Thli thaw vuk vuk chuan kan chhungkaw chungah thinurna a nei emaw tih mai pawh a awl. Ruah leh rial lah chuan darkar rei lote hnuah chuan min rawn nuai tan chu a ni der mai. Sana ka’n en a, zan dar 11.00 a lo pel awrh a, chutih laite chuan inchung rangvate chu a ri tuar tuar mai a, kawlphe lah chu a inzawm zat hi ni berin ka hria. Kawlphetha a thim a, khawpui a ri rum rum a, rial rum leh ral khata naupang tap chel chul ri chuan chu zan boruak chu a timuanawm loh a ni.
“Ka pa ka hlau… ka pi te inah riak mai ang u,” khum atang chuan an rawn ti bawk. Khaw chin kan thlir a, pawna han vahchhuahna chi reng a ni si lo. Khuanu hian kan chungah thinurna a nei ta mai emaw tih tur a ni. Thawklehkhatah chuan thenawmte rangva chu a rawn thlawk ta fur fur mai. Khur deuh hlak hlak chung chuan, “Mama pa hetiang reng reng chuan kan in hial a dawl zo dawn lo…” a rawn ti bawk nen, chutih huna thutlukna siam chu ka tan chuan a har a ni.
A nihna takah chuan kei ngei pawhin ka hlau ru a ni, ka tiril a fan a, chhungrilah chuan ka khur deuh dar dar reng mai. Pindan leh chokaw inkar ban vuan chung chuan meizial chu ka’n tan leh ringawt a, tlem chuan ka taksa khur chu a tireh deuh. 10.31 a ni tawh a, rial tla lah chu a tam tual tual mai lehnghal, thenkhat chuan kan inchung chu a rawn deng pawp ta zawt zawt mai.
“Khum hnuaiah biraw rawh u,” vin tuar chuan ka han ti a. Tlan kawi zawr zawr chung chuan tukverh invawhawng leh kawngka kau ri thawt thawtte chu ka theih ang angin ka kam nghet a. Khum hnuaiah chuan pa ber pawh chu ka tlanlut ta thuai a, a hnu leh thil thleng chu thawm bak hriat kan nei ta lo, khum hnuaiah chuan rial lian fe fe chu a rawn per lut nawk nawk a, kan inchung rangva chu a thlawk dar chum chum mai a ni.
Darkar tam fe kan tawm hnu chuan khua a lo var tan a, kawlkila ni rawn lang det det chuan beiseina min neih thartir ka ti lo thei lo. ”Ka pa kan inchung a awm lo,” ka fapa, a dak chhuak remchang hmasa ber chuan a han ti a. Kan bangte leh inchung chu a lo thlawk bo nasa hle mai, inchhung chhuat lah a kawi nasa bawk si.
Thenawmte ka han tlawh zung zung a, keini aia dinhmun chhe zawk lah an tam nangiang.
(Khitiang khian Mizoram hmun hrang hranga in 5000 chuang chu tun hnai cyclone khan a tichhia a, chenna mumal nei lo mi sing chuang an awm phah, mi pahnihin nunna an chan bawk, Help Mizoram vehbur i khawn ang u)
April 11th, 2010 at 6:52 am
A van zialo thin tak e o….cyclone hi a si them chiah kan dong an ti kha nia,a si them poh chu a bonra hle mai ka ti….
Report this comment
April 11th, 2010 at 7:01 am
Chhiatna hi a tuartu tan chuan a va lo rapthlak tak em.
Report this comment
April 11th, 2010 at 7:04 am
Ava pawive le aw ZOa tlau!!!
Report this comment
April 11th, 2010 at 7:33 am
Han ngaihthlak ringawt pawn asiaklo.
Report this comment
April 11th, 2010 at 9:06 am
mihlim ho chuan zoram hian chhiatna kan tawk nasa don an ti. pianthar vat chi
Report this comment
April 11th, 2010 at 9:09 am
A hmun ngeia tuar atan chuan rapthlak tak ani…..Kan Mizopuite tanpui chu Karhla sawi rik sawi rik ai chuan a zia alawm..Vehbur khawn ka suport e
Report this comment
April 11th, 2010 at 9:41 am
Zan thim a ka thil tawn hreh ber a ni…
Report this comment
April 11th, 2010 at 9:49 am
Mizoram ah thlipui hi a tleh khat tawh viau kha a ni a .Kan naupan lai chuan kum tin khel lovin a tleh trhin kha a ni a ka chhungte hian an hlau trhin teh a sin.
In chhia te tan chuan sorkhar in tranpuina a pe thei dawn an ti khan ka hria pe thei ngei seng alomom ngot ang.
Report this comment
April 11th, 2010 at 9:55 am
ZOaTlau ka va tuarpui che vele. Pathian malsomna i dawn ngei k duhsak a che;nang leh chhiat tawk zawng zawng te pawh.
Report this comment
April 11th, 2010 at 11:06 am
Vehbur khawn chu a va thra em? Tunge hma la ta ang le?
Mizoram pawn a awm te tan engtinnge niang? online payment mode siam thei kan awm mai em?
@Bamboo:ZOaTlau hian a tuar tak tak vanga post a nih ka va ring lo! Tranpuingai an awm e a rawn tihna zawkah ka ngai!
Report this comment
April 11th, 2010 at 11:34 am
Vehbur khawn chu a tha khawp mai. Chanchinbu lamah pawh rawtna ka chhuiah nual tawh. Mahse, kan hnam hi hnam mak tak kan niin ka hria, hmun lam hi kan vei tlat zel. Missionary pawh a kal hla hla kan ngaisang a, mahni ram chhunga thawh erawh kan ngainep deuh.
