Mizo hnam hi serh leh sang leh thil reng reng ah kan puithu em em thin kha a ni ngai a. A thatlohna tamtak awm bawk mahse kan puithuna chuan kan mimal nun leh khawtlang nunho na, kan tawng, kan thiltih reng reng ah ulukna a kengtel tlat thin a ni.(Kan puithuna tha deuh deuh te rawn chhawpchhuak tur in Tuaisiala ka request nghal bawk e) 🙂
Sap ho an rawn lut a, thil reng reng chu nasa tak leh rang tak tak in an inthlak ta zung zung mai a, khawthlang zirna leh thiamna leh kristianna chuan kan puithuna chu a rawn thiat ta hmak hmak mai le. A thatna lai tamtak a awm a, kan chhawr nasat zia te pawh kan hai chuang lo. Mahse thil reng reng hian side khat chauh an lo nei lo va, an thatlohna lai te hmuh a, a pawng a pui a lawm nachang hrelo a sapho dem nghal buan buan mai tur erawh kan ni lul lo mai. Insiamthat ngai lai te insiam that hi min zirtir thiamna in min hruaina tur chu a ni tur a ni.
Ngawi teh u, sawi tur a va tam ve, helai ah ringawt pawh post hran a rawn piang thei dawn mai, ka sawi tumber atangin ka peng nasa lutuk dawn. Sap ho rawn ken, tun thleng a kan vawn ngheh tak em em pakhat Western education hnuai a rationalism hi in hrut thuak thuak teh ang.
Khatia medieval Europe chu Dark Age hnuai a kum 1000 teh meuh mai an arkhawthimdai hnu khan, ipikna chuan a tha zawng in hlet a rawn chhuah ta a, chu chu enlightment kan tih hi a ni. In hre vek- age of reasoning, rationalism, scientific inventions & discoveries, exploration, merchandise, adt, adt. Puithuna hnungkhirhna atanga mingo ho han talput ta chiah mai chu le, an duk zur zur mai a, kum zahnih chhung lek in khawvel hi an awp vek titih ta der mai.
Superiority complex an nei nasat zia pawh kan hmu vek e, engpawh ni se, an tihsual lai in X-ray dawn teh ang. A bik in sakhuana puithuna pawh an vaihma hmiah hmiah mai a, kum 1900 alo her chhuah meuh chuan, Pathian huat em em milem siamchawp biakna idol worshipping chu an tuaithar a, puithuna leh sakhuana paih in milem biakna new version -materialism ah an tlu lut ta dual mai a ni. A effect enge kan hmuh, generation 4 na te chuan materialism (idol worshipping) chu ngaithei lovin, spirituality, eastern mysticism an lunglen leh ta thung a, hippies an lo chhuak a. Kum 2000 na a lo herchhuah leh meuh chuan pen bo na Spiritism leh New Age Movement kan hmu leh nghal zat mai a ni. Hei hi a thuak a thlirna a ni a, khi ai a chipchiar zawk leh zau zawk leh kimchang zawk pawh in in hre fe zawk ang. Duhtawk leh phawt i la.
Chu rationalism ngei mai chu western education kan tih hi a ni. Mizo society a kan thatpuizia lam ka sawi dawn lo, kan hria, kan hmang, kan chen mek e. A pawikhawih erawh kan hrelo, chu chu Mizo nun a puithuna thachi, mimal leh khawtlang nun leh serh leh sang a min hual velna zawng zawng a rawn vaihma leh ta purh mai kha a ni. A an deuh ber a ka hriat chu radiation therapy hi a ni. Natna cell a tihlum a, cell thalai pawh a tihlum nghek bawk a, mihring constitution a thlak danglam vek bawk ang hian.
‘Isua hming kan lam in ramhuaiho an tlanchhia’, tih min zirtir a, kristian ah kan inpe puk puk a, ramhuai chu kan ram ah an awmta lo ah kan ngai zui a, generation 3 a lo liam leh meuh chuan tamtak chuan ramhuai a awm pawh an ring tawhlo hial a, ramhuai chu mimawl leh lehkhathiamlo ho rin tur leh tuipui tawk ah an ngai titih ta mai bawk. Hei hi a dik meuh em?
