauh mai a. Inrinni tlaiah kan khaw Bus-ah ka thuvang mai a, tlai dar 5 velah kan khua him takin Pathian zarah kan thleng a ni. Ka thlen veleh chuan ka thiante ho pawh an rawn leng sap sap a, an thu hriat chak pakhat ka ‘d’ nena kan chanchin min zawt a. Mahse chhan ngaihna vak ka hrelo, lehkha pawh kan inthawn ngai tawhloh thu leh kan ‘nih’ tawh loh thuin ka chhang mai a.
Chawte ka’n eikham a, hemi zan atang hian kan khua naupang Sunday School Inkhawmpui Venglai BiakIna a awm dawn avangin kan thian ho pawh Inkhawm turin kan inau khawm a. Tan hma hretin kan thleng a, BiakIn chhung chu a lokhat vek tawh mai a. Keini chu BiakIn hnung Pulpit chung zawn lama Balcony-ah kan thu a. Mipui ep zawnga kan thut bakah tlar hmasa berah kan thu si a, kan lang chiang kher mai.
Chhingmit a intawng
Inkhawm kan tan a, tan atanga rei vaklo ah chuan hmeichhe thutna lampang tlar laiah chuan ka ‘d’ (hlui) ngei mai thu ka zu hmufuh ta. Ka zuk en a a ni chuan a hma tang khan minlo hmuin minlo en reng tawh ni awm tak a ni ka’n en (melh) ve chuan hmuhnawm min tih hmel tak hian minlo thlir reng mai a. Ka rilru-ah thildang a awm tawh lo, kan tuichawi zana ka hmangaihna kha a lokir lehta niber hian ka hria. Duhthawh taka kan mit leh mit kan han in tawntir chu ka tuiral hi a ni ber mai.
A va nuam em! Ni e, khami ‘hun’ atang khan kan induhna alo pung a, kan inhmangaihna chu ahma aia nasain chhem alhin a lo awm leh ta. Inkhawm kan bang a, ka thiante ho bula kal lovin ka ‘d’ (thar) chu ka zawng nghal vat vat a. Kan han inhmu chu inzah tak chungin kan in chibaia. Chutah chuan ka lenna tur tuma zawh ka ngailo keimahah hian a chiang vek tawh. An inlam panin kan haw dun a, rawn leng rawh a tih hi ka nghak phal tawhlo, ka rawn leng dawn aw tiin ka zawt nghal a. Ani pawhin lawmtakin alo ‘aw’ a, a tawi zawngin sawi ila kan in hmangaihna chu kan ‘rewind’ leh ta a ni.
Lal ISUA nen in chhingmit a intawng ve tawh em?
He thu ka ziah chhan ber chu Lal ISUA nen kan chhingmit hi a intawng ve tawh em? tih hi a ni. Peter-a phatsantu tenawm pawh vawi thum a phat hnua Lal Isua’n a mita a enkalh chuan a tuiral zawih zawih mai. Tirhkoh Paula pawh Lal Isua, a tihduhdah thin eng chuan a chhun thlu a, a thinlung chu a va danglam nasa tehreng em.
Chhiartu duhtak, kan mit leh Lal Isua mit a intawn meuh hi chuan khawiah nge kan kal anga, enge kan tih ang tih hi zawh kanla ngai dawn em ni? Keipawh kalo theihnghilh tawh, mahse chiang tak maia kan chhingmit a intawn avangin ka ‘d’ hlui kha ka ‘d’ thar alo ni leh ta a. An run sang kaiin nauang kan nui za leh theita a ni. Lal Isua nen in intawn hun chuan rinhlelhnain I khat tawh lovang a, Amah ring chungin Amah chu I theihna zawng zawng nen i fak tawh zawk ang.
(Pathian awm ringlo tute hi Lal ISUA mit leh an mit ala in tawnloh vang a ni mai lo maw?)
June 24th, 2011 at 8:38 pm
Chhiar tan ang….
