Puk chawp tak meuh meuhin khawpuiah chuan college kal turin ka lut ve ta rawih a. Thiante min puihna zarah mahnia inluahna tur min hmuh sakah chuan ka han invawmlut ve ta rawih a. Ka ei leh in te, ka inluahna man vel engkim chu chhungte hnena chah ngai lo turin leh tlai lama class kal ka nih dawn vangin inhlawhnatur awm ang ang chu dap kualin, a awm ang ang chu ka thawk thin a. Chung ka inhlawhna atanga ka pawisa hmuh chu ka thlantui far zawih zawih atanga ka hmuh a nih avangin a hlu a, ho mai maiah ka hmang ngailo.
Kan college chu zan lam a nih vang nge pawh ka hrelo kan thahnem ang reng phian a. Kan luhpui thenkhat chu mi hausa fa, awmtha duhlo tih hriat tak an awm nual a. Nuam tawl ringawt buaipui an ang hle thin. Ka rilru tete chuan “Keinin kan zirtheihnan hna rim takin kan thawk a, college tha pawh kal thei lovin kan phak tawk ang a nih vanga hetianga kal ka ni si” tia ngaihtuah chang ka ngah thin.
Vawikhat chu kan awmna vengah chuan veng danga awm, chhungkaw awmthei deuhin in an sa dawn a. Inhlawhturin ka inluah neitute chuan min lo sawisak a. Hnathawhtur ka hmuh avang chuan ka lawm hle a.
Kan hnathawh chu hahthlak teh mah se ka thawhloh chuan ka nghei mai a ngaih dawn avangin phur takin ka thawk thei zel a. Ka hnathawh vel an en chuan kan hnathawhna pa te pawh chu an lawm ve ni tur a ni; duhsak pawh min duhsak ve hle a.
Nikhat chu kan hnathawhna hmunah chuan kan pu chuan a fanu a rawn kal pui ve a. A hmel han en ringawt pawhin kan phulo tih a hriat nghal chu thuhran, biak pawh kan biak ngamloh tur a ni tih a chiang hle a. Mahse, chu nula chu rinai takin a lo fel a. Kan han hahchawl chu ka thawhpui dangte hnamdang an nih avangin ka bulah lo kalin min rawn be vei luam a. Kha kan inbiak ringawt pawh kha ka tan chuan hriat a nuam a, hah pawh a dam sawng sawng hialin ka hria.
Zankhat ka class kal chu kan lecturer pakhat a lo kal loh avangin class kan off a. Thian dangte canteen velah te, room vela an titi luih luih laichuan keichu pawnah thlifim thaw heuh heuh mai chu dawn ka duh vangin ka chhuak a.
Chutia pawna khawhar taka mahni chauha ka din lai chuan ka hnunglam atang hian hmeichhe aw, ka hriattawh hnu hian “va lungleng awm ve?” a tih ri hi ka hria a. Ka hawilet chu kan insak lai mek neitu kha a lo ni a. Ka phu zawk nghe nghe a. Ka bulah chuan lo pheiin kan titi dun a. Kan college a a kalna chhan ka zawh chuan dawr an nei a, amah chiah fa an neih avang leh a nu leh pain hnadang an neih avanga enkawl a ngaih vang niin min chang a. Thil tam tak kan sawi a, a changleh kan nui a, a changleh kan thutak a. Class kan tan leh dawn avangin ka kalsan a, banah inhmu leh turin kan intiam a.
Class kan bang a, kan inhmuhna tur hmun ka thlen chuan ani chu a lo awm tawh a. Ka thlen chuan min ngah rei tawh thute a lo sawi vei bawrh bawrh a. Motor a ken avangin a ruala haw turin min sawm a, ka inluah thleng chu min thlah ta a.
Chumi zan atang chuan kan inkawm tan a, kan pahniha kan awm tawh chuan kan hlim em em a, midang pawh kan ngai biklo. Min ngaihsak em em a, ka tana a nawmlohna deuh tur a nih chuan amahin hrehawm a tuar mai thin a. Chutiang khawpa ka tana inpe zo a nih vang chuan a thiante lo kawm thinte pawhin min kawm ngaih ve em em thin.
Kan inkawm rei telh telh a, kan innel telh telh a. Ka class kal leh haw lam chu min hruai ziah a. Ka mei a ni a, keipawh a mei ang mai ka ni a. Kan class inanglo mah se hunawl apiangah chu pawh then theihloh ang mai kan ni a. Kan inkawp chawt a ni ber mai.