Enge kan ti zo ta nge ni? Bible kan ring bawk si. Setana hian Pathian meuh pawh hmaichhan ah a cho ngam zia leh a dodal ngam zia Joba ah kan chhiar tho si a, Isua meuh pawh Thlarau Thianghlim a a khah lai tak in a thlem ngat ngat ngam kha a ni si a. A awm ringlotute chu lo dahtha ta law law ila, a awm ringtute pawh hian ringtu nun a kan buai deuh in Setana thlemna kan ti liam zung zung a, chutih lai vek chuan ramhuai chu kan ram an an awm tawhlo niin kan zirtir lawi bawk si a.
Hetiang teh nuaih leh chichawm lutuk rindan ah hian tunge lawm ber ang le? E le, Setana leh ramhuaiho an lawm ber ang chu. Hetiang rindan neitu te chu ramhuaiho tan an han vulnerable zia hi sawi in a siak lo ve.
Ti zel ang aw, a thu hre em em, ringhlel si lo, heti tak a kan rinna a kan thang theilo, kan sawngnawi, kan productive lo hi enge a chhan ni a kan hriat aw? Thu tha em em inkhawmna ah kan ngaithla a, ‘a sawi tha kher mai’, ‘a sawi dik chiah chiah’, ‘ka nihna chiah chiah a ni a rawn sawi’, ‘ ka mamawh diktak chu hei hi a ni’, ‘hei ngei hi kan ram mamawh chu a nih hi le’ kan ti hap hap a, a result engmah a awm chuang lo, a sawt chuang si lo, enge a chhan le? Tawng dang in, kan ngaithla a, kan active a, kan haw a, kan passive leh zel tihna a ni e, chumi awmzia chu kan mutthlu leh zel tihna a ni e.
Kan enge mutthlu, e le.. kan mind. Tawng mawilo ni suh se la, large scale hypnotism ti tawl mai teh ang.
Kan pi pu te hun a a hring a hran a inlar thin ho kha an tlanbo lul lo ve. Engvangin nge an tlanbo ang, Isuan a hnawh a a hnawhchhuh pawh in an tang nasa em em a, an nghal em em a, duhdan te an sawi ngam a, vawk kawchhung te an la ngen ngam zawk asin le. Isua thihna kha Setana tlawmna tiin sawi mah ila, a time leh sequence ah chuan Setana leh a hote tan a huntiam chu a la zo lo va, an theihna zawng zawng an sawrkhawm hun ah kan awm mek a ni zawk si a. Theih ni se la, thlante meuh pawh an bum ang tih hun ah kan lut mek a ni zawk e. Keini ang ringtu naran ve mai tan chuan fimkhur leh fin a ngaih zia hi Bible in min chah lawm lawm reng a ni.
Dik tak in kan pipu te hun lai a ramhuai ho khan tisa level bak an khawi theilo tlangpui ah han ngai ila, chutichung pawh chuan an vawk lallen takmeuh kha a ni a. Mahse kan ram chu indona hmun, battlefield ah alo chang ta a, enge an tih a kan rin?, force tha mi an lo luh belh ang mawle. Chung ho chuan kan taksa ngawt an khawih tawh lo, kan mind an rawn bei tel ta zar zar zawk a ni. Kan ram hi en ila, kan ram hruaitute, kan kohhran hruaitute, a fawng chelh tute hi en vang vang ila, a rah en ila, ka sawi thui lo ang. Heti khawp a thil nilo baksak kan ram leh kohhran ah kan hmu a, en vung vung a, ‘a tha alawm, a tha alawm’ kan ti thei hi harhfim zia a ni lo reng reng.
Mipui nawlpui hi en ila, kan natna inangthup thup te hi, kan addictive behaviour hripui ang mai a leng hi en i la, kan duh loh, kan sim theih miah si loh- compulsive behavoiur te hi. Thlemna ngai chiah chiah ah, a hun pangngai chiah chiah a kan tisual nawn reng mai- repeated error te hi, obesity leh eating disorder te hi, nerve problem heti em em a hluar leh sexual behavoiur te hi, kan thalaite addictive behavoiur leh opression te hi……..medical atanga hrilhfiah theihloh hi a tam ta lutuk e. Heng natna te leh an zia kan han tarlang puat puat te hi kan hnawl tawh, kan nuihzat tawh, witchdoctorte, sakhaw diklo vuantu buddhist puithiam leh tribal bawlpu leh dawithiamten a awmzia, a nature, a symptom hi an hmelhriat em em asin.
