mi(sual).com

Thla hnih dawn a liam ta, post hlui te kan thlir kir a, hetiang lam hawi tak a post ka hmuh mai loh avangin Osama awmna chhui chhuah a nih dan tlem a zawng han tarlan ka duh a. He thu hi Outlook a Amir Mir-a, Lahore a mi ziah ka thiam ang tawk a mizo tawng a ka’n dah a ni a. A ziah ang zawng zawng post tur chuan a thui tham deuh dawn avangin duh lai lai kan la khawm a ni.

May ni 2 zinglam dar 00:35 a lo rik chuan Abbottabad District chhunga Kakul khua-ah chuan kawlphetha eng a rawn thim vek a. Minit 40 vel hnu-ah chuan khawchhung a mite chuan helicopter thawm minit 10 chhung vel an hre zui leh a. America Helicopter thami pali – Black Hawk pahnih leh Chinook pahnih America sipai thami SEAL(Sea, Air and Land) phurtute thawm a lo ni a. Helicopter pahnih te chu inkahna tihbaiawm tak a thleng mek ang maiin boruakah an dir ngar ngar a.

Chung thawm avang chuan a bul vela chengte chu enge thil lo thleng hriat tumin an rawh chhuak hlawm a. Chung mite chuan inkahna hlauhawm tak thleng mek atanga inthiarfihlim turin an rawn hrilh a, Pakistan sipaite ni maiin an hria.

A hnu minit 40 vel ah chuan thil puak ring tak an hre leh a, America sipai ten an Helicopter pakhat an hal chhiat ri an hriat atanga darkar khat velah chuan Osama Bin Laden chu a inpek duh loh avangin an kap hlum a, a ruang chu Arabian tuipui-a an phum thu T.V -ah a rawn puang ta a ni. He inkahnaah hian mi 5 an thi a, midang 18(hmeichhia leh naupang tiamin) la dam te chu an kut leh ke phuar chungin hmuh an ni.

(more…)

Mizo nula bum a, nawhchizuar tura Mumbai-a hralhtu nia puh Zodingliani chuan Vairengte nula chu a ngenna avanga engkim hrilh saa hruai thla a nih thu Kolasib-a thuthar thehdarhtute zawhna chhangin a sawi a, “Lunglei a mite hi chu ka hruai thlak an ni lo,” a ti.

Zodingliani chuan Vairengte nula chu Bairabi leh Kolasib-ah te truck driver-te leh a remchang a hmuhna hmuna inzuar mai thin a nih thu sawiin, “He thu hi aman min hrilh a, Rs.100 te a hlawh bakah zu duh tawk a in tur a neih thin thute a sawi a ni. Chuvangin, Mumbai-ah chuan an hlawh a that thu ka hrilh a, ani chuan chuta hruai tura min ngen nasat em avangin ka hruai a, kal man pawh pawisa ka tum sak vek a ni,” a ti.

Zodingliani chuan Mumbai an thlen thlak hnuah inzawrhna hmun hre chiangtu a thiannu nen an inbiak thu sawiin, “Inzawrhna hmunah hian kan hruai a,  an en chian hnuah an duh leh lo a, kan hruai kir leh a ni. Hmun danga hna zawng turin thiam a nei si lo a, ka thian thenkhatte’n thawn haw leh mai rawh  ti mah se, pawisa a neih loh bakah kei pawhin pawisa ka neih mai loh avangin, ka thawn haw ta rih lo a ni,” a ti.

Chanchin kimchang @ source: vanglaini.org

Vawiin, 25.6.2011 dar 11:30am khan Pi Zaii Hall-ah Synod Choir Taiwan a kal turte chu Synod Moderator leh Executive Secretary te hova thlahna neih an ni a. Synod Choir Taiwan kal turte hi an chhungte leh KTP hruaitu veng thenkhat a miten an thlahna inkhawm tawi neih hi an chhim a ni.

An kalna tur flight an cancel avangin tuna an tum dan chuan Synod Choir te hian Guwahati thleng Bus-in an kal ang a, Guwahati atangin train a Kolkata thleng kal an tum a ni. An ruahman dan chuan July 22-ah Aizawl rawn thlen leh hman an tum a ni. Kohhranhote tawngtaipuina an mamawh nasa dawn hle a, tluang taka an tih tur tak – Pathian rawngbawlna tha taka an neih theih nan i tawngtaipui ang u.