Haiti lirnghing tuarte tanpui ngaih thuin na takin Mizo mipuite rilru a khawih a. Kan ramah kan Mizo pui ngei ten chhiatna rapthlak an tawh chuan mipui beng a verh ve tlatlo. Mak ka tihna hi a ni telin a zual, kan rilru put hmang hi.
Report this comment
April 11th, 2010 at 12:03 pm
Ava rapthlak ve…Pimp0m i sawi dik khawp mai, mizoram chhung ngeia kan mizo puiten hetiang antuar hi ramdang aichuan alet 100 vel in kan ngai pawimawh zawk tur ani .
Vehbur chu i khawn tehang u..Ka support e keipawh.
Report this comment
April 11th, 2010 at 1:10 pm
Hetiang Cyclone kan tawrh te hi khawvel hriata puan darh hi kan journalist te kut ani lo ziak taima zual teh se.
Veh bur khawn chu ka support khoops
Report this comment
April 11th, 2010 at 3:00 pm
Pa tling meuh pawh hi hawi vut vut a, fate aia khum hnuaia luh hmasak tum mai a awl duh khawp a nia. Thli hnathawh zawng… pi leh pu tan ‘zah ngai zahngai..’ lo tiawm reng an ni.
Report this comment
April 11th, 2010 at 3:07 pm
Pu Shai, nizana in comment-na kha phone atang ka lo en zuai zuai a, Bial khawmpui lamah’ Sorry! ni leh lo Bial khawmpui vangin ka ninhlei thilthiam chhe te hi Minute siam nan thawh ve a ngai pek a, Current a awmzui mai lo bawk nên ka misual hman ve ta lo (misualte thian ka ni hman ta lo zawk a ni) a, tunah hian lût ve leh chiah a ni. I thlalak ka lo hmu a, ka lawm lutuk. Tangkai dawn teh mai a nia.
Report this comment
April 11th, 2010 at 3:17 pm
Miretheite hmangaih inti chunga NLUP cheng nuaih 100 hmangral thiam Pu Hawla hian a sum neih 100 a hmun khat lek han thawh sela, eiru milian ho hian intih hmingthrat nan han thawh den den bawk sela a cover vek theiin ka ring. lol :lol:
Report this comment
April 11th, 2010 at 3:24 pm
politicians leh sorkar hnathawk reng2 sum ngah tak an nih chuan an eiru tih a chiang bal. an khawsak dan leh an sum hman dan atangin an inpuang ngei2
Report this comment
April 11th, 2010 at 3:41 pm
Contri.. ila ka s’port em em e!!!
Report this comment
April 11th, 2010 at 6:42 pm
Support….Pa ber tan chuan luhai thlak duh awm hle mai…….innghahna ber ni bawk si…hlau thlabar a awm theih si loh hlauh loh theih bawk si loh…….khawngaihthlak hle mai…thli leh ruahin a tihchhiat sak chhungkua te ka tuarpui khawp mai….thinglung takin….
Report this comment
April 11th, 2010 at 10:37 pm
Ziak thiam hle mai.. rilru khoih zak mai a.. mahse Pa bera sana khi a let zawng in a kal a mi??!!! 11 pm hnu ah 10:30 a ri a va ang ve?
vehbur chu ka support e kei pon.
Report this comment
April 11th, 2010 at 11:00 pm
Vehbur khawn chu huaihawt thei awm ta se, kan inphal hlawm hle dawn tih a lang reng mai maw? Mahse, thil buaithlak tak a nih duh hmel mange.
@ZOaTlau ber hi a reh tlat mai a. Ama thil tawn tak tak a rawn ziak nge? A tuarte kan hriatthiampui theih nan heti hian a rawn ti zawk?
Lo inkhawn thei ta tehreng pawh ni ila, ṭanpui ngai chhungkua hi engzat chiah nge awm ang aw.. An khua theuh VC-te kal tlangin kan inhlan mai thei angem? Nge, kan member tlawmngaia zinkual thei an awm zawk dawn?
Tu emaw huaihawttu fel tak kan awm loh chuan thil ṭha tih duh tan pawh tih dan kawng a vang a nih hi mawle.
Report this comment
April 11th, 2010 at 11:32 pm
@kawnga, Zoatlau hian a thil ziah atang khian mi te harsatna tawh dan kan lo mitthla ve thiam nan a rawn phuah chhuak a ni e..amah chuan tuar love.
Vehbur chu in rawn khawn hun hun a ni mai OR chumi khami hmun ah dah khawm tur in tih leh ka remsa e
Report this comment
April 12th, 2010 at 9:08 am
Keima tawn a ni lo a, hmun hrang hrangah chhiat tawkte kan tlawh kual a, a tawngte thiltawn hi ka rawn ziak chhawng ve mai a ni e.
Kha tawrhna rapthlak tak kha khawpuiin kan tawrh tlem avangin kan ngaihthah hle mai a, a rapthlak fu laiin Haiti tanpuite tih lamte kan tuipui daih mai a ni.
Help Mizoram charity concert emaw, live show siam tum mek a ni e.
Report this comment
April 12th, 2010 at 11:36 am
ZoaTlau i va han share tha ve…ni e dik khawp mai. Mahni mipui hi kan ngaihsak hmasa phawt tur ka ti ve tawp….
Report this comment
April 12th, 2010 at 11:44 am
khami zan/ zing kha chu ram thlak khop mai, keipoh kn nu leh ka fanu te kongkhar bulah an ding ran mai a, k fanu in ‘a pa hlau tuk ‘ an tih phei kha cuan, pa ber tan poh soi tur vang duh khop mai. Ruah/ rial / Thli te hi nge kan hlauh a siamtu PATHIAN hi tih poh hi in chhut ngun a ngai khop mai
Report this comment