June 24th, 2011 at 8:45 pm
Ngaihnawm reuh khawp mai….
June 24th, 2011 at 8:46 pm
Post tupa ‘belval vala val’ an ti thin emaw ka lo hria a, ‘belpui vala val’ tih hi ka vawikhat hriatna.
June 24th, 2011 at 8:49 pm
In rewind leh thei chu ka lawmpui hle mai che u. Mahse di’ i hmanna hi a dik chiah em aw? Ka ti deuh a. I hmang dik anih chuan, rawlthar hmeichhe ngam tak i nih loh vek chuan, i my dear-i chu a buan chak lo (sih hnip) lua deuh ava ang ve?
June 24th, 2011 at 8:53 pm
Rawllai ka D te kha tih te pawhin an lo sawi fo alawm le. A dik lohna ka hre hauh lo mai.
June 24th, 2011 at 8:57 pm
Ka rin loh dan daihin i rawn titawp. Kan tleirawl(rawlthar?) laia kan star te nen kan mit a han intawnga kan han lai deuh vel te kha hman lai an chang zo ta(H)
June 24th, 2011 at 9:06 pm
Aw kan vanglai hun min ngaih tir lek fang ang e.
belval val a val belval hrelo in tam phian lo maw kan misual zingah hian.
June 24th, 2011 at 9:30 pm
@hmiangtea, post-ah khi chuan ‘belpui vala val‘ tih a nih khi
June 24th, 2011 at 9:52 pm
Isua hmaah meuh chuan kan sualna a lang chianga, chhandam ngai kan nihzia a lang chiangin kan damna kros pan a tul thin.
‘Di’ tih hi kan hmang zalen ta viau a nih dawn hi.
June 24th, 2011 at 9:52 pm
Ka Mail-ah Attach ka hmu miah lo nge awmzia?
June 24th, 2011 at 10:06 pm
Pu,Laldom i nun hlui i rawn ziak chhuak a, a ngaihnawm khawp mai. Science subject khian i nun hlui a ni tih a confirm viau e. In mit han intawn lai vela i laih ruk dan tur chu ka suangtuah rauh rauh. Tuikhur tui chawia han inbiak zauh zauh…lung i tileng mang e.
Kawngah kan han intawka zak ru si…i paltlang hnu a ni chiang.
Ka rilrua lo lut daih chu Pathian thu khaikhin tura mihring experience tawk loh zia hi a ni. Pathian hmangaihna lan fiahna turin mihring hmangaihna kan sawi thin a…mahse tawp chin a awm thin. Tuna in nu(nupui)kha khi khi a ni em? tih daih atangin ka lo teh…a awmzia chu i hre mai turah ka ngai. mahse i thuziah hi tha ka ti kher mai. Lung lam lam i tileng.
Di, D a hmanna a zira dang thei a ni. Pu Laldoma hman dan hi sualna a awm lo ve.
‘Thuva in-D lamtluang mawitu’
Pu Laldomate in-D Krista lam min hruaitu.
June 24th, 2011 at 10:13 pm
Good post (Y)
Thu har pui pui, hriatfiah theih siloh hrilhfiah tuma comment vak vak ai chuan hetiang thu tluangtlam tak hi chhiar a nuam ka ti zawk.
June 24th, 2011 at 10:16 pm
daih maia :-S Mizo in ngaihzawn tan dan hi romantic thei e, ngaihnawm lo tak2 pawhhi awmlo ibn ka hria 😉
June 24th, 2011 at 10:52 pm
belpui vala val-belval vala val tih tur. Belval hmupha lo in tam tawh em a tin ni.. “D” A hmanna chi 2 a awm. Ngaihzawng sawi nan an hmang tho va, sex hmang sawina a ni mah zawk.
June 24th, 2011 at 10:55 pm
mihring hmangaihna lam a rawn chhuah hi chuan kawmen ka chak tlat thin…a ropui thei khawp mai…a ngaihnawm bawk…D hi chu hmang zel rawh…ka sapawt che..