Kan pawm emaw, kan pawmlo emaw, kan ring emaw, kan ringlo emaw, Tirhkoh Paula’n Galatia mite hnen ah mangang em em a a auhla khan kan tlip hrih phawt ang e. “Aw, Galatia rama mi a te u, tuin nge DAWI che u?” ” WHO has BEWITCHED you?”(Gal 3:1)
Kan natna kan hriat a, a natna chhan kan hriat chiah hian, a damna kawng kan zawh tan dawn bawk tih hi hre tel bawk i la.
Tunge min beitu, engtinnge min beih, tih hriat hi indona a chan tha channa rahbi a ni e. Ringru nun hi rin chauh a ni ta lo ve, THIS IS WAR.
July 4th, 2011 at 9:33 am
A tha khawp mai….tura ngaih a ni.
July 4th, 2011 at 9:55 am
This is misual.com…..:)
July 4th, 2011 at 10:12 am
@TuaiSial – Ka request che khi i hmu em? Ka ti tak tak a nia aw. Mizo pi pu ten ‘a tha ngai lo ve’ an tih nunho dan hmangchang tam tak, tunlai a kan hriat tawh manglo ho kha a bu in khawi ah emaw a awm ka ring tlat a ni. I neih ka ring deuh nghe nghe. 🙂
July 4th, 2011 at 10:19 am
part 1 hi chu commet lo phawt ang. Part 4 vel thleng a awm duh hmel.. Pehhel vak lovin ‘ri leh pawp’ rawh..
July 4th, 2011 at 10:30 am
saint sammoo – part 3 thleng a awm ang, part 4 chu lo ziak ve rawh.
Inkhawm tur in kan kal a, kan nalh, kan fel, kan tha siau siau, thu tha tak tak kan ngaithla,kan zai, kan lam, kan bang, kan haw, kan hul leh der….zombie ho hi kan ang hi ka ti thin. A hua hua sihhlawk ah. (H)
I am Legend movie a infectedho, virus in human behaviour a eichhiat tawh te kha kan ang ka ti fo thin. Khawvel a nia ka sawi, inngaihbel loh tur.
July 4th, 2011 at 11:04 am
(@) A rei deuh ta a,tunlai ang hian ransa humhalh tih vel kha awm hek lo le,a akap thei thei nihlawh hun lai kha ani a.kan lo ah nghal rual a chhuak thin a,kah tum a kan chhan lah in mahring kan wm leh awmloh hi hrilhtu an awm emaw tih khawp khan an hre riau mai a.Chawlhni te hi keini ai in an hmang tangkai thiam zawk tlat!A chhan pawh chawhni ah lo riak tumah kan awm thin silo a.A tihdan ka ngaihtuah ta a.Chawlhni, kan awmlo emaw an tih ni tak chuan ka chang ta a,an ni(nghal rual)lah khan nidang ang bawkin kan awmlo emaw ti jhan thlamuang tak in kan buh kha rawn ei an tum leh ta a, thlamuang taka thlawhlai a an rawn chhuak chu awlsam tak in 3 ngawt mai kalo kap anih kha.Nghal rual ho khan ka awmlo emaw min ti kha an tih sual ani.Hetiang deuh hian ramhuai hi an awm tawhlo emaw kan tih a kan in thlahdah lai hian kan tu leh fa te a luh khng/m fo mai zawng anih hi.
July 4th, 2011 at 11:11 am
he post chu ka duh e! ringtu diktak nun chu indona a ni reng asin. hei hi hreloin kan pawngpaw maipawl rah vel mai mai a ni. pawi lutuk!
July 4th, 2011 at 11:17 am
@zoho Thumbs up..!! (Y) I va han ziak tha tak em..!! Ka han chhiar zo phot anga ka lo comment leh ang..!!
July 4th, 2011 at 11:23 am
Double…No,nooo..Tripple thumps up o (Y) (Y) (Y)
Hei hi chu war 1 a ni na vang2 in a hma a post ho aiin war a tlem chiang sa,han ti xel teh,ngaihnom hle mai..#zoho nge2 ti mai teng…
July 4th, 2011 at 11:30 am
Chanchinthain a um bo, Ramhuai leh Vanlalsetana, minthlem zeih zeih thintu hi chu an inlardan a dang daih lawm ni.
