May ni 25 zan khan tu nge thi ?. Nang emaw, kei emaw chu khawngaihna avangin kan la ni leh rih lo phawt a, tu emaw chu an thi ngei si. Chuti ang thihna kutvawt leh rapthlak tak lak ata thlamuanna chu sakhaw tinte zirtirna laimu chu a ni. Sakhaw dang rin dan leh thih hnu piah ram beiseina chu sawi ngai lovah dah ila, Zoram kristian nawlpuiin thihna kan hriatdan leh kan hmachhawn dan hi kan Pathian thu leh kan theologian ten min zirtir dan nen hian a inmil chiah em ?
Mitthi vuinaa kan inthlahna thuchah leh thlanmuala vuitu tawngtai thu inkalh tlat thinte hi ngaihtuah chian a tul tawh em ?. Kan thlarau chhandama awma thih veleha van kai nghal tura kan inzirtirna hian min ti thlamuang zo lo deuh thin a ni lo maw?
Vanrama Pathian hnena nuam taka thlarauva cheng tur inti si, he lei hrehawmah hian thih hreh em emin neih zawng zawng sengin phailam damdawi in lian kan pan ruai a, oxygen pe-in a theih chhung chu inchelhdin hram kan tum a, nuam taka vanrama kal mai tur kha lei hrehawma la awm rih tura tang fan fan turin kan infuih a, thi mai tur pawhin damna beiseiin hringnun thlahlel ngawih ngawihin dam tumin tan a la hram hram thin.
Pathian thutak te, thu tisaa lo chang te hi thlarau tir kan tum luattukah hian kan lo peng thui ta deuh a ni thei em? Kumin Presbyterian Kohhran Nilai leh Beihrual Thupui, Rev. Dr. H. Vanlalauva ziak atang hian thihna hi enge a nih lo thlir teh ang u.
‘Thihna’ tih thupui, May ni 25 zana zir khaikhawmna tawi chu heti ang hi a ni: ‘Pathian anpuia siam kan nih avangin thi tur kan ni lova, taksa leh thlarau hi mihring nihna kengtu a ni. Taksa leh thlarau a lo inthen hian thihna a lo awm. Thihna chu hun eng emaw chhung atana taksa leh thlarau inthenna a ni Chu thihna chu mihring hmasate tlukna vanga lo awm a ni. Isua thihna leh thawhlehna avangin ringtu thite chu a lo kal leh hunah chhandamna famkim changin kan tho leh ang.’ He thu tawi fel tak hi kan Pathian thu laimu chu a ni.
Thupui Sawizauna :
1. ‘Genesis bung 2:7-a, “I ei ni la lain i thi ngei tur a ni,” tih thua thihna pawh hi ‘inthenna’ kawka hrilhfiah a ni a. Taksa leh thlarau inthenna (taksa thihna) bakah, Pathian leh mihring inthenna a kawk thei bawk.’ Phek 89-na, para thumna: Bawhchhiatnain a nghawng bulpui ber chu taksa thihna (physical death) hi a ni. Pathian laka mihranna te (spiritual death), mihringin a nih tur ang anih tak lohna te, mihring leh thilsiam inkar tih khawlohna te, mihring leh mihring inkara innghirnghona te hi a keng tel bawk a ni.
Lei hi anchhe dawng a lo nih tak avangin. Chhandamna a famkima kan hmuh hunah heng Eden anchhia zawng zawng hi a bo tawh ang. Eden tluknain a nghawng bulpui ber taksa thihnain a ken tel ho buaipui luattukna hian buaina leh kalsualna a thlen chawk. Chatuan boralna lak ata chatuan nunna nei tur chuan Isua a thi a, thihna hnehin chatuan atan a tho leh a ni. Chumi nun tawmpuitu apiang chu chatuan nun neia tho leh turte chu an ni. Kan thih hian ‘vaivut chu a awm angin leiah a chang leh a, thlarau chu a petu Pathian hnenah a kir leh a ni’ (Thuhriltu 12:7).
