Retold by Gospeli Pa. [Source : Youth Herald Aizawl 6 Ningani 4-12 th April, 1990.]
Youth Herald a kan rawn chhuah Pu Malsawma Colney ti ti niawma Pu Thanghuta (RIP) sawi niawma Gospeli pa in a sawichhawn chu mi tamtak ten chhuah leh tur chhunzawm tura mi ngen avangin “Chawngkhum dan tlang huat loh” tiin kan han ziak leh mai mai e.
SENVAWN : Senvawn khaw ho hi in zathum khua kan nia in ti a, in chapo ve em em a, in khuaah hian thirfian zawng khawm ila, pa te khat pawh kan hmu lovang. Engmah in hre lo, India constitutionah independent theihna dan a awm lo lovang te in ti a, rel bung hmu tawh zawng zawng ding rawh u ka ti ang a, in thu thup mai tur a sin.
Hmar ho hian engmah in ngam lo. Vaihmarcha bak eingam in nei lo. Sihneh kungah vaihmarcha ka tawktarh ang a, ka awk phiar mai tur che u a sin. Thu han sawi ila, “Ningatih” in lo ti thuai thuai a. Ninga chu va ko teh u, ka theihnghilh zat pawh a hre lo tih ka hria.
LENG : Leng khua hi khaw ropui in ni lo tih ka hria, in sumhmunah hian suk chang a tlahawlh lova, arbawm te pawh a tlahawlh. In khuaah hian lo kal ila bai hlang min lo hmeh pui a, in zak lawm ni?
VANCHENG : Vancheng nu ho hi engmah nei lo kal khawm in ni. Tuibur al tak a zuk bak thiam in nei lo tih ka hria. Pa ho lah hi mahni khum dap zat hria pawh in awm lo. In zak lo thin a nih chuan tun atangin lo zak tawh rawh u.
RATU : Ratu ho hi mimawl awm khawm in ni. Lalnghenga hi chhuang viau suh u. Israel Israel in ti a, bangah khawvel pumpui map ka khai ang a, Israel ram zawng rawh u ka ti ang a, in hmu zo chuang lovang.
Pu Thanghuta hnen a a lehkhathawn : Ngurchhina kha ngaisang vak suh u, theihmu kui leh China badam chin bak a hre lo. A nupui kha ngaizawngtu a hmuh hasak ber a ni. Vanmawia te lah kha a college kalna atangin Zemabawk tlang a lang. Ka college kalna atang chuan Governor in a lang.
Mizoram Sawrkar thuthar te chu 1. Lalthawmvunga China kal in lungi thar a nei. 2. Vanhlira rih lam 2 mds a ni ta. 3. Tlangchhuaka antam aiin ka antam a tha 4. Lalrinchhanan vaimim a nei tha ber.
TUIVAWL CAMP-AH : An camp saknaah rawhung alo thiat thiam lova, a thiante’n “B.A theuh theuh hi an lo inthlau mange, Pu Malsawma Colney-a te rawhung pawh thiat thei lo,” an lo ti a. Karachi leh Dacca kan thlen hunah chuan khawvel hian rawhung thiah chak leh chak loh hi patling leh patling lo teh nan an hmang lo tih kan hria ang!
P.S : A bak hria kan awm chuan thawh khawm ila……. 
Similar Posts:
- Vai leh Vai (Mizotawng lamtluang)
- Ruahsur nasa tak avanga chhiatna thleng thenkhatte
- Chepahakhata
- Mizo tawng diklo nge a hausakna zawk?
- Bible-a Rahabi Nawhchizuar kha
July 6th, 2011 at 8:06 am
1st ve tlat!
Report this comment
July 6th, 2011 at 8:21 am
Pu Malsawm colney a hi Aryan-a Pa alo ni reng lo maw? noi. Mi pangai sawi duh miah loh tur, mi hmuhsitna lam rawng kai, dawt ni miah si lo, dik deuh deuh, huat thua lak chì vak si loh a sawi thiam a ni. A tuartu tan na deuh mahse, a ngaihnawm bawk si. A dang…
Report this comment
July 6th, 2011 at 8:26 am
Deusawh nuihzatthlak thiam hle mai! Tun dinhmunah chuan a ni thei tawh bik nang, kan leikang chak ve fu tawh a nia!