July 4th, 2011 at 11:42 am
Part 2 chhiar leh nghal chakawm ve. Hun rei tak i lo beih tawh te awl takin kan han chhiar thla ve zung zung zel cu nia. Mahse hnam sakhua rimnam lek lek in ka hria.
July 4th, 2011 at 11:44 am
Ref 7th Para: ‘Isua hming kan lam in ramhuaiho an tlanchhia’, tih min zirtir a, kristian ah kan inpe puk puk a, ramhuai chu kan ram ah an awmta lo ah kan ngai zui a, generation 3 a lo liam leh meuh chuan tamtak chuan ramhuai a awm pawh an ring tawhlo hial a, ramhuai chu mimawl leh lehkhathiamlo ho rin tur leh tuipui tawk ah an ngai titih ta mai bawk. Hei hi a dik meuh em?
Helai a i thil sawi hi a dik khawp mai!! Hei hi ka lo ngaituah fo tawh..!! I sawi thiam khawp mai.. (Y)
Ref 10th Para : Ka thianpa pakhat pawh vawi 7 vel a piangthar tawh..!! A mu thlu i tehkhin na ah khian ka hrechhuak zawk..! I sawi thiam hle mai..!!
July 4th, 2011 at 11:46 am
A dik (Y)
Dark Ages kha a liam tawh emaw kan ti ngawta, a teuh lo lutuk… a thim tulh tulh zawk a ni. A thim lutuk hi a thim tih pawh kan hmu/hre thei tawh lo zawk a ni si a !
Intellect leh technology lamah hmasawn viauin lang mahila, kan moral tlak hniam nasat tawh zia hi phat rual a ni lo. Eng ang paw’n pawn lamah advance mahila, kan morallity ber hnung zawnga a kal tlat chuan ram ropui hi kan thleng dawn lo reng reng. Kristian nun ze dik Pathianin keimahnia tuh a tum hi Pathian thu midangte min spoon feed ringawt ringa neih theih kan beiseina rilru hi paih bo a hun ta. Mahni ngeia Pathian thu hi luhchilha a AT A ATCHILH a ngai takzet tawh a ni.
Hnutetui ringawt ring hian a puitlin theih loh, chawtak chu mahnia kan inbarh ve a ngai tlat a ni.
July 4th, 2011 at 11:53 am
misual.com page hi a in load muang riaua ka hriat chu le !!
July 4th, 2011 at 12:00 pm
Hello Zoho,post tha thei hle mai a. Ka duh duh ka lo sawi ve lawk aw. Deep Doctrine lampang i ziak hi nangma chhuichhuah zir kual vel nge mi sawi i hriat vel mai2? A tawp i thleng tep thin. Keipawh ka buaipui vak tawha, Pathian zarah ka hrethiam ve leh mai thin. Hremhmun saw ka comment hman lova. A hmuna kawm i chakawm khawp mai a. Mizoram hmangaih taktu i nih ka ring i thu ziak thenkhat atang hian.
July 4th, 2011 at 12:21 pm
Mizorama Kristian hmasa ber chu kum 100 pel vel awr a.. Kristian sakhw kan vawn hnu hian sakhua kan atchilh ta a. Kan uar ltk mah mah..! Biakin-ah nu leh pate an in khawm tlut2 mai a… Chawhma, chawhnu leh zanah te an fate an kalsan a.. an fate chu ngaihsaktu awm lovin sual rawng an bawl ta a..!!
Pathian thu chu kan hria, Bible phei chu a phek number nen kan hre vek maihei..! School-ah te, sunday school ah te, bible verse kan byheart vak2 mai a.. Chung thil kan byheart hmang chuan kan nitin nunah kan intehkhin kual vel a.. Kan life situation milin a verse engemaw kha dik kan ti ta em em a.. A tukah kan theihnghilh leh a..!!