2. ‘Pathian thuin mihring hi taksa leh thlarau tiin a sawi a. Thuthlung tharah hian Grik ngaihtuahna zuiin taksa, rilru leh thlarau ti tea sawi a ni bawk a.’ phek 89-na para hnihna: Kum emaw zat inchiahpiah hnuah chuan Greek ngaihtuahna zui ve mai a awl khawp ang tih hre chungin Tirhkoh Paula’n mihring hi taksa, rilru, thlarau (body + soul + spirit = man) a rawn ti ta hi dem lutuk lovang u. Kan zirlaibu chuan ‘Pathian thuin mihring hi taksa leh thlarau tiin a sawi.’ a ti thung. (body + spirit = soul).
Taksa ringawt hian Pathian ram a luah thei lova, thlarau ringawt pawh chhandam chi leh hrem chi pawh a ni hek lo. Chhandam ngai, vanrama cheng tur chu mihring (tih danglama awmin) hi a ni. Chu chhandamna ropui tak chuan mihring mai ni lovin bawhchhiatna nghawng kan sawi takte kha a huam vek tih hriat a tha.
Ngaihtuah ngai:
- ‘Greek finna thenkhatin thlarau thih theihlohna thu an zirtir a. Hei hian Juda-te ngaihtuahna pawh eng emaw chen chu a kaihruai a’ phek 90-na para khatna: Greek ngaihtuahna kan hnawl deuh titih tawh kha hemi thuah hi chuan a tidik thei tur Bible chang kan dap khawm leh si dawn a ang khawp mai. Engpawh nise, ‘mitthi thlarau Seol-a chhuk thenkhat te’n….’ (Sam 16:10) tiha thlarau (thlarau tia lehlin palh) hi spirit a ni lova. Soul (nunna, rilru, mihring, nun, thlarau ? tia kan lehlin thin hi) a ni tih hria ila.
2. Bawhchhiatna nghawng zinga pakhat Pathian laka mihranna (Pathian laka thi, spiritual death)) hi a pawimawh em avang hian kan sawi ngun ber a ni. Hei hi kan Bible chuan thi, mitdel, thim, adt. ti tein a sawi thin. A mala kalpui vakna hian Pathian thu tum bulpui ber atanga pen bona a hring thin. Chuti anga Pathian thu kalpuitu chuan Eden huan laia thing awm chu a chhia leh a tha hriatna thing chauh emaw a ti a, tui letna chhan chu van atanga ruah sur chauh emaw a ti bawk a.
Tuipui sen vuakchah thua khawchhak thli na tak sawiin a thin a rim a (Nilai thupui bu pawh a hal duh hial emni kha?). Isua, mihring famkim anihna lam sawiin a ngaihna a hre tawh lo. Pathian thu chang hnih khat a la vung vak a, ‘chumi khami a sawina chu a ni’ tiin ‘rau’ takin a hrilhfiah kual a, a rau-ah a thamral a, Pathian thuril erawh a chhuichhuak si lo. A Pathian thu hriat chu Kraws-ah hnuk ulh teuh chung leh rau deuh riai ruai chungin a tawp tlangpui bawk.
Thlarau vanram kai tir a tum ta roh a, a tan chuan Isuan Pa hnena, “I kutah ka thlarau ka kawl tir e,” a tih khan Pathian thiltum a famkim der tawh. Mahse thawhlehna beiseina tel lo chuan kan rin hi a thlawn a ni a, kan thawhleh dawn si loh chuan mi a zawnga mi khawngaihthlak ber kan ni ang.
Tlangkawmna : Sawi zui tur tam tak la awm mah se, tlang i kawm ang. Thihna tih thupui kan zir atang hian Bible phen lam kan sawi nasa lutuk hian kan Zoram kristianna a ei chhe hle tawh tih hi i pawm ngam ang u. Kan mi duhte lenna tlang chu hmufiah thei lova romeiin a bawm chiai hian lung len a zual a, Pathian thu hrefiah lo chung leh rau deuh riai chunga kan kal hian kan lung a tileng tawk vel viau bawk thin.
Engpawh nise, Thihna hi hun eng emaw chhunga thlarau (Breath of Life) leh taksa inthenna (muhil) mai a ni tih hriain Amah nena inzawm tawhte chuan kan tlanna famkim (taksa tlanna) chu thlamuang takin i nghak zel ang u.