“Idea that moves the world,” zir kha a ni tlat a!
Report this comment
July 6th, 2011 at 8:28 am
A. Thanglura thu leh hlate pawh kha chhiar leh a chakawm khawp mai
Report this comment
July 6th, 2011 at 9:04 am
Report this comment
July 6th, 2011 at 9:11 am
A mah hi biate khua a ni a, saitual nge pui ang tih an lo inhnial lai a hria a ni awm e, ti hian a chhang an ti, ‘saitual khaw ho hi tukverh in hawng khamphei a, nawhalh dozen 1 leh sahbawnsen tlang 3 vel in hung a, hmai in han phih tlai ve ngawt a’. A tuar tu tan chuan huatthu a lak ngawt chi si loh na deuh si a mi tih a thiam riau a ni. He he he
Report this comment
July 6th, 2011 at 9:28 am
A ho…… Mi rilru tina zawng a fiamthu thiam hi ka ngaisang lo tlat…..
Report this comment
July 6th, 2011 at 9:38 am
Lamtang atan a that dawn khi…
Report this comment
July 6th, 2011 at 9:38 am
Pu Malsawma hi voikhat chu a nau ruang thlak zanah thu a sawi ka ngai thla ve tawh. A ngaihnawm hlawm khawp mai. Nupui hi kum 60 a tlin hnu chauah ah a nei in ka hria. Khawvel ka fan chhuah pui theihna khawp pawisa ka neih hma loh chuan nupui ka nei lo ang a ti. Mahse in ti teh ang, kei KAWLNI hian Colney hi eng hnam nge a nih ka hre lo.. Mizo hnamah a tel bok si lo,sap hnamah tel bok si lo. A duh chuan min lo hnial rawh u.
Report this comment
July 6th, 2011 at 9:42 am
9@ (v)
Report this comment
July 6th, 2011 at 9:48 am
9@ i hnam hming i ziak thiam e.. (V)
Report this comment
July 6th, 2011 at 9:48 am
#9 Nikum i.e 2010 Dec khan Israel chu a zuk zinpui kha. Kei pawh Mizo hnamah hian Colney ka hre tlat lo. Colony an dah slang vel a ni mai lo maw.
Report this comment
July 6th, 2011 at 9:58 am
Ka nui kur kur mai, mahse keimah chu min hau ve dawn se chuan ka nuih a za miah lovang
Report this comment
July 6th, 2011 at 10:02 am
A ngaihnawm khawp mai. A chanchin khawi khawiah emaw chuan ka chhiar tawh a. Han sawichhawn tlakin ka hrechiang lo thung a.
Colney ka ni lo va, Kawlni ka ni bawk lo va, ka ngaimawh lem lo.
Report this comment
July 6th, 2011 at 10:05 am
A ngaihnawm kher mai, mahni lu zo veh vawh, inring tawk ve tak a ni ngei ang..khatla venga awm a ni tain ka hria.
Report this comment
July 6th, 2011 at 10:16 am
Mihring rilru hi a inanglo a, a ni tan chuan tawngkam satliah, huatna chhan tur awmlo a nih laiin midang tan chuan a nilo thei tho mai. Hetiang hian a mah (Pu Malsawma) pawh hi ti ila a haw kherlo ang chu, rilru chhiat vang hrim hrim a sawi a nih hmel lemloh, a pianchhuahpui talent a nih ve dawn hi …
Midang kan tih anga minlo ti ve te kan hua a nih si chuan kan rilru a lianlo/te hle tihna a ni phawt mai …
Report this comment
July 6th, 2011 at 10:30 am
Report this comment
July 6th, 2011 at 10:53 am
Hetiang lampanga min fiam ve a nih chuan nui ka tum lui ve hram2 anga, ka kareh chu a zau belh vak lo ang chu aw… Ani lah thinlung thianghlim takin la rik chhunzawm barh2 awm si a.
Report this comment
July 6th, 2011 at 11:06 am
A lo dawngtu nih ve lem loh chuan a ngaihnawm khawp mai
mihring hi kan inang lova, thenkhat chu hote ah pawh ang buan buan a, hre zui leh lemlo a lungawi leh nghal mai chite. Mahse a lo dawngtu thenkhat tan chuan nat rengna tur te pawh a ni thei. Kan rilrua a thawh dan ang anga sawi chhuah nghal zel hi tha ber lo fo…..te ka ti mai mai a.