(Y)
June 24th, 2011 at 11:04 pm
test
Report this comment
June 24th, 2011 at 11:09 pm
Edit theih miah loh le…a tawp dan chu ava laklawh ve
Report this comment
June 24th, 2011 at 11:11 pm
Chutichuan engtin zel? Hehe..a va tawp teh tawp ve..
Report this comment
June 24th, 2011 at 11:11 pm
A tawi lutuk. Chhunzawm vat teh.
Report this comment
June 24th, 2011 at 11:12 pm
Ngaihnawm dawn e… Engtin tak awm zel ang maw?
Report this comment
June 24th, 2011 at 11:17 pm
ngaihnawm khawp mai ,A va tawp lak lawh ve aw. ka lung i ti leng hle mai .a chhunzawm na a nghahhlelhawm .
Report this comment
June 24th, 2011 at 11:17 pm
vairam khoitlai ah nge le???? hriatchak om khop mai.
Report this comment
June 24th, 2011 at 11:31 pm
hui…thianpa chu…va ziak tha ve….zanin chian ka rawn sual hman…hun ka nei treps..
Report this comment
June 24th, 2011 at 11:37 pm
Va romantic reih ruih ve a…!!!
Report this comment
June 24th, 2011 at 11:37 pm
eu, KT i va thawh tha ve/. va khamawm loh ve/.
Han ti zel la mawle. chuan in pu fanu chu i nei ta mai em ni ti dawn ila nupui i la nei si lo.
kan lo nghak ang che..han thawh leh phawt mai teh.
Report this comment
June 25th, 2011 at 12:06 am
Mahni a phuah zawm tur ni maw!! Changtupa thir chhia zawn tir vel hrep phawt ila..IAS pass tir leh daih teh ang.
Report this comment
June 25th, 2011 at 12:16 am
Ngaihnawm reuh mange .. lo inkawp chawt rawh u hai
Report this comment
June 25th, 2011 at 12:17 am
Tawp lai hle mai a. In pu fanu khi tha em em chu a nih kava ring love. In in nel hma dan ah khian.
Report this comment
June 25th, 2011 at 12:24 am
mizoram nge vairam?.. vairam ah chuan landlord te fanu biak ck chu chi vak lo. inluah tur dang zawn zak zak ngai daih, hahtlak duh khawp mai
Report this comment
June 25th, 2011 at 12:30 am
Thu i uar emai i skip duhvang a nih ka ring deuh, awihloh ka nei zauh2
, mahse a ze pui chu a dik viau in ka ring. A ngaihnawm hle mai.
Tunlai post chu rilru a thle rual hlawm nge mawni Pathian thu lam post a awm zawn zut zut a, chumi hnu ah hmangaihna mahni tawn lam maw
Report this comment
June 25th, 2011 at 12:38 am
#14 a nih duh hmel e..haha
Report this comment
June 25th, 2011 at 1:04 am
chhunzawm vat vat teh– chilput tawk lek in min siam… INTERVAL rei deuh chu aho vek zel!
Report this comment
June 25th, 2011 at 1:18 am
I nula-i nu leh pa ten an hriat hun chu aw… i kawngngaihthlak dawn tlat in ka hria..
chhunzawm vat teh.
Report this comment
June 25th, 2011 at 1:24 am
Thingtlangpa,i la chhunzawm leh ang tiro. I thu ziah ho hi ka hlut thei khawp mai
Report this comment
June 25th, 2011 at 2:28 am
Fiction fiction….va MIZO M&B ve
Report this comment
June 25th, 2011 at 7:34 am
Part 2 ka chhiar nghal teh ang.
Report this comment
June 25th, 2011 at 10:29 am
Part II chhiar zawh hma loh chuan comment dawn lo re re
Report this comment
June 25th, 2011 at 10:41 am
A chhungten an han hriat chhuah chuan,an duh lo hle che ang a, chuan in hmangaihna a zual tulh tulh bawk si anga…etc..etc anih zel duh hmel..ha..ha
Report this comment
June 26th, 2011 at 3:36 am
Ngaihnawm ve.. Ka lutkhat bawk a chhiar tur tam mai2 kan chhiar char2 hlom teh ang.. mahse… Mobile hun lai leh zan class kal hun lai hi, a van la rei om lo.. Naute nikhaw hre rual nei tawh bawk sia.. btw thingtlangpa tih fb a mi links an dah khi chu i nih ka ring lo i thu ziah nen.. Mahse chhiar ninom loh pol tak a ni
Report this comment