June 24th, 2011 at 11:06 pm
I lengzem thawnthu khi a ngaihnawm ka ti hle mai. (Y)
Ka tawng i huatthu suhah, Isua/Pathian hi ngaihzawng anga tehkhin fo hi ka tim/ip riau zel.
Pathian chu kan “Pa” a ni a, mipa ani phawt. Isua Krista pawh Pathian Fapa mal, mipa ani leh.
Pafa in hmangaih angin Pathianin min hmangaih a, kan Pa anih angin kan hmangaih let ve turah ka ngai. Chutiang thoin Isua pawh kan Pa fapa, a unaute min tlan tura Pa tirh a ni. Anih chuan, Isua Krista chu Pathian a nihna vanga hmangaih emaw, kan unaupa dik tak, kan tuarai tuar duh ngat anihna a vangin kan hmangaih let ve ngei turah ka ngai thung.
Mipa leh mipa mit intawng ngat chu ngaihtuah ngawt pawhin hmulthi a ding thei mai dawn alawm, chil a haw mai anga sin. NOI
June 24th, 2011 at 11:28 pm
Hv, leh 😉
June 24th, 2011 at 11:43 pm
Thlirna Tarmit azirin comment dan a dang thei hle ang. He site chhiar thintute variety zia hria a, tawktar(h) i siam dan hi i thiam ka ti tak zet. Goal nei rän a, chhiartute i goal a min khalh luh dan lah a nalh e. Thlarau lam thil hi chu experienced ve hma hi chuan a ngaihna hriat thiam a har tih i sawi chiang thiam e. # Nia, tawng chung chang pawh kan han duh fir viau thin dawn na a, a tam zawkin an hman hmiah hmiah tawh chinah hi chuan, a tih theih tak tak tawh chuang loh. I thiam ka ti lutuk e.
June 24th, 2011 at 11:52 pm
PKfanai #18 min sawi chhan takin 😛
I tawn chin chiah tawng kherlo ho pawhin tawn chin chin chu an nei ve tho ania auh. 😉
Min sawi chhan chuan: Pathian hi ngaihzawng angin Mizo ten kan tehkhin fo hi a zialo ka ti tak tak alawm.
Tu huatthu sawi ak tumlo ania 🙂
June 25th, 2011 at 12:17 am
Pu Hv, ka sawi chhan awkawng lo che. I sawi khi ka tawmpui vek che asin. Ka comment hmasaah khan, a goal chhiar thleng lovin, Mizo tawng hman dik loh lai ni a ka hriat lai ka lo sawi ve vak a,a hnuah uluk zawkin ka han chhiar tha leh a, ka zakin ka inthiam lo lutuk a, goal thuhmun a thun tum si kha ka lo chuh buai angah ka in chan a, ka sawi chhan chu post tupa sawi pathian rin chu sawi loh, a awm pawh ring lote zawk a lawm. Nang chu ni lul love. I ngaih dan ka tawm pui che. Mahse post tupa nen hian tum thuhmun kan ni.
June 25th, 2011 at 12:23 am
Mawiah, Hv. a sawi chhan chiang che. ka chhiar nawn thina a ni chiah. 😉 😛 😀 :-O fiamthu
June 25th, 2011 at 12:33 am
PKfanai #20 ka van lawm “awkawng” 😀 🙂
vakul #21 hairehai 😛
June 25th, 2011 at 12:40 am
Pathian lamah khian pawt her kualin, ti Pathianthu zel ta lo la, a tha zawk daih asin…tleirawl lai chhas theihnghilh theih loh hi chu kan nei fur ang chu male… (Y) 😀
June 25th, 2011 at 1:38 am
I thuziak chu a a U-turn ve mawle 😀
June 25th, 2011 at 10:41 am
I story mai mai chu ‘i ti a, i ti leh lova uk:D” tih ang vel a ni.. a inhmet rem chiah em aw te ka lo ti vel mai mai.. a tha tho e (Y)
June 25th, 2011 at 6:38 pm
@11-vakul – I hrethiam hle mai tleirawl lai nun chu. He ka thuziaha ka tum ber chu ka hun tawng tawhte atanga mite ngaihnawm tihtur leh hriatthiam tur zawnga Pathian thu ka tlangaupui na a ni. Mahse ka thuziah khi true story a nih leh nihloh ka ziak miahlo a nia aw….(ka zep tlat dawn… ha2)
@Pk Fanai – ka goal i hrethiam a a lawmawm ka ti hle mai. He site chhiar thintute variety zia hria a, tawktar(h) i siam dan hi i thiam ka ti tak zet. Goal nei rän a, chhiartute i goal a min khalh luh dan lah a nalh e.