June 28th, 2011 at 4:39 pm
chhiar ila (Y)
June 28th, 2011 at 4:45 pm
A ngaihnawm hlemai
June 28th, 2011 at 4:46 pm
he lam bawk, huiha.. pk-a ka kian e. lol
June 28th, 2011 at 4:50 pm
A ngaihnawmin a fiah hle mai. Ka chhiar chhuak lova, mahse ringtute tana thil pawimawh tak a ni.
June 28th, 2011 at 4:50 pm
ka van hrethiam lo
June 28th, 2011 at 5:00 pm
(@) “Tuipui sen vuakchah thua khawchhak thli na tak sawiin a thin a rim a (Nilai thupui bu pawh a hal duh hial emni kha?). Isua, mihring famkim anihna lam sawiin a ngaihna a hre tawh lo. Pathian thu chang hnih khat a la vung vak a, ‘chumi khami a sawina chu a ni’ tiin ‘rau’ takin a hrilhfiah kual a, a rau-ah a thamral a, Pathian thuril erawh a chhuichhuak si lo. A Pathian thu hriat chu Kraws-ah hnuk ulh teuh chung leh rau deuh riai ruai chungin a tawp tlangpui bawk.” ;-(
Khi lai para te reuh khi a tha reuh mai mai……thenkhat rilru erawh a tina ang tih ka hlau deuh; mahse, a dik hmel viau bawk si a.
June 28th, 2011 at 5:22 pm
May 25 a thil thleng chu ka theihnghilh daih tawh. Thla khat aia rei ani tawh tlat. Jew ho festival Chabad an tih thlenni an ti.
June 28th, 2011 at 5:46 pm
I sawi tum ka man lutuk lo naa thina chungchang ngaihtuah hi chuan francis a tawngtaina kha ka hrechhuak thin ‘aw Lalpa thihna hi nun nei tura kailawn hmasa a ni tih min hriat nawn tir ang che’
June 28th, 2011 at 5:53 pm
Yeow…sei pet pet. May ni 25 zanah chuan engnge thleng chiah? tih atangin ka bo nghal… Zoho, asteric, pkfanai ten k chhiar ai ron chhiar mai roh se.. 🙂
June 28th, 2011 at 5:58 pm
Post tupa, part-2 a la awm em? A la awm chuan ka sawi pawr lovang. Pathian thuthiam Doctorate degree nei ziah a ni a, a ziah chinah hi chuan sawi selna tham thil pawi ka hmu hran lo. Amaherawhchu, heti zawng chauh hi a nih a, part-2 a awm tawh lo anih chuan, a kim lo hle ang a, zirtirna hlauhawm ani thei dawn tlat mai. Ka zawhna min chhang phawt rawh le.
June 28th, 2011 at 6:16 pm
Keichu thih lam ka ngaihtuah rih lo tlat, nun hi nuam ka ti, chatuanin ka nung dawn, krista zarah (Y)
June 28th, 2011 at 6:25 pm
tu mo may ni25 zanah chuan thi?? K hrethiam ve neihnuaih lo e a..ka tilthen jwng anilo tlat!
June 28th, 2011 at 6:38 pm
#12
Lolz.. 😛
June 28th, 2011 at 6:40 pm
Pk fanai kan lo nghahna che a rei tawh ania. 😉 i thu kan thlir thup e 🙂
June 28th, 2011 at 6:42 pm
Donald i nick hi a va inspin nasa ve, parvul mawi tawp (ot lawkziee)
June 28th, 2011 at 6:46 pm
thui hleeee mai,hei chu #zovel post ni bok a, keini lam chuan @zoho kan lo thlir thup e…..Pk fanai poh chu van reh rei deuh ve, chaw eikham law2 ah in ti a mo ni le ooo 😛
June 28th, 2011 at 6:49 pm
Thanx rose10parvuli (F)
Mi fak i thiam hmel reuh… mi fuih pawrh nen 😛
PK-a hi chu fuih chiah a ngai.. a pawrh sa ! 😀
June 28th, 2011 at 7:24 pm
Ka zawhna chhanna ka la hmu tlat lova, ka sawi ve pung pung ang a, part-2 a lo awm reng si a ang a. A ho vek ang.