Report this comment
July 6th, 2011 at 12:43 pm
Ropui ber hian a inhre ve ringawt a, pui ve tak a ni. Kan zir laiin American visiting professor hian tlang mi ka nih avangin min hmusit deuhvin ka hria a. Pu Colney-a hnenah hian ka sawi a, “E, e, e! I hmuh hmasak berah cho rawh. ‘Aizawl bulah eng lui nge luang?’ ti la a bo map mai ang. ‘Keini Mizo naran hian New York bulah eng lui nge luang tih kan hre vek asin’ i ti ang a. Tlawng lui awmna i zawt leh ang a, a hre lovang a, i thuhnuaiah i dah a ni mai,” a ti tun tun a. A mi fuih ang hian ka ti tep chu a ni. Chapona tha ve tak chu niin ka hria.
Report this comment
July 6th, 2011 at 12:44 pm
Pu Malsawm Colney -a fiamthu te hi tuman an huat awm an sawi ka hre ngai miah lo… Senator kha ania, a bial fanna lamah thutak a sawi hmain tikhian a pawt hmasa thin a, an lawm thei em em an ti tlat. A khaw hming hmerha kap anih avang khian tuman huat tinah an tin lo…mimal anga a fiam ho lah hi fiamthu duh bak anni leh miah si lo…. fiam tur leh fiam loh tur zawng a hre deuh aniang…Pu Thanghuta pawh fiamthu lam timi bawk alo ni nen..Pu Thanghuta phei kha chuan a fiamthute hi cassette ngatin a siam nghe nghe kha…a hunlai hre pha ve lem lo tan, tun hnu ah a sawi ni lova, han ziah chhawn takah chuan alo huatthlala te pawh ani mahna le…
Report this comment
July 6th, 2011 at 1:39 pm
He post chu ka lung a va tileng em! Pu Thanghuta titi hi naupan laiin a cassete kan nei thin a, chhungkua-in kan ngaithla thap thin; kan hlimpui thei khawp mai!
A titi hi ka hre teuh thin a, mahse ka theihnghilh tam ta a niang. Maite khua, Sihfa leh khaw dang dang a’n hauh vel pawh kha ngaihnawm tak a ni.
Report this comment
July 6th, 2011 at 1:49 pm
Pu Malsawma hi a titi kan ngaithla tawh a, mizo pa-ah chuan pa hmeltha, hleitling, smart tak titi thiam tak a ni. Hun nei phei ila chu tlaivar paw’n kan ngaithla peih ngei ang! Tin, pa huaisen tak a niin ka hre bawk. Principle leh integrity nei tha tak a ni.
Tum khat chu a zinna-ah BA aiin BCom an lo ngaisang zawk a ni awm e. ”he laiah in lo awm ve a, BA aiin BCom ka ngaisang in ti elo?? BCom ho te chu an zirlai a ho em, Bookkeeping, ‘lehkhabu rem that’ tih vel mai mai a ni. Sanday school-ah secondhand coat hlui em em in ha a, pen in thiat ve fur a, sunday sikul exam-ah ka chhang-ah in liam fai leh vek ringawt a” a ti ta hrep a ni awm e!
Report this comment
July 6th, 2011 at 7:51 pm
Teh hrep chuan aw…. A huat loh tur zawnga awm hram hram tum tur a nih hi. Chhunzawm zel teh u a hriate khan.
Report this comment
July 6th, 2011 at 9:08 pm
Pu Malsawma fiamthu hi tun an huat leh khin kan hre lo, A bulah a ti ti ngaihthlak chuan fiamthu a hre khawp mai. Attention a duh chuan hetia tih hrep hi a hrat an ti.
Rambuai hma atang khan Mizoram pawn lama lehkha zirlaite khan “Mizoram Mautam Famine Relief Committee” an siam a, hetah pawh hian Chairman pathum zinga pakhat a ni! Tum khat Pu Chaliha leh a khawnbawlte an hmuh tumin hmaichhanah “Mizoram tam enkawlna thuah i sawrkar hi a failed a ni,” a tih chuan pa zaidam taka ngaih Chaliha meuh pawh a sen tun tun mai an ti…….