Thawnthu:
Chhungkaw pakhat chu (an veng ka sawi lovang).. An pu ber Pastor a nih lai chuan an chhungkua in “sakhua” an ngaihsak em em a.. Pastor fate leh a mo te chu Biak-inah an in khawm ziah a..!! Hun a lo liam zel a, Pastor(an pu ber) kha a boral ta a..! A fate leh a mo te chuan rawngbawlna chu an keng chho zel a..!! vai(dumka) engemawzat ramthim atang an hruaichhuak a..! Mahse, in lam an ngaihtuah hman meuh lo.. An fate(pastor tute) ho chu kum 23-26yrs vel an ni tawh a.. Tunah drug addict te, insual hrat, beidawng tak2 te an nia..!
A lan dan chuna Pathian hnaih chhungkua an ni mahse basic duties an theihnghilh tlat!! An basic duties chu fate enkawl hmasak kha a ni. Ramthim atanga dumka ho hruaichhuah kha an ngaipawimawh zawk.. Tuna drug addict te khi an naupan lai chuan naupang feltak an nia, an chhe zo ta..!!
July 4th, 2011 at 12:29 pm
restored – i duh duh i sawi thei e,( ka thu a ni der lo na a 😛 ).
Chhan a va har ve, kan chhiar, kan zir, kan ngaihtuah, kan tawngtai, kan man, kan phuahkhawm, kan tel, kan rawn vawm bei,kan theh ni mai in ka hria.
In thlahrung suh, kum 5 hnu a va comment tak lawp lawp pawh ka nei nual asin. 😀
“Keipawh ka buaipui vak tawha, Pathian zarah ka hrethiam ve leh mai thin.”
“Ka give up thin” i tihna a va ang deuh ve aw.. NOI :-S
July 4th, 2011 at 12:43 pm
@no_nick. I saw tha hle mai. Inkhawm reng ai hi chuan kan fate in lamah awpuiin Bible chang chhiar hunbite nei ila, antet lai a chutianga kan tih chuan sual taka lo tlangvalta chu an vang pharh ang. Chumi nu leh pa ten kan kal pelh hun chuan Pathianthute hi sawiin a tul hunah chhuak ta ila tiraw. kan fate chu a tobul lama kan lo tih that tawh avangin an mahni in an lo in enkawl vek thei tawh ang, thutak kha an nun pui tlat tawh anga.
@zoho, give up lo, Pathian min hmangaihna leh ropui zia ka hrechhuakta zela, vawiin ni thleng hian testimonies ka la dawng reng asin.
July 4th, 2011 at 1:24 pm
Kristian kan nih chuan Isuan engting nge a tih ang, tih in zawt reng ila, kan ti sual lovang. Western culture zawngin lak tur pawh ani lo. Western ni lovin International culture zawk ani. Africa ah khuan local culture leh Kristianna an mix pek a, a tih chi lo teh mai ani aw. Isua and kalsan ani ringawt mai.
July 4th, 2011 at 2:43 pm
@zoho, post hmasa lampang te hei kan chhiar nawn a kan la chai laih2 zawk mai,he mi post hi chu a fel thlup e…i post pakhat, thlarau leihlawn tih lampang emaw ni kha,ka chiang ta lo,a link rawn dah teh,ka lo save miah lo a,ka chhiar khan ka save emaw ka tia…chuan,post dang ah kan soi nasa fu toh na in,kum sang rorel hi rawn post teh,Alien lam post hma in,kumsang rorel kan tih tak chu,mitthi thohleh na,chuan lei thar leh van thar kha chiang tak in,adang zawng nen,han peih leh zung2 hram teh,kan tui lakloh e 😀
July 4th, 2011 at 2:54 pm
Tha lutuk. A ngaihnawm hle mai. Mi nek deuh hleka comment a ngai tih mai loh chu a tha e. Hman thekthawk hunah lo comment tha ang.
July 4th, 2011 at 3:36 pm
(Y)
July 4th, 2011 at 4:24 pm
Leh lawk, i thu ziakte ka va en nawn a,heng thil i ziah zawng2 hi irilru puakchhuak leh i ngaihtuahnate a nih chuan i buai deuh nuaih dawn ani maw. Heti hian, Vana kan Pa hian Amah kan an theihna turin plan ropui lutuk kan tan A siama, chu A planah chuan mihring hmasa ber Adama khan kha thei kha a ei angaia,(in ei ni lala in in thi ang tihlaite hi i hre fuh niin ka hria)kha thei a ei kha Amah kan anna tura chhia leh tha hriat theinan, ka duhthlanna ka lo hman ve na tura plan ani. Chuti chuan a ei a tang chiahin Pathian nena kan in zawmna chu tih chahin alo awm a. Ka chhia leh tha hmang turin ka lo omta ani. Pathian duhthu niloin,keima chia leh tha hriatna hmang turin. Van indona te, leilung pian hma a talh tawh Beramno tihte pawh kha rawn ziak leh la mawle.