June 28th, 2011 at 7:39 pm
Donald lah hi lo kual lut ruih ruih zel mai a! 😀 😀 😀
Pawstupa hi khawnge le? Pk zawhna chu chhang se sawizawm ula,lo chhiar ila :p :p :p
June 28th, 2011 at 8:11 pm
post tupa hian Pka zawhna hi chhan gaihna vak a hrelo anh duh hmel..hahahaha
June 28th, 2011 at 8:24 pm
Chhanna a awm thei si lo. A hmasain, Kan Pathian thuthiam then khatte hi, Pathian thu tluang tlam bakah tawngkam mei nei leh chuang tlai, mi tai ran mai zeh tel ching in awm a, sim vat rawh u. Tai nei sermon/article hi chu, Lowest quality a ni e. # Khai aw le:- He zirlai hian Isuan Thihnaah pawh a ngaih loh, “Muhil”(John 11:11) a tih hi a focus niin a lang a, Khawhar chhungte hnem tumna thuchah a ang. # Bible in, “THIHNA” a tih tak tak zawk, “Hlau tura min chah” (matthaia 10:28) hi a sawi bo hmiah. Bible hmun hrang hrang (1 John 5:16, Thupuan 2:11, 20:6, 20:14, leh 21:8) a Thlarau thihna, “THIH HNIHNA” hi a sawi lang ta tlat lo a ni. Tin, bible Study nisi, bible bung leh chang tan chhan chat chat lovin, a phen lam a sawi tam lutuk. Tawk phawt teh se, thil buai pui tur a awm tlat. “Mei leh käta käng dílah chuan a awm ang: chu chu thih hnihna chu a ni” (Thupuan 21:8).
June 28th, 2011 at 8:52 pm
@21 : i zawhna/hrilhfiahna/soifiahna hi a dik tok tiu teu foo ni…a dik hlel na lai han phorh keuh2 phot teh u,a post tupa hi a bo ta daih a mi le,keichu a om hma chuan ka zawt thot2 peih hrih lo,ka rau a thok ta thut te nih loh chuan 😛
June 28th, 2011 at 9:51 pm
Ka post a ni lo hlauh… 😉
June 28th, 2011 at 10:37 pm
Dik hle mai.” Vanrama Pathian hnena nuam taka thlarauva cheng tur inti si, he lei hrehawmah hian thih hreh em emin neih zawng zawng sengin phailam damdawi in lian kan pan ruai a, oxygen pe-in a theih chhung chu inchelhdin hram kan tum a, nuam taka vanrama kal mai tur kha lei hrehawma la awm rih tura tang fan fan turin kan infuih a, thi mai tur pawhin damna beiseiin hringnun thlahlel ngawih ngawihin dam tumin tan a la hram hram thin.”
CHATUAN NUNNA leh CHATUAN IN kan chantur kan en loh vang hian alawm kan tluk leh thin. Kan mit hmuh leh beng hriat te hi thil kumhlun tur ah ngai ni awm takin kan beiseina nghah nan kan hmang a(SUM, IN LEH LO, THIANTHA TE, CHHUNGTE, TAKSA HRISEL). Chatuan in ropui chang tur kan nihna hi chu mithi chhung te hnem nan leh, kan chhungte thi tawh hriat chhuah hunah bak kan ngaihtuah/sawi tha peih lo..
Bawkin, Pathian thu ah emaw, kan nunah emaw Issue reng reng hi kan hriatthiam loh leh kan finna piah lam thil tam tak a awm dawn tih hriat reng tur… He leiah hian hrilhfiah vek anni lovang. Isua ah rinna nghat phawt mai ila, chu chu alawm rinna kan tih chu – “In tan hmun siamin ka kal dawn hi” titu kha kan rin nana na chuan khawi hmunah min hruai dawn pawh ni se, engtik hunah pawh ni rawh se, amah kan hnaih renga, a kut kan vawn reng chuan kan thlaphang/care vak tur em ni. “RINGTU” = ring ngam.