Report this comment
July 7th, 2011 at 12:29 am
helai hi kan chhunzawm leh lawk ! Mizoram a buai a, independence an puang a, Government of Mizoram kha a ding ta a. Khami sorkar kha eng ang chiah hian nge an lo in form ang aw tiin ka ngaihtuah ta mai mai a… Pu Malsawm Colney-a hi Senator chu ani ngei mai a, Pu Thanghuta te, Pu Robula etc te kha MP an nia. Khami sorkar khan Pu Malsawma Colney-a chauh hi Senator a lo nei emaw ni dawn ni..te ka ti mai2 a…a hria chuan han hrilhfiah ula ka lawm ngawt ang…
Parliament hmasaber ani em chu ka hre lova, Sialsir ah rorel hi neih ani a ! Pu Thanghuta MP hian Mizoram Sorkar thar document kha a keng a,kalkawngah ruah a sur ta bawk nen changel hnahin a fun a, a huh loh nan tiin. A thlen inah a thawmhnaw a huh vek avangin ruak ngalngatin a mu a, zanah sipai hoin an rawn check thut mai a. Pu Thanghuta mu chu an kaithawh an tuma, ani a tho duh lo, a puan sinlai an han thlawh hlim chu engmah alo ha bawk silo, torchlight a an han enkual ngial pawhin engmah an hmu ta si lova, an chhuak leh ta mai a. Chu chu Pu Malsawma hian alo hria a, ‘ Kan MP te hi man zia reng an ni lo, han en ila, an awrte hi a puar a, an mut lahin kekawrte an ha bawk si lo,sorkar document lah changel hnahin ka fun e an ti bawk si, ‘ tiin alo kap an ti …:-P
Report this comment
July 7th, 2011 at 9:25 am
Youth Herald Aizawl hi Daily Newspaper hi em ni? A nih chuan in van dahtha rei em em, Youth Herald editor in chief hi ka pa Raltawna Ralte(L) ani ve asin.
Report this comment
July 7th, 2011 at 10:48 am
#26, loneeagle : MNF “Mizoram Sorkar” kha USA ang hian “Presidential Form of Government” ang deuh thlan a ni a. Democracy lungphum pathum “Legislature”, “Executive” & “Judiciary” awm tura duan a ni.
In sawi tak Legislature bikah khi chuan Parliament in 2-ah then a ni a, Senate leh House of Representatives.
Senate hi ‘Upa In’ tih a ni a, House of Representatives hi ‘Aiawh In’ vuah a ni bawk. Senate(Upa In) hian Upa 12 a nei a, H.R(Aiawh In) hian aiawh 24 nei tura tih a ni.”
Senate :
Senate President : Vice President of Mizoram
Pro-Temp. Pre. : Rev. Sakhawliana
Senators :
1. Lalmalsawma Colney
2.Bualhrang
3.R.Thangmawia
4.Lalhmuaka
5.Lalchhawna
6.Ngunhulha
7.Lallianzuala Sailo
8. Dr.Saikunga
9.Tlangchhuaka
10.Lalkhawena
11.Vanmawia te hi an ni a, MP 24 te chu sawi tel rih lo mai ang aw.
Report this comment
July 7th, 2011 at 10:52 am
#27, Youth Herald Aizawl kha Weekly Magazine a ni e.
Report this comment
July 7th, 2011 at 11:02 am
Pu Malsawma hian Bible bu te hi a khawilo kalnaah hian a hum reng thin a ni awm e, hei hi mi thenkhatin mak an lo ti deuh a, a chhiar lai an hmu ngai bawk si lova, ti hian an zawt ta a ‘Pu Sawma hi Bible hi i keng reng a, i chhiar pawh a ni si lova’ an ti a, a ni chuan eng danga chhang lo chuan, ‘sipai pawhin silai an keng reng a, an kap kher hlei nem’ a ti a ni awm e.