July 4th, 2011 at 4:27 pm
TrueMB – Millenium reign chu ka confi lo em mai a..Tuten emaw min rawn against se, ka dik zawk ka inti ngam bik lohna tur topic a ni hrih miau a. Tin, lo confi em em chi pawh a ni lo in ka hria deuh bawk a ni, engpawh ni se, ka lo tum ang e,a dik ber tih lam nilovin, rindan mai mai in aw…
He post hi response a va chhe ve, ringlo an awmloh chuan a chipchiar a rawn tlan ka tum deuh bawk a sin. A pawimawh No.1 ka tih a nih hi…. nge spirit of passivity vang?
July 4th, 2011 at 4:39 pm
restored – buai deuh nuaih lo e,a ti buai zawk che a nih ka ring.
Ka thuziah zawng zawng hi en la, inkalh an awm miahlo ang. A symmetry erawh hnai tak a, reilote a fiah erawh a theihloh ang. Dawhtheih a ngai ve khawp mai thin. 😀
I rindan khi L.Keivom-a rindan a nih khi, hman ah ka hnial vak tawh, Bible a kalh tlat. Setana dawt hmasa ber kha dik emaw tiin i la ring char char tihna anih chu. Isua lokal chhan enge ni a i hriat le?
July 4th, 2011 at 5:00 pm
Lal Isua lokal chhan chu kan chhia leh tha hriatna kan hman vena kawnga example kan tana set turin, chuan Isua lokal ta lo se kha plan kha a thlawn Pa hnenah kan thleng lo ang. Lal Isuan Thy will be done a tih theih avang chauha, he Vana kanpa plan hi lo puitling thei ani. Tichuan kan nitin nunahte Amah kan anna tur kan hriat ve zel theih nan Lal Isua khan example A rawn set ani e I tan leh ka tan. Ama kawngah kan kal loh chuan Pa hnen kan thleng theilo. I tuarte ka tuarte hrethiam thei turin mihring angin a lokal ve ani e.
July 4th, 2011 at 5:01 pm
@zoho, a tha reng2 e,nia,hriatsa poh kan chai hneh manglo ania,hriatbelh zel lah hi kan tum bok sia tro 😀
engpoh nise i post link ka zawh che khi han dah la,draft a mi poh saw ron post ta thuai2 la…chuan,he ta rawn post si loh ziah ve tho si,Pathian thu lam hoi or Alien adt, i nei em,i neih chuan he ta post mai remlo hi chu ka mail ID ka rawn pe dawn che a nia 😀
July 4th, 2011 at 5:05 pm
Tin Setana hian intithei takin chu Kan Pa plan chu hreloin, Eve kha a rawn thlem vel ani e. Amah Setana zawk hian mihringte hi kan duhthlanna pawh hmang theilo a min rawn tlan kha a tuma, chumi zawha Chatuan Lalna a chan theihnan. Lalna chu a duh, mahse Pa plan ang niloin. Chuvang a lawm a mah leh a pawlte kha paih thlak anniha, he kan body ang nei theiloa, spirit chauha an awm tak ni.
July 4th, 2011 at 5:18 pm
#28, i duhthoh hmelang aiin i van la ron type tlem deuh ve,khi ti khi chuan i hnang ol ol ang,han ti leh deuh teh 😀
July 4th, 2011 at 5:23 pm
Mahse khing deep doctrine ah khian ka buai em em lo, ka tihtur chu ka nitin nuna He Gospel of Jesus Christ hi ka apply leh apply lohah hian ka concentrate zawk.
July 4th, 2011 at 5:31 pm
restored@28 – e hiau.. theory dang i nei a ni maw? Van interesting deuh ve. Post ve ta che le.
Nia, ka lo ngaihtuah ve tho thin, Pathian hian Setana hi a outwit hneh lutuk a, amah Setana leh min beihna te hi Pathian hian a hmang tangkai zung zung ni mai hian ka hre fo. Mahse,loop hole erawh ka hmu hnem tho bawk si.