June 28th, 2011 at 11:04 pm
William Booth khan hun hnuhnung a Rinna dik lo, lo awm tur a sawiah khan, mak leh hriat thiam har zet mai, “HREMHMUN TEL LO VANRAM” tih kha a sawi tel em kha aw?
June 28th, 2011 at 11:24 pm
ka chhiar thuak thuak ringawt a, helh lek lek ka neih chu bawhchhiatnaah hian a nghawng bulpui bera i sawi taksa thihna ai khian thlarau lam thina(spiritual death) khi a bulpui zawk lo’ng maw.
Taksa-rilru-thlarau tih chungchangah hian
hmun hnih leh hmun thuma then pawl hi an awm a; hmun hniha thente hian rilru hi taksa lamah an beitir then vang a ni mai.
Hmun thuma then hi Watchman Nee-a khan a sawi uar thiam khawp a; mahse ka chhut ka chhut hian hmun thuma then ho hian ‘rilru hi tlan /chhandam ni ve lo zawngin an sawi thin a(i ti ka tihna ni lo se) him lo deuhin an chhuah leh mai thin).
Paul-a pawhin a tum zawk chu pumpui chhandamna lam kha a nih hmel a, taksa, rilru, thlaraute hi a hrangin a dah thliah thliah e tihna lam a nih loh hmel.
June 28th, 2011 at 11:28 pm
E khai, hei chu kum 6000 a upa rindan diklo a mak a mak a nghet tlat tawh haipawrna thil a ni. Ka van huphurh ve le. Khatia “in ei ni la la in in thi ang” tih a nih a, an ei a, an thi ta si lo kha a buai tan ta a ni.Ngaihtuahna nei mihring chu Pathian nen an inpawl ngai tak si loh chuan an ngaihtuah chhuzawm zel ang a, Abela an thih tak chiah khan ngaihruatna leh zeldinna a rawn intan ang a, lainatna leh tawrhna leh uina mittui in a luan bawk ang a, immortality of soul rindan hi a rawn intan ta nghal a nih hmel tih hi ka zeldinna chu a ni.
Hei hi hrefiah tur chuan spirit leh soul hriat hran a ngai. Pathian Thu hi khandaih hriamtawn engang ai pawh a hriam zawk a ni a, soul leh spirit pawh then hrang thei a ni,mahse chu Pathian Thu chu English leh Mizo ah(kan en ve theih chhun pahnih)an letling chiri vek tawh bawk si a, Hebrew leh Greek ah lo chuan a fiah tawh bawk si lo.Mithiam rual kum sang tam an lo inhnial tawhna hi zankhat ah chuan kan sawi var lul lovang. Tih loh ai ah hei Soul chuangchang chu hetah tlem ka ziak ve nual tawh.
http://www.misual.com/2011/04/13/thlarau-thi-theilo-kan-nei-em/
Spirit chungchang chu hetah ka ziak ve deuh tawh, mihring spirit nilo, spiritual dimension lam zawng zawk in a la ni zui lehnghal
http://www.misual.com/2011/02/27/thlarau-khawvel/
(H) inhnial ka peih hrihlo bawk. 😛
June 29th, 2011 at 12:56 am
A thupui i vuah dan khi hman deuha chanchinbu taw zawk style i la
June 29th, 2011 at 10:10 am
@PK Fanai, Nilai thupuiah khan ‘thihna part 2’ a awm tlat lo. He thu hi ringtute tan a ni a, thih hnihna i sawi hi chu ringlotute tan a ni. Ringtu inti zingah hian thihna hrefiah lo kan kuh tul mai zawng a nih hi. Kan Theologiante hian min hrilhfiah chiang thin si a. Baptist Kohhran Intermediate zirlai i en leh ang. ‘Eden bawhchhiatnain a nghawng chu taksa thihna leh thlarau thihna (spiritual death) a ni’ a ti. Mihringten kan in ngainatna avanga kan tawrh thiam theih loh ‘thihna’ hi chatuan nun neitu tan chuan ‘muhil’ lek a ni reng a ni. Kan zaa kan harh hunah mi leh mi fel lo thliar a ni ang. Mi felte chu an Pa ramah ni angin an eng ang. Thih veleha vanram kai tih lam chu a ni lo deuh. Mi fellote erawh chatuan boralnaah an kal ang a, thihna pawh chu tih boral a ni tawh ang. Chutih hunah chuan thihna chu lem zawh a ni ta, tih a ni ang a, Mihring fapa lo lan chhan ber Diabola leh amah avanga thihna leh khawvel chawhbuaia a awmna chu tihboral a ni tawh ang.