Report this comment
July 7th, 2011 at 11:35 am
KHAWBUNG BIAL MP PU THANGHLUTA HNENA LEHKHAW THAWN
KHAWBUNG Bial MP Pu Thanghluta hnena Pu Malsawma Kawlni lehkhaw thawn
To,
Class I&V (Pu Thanghluta hi Class 6 chen zir ani)
I lehkha rinawmlo tak kalo hmu, I lehkha ip kawma ‘Mi Ropui’ tihnachang i rawn hria hi itidik ani. Miropui kanih zia hretur hian mithuk. miril nih angai. Nang Class I & V mai hian heitia kanihna i hre mai hi amah ani. Tisa leh thisen in a hriattir che ani ang. I lehkha ah hian Ngurchhina te i rawn fak dawn dawn mai. Ngurchhina kha ngaisang vak suh, China badam kuitiah dan leh theihmu phundan Jorhat a a zir bak thiam aneilo tih ka hriattir a cheh. A nupui khan a tlangvallai in Champhai khawvawtah tuivawtin a inbualtir tih 1966 khan MP Biaksangan Sialsir Parliament ah min hrilh.
Tin Senator Hlunsanga rawnhaw kha annu lakah a inti pangchang a dawhthlengah a mu a “Anu mam-mam” ati, tih thawm kanlo hre bawk. Kan hotupa Thangkhuman Tatkawng zaitur a hual teuh tih kanlo hriatin Mizoram Sawrkarin a lawmpui a, MP Robula kha ilo hria em? Kha Chittagong ah pawh Lang Bathlarah mi vei ang thova veive chhen anih khah. A huanah Sapthei kungkhat a awm tih kanlo hria. Mizoram Sawrkarin ngialnghet ati hle.
Chhiar zawm duh tan source hi link ka dah e.
https://valtea.blogspot.com/200.....hnena.html
Report this comment
July 7th, 2011 at 12:00 pm
Hei link ka hmu fuh e………chhiar belh duh tan a ngaihnawm hmel khawp mai.
PU MALSAWMA KAWLNI AN PUBLIC MEETING HRANG HRANGA A THU SAWI IV
https://valtea.blogspot.com/200....._4878.html
PU MALSAWMA KAWLNI AN PUBLIC MEETING HRANG HRANGA A THU SAWI III
https://valtea.blogspot.com/200.....ng_14.html
PU MALSAWMA KAWLNI AN PUBLIC MEETING HRANG HRANGA A THU SAWI II
https://valtea.blogspot.com/200.....hrang.html
PU MALSAWMA KAWLNI AN PUBLIC MEETING HRANG HRANGA A THU SAWI.
https://valtea.blogspot.com/200.....hrang.html
Report this comment
July 7th, 2011 at 10:33 pm
Pu Malsawma hian Khatla (Chawnga Rd)-ah JL H/S Head Master thin Pu Lawmzualate in kha a luah thin a. Tum khat chu MP ah a candidate khan thingtlang lam atangin an rawn zawng a, Pu Lawmzuala ber kher kha an rawn zawt fuh si ani lawmah a lo tla………. “Ka pu, Pu Malsawma Colney te in in hria em ?” an han ti a. Pu Lawmzuala chuan, ” Pu Malsawma Colney chu kan hria a, mahse helaiah in a neih chu kan hre hauh lo mai ( a in hnuai pa hriat tur ngei a ring khan), kan in hnuaite khu zuk zawt chhin teh u, an lo hriat mial tak in,” a han ti chu Pu Malsawma khan a lo hre pha ngei a, a mikhualte chu lo chiau au pah chuan “Khi laiah khan Hmar pa mawl deuh kha in rawn hmu thla maw (Pu Lawmzuala hriat tur ngei khan) ?” a han ti zui ve zat a…
Report this comment
July 8th, 2011 at 3:10 pm
#29 khang hunlai chuan weekly in an chhuah thin a nih chu ka nu sawi danin. Tunah cuan a daily tawh.
Report this comment
September 9th, 2012 at 6:40 pm
A ṭha hi ka ti hlawm a…
Sawi belh tur ka hria. Mahsé tu tu emaw ten min haw viau mai ang tih ka hlau
Report this comment
September 9th, 2012 at 7:28 pm
Ava han hlimawm kher em! A pa rem rem hle mai, mipakhat chu a tling ve tawk a ni…tumloh deuha kan chhiar zawh fai vek chu a
Report this comment