Rawn post ve la, an lo chuk luai luai ang che nga, a nuam ve alawm le 😛 . I ngaihtuahna chu a advance tha e. Ti zel rawh…
July 4th, 2011 at 5:36 pm
@zoho, #27 comment khi i ron chhiar hmaih a mi ooo 😀
July 4th, 2011 at 5:49 pm
@zoho. Pawi angem aw. Christian i ni em? I post hi ka keipawh interesting ka ti thei lutuk. Ka zawhna chhan che chu he ka thil sawi ka hriat hma tuna i ziah ang vela ka ngaihtuah lai ti mai teh ang(i la zolo nasa sia, i rawn post zel dawn tiraw?)khan ka atheist hman lek2 in ka hria. Mahse tuna ka ziah khi post ila tuman min hnial rawn vak ka ring chiah lo. Gospel fullness ani tlat. Miin a rawn hmuh chuan testimony a rawn nei char char ang. Keimah ang tho hian kum liam hnu ah pawh alo ni maw an la ti anla ti ang ka ring. Mahse han post tur hian tawngkam ka thiamlo lutuk, ka ziakte hi a grammer dik leh dikloh pawh ka hre lo.
July 4th, 2011 at 5:49 pm
TrueMB – Ka lo theihnghilh daih pek, sorry, hei hi a niang chu ka ti mai a
http://www.misual.com/2011/03/06/rinna-leilawn/
1/A/2(believe/faith/trust)ladder ah hian A(faith)ladder kallo, 1(believe) a thlamuang em em, 2(trust) a kal der silo te khi chhandam anni ang em tih hi dik tak a sawi chuan ka ringhlel ru lutuk tlat. Dinhmun hlauawm em em, Mizo te kan tawm thuapna ni bawk si a nih khi.
Hetia RIN mai hi a tawk kan tih hi chu a nilo deuh……
July 4th, 2011 at 5:51 pm
Setana min beihna chu Pathian chuan hmang tangkai tehreng mai, chu A hman tangkaina chuan tahna ruama Setanan a dah che kha hlimna famkimin a rawn thlakthleng thin alawm.
July 4th, 2011 at 5:58 pm
@zoho, ni e, a thupui ka lo hresual deuh nih hi,anyway,a dik i rawn dah tho tho 😛
July 4th, 2011 at 6:06 pm
kan out hrih ang e, bye
July 4th, 2011 at 7:37 pm
Ka rawn chhiar kuit leh pap e, intresting tawlh2 mai. Restored chu rawn post ve ngei rawh.
July 4th, 2011 at 10:27 pm
A dik ! Vernaw-na tham ani hei chu 🙂
@ Zoho, easy-believism leh lack of discipleship hrinchhuah ani mai lawm ni!
July 4th, 2011 at 10:46 pm
@seki, war a nih chuan mihring mental leh attitude lam pawh ka lo puh vak hlei nem. Rin thilthu mai lo chu ka hre bik lo, theory ngaihnawm ve ang reng deuh chu ka nei alawm. (H)
July 4th, 2011 at 10:54 pm
I thupui WAR lam vak pawn ka rawn comment lova, a chhungthu i sawi thenkhat; kan productive lohzia i sawina eng vel atang khian ani e. Hei hi a behaviour chuan ka hria.
July 5th, 2011 at 12:04 am
Heta kan thu laimu chu kan behaviour, kan mind, desire,te hi conditioned & controlled an lo ni reng mai a, a control tute chu kan rinloh lam daih, kan buante, tisa leh thisen ni silo te anni tih a ni e. MIn rawn control theih nachhan chu Eden huan ah kan DNA an virus .exe kan lo kai tawh vang daih kha a ni lo thei ta lo a, chu chu dormant in kan rawn pian chhuahpui zel a, kan nun fimkhurloh, adt adt dan a zir in triggered/click hmang in an rawn activate ta zawk a ni.
Hei hi medical science in a chhan a hriat theihloh – kan gland te hi tunge control tih zuk bihchianna a ni zawk e.
Entirna thenkhat- abnormal cell growth, cancer cell te, addictive behaviour, biological clock disorder te, compulsive behavoiur te, abnormal sexual desire te, identity crisis(same sex, animal sex) te reng reng hi DNA a .exe activate vang vek anni e.