‘Vawinah hian Ka hnenah Paradis-ah i awm ve ang’ titu khan a thlarau Pathian hnenah a kawl tir a, a taksa erawh thlana zalh a ni. A thawhleh chiah khan thihna chu a hneh a ni. Chuti ang tak chu ringtu kan nunna A hnena thuruka awm tawhte dinhmun tur chu a ni. I chiang felfai thei rih lo pawh a ni mahna, ngaihtuah ngun deuhva kan thu hriatsate pawh a dik felfai bik lo thei tih pawmna nun neih ve pawh a ngai ania, ka ti lutuk lovang chu maw ? Zirtirna hlauhawm a ni lova, a tluang pangngai zawk a ni. Inti hre ril ten an sawi bawrhbang buai khawlo zo thin zawk a ni.
June 29th, 2011 at 10:31 am
#26, ‘Thlarau thihna hi a nghawng tel thei bawk’ ti leka a rawn dah hi helh fe fe chu an awm ngei tur a ni. Mahse he topic-a a thlurbing bik hi chu taksa a ni si a. Tin, ngun taka ngaihtuah chuan ‘A anpui ngeia a siam’ mihringte kha thi leh mai tur chuan a siam lovang tih a chiang a, nunna thing a dah bawk a. Eden atanga a hnawhchhuah chhan diktak pawh kha ‘nunna thing kha a kuta banin a ei hlauh dah ang e’ a tih vang anih kha. Tichuan, thihna hneha a thawhleh chiah khan Diabola hnathawh chu tih boral a ni. A taka kan chan ve hun tur leh a taka Diabola tih boral a nih huntur chu a lo kal leh huna mitthi zawng zawng a kaihthawh hunah a ni dawn a ni. Pathian thu hi kan ngaih angin a rau lutuk love. Amah ngeiin ” Min en rawh u, thlarau ka ni love” a ti.
June 29th, 2011 at 10:40 am
Zovel, i lo lang har lutuk a, a tirah sawifiah nghal la chuan, tha vek tur hi a nia. Physical death (taksa thihna) leh spiritual death(pathian nena in thenna) ti chauh khan i sawi lang si a, Thihna chung chang zir ve si khan, Bible in a ngaih pawi mawh em em, Thih hnihna leh Chatuan hrem hmun hì kan sawi bo palh mai ang tih ka hlau thawng deuh a lawm maw le. # Tin, kan tho leh dawn tih inhre mah ila, Thawh leh hmaa han in then vang vang tur ngaihtuah hian, mihringte in hmangaìhna atanga thlir pawhin, kan hmangaihte nunna chhan tuma theìhtawp kan chhuah thin hi kei chuan a awm ka ti hliah hliah a ni. Lal Isua ngei pawh vel tap theitu kha a ni tlat a.
June 29th, 2011 at 11:05 am
PK, mihring hi taksa (vaivuta kir tur) leh Pathian atanga nunna thaw (thlarau kan tih) hmanga nung leh che kan ni a, taksa leh thlarau tih pawh hi then hran hleihtheih loh tluk a ni e. A inthen chuan thihna a lo thleng mai dawn si a. Thlarau chauh chhandam hi chu thil ni thei leh Pathian thil tum pawh niin a lang lo. Min lo nghak reng a, i ti lawmawm e.
June 29th, 2011 at 11:12 am
Nupui/pasal/fanaute damlo ngaih saklo leh an ruang chunga Läm de de khawpa Rau hi ka hrethiam ve vak lo.
June 29th, 2011 at 12:28 pm
thihna thleng tam ta lutuk hi chu a hahthlak ta khawp mai. lo thleng tawh suhh se 😀