Nie, he thu hi tawktarh atana ka hman a ni, ka comment dang lo en zel teh.
June 25th, 2011 at 6:51 pm
@ 12 Thanks sisen, tunlai chu Misual.commer ho Atheist lamah kan buai deuha, thu har pui pui kan khel a kan hrefiah thei chuang si lova (Mihringte hriatthiam rual a nihloh avangin). Chuvang chuan hman deuh atanga ka rilrua awm tawh ka rawn ziak chhuak ve tawp a nih hi.
@ Pu Hv-a, (Zah tak chungin)- Ka thawnthu te ngaihnawm i ti a ka lawm hle mai. Ni e, Pathian hmangaihna leh khawngaihna kan tehkhin dawn hian Bible-a mi hi a tawk viau na chungin mi tamtak a hip tawh lo tih kan hretheuh awm e. Fapa tlanbo etc te pawh kan hre zingin Pathian hmangaihna sawichhuahna a ni. Mahse engvangin nge mi tamtakin an chhiar that peih miah loh le. Tunlai khawvel ngaihnawm leh hmuhnawm tamna ah hian Pathian thu kan tlangaupui dawnin tehkhin thu thiam takin kan sawi a ngaiin ka hria. Kan Lal Isua pawh kha thusawi a thiam a miten ngaihnawm an tih nachhan em em chu tehkhin thu a thiam vangin a ni an tithin. Chutiang deuh chuan mite rilru hneh tur chuan ngaihnawm antih zawng tak thawnthute atanga Pathian thu hrilh hi a pawimawh ni hian ka hre ve thin. Tuna ka tehkhin thusawi hi mi thenkhat ngaihdanah chuan a inhmeh chiahlo maithei mahse chu aia ka ngaih pawimawh chu miten ngaihnawm titakin chhiar sela chumi zawhah ka thuziah tumtakah hruailut sela tih a ni.
June 25th, 2011 at 7:12 pm
Comment te amal mala chhan/sawibelh a chakawm hle mai.
Tunlai Mizote zingah thawnthu tawi phuah chi hrang hrang chanchinbuah hian hmuh tur a tam em em a. Fiamthu lam te, ram veina lampang te, nula tlangval inngaihzawnna lampang te a tam hle. Chutih ruala kan tlakchham pakhat chu Pathian thu tehkhin tura thawnthu ngaihnawm/tehkhin thu hi niin ka hria. Comment hmasaa ka sawi tawh ang khian mi tamtak hi chuan khunkhan deuh leh tawngkam un pui pui hmanga sermon leh article ziakte hi kan chhiar peih vaklo. A kawm kan en a thuilo te kan chhiara kan khup mai thin a ni. Hetiang a nih avang hian mite hip tur leh an rilru hnehthei tur thawnthu/tehkhin thu kan ziahtam a ngai a,chu chuan zawi zawi in Pathian hnen a hruaithleng ve dawn a lo ni.Hei hi Mizote kan hmasawnna tur niin ka hre ve a ni. Chutiang lama thahnem lo ngaive te pawh inthlahrung lova chanchinbu hrang hrangah te ziak thin turin ka sawm duh che u a ni.